Post: #1
Title: إســـتفتاء الجنـــــــــــوب ..
Author: humida
Date: 04-16-2010, 11:31 PM
Parent: #0
انتهت الانتخابات ( لم تعلن النتائج بعد ) لكن الجواب باين من عنوانه ..
موضوع انتخاب رئيس جديد و حكومة جديدة تأتي اهمية من المسئولية التي تترتب علي ( استفتاء الانفصال او البقاء ) ..
و بما انه الحال سيظل كما هو عليه .. محلك سر .. مع تعزية خاصة لدافع الضرائب السوداني الذي ذهبت امواله هباء منثورا في مسرحية الانتخابات ..
ألا ان الشق الاول من الاتفاق ( قانونيا ) قد تم .. و تبقى الاستفتاء ..
..
..
التنازلات التي قدمتها الحركة الشعبية لشرعنة العملية الانتخابية و شرعنة فوز المؤتمر بها .. سيقابلها ( رد جميل ) من الحزب الحاكم ..
هل سيكون رد الجميل .. اعلان جوبا عاصمة لدولة جنوب السودان .. ؟؟
سؤال مطروح للنقاش .. لمعرفة اراء اعضاء المنبر .. و القراء من خارج المنبر علي الايميل [email protected]
|
Post: #2
Title: Re: إســـتفتاء الجنـــــــــــوب ..
Author: دينا خالد
Date: 04-17-2010, 00:01 AM
Parent: #1
عليك الله براحة علينا يا حميدة ..
الاستفتاء دا سنة 2011 ..
هسه نحن الانتخابات دى فهمنا فيها شنو ؟
غايتو انا لسه دايشة .. لافه صينييية !
وليد فاز ! وليد سقط !! لالا عادوا الانتخابات
فى الدايرة !! .. ووليد قال قروشو كملت . وانت تهرب
الى الامام للاستفتاء ؟؟ ما تاخد ليك وقفة قصيرونه فى المحظة
دى ياخ ..
هسه خلاص قلت لى ح يعلنوا فلان رئيس ؟ والخرطوم عاصمة للشمال ؟
وصديقنا منقو نقول لى خلاص جاء من يفصصصصصلنا ؟
هم بتفائلوا بالرقم 89 وحتكون فاصل 6 ،، اى يونيو 89
وح نرجع لى سيطرة الانقاذ كاملة .. جيناك يا نيفاشا تغيثينا
قلعتى طواقينا ..
هسه عليك الله يا حميدة مش مفروض ناس الجنوب يزغردووو
ايووووووي يوي يوي يووووويا ؟
ـــــــــــــــــــــــــ
انا غايتو لو عندى طريقة ارفع علم فى بيتنا
بعملها تقول لى استفتاء ...
|
Post: #3
Title: Re: إســـتفتاء الجنـــــــــــوب ..
Author: esam gabralla
Date: 04-17-2010, 00:10 AM
Parent: #2
يا دينا مالك و مالو
الزول نظرتو مستقبلية
او يمكن متضايق من ال(......) الماليين الخرطوم ديل
اتقول هو الاستفتاء ده بعد ده حتكون عندو نتيجة تانية غير الانفصال , ما لم تكن في خرتاية الجماعة حيلة اخرى و ده احتمال كبير
و لو في محل حكومة الجنوب بعمل النتيجة 100% عدييييل كده بدل نتائج مفوضية الوطنى المايعة دى ..
حميدة: بصراحة صورة شجرتك كانت شديدة ... اشدا من بتاعت غريبة و ود الباوقة , مسحتها بي شنو؟
|
Post: #4
Title: Re: إســـتفتاء الجنـــــــــــوب ..
Author: jini
Date: 04-17-2010, 00:18 AM
Quote: ما لم تكن في خرتاية الجماعة حيلة اخرى و ده احتمال كبير
|
تسليح المسيرية بما لم يخطر على قلب دينكاوى او مسيرى!
جنى
|
Post: #5
Title: Re: إســـتفتاء الجنـــــــــــوب ..
Author: مجدى محمد مصطفى
Date: 04-17-2010, 00:26 AM
Parent: #4
| Quote: تسليح المسيرية بما لم يخطر على قلب دينكاوى او مسيرى! |
ها زول ها
ألمى حار ما لعب قعونج!
|
Post: #6
Title: Re: إســـتفتاء الجنـــــــــــوب ..
