Post: #1
Title: المؤلم ليست نتائج انتخابات كارتر .. المؤلم هو مشاركة حزب كبير كالحزب الاتحادي في انتخابات بائسة
Author: Osama Mohammed
Date: 04-16-2010, 01:58 PM
نعم وهذا موقف لن يتراجع منه عدد كبير من اعضاء الحزب الاتحادي الاصل .... الحزب لم يحرز اي نتائج حتى في مناطق مقفولة لا يمكن فوز اي احد غير اتحادي .. فيها في انتخابات حرة نزيهة ... كسلا ...صفر ...مسقط راس حاتم السر ....صفر ولاية الخرطوم ....صفر ... انتخابات كهذي عار على مركز كارتر وعلى امريكا التي تساند هذه الانتخابات وعينها على كعكة الجنوب ... نتائج متوقعة ... كما توقعها كثيرون ... فوز البشير والحزب (حقو ) بي اكثر من 80%
|
Post: #2
Title: Re: المؤلم ليست نتائج انتخابات كارتر .. المؤلم هو مشاركة حزب كبير كالحزب الاتحادي في انتخابات ب
Author: أبو الحسين
Date: 04-16-2010, 02:23 PM
Parent: #1
أُستاذي الفاضل أسامة سلامات...
مشاركة الحزب الإتحادي الديمقراطي هي التي ستكشف هذه المهزلة الإنتخابية...
فستنقلب عليهم الطاولة يا عزيزي بس أصبر شوية... أنظر إلى قلبهم للحقيقة بفوز قوش بـ 94% في دائرة مروي!!!
فكيف لفبركة مثل هذه أن يصدقها عاقل!!!؟؟؟
|
Post: #3
Title: Re: المؤلم ليست نتائج انتخابات كارتر .. المؤلم هو مشاركة حزب كبير كالحزب الاتحادي في انتخابات ب
Author: وليد محمد المبارك
Date: 04-16-2010, 02:49 PM
Parent: #2
مرحب اسامه ومرحب ابو الحسن
حقيقي انا مخي تخين وعاوز افهم
واحد فقط من المراكز التابعين لي دائرتي فيه ثلاث لجان اقتراع
النقطة فيها الاتي
10 من مراقب الى وكيل حزب ووكيل مرشح
رئيس اللجنة
3 موظفين اقتراع ما سكين الورق
موظف داخل الغرفة
موضف عند الباب
المجموع
16 نفر
نضربهم في 3
48 نفر في المركز مهمتهم الاشراف على الانتخابات دي غير المراقبين الزائرين والوكلاء اللافين
في المركز في 5 افراد شرطة على الاقل
يعني مجموع الثابتين في المركز 53
عندي 23 مركز اقتراع
يعني 1219 زول
هسع ديل كلهم متفقين على تزوير الانتخابات دي ؟؟؟؟
والكلام ده في دائرة واحده
الخرطوم فيها 36 دائرة مجلس وطني
يعني 43884 نفر
ديل كلهم مزورين ؟
عدد مقاعد البرلمان 450 مقدا يعني 450 دائرة
548550 زول ديل كلهم مزوراتيه ؟؟؟
عدد المصوتين 16 مليون
ديل كلهم متواطين مع الفوق ديل ؟؟؟
معناتا يا اسامه نحن شعب بيض
وكت فينا 540 الف زول بتفقوا على تزوير انتخابات 450 الف زول ما عنهم زمة .. منهم مراقبين ومنهم وكلاء احزاب منافسة
وبتفق معاهم الخواجات ناس كارتر وناس الاتحاد الاوربي في الامر ده
|
|