الجمهورين....ومسؤليتهم التاريخيه مع معهد (كارتر) المطنبر للانقاذ !

....جرد حساب....

طبعا حيجيني مليون زول سالي لسانه عن التعميم المخل؟؟!!

ودعونا اولا نقر
بانه ليست ليلة اعلان نتيجة هذه الانتخابت المزوره
سنمارس جلد الذات
وشتم بعضنا
والتنصل من مسؤلياتنا التاريخيه


هذه الشريحه من الناشطين السودانين(الجمهورين)
حملتهم المسؤليه لانهم اكثر من روج لمعهد كارتر
ولانهم من اعلى الفئات تعليما.
والتعليم ما عشان تتحنط شهادات في براويز
ولكن لضرورة استغلاله لمصلحة الغالبيه المسحوقه من غير المتعلمين.


ودعوني اكون اكثر تخصيصا واقول الجمهورين المقيمين في امريكا!

فوق ال 20 جمهوري من حملة الماجستير و الدكتوراه بامريكا
العيشرين ديل بس ممكن كان يوقفوا العالم على فت رجل لو شدوا حليهم!



5 ايرانين وقوفا العالم لاجل بلادهم!!
لكن نقول شنو؟؟؟

الدواس بلا غبينه فعلا ما بجيب فوز!




ولسه على فكره انا ما كلمت كلامي
برجع بهدؤ عشان اوضح انه انا شخصا
بطني كانت طامه وعارفه ديل ما بجيبوا لينا رجا

من حضرت ندوة د.عبد الله النعيم بكندا
وجلست قرابة الساعه
اشاهد من قيل عنه بروفيسر قانوني
يجتهد على مدار ساعه لينفي بان ما يحدث بدارفور
تطهير عرقي وانما جرائم ضد الانسانيه!!
يا سلام!!

وفات على سيادته
اننا استمعنا كناشطين درافورين لما يفوق ال 200 بروفيسر
من كل اتحاء العالم مسلمين وسميحين ويهود ولا متعقدين
وكلهم اجمعوا ان ما يحدث بدرافور تطهير عرقي حسب التعريف القانوني!!

لكننا مجبرين كما توهم ان نصدقه هو؟؟!!

من وقتها انا عرفت تماما ان هذا الوهم الاسمه معهد كارتر لن يآتينا باي فائده
ان كان هذا حال موظفيه السودانين المحسوبين معارضه!

ألآن امامه خيار تاريخي ليغفر لهم شعبنا
هذا التقصير بحق وهو مواصلة الكتابه
لهذا المدعو كارتر والذي هم كانوا احرص الناس
لتسويقه لنا بامانته ونزاهته والتي بدأ حولها شك
كبير.....بكل تصريحاته الحمقاء و الغير نزيهه
عن نزاهة هذه الانتخابات.




يلا يا جمهورين.....كلكهم وعارفين نفسكم
واصدقائكم انكروا و الكسل الماضي كفروا عنه
واتحلموا مسؤليتكم متعلمين.

ولو من باب الوفاء للاستاذ محمود محمد طه
الذي ما كان ليسكت عن هذا القرف و النفاق الانقاذي.

كارتركم ده شوفوا له صرفه يعرف يطلع تقرير زي الناس
اما ان كان على شاكلة ان ماحدث بدرافور ليس تطهير عرقي!!
فوقتها لكل حدث حديث.

كويس جدا انه مافي زول طله هنا للآن بمداخله
عاشن انا لسه ما كملته كلامي.

ليبقى عاليا لحين عوده.

تراجي ازيّك...

يا ريت يا تراجي تحددي أسماء بعينها... وأدوار بعينها... لأنه لا يوجد تنظيم باسم الجمهوريون ينظم نشاطهم أو يجمعهم.. كل ما يفعله أي جمهوري هو مسؤولية فردية، إلا إذا ذُكر غير ذلك.... وفي فرق كبير ما بين مسؤولية فردية، وجماعة كما تعلمين.... لانني احسب نفسي جمهورية، ولا أعلم أي شي ما تقولين... وليست لدي أي علاقة بمركز كارتر...

