Post: #1
Title: بعد 30 عام على حدوثها: 25 سنة سجن لمسئولين عن انتهاكات حقوق انسان! و الكلام ليك يا ...
Author: esam gabralla
Date: 04-21-2010, 04:08 PM
Parent: #0
قضت محكمة في بيونس ايريس - الارجنتين بسجن رينالدو بينونى البالغ من العمر 82 بالسجن 25 سنة الذي كان احد قادة مركز سرى (كامبو دو مايو) للتعذيب في الفترة 1982 - 1983 ابان الديكتاتورية العسكرية 1976 - 1983 .
رينالدو بينونى كان الرئيس الأخير للنظام العسكرى و في فترة حكمه اصدر أمر عفو عام عن كل المتهمين بارتكاب انتهاكات حقوق انسان كما أمر بالتخلص من كل الوثائق و الادلة التى قد تدل على الانتهاكات .
قام القضاء و البرلمان الارجنتينى بالغاء أمر العفو و جعلت الرئيسة المنتخبة كريستينا فرنانديز امر ملاحقة مرتكبي الانتهاكات من اولوياتها القصوى.
بجانب بينونى تم الحكم على خمسة ضباط سابقين بعقوبات تتراوح بين 17 و 25 عام .
و رحبت رئيسة منظمة حقوق الانسان (بلاتزا دو مايو ) استيلا دو كارلوتو (عن امهات و اسر الضحايا) " هذا يوم جيد للارجنتين , لكن لدينا لدينا الكثير لنفعله فلا زال هناك مئات المتهمين"
الجدير بالذكر ان مارادونا و ميسي و اوكامبو من الارجنتين!!!
جرائم حقوق الانسان لا تسقط بالتقادم
و ما ضاع حق وراه مطالب
|
Post: #2
Title: Re: بعد 30 عام على حدوثها: 25 سنة سجن لمسئولين عن انتهاكات حقوق انسان! و الكلام ليك يا ...
Author: مجدى محمد مصطفى
Date: 04-21-2010, 04:14 PM
| Quote: بعد 30 عام على حدوثها: 25 سنة سجن لمسئولين عن انتهاكات حقوق انسان! |
مالك عليهم ياخي داير تنغص عليهم فوزهم المزور , الكلام ده ذاتو البيخلي نافع يهرب دوما للامام
-----
تحياتي اخ عصام
|
Post: #3
Title: Re: بعد 30 عام على حدوثها: 25 سنة سجن لمسئولين عن انتهاكات حقوق انسان! و الكلام ليك يا ...
Author: ibrahim alnimma
Date: 04-21-2010, 04:54 PM
Parent: #2
إذا كان هذا هو حال من عذب ، فكيف يكون مصير من عذب حد الموت؟؟؟؟؟
ود جبرالله سلام
|
Post: #4
Title: Re: بعد 30 عام على حدوثها: 25 سنة سجن لمسئولين عن انتهاكات حقوق انسان! و الكلام ليك يا ...
Author: esam gabralla
Date: 04-21-2010, 09:57 PM
Parent: #2
سلام يا مجدى
ياخى ما القصد التنغيص لكن الواحد قال ينور الناس بأخبار العالم , يبدو إنو توقيتى خاطئ , مفروض استنى عرس الانتخابات المضروب ينتهى , المرة الجاية ... باقي ليك احرف مارادونا و لا اوكامبو؟
|
Post: #5
Title: Re: بعد 30 عام على حدوثها: 25 سنة سجن لمسئولين عن انتهاكات حقوق انسان! و الكلام ليك يا ...
Author: esam gabralla
Date: 04-21-2010, 10:00 PM
Parent: #4
| Quote: إذا كان هذا هو حال من عذب ، فكيف يكون مصير من عذب حد الموت؟؟؟؟؟ |
مصير بائس ... لو وجد من يلاحقه , ده الفرق الحاسم يا ابراهيم .. في شعوب لظروف مختلفة و متنوعة لم تنسي او تتنازل او تتغاضي عن حقها في محاسبة جلاديها
سلام
|
Post: #6
Title: Re: بعد 30 عام على حدوثها: 25 سنة سجن لمسئولين عن انتهاكات حقوق انسان! و الكلام ليك يا ...
Author: حافظ حسن ابراهيم
Date: 04-22-2010, 08:29 AM
Parent: #5
| Quote: : بعد 30 عام على حدوثها: 25 سنة سجن لمسئولين عن انتهاكات حقوق انسان! و الكلام ليك يا ... |
دينك بعد 30 سنة؟
يعني القصة دي ما بتنتهي بالتقادم يا عصام؟
|
Post: #7
Title: Re: بعد 30 عام على حدوثها: 25 سنة سجن لمسئولين عن انتهاكات حقوق انسان! و الكلام ليك يا ...
Author: Siham Elmugammar
Date: 04-22-2010, 10:33 AM
Parent: #6
يا عصام سلامات
السقوط بالتقادم ده الودانا لى ورا
كل مرة تجى حكومة سوا عسكرية او ديمقراطية تعمل السبعة و ذمتها
و نحن نجى نقول نبدأ من جديد و نفتح صفحة جديدة و عفى الله عما سلف
انت عارف عفا الله عما سلف دى زاتها الناس فاهماها غلط حتى على مستوى
القضايا الشخصية
يعنى تلقى الواحد شايل فى نفسو وساكت عشان لو اتكلم وقال انا ماراضى
وما قادر اسامح الناس ح تختو ليك فى قالب الزول النقناق او كايس مشاكل
وينسو ليك الزول الغلطان تماماغافين عن انو عفا الله عما سلف دى فى مصلحتو
وقد يكون لايزال فى انتظار الفرصة مرة اخرى حتى يكشر عن قبحه مرة اخرى
خلى العسكريين يا عصام
نحن فى ظل الديمقراطية التى من المفترض انها عندها اليات للمحاسبة
لم نستطيع ان نسأل حكامنا ولم نستطيع حتى ان نعزز هذه الاليات و نجعلها
فاعلة
أقرب مثال مظاهرات الديمقراطية فى زمن الوفاق الوطنى قال ليك
فى ناس ماتت وين المسئولين عن موتهم هسه
ولسه بنعول على الصادق وكمان حكمتو بالغة الترابى انجعص فى النص
انت عارف يا عصام امبارح قريت بحث تخرج لطالبتين فى الاحفاد
كان عن دور المرأة الدارفورية فى السلام
لقيت كلام نظرى جميل عن اهمية بناء السلام نشر ثقافة السلام
خطر لى نحن محتاجين كمان نراجع ثقافاتنا المختلفة التى تعزز
مفاهيم تشكل عوائق فى الرحلة دى
الفساد يا عصام المالى البلد والواحد يكون عارف انو قريبو حرامى
او قريبتو ولسه بنقبلو يعزمونا و نجاملهم و ناكل فى بيوتهم
تقول لى المحاسبة
|
|