هل تم نحر الراكوبة ثم ذبحها ... موقع الراكوبة يتعرض لهجوووووم ..

ما الذي يدور في موقع الراكوبة , وهل يهدد نتيجة الانتخابات ام يبث ما يخالف , ما عرفناه عن ادارة الراكوبة انها منفتحة على الجميع بل وفي محاذير ما يخص الوطن فهي دون تفريط في الامر , الحقيقة ان موقع الراكوبة بتعطيله وتعرضه لهجوم التهكير بعد الحجب المؤقت يكون قد نال حظه من الغضبة العارمة ضد المواقع الاسفيرية , ومعلوم ان موقع الراكوبة يستضيف مواقع عديدة وجلها تأثر بهذا التهكير غير الاخلاقي لموقع من المواقع الهادئة والمهمومة بالشان الاجتماعي اكثر مما هو سياسي فهل تلك مؤشرات لما هو متوقع من مشاركة في الرأي العام عموما ولكل الموافع دون تمييز ام ان في الامر عجب .











...............................................................................حجر.

اليوم صباحاً حاولت الدخول فلم اتمكن

فعلا يا حجر

في الأول تم حجبها داخل السودان

والآن تم تهكيرها تماما .


* الهنود القاعدين في العمارات الجديدة قادرين علي كل شئ له علاقة بالكمبيوتر والنت.

الراكوبة ياصديقي تعرضت لأشرس هجمة بسبب مواقفها الواضحة وتخندقها دوماً في صف قضايا الوطن
كل هذا سينتهي بكل تأكيد الآن واجبنا هو دعم الراكوبة وتوضيح ما تم من إختراق وعمل جبان
بغرض إسكات صوتها وتغييبها عن الساحة السودانية .
قبعتي أخلها إحتراماً لادارة وأعضاء وزوار وقراء الراكوبة
أنا معكم أصدقائي

التحية للراكوبة ياخضر


وينكـ .

كامل تضامننا مع الراكوبه والاخ وليد حسين
حتى يتجاوز محنته محنتنا كلنا لان لنا حق اصيل
في هذه الراكوبه فقد كانت ولازالت هي الموقوع
صاحب الصوت الاحترافي المتوازن ....

عاطف مكاوي

مودتي ياجميل

معاً من اجل عودة الراكوبة .


ويابصاص لك الحق في الكلمة

الحرة في اي زمان ومكان .


...................حجر.

هل عادت الراكوبة ؟؟

ومتى العودة ؟؟؟




...................حجر.

يومين ولا اكثر مافى راكوبة الحاصل شنو ياشباب

نحروها

وافتكروها ماتت


قام ذبحوها مع السلخ

تخيل ياسنادة ؟؟؟!!!





....................حجر.

سلامات يا حجر ...

سمعت بحجبها في السودان ولي يومين بحاول ازورها وما قادر ..
الفكرة اني كنت معتقد العيب من عندي اما التهكير دا معلومة جديدة

الهكر دا بيعبث بمجهود الآخرين بكل صفاقة ويضيع عمل عظيم لموقع مثل الراكوبة
كل التضامن مع الاخ الصديق وليد الحسين وإدارة واعضاء منتدي الراكوبة

تحياتي

تهكير الراكوبة يا حجر عمل دنئ يشبه المؤتمر الوطني وشفعه المقنطرهم في عمارة الكمبيوتر كما أصبح إسمها في السودان
شباب تم الصرف عليهم من مال الشعب السوداني للدراسة في ماليزيا وإيران لمساعدة المؤتمر الوطني في تكميم أفواه معارضيه وفرض الوصاية على الشعب الحر
حظر المواقع الإكترونية وتهكيرها لن يفتح للمؤتمر الوطني نفاجاً ليتخارج من ازمته بل يزيده عزلة
ولو كان نافع بالنموذج الإيراني لى درجة أستيراد البمبان وإستراتيجيات تكميم الأفواه
فعليه أن يكون بمثل قدرة إيران في التصدي لمن يطأ أراضيها

