Post: #1 Title: خروج سمكة من ماسورة منزل مواطن بعطبرة Author: Mohammed Awad Date: 04-19-2010, 10:03 AM Parent: #0
Quote: فوجئ أحد المواطنين بمدينة عطبرة بخروج سمك حي من ماسورة منزله اليومين الماضيين . وقال مفوض هيئات الشباب والرياضة بولاية نهر النيل عبد المنعم محمد الخضر لصحيفة حكايات انه فوجئ بسمكة صغيرة تتراقص وهي تهبط من فتحة الماسورة مع المياه في منزله عقب عودته من مكان عمله عصراً . وأستعان عبد المنعم بجيرانه وفقاً لروايته للتاكد من ان الكائن المتراقص امامه سمكة مبدياً إستغرابه كونها تجاوزت كل الأكواع والبلوفات الممتدة من النيل الي منزله في ضاحية الحصايا دون ان تموت إختناقاً . ولقيت السمكة العنيدة حتفها أمس بعد ثلاثة ايام من وضعها في حوض صغير . وبحسب صحيفة حكايات تلقى عبد المنعم عشرات المكالمات من رفقاء العمل والأصدقاء يعزونه في فقد سمكته الجلل الذي حزن له أشد او كما قال
Post: #2 Title: Re: خروج سمكة من ماسورة منزل مواطن بعطبرة Author: Mohammed Awad Date: 04-19-2010, 10:08 AM Parent: #1
سمك بالمواسير...
جداد مشتت فى اركويت من الطائرة المنكوبة...
شمهروش حارس دهب الشمالية...
سألو واحدة اجنبية قالولا ليها شعورك شنو وانت فى السودان؟
قالت: نفس شعور اليس فى بلاد العجائب
Post: #3 Title: Re: خروج سمكة من ماسورة منزل مواطن بعطبرة Author: محمد عبد الماجد الصايم Date: 04-19-2010, 10:10 AM Parent: #2
واسعة يا عمكـ شلت حسّنا مع رمانة ياخ!
Post: #4 Title: Re: خروج سمكة من ماسورة منزل مواطن بعطبرة Author: Mohammed Awad Date: 04-19-2010, 10:15 AM Parent: #3
Post: #12 Title: Re: خروج سمكة من ماسورة منزل مواطن بعطبرة Author: محمد عبد الماجد الصايم Date: 04-19-2010, 10:25 AM Parent: #4
Quote: ياخ انت شايل حسنا زايغ بالكنجالات لى اسى
يا عمكـ .. الكنجالات ما مشكلة ياخ!ّ بعدين ما ياهو نص البلد زايغ بكنجالات النص التاني!
لكن قصتكـ دي .. موبالغة! كااااااااااااااكـ ياخ!
Post: #5 Title: Re: خروج سمكة من ماسورة منزل مواطن بعطبرة Author: معاوية عوض الكريم Date: 04-19-2010, 10:16 AM Parent: #3
Quote: واسعة يا عمكـ شلت حسّنا مع رمانة ياخ!
شفت الماسورة دى كيف يا عمكـ جابت سمك عديل كده - الله يستر ما تجيب تمساح
Post: #13 Title: Re: خروج سمكة من ماسورة منزل مواطن بعطبرة Author: محمد عبد الماجد الصايم Date: 04-19-2010, 10:26 AM Parent: #5
Quote: جابت سمك عديل كده - الله يستر ما تجيب تمساح
تمساح شنو يا عمكـ يعني لو ساكن جمب السـد ماسورتكم ممكن تجيب كهربا! أي والله! كهربا عديييييل كـــدا! تشرب .. وتتكهرب!
Post: #6 Title: Re: خروج سمكة من ماسورة منزل مواطن بعطبرة Author: ود الباوقة Date: 04-19-2010, 10:17 AM Parent: #3
نسال الله التثبيت 000
Post: #14 Title: Re: خروج سمكة من ماسورة منزل مواطن بعطبرة Author: محمد عبد الماجد الصايم Date: 04-19-2010, 10:27 AM Parent: #6
Quote: نسال الله التثبيت
ونعم بالله! حال الدنيا يا ود الباوقة!
الزول دا بكون صوّت؟ غايتو لو ما صوّت ح يصّوت هسي ناووو!
Post: #7 Title: Re: خروج سمكة من ماسورة منزل مواطن بعطبرة Author: محمد عبد الماجد الصايم Date: 04-19-2010, 10:17 AM Parent: #3
لا والله!
قدر ما حاولت أتجاوز عن كلامكـ دا ما قدرت!
. . . . . .
يا فيصااااااااااااااااااااااااااال!
Post: #9 Title: Re: خروج سمكة من ماسورة منزل مواطن بعطبرة Author: HAIDER ALZAIN Date: 04-19-2010, 10:20 AM Parent: #7
سمكة صغيرة قدر شنو يعني ..!
غايتو المواطن دا الا مخالف القانون ومدخل موية في بيتو بماسورة اكبر من نص بوصة ..
ويكون بلف الماسورة زاااااتو حجمو بحجم كبسرة السيناتور معاوية رمز الماسورة ..
غايتو ناس حكايات وسعو الماسورة شوية المرة دي
Post: #10 Title: Re: خروج سمكة من ماسورة منزل مواطن بعطبرة Author: Mohammed Awad Date: 04-19-2010, 10:21 AM Parent: #7
Quote: يا فيصااااااااااااااااااااااااااال!
هشششششششششششششششششششششششش اسكت اسكت.. انا عامل ليو كمين!!
. . . . . . . . .
Post: #19 Title: Re: خروج سمكة من ماسورة منزل مواطن بعطبرة Author: محمد عبد الماجد الصايم Date: 04-19-2010, 10:35 AM Parent: #10
Quote: اسكت اسكت.. انا عامل ليو كمين!!
Post: #15 Title: Re: خروج سمكة من ماسورة منزل مواطن بعطبرة Author: داليا الكباشى Date: 04-19-2010, 10:27 AM Parent: #2
Quote: نفس شعور اليس فى بلاد العجائب
والله يا محمد ضحكت لمن السكرتيره جاتني تفقدني في المكتب ..!! زي ما بيقول ناصر القصبي (الله يعلعل علاعيلك) ..
------ حيدر الزين دا اليومين ديل خاشي في دور المحقق كونن ما تشتغل بيهو كتير بالله اي زول يفتح خشمو في البورد دا يشبكو ليك : اين كنت يوم الاحد من الساعه حداشر لحدي حداشر الا ربـع ؟؟
Post: #20 Title: Re: خروج سمكة من ماسورة منزل مواطن بعطبرة Author: Mohammed Awad Date: 04-19-2010, 10:36 AM Parent: #15
Quote: بالله اي زول يفتح خشمو في البورد دا يشبكو ليك : اين كنت يوم الاحد من الساعه حداشر لحدي حداشر الا ربـع
يازولة والله البورض دى دا خير وسيلة فى الدفاع فيهو الهجوم.. لو ما نفع ود الصايم دا انا يبدو ليى انو الهكر دا قريبو. يعنى حمرا بيجيه ليك البوست المغضوب عليه اميدياتلى.
ولا كيف ياعمك؟
ـــــ الحمرا دى 5 طبعآ لكن بتختلف بحسب اختلاف البوست
Post: #8 Title: Re: خروج سمكة من ماسورة منزل مواطن بعطبرة Author: ود شاموق Date: 04-19-2010, 10:20 AM Parent: #1
Quote: مبدياً إستغرابه كونها تجاوزت كل الأكواع والبلوفات الممتدة من النيل الي منزله في ضاحية الحصايا دون ان تموت إختناقاً
ووين الحاجة الغريبة هنا؟ أسألوا المغتربين قاعدين يطلعوا كل سنة من السودان كيف !
Post: #11 Title: Re: خروج سمكة من ماسورة منزل مواطن بعطبرة Author: Mohammed Awad Date: 04-19-2010, 10:24 AM Parent: #8
Quote: ويكون بلف الماسورة زاااااتو حجمو بحجم كبسرة السيناتور معاوية رمز الماسورة
والله يالطريفى انا اتخيلت الزول دا اشترى الماسورة من بوست ذو اليد بتاع سوق المواسير
Post: #16 Title: Re: خروج سمكة من ماسورة منزل مواطن بعطبرة Author: معاوية عوض الكريم Date: 04-19-2010, 10:30 AM Parent: #11
Quote: ويكون بلف الماسورة زاااااتو حجمو بحجم كبسرة السيناتور معاوية رمز الماسورة ..
Post: #17 Title: Re: خروج سمكة من ماسورة منزل مواطن بعطبرة Author: محمد عبد الماجد الصايم Date: 04-19-2010, 10:31 AM Parent: #11
لكن أقول ليكـ حاجة! حكومة ختيرة والله! تديكم موية وسمكـ بالماسورة! لو فتحت الماسورة بعد 12 بالليل حتكب ليكم شامبيون!
آمال إيه!!
Post: #22 Title: Re: خروج سمكة من ماسورة منزل مواطن بعطبرة Author: Salah Abdulla Date: 04-19-2010, 10:46 AM Parent: #17
سمك من الماسورة وتلج في أم درمان؟؟ مبالغة، مش ؟؟ لا ،، يمين ما مبالغة .. ياخ قبل كده في سمكة وقعت لينا مع المطرة!!!! الوكت داك نحن كنا في المتوسطة وكان معاي الشاذلي كبروس
وكان ما مصدقيني أسألوه ،، وأسألوا أستاذ العلوم بتاعنا!!!
Post: #24 Title: Re: خروج سمكة من ماسورة منزل مواطن بعطبرة Author: Mohammed Awad Date: 04-19-2010, 10:50 AM Parent: #22
Quote: ياخ قبل كده في سمكة وقعت لينا مع المطرة
واحد ينده لى تمبس دا يقول لى قول لى ناس الموردة يقفٍلوا
Post: #23 Title: Re: خروج سمكة من ماسورة منزل مواطن بعطبرة Author: داليا الكباشى Date: 04-19-2010, 10:48 AM Parent: #17
Quote: لو فتحت الماسورة بعد 12 بالليل حتكب ليكم شامبيون!
نحن غـايتو بنفتحـها الصباح بدري بتجيب شـاي بااللبن مقنن بالقرنفل وبنفتحها العصر بجيب لينا جبنـه ..!!
امبارح ساره كوركت بي بوز الماسوره يا اخـوانا زيدوا لينـا السكر شويه يـاخ..
