Post: #1 Title: تلفزيون السودان وتلفزيون الجزيرة جلسة طلح ودخان Author: د.محمد حسن Date: 04-20-2010, 08:33 AM
سمن على عسل
جلسة اخر وناسة والسيد عمر الجزلي العائد الى التلفزيون بعد احالته الفجائية للصالح العام - يتبجح ويتهكم على الاحزاب المقاطعة . وفجاة يتحول النقاش الى الطلح والدخان والكبريت مع المذيعة وسط الرجال سبحان الله
تلفزيونا الرسالي يروج للكبريت السوداني
Post: #2 Title: Re: تلفزيون السودان وتلفزيون الجزيرة جلسة طلح ودخان Author: ادريس خليفة علم الهدي Date: 04-20-2010, 08:51 AM Parent: #1
(*)
لحين عودة
Post: #8 Title: Re: تلفزيون السودان وتلفزيون الجزيرة جلسة طلح ودخان Author: د.محمد حسن Date: 04-20-2010, 09:21 AM Parent: #2
Quote: لحين عودة
الكريم ابن الكرام
ود الناظر
في هذه الحالة تسمى
لحين طبقة
ودمت مدخنا وسافي
Post: #3 Title: Re: تلفزيون السودان وتلفزيون الجزيرة جلسة طلح ودخان Author: ihsan fagiri Date: 04-20-2010, 08:55 AM Parent: #1
يا دكتور صباح الخير
انت في المحادثه التلفونيه ادخلت مصطلح يوضح حاله التلفزيون والانتخابات وحالة البلد كلها قلت
شنو داك سياسي وتسلم يا دوك
Post: #4 Title: Re: تلفزيون السودان وتلفزيون الجزيرة جلسة طلح ودخان Author: ادريس خليفة علم الهدي Date: 04-20-2010, 08:57 AM Parent: #3
Post: #5 Title: Re: تلفزيون السودان وتلفزيون الجزيرة جلسة طلح ودخان Author: سالم أحمد سالم Date: 04-20-2010, 09:00 AM Parent: #4
على قناة الجزيرة بث الفيديوهات المصورة التي تكشف تزوير الانتخابات ..الفيديوهات منتشرة بكثافة في هذا الموقع .. صورة وصوت ّ
من المفترض أن تبث الجزيرة التسجيلات تحت "عاجل" .. فهي أهم وأخطر من التسجيلات الصوتية لاسامه بن لادن التي تعتني بها هذه القناة ..
التسجيلات مهمة بالنسية لقناة الجزيرة لأن الجزيرة اهتمت بانتخابات السودان وأفردت الساعات الطوال .. وبعثت إليها بفلذات كبدها من المحررات والمحررين ..
هذا من الوجهة المهنية البحتة
Post: #10 Title: Re: تلفزيون السودان وتلفزيون الجزيرة جلسة طلح ودخان Author: سيف الدين حسن العوض Date: 04-20-2010, 09:50 AM Parent: #5
الاخ الكريم / سالم أحمد سالم يا اخي انت راجل متنور والكلام ده ما بيشبهك مافي داعي تكرر هذه العبارات والجمل الرتيبة هنا خلاص سمعنا بالفيديو المضروب ده ودوه للجزيرة خلاص الجماعة
Post: #14 Title: Re: تلفزيون السودان وتلفزيون الجزيرة جلسة طلح ودخان Author: د.محمد حسن Date: 04-20-2010, 12:39 PM Parent: #10
(خلاص سمعنا بالفيديو المضروب ده)
الضربو منو؟
Post: #13 Title: Re: تلفزيون السودان وتلفزيون الجزيرة جلسة طلح ودخان Author: د.محمد حسن Date: 04-20-2010, 12:23 PM Parent: #5
(على قناة الجزيرة بث الفيديوهات المصورة التي تكشف تزوير الانتخابات )
ذكر لي اخ انه تم بث هذه الفيديوهات صباح اليوم
يعني ناس الجزيرة اكلوا تورهم
وبثو زولم
Post: #6 Title: Re: تلفزيون السودان وتلفزيون الجزيرة جلسة طلح ودخان Author: هاشم محمد الحسن عبدالله Date: 04-20-2010, 09:01 AM Parent: #4
دكتور محمد حسن ، تحياتى ، اللقاء كان جميلا وله جوانب جيدة من التعريف بطبيعة الشعب السودانى وتقاليده وقيمه الجميلة والنقاش كان متنوعا وفيه ابداع، اما عن حديث عمر الجزلى فأويدك فيما ذكرته، أنا أعتقد أنه آن الآوان لعمر الجزلى ليرتاح ويريح فلقد أخذ أكثر من حقه كثيرا، مودتى .
