Post: #1
Title: المفوضية: تتناسي سودانيي كندا ، و تفتح مركز لستة عشر ناخب في جنوب افريقيا!!
Author: Kabar
Date: 04-16-2010, 06:40 AM
مفوضية الإنتخابات السودانية ابدعت كثيرا..و لكني لم أتصور أنها تصل هذا الحد من الإبداع و الإبتكار..!
قرأت سجل الناخبين بالخارج..ووجدته يحتوي على دول كثيرة..و كنت اتوقع بينها أن تكون مراكز للسودانيين و السودانيات المقيمين بكندا..على الأقل نشوف البينا و العلينا نحن ناس كندا..و لم تنشر المفوضية اياها أي سجل خاص بناس كندا اسوة بناس الدول الأخرى..و هنا يبدو سؤال: هل ناس كندا كلهم حاتنيها قرض مع البشير ولا شنو يعني؟..ولا السجل موجود..و نتيجته معروفة..ولا ترغب المفوضية في الإفصاح عنه.. ومن الليلة يا ناس المفوضية لو جبتوا سيرة لناس كندا و قلت انهم شاركوا في الإنتخابات..ولا اتكلمتوا عن نسبة لفوز البشير في كندا..السودان ح يبقوا ليكم ضيق..و الرهيفة تنقد..!!
من ضمن مراكز الناخبين بالخارج.. تلاتة مراكز في جنوب افريقيا.. أي و الله تلاتة ربع دستة عديل..مركز في بريتوريا و عدد الناخبين فيه (94).. مركز في كيب تاون..و عدد الناخبين فيه (32)..و مركز في ديربان..و عدد الناخبين فيه (16)..!!!!
يعني بتاعين كيب تاون ديل ممكن نقول ده يمكن يكون الفريقي القومي السوداني معسكر لكاس العالم ( لعيبة.. احتياطي.. مدربين.. مدلكين..و شوية من ناس قريعتي راحت..و يمكن يكون معاهم دكتور شداد).. لكن ناس ديربان ديل يكونوا شنو يا ربي؟..
و اذا كان في كندا ما يفوق الثلاثين الف سوداني و سودانية..و المفوضية ما دايرة تجيب ليهم مراكز .. او عاملة ليهم مركز واحد في اتاوا (طبعا ما معروف يمكن الملايكة تكون اقترعت فيه لصالح البشير)..و في نفس الوكت.. عاملة تلاتة مراكز بالخاج لأفراد ما لاحقين ربع الألف..!!
ده يسموهو شنو؟.. حقارة؟.. فساد؟.. عدم اخلاق؟..
ما حدث للسودانيين و السودانيات الموجودين في كندا اسمو ابادة سياسية جماعية يا ناس المفوضية..و دي جريمة بيحاكم عليها القانون الدولي..و خموا و صروا..!!
اها تعالوا حدثونا عن نزاهة مولانا أبيل ألير ( نو اوفنيس يا استاذنا.. لكن شكلك دقسوك و ركبوك التونسية..!!)..
كبر
|
Post: #2
Title: Re: المفوضية: تتناسي سودانيي كندا ، و تفتح مركز لستة عشر ناخب في جنوب افريقيا!!
Author: Kabar
Date: 04-16-2010, 06:54 AM
Parent: #1
دايرين نسمع تبرير.. يا ناس فقه التبرير..!
قلتو لي: اخطاء ليست فاحشة و لكنها منكرة..!!
ده رأي دكتور الترابي في صحيفة الصحافة..!!
و اذا كان تغييب أكثر من ثلاثين الف سوداني و سوادنية من الإنتخابات هو خطأ منكر و ليس بفاحش..يبقى نرجع تاني نقرأ الفرق بين ( الفاحش) و( المنكر)..!!
اقول ليكم حاجة: احسن تراجعوا انتو جهازكم المفهومي..و طريقة تخريج المفاهيم..!
كبر
|
Post: #3
Title: Re: المفوضية: تتناسي سودانيي كندا ، و تفتح مركز لستة عشر ناخب في جنوب افريقيا!!
Author: Saifeldin Gibreel
Date: 04-16-2010, 07:04 AM
Parent: #2
كبر سلامات هذا حصل بالضبط معنا هنا فى كاليفورنيا فلقد تم لنا التسجيل ولكن لم ياتو لكى يدلي الناخبين بأصواتهم ومن هنا نتسائل اين حقوقنا كمواطنين ونريد ان نتأكد لا يوجد تلاعب فى اصواتنا والبطاقات التى اعطيت لنا.
|
Post: #4
Title: Re: المفوضية: تتناسي سودانيي كندا ، و تفتح مركز لستة عشر ناخب في جنوب افريقيا!!