دي عالم جبانة

المهم بكري يحرس لينا الموقع ده ويحاول يساعد الراكوبة لو أمكن


السجن الأكتروني ده موجعني وجع
الله لا كسب الكيزان

كامل المؤارة والدعم حتى تعود الراكوبة منبرا حرا للرأي والرأي الآخر

لك التحية والتقدير أخي الرفاعي حجر

معكم بهذا الخيط

تهكير الراكوبه يجب أن ندينه جميعا

Quote: تهكير الراكوبة يا حجر عمل دنئ يشبه المؤتمر الوطني وشفعه المقنطرهم في عمارة الكمبيوتر كما أصبح إسمها في السودان شباب تم الصرف عليهم من مال الشعب السوداني للدراسة في ماليزيا وإيران لمساعدة المؤتمر الوطني في تكميم أفواه معارضيه وفرض الوصاية على الشعب الحر حظر المواقع الإكترونية وتهكيرها لن يفتح للمؤتمر الوطني نفاجاً ليتخارج من ازمته بل يزيده عزلة ولو كان نافع بالنموذج الإيراني لى درجة أستيراد البمبان وإستراتيجيات تكميم الأفواه فعليه أن يكون بمثل قدرة إيران في التصدي لمن يطأ أراضيها دي عالم جبانة

.
الاخوة الاعزاء
محاولة اسكات المواقع الالكترونية دليل كافي لضعف وهزال الحاكمين الذين يخافون من الحقيقة أن تنتشر يريدون للشعب السوداني ان يكون رجرجة ودهماء حتى يسهلوا على انفسهم تحريكهم واللعب بهم كيف ما يريدون.
المسألة واصحة جدا جدا وكثير جدا ذكرنا هذه المسألة.

Quote: تهكير الراكوبة يا حجر عمل دنئ يشبه المؤتمر الوطني وشفعه المقنطرهم في عمارة الكمبيوتر كما أصبح إسمها في السودان شباب تم الصرف عليهم من مال الشعب السوداني للدراسة في ماليزيا وإيران لمساعدة المؤتمر الوطني في تكميم أفواه معارضيه وفرض الوصاية على الشعب الحر حظر المواقع الإكترونية وتهكيرها لن يفتح للمؤتمر الوطني نفاجاً ليتخارج من ازمته بل يزيده عزلة ولو كان نافع بالنموذج الإيراني لى درجة أستيراد البمبان وإستراتيجيات تكميم الأفواه فعليه أن يكون بمثل قدرة إيران في التصدي لمن يطأ أراضيها دي عالم جبانة المهم بكري يحرس لينا الموقع ده ويحاول يساعد الراكوبة لو أمكن السجن الأكتروني ده موجعني وجع الله لا كسب الكيزان

الموضة الجديدة الكيزان ضد تكميم الافواه؟والله زمان، وكمان كامل التضامن ، طيب الراكوبة دي هكرها
عمر افندي؟بس الكلام مجان، ياحجر كدي شوفهم انشاء الله كمان يكونو ضد التزوير بالخج وبدون خج...
وسبحانك ربي خالق العقول وعاميها.

Quote: الموضة الجديدة الكيزان ضد تكميم الافواه؟والله زمان، وكمان كامل التضامن ، طيب الراكوبة دي هكرها عمر افندي؟بس الكلام مجان، ياحجر كدي شوفهم انشاء الله كمان يكونو ضد التزوير بالخج وبدون خج... وسبحانك ربي خالق العقول وعاميها.