----- اوعك تفتحها 12 بالليل يا عمك بتجيب ليها بوستات (ليليه) وبعد داك نبقى في (الطلوع في الرقبه) والسته واربعين دي ماعندنـا قـدره عليـها
Post: #30 Title: Re: خروج سمكة من ماسورة منزل مواطن بعطبرة Author: محمد عبد الماجد الصايم Date: 04-19-2010, 10:59 AM Parent: #23
Quote: امبارح ساره كوركت بي بوز الماسوره يا اخـوانا زيدوا لينـا السكر شويه يـاخ
المرّة الجاية خلياه تسألم الحليب دا بودرة ولا بقر!
Post: #18 Title: Re: خروج سمكة من ماسورة منزل مواطن بعطبرة Author: HAIDER ALZAIN Date: 04-19-2010, 10:32 AM Parent: #8
Quote: ووين الحاجة الغريبة هنا؟ أسألوا المغتربين قاعدين يطلعوا كل سنة من السودان كيف !
Post: #21 Title: Re: خروج سمكة من ماسورة منزل مواطن بعطبرة Author: Mohammed Awad Date: 04-19-2010, 10:45 AM Parent: #18
يعنى ياحيدر سنانير تانى مافى ...
تشًرِك فى ماسورة البيت.. يعنى تانى الصيد من منازلهم...
بس تعمل حسابك لو يوم الموية قطعت ماتقوم تشفٍط فى الماسورة تقوم تطلع ليك بردة ينطبق عليك كلام ود الصايم دا
Post: #25 Title: Re: خروج سمكة من ماسورة منزل مواطن بعطبرة Author: محمد عبد الماجد الصايم Date: 04-19-2010, 10:50 AM Parent: #21
Quote: ياود الصايم انت ودالباوقة دا مالو مستغرب من موضوع السمكة بتاعت الماسورة مش قال في قوة خفية لفت يد واحد معارض عشان يصوت للبشير
وتيب
Post: #27 Title: Re: خروج سمكة من ماسورة منزل مواطن بعطبرة Author: Mohammed Awad Date: 04-19-2010, 10:55 AM Parent: #25
Quote: Quote: ياود الصايم انت ودالباوقة دا مالو مستغرب من موضوع السمكة بتاعت الماسورة مش قال في قوة خفية لفت يد واحد معارض عشان يصوت للبشير
وتيب
بالواضح كدا مديدة حارة؟؟
Post: #33 Title: Re: خروج سمكة من ماسورة منزل مواطن بعطبرة Author: محمد عبد الماجد الصايم Date: 04-19-2010, 11:04 AM Parent: #27
Quote: بالواضح كدا مديدة حارة؟؟
لا لا لا مديدة من الهوطميل يا عمكـ! من عمكـ أبو هاشم
Post: #26 Title: Re: خروج سمكة من ماسورة منزل مواطن بعطبرة Author: مرتضى احمد عبد القادر Date: 04-19-2010, 10:50 AM Parent: #18
Quote: وقال مفوض هيئات الشباب والرياضة بولاية نهر النيل عبد المنعم محمد الخضر لصحيفة حكايات انه فوجئ بسمكة صغيرة تتراقص وهي تهبط من فتحة الماسورة مع المياه في منزله عقب عودته من مكان عمله عصراً
ود الصايم الزول دا هو زاتو حكومة نحنا ما راضين كان ماجانا الشامبيون لي ماسورة المطبخ
Quote: حكومة ختيرة والله! تديكم موية وسمكـ بالماسورة! لو فتحت الماسورة بعد 12 بالليل حتكب ليكم شامبيون!
تلج في السودان !! سمك بالماسوره !!
Post: #28 Title: Re: خروج سمكة من ماسورة منزل مواطن بعطبرة Author: مرتضى احمد عبد القادر Date: 04-19-2010, 10:56 AM Parent: #26
Quote: ياخ قبل كده في سمكة وقعت لينا مع المطرة!!!! الوكت داك نحن كنا في المتوسطة وكان معاي الشاذلي كبروس
وقلته شريكي براي ولا كبروس قال ليك شريكك!! ياخ دي بالغته فيها
Post: #29 Title: Re: خروج سمكة من ماسورة منزل مواطن بعطبرة Author: محمد عبد الماجد الصايم Date: 04-19-2010, 10:58 AM Parent: #26
Quote: تلج في السودان !! سمك بالماسوره !!
أيوا .. أهو يصــل طازه!!
بعدين ممكن ترجع الفاضي بعد ما الموية تقطع!
الفاضي يشمل العضم .. والمخرجات
Post: #32 Title: Re: خروج سمكة من ماسورة منزل مواطن بعطبرة Author: Mohammed Awad Date: 04-19-2010, 11:03 AM Parent: #29
Quote: بعدين ممكن ترجع الفاضي بعد ما الموية تقطع
ودا شكل الصندوق بتاعو كيف؟
اوع يكون تابوت بس ؟!!
Post: #35 Title: Re: خروج سمكة من ماسورة منزل مواطن بعطبرة Author: محمد عبد الماجد الصايم Date: 04-19-2010, 11:09 AM Parent: #32
تابوت شنو ياخ! واحد يجي يوري الزول دا برجعوا المخرجات للماسورة كيف! أنا لو شرحت ليكـ بتمش الخور إنت والسمكـ بتاعكـ!
Post: #37 Title: Re: خروج سمكة من ماسورة منزل مواطن بعطبرة Author: Mohammed Awad Date: 04-19-2010, 11:20 AM Parent: #35
Quote: أنا لو شرحت ليكـ بتمش الخور إنت والسمكـ بتاعكـ!
خور عديييل كدا؟؟ طيب حسن مكاوى دا يمشى بى سنارتو دى وين؟
Post: #34 Title: Re: خروج سمكة من ماسورة منزل مواطن بعطبرة Author: Emad Abdulla Date: 04-19-2010, 11:08 AM Parent: #29
عطبرة ليه ؟؟
قبل كم يوم أكلنا في محطة سمكة سبع .. محطة سبعة سمك .. الود بتاع الصاج قال : في نوعات كتيرة : سمك بالطوه سمك بالحلة سمك بالجنبة سمك بالماسورة سمك بالرشوشة
كدي كان راجل إتهجم و قول حركات الحنانات ديك بتاعة : معقولة ؟؟ طوالي ...............
........ البلد دي مسكونة .
Post: #31 Title: Re: خروج سمكة من ماسورة منزل مواطن بعطبرة Author: معاوية المدير Date: 04-19-2010, 11:01 AM Parent: #26
غايتو انا بقترح المواطن ده بدل موية يمررو ليهو زيت حااااار عبر الماسورة عشان السمك يطلع مشوي...
يا ود الصايم، اقفل خشمك ده. ما ينقطع ليك حرويل من الهواء كمان...
Post: #36 Title: Re: خروج سمكة من ماسورة منزل مواطن بعطبرة Author: Mohammed Awad Date: 04-19-2010, 11:10 AM Parent: #31
Quote: يا ود الصايم، اقفل خشمك ده. ما ينقطع ليك حرويل من الهواء كمان...
كااااااااااااااااك
ــــــــــ ود الصائم راجع بوستات Shinteer دا شكلوا اتلحس فى حق الله.. جبنا سيرة صحبك جا ناطى...
يكون شمً ريحة السمكة دى ولا شنو؟
Post: #38 Title: Re: خروج سمكة من ماسورة منزل مواطن بعطبرة Author: فيصل أحمد سحنون Date: 04-19-2010, 11:20 AM Parent: #36
Quote: واسعة يا عمكـ شلت حسّنا مع رمانة ياخ!
إنت ياود الصايم ماسمعت ب
ولا شنو ياعمك؟
Post: #39 Title: Re: خروج سمكة من ماسورة منزل مواطن بعطبرة Author: معاوية المدير Date: 04-19-2010, 11:33 AM Parent: #38
Quote: عطبرة ليه ؟؟
ايوه عطبرة يا عماد... يا أخي نحن زمان بنقعد شهرين ما بتجينا موية بالماسورة. خلاس مواسيرنا بقت تجيب سمك حسدتونا؟؟؟ يعني ما نطوّر معاكم والآ شنو؟؟؟
Post: #42 Title: Re: خروج سمكة من ماسورة منزل مواطن بعطبرة Author: Mohammed Awad Date: 04-19-2010, 11:47 AM Parent: #39
Quote: يعني ما نطوّر معاكم والآ شنو؟؟؟
تطور خرافى... من دودة الفرنديت لى سمك؟؟
والله بس زى من امبدة لى جدة...
ــــ يسمعنا امبدة كمان يعمل لينا محضر.... لكن مابيقدر لانو مويتهم طوالى قاطعة فى امبدة
Post: #40 Title: Re: خروج سمكة من ماسورة منزل مواطن بعطبرة Author: Mohammed Awad Date: 04-19-2010, 11:34 AM Parent: #38
Quote: ولا شنو ياعمك؟
والله يافيصل ود الصائم دا شكيتو على الله..
ياخى ربنا انعم علينا بالسمك جابو لينا بالماسورة جا صحبك دا ودانا نحنا الخور بدل السمك بس دا بقى زى السكران العملو معاهو لقاء ناس التلفزيون بعد انقلاب ثورة الانقاذ . . . . . . . . . ــــــــ والاحمر دا والله الا بالمسنجر الداخلى ساااكت كدا بجيب هكر اااااااااا اقصد هوا
Post: #43 Title: Re: خروج سمكة من ماسورة منزل مواطن بعطبرة Author: جلال جبريل Date: 04-19-2010, 11:51 AM Parent: #40
يا محمد عوض
ياخوي الكريسيدا حكايتا لسع موجعانا
تجيب لينا سمكة بالماسورة ياخو
وبعدين تعال نسعلك
السمكة دي دخلت الماسورة متين؟
ياخ دي قوية عديييييييل منك
كاااااااك ياخ
Post: #41 Title: Re: خروج سمكة من ماسورة منزل مواطن بعطبرة Author: فيصل أحمد سحنون Date: 04-19-2010, 11:36 AM Parent: #38
Quote: لا والله!
قدر ما حاولت أتجاوز عن كلامكـ دا ما قدرت!
. . . . . .
يا فيصااااااااااااااااااااااااااال!
------------------------- والله ياود الصايم قريبي ده قدر ما حاولت أصدق ماسورتهم دي لقيت نفسي ما بقدراتجاوز كلامو ولا أخرم منو ذاتو
Post: #44 Title: Re: خروج سمكة من ماسورة منزل مواطن بعطبرة Author: Saifelyazal Elmaki Date: 04-19-2010, 11:52 AM Parent: #41
Quote: خروج سمكة من ماسورة منزل مواطن بعطبرة
يعني بقت على السمك ما هو كل يوم بطلع من الماسورة شيطان كامل التضامن مع السمكة
Post: #48 Title: Re: خروج سمكة من ماسورة منزل مواطن بعطبرة Author: معاوية المدير Date: 04-19-2010, 11:59 AM Parent: #44
Quote: وبعدين تعال نسعلك
السمكة دي دخلت الماسورة متين؟وبعدين تعال نسعلك
السمكة دي دخلت الماسورة متين؟
يوم ما دخلو الجماعة القصر... من داك اليوم كل شئ أصبح جايز... مجمد عوض ده صادق، وكمان امين...