Post: #15 Title: Re: تلفزيون السودان وتلفزيون الجزيرة جلسة طلح ودخان Author: د.محمد حسن Date: 04-20-2010, 03:39 PM Parent: #6
(عن حديث عمر الجزلى فأويدك فيما ذكرته، أنا أعتقد أنه آن الآوان لعمر الجزلى ليرتاح ويريح فلقد أخذ أكثر من حقه كثيرا، )
يعني منتهي الصلاحية يا خ حرامعليك لسة ما وثق لي رئس ابلد عايز تفنشو
هو اصلو اخر طلقة ليه
حيكون شغال محل الجد شعبان للطفال
Post: #7 Title: Re: تلفزيون السودان وتلفزيون الجزيرة جلسة طلح ودخان Author: ابو مهند Date: 04-20-2010, 09:07 AM Parent: #4
هذه سهرة انتقائية فيها كل من صفق للانخابات او نقل خبرا موقع عليه هؤلاء مثل احد الزماء عندما ذهب في زيارة رسمية لدولة اخرى, وعند عودته ساله الصحفين عن نتائج زياراته فقال لهم( استقبلونا استقبلا حسنا , واقاموا لنا الولائموعدنا مسرورين)
Post: #16 Title: Re: تلفزيون السودان وتلفزيون الجزيرة جلسة طلح ودخان Author: د.محمد حسن Date: 04-20-2010, 05:28 PM Parent: #7
Post: #9 Title: Re: تلفزيون السودان وتلفزيون الجزيرة جلسة طلح ودخان Author: د.محمد حسن Date: 04-20-2010, 09:38 AM Parent: #3
(شنو داك سياسي)
والاغرب يا دوك لما قامت المذيعة النفسها في الدخان اتكلت عن انو السودان محتاج كتير وفروض الشعب السوداني يجتهد وويشتغل اكتر وانا القيادة مفروض طوالي نط ليها عمر الجزلي في حلقومها وبلعها كلامها يعني كأنو بقول ليها خليك في حفرتك
Post: #11 Title: Re: تلفزيون السودان وتلفزيون الجزيرة جلسة طلح ودخان Author: walid taha Date: 04-20-2010, 10:56 AM Parent: #1
د . محمد الحسن إزاى الحال
تابعت اللقاء على التلفزيون القومي مساء امس وحقيقة اللقاء جاء ليس كما ينبغى له ان يكون لازم الحديث كثيراً من الهرج فعمر الجزلي يقاطع لقمان و لقمان يقاطع غادة وامتدت المقاطعة فى الحديث لأحد الضيوف مما حدا به ان يوقل :(لو سمحت بس خلينى اكمل) فى ضيق واضح. يبدو ان المايك كان قريباً من غادة التى سمعنا همهماتها بوضوح أثناء مجريات الحديث اللقاء كان صراحة يفتقد للباقة والتنظيم من جانب إعلاميينا. كان حرى بهم ان يكونوا أكثر لباقة تحس من فرط إكثارهم بالحديث عن السوداني كأنهم يدفعون الضيوف دفعاً للثناء على الشعب السوداني دون تركهم يصيغون هذا (الثناء) من خلال ما مر بهم من أحداث والتى كانت كفيلة بإيراد كثيراً من المواقف التى تبين روعة الإنسان السوداني وما يحمله من قيم تستحق فعلا الثناء.
موقع اللقاء كان جميلاً للغاية وهو يظهر برج الفاتح كخلفية غير ان النافورة (الصفراء المائلة للحمار) كانت وكانها حمم بركانية وكان يمكن إختيار لون أخر أكثر قبولا او كان يمكن التشكيل ما بين اللون الأساسي وألوان اخرى تجعل المشهد اكثر جمالاً. لا يفوتنى ان أشير الى مشهد مرور (بوكس قمارة واحدة) على نفس الخلفية ولمرتين متتاليتين!! أما (البالنيبو) فكانت رائعة .
تحياتي يا دكتور
Post: #12 Title: Re: تلفزيون السودان وتلفزيون الجزيرة جلسة طلح ودخان Author: ابو جهينة Date: 04-20-2010, 11:43 AM Parent: #11
ابو التومات
سلام
حسادة منك ساكت ، عشان صاحب عمارتكم منعكم من الدخاخين
Post: #17 Title: Re: تلفزيون السودان وتلفزيون الجزيرة جلسة طلح ودخان Author: عبداللطيف خليل محمد على Date: 04-20-2010, 05:37 PM Parent: #12
محمد حسن ..