نعم ضد تكميم الأفواه

وضد التفكير المعوج والفهم القاصر


سؤال أتمنى انك تمتلك الجراءة للاجابة عليه

منو الفوضك من اداريي أو مشرفي أو حتى أصحاب الراكوبة

لقبول أو رفض أي ادانة أو تضامن مع الراكوبة ؟


جاوب على السؤال دا وبعدها تعال نتفاهم

Quote: منو الفوضك من اداريي أو مشرفي أو حتى أصحاب الراكوبة لقبول أو رفض أي ادانة أو تضامن مع الراكوبة ؟ جاوب على السؤال دا وبعدها تعال نتفاهم

أولا يااخوي انت كوز؟فالكلام فانا اعني بيه الكيزان ؟ثانيا انا لم اقل اني مفوض بقبول او بعدم
قبول الاعتذار ؟
ثالثاا اذا عندك اعتراض علي ان رفض تكميم الافواه لما يقولو الكوز شي غريب ،ده كمان شي غريب أكثر
وتدخل سافر في مشاعري ، ياخوي كدي خليني انا، هسة انت ماشايف تكميم الافواه الذي اكمل عامه
العشرين ده ولم يجد منهم اي ادانة؟
انت جاوب وبعد داك برضو نتفاهم

يارفاعي الراكوبة دي ياخوي ؛هكر مبتدئ ممكن يهكرها
ناس ما شغالة بالـ vulnerabilities updating

يشيلوا ويقشُّوا في المواضيع ساي
وكوبي اندنبيست ؛
دي ح تكون نفس مشكلة موقع النيليين (اتمني ان ينتبهوا للحاجة دي)
الناس ديل شغالين بنسخة (joomla( وثغراتها كتيرة

وتقول لي حكومة وتكميم افواه .

_____
كامل تضامني مع ناس الراكوبة

.
.
.
الاخوه المتداخلين من الفنيين واهل العلم
اتمنى ان تنهجوا المنهج العملي في تقديم الاستشارات الفنيه
وخصوصا ممن لهم علاقه بامن المعلوماتيه حتى تعود الراكوبه منيعه
على الهكر اي كان نوعه لان الهكر يمكن ان يكون من اي فصيلة وجهه
وتبقى الراكوبه هي ذات الراكوبه وكذا المواقع الاخريات اللائي نزفت فيها
جميع اقلام منتسبيها من عصير افكارهم الكثير فتراكمت جبل من ارشيف الافكار
وكم هو مرير ان يتلاشي في ضغطت مفتاح كل ما جهدت في تكوينه لسنين طوال
واعاود واقول الغباء فيها اننا تبريريون دوما ان ماحدث حدث فلندع لمالك الراكوبه
مساحته في رد حقوقها القانونية لكن الذي اعلمه وانتم في جميع مشاربكم بعد هذا التعاطف
والتضامن الذي حتما يشكره لكم وهو رجل كريم كما هو الحال لدى طاقم الاشراق لديه
لكن ما يحتاجه وليد حسين وكل وليد حسين في كل المنابر السودانية هي الاستشارات التي تقي
تلك المنابر من هجمات الموتورين على اختلاف مشاربهم وتوجهاتهم فمدوا له يد العون


طبتم جميعاً

بدل الناس تلعن في الظلام ؛
توقد شمعة من هنا وتتعلم تسد الثغرات كيف ؛


http://www.milw0rm.com/#

Quote: أولا يااخوي انت كوز؟فالكلام فانا اعني بيه الكيزان ؟ثانيا انا لم اقل اني مفوض بقبول او بعدم قبول الاعتذار ؟ ثالثاا اذا عندك اعتراض علي ان رفض تكميم الافواه لما يقولو الكوز شي غريب ،ده كمان شي غريب أكثر وتدخل سافر في مشاعري ، ياخوي كدي خليني انا، هسة انت ماشايف تكميم الافواه الذي اكمل عامه العشرين ده ولم يجد منهم اي ادانة؟ انت جاوب وبعد داك برضو نتفاهم

لما تكتب كلام أثبت وأبقى قدروا

العبارات الاستخدمتها في مشاركتك الفوق الرديت عليك فيها , عبارات أستخدمها أخونا البصاص وشخصي فقط , راجع المشاركات مرة تانية .

وبرضو سؤالي قائم منو الفوضك من أهل الراكوبة انك تقبل أو ترفض تضامن الكيزان هنا .

عشان ما تجدع الكلام ساي

معا من اجل تكريب الراكوبة من الهكر .......

