Post: #1
Title: يشهد الله ثم من بعده شخصي ان (SMC) كاذب لان جاتكوث لم يشارك فى مؤتمر اسرائيلي وهو الأن فى تكساس
Author: عبد الفتاح عرمان
Date: 04-22-2010, 05:07 PM
Parent: #0
اورد مركز جهاز الأمن الكذبة البلغاء التالية:
مشاركة واسعة للحركة الشعبية في مؤتمر اللوبي الإسرائيلي في الولايات المتحدة
واشنطن (smc)
أبدت الحكومة الإسرائيلية استعدادها لدعم طموحات جنوب السودان في الاستقلال وتقديم كافة أشكال الدعم السياسي والاقتصادي والأمني للدولة الجديدة وذلك خلال مؤتمر (الأيباك) الذي عقد مؤخراً بواشنطن بمشاركة رئيس الوزراء الإسرائيلي بنيامين نتنياهو.
وعقد مستشار الأمن القومي الإسرائيلي غوري عاراد اجتماعاً مع ممثل الحركة الشعبية في واشنطن ازيكيل بول استمر ثلاث ساعات على هامش جلسات مؤتمر (الايباك) الخاص باللوبي الإسرائيلي في الولايات المتحدة الذي شارك فيه ممثل الحركة للمرة الثانية وأبلغ المسؤول الإسرائيلي تحيات رئيس الوزراء الإسرائيلي إلى قيادة الحركة الشعبية وتمنياته للجنوب بتحقيق طموحاته في الاستقلال ودعم حكومته لهذه الطموحات آملاً في انعقاد المؤتمر العام القادم وقد تحقق للجنوب دولته المستقلة.
وأشاد ممثل الحركة ازيكيل بالدعم الإسرائيلي مشيراً إلى أن مشروع الدولة يحتاج إلى دعم إقليمي ودولي واسع في كافة المجالات وتقدم بطلب مكتوب للحكومة الإسرائيلية باحتياجات الجنوب لبناء دولته التي تشمل بناء مؤسسات الدولة المدنية والأمنية عن طريق مشاركة إسرائيلية واسعة بالخبرة وتقديم وتنفيذ مشروعات كبرى في مجالات المياه واستخداماتها إضافة لاستثمارات من رجال الأعمال اليهود في الولايات المتحدة وأوربا في قطاعات النفط والزراعة والمواصلات والبنى التحتية.
وشمل طلب الدعم توسط إسرائيل لدى الولايات المتحدة لتقديم مساعدات مالية عاجلة لإعداد وتأهيل الأجهزة الأمنية والشرطية والاستخبارات العامة والعسكرية وإعادة تأهيل وتدريب جيش الجنوب ليرقى إلى مصاف الجيوش النظامية في المنطقة إلى جانب تقديم إعانات لتلبية احتياجات القوات العسكرية التي ستتبع لدولة الجنوب من العتاد والأسلحة.
وقدم ممثل الحركة خلال كلمته في الجلسة الافتتاحية لمؤتمر (الايباك) شكره للدعم السياسي والمادي والإعلامي الذي ظلت تتلقاه الحركة من اللوبي الإسرائيلي وفتحه لأبواب الكونغرس أمام ممثلي الحركة لدعم مواقفها بإقامة دولة مستقلة في الجنوب وقال إن المؤتمر القادم سيعقد بالتزامن مع إعلان دولة الجنوب الذي سيشارك وفد منها في جلساته ليقدم الشكر (للإيباك) التي تبنت قضيتهم لدى المؤسسات الأمريكية الرسمية ومنظمات المجتمع المدني مما أثمر عن موقف أمريكي قوي وأشاد بالدعم الإسرائيلي لحركة المقاومة المسلحة بالجنوب على مدى ثلاثة عقود وانتصار الحركة في معركة الحرية.
وتحدث في المؤتمر الناشط د. مارك سيلفربيرج الذي يشغل رئيس الفيدرالية اليهودية في بنسلفانيا مؤكداً ضرورة تنسيق المواقف منذ الآن لدعم الخطوة الحاسمة في الجنوب – في إشارة للانفصال - بما يضمن اعتراف الدول الأعضاء في الأمم المتحدة وقال إن الإيباك ستطلق حملة تغطي جميع الولايات الأمريكية وتشمل الكونغرس والحزبين الديمقراطي واليهودي والبيت الأبيض والمؤسسات الشعبية لتشكيل موقف أمريكي جماعي داعم للدولة الجديدة فور إعلانها.
|
Post: #2
Title: Re: يشهد الله ثم من بعده شخصي ان (SMC) كاذب لان جاتكوث لم يشارك فى مؤتمر اسرائيلي وهو الأن فى ت
Author: عبد الفتاح عرمان
Date: 04-22-2010, 05:15 PM
Parent: #1
انفي هذا الامر عن أزيكيل جاتكوث رئيس بعثة حكومة الجنوب فى واشنطن ليس لشىء سوى اني متأكد من صحة ما اقول بانه لم يشارك مطلقاً فى هذا المؤتمر. وهو منذ البارحة فى ولاية تكساس لتلبية دعوة قدمت له من إحدى جامعاتها.
