قول ليّ يا ادروب عليك وجع السنين... خجيتو ليه؟؟؟ خليهو يا ادروب عشان ناساً غلآبة وكادحين... خليهو يا ادروب عشان ناساً بتحلم من سنين بوطن صحيح من غير جراح من غير ألم، من غير انين خاجيهو ليه؟؟؟ خليهو يا ادروب عشان شجر الأراك يفرح يعانق ديم عرب وترب هدل ووطن السمآح ينسى الجرآح ينسى الحصل... قول ليّ بس... خاجيهو ليّه؟؟؟ وادوّك كم؟؟؟ مبلغ بِسد رمق الصغار؟ والآ الفتات، من بعد ما نهبوا الديار؟؟؟ خلوها خاوية على عُروشا كما الصريم وضح النهآر لا راعو لطفلاً بيصرخ في الظلآم... لا احترمو شيخنا بعد وقآر... بمدخل الدين... جونا داخلين التتآر... خجوها خج... خج السوآد... خج الرمآد... ما خلو شِي ناس لابتحس، لاتختشي... ما بين مُرآبي ومُرتشي... وسفآك دماء نام مُنتشي من بعد ما لعق الدماء من بعد ما انتهك الحِمى... جوغة ضِبآع، وقطيع سباع متوحشة... اسرآب نسور تغتات على جُثث الصغآر... خجوها خج وضح النهار... قول ليَّ بس... خجيتو ليه؟؟؟ وشِن دار تجيب لي ها الوطن!!! غير المِحن غير التخلف والفتن... غير الشتات غير العذآب... غير الكلآب تنبح تهوهِو ليل نهار شيخها العجوز دقولو طآر ينقُز يهِز... ما راعى في نفسو الوقار ينفخ نفخ!!! زي الورر عامل جعيص... عامل خطر!!! قول ليَّ بس... شِن دار تجيب لى ها الوطن؟؟؟ غير الضياع غير الفِتن؟؟؟ غير ناس بتعترف النفآق... عشرين سنة!!! من الضياع، من العناء من الألم والعكننة من الوجع ومُر الضنى... وبرضك تخُج!!! يا زول اقيّف... خلي الوطن ينجمَّ من رهق السنين... خلي الغلآبة الكادحين يرتاحو من طول الأنين يتنسمو الحُريّة في الزمن الضنين... إنصرفو، لا صفى، لا انتِبآه... يا عُصبة الحُكم اللعيّن... يا ظآلمين... يا غادرين... إلى الجحيّم... إلى الجحيّم... إلى الجحيّم... إلى الجحيّمــــــــ...
أرجوكم إرفعوا أيديكم عن أدروب الغلبان، ليس له يد فيما يحدث، إنما هو موظف لدى جهة أعلى، وهو يؤدي وظيفته، وربما، وهذا هو الأرجح، أنه لا يعرف أن الذي يفعله جريمة، وإلا لما سمح بتصويره في مثل هذا الوضع، وهذا الكلام ينطبق على جميع الذين تواجدوا معه في مركز التصويت.
يعلم الله مشتاقين يا ود جبرين... ميا بيدور يجكنو يا طارق اخوي، الشي الورق ده مو زي الكاويقة... الناس بيقولو ادروب ولوف ساكت، لكن ده ادروب مخلص في العمل...
Post: #11 Title: Re: خـجـيـتـو لـيـه؟؟؟ ... رسـآلـة إلـى ادروّب ... Author: Tragie Mustafa Date: 04-23-2010, 04:08 AM Parent: #10
اخي الفاضل معاويه المدير
اظنك تتفق معي بان التزوير تم بكل الدوائر
حتى ببعض دوائر الجنوب؟؟!!
المؤتمر الوطني ضم كل سحنات اهل السودان
وديناته فيشهد الله رايت مسيحين اشد تطرفا للمؤتمر
الوطني من بعض المسلمين من عضويته!
يبقى كونه اتيح لنا رؤية شيئا مما تم وبالصدفه انه التسجيل تم في قريه من قرى الشرق
ولوا انهم ادروبات بسطاء من اصله لانتبهوا لاي تصوير ولو بالموبايل!
التزوير ليس من سمة أهل الشرق، بل هو من طباع أهل السلطةن أتمنى من الجميع أن يتفقوا على تحرك عملي لإستعادة حقوق أهل السودان الضائعة بالتزوير بدلاً عن إستغلال الحدث والضحك على بعض السودانيين، مثلما قالت تراجى وقد يشتم من الأمر (تنميط) مرفوض.
