وين تهرب يا نصاب يا صايع يا هلفوت

where you go
الي اين تزهبون اخوتي!
\

سلاماخوتي
للاسف هم اخوه اعزاء
وسوالناالي اين انتم زاهبون!
وشكرا

دا شنو دا ...؟

Quote: Dear Timbs salaam By by Broz Ala How much they promised u? Lying to u.... u may know more? Have more concern than me! Hope to tell me about the cash u got in hand But why u play this game with bad people, ur enemy? Why alaaa! God dam money never ever u! Hope it else! Don’t worry about my past reading or idol? Today idol is not u! And may u know why? Thanks

.. جيت داخل لقيت الزول دا راشي الكلام دا في بوست الحبر ..
عليك الله يا ايمن ترجم .. الزول دا الظاهر لي بجرب في اللوتري بتاعو فيني .. يا كمان مقدم يا دوبك في البرنامج الجديد دا .. الواحد من ما يكتب ليك بطريقة رومانسية كدا دا طوالي تعرفو

ترجم يا ايمن الله يرضى عليك ساعد أخوانك.. محمد الصايم دا ما ناقش ابو النوم في الانقليزي .. أنا والطريفي أخوي دا قرينا فرنساوي بس ..

غايتو يا عمكـ .. باصرتها جاي وجاي طلعت بقصة الكاش دي!
إنت قبضت حاجة من ورانا ولا شنو؟

Quote: الي اين تزهبون اخوتي!

هذا المساء ولا هسي ولا متين الكلام دا؟

Quote: باصرتها جاي وجاي طلعت بقصة الكاش دي!

يتخيل فيهو كمان كلمة اللعنة .. وتباً لك بتاع ارنولدشوارزنجر ..

Quote: يتخيل فيهو كمان كلمة اللعنة .. وتباً لك بتاع ارنولدشوارزنجر ..

وين الكلام دا ياخ!
كـدي بلّضو لينا

Quote: كـدي بلّضو لينا

اهو الخواجة ايمن الطيب جابها نجيضة بلّض ليك الكلام كلو

يا تمبس الرسل الكلام دا منو!!!!!!!!

تامبا
إنجليزيك كيف؟
أنا خلِّي لي عربيهو القادي دة

Quote: الي اين تزهبون اخوتي!

الي



تزهبون

الرجاء من الاخ بكري ابوبكر اضافة مادة جديدة الي لوائح المنبر .. تحت بند السكران في ذمة الواعي .. و شكرا ..

..
..

عبد الوهاب الحاج و الاسرة

Quote: عبد الوهاب الحاج و الاسرة

اسى ياحميدة ما عيب عليك؟ السكران منو هنا؟؟


-------------------------------------------------
الزول دا يكون قاصد بالانجليزى الفوق دا صناديق الاقتراع
البيشيلوها بالركشات ؟؟ صح ولا انا سكراااااااان ؟
-------------------------------------------------
نبيل دا طلع خريج رماية.. وفى الرماية بى قوس وسهم... يعنى بين قوسين (روبن هود) فرع الموردة
فما ترجو منو ترانسليشن

Quote: تامبا إنجليزيك كيف؟ أنا خلِّي لي عربيهو القادي دة

انقليزي من وووين يا نحــل .. الوداني امريكا شنـو..؟ أنا قاعد في حتتي الخليتني فيها دي ..
الانقليزي البجيني بعمل منو نسختين:
واحده لي أخونـا أيمن .. يطقطقه .. ويرسل لينا معاها المصاريف ..
واحده لي ود الصايم .. يجوبكــه .. وتقراها من النص .. واليمين والشمال .. ما تنقش فيها اي حاجة ..

الزول دا قال لي وداعــا بي طريقة معبرة جدا .. أنا لحدت الآن واقف فيها ..

Dear Timbs salaam
سلام يا عزيزى تمبس
By by Broz Ala
باى باى يا اخو,,
How much they promised u?
الجماعة ديل وعدوك بى كم
Lying to u.... u may know more? Have more concern than me!
بكذبو عليك وإنت عارف..وحا تعرف أكتر!!! وعندك أسباب أكتر منى,,
Hope to tell me about the cash u got in hand
ويكون جميل لو وريتنا عن الكاش الإستلمتو,,
But why u play this game with bad people, ur enemy? Why alaaa!
لكن لماذا يا هذا!! لماذا تلعب مع السيئيين !! الناس ديل كعبين بعوقوك!!
ديل أعداءك يا علاء !! لماذا يا علاء,,
God dam money never ever u!
اللعنة على المال يا علاء

Hope it else!
Don’t worry about my past reading or idol?
Today idol is not u! And may u know why?
Thanks دا كلام كبار ومحتاج نرجع للنص الأصلى لأهمية إستباط المعانى من صياغ الكلام نفسه (ولد دا)!!!