ثانياً: ما لم يعمله هذا الجهاز أن ازيكيل لم يعد ممثلاً للحركة الشعبية فى الولايات المتحدة وانتخب الاستاذ/ ماقوك ميان رئيسا للحركة منذ الشهر قبل الماضي.
عليه لا يمكن لازيكيل تمثيل الحركة فى ظل وجود ممثل منتخب للحركة الشعبية فى الولايات المتحدة.
|
Post: #3
Title: Re: يشهد الله ثم من بعده شخصي ان (SMC) كاذب لان جاتكوث لم يشارك فى مؤتمر اسرائيلي وهو الأن فى ت
Author: Deng
Date: 04-22-2010, 05:19 PM
Parent: #1
الاخ فتاح.
هذا الوكالة الاخبارية معروفة بفبركة الاخبار وتلفيقها ضد كل من يختلف مع سياسات الانقاذ.
لنفترض جدلا أن هذا الخبر صحيح مية المية. تبقى المشكلة وين في دولة سوف تقوم وتريد أن يكون لها علاقات طيبة
مع جميع العالم بما في ذلك دولة إسرائيل؟ من حق دولة جنوب السودان أن تقيم علاقات دبلوماسية مع الدول التي تعجبها وليس بالضروروة أن تعجب دولة الشمال.
ولكن واضح جدا من فبركة هذا الخبر هو لفت أنتباه الدول العربية والاسلامية الذي أبتعدت من الحكومة السودانية نسبة لمماراساتها البشعة ضد مواطنيها والمواقف المحرجة التي تسببها لها في المحافل الدولية. فمثلا الحكومة السودانية تريد من العرب في أي مناسبة ،قمة أو محف أن تدين لها المحكمة الجنائية الدولية، وهذا الامر لا يعقل أن يكون مستمرا في جميع المحافل والمناسابات والى الابد.
|
Post: #4
Title: Re: يشهد الله ثم من بعده شخصي ان (SMC) كاذب لان جاتكوث لم يشارك فى مؤتمر اسرائيلي وهو الأن فى ت
Author: Kostawi
Date: 04-22-2010, 05:23 PM
Parent: #1
يا محمد حامد جمعة
مطلوب حضورك هنا
____________________________
يا ربي محمد حامد جمعة دا مش آخر مرة كتب في البورد دا
و قال هو متأكد إنو الحركة الشعبية ما حا تنسحب من الإنتخابات في قطاع الشمال !!!!!!
و من ديك و عيييييييك
|
Post: #5
Title: Re: يشهد الله ثم من بعده شخصي ان (SMC) كاذب لان جاتكوث لم يشارك فى مؤتمر اسرائيلي وهو الأن فى ت
Author: Kostawi
Date: 04-22-2010, 05:30 PM
Parent: #4
Ezekiel Gatkuoth
|
Post: #6
Title: Re: يشهد الله ثم من بعده شخصي ان (SMC) كاذب لان جاتكوث لم يشارك فى مؤتمر اسرائيلي وهو الأن فى ت
Author: عبد الفتاح عرمان
Date: 04-22-2010, 05:45 PM
Parent: #5
العمدة/ دينق
كيفك يا حبيب؟ انا عارف انهم ناس فبركة لكن مما ممكن تجيب ليك قصة خبرية كلها مفبركة، يعملوها معقولة بخبر من مائة كلمة وخلاص. طبعا مافى مشكلة اذا عملوا علاقة مع اسرائيل وكل الدول لديها علاقة معها لكن هم عايزين يقولوا للناس انو الإنفصال رغبة اسرائيل فعليه يريدون مساندة الدول العربية والإسلامية فى منع الجنوب من الإنفصال لكن دا لعب بالنار. والمي حار ولا لعب قعونج.
فتاح
|
Post: #7
Title: Re: يشهد الله ثم من بعده شخصي ان (SMC) كاذب لان جاتكوث لم يشارك فى مؤتمر اسرائيلي وهو الأن فى ت
Author: Kostawi
Date: 04-22-2010, 05:47 PM
Parent: #6
النجيضة (الحركة ستشارك )
|
Post: #10
Title: Re: يشهد الله ثم من بعده شخصي ان (SMC) كاذب لان جاتكوث لم يشارك فى مؤتمر اسرائيلي وهو الأن فى ت
Author: JOK BIONG
Date: 04-22-2010, 06:04 PM
Parent: #7
لواء جوزيف لاقو قال في لقاء تلفزيوني عربي قبل كدي عندما سئل عن
علاقاته مع اسرائيل ايام حركة انيا نيا 1..
قال في رده: (عربي لو اختلف مع زوجته في سرير قال ان اسرائيل هو سبب المشكلة)..
قبل يومين خبير مصري علق حول تصريحات اثيوبيا حول تعديل اتفاقية مياه
النيل :ان اسرائيل خلف مواقف دول منابع النيل الأفريقية.