سلآم يا ود جبرين... والله مشتاقين...
Post: #46 Title: Re: خروج سمكة من ماسورة منزل مواطن بعطبرة Author: almulaomar Date: 04-19-2010, 11:56 AM Parent: #41
سمك بالماسورة معقولة بس يعني ، طيب ديل في داعي يشترو شور جل وشامبو كمان وبرضو ممكن يكون بلسم للشفاة بقشر السمك مكسب يا عمك الراجل ده ما بيأجر البيت بتاعو لمدة تلاته شهور نظام بودي شوب وكده
Post: #47 Title: Re: خروج سمكة من ماسورة منزل مواطن بعطبرة Author: Hassan Makkawi Date: 04-19-2010, 11:57 AM Parent: #41
Quote: خروج سمكة من ماسورة منزل مواطن بعطبرة
أبو حميد
خبرك سمح بالحيل بس أدونا خبر لمن تظهر الكوارع عشان نرجع خلاص...
Post: #45 Title: Re: خروج سمكة من ماسورة منزل مواطن بعطبرة Author: جلال جبريل Date: 04-19-2010, 11:56 AM Parent: #1
ـــــ فى رواية انو الماسورة كان عندها التفااااف ادى الى هذه النتيجة
Post: #52 Title: Re: خروج سمكة من ماسورة منزل مواطن بعطبرة Author: أيمن الطيب Date: 04-19-2010, 12:10 PM Parent: #45
سلام يا محمد عوض,,
Quote: هشششششششششششششششششششششششش اسكت اسكت.. انا عامل ليو كمين!!
قصدك تقول إنك عامل ليهو نواعير ليط لإصطيادالقراميط حين تأتى لأكل البلابيط!!!
طيب ما تقول كدا من الأول ياخ..
Post: #54 Title: Re: خروج سمكة من ماسورة منزل مواطن بعطبرة Author: معاوية المدير Date: 04-19-2010, 12:17 PM Parent: #52
Quote: سمك بالماسورة
على وزن فول بالجبنة، وبيض بالطوّة... الغريب في الأمر شنو يا مولاعمر!!!!
Post: #55 Title: Re: خروج سمكة من ماسورة منزل مواطن بعطبرة Author: Mohammed Awad Date: 04-19-2010, 12:22 PM Parent: #54
Quote: الغريب في الأمر شنو يا مولاعمر!!!!
يامعاوية جهجهتنى زاتو...
اسى دا ايمن ولا مولا عمر ولا منو؟؟
ـــــــــ على العموم اللى يعيش ياما يشوف يا ايهما
Post: #56 Title: Re: خروج سمكة من ماسورة منزل مواطن بعطبرة Author: محمد عبد الماجد الصايم Date: 04-19-2010, 12:25 PM Parent: #54
ممكن سؤال؟ شكرا:
لو الزول كان بشرب (بوز) من الماسورة دي أثناء ما السمكة دي جات ناطة .. كانت حتمرق بي وييييين؟
Post: #57 Title: Re: خروج سمكة من ماسورة منزل مواطن بعطبرة Author: أيمن الطيب Date: 04-19-2010, 12:29 PM Parent: #56
Quote: ممكن سؤال؟ شكرا:
لو الزول كان بشرب (بوز) من الماسورة دي أثناء ما السمكة دي جات ناطة .. كانت حتمرق بي وييييين؟
بالعادم يا ود الصايم,,,
Post: #60 Title: Re: خروج سمكة من ماسورة منزل مواطن بعطبرة Author: محمد عبد الماجد الصايم Date: 04-19-2010, 12:33 PM Parent: #57
Quote: بالعادم يا ود الصايم,,,
سجمنا! مواسير السودان بقى يركبو ليها عوادم!
Post: #61 Title: Re: خروج سمكة من ماسورة منزل مواطن بعطبرة Author: معاوية المدير Date: 04-19-2010, 12:33 PM Parent: #56
Quote: لو الزول كان بشرب (بوز) من الماسورة دي أثناء ما السمكة دي جات ناطة .. كانت حتمرق بي وييييين؟
يا ود الصايم، دي سمكتنا بتاعت عطبرة ونحن عآرفنها كويييس، ما فيها شوك ولا زعانف... يعني بياضة وكده... لو مرقت بالنخرة ما راح تفرق حاجة...
سُعال تعسفي شديد...
Post: #62 Title: Re: خروج سمكة من ماسورة منزل مواطن بعطبرة Author: Mohammed Awad Date: 04-19-2010, 12:34 PM Parent: #56
Quote: أثناء ما السمكة دي جات ناطة .. كانت حتمرق بي وييييين؟
دا بيعتمد على نوع السمك... بلطى , بياض, قرموط, كوار, اب ريالة (والريالة من باب تسهيل المخرج) اما البرد دا فبيعتمد على الفولتميتر بتاعك... يعنى لو مناتل زى هبانى كدا بتموت بيها كمد...
Post: #58 Title: Re: خروج سمكة من ماسورة منزل مواطن بعطبرة Author: محمد عبدالله مختار Date: 04-19-2010, 12:30 PM Parent: #52
Quote: مبدياً إستغرابه كونها تجاوزت كل الأكواع والبلوفات الممتدة من النيل الي منزله في ضاحية الحصايا دون ان تموت إختناقاً
Post: #59 Title: Re: خروج سمكة من ماسورة منزل مواطن بعطبرة Author: Mohamad Shamseldin Date: 04-19-2010, 12:32 PM Parent: #58
محمد عوض سمكه حيه ما مشكله....
الزول ده يحمد ربه..... كويس ما طلعت ليهو ذخيره حيه .... تاني استعملو أباريق بس لقضاء الحاجة......نحذر من استعمال الخراطيش و كده
Post: #63 Title: Re: خروج سمكة من ماسورة منزل مواطن بعطبرة Author: Mohammed Awad Date: 04-19-2010, 12:41 PM Parent: #59
Quote: الزول ده يحمد ربه..... كويس ما طلعت ليهو ذخيره حيه ....
ماتستبعد القصة دى... بقت عادى
Quote: تاني استعملو أباريق بس لقضاء الحاجة......نحذر من استعمال الخراطيش و كده
النجيضة...... بتلقاها عند ود الصائم فوق..
لكن بينى وبينك لو كان بدل السمكة دى دهب كان حيحصل شنووووووو؟
Post: #64 Title: Re: خروج سمكة من ماسورة منزل مواطن بعطبرة Author: طارق جبريل Date: 04-19-2010, 12:53 PM Parent: #63
يعني بعد دة الواحد يخت المنقد وفيهو الطوة بي زيتها تحت الماسورة
Post: #65 Title: Re: خروج سمكة من ماسورة منزل مواطن بعطبرة Author: معاوية المدير Date: 04-19-2010, 12:53 PM Parent: #63
Quote: ياخ قبل كده في سمكة وقعت لينا مع المطرة!!!!
أقصر يا هذا، فإنّ السماء لاتمطر سمكاً... لكن المواسير ممكن، ولو مكضبني أمشي ستاد المريخ تلقى السمك مطفح هناك...
Post: #66 Title: Re: خروج سمكة من ماسورة منزل مواطن بعطبرة Author: وليد عبد اللطيف Date: 04-19-2010, 12:56 PM Parent: #63
انا قبل كده قلت المنبر ده مسكون شلاليت + ضحك
----------------------------- ود الصايم + محمد عوض ياجماعة خلونا نشتغل وماتضحكونا
Post: #68 Title: Re: خروج سمكة من ماسورة منزل مواطن بعطبرة Author: Mohammed Awad Date: 04-19-2010, 01:04 PM Parent: #66
Quote: ود الصايم + محمد عوض ياجماعة خلونا نشتغل وماتضحكونا
انت زاتك بتبالغ... داير تشتغل ولا داير تشرٍك سمك؟
Post: #67 Title: Re: خروج سمكة من ماسورة منزل مواطن بعطبرة Author: أيمن الطيب Date: 04-19-2010, 01:00 PM Parent: #63
والله الروحة فيك ما لايق ما لايقة
Quote: سجمنا! مواسير السودان بقى يركبو ليها عوادم!
ماسورة شنو يا كاروشة !!!
إنت مش سألت عن إمكانية شراب البوز فرضية خروج السمكة,, هنا إنتفى دور الماسورة تمااااااااااااااااااااااما
Quote: لكن بينى وبينك لو كان بدل السمكة دى دهب كان حيحصل شنووووووو؟
وفى حالة شراب البوز حقت ود الصايم دى,,
خلونا مع السمك يا حليو,,,
Post: #69 Title: Re: خروج سمكة من ماسورة منزل مواطن بعطبرة Author: معاوية المدير Date: 04-19-2010, 01:16 PM Parent: #67
Quote: وفى حالة شراب البوز حقت ود الصايم دى,,
لو كبّت دهب يا ايمن الطيب اوووووعك تشرب بالبوز... علي اليمين ينقشط لك شمهروش التحلك ما تعرفا... مش قالوا الدهب حارساتنو الشواطين!!! غايتو المنبر ده فيهو جِنس بِدع!!!
Post: #70 Title: Re: خروج سمكة من ماسورة منزل مواطن بعطبرة Author: Mohamad Shamseldin Date: 04-19-2010, 01:28 PM Parent: #69
Quote: علي اليمين ينقشط لك شمهروش التحلك ما تعرفا...
شمهروش ده لو انقشط ليك ... و لا فيك ما عارف لو ودوك تتعالج في الاردن ...ما بتنفع... بعد ده ...محلات الخرده ... اسبيرات و بس
Post: #71 Title: Re: خروج سمكة من ماسورة منزل مواطن بعطبرة Author: فيصل أحمد سحنون Date: 04-19-2010, 01:29 PM Parent: #67
Quote: : بالعادم يا ود الصايم,,,
سجمنا! مواسير السودان بقى يركبو ليها عوادم! [/ QUOTE]
والله يا ود الصايم السمكة دي لو بقت من النوع الفوق ده مع العادم ده حتشبع وحوحه الله معاك ياعمك
Post: #72 Title: Re: خروج سمكة من ماسورة منزل مواطن بعطبرة Author: أيمن الطيب Date: 04-19-2010, 01:50 PM Parent: #71
سلام يامدير ياتعبان
Quote: لو كبّت دهب يا ايمن الطيب اوووووعك تشرب بالبوز... علي اليمين ينقشط لك شمهروش التحلك ما تعرفا... مش قالوا الدهب حارساتنو الشواطين!!! غايتو المنبر ده فيهو جِنس بِدع!!!
