بالدائرة 28 ياعلاء الكوز....الموجودين فى خيمتكم من الفئات الاتية ..تابع

المتواجدون فى خيمة المؤتمر الطنى بالدائرة 28 مركز امتداد ناصر اساس بنين 2

1- اعضاء اللجنة الشعبية ( ودى كتبنا فيها شكوى ) ياخونا شوفوا حيادية اللجنة الشعبية فى خيمة المؤتمر الوطنى
ومن مهاهم استخراج شهادة السكن ومراجعة اسماء الناخبين فى سجل المؤتمر الوطنى ( لانه معتمد اكثر من سجل المفوضية )

سالنا ناس اللجنة الشعبية من سبب وجودهم فى هذه الخيمة قالوا والله هنا فى موية باردة ( مهزله اخرى )

اما عن شهادة السكن حدث ولا حرج اليوم وبذات المركز تم كشف حالة عدم تطابق فى اسم الناخبة مع شهادة السكن ..........
العريفة فى هذا المركز هى ( وكيل حزب الؤتمر الوطنى ) تم الاعتراض عليها وناس المفوضية قالوا للمراقبين كثر خيرها الاشتغلت لينا عريفة ببلاش ( وتقول لى انتخابات حرة نزيه يانس كارتر نحن وراكم ووراهم حتى يعلم الجميع التزوير القبيح )

والمضحك انه اليوم اخر فتوى ليهم بانه ممكن اذا فاتك التسجيل تصوت بشهادة السكن فقط مع العريف طالما انك من سكان الدائرة ومستوفى الشروط ( يعنى ياخونا بالعربى كدة السجل فاتح ... وطبعا اى شى هنا فوق القانون )

موظفين المؤتمر الوطنى ( لانه الحزب الوحيد الماعندوا عضوية كلهم موظفين ويتقاضوا اجر على وظيفتهم )تلقاهم حريصين شديد على متابعة الكشوفات والناس الصوتوا كم ومن الماصوت واسمه منه ، دى ماساى اعرفوا يالمقاطعين بكرة كلكم حتكونوا مصوتين ( يعنى بالعربى كدة الاحتياطى جاهز وشهادة السكن جاهزة والموية الباردة كمان )

الفئة الثانية الموجودة فى الخيمة ناس تعبانه ومفلسه وعينها طالعة وجاية تصوت لغيركم لكن انتو عندكم فطور وسندوتشات من مال الدولة حلال عليهم وبيقولوا ياخوانا نحن ما معاهم ( والفى القلب معروف ماشين نصوت وين )

الفئة الثالثة
مجموعة من النساء تم استغلال حوجتهم لتوظيفهم فى مساعدتكم للوصول للناخبين وللاسف بتتعاملوا مع المواطن بلغة ( الراس ) تسمع عادى جدا ( انا جبت ليكم كم راس ؟) والراس بكم ؟؟؟

واسفا عليك ياوطنى

واليوم شاهدت مشكلة مع بعض النساء بانهم ما ادوهم قروشهم وانما اشتروا ليهم اسكراتشات ب 5 جنية فى اليوم بس ( يانساء بلادى ديل سرقوا ونهبوا حريتنا واموالنا وعملوا الكثير ما تثقوا فيهم وما تخلوهم يستغلوكم )

وفى مشهد اخر تشاورات بينهم بانه عائزين يقلصوا العدد الشغال معاهم ( يعنى صالح عام وفصل تعسفى من غير حقوق )

العيب مافى النساء العيب فيكم انتوا الغيرتوا مفاهيم المواطن ...كل شى بيرجع ودرب النضال طويل

الفئة الرابعة .... مجموعة من افراد الامن للرصد والمتابعة

عارف كل الموجودين بالخيمة مافى واحد عنده ولاء ليكم وانما مسترزقين منكم

يعنى الواحد الجاى بارادته فى اى خيمة لايقارن باى عدد من هولاء

الدائرة 28 دى انا متخصصة فيها شديد ، كل يوم حائمة فى مراكزها
بس انتظرونى بجيكم ليها بمهلة


