you have received (نصب واحتيال)

you have received 99.5
SDG from ************
your new balance is ***

وبعد لحظات من الرساله يرن جرس الهاتف !
وعندما تفتح الخط يرد عليك اما ولد او بنت ..:
الو: سلام عليكم ياخى لو سمحتا رسلت ليك ميه جنيه وباالغلط ياخ.
:لا لا ياخ انا تلفونى دا خط .
:ااى حاتخصم من فاتورتك الشهريه


اها بعد كده اتا وحنكك !
يادقستا واتلحستا ياتكون زول مفتح وتنقش الحنك..

دايرين نشوف تجاربكم شنو مع الناس المحتالين ديل.




(نواصل)

الأخ الطيب


سلام وتحية


ياخى دى حصلت معاى فى السعودية
المتصل صوت انثوى رقيق وناعم جدا ( مع انه يقال ان هنالك اجهزة تحول الاصوات هذه الايام مما يعنى ان لا ثقة فى النعومة والرقة) وبكل ذوق وأدب اخبرتنى بانها حولت لى مائة ريال عن طريق الخطأ وحينما انكرت اشعارى بأى تحويل طلبت منى ان اراجع حسابى وبصراحة انا ما عارف حسابى فيه كم ...

المهم برضو كنت مصرا على موقفى رغم اننى شككت فى الامر وهل فعلا حصل تحويل ام لا ولكنى موقن ان التحويل تسبقه رسالة اشعار بالتحويل ..

الصوت الرقيق طاردنى حتى اصبحت لا ارد عليه ..

يعنى نصب وثقالة كمان وهى تظن ان كثرة المطارة ستجعلنى اشترى دماغى واحول المائة ريال لها..

يا عمى ده على مين .؟؟

الاخ قرشو لك التحيه والاحترام .

المهم برضو كنت مصرا على موقفى رغم اننى شككت فى الامر وهل فعلا حصل تحويل ام لا ولكنى موقن ان التحويل تسبقه رسالة اشعار بالتحويل

نعم التحويل تسبقه رساله إشعار ؛ وجماعتنا ديل اول حاجه بجيك الإشعار حتى بعد داك تجيك منهم المكالمه ؛ يعنى اسلوبهم فى الجريمه اسلوب متطور؛ وتكون الرساله محفوظه فى تلفون المحتال ؛ ويجرى عليها بعض التعديلات ويتم ارسالها لك



__
اشكرك اخ قرشوعلى المرور..

اما فى حاله انو شريحتك دفع مقدم؛! بعد كده حسب فهم
الحرامى فيك لكن بتضمن حاجه انو مطالبتو ليك حاتكون فى حدود من تلاتين جنيه ولى تحت.

.
الكلام كلو على نوع البتلقاهو شايل موبايلو ويقول ليك انا مابعرف غير الخدرا والحمرا بس .!
اها دا صاحبك الشفت بجهجهو ليك جهجهه جد .

الطيب ازيك

معقول ياخ الاستهبال وصل المرحلة الوقحة دي


نسال الله السلامة