Post: #1
Title: خطاب مفتوح الى المفوضية: عدد الناخبين المسجلين في كل دائرة
Author: Kabar
Date: 04-24-2010, 06:13 AM
Parent: #0
السادة اعضاء المفوضية القومية.. تحية و احترام
نشكركم على الجهد في تمليك المعلومات عن الإنتخابات و نتائجها..
و نشكركم على تصحيح الخطأ المطبعي في نتيجة الدائرة القومية رقم (8) شمال كردفان ، أرياف الأبيض و كازقيل..و التي كان فيها تسعة مرشحين و اعلان نتيجة احد عشر مرشح..
نرجو توضيح عدد الناخبين المسجلين في كل دائرة و كذلك عدد الناخبين المسجلين و المشاركين في الإقتراع فعليا في كل دائرة .. حتى تسهل لنا المتابعة..
حاولت أن ارسل لكم في بريدكم الإلكتروني في موقعكم ورفضت الرسالة لأكثر من مرة.. لذلك اكتب هذه الرسالة المفتوحة..
و دمتم
محمد النور كبر /سوداني مقيم في كندا
[email protected]
|
Post: #2
Title: Re: خطاب مفتوح الى المفوضية: عدد الناخبين المسجلين في كل دائرة
Author: محمد إبراهيم علي
Date: 04-24-2010, 06:34 AM
تحياتي KABAR
دي تلقاها عند الغافل المرشحين ذاتهم ما سلموهم ليها عايزهم يدوك ليها
مسؤول التسجيل لدي الـ(منفضية) هو مسؤول التسجيل بالمؤتمر الوطني ?is this ring any bell
|
Post: #3
Title: Re: خطاب مفتوح الى المفوضية: عدد الناخبين المسجلين في كل دائرة
Author: Kabar
Date: 04-24-2010, 07:03 AM
Parent: #2
صديقي محمد ابراهيم..حبابك
كتر خيرك على المرور من هنا..
سيد الرايحة يا اخوي بيفتح خشم البقرة..
المفوضية لو ما قادرة تعلن عن عدد الناخبين المسجلين ..و عدد الناخبين المشاركين فعليا في التصويت.. هي مخيرة.. لكن كمان ما ح تقدر تنسى تصريحاتها بتاعة تسجيل قرابة الستة عشر مليون..هم في الحقيقة خمسطاشر مليون و ستمائة و خمس و سبعين ألف و و خمسية و اطناشر ناخب مسجل(ذكور و اناث) و بالمنطق ده.. المفوضية قالت كل زول/ة في السودان عمرو تمنطاشر سنة و ما فوق هو مسجل للإنتخابات( يعني مافي واحد حردان أو فطوهو في التسجيل)..!
و النتائج التي اعلنت بعضها ، تذهب الى أن أي زول/ة بالغ السن الإنتخابية القانونية قد شارك في التصويت..!!
و نحن دايرين نشوف الفروقات و كده..!
و اتخيل لي تأخير اعلان النتائج عندو علاقة بهذا الخج الخفي..!
و نشوفك..
كبر
|
Post: #4
Title: Re: خطاب مفتوح الى المفوضية: عدد الناخبين المسجلين في كل دائرة
Author: محمد إبراهيم علي
Date: 04-24-2010, 09:41 PM
Parent: #3
كبار تحياتي
غايتو لقيت حتة فيها الناخبين المسجلين في ولاية الخرطوم الحق احفظها بسرعة قبل ما يجى قطر الهم يقشها
الحق قبل قطر الهم يجي
|
Post: #5
Title: Re: خطاب مفتوح الى المفوضية: عدد الناخبين المسجلين في كل دائرة
Author: وليد محمد المبارك
Date: 04-24-2010, 10:02 PM
Parent: #4
مرحب اخونا كبر
الكلام القاله اخونا محمد ابراهيم غير صحيح
اي مرشح مشى يشيل معلومات عن دائرته يتعبوه لكن بشيلها
حتى في الموقع حق المفوضية كانت المعلومات دي متوفرة حتى انا رفعت عنها معلومات عن دائرتي في صفحتى وجبت المعلومات دي من موقع المفوضية
هسع فهلا تم تغير اللنك واتوضعت معلومات تانية
المهم بتلقى تفاصيل المصوتين في الدائرة 12 قومية هنا
http://www.votefuture.org/index.php?option=com_content&...gory&id=43&Itemid=85
حقو لو ناس المفوضية ما ادوك العلومة تشوف مرشح رئاسة ( عرمان مثلا ) او ممثل حزب بتلقى عنده السجل كله
المهم انا حا ارفع ليك ملف البي دي اف
لو ما قدرت هسع
بكره الصباح
لانو الانترنت بنتهي عندي عادة الساعة 12
وهسع 12 الا خمسة
|
Post: #6
Title: Re: خطاب مفتوح الى المفوضية: عدد الناخبين المسجلين في كل دائرة
Author: وليد محمد المبارك
Date: 04-24-2010, 10:14 PM
Parent: #5
هاك ده ملف بي دي اف فيه تفاصيل الخرطوم لها نزلته من الموقع حق المفوضية قبل الانتخابات
رفعته ليك في موقعي
وعملت ليك رابط منو
عاوز من اكروبات ريدر
http://www.votefuture.org/images/PDF/9.pdf
|
Post: #7
Title: Re: خطاب مفتوح الى المفوضية: عدد الناخبين المسجلين في كل دائرة
Author: Kabar
Date: 04-25-2010, 10:47 PM
Parent: #6
صديقي وليد..حبابك
كتر خيرك على المرور من هنا..
و كتر خيرك كتير على تزويدنا بهذه المعلومات المهمة..
كنت بديت العمل بطريقة حسابية اخرى.. و المدهش أنها تطابق الأرقام الحقيقية..و هي قد تكون ناجحة في كل الدوائر القومية في السودان..و سو ف احدث الناس عنها لاحقا..
و لكن بصورة مبسطة.. المفوضية ، حسب ادعائها ، أن أي مواطن أو مواطنة سودانية يبلغ سن الـ18 و ما فوق قد تم تسجيله أو تسجيلها للمشاركة في هذه الإنتخابات..
نسبة الـ18 سنة و مافوق الى جملة سكان السودان هي 40%..
في معلومات عدد السكان في كل دائرة يمكن استخراج نسبة الـ40 و هي تعطي عدد الناخبين البالغين السن القانونية..و بالتالي حتى لو المفوضية لم تذكر الأرقام الحقيقية أو ذكرتها فأنه يمكن المقارنة..
النقطة المهمة هنا و هي أن عدد الناخبين المسجلين.. هل كلهم شاركوا في عملية الإقتراع أم لأ؟..
و يمكن مقارنة عدد الناخبين المسجلين بعدد الأصوات التي نالها كل مرشح..و من هنا يمكن أن نخلص لنتائج مهمة..
شكرا ليك يا وليد من تاني..و نشوفك
كبر
|
|