Post: #13 Title: Re: خـجـيـتـو لـيـه؟؟؟ ... رسـآلـة إلـى ادروّب ... Author: MOHAMMED ELSHEIKH Date: 04-23-2010, 04:56 AM Parent: #12
ود الخال خجيتنا خج ياخي مع ناس " الخجو ملو....بي ضهر الليل سهرو اشتغلو....الخجاجين
Quote: أرجوكم إرفعوا أيديكم عن أدروب الغلبان، ليس له يد فيما يحدث، إنما هو موظف لدى جهة أعلى، وهو يؤدي وظيفته، وربما، وهذا هو الأرجح، أنه لا يعرف أن الذي يفعله جريمة، وإلا لما سمح بتصويره في مثل هذا الوضع، وهذا الكلام ينطبق على جميع الذين تواجدوا معه في مركز التصويت.
عينكم للفيل تطعنوا في ضله؟
أخي ود شاموق، لك مني كامل التحية والإحترام... أخي... اوضحت الكاميرا انّ هاؤلا الأشخاص ينتمون للشرق، لكن المقصود في النص ليس إنسان الشرق إنما كل إنسان قام بمثل هذا العمل المشين سوا كان من الشمال او الجنوب او الشرق او الغرب... هل وظيفة هاؤلاء الناس التزوير؟؟؟ وإن كانوا لا يعرفون انّ الذي يفعلونه جريمة. كيف يتم توظيفهم في هذا الموقع الحساس؟؟؟
الأخت تراجي، اولاً وقبل كل شئ اشكرك على المرور ولفت الإنتباه، وإتفق معك تماماً فيما ورد في الإقتباس اعلآه، وازيدك إنه لم يكن لي ادنى شك في ذلك ولو بمثقال ذرّة...
Quote: اذن مجرد تخيل انه الامر تم بالشرق فقط هو مأساة.
النص أُختي تراجي، لا يتحدث عن المكان، لكنه يدين العمل المشين الذي قامت به هذه الفئة، وكل من حذى حذوهم في جميع ارجاء الوطن، ويشير إلى مغبة هذا الفعل وما يجلبه للبلد من بلاء... هي رسالة إلى كل من ساند هذه الفئة الباغية...
Quote: اذن مجرد تخيل انه الامر تم بالشرق فقط هو مأساة.
النص أُختي تراجي، لا يتحدث عن المكان، لكنه يدين العمل المشين الذي قامت به هذه الفئة، وكل من حذى حذوهم في جميع ارجاء الوطن، ويشير إلى مغبة هذا الفعل وما يجلبه للبلد من بلاء... هي رسالة إلى كل من ساند هذه الفئة الباغية...
غايتو يا ود شاموق بصراحة دي بالغت فيها.. زول يدخل بطاقة من غير ناخب ، دي تبقى شنو؟؟
معاويه المدير تحياتي،،
آخر التطورات. مؤتمر صحفي انعقد بكسلا امس ، اعترف فيه الحزب الديمقراطي بتبنيه لعملية التوثيق هذه عبر احد وكلائه واحضروا الشخص الذي صور الفيديو التصوير تم بموبايل نوكيا 6020 المصدر:صحيفة السوداني
تُرى ماذا ستفعل المفوضية؟؟؟ خصوصا بعد التطورات الأخيرة.
التزوير ليس من سمة أهل الشرق، بل هو من طباع أهل السلطةن أتمنى من الجميع أن يتفقوا على تحرك عملي لإستعادة حقوق أهل السودان الضائعة بالتزوير بدلاً عن إستغلال الحدث والضحك على بعض السودانيين، مثلما قالت تراجى
إتفق معك والأخت تراجي ... لك مني جزيل الشكر على الإفادة...
قول ليّ يا ادروب عليك وجع السنين... خجيتو ليه؟؟؟ خليهو يا ادروب عشان ناساً غلآبة وكادحين... خليهو يا ادروب عشان ناساً بتحلم من سنين بوطن صحيح من غير جراح من غير ألم، من غير انين...
Quote: ناس لابتحس، لاتختشي... ما بين مُرآبي ومُرتشي... وسفآك دماء نام مُنتشي من بعد ما لعق الدماء من بعد ما انتهك الحِمى... جوغة ضِبآع، وقطيع سباع متوحشة... اسرآب نسور تغتات على جُثث الصغآر... خجوها خج وضح النهار
ود المدير كيفنك
الله يجازي محنك ياخ بعد الخج دا باقيلك ما بدونا شي من الفرصى