يا زول ما تشوف القال داير يشرب بالبوز منو!!! إنت النوع البجليها واقفة!!
Post: #73 Title: Re: خروج سمكة من ماسورة منزل مواطن بعطبرة Author: ALZOLZATOO Date: 04-19-2010, 02:56 PM Parent: #72
بالله هو السمك نحن نمشي ليهو البحر وهو يمشي للامل عطبره في محلها رزقا تكوسوا ورزقا يكوسك
اول مرة اعرف انو السمك ممكن ينزل بالماسورة نقطة نقطة
تحياتي
زاتوووو
Post: #74 Title: Re: خروج سمكة من ماسورة منزل مواطن بعطبرة Author: HAIDER ALZAIN Date: 04-19-2010, 03:01 PM Parent: #72
Quote: بس أدونا خبر لمن تظهر الكوارع عشان نرجع خلاص...
كوارع شنو يا مكاوي ..
إنت ما قريت الخبر كويس .. تاني ياعمك سنارتك دي تجي ترميها عندنا في البيت بس
وانساك من كورنيش الدمام وجرجرة الزول زاااتو ..:
- غايتو من هسع حجزت اول مشروع استثماري في عطبرة : مزرعة اسماك ومحل صيد سمك جوة حوش بيتنا :(
Post: #75 Title: Re: خروج سمكة من ماسورة منزل مواطن بعطبرة Author: فيصل أحمد سحنون Date: 04-19-2010, 03:18 PM Parent: #74
Quote: من هسع حجزت اول مشروع استثماري في عطبرة : مزرعة اسماك ومحل صيد سمك جوة حوش بيتنا
إنت عارف ياحيدر يا أخوي مع مشروعك ده الله يستر محمد ده المرة الجاية ما يقوم يعمل لينا بوست بعنوان خروج سمكة من عادم مواطن بعطبرة خاصة مع سعال ود الصايم التعسفي القبيل داك.
--------- مودتي
Post: #76 Title: Re: خروج سمكة من ماسورة منزل مواطن بعطبرة Author: داليا الكباشى Date: 04-19-2010, 03:25 PM Parent: #75
لا حولاااااااااا ..
دا شنـو دا ..؟؟ يعنـي الواحد ما يشتغل ولا يمرق ولا ينـوم في البورض دا..؟؟ دي شنو (الهرجـله) دي ..؟؟
بالله يا شباب (طق طق طق زول بيطقطق بيدينو للشباب القاعدين فوق اللستك القدام بيتهم) بالله اتخارجوا لينا من هنا .. طق طق طق يلا كلو زول يمشي شوف شغلتوا .. وما (تهرجلوا ) تاني .. عالم (مهرجله) .. وتحب (الهرجله) زي عيونـها
Post: #77 Title: Re: خروج سمكة من ماسورة منزل مواطن بعطبرة Author: HAIDER ALZAIN Date: 04-19-2010, 03:33 PM Parent: #75
يا فيصل قلنا في حوش بيتنا يآخ ما قلنا ارمو السنارة في خشمنا
اما محمد عوض لو فتح بوست بعنوانك دا طوالي بنحمله شبهة عنصرية تجاه المواطن العطبراوي .
Post: #78 Title: Re: خروج سمكة من ماسورة منزل مواطن بعطبرة Author: منتصرمحمد زكى Date: 04-19-2010, 05:19 PM Parent: #77
ياخوانا اتصل بي واحد من الحصاية ( محطة بيرم ) وقال طلعت دودة بتاعة ملوخية اتشعبطت في الماسورة واتحكرت في قدوم الماسورة واتخذته مسكنا رطبا لها ... والله أعلم
Post: #79 Title: Re: خروج سمكة من ماسورة منزل مواطن بعطبرة Author: عبدالله احيمر Date: 04-19-2010, 06:15 PM Parent: #78
مبدياً إستغرابه كونها تجاوزت كل الأكواع والبلوفات الممتدة من النيل الي منزله في ضاحية الحصايا دون ان تموت إختناقاً .
والله عطبرة دي فيهـا العجب يا حيدر سـمكم بـري بيختنق في موية الماسـورة
Post: #80 Title: Re: خروج سمكة من ماسورة منزل مواطن بعطبرة Author: Elawad Date: 04-19-2010, 06:33 PM Parent: #79
Quote: فوجئ بسمكة صغيرة تتراقص وهي تهبط من فتحة الماسورة
أنا والله ما محيراني نزلة السمكة من الماسورة... بلدنا دي تتوقع فيها أي حاجة. لكن مزعلني رقيص السمكة.... سمكة نازلة من الماسورة الرقيص عليها شنو؟ و مش ترقص بس كمان تتراقص... قال تتراقص قال... سمك آخر زمن. تحياتي يا محمد عوض لكن بصراحة عندك بوستات عينة.
Post: #81 Title: Re: خروج سمكة من ماسورة منزل مواطن بعطبرة Author: Hassan Makkawi Date: 04-19-2010, 07:00 PM Parent: #80
Quote: غايتو من هسع حجزت اول مشروع استثماري في عطبرة : مزرعة اسماك ومحل صيد سمك جوة حوش بيتنا :(
حيدر الزين مزرعة شنو تانى؟؟؟؟ تركب فى البيت ماسورة 6 بوصة وتستنى البلطى بس أوعة من خشم البنات.....
Post: #82 Title: Re: خروج سمكة من ماسورة منزل مواطن بعطبرة Author: SHIBKA Date: 04-20-2010, 05:52 AM Parent: #81
الله دا ما كريم خلاص
زمان في عطبرة ماسورة فيها موية مافي
هسة بقت موية وسمك
Post: #83 Title: Re: خروج سمكة من ماسورة منزل مواطن بعطبرة Author: محمد عبد الماجد الصايم Date: 04-20-2010, 06:09 AM Parent: #82
أها يا عمكـ .. المواطن دا أصبح كيف الليلة!
Post: #84 Title: Re: خروج سمكة من ماسورة منزل مواطن بعطبرة Author: فيصل أحمد سحنون Date: 04-20-2010, 06:15 AM Parent: #83
Quote: أها يا عمكـ .. المواطن دا أصبح كيف الليلة!
عارف ياعمك بيكون أصبح بينطط زي الناس التحت ديل
Post: #93 Title: Re: خروج سمكة من ماسورة منزل مواطن بعطبرة Author: محمد عبد الماجد الصايم Date: 04-20-2010, 07:20 AM Parent: #84
Quote: عارف ياعمك بيكون أصبح بينطط زي الناس التحت ديل
ما دام مبسوط كـدا بكون العادم اشتغل كويس برضو!
Post: #86 Title: Re: خروج سمكة من ماسورة منزل مواطن بعطبرة Author: Mohammed Awad Date: 04-20-2010, 06:22 AM Parent: #83
Quote: أها يا عمكـ .. المواطن دا أصبح كيف الليلة
والله مفروض بعد دا البلاعة تكون بقت حوض سباحة ومعاهو مُركب نسبة لى فكرة الطريفى انو يكون مشروع استثمارى وكدا.. لكن انت عارف المشكلة انو تانى تجى خاشى ليك بيت فى عطبرة من باب الشارع لى الصالون الا بى عبًارة.. واوعا تتشربك فى الشبكة بس بى غادى
Post: #94 Title: Re: خروج سمكة من ماسورة منزل مواطن بعطبرة Author: محمد عبد الماجد الصايم Date: 04-20-2010, 07:20 AM Parent: #86
Quote: خاشى ليك بيت فى عطبرة من باب الشارع لى الصالون الا بى عبًارة..
ياخ ما تبالغ! يا زول إنت ما مشيت عطبرة ولا شنو؟ من باب الشارع وللأوضة طوالي!
Post: #85 Title: Re: خروج سمكة من ماسورة منزل مواطن بعطبرة Author: وليد الطيب قسم السيد Date: 04-20-2010, 06:19 AM Parent: #82
Quote: زمان في عطبرة ماسورة فيها موية مافي
هسة بقت موية وسمك
شفتى كيف الانجاز والاعجاز
لوقلتو عاوزين تماسيح بنرسلهم عبر المواسير
اها لقيتونا كيف؟؟
Post: #87 Title: Re: خروج سمكة من ماسورة منزل مواطن بعطبرة Author: heba Elmahi Date: 04-20-2010, 06:30 AM Parent: #82
الله يجازي محنكم ضحكتونا في ليلنا الطويل دا ! بعدين محمد عوض جاء متين البورد دا و عمل ليه صحبة و ونسة مع ود الصايم و غيره من عتاولة البورد .. بالجد بوست ضارب رغم جديته و جاء في الوقت المناسب في ظل الكوابيس الشغالة في البورد اليومين ديل لاننا محتاجين نضحك شوية .. !
تحياتي للجميع و سلام شديد للبرلوم الشليق محمد عوض
Post: #88 Title: Re: خروج سمكة من ماسورة منزل مواطن بعطبرة Author: Mohammed Awad Date: 04-20-2010, 06:49 AM Parent: #87
Quote: بعدين محمد عوض جاء متين البورد دا و عمل ليه صحبة و ونسة مع ود الصايم و غيره من عتاولة البورد
للضمان كدا انتى دايرة تعملى صحبتى وانا قفلت باب العضوية دا وفتحت قدوم ود الصايم (العتاولى) لبلع السمك والمداخلات الغير شرعية زى مداخلتك دى وحاليا عاكفين على دراسات اخرى نتطرق لها لاحقا لحساسيتها الشديدة. يعنى بس الواحد تشوفو تاريخ ميلادو فى البورض دا تقومو تعملو فيها السناير وتبرلموا طوالى كدا؟ لالالالالا لكن لانو دى اول مداخلة ليك معاى ولعدم تحريف البوست الشهى دا حاكلم ليك الطريفى وحسن مكاوى يصرفوا ليك حاجة خفيفة كدا من اقرب ماسورة. وتانى لمن تجى راجعة تجيبى معاك سنارتك عشان فى ناس بتسترزق من البوست دا وقطع الارزاق حراااام
مودتى
Post: #96 Title: Re: خروج سمكة من ماسورة منزل مواطن بعطبرة Author: محمد عبد الماجد الصايم Date: 04-20-2010, 07:22 AM
هبة يا عمتكـ .. أخباركـ ياخ مع السقط دا! محمد عوض شنو كمان اليصاحبوهو في الزمن اللئيم دا! الزول دا أنا لقيتو فجأتن كـدا بقى صاحبي! شايل ليهو طبنجة ياخ!
