Post: #1
Title: اها مبارك الفاضل بي نظرياتو الدسمه دي بيمشي وين ؟؟؟ أفتونا
Author: Hisham Ibrahim
Date: 04-20-2010, 12:10 PM
Parent: #0
أول حاجه انا قاطعت الإنتخابات من ميسا داكـ .
وما سجلت وما شفت تصويت ( عشان الصوت امانه ربنا بيسالنا منو يوم نقيف
قدامو عـريانين ( كُُلنا ) كدا بي ربطة المعلم !!
لكن الناس دي قدتنا بي مبارك الفاضل - مبارك الفاضل
ما اختلفنا
الراجل في منبر سونا ورانا العجب وسمعنا ما لم نسمعه
من قبل وقلنا الراجل دا بزاحم الناس بي ركبتيه وعمتو النظيفه ديكـ !
وحا يسوي حاجه في الإنتخابات !
عموما الراجل زي عارف مواطن الداء والعندو بعض من طرطشات دواء هذا
إن صح كلامه وحا يطبقه !
لكن الليله لا حس لا خبر
ما يكون إتخارج - (تزوغون) دي يمكن إسم العمليه ؟
المنابر السياسية ما سوت حاجه غير كشفت عورات البعض !
ومنتظرين الكلام الإتقال يتنفذ سواء وعود سياسية والا غيرو !
يعني ناس ( لو ما مجانية التعليم ديل كانوا ماسي أحذية ) !
والجماعه ردوا عليهم بي كميات المدارس والجامعات والصحة
والمستشفيات الإتعمل والحا يتعمل
وكمية من العبارات لمن تسمعا تقول قبل ما يجف حبر التصويت
بلدنا تفوت اليابان ذاتها !
غايتو مبارك الفاضل ختف الأضـواء من الباقين لكن للاسف ( طلع جلاء)
( ياربي يكون قسموا ليهو الشرتيت ؟)
وحكاية مصنع الشفاء الملصـقينها ليهو دي ( فرتقا )
لينا وورانا منو الكان وراها !!
ومبارك الفاضل دا كان جاء الحكم ما بقول عاوز تعويضات المهدي !!
بالله أفتونا
هشام
|
Post: #2
Title: Re: اها مبارك الفاضل بي نظرياتو الدسمه دي بيمشي وين ؟؟؟ أفتونا
Author: Hisham Ibrahim
Date: 04-20-2010, 12:18 PM
Parent: #1
طيب بعد الإنسحاب
والي انا ما عارف هو مع المنسحبين (الصادق المهدي )
والا هو فتح نيران براهو ؟
أظنو إنسحب من مع الجماعه !
الحاجات البتحصـل في الحزب جوه دي ما حقو تظهر للبره ! دا رأي أنا
وبرضو يا ربي ناس نافع ممكن يدوهو وزارة كدا عى الطاير والا بيخلو لافي ( قرقور ) !!!
هشام
|
Post: #3
Title: Re: اها مبارك الفاضل بي نظرياتو الدسمه دي بيمشي وين ؟؟؟ أفتونا
Author: Hisham Ibrahim
Date: 04-20-2010, 12:27 PM
Parent: #2
انا لمن قاطعت الإنتخابات ما مشيت ساي
دعيت ربنا يولي من يصـلح حال البلاد والعباد !
هشام
|
|