Author: Kabar
Date: 04-16-2010, 07:29 AM
Parent: #3
| Quote: كبر سلامات هذا حصل بالضبط معنا هنا فى كاليفورنيا فلقد تم لنا التسجيل ولكن لم ياتو لكى يدلي الناخبين بأصواتهم ومن هنا نتسائل اين حقوقنا كمواطنين ونريد ان نتأكد لا يوجد تلاعب فى اصواتنا والبطاقات التى اعطيت لنا. |
صديقي سيف جبريل.. حبابك
كتر خيرك على المرور من هنا..
اسم موجود..و الرقم المتسلسل بتاعك (374)..و رقم التسجيل (520845)..و رقم الدفتر (2605)..
مركز الإقتراع بتاعكم هو مركز مدينة واشنطون..
و يبقى بعد ده يا شباب.. عليكم تحسبوا عدد المسجلين.. و اجراء المقارنة مع نتيجة الفرز..
غايتو لم يحصل لنا شرف التسجيل.. لكن بعد الشافتو عينا ده.. ما نستبعد يكون سجلونا..و اقترعوا لينا كمان..!!
الغريبة اسم اخونا بريمة مافي في السجل..!!
و نشوفك..
هنا الكشف بتاعكم..
http://nec.org.sd/new/ou/39.pdf
كبر
|
Post: #5
Title: Re: المفوضية: تتناسي سودانيي كندا ، و تفتح مركز لستة عشر ناخب في جنوب افريقيا!!
Author: بريمة محمد
Date: 04-16-2010, 07:40 AM
Parent: #4
ول أبا كبر
سلامات ...
فى حياتى يا ول أبا لم أسمع عن مشهد تراجيدى مثل الذى أمامنا ..
المشهد السودانى يعيد فى أذهاننا مشهد تراجيديا الموت الجماعى .. وطن بأكلمه ينتحر ويجهز كفنه .. شيئ بالجد يحير.
Quote: الغريبة اسم اخونا بريمة مافي في السجل..!!
|
ول أبا أخوك لن يعط هذه المهزلة شرف تسجيل أسمه فى كشوفاتهم .. والله لو جابوها لى فى خشم البيت لن أضع فيها أصبع.
بريمة
|
Post: #6
Title: Re: المفوضية: تتناسي سودانيي كندا ، و تفتح مركز لستة عشر ناخب في جنوب افريقيا!!
Author: Kabar
Date: 04-16-2010, 06:57 PM
Parent: #5
Quote: ول أبا أخوك لن يعط هذه المهزلة شرف تسجيل أسمه فى كشوفاتهم .. والله لو جابوها لى فى خشم البيت لن أضع فيها أصبع.
بريمة |
ول ابا.. حبابك
و لينا طولة يا صديقي..
عارفك يا ولد ابوي لكن البيقنع الديك منو؟..
العالم الحايمة هنا.. بريمة كوز مندس في اوساط المحايدين..و فعلتك تركتك.. ديل تاني ح يودو وشهم وين؟..
و ليه مستغرب من التراجيديا؟.. يا اخوى السودان ده لسع ما فقد القدرة على ادهاش الناس بمآسيه التي لا تخطر على بال أو خيال شاطح حتى..!!
و نشوفك..
كبر
|
Post: #7
Title: Re: المفوضية: تتناسي سودانيي كندا ، و تفتح مركز لستة عشر ناخب في جنوب افريقيا!!
Author: Elbagir Osman
Date: 04-16-2010, 07:14 PM
Parent: #6
في كندا سجل 128 فقط
من عشرات الآلاف
بنسبة تقل عن 0.5%
وذلك بعد رفض السفارة (بإسم المفوضية ) فتح مراكز أخرى
أو تحرك مركز التسجيل كما تم في الولايات المتحدة
او إعتماد التسجيل بالبريد أو الإنترنت
(فانكوفر تبعد عن أوتاوا حوالي 5000 خمسة آلاف كيلومتر)
كما رفضت - حتى للمقيمين في أوتاوا-
إعتماد شهادة الجنسية
أو البطاقة السودانية
كوثائق إثبات شخصية
بحصار السفارة استطعنا أن نسجل حوالي ثلث المسجلين
ولكن غالبيتهم الساحقة قاطعت بعد ذلك
الباقر موسى
|
Post: #8
Title: Re: المفوضية: تتناسي سودانيي كندا ، و تفتح مركز لستة عشر ناخب في جنوب افريقيا!!
