Post: #1
Title: بلد "العمالقة " و"المبالغة"
Author: abubakr
Date: 04-25-2010, 00:35 AM
Parent: #0
قرءت قصصا عن زمان كان فيه البشر عمالقة ورايت رسما لاحدهم اسمه جلفر مربوطا بمئات الحبال والبشر العاديون امثالنا حوله كالنمل .. وقيل ان البشر عند هود وثمود كانو عمالقة ... وعند ظهور التلفزيون ذو الثلاث ابعاد والانيمشن anmiation رايت رسما لعمالقة وبيق هلكز Big Hulks... يعني كل محصولي من امر العمالقة قراءات وتاريخ وتخيلات سينمائية ولكن يبدو ان السودان ملئ ب"العمالقة" لكن لان حجمي هيومن سايز Human Size .. يعني عادي ونظري علي فدر حجمي والذي حوله ويادوبك اري برج خليفة والتي بنته الشركة التي اعمل فيها وبالتالي لا اري هؤلاء العمالقة السودانيون الذين هم اطول واعتي من ذلك ....
سبب حديثي هذا هو ما ان يكون هنالك برنامج غنائي او حواري او اية حاجة في الفضائيات السودانية الا وتجد واحد او اتنين او المذيع او المذيعة يشيرون الي الضيوف الذين معهم بانهم "عمالقة " ودائما يختم واحد منهم الحديث " وانا اليوم جالس مع العمالقة " .. فيشغلني البحث وفق نظري الهيومان سايز Human size لاري هؤلاء العمالقة فلا اجد الا سامبل sample لهم عادي زيي زييك ... واقول يارب هم بكشو كيف ويبقو في حجمنا العااادي دة .....
ياربي......مبالغة ... مش ...؟؟؟
|
Post: #2
Title: Re: بلد "العمالقة " و"المبالغة"
Author: Walid Safwat
Date: 04-25-2010, 03:25 AM
Parent: #1
ياباشمهندس موضوعك
موباااالغة
لله دركم يالعمالقة وقريبي ابوبكر
|
Post: #3
Title: Re: بلد "العمالقة " و"المبالغة"
Author: abubakr
Date: 04-25-2010, 03:50 AM
Parent: #2
ياااااوليد
كان جابك يبقي مبااااالغة ... تحياتي للمعاك
__________
ايهاب صاحبك ببااااااالغ قال جاي يزورنا وخلانا يوميين ننتظرو ....مباااالغة
|
Post: #4
Title: Re: بلد "العمالقة " و"المبالغة"
Author: Ahmed Elmardi
Date: 04-25-2010, 04:20 AM
Parent: #3
سلام يا أبوبكر
"عمالقة" وآحيانا " عالميين"..
في زمنا دا حكاية عالمي دي حاجة صعبة خلاس!!
يعني هو زول (عالمي) لو مشيت لآكبر الجامعات ومراكز البحث في العالم في تخصصهم وقلت ليهم فلان الفلاني
أول حاجة يقولوها ليك: (يطرشنا) واحتمال بالعربي كمان ( هههة).
دي كلها شغلة لاستهلاك (العامة) وتغبيش رؤاهم ليس الا..
|
Post: #5
Title: Re: بلد "العمالقة " و"المبالغة"
Author: abubakr
Date: 04-25-2010, 05:12 AM
Parent: #4
يا عزيزي احمد
زمااااانك القياس كان بالذي حولك وفي متناول يدك وما اتفق عليه بعديين ظهرت مواصفات وقياسات لمجموعات اكبر من البشر ثم عالمية وصار مدي البصر يتجاوز المحل الي عوالم كثر صوتا وصورة بتقنية اتصال عالية وتوفر مواد مقرؤة ومرئية ومسموعة بكثرة .. وسط هذا كله جماعتنا ما بتجاوزو ضلهم ويصروون علي انه ضل القمر ...
الفضائيات توصل المعلومة صورة وصوتا الي كل اركان الدنيا وهؤلاء ما زالو يظنون انهم في داخل علبة الاستوديو وان مشاهديهم خارج الباب .....
حالنا وحال بلادنا واهلنا بيان عيان ففيم المبالغة
مودتي
ابوبكر
|
Post: #6
Title: Re: بلد "العمالقة " و"المبالغة"
Author: abubakr
Date: 04-25-2010, 06:46 AM
Parent: #1
اليس نعت الشئ بما ليس هو "كذبا" .. هل نحن "كذابون" ؟؟؟
|
Post: #7
Title: Re: بلد "العمالقة " و"المبالغة"
Author: محمد الأمين موسى
Date: 04-25-2010, 08:12 AM
Parent: #6
أخي العزيز أبوبكر... عندنا في كردفان مثل بيقول: "الفقران راس الغنماية بيملأ بيتو!" تقول لي برج خليفة؟... الناس عندها برج البركة بجلالة قدره!