Author: مجدى محمد مصطفى
Date: 04-17-2010, 00:29 AM
Parent: #5
| Quote: حميدة: بصراحة صورة شجرتك كانت شديدة ... اشدا من بتاعت غريبة و ود الباوقة , مسحتها بي شنو؟ |
تراب بس .. تصدق
تراب ومويه ماسوره !
|
Post: #7
Title: Re: إســـتفتاء الجنـــــــــــوب ..
Author: عمر صديق
Date: 04-17-2010, 01:15 AM
Parent: #6
Quote: التنازلات التي قدمتها الحركة الشعبية لشرعنة العملية الانتخابية و شرعنة فوز المؤتمر بها .. سيقابلها ( رد جميل ) من الحزب الحاكم ..
هل سيكون رد الجميل .. اعلان جوبا عاصمة لدولة جنوب السودان .. ؟؟
سؤال مطروح للنقاش .. لمعرفة اراء اعضاء المنبر |
الاخ حميدة
تحياتي
المؤتمر الوطني ليس بمقدوره لعب دور في عملية الاستفتاء اكثر من الاعتراف بنتائجها
وتقرير المصير قبلت به كل القوي السياسية في السابق ويبقي القرار الاخير لدي المواطنين في الجنوب
|
Post: #8
Title: Re: إســـتفتاء الجنـــــــــــوب ..
Author: عمر صديق
Date: 04-17-2010, 01:15 AM
Parent: #6
Quote: التنازلات التي قدمتها الحركة الشعبية لشرعنة العملية الانتخابية و شرعنة فوز المؤتمر بها .. سيقابلها ( رد جميل ) من الحزب الحاكم ..
هل سيكون رد الجميل .. اعلان جوبا عاصمة لدولة جنوب السودان .. ؟؟
سؤال مطروح للنقاش .. لمعرفة اراء اعضاء المنبر |
الاخ حميدة
تحياتي
المؤتمر الوطني ليس بمقدوره لعب دور في عملية الاستفتاء اكثر من الاعتراف بنتائجها
وتقرير المصير قبلت به كل القوي السياسية في السابق ويبقي القرار الاخير لدي المواطنين في الجنوب
|
Post: #9
Title: Re: إســـتفتاء الجنـــــــــــوب ..
Author: JOK BIONG
Date: 04-17-2010, 01:46 AM
Parent: #8
موضوع بتاع استفتاء واضح ما داير له لفة ودوران.
يختوا صندوقين عديل كدي واحد عليه وحدة واخر عليه استقلال تام
ومواطن في جنوب السودان يختار حسب مزاجه هل هو داير دولة بتاع عرب
وشريعة قطع يدين وكرعين ولا داير دولة ما فيه قطع يدين ورجلين
وحكاية واضحة جدا.
وشكرا
جوك
|
Post: #10
Title: Re: إســـتفتاء الجنـــــــــــوب ..
Author: Hisham Amin
Date: 04-17-2010, 01:54 AM
Parent: #9
اسفتاء الجــــنوب شان سودانى وليس للجنوب فقط
و يجب التعامل معة على هذا الاساس
|
Post: #11
Title: Re: إســـتفتاء الجنـــــــــــوب ..
Author: humida
Date: 04-17-2010, 10:03 AM
Parent: #10
| Quote: حميدة: بصراحة صورة شجرتك كانت شديدة ... اشدا من بتاعت غريبة و ود الباوقة , مسحتها بي شنو؟ |
في ايقونة فوق مكتوب فيها ( ملفك ) ممكن تدخل هناك و تغير الصورة .. بكل سهولة ..
شوف يا مقددا ..
في مسألة الانتخابات بالتحديد كان لدي خيار انا مبسوط منه .. و رأي واضح حول العملية الانتخابية ..
عمر البشير لرئاسة الجمهورية .. و دخول احزاب المعارضة الي البرلمان .. و حدوث حراك سياسي في البلد .. و شوية شوية نتخلص من حكم الحزب الواحد ..
و أكيد الانتخابات الجاية .. حتكون النتائج احسن .. و بيكون في تراكم خبرات .. في النهاية دا البقولوا عليه التداول السلمي للسلطة ..