Author: Elkalakla_sanga3at
Date: 04-16-2010, 08:49 PM
Parent: #7
اليونان اليواليونان اليونان
تصدقوؤوووووووو
تركيااتفرجو اكثر من ثلاثة الف سوداني فبها فاطين اليونان ماشين روما
|
Post: #9
Title: Re: المفوضية: تتناسي سودانيي كندا ، و تفتح مركز لستة عشر ناخب في جنوب افريقيا!!
Author: Kabar
Date: 04-16-2010, 11:06 PM
Parent: #8
الباقر .. حبابك يا صديق
كتر خيرك على المرور من هنا..و التنوير..
البعض ف في غرب كندا.. اجتهد و اتصل بالسفارة..و لم تقدم افادات واضحة..و فضلت الزوغان المستمر..و في ذلك الوقت لم تكن في الحسابات انسحاب مرشح الحركة الشعبة للرئاسة..و الحيكومة عارفة كويس ناس كندا ح يدخلوها في حرج كبير..و اكيد اليوم يتحسرون.. بعد انسحاب ياسر عرمان.. كان على الأقل يلقوا ليهم فرقة تزوير و متاجرة باسماء الناس..
شكرا ليك من تاني..
كبر
|
Post: #10
Title: Re: المفوضية: تتناسي سودانيي كندا ، و تفتح مركز لستة عشر ناخب في جنوب افريقيا!!
Author: Kabar
Date: 04-16-2010, 11:13 PM
Parent: #9
Quote: اليونان اليواليونان اليونان
تصدقوؤوووووووو
تركيااتفرجو اكثر من ثلاثة الف سوداني فبها فاطين اليونان ماشين روما |
الكلاكلة صنقعت.. حبابك يا صديق
الحكومة بداية 2009 ارسلت لجان و فرق عمل كتيرة و لدول كتيرة..و قدموا بعض الخدمات.. تجديد جوازات مثلا.. لكن الغيرهم كان ما منتبه للبيحصل..و بعد الخدمات.ز اتعرفوا على اتجاهات الرأي المهاجر..ولمن رجعوا البلد..و فصلوا مفوضية الإنتخابات ادوها المقاسات جاهزة عشان تفصل على ضوئها.. و حدث ما حدث..
عدد السودانيين/السودانيات في كندا + عددهم في اليونان = اكتر من خمس دوائر جغرافية في السودان..!
لكن المفوضية.. تجاهلت كل ذلك..و اهو على الأقل اضافت واحد من اسباب عدم نزاهتها و فضائحها الغير متناهية..
كتر خيرك على المرور..
كبر
|
Post: #11
Title: Re: المفوضية: تتناسي سودانيي كندا ، و تفتح مركز لستة عشر ناخب في جنوب افريقيا!!
Author: عمر ادريس محمد
Date: 04-16-2010, 11:49 PM
Parent: #10
تصدق يا استاذ كبر مركز نيويورك عدد المسجلين 148 ويشمل الولاية بضواحيها ومعاها نيو جرسى وبنسلفانيا
يعنى كيزان البعثة ومعاهم تسعة انفارتسعة منهم كيزان + واحد مستقل واخر حزب امة والاخيرين ديل ماصوتوا
ويقول ليك البشير إكتسح
كسحا فملاقيه ...
مهازل يازل
والتحايا
|
Post: #12
Title: Re: المفوضية: تتناسي سودانيي كندا ، و تفتح مركز لستة عشر ناخب في جنوب افريقيا!!
Author: عمر ادريس محمد
Date: 04-16-2010, 11:49 PM
Parent: #10
تصدق يا استاذ كبر مركز نيويورك عدد المسجلين 148 ويشمل الولاية بضواحيها ومعاها نيو جرسى وبنسلفانيا
يعنى كيزان البعثة ومعاهم تسعة انفارتسعة منهم كيزان + واحد مستقل واخر حزب امة والاخيرين ديل ماصوتوا
ويقول ليك البشير إكتسح
كسحا فملاقيه ...
مهازول يازل
والتحايا
|
|