شكرا لك، وفي انتظار بقية كلامك


خالص تحياتي
مريم

المداخلتين الاولى والثانية كنت اقرا فيهم
واعاين يمين للاسم والبروفايل عشان اتاكد
كاتبهم منو.. ماعارف الكلام دة ح تعتبريه اطراء
ولا نقد وشيل حال؟ وبعد كدة باقى المداخلات
ياها كتابتك الاتعودنا عليها لازم يكون فيها حركة
استباقية كدة زى (مايجينى زول يقول لى) وكذلك
لازم تحشرى ليك اسم زول لا ايده لاكراعه للمقارنة
والاستدلال بمواقفه واقواله كانه المهاتما غاندى
وكمان حكاية التمجيد الغريب لكل حاجة ليها علاقة
بالهامش وخصوصا هامش دارفور وكردفان مع عدم الاعتراف
بالهوامش الاخرى وخصوصا هوامش الوسط والشمال
البوست دة تحديدا قلبتى فيه هوبة فى الغموض باقحام
مصطلحات كالجمهوريين وكارتر فى العنوان لذلك فورا
سيتبادر لذهن اى كيشة زي انه العلاقة شنو بين كارتر
الرئيس الامريكى الاسبق الديمقراطى والحزب الجمهورى
ولكن وجود كلمة الطنبرة للانقاذ ستنسف الحيرة بين
جمهورى وديمقراطى وح ترجع الزول للبلد ويتذكر زمان
لما كنا صغار بنات لابسات ثياب بيضاء ناصعة بيوزعن
فى الكتب الصغيرة ولما اسال امى تقول لى ديل الجمهوريات
لذلك استمريت لفترة مستغربا ومتسائلا ما وجه الشبه بين
مايقوله المذيع فى الراديو جمهورية السودان والبت
ذات الثوب الابيض فبالله ماتلعبى بالحاجات الشكلت وجدانا
ونحن صغار. كارتر اكثر رئيس سابق عصر على اليهود طبعا
بعد ماترك الرئاسة بعد سنوات هل دة سبب كرهك ليه؟
بعدين شنو البخلى الموظفين تبعه كلهم يكونوا تبع
الجمهوريين هل دى كانت احدى شروط الالتحاق ولا المهاجرين
الجدد شالو ثقافة المحسوبية والواسطة معاهم لامريكا
فدخل جمهورى وبعد كدة جاب جماعته وراءه
والسلام

أتمنى ألا يمر دكتور حيدر بدوي بهذا البوست .. إلا بشرط:
أن يكون في كامل تركيزه .. بعيدا عن خاصية الجذب الالهي التي تنتابه من حين إلى آخر ..
.
.


تراجي:
إنت ما عندك موضوع مش كدا ..؟ جمهوريين شنو في انتخابات الفين وعشرة .. إنت جادة ..؟

هذا نموذج لتصريحات معهد كارتر الذي ظل يروج له بعض الجمهورين بشفافيته
فقط لانه واحد منهم اشتغل فيه!!

Quote: كارتر: المجتمع الدولي سيعترف بالانتخابات السودانية كارتر: المجتمع الدولي سيعترف بالانتخابات السودانية آخر تحديث: السبت 17 ابريل 2010 2:21 م بتوقيت القاهرة القاهرة - وكالات اعتبر الرئيس الأمريكي الأسبق جيمي كارتر خلال مؤتمر صحفي في الخرطوم اليوم السبت، أن "القسم الأكبر" من المجتمع الدولي سيعترف بنتائج الانتخابات السودانية التعددية الأولى منذ ربع قرن، حتى وإن كانت غير متماشية مع المعايير الدولية. وقال كارتر "اعتقد أن القسم الأكبر من المجتمع الدولي ممثلا بحكومات الدول الأعضاء، سيقبل النتائج" ولكن قرار قبول أو عدم قبول نتائج الانتخابات يعود إلى كل بلد على حدة. وقال كارتر "من الواضح أن هذه الانتخابات لا ترقى إلى مستوى المعايير الدولية". كانت فيرونيك دي كيسير رئيسة المراقبين الأوروبيين قالت في مؤتمر صحفي منفصل في الخرطوم اليوم، "هذه الانتخابات لم ترق إلى مستوى المعايير الدولية، ليس بعد". وجاء في بيان أصدرته مؤسسة كارتر أنه "للأسف كانت هناك قيود على العديد من الحقوق السياسية والحريات خلال القسم الأكبر من هذه الفترة، ما أشاع حالة من انعدام الثقة لدى الأحزاب السياسية". وأضاف البيان أن المؤسسة "سجلت العديد من الأخطاء واستنتجت أن العملية لا ترقى إلى مستوى التزامات السودان والمعايير الدولية ذات الصلة". واعتبرت المؤسسة أن الانتخابات "كان ينقصها الضمانات والشفافية الضرورية للتحقق من تنفيذ الخطوات الرئيسية وإرساء شعور بالأمان والثقة في العملية".