بكل عقلانية و حيادية و ذوق و فن و هندسة .. لن يتخطى الشعب السوداني حزب المؤتمر الوطني ألا عبر صناديق الاقتراع .. و علي ما اظن المعارضة و شريك الحكومة الحركة الشعبية جربوا اي حاجة ..
من دق الجرس و الكاروشة الي حمل السلاح الي تأليب الرأي العالمي ضد الحكومة السودانية .. و ما حدث تغيير ..
اذن الحل ( علي حد زعمي ) .. البشير الي رئاسة الجمهورية .. و الاحزاب الي البرلمان لمحاولة كسب ارضية صلبة للانتخابات القادمة ..
و لذلك .. صوتك أمانة .. رمز الشجرة .. 
|
Post: #12
Title: Re: إســـتفتاء الجنـــــــــــوب ..
Author: humida
Date: 04-17-2010, 10:07 AM
Parent: #11
| Quote: جيناك يا نيفاشا تغيثينا قلعتى طواقينا .. |
دينا ..
في الاول .. عند توقيع الاتفاقية .. اغلب الاحزاب المعارضة قالت انه الاتفاقية ثنائية و فاقدة للشرعية .. و لا تشمل اهل السودان كلهم ..
و يجب اشراك كل القوى السياسة في صياغة مثل هذه الاتفاقيات ..
بل ذهب البعض الي ان ليس للحركة الشعبية الحق في فرض استفتاء علي الجنوبين من خلال اتفاقها مع حزب المؤتمر الوطني ..
..
..
بقدرة قادر اصبحت الآن الاتفاقية شرعية .. بدون تلبية اي مطلب من مطالب المعارضة ..
|
Post: #13
Title: Re: إســـتفتاء الجنـــــــــــوب ..
Author: humida
Date: 04-17-2010, 10:19 AM
Parent: #12
| Quote: تسليح المسيرية بما لم يخطر على قلب دينكاوى او مسيرى! |
جني ..
ذهب كثير من المحللين ان ( أبيي المذبحة القادمة في أفريقيا ) ..
وقد كتب الكاتب نيكولاس كريستوف مقال حول هذا الامر .. ( علي ما اظن في جريدة النيويورك تايمز ) ..
و كتب آخرين عن ( آبيي هل تكون مفتاح وحدة السودان ؟ ) ..
|
Post: #14
Title: Re: إســـتفتاء الجنـــــــــــوب ..
Author: humida
Date: 04-17-2010, 10:28 AM
Parent: #13
Quote: موضوع بتاع استفتاء واضح ما داير له لفة ودوران. يختوا صندوقين عديل كدي واحد عليه وحدة واخر عليه استقلال تامومواطن في جنوب السودان يختار حسب مزاجه هل هو داير دولة بتاع عرب
وشريعة قطع يدين وكرعين ولا داير دولة ما فيه قطع يدين ورجلينوحكاية واضحة جدا.وشكرا |
لا لا الحكاية لا واضحة و لا جدا ..
ندخل ليك في الشأن الجنوبي شوية ..
الدكتور ريك مشار بترأس اللجنة التي ستشرف علي الاستفتاء من جانب الحركة الشعبية .. و بدأت للاعداد لهذا الامر من الآن .. و كونت لجان من الوزارء في حكومة الجنوب و من امانات الحزب ..
و اكبر هم لديهم سيناريوهات ما بعد الاستفتاء ..
لو مشينا معاك في موضوع الانفصال .. في مواضيع يجب ان تحسم بطريقة سريعة جدا لكي لا تدخل الدولة الجديدة في صراعات اكبر من طاقتها علي التحمل .. قد تضطرها الي تنازلات تضر بها مستقبلا ..
قضايا مثل النفط .. الانتاج والنقل .. الأصول والخصوم .. والمياه .. والعملة .. والاتفاقات الدولية .. وجنسية المواطنة .. ووضع الجنود في جنوب السودان حاليا في القوات المسلحة السودانية ..
يعني الموضوع ما قطع يدين و كرعين بس .. و خوف ريك مشار بالتحديد .. ان يأتي الانفصال لاسباب عاطفية .. و تدخل الدولة الجديدة في مأزق كبير ..
|
|