يا سيدي الفاضل سوداننا الحبيب دخل عهد الفيشار وتخطينا مرحلة تضخيم الذات إلى نفخ الذات: فلا أحد يقبل بأقل من البروفيسور شب والدكتوراه متروكة للمتواضعين!
|
Post: #8
Title: Re: بلد "العمالقة " و"المبالغة"
Author: عمر دفع الله
Date: 04-25-2010, 08:36 AM
Parent: #7
|
Post: #9
Title: Re: بلد "العمالقة " و"المبالغة"
Author: abubakr
Date: 04-25-2010, 08:46 AM
Parent: #7
يا عزيزي محمد
دي حالة مرضية ويبدو انها صارت وباء مؤخرا فتعملقت اشياء كثيرة في بلادنا
|
Post: #10
Title: Re: بلد "العمالقة " و"المبالغة"
Author: abubakr
Date: 04-25-2010, 09:01 AM
Parent: #9
شكرا جزيلا يا عمر فلقد رسمت فاوجزت ....
|
Post: #11
Title: Re: بلد "العمالقة " و"المبالغة"
Author: abubakr
Date: 05-01-2010, 04:41 PM
Parent: #10
خمس سنوات وكام شهر لجعل الوحدة غير جاذبة وسبع شهور وكام يوم لجعلها جاذبة ببركة المشير سوار الدهب ولجنته ....
|
Post: #12
Title: Re: بلد "العمالقة " و"المبالغة"
Author: سلمى الشيخ سلامة
Date: 05-01-2010, 04:51 PM
Parent: #11
العمالقة ؟؟؟؟
هذا زمن الاقزام ياصحبى الجميل
والتقزيم ايضا فهم يقزمون من لا يريدون ويعملقون من شاءوا
يدكترون من لاشهادة له
وهذا امر شهدت عليه
ففى القاهرة قام احد ارباب النظام بالامتحان للماجستير
وسميت نتيجته فى القاهرة بين المبعوثين باللاات الثلاثة
لاتنشر ، ولاتطبع ، لا تخرج من المكتبة
حين عدت للسودان وجدته دكتوووووورا فيما عرف بكلية الدراما
ورئيسا لقسم كمان
مش هو برضك عملاق ولا ايه ؟
|
Post: #13
Title: Re: بلد "العمالقة " و"المبالغة"
Author: abubakr
Date: 05-01-2010, 04:55 PM
ياصحبي الجميل
| Quote: مش هو برضك عملاق ولا ايه ؟ |
دة مش البقولو عنو المصاروة "دة هجمة يمة "
|
Post: #14
Title: Re: بلد "العمالقة " و"المبالغة"
Author: singawi
Date: 05-01-2010, 05:41 PM
Parent: #13
سلام يا باشمهندس
زمااااااان في مسجدنا كان متلحنا ليك فكي بجي من وين ما معروف .. يظهر كل كم شهر مرة وبيظهر يوم الجمعة والمسجد مستف لي برنداتو ويقول كدي بعد الصلاة يستلم المايك ويجيب أحاديث مخرمجة لغة وموضوعاً ويرجع ليك سنده للموطأ . والقاسم المشترك في أحاديثه كلها مشاركة الخلفاء الأربعة فيها .. عينة يقول ليك فقام سيدنا أبوبكر وقال يا حبيبي يا محمد ووووو ثم قام سيدنا الفاروق وقال يا حبيبي يا محمد وووووو مروراً بسيدنا عثمان وختام الحديث بسيدنا علي . الفورمة دي ثابتة والتفاصيل مختلفة ولكنها لا تستقيم عقلاً ولا لغة . وكلما نسألوا أحاديثك دي بتجيبها من وين يقولك من الموطأ . أها يوم واحد روحو محرقاهو جاب معاهو الموطأ وانتظر ليك صاحبنا .. أها اول ما خلص كلامو طلع ليهو الموطأ .. قال ليهو دا الموطأ .. طلع لينا أحاديثك دي منو .. الفكي بي جدية يحسد عليها قال ليهو .. لا يا هبيبي .. انت قايلا في موطأ الإمام مالك .. لا ياخي دي من موطأ الفكي أبدو اللاهي . بالله في عملاق أكبر من الفكي عبد الله العمل ليهو موطأ والأحاديث من جيبو كمان .
