الحمار الغلــــب شيخو

وقال الشيخ يا جهينااااااا ....... بعد ان اخرج عودا ليس للعزف وانما كان ينخّس به ( السنون ) من شدة مضغ اللسان الوقف مشدوها فى عراء الخج ... خجا مبررا .
يبدو ان الشيخ لم يدرك صراع الاجيال ( عفوا ) صراع الافيال الخجاجين جيدا ونسى فى السجن حتى الفأر الذى ادخل له واشتكى مر الشكية لى ابيدن قوية ان الفأر قد تلاعب باشياء تعتبر من حقوق الانسان ... نسى ايضا القرود التى كانت تساعد المجهدين رميا بالرصاص فى جنوب الوطن والتى قامت بدورها ( ك ) كاسحات الغام فاقت الميركافا الاسرائيلية تنطعا .. ونسى الذين كانوا ينزلون عليهم بردا وسلاما مهللين ومكبرين من فوق رؤوسهم من السماء ... ملائكة شغالة فى قسم الرادار والرصد والطقطقة المؤسسة لناس الحركة الشعبية لتجريد السودان .

كلنا شاهدنا الملائكة وهم يجلسون فى خشم اى بيت اشباح لا يعرفون الا الشيخ واعوانه والكافرين الذين ضل سعيهم فى الحياة الدنيا .
ملائكة جابوهم من تورا بورا اشداء اقوياء
لدك حصون المعارضة وتشتيت افكارها .... الغريبة نسى عمك الشيخ وخاض مع الخائضين .
خاض واتلكك فى الطين لمن عينو طلعت ... هم نفففس الملائكة ما اتغيروا نهائى بس المحير جدا انو كيف ما شافهم ؟

يا الشيخ الخجاجين ديل الزرع تيرابهم ووخلاهم من فقراء معدمين ( يتباهون بذلك ) الى شواطين للانس وتطاول فى البناء ... هو انت .. فكيف لك ان تخدع ناخبيك بأن طيارتهم الان تحمل آفاقا للمواطنة وحقوق الشعب ؟!! ... انت تدرى المسرحية التى قمت بها والكومبارس نفذ الدعاية باكمل وجه وسميتها ( التوالى ) او الطبالى ما فرقت ... وشاهدها الشعب الفضل وهو شايل ليمون فى جيبو من حموضتها والزفارة الفيها ... وبعدما علمتو الرماية واشتد ساعده ( قلجنى ) .. هل يخفى القمر ؟.
الخجاجين ديل يا الشيخ اما عملوا ليك شمهروش مدنكل فى عصير جوافة مستورد من اصفهان ... واما انت خلاس ( ببح ) .

كيف تفوز مع ناس ختوا الاخوان المسلمين ( المناصرين للانقاذ ) طيلة الزمن ختوهم فى ( علبهم ) وما فازوا ... كيف تدخل _ انتخا جات _ صناديق اقتراعها متحركة فى بكاسى وسيارات والتسجيل شغال لاخر يوم ... كيف تدخل وانت شايف القوات النظامية بتقترع فى المراكز وبشيلوها على مدار الساعة لخج المراكز الاخرى ؟... اها خم وصر .
كلام الشعب اصلا داقى بيه الحيطة ... المعارضة فى عرفها التقليدى قالت ليك نسقط الملائكة الخجاجين ديل بالمقاطعة .. قطعت ليها ناشف واتمرحلت وبقيت عوام عكس التيار .. اشبح وخج واتنخج ... مع نافع مش حتقدر تغمض اضنيك ... وصيتى ليك انك تسمع كلام المعارضة وتشكل معاها تحالف لاسقاط الخج المترف دة وتبقى زول ... اصلا عمرك كلو رمزك المروحة _ شعار اللف والدوران _ والليلة جاتك فى محلك خجنى حاول لف بى .