( وباريت الاحمر في عيونك قضية )

باسمك بديت
يالصحيتي الحروف
من تاني احساس
كنت عاينت لي
عيونك
باحساس منبهم
واندهشت عطش
وشربت باقي عقاب
مويت حنين
لامن ارتويت وطن
سعة القلب حب
اتشهقت دخل ريدك
وطلع زفير الخوف
واتنفست شجن صوتك
نغم
وتر احساس بالناس
هم
وجريت وراك عشق
محرض دواخلي نضال
ماليني بيك هتاف
وباريت الاحمر في
عيونك قضية
دياليكتيك ضحكة عيون
اطفال
تتاتي وتلعب بين ايديك
فرح
تلوليهم بغناويك حنان
هدير همس هدير صوتك
يديهم امان
وترتاح فوق صدرك
تنوم وتصحى
وتصبح عليك وطن
ياوهج الحاضر حرية
وامل الزمن الجاي
خلاص
اديتك مع الهدهد
وصية
رغم مشوارك طويل
بس برضو منتظر
يوم دخلتك وطن
مجرتكة بدم الشهداء
الجاين منك وماشين
عليك
وزافيك صوت هتاف
الشارع
المارك من حزنك
ثورة غبش
وغضب كادحين
ضدد القتلة الجلادين
وزيف تجار الدين
وجمرة نار عرسك
مابطفيها بنبان
العساكر
ولاصوت رصاصم الغادر
وانتبه ياظالم
احنا صحوة حلم جاي
ما برهبنا سجنك والزنازن
بينا الشوارع رد
وبينا الموت حق



مدثر تيف تيف
/ا/لسبت