|
Post: #15
Title: Re: بلد "العمالقة " و"المبالغة"
Author: سلمى الشيخ سلامة
Date: 05-01-2010, 05:47 PM
Parent: #14
| Quote: بالله في عملاق أكبر من الفكي عبد الله العمل ليهو موطأ والأحاديث من جيبو كمان . |
تصلح لان تكون مبااااااااااااالغة القرون القادمة
|
Post: #16
Title: Re: بلد "العمالقة " و"المبالغة"
Author: abubakr
Date: 05-01-2010, 06:09 PM
Parent: #14
يا سنجاوي ...اضحكتني كثيرا ...جعل الله ايامك كلها مسرة
| Quote: بالله في عملاق أكبر من الفكي عبد الله العمل ليهو موطأ والأحاديث من جيبو كمان . |
وانا اقول العمالقة الكتار الماليين البلد اليوميين دييل ابوهم منو ..اتاري الفكي عبدالله فرخ دييل كلهم ..يديهو العافية ...
|
Post: #17
Title: Re: بلد العمالقة و المبالغة
Author: Walid Safwat
Date: 05-01-2010, 07:00 PM
Parent: #16
"من تدكتر فقد تعملق. ومن بالغ فقد اوفى. ومن اوفى فقد آمن. وشيمة المؤمن المبالغة" اخرجه الفكي ابديلا
وصححه المهندساني - عن كتاب المدنقر في بير الطاحونة
____________________________________________
ياباشمهندس... لكين المترجم مابالغ معاك...
لوكان يعرف قيمة ساعة بقرب العمدة ......
لما كان اسمو ايهاب كان زي الساعة الرومر
لكن الان .... ابوالاوغاد ما مضمون ....
|
Post: #18
Title: Re: بلد العمالقة و المبالغة
Author: abubakr
Date: 05-01-2010, 07:36 PM
Parent: #17
وليد صفوت سلام
| Quote: ياباشمهندس... لكين المترجم مابالغ معاك... |
هسع هو ما مترجم ساي لكن بتاع علاقات عامة وعشان كدة ببالغ وانت زمان ما كانت شاشة الكمبيوتر معلقة في صدرك اها بقيت تبالغ وتجي بعد اسبوع ....
|
Post: #19
Title: Re: بلد العمالقة و المبالغة
Author: singawi
Date: 05-05-2010, 07:28 PM
Parent: #18
| Quote: تصلح لان تكون مبااااااااااااالغة القرون القادمة |
تعرفي .. بالضبط الفلم دا ليهو خُمس قرن الآن وما زال صداه يتردد ويسقط على أشباهه ويتجدد .. وبتوثيقه هنا يصبح احتمال القرون القادمة وارد بالحيل .
تحياتي
|
Post: #20
Title: Re: بلد العمالقة و المبالغة
Author: عبدالرحمن إبراهيم محمد
Date: 05-05-2010, 08:36 PM
Parent: #19
ياباشــــمـهـنــدس ســـــــــلام
| Quote: وقيل ان البشر عند هود وثمود كانو عمالقة |
أهــا يــاقــريـبــى
الســـعــوديـيــن بــرهــنـوهـا لــيــك
آيـــه رأيــك فى الـمـبالــغات دى.
ســــلام وكــل الـــود
|
Post: #21
Title: Re: بلد العمالقة و المبالغة
Author: singawi
Date: 05-06-2010, 02:10 AM
Parent: #20
| Quote: وانا اقول العمالقة الكتار الماليين البلد اليوميين دييل ابوهم منو ..اتاري الفكي عبدالله فرخ دييل كلهم ..يديهو العافية ... |
سلام يا هندسة
أدام الله عليك نعمة الانبساط
ما سمعت بالحوار الغلب شيخو .. في الباقي الفكي عبد الله كان حضر زمنا دا .. عميليق صغيييير من فراخو الما قام ليهم ريش يوديهو البحر ويرجعو عطشان .
تحياتي وأطيب أمنياتي
|
Post: #22
Title: Re: بلد العمالقة و المبالغة
Author: أبي بكر سيد احمد
Date: 05-06-2010, 01:43 PM
Parent: #21
شيخنا الباشمهندس سلام ...
اولاً بالتبادي ليك وحشة (عملاقه)..(ليس التعبير مستمداً من عملقه مذيعي الفضائيات حديثي ولادة الذهن ومالئي صحف الفضائح (العملاقه) التواجد )
حكمة الله يا استاذي العملقه لا تحسن فرص البقاء ....