مساء الخير ..
دي اسمها : استقطاب المشاهد بالـ ( إستنداب ) !!
يمين جد ..
Post: #22 Title: Re: تلفزيون السودان وتلفزيون الجزيرة جلسة طلح ودخان Author: د.محمد حسن Date: 04-21-2010, 03:59 PM Parent: #17
Quote: دي اسمها : استقطاب المشاهد بالـ ( إستنداب ) !! ..
يشهد الله ضحكت جنس ضحك
يجاااااااازي محنك
Post: #20 Title: Re: تلفزيون السودان وتلفزيون الجزيرة جلسة طلح ودخان Author: د.محمد حسن Date: 04-21-2010, 02:18 PM Parent: #12
Quote: حسادة منك ساكت ، عشان صاحب عمارتكم منعكم من الدخاخين
hf, [idkm
ابو جهينة
انت معدد
لاتقبل شهادتك
Post: #18 Title: Re: تلفزيون السودان وتلفزيون الجزيرة جلسة طلح ودخان Author: د.محمد حسن Date: 04-20-2010, 06:12 PM Parent: #11
Quote: فعمر الجزلي يقاطع لقمان و لقمان يقاطع غادة وامتدت المقاطعة فى الحديث لأحد الضيوف مما حدا به ان يوقل :(لو سمحت بس خلينى اكمل) فى ضيق واضح.
وفي لحظة من اللحظات لقمان حاف بالتقطعو الا يتكلم هو الاول
Quote: لا يفوتنى ان أشير الى مشهد مرور (بوكس قمارة واحدة) على نفس الخلفية ولمرتين متتاليتين!!
ديل الملايكة
Post: #19 Title: Re: تلفزيون السودان وتلفزيون الجزيرة جلسة طلح ودخان Author: طارق ميرغني Date: 04-20-2010, 07:40 PM Parent: #18
اخي د. محمد حسن
الطابق البوخه معقوله
لكن سيرة هذا الجزلي بتلبشني لانو انسان ثقيل الدم
وتعليق صديقي اعلاه عن الانتداب البريطاني
والله ضحكتني جنس ضحك.....
Post: #21 Title: Re: تلفزيون السودان وتلفزيون الجزيرة جلسة طلح ودخان Author: ismeil abbas Date: 04-21-2010, 03:02 PM Parent: #19
ألأخ/محمد حسن .السلام عليكم.\\
لك التحية ..
الحلقة كان يقلبها طابع الونسة..وكتغيير بالنسبة لما نحن فيه من جوطة إنتخابات و حسب وجهة نظرى
ما بطالة...عمومأ انا والمدام إستمتعنا بيها بالذات لما جابو سيرة البخور..والحنة..\
أنا فى راى دى ثقافتنا وحقو ما نتحسس منها..ويكون الموضوع عادى..
ما قاله ألأخ وليد طه فيهو كثير من الصاح..بأن مقدمى البرامج كانوا بدفعوا الضيوف للثناء على السودان..
لك التحية يا محمد حسن..
Post: #24 Title: Re: تلفزيون السودان وتلفزيون الجزيرة جلسة طلح ودخان Author: د.محمد حسن Date: 04-21-2010, 06:50 PM Parent: #21
Post: #23 Title: Re: تلفزيون السودان وتلفزيون الجزيرة جلسة طلح ودخان Author: د.محمد حسن Date: 04-21-2010, 05:44 PM Parent: #19
Quote: لكن سيرة هذا الجزلي بتلبشني لانو انسان ثقيل الدم ]
الظاهر عليه كان عشمان في انتداب لي الدوحة
Post: #25 Title: Re: تلفزيون السودان وتلفزيون الجزيرة جلسة طلح ودخان Author: د.يوسف محمد طاهر Date: 04-22-2010, 06:36 AM Parent: #23
سلام - د. محمد حسن بصراحة الجلسة كانت جميلة جداً , وقد تابعتها من أولها إلى آخرها ... لا يعيبها إلا أن هؤلاء حضروا لتغطية الانتخابات ... فانطبق علينا قول الإمام الشافعي : وعين الرضا عن كل عيب كليلة *** ولكن عين السخط تبدي المساويا
Post: #26 Title: Re: تلفزيون السودان وتلفزيون الجزيرة جلسة طلح ودخان Author: معتصم دفع الله Date: 04-22-2010, 07:55 AM Parent: #25
Quote: والسيد عمر الجزلي العائد الى التلفزيون بعد احالته الفجائية للصالح العام - يتبجح ويتهكم على الاحزاب المقاطعة .
ما ضحك ضحكته ديك يا دوك ..