جون قرنق سئل كثيرا عن علاقاته باسرائيل... الخ!!!
اسرائيل حاليا مليانة بالسودانيين وبعضهم يدرسون بمدارسها ومعاهدها وربما جامعاتها..
من سيمنعهم من العودة الي ديارهم بشهاداتهم العلمية!!.
|
Post: #8
Title: Re: يشهد الله ثم من بعده شخصي ان (SMC) كاذب لان جاتكوث لم يشارك فى مؤتمر اسرائيلي وهو الأن فى ت
Author: عبد الفتاح عرمان
Date: 04-22-2010, 05:50 PM
Parent: #6
يا خردة
ود جمعة دا لسه ببلع فى الخبر بتاع قطاع الشمال يعني خشموا مليان ما بقدر يتكلم هسي. وكمان ميادة برضو بتبلع فى خبر مالك عقار. بالعربي كده مافى زول فيهم حنكه فاضي اليومين دى.
|
Post: #11
Title: Re: يشهد الله ثم من بعده شخصي ان (SMC) كاذب لان جاتكوث لم يشارك فى مؤتمر اسرائيلي وهو الأن فى ت
Author: عبد الفتاح عرمان
Date: 04-22-2010, 06:36 PM
Parent: #9
JOK BIONG
يا عمك، صدق جوزيف لاقو وكذب جهاز امن النظام. الواحد لو وقع فى الشارع يقول ليك دى مؤامرة اسرائيلية.
|
Post: #12
Title: Re: يشهد الله ثم من بعده شخصي ان (SMC) كاذب لان جاتكوث لم يشارك فى مؤتمر اسرائيلي وهو الأن فى ت
Author: Hani Arabi Mohamed
Date: 04-22-2010, 07:19 PM
Parent: #11
بغضّ النظر عن صحة الخبر من عدمه
فإن الجنوب في طريقه إلى أن يصبح دولة مستقلة ذات سيادة ، ويحقّ لساسته ومواطنيه أن يقرروا - وحدهم دون تدخل من أحد - شكل وطبيعة علاقاتهم مع جميع الدول والجهات والمنظمات والكيانات في كل أنحاء الأرض بل وخارج كوكب الأرض - وهم مسئولون عن أنفسهم ويملكون كامل الأهلية لذلك.
فلنترك الجنوب للجنوبيين ، ولننظر ماذا سنفعل في شمالنا الكسيح ؟
|
Post: #13
Title: Re: يشهد الله ثم من بعده شخصي ان (SMC) كاذب لان جاتكوث لم يشارك فى مؤتمر اسرائيلي وهو الأن فى ت
Author: Abdulgadir Dongos
Date: 04-22-2010, 08:59 PM
Parent: #12
+
الأخ عبدالفتاح، تحية طيبة
فلنفترض أنه شارك في المؤتمر الأسرائيلي
العيب وين؟
قصة اسرائل دي بقت زي حجوة ود أم بعلو.
تحياتي الأكيدة.
دنقس.
|
Post: #14
Title: Re: يشهد الله ثم من بعده شخصي ان (SMC) كاذب لان جاتكوث لم يشارك فى مؤتمر اسرائيلي وهو الأن فى ت
Author: عبد الفتاح عرمان
Date: 04-23-2010, 03:17 PM
Parent: #13
الاخ العزيز/Abdulgadir Dongos
لك وعليك السلام. يا عمك الجماعة ديل زاتو بعد شويه بطلع ليهم (ود ام بعلو) يقول ليهم يا جمعة كترتو المحلبية.
مع مودتي
فتاح
|
Post: #15
Title: Re: يشهد الله ثم من بعده شخصي ان (SMC) كاذب لان جاتكوث لم يشارك فى مؤتمر اسرائيلي وهو الأن فى ت
Author: هنادى عثمان
Date: 04-23-2010, 05:45 PM
Parent: #14
الاخ العزيز فتاح
سلامات وعلك بخير
والله ما عايزة ليها حليفة .. وبدون حليفه مصدق والله
وحالتك ما حضرت معاناالمدعو انتخابات..نحنا حضرناو شفنا وسمعنا والحمد لله
|
Post: #16
Title: Re: يشهد الله ثم من بعده شخصي ان (SMC) كاذب لان جاتكوث لم يشارك فى مؤتمر اسرائيلي وهو الأن فى ت
Author: هنادى عثمان
Date: 04-23-2010, 06:28 PM
Parent: #14
الاخ العزيز فتاح
سلامات وعلك بخير
والله ما عايزة ليها حليفة .. وبدون حليفه مصدق والله
وحالتك ما حضرت معاناالمدعو انتخابات..نحنا حضرناو شفنا وسمعنا والحمد لله
|
Post: #17
Title: Re: يشهد الله ثم من بعده شخصي ان (SMC) كاذب لان جاتكوث لم يشارك فى مؤتمر اسرائيلي وهو الأن فى ت
Author: Tragie Mustafa
Date: 04-23-2010, 06:41 PM
Parent: #16
فتاح سلام
الغريبه ال SMC دي لما حضر د.جون اكويج سفيرهم وممثلهم هنا
لقاء المنظمات الاسرائيله بطلب من حكومته الانقاذ بلعوها وسكتوا و علموا أضان جلد!