Quote: طيب الراكوبة دي هكرها عمر افندي

اها يا ابراهيم الهكرها منو وعشان شنو ؟

لو قلت لي عشان الفيديو بتاع الانتخابات تبقي غلطان ؛

ياخي موقع قاعد في الصقيعة وتقول لي تكميم افواه.

لو عندكـ ادني فكره عن تصميم المواقع كان عرفت حاجة ؛

بس انت جاي بنظرية وإن طار برضو الكيزان ؛
الواحد يشغل مخو شوية ياخي.

اكيد يا بشير احمد اهل الراكوبة ادري بالذين قاموا بتهكير موقعهم ودافعهم .. واعتقد تزامن التهكير والحجب مش صدفه ساي كده لله في لله .. فياخينا طالما عندك فكرة في امور تصميم المواقع ورينا اصل الحكاية شنو لان موضوع التهكير فاتح باب لالف سؤال ..

Quote: لما تكتب كلام أثبت وأبقى قدروا

يازول اسمع انا قلت ليك كلام واضح ومامتراجع من اي كلمة قلتها عرفت؟؟؟ولم اتطرق لحكاية تفويض
او عدم تفويض انا قلت الاتي
:

Quote: الموضة الجديدة الكيزان ضد تكميم الافواه؟والله زمان، وكمان كامل التضامن ، طيب الراكوبة دي هكرها عمر افندي؟بس الكلام مجان، ياحجر كدي شوفهم انشاء الله كمان يكونو ضد التزوير بالخج وبدون خج... وسبحانك ربي خالق العقول وعاميها

وانت كدي شوف الكلام ده هل له علاقة بالتفويض؟تفويض شنو ياستاذ؟
ياخي انا مستغرب الكيزان يتضامنو ضد تكميم الافواه، طيب انت هسة مابتكون مستغرب انه اسرائل
تطبق الشريعة الاسلامية؟؟نفس الشعور بتاعك ده انا عندي ....
ثم من اين لك اني هربت مما قلت؟حتي تتطالبني بالثبات؟انا ثابت وعلي فكرة انا رديت ليك علي طول
ويمكنك ان ترى تسلسل الرد وان كنت مشغولاً بعض الشي ولكني اتمني ان تثبت اني زوغت او تزاوغت من
كلامي؟فهون عليك واياك ان تتظاهر بان الكيزان حزب سياسي ممنوع الاقتراب منه بالنقد ...لا ياخوي
انا اتعاطي الشان العام ويمكنك ان تتحدث ملء هذه المساحة عن اراي السياسية كما يحلو لك كما
يمكنني ذلك ...ووليسس بوسعك ان تمنعني ولو من باب الامنيات....واذا كان الكلام به تجريح شخصي
او اساءة شخصية لشخص فاريني لها وسوف اعتذر علي الملاء ....لذلك طول مالكلام متعلق بموقف سسياسي
يمكنك ان تفند كلامي وهذا حقك اما عبارات التعالي والتهديد فلن تجديك صدقني لن تجديك...

اعتقد ألا خلاف كبير يحتاج كل هذا الجدل

والمدافعة بين مجموعة واحد الاخوة هنا قام

بطرح رأيه فالامر حقيقي لا يستحق كل ُ يدلي

برأيه الحقيقة تقترب اكثر .

العزيز بشير احمد (مبرراتي التزوير) كيفك

كلامك يحتاج الى فني ونحوله لادارة الراكوبة

لكن بكل تأكيد ويقين ان الراكوبة لا تستخدم

المضروب من النسخ ويتم الصرف عليها بشكل جيد







...........................................حجر.

Quote: ...ووليسس بوسعك ان تمنعني ولو من باب الامنيات....واذا كان الكلام به تجريح شخصي او اساءة شخصية لشخص فاريني لها وسوف اعتذر علي الملاء ....لذلك طول مالكلام متعلق بموقف سسياسي يمكنك ان تفند كلامي وهذا حقك اما عبارات التعالي والتهديد فلن تجديك صدقني لن تجديك...

