القشّة التي قصمت ظهر النضال..

ولا أقول ظهر البعير.

وكامل تضامني مع(المعتقلين) لاحقاًإن شاء الله.

الناس بقت تتعلق باي شئ ؛
الواحد لو العسكري ساي نهرو نجي نكوركـ؛

معقول مافي اي برنامج الناس تمشي فيهو للاخر؟
....

اي نعم عايزين تغيروا حكومة الكيزان دي لكن بي شنو؟

..
نشجب وندين ونستنكر !

Quote: نشجب وندين ونستنكر !

دي ذاتها يا السيد بقت حنكـ عاضي .

Quote: الناس بقت تتعلق باي شئ ؛ الواحد لو العسكري ساي نهرو نجي نكوركـ؛

يا بشير انا غايتو لو مكانك كنت تقلتّ و انتظرت لما اشوف الحاصل شنو و اتأكد حتى بعدين اجي اتكلم.
لأنو بصراحة لو الموضوع طلع اكبر من نهرة عسكري-و دي ذاتها ما مقبولة- منظرك ما حيكون جميل.
و ما معقول تدافع عن النظام بالحق و بالباطل و تدافع كمان عن تصرفات ناس منسوبين للنظام بيبعدوا عنك الآف الاميال و برضو بالحق و بالباطل، اظن انو الانتماء السياسي يا بشير ما بيفرض على الواحد يعمل كده. و اسمح لي من بوستك ده انو احيي الأخ محمد فرح على سلوكه النموذجي و رفضو لما تم من حيث المبدأ و من ثم مطالبته بمعرفة التفاصيل و عرضو لتقديم المساعدة.

الاخ الدكتور/سيف النصر

تحياتي؛؛؛

Quote: و ما معقول تدافع عن النظام بالحق و بالباطل و تدافع كمان عن تصرفات ناس منسوبين للنظام بيبعدوا عنك الآف الاميال و برضو بالحق و بالباطل، اظن انو الانتماء السياسي يا بشير ما بيفرض على الواحد يعمل كده. و اسمح لي من بوستك ده انو احيي الأخ محمد فرح على سلوكه النموذجي و رفضو لما تم من حيث المبدأ و من ثم مطالبته بمعرفة التفاصيل و عرضو لتقديم المساعدة.

شوف يادكتور انا ضد اعتقال اي شخص مهما كانت المبررات ؛
وغلط شخص محسوب علي النظام مفروض هو يتحمل تبعاته وليس النظام ؛

انا اذا غلط علي واحد مامفروض يتحملها المؤتمر الوطني
مفروض بشير احمد ياكل نيم براهو ...
الخرطوم ياسيف فيها حوالي 250 جهة إعلامية تغطي الانتخابات ومافي
زول قال ليهم تلت التلاتة كم
ما اعتقد في زول قال ليهم ماتصوروا ولا قالوا ليهم ماتدخلوا مراكز
الاقتراع ..

عليه تهافت المناضلين في اي شئ غير مقبول بالصورة الحالية ؛
لازم يكون عندهم برنامج للحشد وووو...

طيب يا بشير حتى في الاطار الفردي يمكن ادانة الحدث . يعني اذا في مجموعة من الناس محسوبين على النظام اتجاوزوا الحدود و اعتدوا على الشرفاء ، ممكن تجي انت بشير احمد و تدين هذا السلوك و تضع تحفظك حول أن ما يقوم به افراد لا يعني أن ينسحب ذلك على النظام باكمله ، اعتقد أنو ده موقف افضل من الانكار و السخرية و التقليل من شأن ما حدث.
اما بالنسبة لما حدث فهو بالضبط ما ظل هذا النظام و المحسوبين عليه يقومون به خلال العشرين سنة الماضية و ليس هناك جديد اطلاقا يا بشير . و لكي تعرف أن هؤلاء الناس مسؤول عنهم النظام شوف ما اذا كانوا سيحاسبوا على ما قاموا به أم سيمر الأمر من دون اتخاذ أي اجراءت ضدهم كالعادة و كما يحدث كل مرة حتى لو كان الأمر قد تعدى مجرد الاعتداء للاذى الجسيم او القتل.