مش كده وبس وكانت بحضور القنصل المعروف( بخالد موتر) بل من الاساس
لماذ تم تعين جون اكويج خريج جامعات اسرائيل سفيرا للنظام بواشنطون وقتها؟؟!!
لرغبة الانقاذ الملحه في تصليح علاقتها مع اسرائيل!
لكن الراجل بقى طباظ ونجحت مساعي الشرفاء في اقتلاعه من واشنطون
وهو سفيرا لهم بسويسرا حاليا!
خليه يوضبها لهم مع يهود سويسرا ملوك الاموال و البنوك العالميه!
اسرائيل ليست فزاعه
وهم الحفيانين ورائها...و مصرين يبيعوا الترام لشعبنا اسفيريا!
|
Post: #18
Title: Re: يشهد الله ثم من بعده شخصي ان (SMC) كاذب لان جاتكوث لم يشارك فى مؤتمر اسرائيلي وهو الأن فى ت
Author: عبد الفتاح عرمان
Date: 04-23-2010, 10:08 PM
Parent: #17
العزيزة دوماً/هنادى عثمان
سلام وتحية. كيف اخبارك واخبار الشباب والشابات فى الجريدة؟ والله صدقت بعد الشافته الناس فى الإنتخابات دا ما مفروض زول يستغرب من اى شىء. موتي يخرجون من قبورهم للتصويت للعصبة المنقذة، وملائكة يصوتون للقائد الملهم البشير. غايتو اليومين دى كلو جائز.
مع مودتي
فتاح
|
Post: #19
Title: Re: يشهد الله ثم من بعده شخصي ان (SMC) كاذب لان جاتكوث لم يشارك فى مؤتمر اسرائيلي وهو الأن فى ت
Author: عبد الفتاح عرمان
Date: 04-23-2010, 10:10 PM
Parent: #18
العزيزة/ تراجي
إن شاء الله تقيف على بيع الترام اسفيرياً انا خايف يبيعوه للناس فى سوق الله اكبر.. والرهيفة التنقد زى ما قال نافع مفتي النظام.
|
Post: #20
Title: Re: يشهد الله ثم من بعده شخصي ان (SMC) كاذب لان جاتكوث لم يشارك فى مؤتمر اسرائيلي وهو الأن فى ت
Author: محمد عبد الماجد الصايم
Date: 04-24-2010, 06:42 AM
Parent: #19
الكمنضان بالغ والله!
أخباركـ يا فتاح؟
|
Post: #21
Title: Re: يشهد الله ثم من بعده شخصي ان (SMC) كاذب لان جاتكوث لم يشارك فى مؤتمر اسرائيلي وهو الأن فى ت
Author: عبد الفتاح عرمان
Date: 04-24-2010, 12:37 PM
Parent: #20
ود الصايم
كيفك يا حبيبنا؟
يا عمك، الكومندان او الكمنضان -على قولك- بالغ اشد الإنبلاغات!! معقولة بس قصة خبرية كامممممممممممممملة مفبركة؟!!!!!! الكترابة
تسلم يا الحبيب
فتاح
|
Post: #22
Title: Re: يشهد الله ثم من بعده شخصي ان (SMC) كاذب لان جاتكوث لم يشارك فى مؤتمر اسرائيلي وهو الأن فى ت
Author: محمد عبد الماجد الصايم
Date: 04-24-2010, 12:43 PM
Parent: #21
هيا عمكـ .. هي خجّوها خج!
الباقي شنــو تاني
|
Post: #23
Title: Re: يشهد الله ثم من بعده شخصي ان (SMC) كاذب لان جاتكوث لم يشارك فى مؤتمر اسرائيلي وهو الأن فى ت
Author: بريمة محمد
Date: 04-24-2010, 01:15 PM
Parent: #22
فتاح
سلامات ..
مجرد سؤال يا فتاح وليس دفاعاً عن نظام السجم .. لماذا أفترضت فى نفسك المصداقية وكذبت الأخرين؟
ثم لم تشر إلى أن ليس هناك أيزكيال واحد .. بل أثنين وهم جميعاً فى مكتب الحركة .. هل أنا غلطان أم حقيقة؟
ما أتى به كوستاوى هو أيزكيال الدينكاوى .. هو خلف الأحداث ؟
وما تشير إليه أنت هو إزيكيال النويراوى؟
برضو بسأل هل أنا غلاط .. صححنى؟
بريمة
|
Post: #24
Title: Re: يشهد الله ثم من بعده شخصي ان (SMC) كاذب لان جاتكوث لم يشارك فى مؤتمر اسرائيلي وهو الأن فى ت
Author: Deng
Date: 04-24-2010, 01:28 PM
Parent: #23
Quote: فتاح
سلامات ..