Post: #89 Title: Re: خروج سمكة من ماسورة منزل مواطن بعطبرة Author: عمران حسن صالح Date: 04-20-2010, 06:51 AM Parent: #87
معقوله !!! ( بي حنكـ حنانات عماد عبد الله ) غايتو أنا أسقطت من حساباتي حكاية أشرب ( بالبوز) الإجازة الجاية .. بالله أعملو لينا ( UPDATE ) لي كل الخوازيق الزي دي إجازتنا قربت وما عايزين التأشيرة تطش بي سبب سمكه زي دي
______ بوست لذيذ
Post: #90 Title: Re: خروج سمكة من ماسورة منزل مواطن بعطبرة Author: Mohammed Awad Date: 04-20-2010, 06:58 AM Parent: #89
عمران...
ياخ اغتراب تانى تٍكْ...البلد تجلبغ سمك والعجب مترو الانفاق الجديد
Post: #91 Title: Re: خروج سمكة من ماسورة منزل مواطن بعطبرة Author: خالد عبد الله محمود Date: 04-20-2010, 06:59 AM Parent: #89
أنتو يا ناس مش زمان ود الباوقة قال ليكم السمكـ رقد هبطرش في السودان ؟؟ تاني شنو ؟
عالم ما عايزها تتطور
Post: #92 Title: Re: خروج سمكة من ماسورة منزل مواطن بعطبرة Author: فيصل أحمد سحنون Date: 04-20-2010, 07:07 AM Parent: #89
والله يا محمد عوض وود الصايم امبارح بالليل بعد ما رقدت خلاص قمت أضحك براي بعدما إتذكرت هذا البوست. ------------------
السمك بقى مِفتِّح آخر الزمن
Post: #97 Title: Re: خروج سمكة من ماسورة منزل مواطن بعطبرة Author: Mohammed Awad Date: 04-20-2010, 07:23 AM Parent: #92
Quote: والله يا محمد عوض وود الصايم امبارح بالليل بعد ما رقدت خلاص قمت أضحك براي بعدما إتذكرت هذا البوست.
ضحكت سااااااااااكت كدا؟؟ مافى صيرة شرقتك ولا حاجة من هذا القبيل؟
انا بطالب ود الصايم دا ينزل صورة جديدة ليو هنا واشارطكم ماحايعمل كدا...
. . . . . . . . ـــــــــ مصدر موثوق افاد بى انو بلع لى تامبيرة حاليا فى دراسات مكثفة على مستوى القاعدة لبحث المخارج.
Post: #98 Title: Re: خروج سمكة من ماسورة منزل مواطن بعطبرة Author: محمد عبد الماجد الصايم Date: 04-20-2010, 07:24 AM Parent: #92
Quote: السمك بقى مِفتِّح
يا سحنون ما تبالغ ياخ! السمكـ لو كان مفتح كان مشى ماسورة مطعم!
Post: #101 Title: Re: خروج سمكة من ماسورة منزل مواطن بعطبرة Author: أيمن الطيب Date: 04-20-2010, 07:41 AM Parent: #92
يا عمران,,
Quote: إجازتنا قربت وما عايزين التأشيرة تطش بي سبب سمكه زي دي
طششان تأشيرة ولا دخول سمكة عطبراوية,,,الشارع دا إتجاه واحد يا زول,,,
الحكمة من البوست هى بطلوا تبوزو من المواسير!! بعدين المغتربين ديل كضابين ساى ياخ !! موية المواسير دى ولا بقدرو عليها ولا حاجة والبتشالق يشرب منها ببقى فى جيبو لي فلاجيل وادونى حلبة,,
سمكة من ماسورة ما في خوف ، الخوف المرة الجاية يطلع لينا تمساح ، ربك يستر
Post: #165 Title: Re: خروج سمكة من ماسورة منزل مواطن بعطبرة Author: سيف النصر محي الدين محمد أحمد Date: 04-26-2010, 10:09 AM Parent: #99
عطبرة اتطورت و الله ..بقى فيها هوم دليفري.
Post: #100 Title: Re: خروج سمكة من ماسورة منزل مواطن بعطبرة Author: Mohammed Awad Date: 04-20-2010, 07:34 AM Parent: #95
Quote: الزول دا أنا لقيتو فجأتن كـدا بقى صاحبي! شايل ليهو طبنجة ياخ
يازول ماتختشى على لغاليغك ديل!!!
البورض د لازمو حرس للناس البيكوبو الزوغة من بوستات... تارة نقدآ وتارة لتجاوز عفص الرقبة.. وبعدين ياخى صاحب العقل يميز...
اسى بالوضع دا الحاول يصاحب التانى منو؟ لو غلبتك امشى تحت بديك عذر . . . . . .
Quote: شايل ليهو طبنجة ياخ
Post: #104 Title: Re: خروج سمكة من ماسورة منزل مواطن بعطبرة Author: معاوية المدير Date: 04-20-2010, 07:53 AM Parent: #100
Quote: زمان في عطبرة ماسورة فيها موية مافي
هسة بقت موية وسمك
سؤال جآدي لهيئة علماء السودان: هل يجوز الوضوء بموية مواسير عطبرة بعد هذه الحادثة؟؟؟؟؟؟
Post: #106 Title: Re: خروج سمكة من ماسورة منزل مواطن بعطبرة Author: Mohammed Awad Date: 04-20-2010, 07:58 AM Parent: #104
Quote: هل يجوز الوضوء بموية مواسير عطبرة
يعنى داير تقنعنى انو حتتيمم لغاية مايفتوا ليك فى الموضوع دا؟ مع السمك المجانى دا انا خايفك تنسى الصلاة زااااااتة لمن نلقاك فى بوست هشام آدم
Post: #107 Title: Re: خروج سمكة من ماسورة منزل مواطن بعطبرة Author: محمد عبد الماجد الصايم Date: 04-20-2010, 08:01 AM Parent: #106
وضوء شنو يا مدير! لو صادفت السمكة احتمال يكون في غُسل عديل!
Post: #108 Title: Re: خروج سمكة من ماسورة منزل مواطن بعطبرة Author: Mohammed Awad Date: 04-20-2010, 08:06 AM Parent: #107
Quote: لو صادفت السمكة احتمال يكون في غُسل عديل
وتسقط واحدة من شروط تفسير الاحلام للشيخ وهبة يالطريفى تبقى عوجة. يعنى تانى احلام مافى... كوابيس بس..
Post: #110 Title: Re: خروج سمكة من ماسورة منزل مواطن بعطبرة Author: معاوية المدير Date: 04-20-2010, 08:09 AM Parent: #107
Quote: وضوء شنو يا مدير! لو صادفت السمكة احتمال يكون في غُسل عديل!
نفصّل ليها بنطلون وبلوزة يا ود الصايم عشان لو وقعت اثناء الوضوء إحتمال اللمس وارد، عليه : إذا لمستها وهي لابسة لا باس يجوز الوضوء... لكن إذا وقعت سمكة كده قد يوجب ذلك الغُسل...
Post: #109 Title: Re: خروج سمكة من ماسورة منزل مواطن بعطبرة Author: Faisal Elrasheed Date: 04-20-2010, 08:07 AM Parent: #106
Quote: أنا من المداخلة التالتة ولّ الرابعة ما عارف ناديكـ وشايفكـ عملت ميت!!
حبوب الدغت يا عمك حبوب الدغت .. كانو رايحات مني ... انت بالمناسبه البتاع ده قاعد تستعمل ليه شنو قبال تجي خاشي .. كان عندك حبوب سمحات رسل لي كروسه ياخ .. الامور هنا مستحميه شديد ..
ـــــــــــــــــــــــــــــــــ قالو يا ود الصايم واحد في عطبره حفر بير ولما طلعت المويه لقي فيها فسيخ عدييييييل .. ياخ عطبره دي بالجد عاصمة السمك والشامبيون ..
Post: #111 Title: Re: خروج سمكة من ماسورة منزل مواطن بعطبرة Author: ABUHUSSEIN Date: 04-20-2010, 08:19 AM Parent: #109
يا ود الصائم زولك دا لو كانت كلمة (( منزل )) دي سقطت سهواً من عنوان بوستو دا كان حا إحصل شنو ؟؟؟؟
و الله طبنجتو دي إلا إنتحر بيها
Post: #112 Title: Re: خروج سمكة من ماسورة منزل مواطن بعطبرة Author: محمد عبد الماجد الصايم Date: 04-20-2010, 08:25 AM Parent: #111
Quote: يا ود الصائم زولك دا لو كانت كلمة (( منزل )) دي سقطت سهواً من عنوان بوستو دا كان حا إحصل شنو ؟؟؟؟
و الله طبنجتو دي إلا إنتحر بيها
بوسيتيو كان يخش بيهو ذات الموضع من الوزّة!
Post: #114 Title: Re: خروج سمكة من ماسورة منزل مواطن بعطبرة Author: ABUHUSSEIN Date: 04-20-2010, 08:29 AM Parent: #112
Quote: بوسيتيو كان يخش بيهو ذات الموضع من الوزّة!
أو ذات الموضع من مقدمة الطبنجة
Post: #115 Title: Re: خروج سمكة من ماسورة منزل مواطن بعطبرة Author: فيصل أحمد سحنون Date: 04-20-2010, 08:29 AM Parent: #112
قلت ليكم السمك بقى مفتح ما صدقتوني شوفو دي أولاً
-------------------- سمك بقى يتعلم لغات يا أخي
Post: #113 Title: Re: خروج سمكة من ماسورة منزل مواطن بعطبرة Author: Mohammed Awad Date: 04-20-2010, 08:26 AM Parent: #111
محاسن الصُدف يا ابو حسين انو خروج سمكة بس..
يعنى السمكة دى لو داقين ليها تأشيرة خروج وعودة كان تكون دى الكارثة
Post: #116 Title: Re: خروج سمكة من ماسورة منزل مواطن بعطبرة Author: معاوية المدير Date: 04-20-2010, 08:37 AM Parent: #113
Quote: مع السمك المجانى دا انا خايفك تنسى الصلاة زااااااتة لمن نلقاك فى بوست هشام آدم
إتحصبتَ الله يا محمد عوض... مالك متمني لي النفر ده!!! نتيمم حتي ينبلج نور الحق... عليك الله بطّل الهظار شوف لينا الفتوى... الواحد جسمو بقى زي المررو من التيمم...
Post: #117 Title: Re: خروج سمكة من ماسورة منزل مواطن بعطبرة Author: معاوية المدير Date: 04-20-2010, 08:43 AM Parent: #116
Quote: قالو يا ود الصايم واحد في عطبره حفر بير ولما طلعت المويه لقي فيها فسيخ عدييييييل .. ياخ عطبره دي بالجد عاصمة السمك والشامبيون ..
غايتو يا أهلنا ناس اتبرا، البقت فيكم تبقى في حشى الكلبة. سمكة السجم دي فرجت فيكم خلق الله لحدهمـ...
