مصادرة الرأي وحجب مواقع الانترنت ممارسة شائعة للأنظمة الشمولية..
ونظام الإنقاذ بلا شك أحد هذه الأنظمة المقيدة لحرية الإبحار في فضاء الشبكة العنكبوتية..
منذ عدة أعوام صودر حق متصفحى الشبكة العنكبوتية بالسودان من دخول موقع سودانيزأونلاين من ضمن العديد من المواقع الأخرى..باشمهندس بكري أتى بعشرات الروابط تمكن من دخول المنبر من بروكسيات مختلفة..
اليوم تم حجب موقع ال youtube من قبل مزود الخدمة بالسودان لمنع تصفح أدلة تزوير الانتخابات
توجد عدة طرق لتصفح المواقع المحجوب.. على سبيل المثال -وليس الحصر:
1- عن طريق بروكسي.. أو موقع "وسيط" 2- عن طريق برامج معينة 3- باستخدام برنامج إضافي add-on تحت إطار برمجيات firefox 4 - باستخدام IP الموقع المراد تصفحه
تقنيات الحجب ممن تكون على عدة مستويات.. محلية: كتحديد المواقع التي لا يمكن تصفحها من قبل رب العمل مثلاً.. أو nationwide وهذه من قبل مزود الخدمة..
تقنيات حجب المواقع أصبحت متطورة.. بالتالي لا تعمل كل "البخرات و الأحجبة" المذكورة أعلاه على كل أنظمة الحجب.. لكن فوق كل ذي علم عليم.. وكل يوم بيظهر "همهروش" تكنولوجي computer savant بتقنية أو طريقة جديدة لكسر الحجب
سلامات ياجماعة انتو بتتكلمو جد ولا ده هظار ساكت .. الحكاية شنو بتاعة همروش ... قابلنى الاسم ده كتير فى الايام الفاتت .... كان الكلام ده صح خلاص نقنع من خيرا فيها وكل زول يلزم قطيتو تسلم يارب .... >
سأذكر أمثلة لمواقع تخطي البروكسي للتوضيح فقط.. هذه الروابط قد تكون محجوبةعن طريق مزود خدمتك.. وبالمناسبة الدخول عن طريق تلك المواقع at your own risk .. أمثلة:
الأمثلة كثيرة.. و كل يوم يتعرف مزود الخدمة على مواقع ويغلقها -بطريقة آلية according to the technology of the provider يعنى من الضرورى يكون عندك لستة حديثة من المواقع.. google بيتكفل بالمهمة.. .. للضمان كده ;)
Quote: سلامات ياجماعة انتو بتتكلمو جد ولا ده هظار ساكت .. الحكاية شنو بتاعة همروش ... قابلنى الاسم ده كتير فى الايام الفاتت .... كان الكلام ده صح خلاص نقنع من خيرا فيها وكل زول يلزم قطيتو تسلم يارب ....
الأخت ماجدة شرفت بطلتك
همروش أو شمهروش ده يا ستي ممكن يعمل أي حاجة..
الدجل و السحر و الشعوذة معروفة و تمارس فى السودان كما في غيره.. لكن كمية البوستات التي ُذكر فيها الجن و السحر ونسْب جميع ما حدث من تزوير وااااضح فى الإنتخابات "للسادة الشماهرة" والله يجعلنى أشعر بالقلق على عقيدة الكثيرين حتى قبل أن أقلق على صحتهم العقلية كممارس .. الموضوع ده داير بوست كامل بجيهو برواقة..
أنا عارف التكنولوجيا لا تباع بالمجان و حى إذا كانت بالمجان لا تبذل فى أي موقع علانية.. أنا ما خبير كمبيوتر لكن مزعلني موضوع حظر المواقع فى السودان ..أرمي للمساهمة بحد أدنى من المعرفة بمعلوماتي الضئيلة في هذا المجال للزملاء الذين يمكن أن يفيدهم الموضوع فى تجاوز محدودية سقف و هامش الحرية لمزودي الخدمة و من فوقهم
على الرحب و السعة لو حبيت تساهم فى "زيادة" هامش حرية الإتطلاع
ياخي أديك عنواني عديييييل خليك من الإيميل.. بتقدر ترسل لي -إن شاءالله- عينه من دى؟
قبل الإسهاب في شرح طرق فك حصار المواقع المحجوبة لابد من معرفة أن جميع هذه الطرق لن تعمل علي أية terminal..