مريم سلامات
انا كتبت في الاول:

Quote: ودعوني اكون اكثر تخصيصا واقول الجمهورين المقيمين في امريكا!

يبقى الي حد ما انا وضحته وشايافهم براكي لبدو مع انه اغلبهم لهم عضويات هنا؟؟؟

Quote: تراجي ازيّك... يا ريت يا تراجي تحددي أسماء بعينها... وأدوار بعينها... لأنه لا يوجد تنظيم باسم الجمهوريون ينظم نشاطهم أو يجمعهم.. كل ما يفعله أي جمهوري هو مسؤولية فردية، إلا إذا ذُكر غير ذلك.... وفي فرق كبير ما بين مسؤولية فردية، وجماعة كما تعلمين.... لانني احسب نفسي جمهورية، ولا أعلم أي شي ما تقولين... وليست لدي أي علاقة بمركز كارتر... شكرا لك، وفي انتظار بقية كلامك خالص تحياتي مريم

اعلم تماما انه لا تنظيم لهم وانها جهود فرديه
ولكن هذا لن يمنع ان يسألوا كمجموعه ناشطه هنا ومتبنيه لانشطه كثيره.
يازوله الكلام ده اي زول مقيم وناشط في نورث امريكا بعرف كم الطنبره
الطنبروها لينا حول معهد كارتر؟؟!!

وشفافيه وقدراته

عشان نفاجأ بهذا الاداء الضعيف بل و المتردي!

Quote: المداخلتين الاولى والثانية كنت اقرا فيهم واعاين يمين للاسم والبروفايل عشان اتاكد كاتبهم منو.. ماعارف الكلام دة ح تعتبريه اطراء ولا نقد وشيل حال؟ وبعد كدة باقى المداخلات ياها كتابتك الاتعودنا عليها لازم يكون فيها حركة استباقية كدة زى (مايجينى زول يقول لى) وكذلك لازم تحشرى ليك اسم زول لا ايده لاكراعه للمقارنة والاستدلال بمواقفه واقواله كانه المهاتما غاندى وكمان حكاية التمجيد الغريب لكل حاجة ليها علاقة بالهامش وخصوصا هامش دارفور وكردفان مع عدم الاعتراف بالهوامش الاخرى وخصوصا هوامش الوسط والشمال البوست دة تحديدا قلبتى فيه هوبة فى الغموض باقحام مصطلحات كالجمهوريين وكارتر فى العنوان لذلك فورا سيتبادر لذهن اى كيشة زي انه العلاقة شنو بين كارتر الرئيس الامريكى الاسبق الديمقراطى والحزب الجمهورى ولكن وجود كلمة الطنبرة للانقاذ ستنسف الحيرة بين جمهورى وديمقراطى وح ترجع الزول للبلد ويتذكر زمان لما كنا صغار بنات لابسات ثياب بيضاء ناصعة بيوزعن فى الكتب الصغيرة ولما اسال امى تقول لى ديل الجمهوريات لذلك استمريت لفترة مستغربا ومتسائلا ما وجه الشبه بين مايقوله المذيع فى الراديو جمهورية السودان والبت ذات الثوب الابيض فبالله ماتلعبى بالحاجات الشكلت وجدانا ونحن صغار. كارتر اكثر رئيس سابق عصر على اليهود طبعا بعد ماترك الرئاسة بعد سنوات هل دة سبب كرهك ليه؟ بعدين شنو البخلى الموظفين تبعه كلهم يكونوا تبع الجمهوريين هل دى كانت احدى شروط الالتحاق ولا المهاجرين الجدد شالو ثقافة المحسوبية والواسطة معاهم لامريكا فدخل جمهورى وبعد كدة جاب جماعته وراءه والسلام

الدعي تمبس....هو انت فاكر د.حيدر الجمهوري الوحيد هنا ولا شنو؟؟؟

وبعدين د.حيدر ده ترشيح عرمان بطوله ما قال فيه كلمه ولا سحبه من قبل الحركه
ولا الانتخابات كلها ولا تزويرها تفتكره حيجي داخل هنا؟؟!!


يا شاب اقعد في علبك نحن عارفين بنخاطب في منو ولي شنو؟؟؟

Quote: أتمنى ألا يمر دكتور حيدر بدوي بهذا البوست .. إلا بشرط: أن يكون في كامل تركيزه .. بعيدا عن خاصية الجذب الالهي التي تنتابه من حين إلى آخر .. . . تراجي: إنت ما عندك موضوع مش كدا ..؟ جمهوريين شنو في انتخابات الفين وعشرة .. إنت جادة ..؟