Post: #118 Title: Re: خروج سمكة من ماسورة منزل مواطن بعطبرة Author: Faisal Elrasheed Date: 04-20-2010, 10:33 AM Parent: #117
Quote: غايتو يا أهلنا ناس اتبرا، البقت فيكم تبقى في حشى الكلبة. سمكة السجم دي فرجت فيكم خلق الله لحدهمـ...
يا مدير انت ما متابع برنامج اسرار البحار والا شنو؟؟ سمعته اخر خبر بتاع البوليس الساكي ليه حرامي في سوق عطبره ولما جري منه بعيد طلع الطبنجه وعمرا .. انت عارف لما عمر الطبنجه طلع ليه شنو؟؟ طبعا الخبر ده انا داير اتصل بي ناس الدار وابيعه ليهم ..
......... ................. عطبره ياخ ..والله قال ليك عطبره دي تدنقر في الواطه يطير ليك طوالي .. اهم شي تكون ماشي وعندك اربعه عيون .. عشن كده مافي زول هناك بفتح ليه ماسوره ساكت لو ما معاهو تلاته شهود ولافي زول بحفر ليه حفره ساكت من غير ما يجيب مندوب الحياه البريه .. ياخ واحد صاحبنا حلف بالتكسرو قال لي يوم كده المره شابكاهو يا راجل احفر لي حفرة دخان عشان ندفن فيها الزير ده .. اها المره قاداهو كل يوم لغاية ما كرهتو العيشه .. اها المره عزبته عزاب شديد .. قام صاحبان جا راجع يوم الخميس بدري قال يحفر الحفره في طرف الحوش .. انت عارف الزول ده لما حفر الحفره زي نص متر كده طلع ليه شنو؟؟ والله يحلفو الناس قالو ليك الطلح ده جا مارق بي نيرانو مولع تششششش يلهلب .. عطبره دي كلها شالت منو وما كمل ..
Post: #119 Title: Re: خروج سمكة من ماسورة منزل مواطن بعطبرة Author: Mohammed Awad Date: 04-20-2010, 10:54 AM Parent: #118
Quote: والله قال ليك عطبره دي تدنقر في الواطه يطير ليك طوالي ..
انت بتتكلم عن عطبرة ولا مدنى؟؟
لانو فى قصص بتقول انو ناس مدنى بيعملوا ازيارهم بتاعت الشراب فى الواطة!! بس ليه انا ماعارف
Post: #120 Title: Re: خروج سمكة من ماسورة منزل مواطن بعطبرة Author: فيصل أحمد سحنون Date: 04-20-2010, 11:05 AM Parent: #119
Quote: انو فى قصص بتقول انو ناس مدنى بيعملوا ازيارهم بتاعت الشراب فى الواطة!! بس ليه انا ماعارف
عارف يا قريبي إتذكرت عمو هشام هباني فجاتن كده ليه برضيني ما عارف البوست بعد ده بيمشي الخور
Post: #121 Title: Re: خروج سمكة من ماسورة منزل مواطن بعطبرة Author: Mohammed Awad Date: 04-20-2010, 11:13 AM Parent: #120
هوووووى ياخوانا
من هنا ولى قدام سمك وسمك ليس الا...
انا غايتو مشرٍك لغاية ما الطريفى يفتى لينا فى موضوع الغُسل داك...
الموت برضو علينا حق.
Post: #122 Title: Re: خروج سمكة من ماسورة منزل مواطن بعطبرة Author: فيصل أحمد سحنون Date: 04-20-2010, 12:20 PM Parent: #121
Quote: هوووووى ياخوانا
من هنا ولى قدام سمك وسمك ليس الا...
أيوه يا أخي خليك كده خلي السمكة داخل الماسورة (وفي رواية العادم على مسعولية صاحبها
Post: #123 Title: Re: خروج سمكة من ماسورة منزل مواطن بعطبرة Author: فيصل أحمد سحنون Date: 04-20-2010, 12:22 PM Parent: #121
عارف ياود الصايم كَلمّ أخونا حيدر الزين خليهو يشغل معاهو أهلنا ناس أدروب (بتاعين الصناديق ديلك الخاتيهم لينا عمك أب صلعة بالبنط العريض فوق) عشان يِحشوا المواسير بالصير والسمك تحقيقاً لشِعارْ سمكة ب / أو في / الماسورة لكل مواطن.
Post: #124 Title: Re: خروج سمكة من ماسورة منزل مواطن بعطبرة Author: Mohammed Awad Date: 04-20-2010, 01:44 PM Parent: #123
Quote: سمكة ب / أو في / الماسورة لكل مواطن.
لكن كدا بتكتل الدش فى يد المرشح بتاع القضارف ولا كسلا ماعارف...الشعارو عريس لكل عانس ولا حاجة كدا غايتو خانتنى الذاكرة بس.
غايتو انا ماشايل الا هم فواتير ناس الهيئة القومية للمياه.. ديل لو مادفعتة بعد دا ممكن يقيمو عليك الحد.. وعادو يقول ليك بقينا هيئة الامر بالمعروف والنهى عن المنكر...
Post: #125 Title: Re: خروج سمكة من ماسورة منزل مواطن بعطبرة Author: معاوية المدير Date: 04-20-2010, 01:53 PM Parent: #124
Quote: عطبره ياخ ..والله قال ليك عطبره دي تدنقر في الواطه يطير ليك طوالي ..
إنت زعلت يا دكتور والاشنو؟؟؟ عليك الله خلي لينا سمكتنا دي في الماسورة ما توديها لينا الخور. نحن بعنا السنانير بتاعتنا بعد ناس الإدارة بقو يجيبو لينا الأبيض الطري بالمواسير...
Post: #126 Title: Re: خروج سمكة من ماسورة منزل مواطن بعطبرة Author: Faisal Elrasheed Date: 04-20-2010, 02:03 PM Parent: #125
Quote: إنت زعلت يا دكتور والاشنو؟؟؟ عليك الله خلي لينا سمكتنا دي في الماسورة ما توديها لينا الخور. نحن بعنا السنانير
يا معاويه .. ما تركز علي الجانب الادبي من الموضوع ..حاول ركز علي الجانب العلمي من القضية ..
ــــــــــــــــــــــــــــــــــــــــــ يا ودا الصايم تعال اشرح ليهم كيف يعاينو للنصف المليان من البتاع ..
Post: #127 Title: Re: خروج سمكة من ماسورة منزل مواطن بعطبرة Author: معاوية المدير Date: 04-20-2010, 02:08 PM Parent: #125
Quote: غايتو انا ماشايل الا هم فواتير ناس الهيئة القومية للمياه.. ديل لو مادفعتة بعد دا ممكن يقيمو عليك الحد.
شقاوتكم شقاوة يا أهلنا ناس اتبرا، هسع يدفعو حق الموية والا حق السمك؟؟؟ يا محمد عوض، دي طبقة عمالية كادحة. عليك سيدي، تكلم ناس الإدآرة يبدلولنا السمك بفول لو أمكن...
Post: #128 Title: Re: خروج سمكة من ماسورة منزل مواطن بعطبرة Author: معاوية المدير Date: 04-20-2010, 02:16 PM Parent: #127
Quote: يا معاويه .. ما تركز علي الجانب الادبي من الموضوع ..حاول ركز علي الجانب العلمي من القضية ..
وحات الاخوة يا فيصل الرشيد، زمان في المدرسة، في الرياضيات الصفر ده ما كان يقدر ينافسني فيهو اجعص زول، وكذلك باقي المواد العلمية... في إنتظار بروف الصائم...
Post: #129 Title: Re: خروج سمكة من ماسورة منزل مواطن بعطبرة Author: Faisal Elrasheed Date: 04-20-2010, 02:19 PM Parent: #128
Quote: وحات الاخوة يا فيصل الرشيد، زمان في المدرسة، في الرياضيات الصفر ده ما كان يقدر ينافسني فيهو اجعص زول، وكذلك باقي المواد العلمية...
يعني انت طلعته ادبي عدييييييييييل كده .. هسه تودي وشك وين من المهندسين والدكاتره السكنوالبلد ديل .. سنا يا ولد .. كاااااااااااااااااااااااااااااااااك..
ـــــــــــــــــــــــــــــــــ
يا ود الصاااااااااااااايم الحقناااااااااااااااااااااااااا
Post: #130 Title: Re: خروج سمكة من ماسورة منزل مواطن بعطبرة Author: Mohammed Awad Date: 04-20-2010, 02:30 PM Parent: #129
حظكم يا ناس عطبرة، مواسيرنا بتصفر ومواسيركم بتطلع سمك
Post: #133 Title: Re: خروج سمكة من ماسورة منزل مواطن بعطبرة Author: معاوية المدير Date: 04-20-2010, 02:37 PM Parent: #129
Quote: يعني انت طلعته ادبي عدييييييييييل كده .. هسه تودي وشك وين من المهندسين والدكاتره السكنوالبلد ديل .. سنا يا ولد ..
عارف يا فيصل، أدبي عديييييل بتاعتك الجريتها دي ادتني ثقة في نفسي لمان فكرت أقدم طلب للجماعة الرفضو ود الصايم وبهدلوهوبهدلة العدو ديك...
باقيلك شنو؟ اقدم؟؟؟
Post: #134 Title: Re: خروج سمكة من ماسورة منزل مواطن بعطبرة Author: معاوية المدير Date: 04-20-2010, 02:38 PM Parent: #129
Quote: يعني انت طلعته ادبي عدييييييييييل كده .. هسه تودي وشك وين من المهندسين والدكاتره السكنوالبلد ديل .. سنا يا ولد ..
عارف يا فيصل، أدبي عديييييل بتاعتك الجريتها دي ادتني ثقة في نفسي لمان فكرت أقدم طلب للجماعة الرفضو ود الصايم وبهدلوهو بهدلة العدو ديك...
باقيلك شنو؟ اقدم؟؟؟
Post: #136 Title: Re: خروج سمكة من ماسورة منزل مواطن بعطبرة Author: Faisal Elrasheed Date: 04-20-2010, 02:42 PM Parent: #134
Quote: باقيلك شنو؟ اقدم؟؟؟
مااااابنصحك يا ولدي.. قفل القزاز واعمل رايح .. (:
Post: #137 Title: Re: خروج سمكة من ماسورة منزل مواطن بعطبرة Author: معاوية المدير Date: 04-20-2010, 02:51 PM Parent: #136
Quote: مااااابنصحك يا ولدي.. قفل القزاز واعمل رايح .. (:
قلت كدي، يا زول نحن زاتنا مواسيرنا بقت تجيب سمك مالنا ومال الكلآم الفارغ... علي اليمين كان طارو السماء ما يلحقونا...
