مالكم ومال جنوب السودان !!! لو عايزين ديمقراطية وحرية تعالو هنا ده

بالجد لي زمن طويل وطويل جداً مستغرب من كل الاصحاب والاصدقاء
وكل المشتغلين أو مهتمين بالعمل السياسي في السودان أول
ما يقولو ليهم أو يسمعو بأن جنوب السودان حياخد حقه في الاستفتاء
من أجل الوحده أو الانفصال عن السودان علي طول يقولو :-
الجنوب ما حيقدر ينفصل لانو ماممكن يكون دوله براهو
أو يقولو :- لو انفصل حتدور فيه حروبات قبلية .
أو يقولو :- لو انفصل حيكون بلاد من غير مواني أو اي مقومات
ويواصلو في التاويلات والكلام من أجل عدم انفصال الجنوب .
وما يدهشني حقاً هو هل كل ما يستطيعون فعله من آجل الوحدة
أو من آجل اقناع اهل جنوب السودان بعدم التصويت للاستفتاء
هو مثل اقوالهم هذهّّّ!!!؟
وما يجعل الدهشة تستمر معي هو هل سعت الحركة الشعبية ومنذ
بداية تاريخها 1983م بالدعوة لحق المصير ام هو أمر رتبت له
الحركة الاسلامية (قبل انقسام القصر والمنشية) وسعت له سعي
حثيث حتي وقعت اتفاقية حق تقرير المصير بالمانيا ووقعها
(لام كول - علي الحاج) ولم تكن للحركة الشعبية إي يد بهذا
التفاق إلا انها سعت وبقوة ليكون هذا الحق حق اصيل لكافة
شعوب السودان المهمشة وليس حكراً لها هي وحدها وضمنته في
كثير من البنود من ضمنها ميثاق اسمرا للقضايا المصيرية
وتاريخ الحركة الشعبية منذ اندلاعها واضح ويدعو لسودان
يحكم دون تجزئية وبأسس جديدة .
فلماذا يظن ويقول الجميع بأن جنوب السودان ستندلع فيه
حروبات اذا انفصل عن دولة السودان (المركزية)!؟.
لماذا لا يستيع الاخر من غير جنوب السودان أن يهتم بشأنه
السياسي الذي سيتولد كشأن جديد اذا مضى جنوب السودان
لدولته الجديدة؟!! اليس أولى بأن يهتم كل أنسان بالذي
سيولد ؟!.

سلام سفيان
كيف بالله
اوافقك ان مثل هذا القول مستفذ للاخوة الجنوبيين
لكن انا قضية الانفضال دي بتمثل لي مأساة شخصية
فوق للوجع العام، صرتي مدفونة في مدينة راجا
سوف انقسم انا كذلك الى وطنين

أما اذا فعلاً السودانيين عايزين ديمقراطية وحرية
ودولة مدنية أو حتي علمانية فعليهم طريق واحد
فقط لاغيره هو :-
تغيير نظام الدولة المركزية التي تحكم السودان
منذ فجر 1956م إلي هذه اللحظة وليس هناك بديل
غير هذا الطريق .
وليعلم الجميع (بما فيهم شخصي) أن زمان المعجزات
قد انقضى و آن أخر معجزة منحت لنا كشعب كان هو
القائد جون قرنق ومضى وليس هناك أمل في خديعة جديدة
من قوانا السياسية التي تتحدث باسم الحرية والديمقراطية
وهي طول عمرها تغشنا بمثل هذه العناوين دون جد او عمل
وقوى اخري تنادي بالمدنية و العلمانية وهي لا تري في
العلمانية روآها الفلسفية والمنطقية سوى أنها يجب أن
تقوم في السودان لان بالسودان (اخوتنا الجنوبيين ديل
مسيحيين عشان كده يجب فصل الدين عن الدولة!!!؟) بالله ؟؟!!
عايزين العلمانية عشان الجنوبيين مسيحيين بس!!!!؟
يبقي خلاص أهو تجربة جديدة برضو الجنوبيين حيمنحوكم ليها
عشان تسوا وطن جديد علماني جد جد عشان حوجتكم انتم مش
عشانهم هم لانهم مسيحيين يلا فرجونا علي شطارتكم !!!.

Quote: سلام سفيان كيف بالله اوافقك ان مثل هذا القول مستفذ للاخوة الجنوبيين لكن انا قضية الانفضال دي بتمثل لي مأساة شخصية فوق للوجع العام، صرتي مدفونة في مدينة راجا سوف انقسم انا كذلك الى وطنين

يا نصار يا عزيزي تفتقدك الاماكن هنا وافتقدك

ياخ ده استفذاذ ما بعدو استفذاذ مالهم ومال
الجنوب طالما انه دولة لغيرهم!!؟
بالنسبة لوجعك يا صاحبي ربك يهونو.