Post: #1
Title: الهزيمة الثلاثية قاسية ...لكن ليس من العسير تعويضها
Author: محمد البشرى الخضر
Date: 04-24-2010, 11:10 AM
فعلها الهلال مع ناساروا النيجيري من قبل
و فعلها المريخ مع فريق مالي - أعتقد
مطلوب التالي من الجهاز الفني و الجمهور و الإعلام و الإدارة
الجهاز الفني - ابعاد اكرم وكاساروكا و تجهيز كلتشي و ارجاع نجم الدين للدفاع و البدء بفيصل العجب
الجمهور - ملأ الاستاد من دغشا بدري و التزود ما أمكن بما تيسر قوارير كريستال و احجار صغيرة غير حادة الأطراف - لتجنب الأذى الجسيم لحامل الراية
على الإعلام التركيز على هزائم الترجي القاسية للهلال و عن فرص الإسماعيلي لتخطي الهلال وعن فشل الهلال طوال تاريخه في الفوز بلقب خارجي
وعن فوز المريخ ثمانية مرات متتالية على الهلال و عن عدم تسجيل الهلال لهدف في شباك المريخ طوال عشرين سنة - ونيف - في كاس السودان
وعن عدم صحة اعارة كواريزما وامولادي العام الماضي و عدم قانونية تسجيل سادومبا
وأخيرا وليس آخرا الفرمالة المحببة "لن يبطرنا النصر و لن تهوززنا البتاعة"
و " ستظل , ستظل , ستظل .... إلخ"
الوالي - الضغط على الاتحاد الافريقي لتعيين الحكم البوتسواني الشهير لإدارة مباراة الرد
الوصول لثور هجوم الترجي النيجيري أنرامو و عرض شراؤه بـ 10 مليون دولار
التنسيق مع الاسماعيلي و تحفيز الحضري و حمص و آخرين
|
Post: #2
Title: Re: الهزيمة الثلاثية قاسية ...لكن ليس من العسير تعويضها
Author: Amira Elsheikh
Date: 04-24-2010, 11:28 AM
Parent: #1
سمك ..لبن .. تمرهندى ..
دا لمو عليك ما لازمنا........
بكرة قريييييييييب .....
|
Post: #3
Title: Re: الهزيمة الثلاثية قاسية ...لكن ليس من العسير تعويضها
Author: tmbis
Date: 04-24-2010, 11:48 AM
Parent: #2
| Quote: بكرة قريييييييييب ..... |
.. الكلام دا بتابيهو ..  أنا لحدت الآن متعاطف معاكم .. ومن أمبارح ما نمته .. ما تخلينا نقوم حسع نفتح ليكم (تلاتة) بوستات مع بعض ..
الواحد لما يكون مغلوب اتفقنا إنو ما يجي داخل البورد إلا بعد (تلاتة) ايام .. ودي فترة الحداد الرسمية والمتبعة والمتعارف عليها ..
إنت بالذات مدنك إجازة مرضية .. (تلاتة) يوم .. لان كل ما تكتبيه هنـا .. سيستعمل ضدك في مقبل الأيام .. 
...
المحلل الرياضي محمد البشرى الخدر ..
ممكن أعمل إضافة يا مداخله ..؟
اعتقد إنو من أهم عوامل النجاح .. إنو ناس المريخ يوم الكورة ما يقرو مخدر أبو القاسم .. كمونية الحقيقة .. لانو بي صراحة كدا .. بيخدرم وبيخليهم يقبلو الهزيمة عااادي وبي صدر رحـب ..
على العموم ..
المريخ ح يكسب نتيجة المباراة .. بي شكل جيد جدا وح يغلب الترجي التونسي أربعة صفر .. وح يكون أكرم النجم الأول للمباراة ..
ملحوظة:
أخوي الكبير كان بلعب حارس مرمى درجة أولى .. قام أخوي الأكبر منو وكان طالب في معهد الموسيقى والمسرح (بالتطعيم) بي اخوى كحارس مرمى في دوري الجامعات والمعاهد العليا ..
لاعبين في الميدان الشرقي على ما اذكر ضد هندسة واللا اقتصاد ما متذكر لكن متذكر انو كان في الفرق عمر النقي .. وحاتم معني .. إن لم تخني الذاكرة ..
الكورة كانت في الميدان الشرقي ..