حقيقة عاوز أوضحها أنو موقع الراكوبة موقع عام , حق العضوية فيه مكفول للجميع , على اختلاف الانتماءات السياسية , ولم يسبق الحجر على عضوية أحد أو ايقافه لأنه ( كوز ) أو لأنه ( موال للانقاذ ) طالما يتقيد بلوائح وقوانين المنبر على الرغم من أن صاحب وادارة هذا الموقع لهم مواقفهم المعروفة من الانقاذ والمؤتمر الوطني , وشئ طبيعي جدا أن تجد الاستنكار والادانه من الجميع وقوفا وتضامنا مع الراكوبة .

لن أتحدث عن شخصي ولكن ما أورته في مشاركتك الأولى يحمل عبارات أخذتها نصا من مشاركة الأخ البصاص وهو رجل معروف بانتمائه السياسي وتأئيده للانقاذ , وهو في ذات الوقت صديق شخصي لادارة الراكوبة على الرغم من اختلاف توجهاتهم السياسية ولكنهم يعرفون مدى صدقه وحيت يقول كامل التضامن يعني ما يقول .

( أرجو مراجعة مشاركة الأخ البصاص ومشاركتي ومشاركتك الأولى ) .

وهذا ما رأيت أنه يحمل تجريح واساءة لشخصي وشخص البصاص

أما آخر ما كتبت وتحته خط فلا أملك الا أن أقول لك :

لست من يتعالى ولا من يهدد , ولا أكتب الا باسمي الحقيقي وأضع صورتي وتجد في بروفايلي كل بياناتي الشخصية وهاتفي , ومن يهدد يكن مجهول وغير معروف .

المهم ( كما يقول أخونا تبارك شيخ الدين )

موضوع البوست كما أراد له كاتبه هو الهجوم على موقع الراكوبة وكيفية نصرتها , وها نحن نختلف ونحن نقف في ذات الاتجاه لنصرتها واعادتها من جديد .

عفوا أخي الرفاعي حجر ان غردت خارج السرب ولكني لا أحمل للراكوبه وأهلها الا الخير .

احترامي وتقديري

الراكوبه

وجهتي من صباح الرحمن ومكان شراب الشاي المفضل للكثرين

كم جلسنا تحت ظلها المدد ترحاب والماتع فكرا فكرا وثمره الذي

يهديك في اناقه مبسطه ما تحب

ويفتح صفحة بيضاء يدون فيها الكل ما يريدون

والمنتخبه لافضل المقالات واكثر الاخبار اهميه

للقائمين علي امرها كل التحايا والتقدير

وديجباجه التضامن الكامل والصادق

معكم اهل الراكوبه العامره والعائده

عن قريب بذالت الالق واكثر باذن الله

يا صديقي ستعود الراكوبة أكثر قوة لاننا نؤمن برسالتنا ونقبل التحدي القادم ولن نحيد وستظل الراكوبة البوابة الديموقراطية والشارع الحر ..

صديقي ستعود الراكوبة أكثر قوة لاننا نؤمن برسالتنا ونقبل التحدي القادم ولن نحيد وستظل الراكوبة البوابة الديموقراطية والشارع الحر

لنعمل معا من اجل عودة الراكوبة المتميزة...اكثر تميزا.
---
حجر كيفنك؟

لكم أفتقد الراكوبة .. خاصة صفحة الأخبار

Quote: يا صديقي ستعود الراكوبة أكثر قوة لاننا نؤمن برسالتنا ونقبل التحدي القادم ولن نحيد وستظل الراكوبة البوابة الديموقراطية والشارع الحر ..

كامل التضامن مع الراكوبه وكلنا ثقه في عودتها طالما يقف ورائها العزيز وليد الحسين


ابوالشوش لك التحايا والاشواق

كل الدعم الفنى والاستشارى متوفران وكلنا
على استعداد لتقديم اى منهما والعترة
بتصلح المشى .......






تحياتى