وتصبحوا على خير

Quote: عارف كل الموجودين بالخيمة مافى واحد عنده ولاء ليكم وانما مسترزقين منكم يعنى الواحد الجاى بارادته فى اى خيمة لايقارن باى عدد من هولاء

عيب عليك والله تتكلمي عن الناس بالصورة دي

ليه كدا؟

احترام خيارات الناس مهمة جدا..جزء من احترام الذات


كل مسترزقين مكن دي كلمة مهينة شديد


لو دا كلامك اخير ما تجي تكتبي تاني..

Quote: لو دا كلامك اخير ما تجي تكتبي تاني..

عيب عليكي يا دكتورة بيان


عاوزة كمان تحددي للاعضاء يكتبو او ما يكتبو


انتي عارفة يا مريم اية مداخلة ليك تاني مرريها للدكتورة لتعطيك الاوكي بانزالها

Quote: كل مسترزقين مكن دي كلمة مهينة شديد

ياسلام.... باللة عليك
يعنى انتى يادكتورة ماسامعة وشايفة مايقوله ناس المؤتمر الوطنى فى الاخرين
على الاقل ماسمعتى البشير قبل ايام يقول انو المعارضين مشوا اشتكونا لاسيادهم الامريكان
اذا كان ده الرئبس الذى يفترض ان يحترم كل الشعب من معه ومن ضده يقول ذلك
فلماذا تستنكروا على الاخرين كلمة مسترزقين
شنو الفرق بين اسيادهم ومسترزقين؟

مريم صباحك خير

والله أنا ما عارفة هم لى عاملين إنتخابات

أصلا التزوير بكون مستور ديل تزويرهم تحدى

وثقى يا مريم ووراهم والزمن طويل وكارتر بتاع المخابرات نحنا

ما محتاجين شهادتهكفاية العالم إعرف إنوا دا مركز مشكوك فى مصداقيتة

وسوف نثبت ذلك

مودتى

كدي بالله يا مريم بعد ما تخلصي من تصنيف الفئات الفي الخيمة مري على الصور دي وكمان ادينا تصنيف ليهم




----------------------
ارجو منك صادقا ان تحترمي خيارات الناس بدلا من كيل التهم والطعن في نوايا القلوب

................

يادكتورة بيان اعنى بكلمة ( مسترزقين ) ان هذا المكان ياخذون منه رزقهم ( اى يتعاطون الاجر ) 0 اى كسب عيش وولما زكرت ذلك قلت العيب مافيهم العيب فى الغير قيمنا ، ولما قلت انهم لايقارنون باى شخص جاء باراداته ، اعنى تماما ان خيار المواطن فى من يختار دى ابسط حقوقه ، ولكن ديل غيروها بقت بالقروش

ويادكتورة دى ما جبتها من عندى

دى واقع فرضه علينا نظام جاء بالقوة واراد ان يستمر باى ثمن ولايهمه المواطن ولا الون

ازكر فى الدائرة 40 تشريعى ( المرشح فيها الشاب نورالدين صلاح الدين ) مرشح حزب المؤتمر السودانى ، عرفت من بعض المواطنين بانه وزعوا عليهم 500 جنية ووعود كثيرة ، اذا صوتوا للمؤتمر الوطنى

فى الندوة بالمساء قلت ليهم ( ماتصوت للبديك مقدم ، لانه بيفتكر نفسه انه اشتراك وماطالبه شى ، صوتوا للبرنامج عشان تكونوا انتوا الطالبين ومتابعين نفذ ليكم شنو وما نفذ شنو ؟؟ )

دى واقع وما حنقدر ننكرة واقع اتشكل فى 21 سنه ما بتغير بين يوم وليله ولكن نحن نثق فى شعبنا ‘ شعب الثورات والبطولات