بتاعين معهد الموسيقى ضاربين العدادات وعشا الفنانين .. والواحد جاي خاشي الميدان عيونو حمر .. يجري خطوتين طااخ يقع يعملو ليهو تنفس اصطناعي عن طريق ضغط الأرجل على الصدر .. بعد شوية (يطرش) .. المهم لما يصحى بيلقى دخلو تلاتة أقوان ..
عمر النقي يجدعه لي حاتم معني .. حاتم معني يحاور ليك مستر (اوشان) وهو قاعد في المعهد هناك ويحاور الجماهير بره .. ويجيب قون .. والمحاورة دي كلها في النص بتاع ناس المعهد .. بعد شوية خرخرو قالو ما دايرين ..
المهم الكورة لما انتهت كانت تقريبا .. أربعطاشر واللا اطناشر صفر ما عارف .. والطريف في الأمر إنو نجم المباراة كان أخوي حارس المرمى .. 
من اليوم داك قررت إنو اي مباراة لي فريق معهد الموسيقى والمسرح اكون فيها حضور بشكل قوي جدا ..
ارجو يا اميرة أنك تنظري للنصف الممتلي من الكوب .. في القصة بتاعتي دي .. ولا تكابري
|
Post: #4
Title: Re: الهزيمة الثلاثية قاسية ...لكن ليس من العسير تعويضها
Author: هجو الأقرع
Date: 04-24-2010, 12:18 PM
Parent: #3
اخونا ود البشرى سلام و عساك رايق ، البارح شفت المباراة ، وكما قال اخونا تمبس لم اعمل بحكمة الثلاثة ايام (سيك ليف) ، رغم مريخيتى اقول ان المريخ خرج من دورى الابطال ، لسبب بسيط ان دخول اهداف وارد فى حالة ضعف دفاع و حراس المريخ الحاليين فى ام درمان ، مازال اللاعب السودانى غير متعود على اللعب امام الضغط الجماهيرى خارج السودان . المشكلة برضو فى جمهورنا فى السودان بيجى عشان يتفرج مش يشجع ، ومع اول هنه يسكت ............... الشاف المريخ فى الكونفدراليه ما كضب . سبحان الله مزمل عشان يبع صحفيته ما زال مصرا على تخدير الجماهير بالفوز .
|
Post: #5
Title: Re: الهزيمة الثلاثية قاسية ...لكن ليس من العسير تعويضها
Author: Maawya Hussein
Date: 04-24-2010, 12:30 PM
Parent: #4
|
Post: #6
Title: Re: الهزيمة الثلاثية قاسية ...لكن ليس من العسير تعويضها
Author: waleed dawash
Date: 04-24-2010, 12:32 PM
Parent: #4
| Quote: من اليوم داك قررت إنو اي مباراة لي فريق معهد الموسيقى والمسرح اكون فيها حضور بشكل قوي جدا |
اول مره اعرفك حاقد.
|
Post: #7
Title: Re: الهزيمة الثلاثية قاسية ...لكن ليس من العسير تعويضها
Author: tmbis
Date: 04-24-2010, 12:36 PM
Parent: #6
| Quote: اول مره اعرفك حاقد. |
.. يا وليد ياخ الكورة أقوان .. وأنا قاعد اشجع اللعبة الحلوة
|
Post: #8
Title: Re: الهزيمة الثلاثية قاسية ...لكن ليس من العسير تعويضها
Author: محمد كابيلا
Date: 04-24-2010, 12:44 PM
Parent: #3
| Quote: أنك تنظري للنصف الممتلي من الكوب |
كلامك دا كلو
كوب فاضى ..!!
وحتى ذلك الحين ننتظر النصف الممتلىء ؟
|
Post: #9
Title: Re: الهزيمة الثلاثية قاسية ...لكن ليس من العسير تعويضها
Author: tmbis
Date: 04-24-2010, 12:54 PM
Parent: #8
| Quote: وحتى ذلك الحين ننتظر النصف الممتلىء ؟ |
.. والله لو بتسمع كلامي .. شيل الكوب دا وأعمل ميت .. دا نصيحة ما بتلقاها اليومين دي ..
|
Post: #10
Title: Re: الهزيمة الثلاثية قاسية ...لكن ليس من العسير تعويضها
Author: Amira Elsheikh
Date: 04-24-2010, 01:27 PM
Parent: #9
Quote: الكلام دا بتابيهو .. أنا لحدت الآن متعاطف معاكم .. ومن أمبارح ما نمته .. ما تخلينا نقوم حسع نفتح ليكم (تلاتة) بوستات مع بعض ..