ياخ إنت كان زى الأخو دا ما بقول!! قاعد فى السعودية بنين دى مالك,,,



المهم يا سعادتك حقنا بره بالله,,وسجلو عندك مع حق السيرة الحنكتونا فيها ديك..إنت ودكتور تروتا,,

ياخ والله قصة عجيبة...


الرتبة شنو يا عمك!!!!!!!!!!

Quote: المهم يا سعادتك حقنا بره بالله,,وسجلو عندك مع حق السيرة الحنكتونا فيها ديك..إنت ودكتور تروتا,,

.. حقك بره شنو يا ايمن .. إنت تصدق كلام الخواجة دا وتكضبني .. ؟
ياخ ديل ما ادوني التكتح شيك وبتصرف بعد أربعة سنة .. لو عايز تقسم .. ارقعنا بي تلاتة الف دولار نرجعه ليك بعد نمسك قروش الخواجة دا .. ما تقول ايدي ليها يومين بتاكل فيني ..

غايتو معليش يا ايمن تاعبنك معانا في فترة الانتخابات دي .. لكن نعمل شنو مع محمد الصايم اليوم كلو مصطح .. ونحن ذاتنا مصطحين معاهم ..

اكتســااااح
دا عبد المنعم دا يا ايمــن .. الكاتب البوست دا ..
الواحد يجي من الصباح .. يلقى ليهو خواجة قاعد راجيهو في البوست .. هو نحن البكتبو لينا بالعربي قادرين نفهمم ؟؟

Quote: ويكون جميل لو وريتنا عن الكاش الإستلمتو,,

أهااااااااااا .. شفتو خبرتي كيف في الترجمة!
مش قلت ليكم الحكاية فيها كاش .. وتقليل نقاش!

وطيب يا جنابو,,

الأخ منعم دا لييييييييه يقول ليك :

سلام يا عزيزى تمبس ومن ثم يردفها ب:

باى باى يا أخى علاء!!!!!!!!!!!

هنا فى حنك (سخسى) جدا شكلو كدا!!!



اسمع تانى أى أعمال ترجمة رسلا بالDHL لشركة أوكسنت لأعمال الترجمة ..




يا جنابو

Quote: وطيب يا جنابو,, الأخ منعم دا لييييييييه يقول ليك : سلام يا عزيزى تمبس ومن ثم يردفها ب: باى باى يا أخى علاء!!!!!!!!!!! هنا فى حنك (سخسى) جدا شكلو كدا!!!

.. ما دا الجنني زاتو يا أيمن .. لو كان ختاها لي يا جنابو بالواضح كدا .. وعملت ميزانية وبنود صرف للمبلغ الجاييني دا كان ريحني .. والكاروشة دي راحت ..

Quote: اسمع تانى أى أعمال ترجمة رسلا بالDHL لشركة أوكسنت لأعمال الترجمة .. يا جنابو

.. ترجمتك ركيكة وغير أمينة .. .. أخير لي ود الصايم نفهم نص والنص التاني الله كريم ..

Quote: إنت قبضت حاجة من ورانا ولا شنو؟

.. ولا ابو النوم يا عمك .. لكن كان (الشيكة) بتاعت عبد المنعم دي وصلت .. بنرقعك .. ونديك مسكة كويسة

Quote: .. حقك بره شنو يا ايمن .. إنت تصدق كلام الخواجة دا وتكضبني . . ؟

ياخ حصل يوم شفت ليك خواجة كضاب غير قريشن دا
بتاعكم الجبتو لينا دا

Quote: ياخ ديل ما ادوني التكتح شيك وبتصرف بعد أربعة سنة .. لو عايز تقسم .. ارقعنا بي تلاتة الف دولار نرجعه ليك بعد نمسك قروش الخواجة دا .. ما تقول ايدي ليها يومين بتاكل فيني . .