مجرد سؤال يا فتاح وليس دفاعاً عن نظام السجم .. لماذا أفترضت فى نفسك المصداقية وكذبت الأخرين؟
ثم لم تشر إلى أن ليس هناك أيزكيال واحد .. بل أثنين وهم جميعاً فى مكتب الحركة .. هل أنا غلطان أم حقيقة؟
ما أتى به كوستاوى هو أيزكيال الدينكاوى .. هو خلف الأحداث ؟
وما تشير إليه أنت هو إزيكيال النويراوى؟
برضو بسأل هل أنا غلاط .. صححنى؟
بريمة |
العبار بريمة.
أنت لو ما جبت فيها قبلية أصلم ما بترتاح.
المقصود هنا يا بريمة والشخص الذي يقصده الأخ فتاح هو إيزكيل جاثكوت
والصورة التي نشرها الأخ كوستاوي هي أيضا يابريمة صورة إيزكيل جاثكوت
واضح جدا أن عطلة نهاية الأسبوع جات وأنت كترت من العبابير ليلة الجمعة.
أها سبتكم ده مقيلين وين؟
خلي بس كوستاوي يصحى من النوم. ح ينجض روحك. أنفد بجلدك يا العبار أنفد.
|
Post: #25
Title: Re: يشهد الله ثم من بعده شخصي ان (SMC) كاذب لان جاتكوث لم يشارك فى مؤتمر اسرائيلي وهو الأن فى ت
Author: بريمة محمد
Date: 04-24-2010, 01:35 PM
Parent: #24
دينق
أنت كدى أكدت أن أزيكيال الدينكاوى .. هو من الصورة .. ونفى الأخ فتاح إذن يخص إيزكيال الدينكاوى ؟
السؤال البديهى أين الأخ إزيكيال النويراوى .. رئيس مكتب الحركة الشعبية فى واشنطن من الحاصل دا .. ؟
بريمة
|
Post: #26
Title: Re: يشهد الله ثم من بعده شخصي ان (SMC) كاذب لان جاتكوث لم يشارك فى مؤتمر اسرائيلي وهو الأن فى ت
Author: tmbis
Date: 04-24-2010, 01:47 PM
Parent: #25
| Quote: إن شاء الله تقيف على بيع الترام اسفيرياً انا خايف يبيعوه للناس فى سوق الله اكبر.. والرهيفة التنقد زى ما قال نافع مفتي النظام. |
.. والله يا عرمان .. حقو نظام البيع دا تشوف ليهو تاجـر شاطــر ..
كدي عليك الله شوف ليك تاجر شاطـر .. الشطار كتااااار خلاص في التجارة الداخليه الدكاكينية ..
.
.
غايتو .. ما كنت مستبعد إنك تكون محافظ بحري (إن كيسس) دخل ياسر الانتخابات وما قال (كــش) .. يعني بي شوفي دا .. تجي طاااخ كدا لابس ليك بدله وتلاتة كرفتات .. ونصحى الصباح نلقاك واليا على الخرطوم بحري ..
وكوستاوي دا ماسك المسرح القومي .. وهاااك يا حفلات بي سلمى .. وبي العسل .. إلخ. يعمل الحفلة .. ويجي يرقص أول واحد .. وينقط للفنانة .. نقط .. نقط . نقط حجــــر ...
نوعية ناس دينق ديل بيطلعو بي قد القفـه سمبله ساااي ..
يعني معقولة كوستاوي انابيب ... بعد العــمر دا وبعد النضال دا يقسم مع دينــق ..؟
هووووي يا علماء إنتو .. يا خواجات .. نحن عودنـا راكب معاكم .. إن شاء الله تدونا جزيرة النص التحت كبري أمدرمان دي نزرعـه برسيم (وخنــاخ) ..
|
Post: #27
Title: Re: يشهد الله ثم من بعده شخصي ان (SMC) كاذب لان جاتكوث لم يشارك فى مؤتمر اسرائيلي وهو الأن فى ت
Author: بريمة محمد
Date: 04-24-2010, 02:06 PM
Parent: #26
دينق
وحتى لا يكون طق حنك .. هنا صورة أرشيفية للأخ إزيكيال .. مسئول مكتب الحركة فى واشنطن ..
بريمة
|
Post: #28
Title: Re: يشهد الله ثم من بعده شخصي ان (SMC) كاذب لان جاتكوث لم يشارك فى مؤتمر اسرائيلي وهو الأن فى ت
Author: بريمة محمد
Date: 04-24-2010, 02:11 PM
وحتى لا يكون طق حنك .. هنا صورة أرشيفية للأخ إزيكيال .. مسئول مكتب الحركة فى واشنطن ..
الأخ فتاح .. حاول أستغلال تطابق الأسماء .. والحقيقة يا فتاح يجب أن تكن هى الحقيقة .. التمويه ومحاولة التذاكى لا تنفع.