يعتمد الموضوع طبعاً على نظام تشغيل و تزويد الخدمة بلدك و نظام الشبكة المحلية مثلا من موقع العمل أو المؤسسة التعليمية.. ممكن ال security level يمنعك من بعض الصلاحيات لتغيير ضبط الجهاز أو تنزيل برامج.. وحتى عند نجاح طريقة معينة لن تصلح لجميع المواقع.. وممكن مزود الشبكة يتعرف عليها و يقفلها و "يخجّها خج"
(زى ما حاصل لي في الشغل )..
لكن زي ما قلنا دايماً بكون فى ثغرة أوطريقة.. و خلى google يكون "صديق عادي" بالنسبة ليك
برنامج foxyproxy لتصفح المواقع المحجوبة او غيره من الأدوات الإضافية لمتصفح firefox
يمكن تغيير البروكسي يدوياً في ال internet explorer أو firefox لكن برنامج firefox يمكن من التنقل بسهولة من بروكسي لآخر بسهولة..
توجد فوائد بالطبع لاستعمال بروكسيات مختلفة أذكرها لآحقاً..
ثم كتابة ال IP Addresss and Port وأخيراَ Use this proxy server for all protocols
عملية التغير سهلة جداً والمهم أن يكون البروكسي شغال.. يمكن إيجادها من موقع http://www.samair.ru ولو الموقع ده مقفول عندك عن طريق كتابة كلمة proxy list في google
ولكن هناك مشكلة فأغلب البروكسيات المجانية تسبب بطىء في التصفح.. طبعاً باستخدام بروكسي مجاني، صاحب البروكسي الشفت ممكن يتجول داخل كمبيوترك بدون ما تعرف.. عشان كدة مفيد يكون عندك برنامج مضاد للقرصنة عشان ما تكورك/ي منو الشمهروش السرق ملفاتي.. و طبعاً عمل partition مفيد فى كل الأحوال
ملحوظة هامة!
أكتب/ي البروكسي الأصلي على جنبة عشان لو الموضوع ما نجح ما تطلع من الشبكة خالص ولا تقدر تخش لا youtube ولا حتى موقع لجنة الإنتفاخات.. عفواً أقصد الانتخابات
ينصح باستعمال البروكسي الأصلي فى تصفح المواقع المعتادة غير المحجوبة لأنه السرعة بتكون أحسن و لنواحي أمنية ذكرتها أعلاه..
بالإضافة لمنع القُصّر بالمنزل من تصفح مواقع الراشدين Adult طبعاً جزء كبير من قُصّر الزمن ده كلامي بتاع كسر البروكسي ليهم زي ABCD
يمكن استخدام الوسائط "الشمهروشية" المذكورة هنا لتصفح المواقع المخجوجة.. عفواً.. المحجوبة عن طريق الهيئة القومية للإتصالات مثل ال youtube (على ذمة الرواة)
بس يا أخوانا و أخواتنا رجاءً.. خليكم "راشدين" .. ما "راشدين" الفوق دي
حجب بواسطة المُستقبـِل أو مُزود الخدمة ..ذكرته فوق
و حجب من المصدر.. كمثال: ممكن إدارة facebook تحجبه عن السودان بسبب موضوع المقاطعة الأمريكية.. برضو في كمية من المواقع الامريكية (وغير أمريكية) لا يمكن تصفحها من السودان لنفس السبب: الحجب من المصدر.. أذكر في إجازة في السودان من كم سنة حاولت أشترى تذكرة سفر عن طريق إحدى online booking agencies الامريكية.. وبعد تفتيش طويل مع إنترنت سلحفائية لغاية ما راسي صدع وصلت لمرحلة شراء التذكرة و الموقع أفادني بأنه لا يمكن شراء التذكرة من الموقع الحالي... لأنو السودان حكومته مصنفة إنها من الدول الداعمة للإرهاب (الكلام الأخيرة طبعاً ما كان مكتوب فى الموقع وزيادة مني ساي ..لكن كلنا عارفين إنو دي الحقيقة)
ممكن الحظر يكون لأسباب غير المقاطعة الإقتصادية..أو بوصف أدق: يمكن الدخول لمواقع لكن بعض الخدمات التي يقدمهاالموقع الأصل فيها هو الحجب إلا إذ تم استثنائك.. مثل ال BNF و HINARI وبجيها راجع لاحقاً..
الشاهد في الموضوع: معظم المواقع المحجوبة من المصدر أو مزود الخدمة يمكن الوصول إليها بتجاوز البروكسي