Post: #138 Title: Re: خروج سمكة من ماسورة منزل مواطن بعطبرة Author: عمران حسن صالح Date: 04-20-2010, 03:00 PM Parent: #137
Quote: كان عندك حبوب سمحات رسل لي كروسهياخ ..
كروسه ؟؟ الكتراااااابة فيصل الرشيد ده من حلة سلكـ ولا شنو ؟؟ سجم صاحبكـ حميده بشيل ليكـ حالو بالطريقة دي
Post: #139 Title: Re: خروج سمكة من ماسورة منزل مواطن بعطبرة Author: Faisal Elrasheed Date: 04-20-2010, 03:16 PM Parent: #138
Quote: فيصل الرشيد ده من حلة سلكـ ولا شنو ؟؟ سجم صاحبكـ حميده بشيل ليكـ حالو بالطريقة دي
يا عمران .. هو سلك نصاح ..ياخ ده السلك الدبلوماسي زاتو ههههههههه عليك الله (كروسه) دي اخر مره سمعتها سنة كم ؟؟ ياخ انا حقو امشي لي عمر الجزلي يسجل لي حلقه في اسماء في حياتنا عدييل كده .. .... تصدق حميضه التافه مستخسر فيني حبوب الدغت .. غايتو عملته مسكول لي تمبس كان ضرب بقول ليه يرسلهم لي .. ود جدع وابن اصول ..ومتعود علي حتت توصيل الادويه دي ..كااااااااااااااك ..
Post: #140 Title: Re: خروج سمكة من ماسورة منزل مواطن بعطبرة Author: Tragie Mustafa Date: 04-20-2010, 03:28 PM Parent: #138
بوست لذيذ يا محمد طبنجه
تعلموا ان تروا الجانب الاممتلأ من الكوب زي ما قلت شبكه زمان ما لاقين مويه حسه ببركات الانقاذ
Quote: الله دا ما كريم خلاص
زمان في عطبرة ماسورة فيها موية مافي
هسة بقت موية وسمك
بقينا في البيوت نستلم مويه و سمك كمان! يا سلام!
Post: #141 Title: Re: خروج سمكة من ماسورة منزل مواطن بعطبرة Author: Faisal Elrasheed Date: 04-20-2010, 03:31 PM Parent: #140
Quote: بوست لذيذ يا محمد طبنجه
كااااااااااااااك دي ( ) ..
Post: #142 Title: Re: خروج سمكة من ماسورة منزل مواطن بعطبرة Author: Mohammed Awad Date: 04-20-2010, 03:35 PM Parent: #140
Quote: بوست لذيذ يا محمد طبنجه
دى على وزن الله يبارك فى ابو اهلك ولا شنو؟
Post: #143 Title: Re: خروج سمكة من ماسورة منزل مواطن بعطبرة Author: معاوية المدير Date: 04-21-2010, 03:13 AM Parent: #142
يا محمد عوض عدّل الآية أعلآه، ماتوديناش في دآهية... بدل اقل، ضع خير، قبل ما يلمو فيك يخلو ريحتك طير، طير...
Post: #144 Title: Re: خروج سمكة من ماسورة منزل مواطن بعطبرة Author: محمد عبد الماجد الصايم Date: 04-21-2010, 06:12 AM Parent: #143
الماسورة دي ما طلعت من السمكة لسه؟
Post: #145 Title: Re: خروج سمكة من ماسورة منزل مواطن بعطبرة Author: Faisal Elrasheed Date: 04-21-2010, 06:19 AM Parent: #143
Quote: وتعالى قال( اتستبدلون الذى ادنى بالذى هو اقل؟)
عدلتها بعد شنو لكن .. ده قران ما لعب .. المصاحف ماليه القوقل اكتب طرف الايه بتجيك مكتوبه ومشكله .. انت اي حاجه الا نعمل ليك فيها لجنة مراجعه ..؟؟ فاضين نحن لي حاجاتك دي .؟؟ مره كريسيدا ومره سمكه ومره ما بعرف شنو.. بالمناسبة خبر السمكه بتاعتك شنو؟؟ قالو سيد الماسوره امس جاهو بيض سمك مارق .. تكون السمكه دي بيضت قبال تستشهد ؟؟
Post: #148 Title: Re: خروج سمكة من ماسورة منزل مواطن بعطبرة Author: Mohammed Awad Date: 04-21-2010, 06:45 AM Parent: #147
Quote: قالو سيد الماسوره امس جاهو بيض سمك مارق .. تكون السمكه دي بيضت قبال تستشهد ؟؟
يعنى اذا حفروا بئر لقوا فسيخ الماسورة ماتجيب بيض كيف؟
يعنى لو قلت ليك دا بص الكلاكلة بتصدِق؟
Post: #149 Title: Re: خروج سمكة من ماسورة منزل مواطن بعطبرة Author: Faisal Elrasheed Date: 04-21-2010, 06:54 AM Parent: #148
Quote: يعنى لو قلت ليك دا بص الكلاكلة بتصدِق؟
كان في اقتراح كده من ود الصايم ماعارف كلمك بيه والا لا ... قال عنده فكره يعمل ليكم فرقه فنيه .. اساسا عنده اورغن وساوند ..داير يتصرف فيهم .. شوف معاك محمد الحبر ومحمد عادل .. صدقني ممكن تفتح معاكم الشغلانيه .. واهو كلو سمك وركشات وكندشه ..
Post: #150 Title: Re: خروج سمكة من ماسورة منزل مواطن بعطبرة Author: أيمن الطيب Date: 04-21-2010, 07:08 AM Parent: #149
يا فيصل,,,
Quote: عطبره ياخ ..والله قال ليك عطبره دي تدنقر في الواطه يطير ليك طوالي .. اهم شي تكون ماشي وعندك اربعه عيون ..
الكلام دا كيف!!!!
وكان وقع منك شلن؟؟؟؟؟؟؟؟
منبر كلو أدبى تخسس
Post: #151 Title: Re: خروج سمكة من ماسورة منزل مواطن بعطبرة Author: Faisal Elrasheed Date: 04-21-2010, 07:14 AM Parent: #150
Quote: وكان وقع منك شلن؟؟؟؟؟؟؟؟
تتدردق يا ايمن تتدردق .. في زول اتدردق قبل كده جاتو عوجه (: قال ليك دردقه مضمونه ولا دنقيره مجهجهه ..(مثل ملدوفي )..
ــــــــــــــــــــــــــــــــ *ملدوفي نسبة الي دولة ملدوفيا والتي تقع وين كده ما عارف ..
Post: #152 Title: Re: خروج سمكة من ماسورة منزل مواطن بعطبرة Author: Mohammed Awad Date: 04-21-2010, 07:14 AM Parent: #150
Quote: الماسورة دي ما طلعت من السمكة لسه؟
ياعمك والله السوق تعبان عديييييييييييييييل كدا.. غايتو بِجيب صير..
Post: #153 Title: Re: خروج سمكة من ماسورة منزل مواطن بعطبرة Author: معاوية المدير Date: 04-21-2010, 12:39 PM Parent: #152
Quote: الكلام دا كيف!!!!
وكان وقع منك شلن؟؟؟؟؟؟؟؟
يعني تاني نمشي مشي العقرب واللا شنو يا جماعة الخير... خلونا في سمكتنا... يرحمكم الله...
Post: #154 Title: Re: خروج سمكة من ماسورة منزل مواطن بعطبرة Author: Mohammed Awad Date: 04-21-2010, 01:21 PM Parent: #153
Quote: خلونا في سمكتنا... يرحمكم الله...
يامدير...
قلت لى مُشًرِك ...
اها الماسورة الليلة ماجبت ليك شى؟
اوعا تكون مبوِز بس ما بى سنارة
لسة مستنين الافتاء
وتقراها صاح ماتقراها استفتاء تقوم بى نص البوست بعدين..
Post: #156 Title: Re: خروج سمكة من ماسورة منزل مواطن بعطبرة Author: معاوية المدير Date: 04-21-2010, 01:27 PM Parent: #154
Quote: وتقراها صاح ماتقراها استفتاء تقوم بى نص البوست بعدين..
والله العظيم كنت خايف عليك من الجماعة، لكن برضو الزربدة حصلت بس ربّك ستر جات من الداخل...
Post: #155 Title: Re: خروج سمكة من ماسورة منزل مواطن بعطبرة Author: Mohamed Ibrahim Ahmed Date: 04-21-2010, 01:27 PM Parent: #153
عمكم الفاتح جبرا ما قصر يا شباب طوالى نزل مقال اليوم عن نفس الموضوع
Quote: كان إعتقادى فى محلو .. فقد كان لدى يقين لا يتزحزح بأن المسئولين ديل (بايتين ليهم فوق راى) وإنو لا يمكن أن يكونو غير مهتمين بضيق الحالة المعيشية التى يواجهها المواطن خاصة في ما يختص بمسألة الغذاء و(قفة الملاح) . على الرغم من التكتم الذى يلف المشروع الذى يهدف إلى توفير الغذاء للمواطنين دون أى عنت أو مشقة و(لحدت بيوتهم)، إلأ أن الأمر الآن قد إنكشف وبان بعد أن تم (البث التجريبى) للمشروع عبر توفير (الأسماك) للمواطنين عن طريق خدمات المياه المنزلية ،( يعنى من خلال المواسير الواااحدة دى) . هذا ما أكده الخبر الذى قامت الزميلة (حكايات) بنشره قبل يومين حيث ذكرت بأن أحد المواطنين بمدينة عطبرة قد فوجئ بخروج (سمك حي) ينزل متراقصاً من ماسورة منزله الذى فتحها عقب عودته من مكان عمله عصراً ، وحتى يتأكد المواطن من إنو النازل ده (سمك) وما أى حاجه تانية فقد أستعان بجيرانه وفقاً لروايته للتاكد من ذلك ، وقد أجمع الكل بأن (ده سمك) وأبدوا إستغرابهم كونه قد تجاوز كل الأكواع والمواسيروالبلوفات الممتدة من النيل وحتى (ضاحية الحصايا) حيث (الماسورة) دون ان يموت إختناقاً . كثير من المواطنين قد إستنكروا هذا الحدث بإعتبار أن ذلك يدل على (إهمال) القائمين على أمر (المياه) وعدم إتباعهم للأساليب الحديثة فى (فلترة الماء) والتأكد من خلوه من الرواسب والجراثيم ولسان حالهم يقول : الطحالب والطمى والفطريات (عرفناها) كمان القصة جابت ليها سمك ؟ لكن لو أن هؤلاء الذين تعجلوا فى حكمهم على الأمر تريثوا قليلاً وسألوا أنفسهم (بدل ما يستغربو) كيف لهذه الأسماك أن تتجاوز كل الأكواع والبلوفات حتى وصلت إلى منزل ذلك المواطن لعلموا أن الأمر هو أمر (مدبر) ومعمول ليهو (حساب) وجايبين ليهو (خبراء أجانب) وصارفين عليهو (الشئ الفلانى) بحسبانه بداية لـ (إستكمال النهضة) عن طريق مشروع (الغذاء من الداخل) أى من داخل البيوت ،هذا المشروع الذى سوف يضع حداً لمعاناة المواطن فى حصوله على متطلبات غذائه الأساسية و(يجيبا ليهو لحدت عندو) . عاوز تفطر (سمك)؟ بسيطة .. صب (الزيت) على (الصاج) وضعه على (المنقد) على مقربة من (الماسورة) بعد أن تضع تحتها (جردل) على فوهته (غربال) وذلك لتسهيل عملية جمع السمك .. (الجاى مغسل وجاهز) وعلى الزيت طوااالى ! وعلى الرغم من أن مشروع (الغذاء من الداخل) يتم العمل فيه بسرية تامة حيث يريد له المسئولون أن يكون مفاجاة للشعب الفضل ، إلا أن بعض تفاصيله قد تسربت وقد علمت بعض المصادر أن المشروع يتضمن وجبات أخرى عديدة (بالموية طبعن)تحتوى على عناصر مختلفة من المكونات الغذائية بينها .. شوربة دجاج .. شوربة عدس.. شعيرية .. سكسكانية .. كاسترد .. وعدد من (الطبائخ) السائلة كالملوخية والدمعة والنعيمية .. ولم ينس مهندسو المشروع بالطبع أن يتم برمجة (الفترة الصباحية) لينساب من خلالها وعبر (المواسير) الشاى بى لبن ! كسرة : يقال أن مشروع (الغذاء من الداخل) قد سبق وقامت به (دولة الأمازون) وفى أول يوم عند إفتتاحه قام أفراد (الشعب الفضل هناك) بفتح (المواسير) وإعداد الوجبات إلا انهم فوجئوا عند ذهابهم للأفران لشراء (الرغيف) بأن سعر الرغيفة الواحدة قد أصبح خمسة ألف جنيه (أمازونى) فقاموا بالشكوى للوالى الذى صاح فيهم قائلاً : - يعنى عاوزننا نرجع الصرفناهو فى المشروع ده كيف ؟!