ولو كان البقاء للعمالقه ...لما انقرضت الديناصورات
ربنا يكبر العقووووول ...
وتاني ليك وحشه والله
اخوك السنجك
|
Post: #23
Title: Re: بلد العمالقة و المبالغة
Author: abubakr
Date: 05-06-2010, 01:57 PM
Parent: #22
ياسمي الفنان السنجك الهربان منذ عقد القران دي ذاتها مبااااالغة اها من يوم عقد قرانكم وداك الاتصال الهاتفي قبل ما يقارب ثلاث سنوات اها ودييك وعييك ...مبالغة
|
Post: #24
Title: Re: بلد العمالقة و المبالغة
Author: abubakr
Date: 05-06-2010, 02:05 PM
Parent: #20
تحياتي عبدالرحمن
| Quote: آيـــه رأيــك فى الـمـبالــغات دى. |
قبل سنوات كنت افكر في حجم البشر مثلا زمن سيدنا ابراهيم الخليل والسبب انو عليه السلام كان متزوج في اليمن جنوب الجزيرة العربية وفي النوبة جنوب مصر وكيف السيدة هاجر مثلا بطفلها وصلت الي موقع البئر وقد قرءت يوما ان الرحلة كانت يوميين او اياما ....كيف تقطع الاف الكيلومترات في ايام او يوميين وليس سنيينا اذا كان حجم الانسان هو حجم اليوم ...هل حجم عاد وثمود كان حجم كل البشر في زمانهم ...؟؟ هل لعوامل بيئة وتاريخية وحضارية دخل في حجم البشر ...الخ ... اها شطحات مبالغة مني انا ....
|
Post: #25
Title: Re: بلد العمالقة و المبالغة
Author: abubakr
Date: 05-06-2010, 02:10 PM
Parent: #24
| Quote: أدام الله عليك نعمة الانبساط |
يا سنجاوي وادامه عليك وعلي الجميع .. مش مبالغة لو الواحد ينبسط وفجاءة يتذكر ان انبسط ويقول "خير اللهم اجعله خير" ...؟؟
مع "العمالقة" اليوميين دييل بقو يقولو "فطاحلة" ...الواحد كدة يطفطحل يا بلاش
|
Post: #26
Title: Re: بلد العمالقة و المبالغة
Author: عبدالرحمن إبراهيم محمد
Date: 05-06-2010, 04:46 PM
Parent: #25
يـــاقــريــبـى ســــلام.
الـبروفــيــســور كــمال صــلـيـبـى مـن الجــامــعة الأمــريــكـيـة بـبـيـــروت
لـه نــظــريــة تــقــول أن إســـــــــــرائــيــل الــتاريــخـيـة
كانـت بالـــيــمــن ولــيــس فـلـســطــيـن.
ودعــم رأيـــه بآيات مــن الــكــتاب الــمـقـدس والـجــغــرافــيا والـبـيـئــة.
وأنــا لــدى بــحــث لــم يـكــتـمـل يــرمــى إلى فــرضــيـة
أن هــجــرة أو هــروب الـيــهــود مــع مـوســى (علـيـه الســلام)
لــم تــكـن عـن طــريـق ســيــنـــاء
ولــكـن عـن طـريـق بـاب الـمــنـدب
وهـــذا يــدعــم نـظــريـة بروفــيــســـور صــلـيـبـى
|
Post: #27
Title: Re: بلد العمالقة و المبالغة
Author: abubakr
Date: 05-06-2010, 05:08 PM
Parent: #26
يا قريبي
| Quote: كانـت بالـــيــمــن ولــيــس فـلـســطــيـن. |
انه يقول ان الكنعانيين والاسرائيليين كانو هناك ثم ارتحلو الي فلسطين حامليين معهم اسماء الاماكن ولذا وجدت نفس الاسماء في المكانييين ...المبالغة هي في سرعة الحركة .. يعني الهياكل الضخمة التي في الصورة اعلاه كانت تقطع الكيلومتر في خطوات اقل مقارنة بحجم راسها الذي يوازي حجم انسان كامل اليوم ( نسبة حجم الراس للجسم هو 1/8 -الثمن- وطول خطوة الانسان بتاعنا اليومي حوالي 90 الي 105 سم ) يعني انسان اليوم يقطع الكيلومتر تقريبا في الف خطوة وهو 1/8 من حجم الانسان العملاق....
|
Post: #28
Title: Re: بلد العمالقة و المبالغة
Author: abubakr
Date: 05-21-2010, 10:03 PM
Parent: #27
مبالغة في العشوائية:
**ملابس فرفور
**الوان الديكور في الفضائية السودانية
|
|