والكلام ليك المنطط عينيك .. دينق
بريمة
|
Post: #29
Title: Re: يشهد الله ثم من بعده شخصي ان (SMC) كاذب لان جاتكوث لم يشارك فى مؤتمر اسرائيلي وهو الأن فى ت
Author: Deng
Date: 04-24-2010, 02:11 PM
Parent: #25
Quote: أنت كدى أكدت أن أزيكيال الدينكاوى .. هو من الصورة .. ونفى الأخ فتاح إذن يخص إيزكيال الدينكاوى ؟
السؤال البديهى أين الأخ إزيكيال النويراوى .. رئيس مكتب الحركة الشعبية فى واشنطن من الحاصل دا .. ؟
بريمة |
العبار بريمة.
ياخي ما تفضحنا ساكت.
إيزيكيل جاتكوث رئيس بعثة مكتب حكومة جنوب السودان من قبيلة النوير.
ورئيس مكتب الحركة الشعبية بواشنطن هو دينق دينق نيال وهو من قبيلة الدينكا.
|
Post: #30
Title: Re: يشهد الله ثم من بعده شخصي ان (SMC) كاذب لان جاتكوث لم يشارك فى مؤتمر اسرائيلي وهو الأن فى ت
Author: بريمة محمد
Date: 04-24-2010, 02:19 PM
Parent: #29
وأيضا يا العبار دينق
أرجو أن لا تخمنا
Quote: العبار بريمة.
ياخي ما تفضحنا ساكت.
إيزيكيل جاتكوث رئيس بعثة مكتب حكومة جنوب السودان من قبيلة النوير.
ورئيس مكتب الحركة الشعبية بواشنطن هو دينق دينق نيال وهو من قبيلة الدينكا. |
SPLA Charter in USA is different from SPLA Mission in Washington DC
نقبل بقولك أن دينق نيال هو رئيس مكتب الحركة خلفاً لإزيكيال .. أين إزيكيال .. زولنا الذى تعرفه كل الجالية ونشط فى أنشطة الجالية والحركة فى واشنطن .. أزيكيال دا وين من الحاصل ..
بريمة
|
Post: #31
Title: Re: يشهد الله ثم من بعده شخصي ان (SMC) كاذب لان جاتكوث لم يشارك فى مؤتمر اسرائيلي وهو الأن فى ت
Author: عبد الفتاح عرمان
Date: 04-24-2010, 02:42 PM
Parent: #30
بريمة
لك وعليك السلام.
كدى النعقد لـيك الموضوع سمح بس ارفع رجلك من البنزين شويه او ما تكتر فى العبابير خصوصا الدنيا ويكند زى ما قال ليك دينق.
مركز جهاز الأمن فى خبره قال انو ممثل الحركة فى واشنطن ازيكيل بول.
اولاً: مافى زول اسمه ازيكيل بول فى واشنطن سوى كان بمثل الحركة الشعبية او حركة المرور!.
ثانيا: انا وكوستاوى قصدنا ازيكيل جاتكوث لانو حسب كلامهم ممثل حكومة الجنوب والحركة. والكلام دا طبعا غلط كما اوضحت بعاليه.
ثالثاً: انت قصدك ازيكيل طون، صحيح هو عضو المكتب التنفيذى للحركة فى واشنطن لكنه ليس ممثلها. وكما قال لك دينق، ممثل الحركة او رئيس مكتبها فى واشنطن هو دينق دينق نيال وليس ازيكيل طون. ولم تذهب رئاسة المكتب من ازيكيل طون لدينق دينق نيال كما اسلفت انت بل الاخير هو ممثل الحركة فى واشنطن وليس كل الولايات المتحدة الامريكية. اتمني ان اكون وفقك فى الرد على تساؤلك الموضوعي والمشروع.
مع مودتي
فتاح
|
Post: #32
Title: Re: يشهد الله ثم من بعده شخصي ان (SMC) كاذب لان جاتكوث لم يشارك فى مؤتمر اسرائيلي وهو الأن فى ت
Author: عبد الفتاح عرمان
Date: 04-24-2010, 02:51 PM
Parent: #31
ود الصايم
يا عمك، خجوها وصقيرها حام!
|
Post: #34
Title: Re: يشهد الله ثم من بعده شخصي ان (SMC) كاذب لان جاتكوث لم يشارك فى مؤتمر اسرائيلي وهو الأن فى ت
Author: عبد الفتاح عرمان
Date: 04-24-2010, 02:55 PM
Parent: #32
tmbis
يا قريبي ما عندك عوجة تب، نديك مشروع الجزيرة لو حبيت اذا الجماعة ديل ما خجوها.
تحياتي
فتاح
|
Post: #36
Title: Re: يشهد الله ثم من بعده شخصي ان (SMC) كاذب لان جاتكوث لم يشارك فى مؤتمر اسرائيلي وهو الأن فى ت
Author: tmbis
Date: 04-24-2010, 03:01 PM
Parent: #34
Quote: يا قريبي ما عندك عوجة تب، نديك مشروع الجزيرة لو حبيت اذا الجماعة ديل ما خجوها.
تحياتي
فتاح |
يا سلام عليك يا فتاح والله بردت لي قلبي .. يازول خجوها ما خجوهـا انا حقي في رقبتك .. من كونك خبير اجنبي .. كوستاوي انابيب دا ما فاضي لي يا عبد الفتـاح ..