Quote: عيب عليكي يا دكتورة بيان عاوزة كمان تحددي للاعضاء يكتبو او ما يكتبو انتي عارفة يا مريم اية مداخلة ليك تاني مرريها للدكتورة لتعطيك الاوكي بانزالها

كمبورة تحياتى

والله ما كنت عارفه دى من شروط المنبر

شكرا للتنبه

Quote: ياسلام.... باللة عليك يعنى انتى يادكتورة ماسامعة وشايفة مايقوله ناس المؤتمر الوطنى فى الاخرين على الاقل ماسمعتى البشير قبل ايام يقول انو المعارضين مشوا اشتكونا لاسيادهم الامريكان اذا كان ده الرئبس الذى يفترض ان يحترم كل الشعب من معه ومن ضده يقول ذلك فلماذا تستنكروا على الاخرين كلمة مسترزقين شنو الفرق بين اسيادهم ومسترزقين؟

الاخ معاوية
لك التحية
لك جزيل الشكر والتقدير وانت تنبههم الى مستوى خطابتهم للجماهير ولكن صدقنى انا لايمكن ان اتحدث مثل هذا الرجل ولكن لم اجد تعبير اخر غير هذه الكلمة واحتمال اكون ضعيفة فى العربى لكن وضحت مااقصدة وعرفته بالتفصيل

استاذتى العزيزة زينب بدرالدين

كلامك حقيقى انه العالم كله اعترف بالمهزلة البتم فى السودان

واسه هم قناه واحدة مجهجاهم شديد لانها عسكت الواقع بامانه التحية لقناه الحرة والعاملين بها

حبيب نورة

شكرا على المرور

فى مركز برى ابوحشيش فى واحده من اللجان داخل المركز المشهد كالاتى

يوجد بالمركز موظفين المفوضية ومراقبين منظمات ، ووكلاء احزاب مشهد طبيعى يشبه كل المراكز

ولكن الاختلاف فى انه موظف المفوضية يوجه الناخب لوكلاء المؤتمر الوطنى ( طبعا هم اكثر من واحد) لفحص الهوية والبحث عن اسمه فى سجلهم ( عادى ) وعندما تم تنبيه الموظف قال بانه دى بيسهل ليه العمل ( تخيلوا معى !!!!!!!!!)
استجاب الموظف للتنبية وزكر بانه لم يقصد شى بتصرفة !!!!!!!!!!

يوجد كرسى بجانب وكلاء المؤتمر الوطنى

مريم يا ..............
شِنو؟
خيمتك ياتة من الخيم الجعانة الفي الدايرة 28؟
الدائرة 28 موثّقة بالكامل لدي صورة لكل موضِع فيها
شان نشوف ولاء الناس ليكم
ياتو خيمة خاوية على عروشها تنتسبين لها
و بجيك بي صور خيمة المؤتمر الوطني أو قُلي خيامه في كُل الدائرة
شان نشوف أعضاء اللجنة الشعبية ديل ويننم في خيم الوطني
شوفي
الشُغل النجيض يتطلّب صوراً و إثباتات قوية
و دي بتلقيها عندي تب
إنتِ شوفي حالِك و تعالي

Quote: خيمتك ياتة من الخيم الجعانة الفي الدايرة 28؟

فعلا الخيم عدا خيمة المؤتمر الوطني جعانة وجعانة جدا مليانة غبش طيبين قاعدين طوعا واركز علي طوعا دي بلمو الشير من بعض ويأجرو ركشة عشان تجيب ليهم تلج وفول للفطور او مرات يتفضل عليهم ناس الحلة بي سيرمس شاي وقهوة ، عارف في قعدتهم دي بتونسو عن شنو ؟؟ احوال الوطن ما بعد الانتخابات وبحاولو يحللو الازمة وما حيتمخض منها وتجيهم تلفونات عن تزوير او اخفاق مفوضية في دائرة ما فيضربو لوكلاءهم ومراقبينهم تلفوناته وينبهوهم عشان يكثفو المراقبة في انتخابات الغش دي ...