إنت زاتك البوديك بي هناك شنو .. غايتو تلفزيون الإنقاذ دا إلا برنامج الرياضة أو كورة في الدوري مجبورين عليها ..
Post: #28 Title: Re: تلفزيون السودان وتلفزيون الجزيرة جلسة طلح ودخان Author: د.محمد حسن Date: 04-22-2010, 10:42 AM Parent: #26
Quote: إنت زاتك البوديك بي هناك شنو .. ..
شميت الريحة
قلت الولية
طلع التلفزيون اريتو اليوم داك لو كان عندي نزلة
شفيفنا
تتخيل
Post: #27 Title: Re: تلفزيون السودان وتلفزيون الجزيرة جلسة طلح ودخان Author: د.محمد حسن Date: 04-22-2010, 08:16 AM Parent: #25
Quote: وعين الرضا عن كل عيب كليلة *** ولكن عين السخط تبدي المساويا
الاخ الكريم د. يوسف
اسعدني مرورك
اما عين الرضا
عن اي شيء ارضى
عن هذا التطبيل الاجوف لماذا قامت الدنيا ولم تقعد حينما اورد ( اكرم خزام - مراسل الجزيرة الجميلة سابقة ومراسل الحرة القبيحة الان) تقريره عن التزوير اذن يا اخي د. يوسف نسبة للنظرة الاحادية المتخندقة في خندق اننا الاحسن كل يرى بعين رضاه وعين سخطه وليذهب الوطن الى الجحيم سهرة مدفوعة الاجر يا دكتور هنيئا لك بها ويبقى بننا الاحترام الجميل مودتي
Post: #29 Title: Re: تلفزيون السودان وتلفزيون الجزيرة جلسة طلح ودخان Author: د.يوسف محمد طاهر Date: 04-22-2010, 11:42 AM Parent: #27
سلام مجدداً : د. محمد حسن
Quote: عن هذا التطبيل الاجوف لماذا قامت الدنيا ولم تقعد حينما اورد ( اكرم خزام - مراسل الجزيرة الجميلة سابقة ومراسل الحرة القبيحة الان) تقريره عن التزوير اذن يا اخي د. يوسف نسبة للنظرة الاحادية المتخندقة في خندق اننا الاحسن كل يرى بعين رضاه وعين سخطه وليذهب الوطن الى الجحيم سهرة مدفوعة الاجر يا دكتور هنيئا لك بها
حقيقة أنا لست من الحريصين على متابعة التلفزيون القومي , ولكن هذه الحلقة بالذات لفتت نظري لما فيها من مجانبة للمألوف والروتين القاتل , خاصة أنها جاءت في توقيت صادف خرمجة الانتخابات وخجة الصناديق , والروائح الكريهة تنبعث من كل الجوانب ... فهناك مذيعين انطبعت صورهم عند المشاهد بالجدية وبالطبع لينا زهر الدين عرفت بأنها قارئة أخبار فنادر ما تراها في برامج منوعات ... وهذا هو السبب الأساسي في تميز الحلقة , وجذب الكثيرين إلى مشاهدتها ... أما عن تقارير أكرم خزام في قناة الحرة عن تزوير الانتخابات السودانية فقد كنت أول المعلقين في بوست الأخت : تراجي ,وقد ابديت إعجابي بهذ المذيع الشجاع , في الوقت الذي كان ينادي بعضهم بطرده من السودان ومن خلال هذا المنبر ... التلفزيون القومي لم يعد قومي كما كان , وقد صار ثقيلاً على الأنفس , وذلك لأن ما تراه في التلفزيون ليس الذي تراه في الواقع ... لك خالص ودي وتقديري
Post: #30 Title: Re: تلفزيون السودان وتلفزيون الجزيرة جلسة طلح ودخان Author: د.محمد حسن Date: 04-22-2010, 12:34 PM Parent: #29
Quote: لك خالص ودي وتقديري
اخي الكريم د. يوسف
ولك خالص الود والتقدير
قال المتنبي
ومن يك ذا فم مريض يجد مرا به الماء الزللال
فدحين انا مرضان لي 21 سنة هل تفتكر حاقدر ابلع عمر الجزلي ؟
Post: #31 Title: Re: تلفزيون السودان وتلفزيون الجزيرة جلسة طلح ودخان Author: د.محمد حسن Date: 04-22-2010, 02:04 PM Parent: #30
هل يشترط في الدخان الخج ؟
Post: #32 Title: Re: تلفزيون السودان وتلفزيون الجزيرة جلسة طلح ودخان Author: د.محمد حسن Date: 04-23-2010, 06:29 AM Parent: #31