دينق دا رميت طوبتو من آخـر مرة جا الخرطوم ..
غايتو يا فتاح أنا على الله وعليك .. يا ود العمه .. أخوك اعتمدنا عليهو .. سقط لينا المربوطة حقتنا..
يللا فتك ب عافية .. كوستاوي انابيب دا الليلة السبت بيكون ضارب الهمبريب والشية ونايم ..
سنونو >اته وقعت إلا يمص الشية دي مص ..
|
Post: #42
Title: Re: يشهد الله ثم من بعده شخصي ان (SMC) كاذب لان جاتكوث لم يشارك فى مؤتمر اسرائيلي وهو الأن فى ت
Author: ذواليد سليمان مصطفى
Date: 04-24-2010, 07:10 PM
Parent: #32
| Quote: والمي حار ولا لعب قعونج. |
جقلو ولا مشي عرجا
|
Post: #33
Title: Re: يشهد الله ثم من بعده شخصي ان (SMC) كاذب لان جاتكوث لم يشارك فى مؤتمر اسرائيلي وهو الأن فى ت
Author: بريمة محمد
Date: 04-24-2010, 02:55 PM
Parent: #31
فتاح
سلامات .. وكدى يا فتاح .. وضعتنا على جادة الطريق ..
Quote: ثالثاً: انت قصدك ازيكيل طون، صحيح هو عضو المكتب التنفيذى للحركة فى واشنطن لكنه ليس ممثلها. وكما قال لك دينق، ممثل الحركة او رئيس مكتبها فى واشنطن هو دينق دينق نيال وليس ازيكيل طون. ولم تذهب رئاسة المكتب من ازيكيل طون لدينق دينق نيال كما اسلفت انت بل الاخير هو ممثل الحركة فى واشنطن وليس كل الولايات المتحدة الامريكية. اتمني ان اكون وفقك فى الرد على تساؤلك الموضوعي والمشروع.
مع مودتي
فتاح
|
عشان كده .. أنا قاعد أكتب إيزيكيال الدنيكاوى والنويراوى ! ..
طيب نأتى للمهم يا فتاح .. أنت دافعت ضد حشر إزيكيال كاتكوث فى خبر SMC..! هل ممكن يكون الشخص الحضر هو الأخ إزيكيال طون (من هنا ولى قدام ح أستعمل الأسماء .. وأترك نويراوى ودينكاوى)
بريمة
|
Post: #35
Title: Re: يشهد الله ثم من بعده شخصي ان (SMC) كاذب لان جاتكوث لم يشارك فى مؤتمر اسرائيلي وهو الأن فى ت
Author: عبد الفتاح عرمان
Date: 04-24-2010, 03:00 PM
Parent: #33
بريمة قلت لي برضو ليه افترضت فى نفسي المصداقية وكذبت الآخرين؟
طبعاً، دا سؤال غريب لاني ما إفترضت فى نفسي المصداقية بل متأكد مليون فى المائة مما اقول لاني كنت متابع المؤتمر كجزء من شغلي الإعلامي. وعارف الشارك فيهو منو والما شارك منو. ومتأكد من انو لا ازيكيل الكبير ولا الصغير شاركوا فيه، والله على ما اقول شهيد. لبعدين الخبر بفضح نفسه بنفسه وما محتاج مني تكذيبه لانو مافى زول اسمو ازيكيل بول كما اسلفت.
|
Post: #37
Title: Re: يشهد الله ثم من بعده شخصي ان (SMC) كاذب لان جاتكوث لم يشارك فى مؤتمر اسرائيلي وهو الأن فى ت
Author: بريمة محمد
Date: 04-24-2010, 03:11 PM
Parent: #35
الأخ فتاح
أحسنت .. ومافى داعى للحلفية .. صدقتك كونك متابع فعاليات المؤتمر .. ولا أتوقع من صحفى يتحلى بالمصداقية مثلك أن يأتى بغير الحقيقة ..
يفضل سؤال جرته أجابتك .. لماذا هذا المؤتمر مهم حتى تتابعة كفعالية .. ؟
والعفو والعافية
بريمة
|
Post: #38
Title: Re: يشهد الله ثم من بعده شخصي ان (SMC) كاذب لان جاتكوث لم يشارك فى مؤتمر اسرائيلي وهو الأن فى ت
Author: عبد الفتاح عرمان
Date: 04-24-2010, 03:26 PM
Parent: #37
عزيزي/ بريمة
سؤالك:لماذا هذا المؤتمر مهم حتى تتابعة كفعالية .. ؟
ردى هو: هذا المؤتمر على المستوى الشخصي لا يعني لي شىء لكن طبيعة وظيفتي الإعلامية فى سفارة سلطنة عمان بواشنطن هي التي تحتم علي متابعته.
تحياتي
فتاح
|
Post: #39
Title: Re: يشهد الله ثم من بعده شخصي ان (SMC) كاذب لان جاتكوث لم يشارك فى مؤتمر اسرائيلي وهو الأن فى ت
Author: Deng
Date: 04-24-2010, 03:51 PM
Parent: #38
العبار بريمة.