خيمتكم او خيمة المؤتمر الوطني خيمة شبعانة ضاربها الهمبريب والموية الباردة والشاي والقهوة والسندوتشات الما خمج الجاية بالعربات والهايسات ...عارف ونستهم في شنو ؟؟ في الاتي:-
-ادوني قروشي ناقصة ما بجي تاني
- تعالو نشوف لينا مأكلة في قصص شهادات السكن دي
- يا بت امي توب الشجرة ده طلعت توتلتو ما سويسرية
- كلم جنابو يتصلح معانا ياخ الحالة صعبة
- هاك يا مواطن رقم تسجيلك واوعك تنسي حليفة اسم الله الحلفتها للولاء للشجر

المهم..
لا زلت استغرب من قبول نفس بشريةأخذ أجر مقابل ترطيبة ؟؟ ولله في خلقه شئوون

الشفيــع اخــوى ...


محاكـم تفتيــش النــوايــا دى مباحــة لهـم ومحـرمــة على غيــرهـم ...


الله يكون فى عــون المواطن السودانــى الــذى جعلــوهــ غير مؤهــل لاختيار


اى خيار لــه فــى الانتخابات الحاليــة ..

(( ان يعمل / يتواجد / يصوت / يشارك هولاء الناس رســالـة قويــة ان دعــوة المقاطعـة


قــد ذهبـت مــع نســمأت الوعــى لهــذه الجماهيــر ))

وبـس .

Quote: ارجو منك صادقا ان تحترمي خيارات الناس بدلا من كيل التهم والطعن في نوايا القلوب

ياعلاء الدين ما تتعب نفسك ساى نحن ماعندنا قروش ناجر بيها خيمة نحن غلابا مستضافين عند الوطنيين فى خيمهم وزى ماقالت ريهان بنعمل شير للطعمية والجيران بيجيبوا لينا الشاى ( كرم وسماحة الشعب السودانى )

اما ما يخص اللجنة الشعبية دى ما محتاجة لاثبات القنوات جاءت صورتها وانا ما صحفية ولا مراسله عشان اتغول على الاخرين واصور خيمهم ولا دى مسئوليتى عشان اصور الخيم لكن برصد وبتابع وبتصل بالقنوات وبتكلم وبخلى المواطن يتكلم

فى اليوم الاول للانتخابات المركز دى بدا الساعة 5 ونص مساء ، جبنا الاعلام ووثقنا وبثوه ياسيدى
ورق الاقتراع جابوة 3 مرات طلع مرة بتاع المقرن ومرة توتى والاخير جبل اولياء

قالوا دى اخطاء ادارية من المفوضية قلنا خير ، المفوضية اللى رفضت التاجيل وقالت جاهزة وانما الاحزاب ماجاهزة ، وضحت من الوهلة الاولى جاهزيتها وخبرتها العالية وحياديتها فى ادارة العملية الانتخابية ( من اللحظة الاولى معظم المرشحين والقوائم مابين اسم ساقط واخر مكرر ورمزين مع بعض ورمز مختلف وغيرها ...)

داخل مركز الرياض ومركز ناصر 2 احد المواطنيين شايل صورة البشير وواقف فى صف الاقتراعوجايبين اطفال لابسين طواقى الشجرة داخل الركز
والثانى لابس فنيلة المؤتمر الوطنى وطاقيه تم تنبيهة بانه دى مخالف للقانون
ياسيدى ما قادرين نحصر ونعد

ما تم

Quote: مريم صباحك خير والله أنا ما عارفة هم لى عاملين إنتخابات أصلا التزوير بكون مستور ديل تزويرهم تحدى وثقى يا مريم ووراهم والزمن طويل وكارتر بتاع المخابرات نحنا ما محتاجين شهادتهكفاية العالم إعرف إنوا دا مركز مشكوك فى مصداقيتة وسوف نثبت ذلك مودتى