Post: #1 Title: الخليفة غازي سر الختم العتباني يفوز في معاقل الختمية!؟ Author: هشام هباني Date: 04-23-2010, 11:54 AM Parent: #0
أناشد السبط المقدس والختم السيد محمد عثمان الميرغني راعي الطائفة الختمية وزعيم الحزب الاتحادى الاصل ان يذهب فورا بنفسه في اقرب فرصة لهذه الدائرة كي يرد الاعتبار لذاته وللقبه كمرشد عام للختمية ولجماهير طائفته ولحزبه بأن هذه الدائرة باقية الى يوم الدين (ختمية مية المية) حتى يفضح التزوير والخداع والا سيتهم بالتواطؤ مع ( الخجاجين)!
Post: #2 Title: Re: الخليفة غازي سر الختم العتباني يفوز في معاقل الختمية!؟ Author: هشام هباني Date: 04-23-2010, 03:10 PM Parent: #1
وسيكون يوما عبوسا قمطريرا ان رايت السبط المقدس او اي احد من ابنائه من ضمن المهرولين لتهنئة ( خجاج) السودان عمر البشير بالرئاسة المضروبة....فحينها سأنجضنهم نجاض قبورة!!
Post: #3 Title: Re: الخليفة غازي سر الختم العتباني يفوز في معاقل الختمية!؟ Author: أمين محمد سليمان Date: 04-24-2010, 01:14 AM Parent: #2
Quote: ....فحينها سأنجضنهم نجاض قبورة!!
يا هشام ، الفار لمن قال للاسد : (إنت كديس مجنون ؟) كان مصقوع ، إنت مشكلتك شنو ؟
Post: #4 Title: Re: الخليفة غازي سر الختم العتباني يفوز في معاقل الختمية!؟ Author: هشام هباني Date: 04-24-2010, 01:36 AM Parent: #3
المصيبة هل يعقل غازي العتباني بكامل وعيه وايمانه وورعه الافتراضي انه بحق هو الفائز في هذه الدائرة المقدسة بسبب انهم بالفعل صاروا معبودي الجماهير السودانية بفضل عدلهم والرخاء الذي اوجدوه في البلاد.... وهل يستطيع لو مكث شهرا بهذه الدائرة المقدسة ان يخرج من هذه الدائرة جمهورا يسانده بالفعل حتى ولو بعدد افراد حولية حول (صحن فتة سيدي)؟؟؟اشك في ذلك....ولكنها السلطة اعمت هؤلاء وجردتهم بل فضحت فيهم غياب الصدقية والاخلاق ولذلك ما توانوا في التزوير والخداع ولا اعتقد من اي مذهب استمدوا هذه العقلية الشريرة!
Post: #5 Title: Re: الخليفة غازي سر الختم العتباني يفوز في معاقل الختمية!؟ Author: عبدالوهاب علي الحاج Date: 04-24-2010, 07:28 AM
Quote: الفار لمن قال للاسد : (إنت كديس مجنون ؟) كان مصقوع ، إنت مشكلتك شنو ؟
كاااااااااااااكـ @ أمين نوتة المشكلة يا امين انك ما فرزت كلام الزول الفرحان دا ياخ زولك دا فرحان فرح لمن بقى ماعارف رقبتو بكتب في شنو ؟ المشكلة يا امين لمن تلقى ليك زول الله اداهو كيبورد وهو خروف الخروف الواحد البقول بااااع دا البضبحوهو في الضحية عرفتو بس ياهو زولك دا .. زول لا بعرف تاريخ ولا بعرف جغرافيا بس يجر ليك الكيبورد دا ويكتب ليك عاجل عاجل ... الدائرة الفاز بيها نسيبك دا يا خروفي يا لابس بدلة صوفي الاتحاديين فارقوها من انتخابات 86 فراق الطريفي وهي دمج لدائرتين 31 و 32 بحري القديمة وشمبات والدائرتين فازوا بيهم مرشحي الجبهة الاسلامية آنذاك مهدي ابراهيم ومحمد الفاتح منصور (وكيل مدرستنا الثانوية) .. وكان وراهم في الترتيب مرشحي الحزب الشيوعي .. ياخ قوم لف ولمن تجي تكتب قوقل وحاول اعرف اي حاجة عن الحاجة الداير تكتب عنها ... وبعدين داير اقول ليك حاجة مهمة تختها حلقة في اضانك انو الاتحاديين ديل اصحابي شديد هنا بلة موسى وياسر طيفور وودمحجوب وانعام حفيظ وانت زي ماعارف انا ما قاعد ارضى في اصحابي دا للمعلومية يلا تعال ورينا حتنجضم كيف ؟ قال انجضنهم قال هاهاهاهاها مبالغة طبعاً هسه اقبل عليك اخليك تباري بالخلا وهــم
Post: #6 Title: Re: الخليفة غازي سر الختم العتباني يفوز في معاقل الختمية!؟ Author: بدر الدين اسحاق احمد Date: 04-24-2010, 08:01 AM Parent: #5
الدائرة ( 31 ) بحــرى الانتخابات العامة 1986م
كان التنافــس فيها بين مهدى ابراهيم محمد مرشح الجبهة الاسلامية القومية
وسعودى دراج مرشح الحزب الشيوعــى السودانى ..
الفائز بالدائرة مهدى ابراهيم محمد عن الجبهة الاسلامية
ثم كان اقرب منافس له سعودى دراج عن الحزب الشيوعى
ثم ثالثهم ( الخليفة محمد عبد الرحيم ) عن الحزب الاتحادى الديمقراطى ..
__________________
هذه الدائرة هى بحق معقل الطريقة الختمية حين كانت بها :
* مدرستين ثانويتين فقط ( بنين ) بحرى الحكومية /الشعب
*مدرستين ثانويتين فقط ( بنات ) القديمة / الشعب .
اما اليوم :
* فلا يعلم عدد المدارس الحكومية +الخاصة الثانوية للبنين والبنات الا ( الله ) سبحانه وتعالى
ثم وزارة التربية والتعليم بولاية الخرطوم .
* وزارة التربية والتعليم بولاية الخرطوم شيدة فى مدرسة ( صالحين )بشارع المدارس فى الشعبية
وبرضو بمعقل الطريقة الختمية .
* يوجد اليوم بالدائرة جامعتان ( الزعيم الازهرى + شرق النيـل ) + فرع لجامعة الامام الهادى + كلية بحرى الاهلية ...الخ
.. الطبشيرة+السبورة =وعى سياسي يتجاوز كل الطائفية الحزبية + الصوفية المتدثرون بالسياسة
انها دائرتنـا يا عمك ..
ترمة :
الشعبية مركز ختمية ) ( غازى ود صلاح الدين عدد اصواته فاقت حتى عمر البشير )
Post: #7 Title: Re: الخليفة غازي سر الختم العتباني يفوز في معاقل الختمية!؟ Author: سيف اليزل برعي البدوي Date: 04-24-2010, 08:03 AM Parent: #6