ياخي أنت قاعد في واشنطن لك مية سنة. وعارف طبيعة مثل هذه الفعاليات وردود الافعال والتوصيات التي تصدر من بعدها، فلماذا أنت تحمل نفس العقلية التي تقف ضد كا ما هو إسرائيلي أو يهودي؟ الى متى سوف تظل في ظلامك هذا؟
المانع شنوا في حضور مثل هذا المؤتمر أصلا؟
|
Post: #40
Title: Re: يشهد الله ثم من بعده شخصي ان (SMC) كاذب لان جاتكوث لم يشارك فى مؤتمر اسرائيلي وهو الأن فى ت
Author: عبد الفتاح عرمان
Date: 04-24-2010, 04:33 PM
Parent: #39
تمبس
على الطلاق لو عارف مشروع الجزيرة ببرد قلبك كان انجزت ليك الموضوع دا من زمان. لانك انت عريس
(براند نيو) وكل شىء ولا قلبك. يخجوا الصناديق ما يخالف، يقولوا مافى إنتخابات ما يخالف بس كلو شىء ولا قلبك.
دم بخير
فتاح
|
Post: #41
Title: Re: يشهد الله ثم من بعده شخصي ان (SMC) كاذب لان جاتكوث لم يشارك فى مؤتمر اسرائيلي وهو الأن فى ت
Author: بريمة محمد
Date: 04-24-2010, 06:01 PM
Parent: #40
دينق
Quote: العبار بريمة.
ياخي أنت قاعد في واشنطن لك مية سنة. وعارف طبيعة مثل هذه الفعاليات وردود الافعال والتوصيات التي تصدر من بعدها، فلماذا أنت تحمل نفس العقلية التي تقف ضد كا ما هو إسرائيلي أو يهودي؟ الى متى سوف تظل في ظلامك هذا؟
المانع شنوا في حضور مثل هذا المؤتمر أصلا؟ |
أغسل وشك بموية باردة يا العبار .. شوف فتاح دا مفتح كيف ..
لأول مرة أعرف أن فتاح موظف فى سفارة وليس فى صحية أجراس الحرية بتاعت الحركة ..
الشيئ الأخر وودت أن لا أثقل للأخ فتاح بتوالى الأسئلة .. هل من إنسان يستطيع الأجابة .. هل ناس السفارة السودانية أو أحد الكيزان حضر مؤتمر أيباك اليهودى؟
وزيرة خارجيتنا تحلف تقول سرتها كانت مقطوعة فى أسرائيل ..
فتاح ليس مطلوب أن ترد .. أنت أوفيت وكيفت
ناس SMC طيب الكضب ليهم شنو؟
بريمة
|
Post: #43
Title: Re: يشهد الله ثم من بعده شخصي ان (SMC) كاذب لان جاتكوث لم يشارك فى مؤتمر اسرائيلي وهو الأن فى ت
Author: عبد الفتاح عرمان
Date: 04-24-2010, 08:21 PM
Parent: #41
ذواليد سليمان
كيفك يا حبيب؟ إن شاء الله امورك كلها تمام؟
علقت بسؤال:جقلو ولا مشي عرجا؟
الجماعة ديل نترك ليهم حرية الإختيار، ومافى داعي نحُكها معاهم شديد.
تحياتي
فتاح
|
Post: #44
Title: Re: يشهد الله ثم من بعده شخصي ان (SMC) كاذب لان جاتكوث لم يشارك فى مؤتمر اسرائيلي وهو الأن فى ت
Author: عبد الفتاح عرمان
Date: 04-24-2010, 08:33 PM
Parent: #43
كتب الفاضل/ بريمة
| Quote: الشيئ الأخر وودت أن لا أثقل للأخ فتاح بتوالى الأسئلة .. هل من إنسان يستطيع الأجابة .. هل ناس السفارة السودانية أو أحد الكيزان حضر مؤتمر أيباك اليهودى؟ |
مافى مانع من الأسئلة، والأجوبة عمياء آذاً فلنطلق خيول الاسئلة.
على حد علمي، لم تشارك السفارة السودانية او من ينوب عنها فى هذا المؤتمر-والله اعلم-.
اما العمل فانا اعمل هنا وهناك -والحمد لله من قبل ومن بعد-
والله يا بريمة يا خوى، انا دا المحيرني زاتو، كذب الجماعة ديل. وفتحت البوست دا ليس دفاعاً عن احدلانو ازيكيل ممكن يطلع بيان يكذب فيه الموضوع دا، لكن انا الحرقني فى الموضوع انو كلو ملفق وغير صحيح البتة عشان كده كنت عايز واحد منهم يجي يورينا الكلام دا جابوه من وين لكن حتي جنابو محمد حامد جمعة نفض لي وادأني الطرشة، لكن بعذروالانو حنكو مليان اليومين دى خصوصاً انو فى حالة بلع جماعي.
تحياتي
فتاح
|
|