Post: #158 Title: Re: خروج سمكة من ماسورة منزل مواطن بعطبرة Author: معاوية المدير Date: 04-21-2010, 01:41 PM Parent: #155
Quote: الأمر هو أمر (مدبر) ومعمول ليهو (حساب) وجايبين ليهو (خبراء أجانب) وصارفين عليهو (الشئ الفلانى) بحسبانه بداية لـ (إستكمال النهضة) عن طريق مشروع (الغذاء من الداخل) أى من داخل البيوت ،هذا المشروع الذى سوف يضع حداً لمعاناة المواطن فى حصوله على متطلبات غذائه الأساسية و(يجيبا ليهو لحدت عندو) .
نشكر حكومتنا الفاضلة على إهتمامها بمدينة عطبرة، عاصمة الحديد والنار وإختيارها كأوّل مدينة يطبق فيها هذا المشروع الهائل الذي يعتبر من أعظم إنجازات حكومة الإنقاذ... سير... سير... يا... مدير...
Post: #157 Title: Re: خروج سمكة من ماسورة منزل مواطن بعطبرة Author: فيصل أحمد سحنون Date: 04-21-2010, 01:31 PM Parent: #153
ياناس يا هووووي شوفو الزول ده ماشي سريع عطبرة يلحق سمك الحيكومة ده
----------------- الله يستر المواسير دي ماتصل ناقصة
Post: #159 Title: Re: خروج سمكة من ماسورة منزل مواطن بعطبرة Author: معاوية المدير Date: 04-21-2010, 01:47 PM Parent: #157
Quote: الله يستر المواسير دي ماتصل ناقصة
ن عندك مواسير أشحنها
يا فيصل نصيحة من جوّة قلبي، كان عندك مواسير أشحنها عطبرة الأيام دي هناك عدم، وكمان لو شحنت معاها دقيق يكون أفضل...
Post: #160 Title: Re: خروج سمكة من ماسورة منزل مواطن بعطبرة Author: Faisal Elrasheed Date: 04-21-2010, 01:55 PM Parent: #159
Quote: وكمان لو شحنت معاها دقيق يكون أفضل...
والزيت كيف ..
نجيب زيت والا حتاكلوهو مشوي ..(:
Post: #162 Title: Re: خروج سمكة من ماسورة منزل مواطن بعطبرة Author: فيصل أحمد سحنون Date: 04-21-2010, 02:07 PM Parent: #160
Quote: وكمان لو شحنت معاها دقيق يكون أفضل...
إنت عارف يا معاويه يا أخوي جايز في ناس يكونوا دايرين يعملو من السمك فسيخ وما بيحتاجو لدقيق. أحسن نشحن ليهم أزيار يشربوا منها بدل المواسير ويدنقروا فيها يامن يشربوا (ولهم فيها مأرب) ويخلوا المواسير للسمك بس.
Post: #161 Title: Re: خروج سمكة من ماسورة منزل مواطن بعطبرة Author: Mohammed Awad Date: 04-21-2010, 01:56 PM Parent: #157
والله لو ماشوية كدا كان قلت ليك دا ود الصائم ... لكن ما اظن لانو الزول دا شكلو مارق بدرى.. ود الصائم بيكون الكفيل قافلو بالمفتاح لسة
Post: #163 Title: Re: خروج سمكة من ماسورة منزل مواطن بعطبرة Author: Mohammed Awad Date: 04-21-2010, 09:13 PM Parent: #161
Quote: نشكر حكومتنا الفاضلة على إهتمامها بمدينة عطبرة، عاصمة الحديد والنار وإختيارها كأوّل مدينة يطبق فيها هذا المشروع الهائل الذي يعتبر من أعظم إنجازات حكومة الإنقاذ... سير... سير... يا... مدير...
غايتو البوست دا لو مشى الشارع تدفع تمنو.. مش قلنا ليك خلينا فى السمك؟... خاجى الموضوع مالك؟
Post: #164 Title: Re: خروج سمكة من ماسورة منزل مواطن بعطبرة Author: Mohammed Awad Date: 04-25-2010, 07:29 AM Parent: #163
Post: #166 Title: Re: خروج سمكة من ماسورة منزل مواطن بعطبرة Author: محمد زكريا Date: 04-26-2010, 10:33 AM Parent: #164
كتب Alawad
Quote:
Quote: فوجئ بسمكة صغيرة تتراقص وهي تهبط من فتحة الماسورة.
أنا والله ما محيراني نزلة السمكة من الماسورة... بلدنا دي تتوقع فيها أي حاجة. لكن مزعلني رقيص السمكة.... سمكة نازلة من الماسورة الرقيص عليها شنو؟ و مش ترقص بس كمان تتراقص... قال تتراقص قال... سمك آخر زمن. تحياتي يا محمد عوض لكن بصراحة عندك بوستات عينة.
يا العوض المحتار ليها شنو؟ ........انو السمكه بترقص؟............عااااااااادي جداً........اشرحها ليك المسئول من المويه من البحر للناس عن طريق الماسوره منو؟.............مش الهيئه ال ليلت المويه دي...............مش ياها الحيكومه يعني؟ والمواسير الموصلينها من الهيئه لحله ناس فلان ده زاتها حكوميه...........مش صح ولا كضب؟ يعني المعني ييييييييييعني............ وبالواضح الما فاضح السمكه دي زاتها حيكوميه .........ميه الميه.........مو كدي؟ مو يمكن تكون بوليص سري وطيب ااااا جنا ها .......مادام الشغلانه كلها حيكومه في حيكومه..........هو ريسهم بيرقص.........لامن بقت علي السميكه السغنونيه دي هو بلد من ريسها بيرقص........والله سمكها مش يرقص بريك دانس........ده يخلي ابونقدح يتفنقل من الضحك ويقرقر البعوض.........عرت الكع الماسوره التكسر رقبتك.....عرت (هوي دحين الكلام الاخير ده لي حمارتي الختيته دي)
====== علا العفو والعافيه يا اهل الله
Post: #167 Title: Re: خروج سمكة من ماسورة منزل مواطن بعطبرة Author: معاوية المدير Date: 04-26-2010, 10:42 AM Parent: #166
Quote: والله لو ماشوية كدا كان قلت ليك دا ود الصائم ... لكن ما اظن لانو الزول دا شكلو مارق بدرى.. ود الصائم بيكون الكفيل قافلو بالمفتاح لسة
دقّت في الماسورة...
Post: #168 Title: Re: خروج سمكة من ماسورة منزل مواطن بعطبرة Author: Mohammed Awad Date: 04-26-2010, 01:17 PM Parent: #167
Quote: دقّت في الماسورة...
Post: #169 Title: Re: خروج سمكة من ماسورة منزل مواطن بعطبرة Author: معاوية المدير Date: 04-26-2010, 01:46 PM Parent: #168
Quote: أحسن نشحن ليهم أزيار يشربوا منها بدل المواسير ويدنقروا فيها يامن يشربوا (ولهم فيها مأرب) ويخلوا المواسير للسمك بس.
والله فكرة في السلك يا فيصل. الظاهر عليك شاطر في التجارة. نصيحتي ليك من جوّة قلبي: لمان تمشي مع الشُحنة ما تنسى تبلع سيخة...
Post: #170 Title: Re: خروج سمكة من ماسورة منزل مواطن بعطبرة Author: Mohammed Awad Date: 04-26-2010, 02:57 PM Parent: #169
Quote: نصيحتي ليك من جوّة قلبي: لمان تمشي مع الشُحنة ما تنسى تبلع سيخة...
والله يا محمد عوض، كنت داير ادخل معاهو في شمطة. لمان لقيتو عمل لي ترويج للبوست بتاع ولدي، شِدّة ما رُكبي ساحن، قررررربت اديهو الباسورد بتاعي... بعدين بكري ده راسو خفيف، بكلآمك الفوق ده حايصدق إني متواطي مع صاحبي هاكوري...
كدي تاني إنت وود الصايم واحد فيكم يهبشو...
Post: #172 Title: Re: خروج سمكة من ماسورة منزل مواطن بعطبرة Author: Mohammed Awad Date: 04-26-2010, 03:39 PM Parent: #171
Quote: كدي تاني إنت وود الصايم واحد فيكم يهبشو...
تعرف حاجة اسمها حانكِلو؟ دا بيكرشوا بالطوب... الزول دا عندو حانكِلو... لكن بدل ينكرش بالطوب بيفلٍق... امسك يمين بس المرة الفاتت نجًح ليك قريب المرة الجاية بيعوقك