يدك بتاكل فيك داير تكفت ليك زول ,, إشتهيت الكفيت يا جنابو!! تانى حقوق إنسان بس مافى كفيت وحقارات,, أسمع يا مان بطل حنك بيش وأطلع الشيرنج ياخ,, طوالى قابض السمينة وعامل ميت لمن خبرا يجى من لندن,, إختشى ياخ وبعدين نظرية واحد يقول ليك أدينا حقنا تقول ليهو كدى أرقعنا دى ما شفناها إلا فى البلى وأم أربعة وياها زاتا صادا رادا,, حقنا برة وبطلو البيش البتعملو فيهو دا يا كيزان,,

Quote: غايتو معليش يا ايمن تاعبنك معانا في فترة الانتخابات دي .. لكن نعمل شنو مع محمد الصايم اليوم كلو مصطح . . ونحن ذاتنا مصطحين معاهم . .

والله أشك شكا كبيرا أنو المصطح أنا دا,,


سلام يا جنابو...

أخوي تمبس
سلام
أهلنا زمان قالوا البحضر القسمة يقسم

قاعدين وزهجانين وحالنا واقف اليومين ديل
رسل لي نصيبي سريع والعجب لو أديت أخوي ود الصايم ده حبة




-----------------------------
كل مودتي

سلام يا أخانا عبدالمنعم...


اين أنت يا رجل,,,


معقولة بس عنوان قدر دا وتخليهو معلق وتمشى,,,
وبعدين هو منو زاتو الصايع الهلفوت دا!!!!

أخوك تمبس دا جاطنا ساى وخلط البوستات,,
وشتت الكورة,,

واصل حتى نفهم,,,

حتى نفهم,,

Quote: سلام يا أخانا عبدالمنعم... اين أنت يا رجل,,,

وشوف العنوان الكاتبو شنو كمان :

Quote: وين تهرب يا نصاب يا صايع يا هلفوت

سلام للشباب ..

و يا تمبس أبو أربعة سنة دة بالغ معاكم ..

الناس قبضو حار حار و قبل ما يبدوا ذاتوو ..

و انتو تقعدو تزازو لي بي برة ..

أربعة سنين عاشهم الوهم يا مفترين ..

و يوم ورا يوم شنو كدة ما عارف ..

ضحكتو علينا الخواجات !!

و فضحتونا عالياً بين الأمم ..

الله يصرف الشرتيتات ..

غايتو ناسنا ديل ختريين عدييل كدة ..

سلم أستلم أمسك لي و صهين وقشة ما تعتر ليك ..

ــ

بدون مناسبة : يوم الأحد إن شاء الله في ديرتكم..

Quote: رسل لي نصيبي سريع والعجب لو أديت أخوي ود الصايم ده حبة

.. والله يا فيصل .. ود الصايم دا يشمها قدحـة .. وكذلك أيمن.
إنت ماف مشكلة .. بنبسطك .. بس خلي (الشيك) يصل ..
كدي رجع لينا باقي الفين دولار لو عندك (فكـه) .. لحدت ما اصرف الخمسمية دولار دي ..

نتم ليكم مريسة تام زينة البداها أيمن أخونا محل ما قاطعوا التصويت ، ومعاها عبّار عبّارين من وحى الخيال:


Hope it else!
كنت أتمنى تكون غير كدا...
Don’t worry about my past reading or idol?

ما عليك...لا تقلق بشأن قرآتى السابقة لك بوصفك كاتبى المفضّل
Today idol is not u! And may u know why?
اليوم لست بكاتبى المفضّل ، وأظنك عااااااارف السبب


Thanks
دى غلبتنى لأنو فى البورد دا بنعرف كلمة كدا من سيد الحوش قريبة ليها Thanx

Quote: كدي رجع لينا باقي الفين دولار لو عندك (فكـه) .. لحدت ما اصرف الخمسمية دولار دي ..

-------------------------------------
يا تمبس القروش العندي في الشجرة دي

بديك الفكة بسْ خلي الشجرة دي التَحِتْ صَفَقها ده.

ق ر و ش ي


ش ي

ش ي

Quote: دا كلام كبار ومحتاج نرجع للنص الأصلى لأهمية إستباط المعانى من صياغ الكلام نفسه (ولد دا)!!!

_________________________
مشتاقين يا مان .. وين قاطع اخبارك ؟؟