الواحد لما يكون مغلوب اتفقنا إنو ما يجي داخل البورد إلا بعد (تلاتة) ايام .. ودي فترة الحداد الرسمية والمتبعة والمتعارف عليها ..
إنت بالذات مدنك إجازة مرضية .. (تلاتة) يوم .. لان كل ما تكتبيه هنـا .. سيستعمل ضدك في مقبل الأيام ..
... |
اها ياتمبس جيتنى ...
والله زمان كنت باخد اجازة خمسة وستة ايام لكن بعيد عنك مانفعت لانو ناس ا
لخمسة والستة ديل بنجضوك بالرسايل والتلفونات نجاض,,وبرضو لما ترجع بعد الخمسة والستة يدقو ليك صيوان عزاء من جديد,,,
فقلنا اخير نجى نعوم مع العايمين,,,
وانت واحد من الناس تعاطفك لمو عليك ومايلزمنيش..
ورااااصنى ياجدع..
|
Post: #11
Title: Re: الهزيمة الثلاثية قاسية ...لكن ليس من العسير تعويضها
Author: Amira Elsheikh
Date: 04-24-2010, 01:32 PM
Parent: #10
Quote: ارجو يا اميرة أنك تنظري للنصف الممتلي من الكوب .. في القصة بتاعتي دي .. ولا تكابري
|
ابييييييييت
|
Post: #14
Title: Re: الهزيمة الثلاثية قاسية ...لكن ليس من العسير تعويضها
Author: ديامي
Date: 04-24-2010, 01:45 PM
Parent: #11
تمبس يا (أبو النسب ) شايف نسابتك كتيرين بي هنا سلام
الذاكرة خانتك في عمر النقي فهو خريج جامعة القاهرة فرع الخرطوم ( دفعة )
تحياتي لدكتور كباشي ولوالدة حرمكم المصون ( بنت عمي الجزولي )
صلاح مدني وهدان
|
Post: #15
Title: Re: الهزيمة الثلاثية قاسية ...لكن ليس من العسير تعويضها
Author: tmbis
Date: 04-24-2010, 01:55 PM
Parent: #14
Quote: تمبس يا (أبو النسب ) شايف نسابتك كتيرين بي هنا سلام
الذاكرة خانتك في عمر النقي فهو خريج جامعة القاهرة فرع الخرطوم ( دفعة )
تحياتي لدكتور كباشي ولوالدة حرمكم المصون ( بنت عمي الجزولي ) |
.. الله يزيد ويبارك يا ديامي .. والله كمية نسابة كتيرة خلاص ..
والله فعلا الحاجات جايطه في راسي .. خلاص معناته دي الغلبة التانية بتاعت عمر النقي دي في ماتش الفرع .. اصلو جماعتك ديل ملطشة الدورة كانوو..
.. وهــدان دي ذاته ما غريبة علي ..
ليها علاقة بي نادر محمد نور .. وناهد .. وناس تراوة وفيصل ..؟
أنا من ما قلت لي المرة الفاتت دكان شعيب .. قلبي ماكلني ..
|
Post: #12
Title: Re: الهزيمة الثلاثية قاسية ...لكن ليس من العسير تعويضها
Author: tmbis
Date: 04-24-2010, 01:34 PM
Parent: #10
Quote: لمو عليك ومايلزمنيش..
ورااااصنى ياجدع.. |
.. طب والقران ما يصحش كدا يا تفيده ..
تاني بتروحي تونس من وراااانا .. مش اولتيلك بيبهدلوووك .. إنتي ما بتسمعيش الكلام لييه يا بتعععه
|
Post: #13
Title: Re: الهزيمة الثلاثية قاسية ...لكن ليس من العسير تعويضها
Author: Amira Elsheikh
Date: 04-24-2010, 01:42 PM
Parent: #12
| Quote: تاني بتروحي تونس من وراااانا |
سمعنى ايش انقولك...تونس حلوة برشاااا
|
Post: #16
Title: Re: الهزيمة الثلاثية قاسية ...لكن ليس من العسير تعويضها
Author: ديامي
Date: 04-24-2010, 02:02 PM
Parent: #13
المرة الفاتت ياتها يا زول
ودكان شعيب منو ؟؟؟؟
أنا أكتشفت إنك نسيبنا قبل يومين بس
وقلت الليلة أركب بص النسابة ده حتى لو ينزلني في باب التونسية
لك ألف تحية
|
Post: #17
Title: Re: الهزيمة الثلاثية قاسية ...لكن ليس من العسير تعويضها
Author: كمال مبارك
Date: 04-24-2010, 02:02 PM
Parent: #13
يا تمبس ،، للتصحيح
عمر النقى خريج جامعه القاهرة
حاتم معنى خريج جامعه الخرطوم
|
Post: #18
Title: Re: الهزيمة الثلاثية قاسية ...لكن ليس من العسير تعويضها
Author: وليد محمد المبارك
Date: 04-24-2010, 02:11 PM
Parent: #17
اهو غايتو برضو في اقسى هزيمة لينا من اترجي اخدنا نص الاختوه منو
|
Post: #19
Title: Re: الهزيمة الثلاثية قاسية ...لكن ليس من العسير تعويضها
Author: منتصرمحمد زكى
Date: 04-24-2010, 05:43 PM
Parent: #18
يا هلالاب قدمتو السبت أرجو الأحد
شكلكم كده ما شين بسياسة الهجوم خير وسيلة للدفاع
والله لو في محلكم ما أفتح خشمي الا بعد صفارة الحكم يوم الأحد
الكورة السودانية دي مضيعاها حاجتين
الثقة الزائدة .. وعدم الثقة .. ده طبعا بعد الصحف الرياضية ....... للجميع تحياتي
|
Post: #20
Title: Re: الهزيمة الثلاثية قاسية ...لكن ليس من العسير تعويضها
Author: محمد البشرى الخضر
Date: 04-25-2010, 01:30 PM
Parent: #19
| Quote: على الإعلام التركيز على هزائم الترجي القاسية للهلال |
من عمود مزمل اليوم Quote: من الواضح أن قسم محبط لأنه تمنى أن ترتفع النتيجة إلى خمسة أو ستة لنصبح كلنا في الهوا سوا!
* يا قسم أسمعها مني مرة أخرى: المريخ لا يخسر أمام الترجي بالخمسات والستات!
* والخسارة بالثلاثة حدثت للكثير من الأندية السودانية أمام أضعف الفرق!
* وما حدث للهلال أمام نسراوة النيجيري (الذي يقبع في الدرجة الثانية حالياً) معلوم للجميع!
* صحيح أن المريخ تواضع في الحصة الأولى وقبل ثلاثة أهداف في 27 دقيقة.
* لكنه صمد واستعاد قدرته على المقاومة وتفوق على الترجي وأخرس مشجعيه في الحصة الثانية!
* لا انهزم بالخمسة ولا بالستة ولا استعان بديبلوماسي لإيقاف الأقوان، ولا شكا منه فنان!
* ومساعيه للتأهل لن تتحقق بشماتة كُتاب الهلال!
* لن نودع البطولة إلا إذا حكمت التسعون دقيقة التي ستلعب في الخرطوم بغير ذلك.
* مثلما فاز علينا الترجي بالثلاثة سنسعى إلى الفوز عليه بالثلاثة أو أكثر.
* ولن نلتفت إلى حديث المرجفين ومثبطي الهمم.
* الترجي الذي هزم الهلال بالخمسة مرتين وبالستة مرة في تونس خسر أمام الهلال بفارق هدفين في الخرطوم 3 مرات، فما الذي يمنع المريخ من رفع الاثنين إلى ثلاثة أو أربعة؟ |
سحّار انا
|
Post: #21
Title: Re: الهزيمة الثلاثية قاسية ...لكن ليس من العسير تعويضها
Author: خالد عبد الله محمود
Date: 04-25-2010, 01:52 PM
Parent: #20
| Quote: الوالي - الضغط على الاتحاد الافريقي لتعيين الحكم البوتسواني الشهير لإدارة مباراة الرد |
ما تقول كمان سمعنا إنو المريخ لن ينقل مباراة الرد على أي قناة تلفزيونية !! عشان ما يبقي في طريقة شكوي زاتو بعدين .. 
|
|