كلام الطير .. في الأندر وير .. مسينجريات

زهجتي من الإنتخابات خلّتني أديها مشوار لغاية مسينجر الهوت ميل
وفي الحقيقة كنت خايف من شرك قالوا وقلنا
والحكومة الشايلة جوكر بي كرتين
و التزوير غطا عام
علي اليمين دُو وتفتح

والجماعة النازلين للشهرة ودايرين يثبتوا أقدام الطربيزة
و هم إسكورهم عشرين وممحافظة ما عندهم
قبل ما أعمل أوف لاين
جاني ليك الكوناكت الأكثر شهرةً في حلة مايكروسوفت
و السلام الجمهوري الما بغباني


هايييييييييي !!!


نواصل

هي يا عشة !! كيفنك ؟
شايفاك عملت ليك حركات (روشنة) في المسينجر !
أسكتي ساهي ، جِنِ روشانا شينما مش ه تقدر تغمض عينيك !
يا ود إنت! دي حركة التغيير واللا شنو؟
والله بس داير أحس إني من سكان المنشية!
طيب تمام يا إنت!

عارفة قبل ساعتين كدة كنت بتفرج في رسوماتك ، حسيت إنو الصور دي بتعرّيك
قدامي ،فيها إيحاءات بتكشف دواخل الزول و أندر ويرو !
سجمي يا نورة!
لكن لوحة الثلج الأبيض دي مبالغة!
عارف يا حبيب أنا بموت في الراجل البلبس قميص أبيض!

قلتي لي !! و تتمني لو غسلتيه ليه و أديتيه شطفة شطفتين مش كدة ؟
ايوة بالضبط كدة!
شكلك كدة ح تهتمي بتفاصيل زراير قميصوا !!

كدي ما تحكي لي عن تفاصيلك يا حبيب !

وما تحكي لي إنتي!

كان كدة واطـاتك أصبحت

و أنا منتظر شنو غير طلعة الشمس أحكي ساهي!!

و أنا منتظرة كتير والله

طيب أعتبريها حالة زوغان بي حرفنة!!

طيب انا أول ما عرفت حبيبي الحكيت ليك عنو المرة الفاتت ، خرقت مواعيد الرجوع

الرجوع للبيت؟

أيوة وحاتك وكنت مستعدة للسفر معاه!

عارفة نحن الإتنين بتحكمنا نفس الجينات العكليتة وعاد هي لايوقة جنس لياقة لمن
تلاقي نصفها الآخر تحلف تتزوجوا ... أنا هسة عندي جِنيّة طالبة إيدك !!

لو ما مستعجلة شديد بديها بِنتي !!

هو البقول ليك راسو موجعو بتربطيلو كراعو ؟؟

لووووول أها عاد أعرسا ليك أنا ؟؟

تعرسيها و رجلك فوق رقبتك ما هي رابطة مصيرا بيك!

يعني أرسلها ليك طرِد؟؟

أتصرفي .. عايني ما عندك جِنيّات أنابيب ؟ أنا ممكن أقبل بي إستنساخ بس علي شرط
يكون كوبي بيست !!!

يا واد إنت مجنون وعشان انا ذاتي مجنونة والله بريدك بس ما زي حبيبي!

و أنا ذاتي لو كان عندي ذرة عقل ما كنت سعيت لي عرفتك

تتذكر يا نورة قصيدتك العنوانها إجهاض ؟

ايوة ذكرتيني اللاوعي وسلطاتوا و المقاربات و الأندر وير و الأندر سكول والعلاقات
والحاجات الفجأة بتطلع قريبتكم ولحمكم ودمكم!!

مش كانت بدايتها لاوعي الزول قنديل لي وعيو ونبض الحلم المارق منك فيه ملامح من صحيانك؟

أيوة دي كانت بسم الله الرحمن الرحيم بتاعتا!! كتبت فيها زي عشرة صفحات وكنت عايز
أعلقا في بنت كعبة !بشرط إنها تكون مشرّفة و تعبت\ و ضهبت\و فترت\ و طشيت \ وما لقيت
ناديت \ تاتيت الحلم \ برضو ما لقيت وفي النهاية شرطتها!!

لا ياخ !!!

خلّيت منها بس بسمك اللهم عربون لي ذكري !



نواصل ..

عارفة يا إنتي مرة كدة لقيتها ليك حايمة في واحد من زقاقات السايبر
تتاوق لي في حوش بكري و أنا بتمطّق بي طعم صاحب مفترض
سمندل !
في زمن سمندلاوي
والسمندل دة كان غيبوبة بتعلن عن نفسهافي لا وعي
دردشنا سوا و حسينا بي طعم العشم لمن كان صِح !

متابعاك يا حبيب !

شلنا كراساتنا و خلينا الزمن يصحّح لينا ، إنشاء الله يدينا زيرو من عشرة
منو الوهم الفاكر نفسو ح يقفّل الإنشاء ؟؟المهم سجلنا حضورنا فيه

نصيحة لي الله يا حبيب أوعاك تخلي الزمن يصحح ليك عشان غدار !

نواصل ...

أيوة صاح !!

الزمن غدار بياكل سندوتشاتك أحسن اشوف لي أستاذ غيرو

وحضرة الناظر ؟؟

سيبك من بكري ياخ ، ناظر في عينك !!

عارف يا حبيب أنا الكنت فاكرة نفسي أستاذة هسة يادوب بجيب الباص ، بس عرفت من ديك
أقراها صاح ، يا سقطنا سوا ، يا لمّانا عنقريب واحد آخر الحلم !!
ألووووو !

أيوة معاك سامعك إتكلمي!

عارف أنا في الجامعة كنت صاحبة دفاتري شديد كنت شايفة إنو محاضراتي دي
هي ونستي مع حبيبي في حديقة عامة
كنت بفترض إنوا الدكاترة ديل هم أنبياء جاييني بي رسالة سماوية
بس بعد أول معركة أحد في حياتي ، غادر الرماة مناطقهم عشان أول غنيمة

أها ... وثكلتك أمك؟؟

نواصل ...

ثكلتني أمي و بس !!
أول أستاذ أحتجت ليه عشان يساعدني في مادة كنت ضعيفة فيها قال لي
من أراد أن ينجح فليلحقني وراء ذلك الوادي

الوادي دة كان وين ؟

دة الوادي الخلاني أفقد الثقة في قدرة الأندر وير في تسييج مناطق تماس كنت أعتقد أنها مسوّرة!

والله أقول ليك حاجة ، كلنا عندنا تجارب مريرة وفي كمية من المحطات البقيف فيها الزول
إجبارياً أو بفضولية ،
كلنا عندنا تجاربنا البتخلينا نعرف القدامنا دي نار
واللا قطعة تلج !

يا حبيب كدي طلعني من المود دة و أحكي لي عن صاحبتك الحبشية !


أوكي
طيب دقيقة أنتظريني لمدة كباية شاي حمرا

وسجارة من نفس اللون


نواصل ...

ويلكم باك


اها احكي

عندي صاحبتي حبشية إسمها مارلين ،
مارلين دي عندها جزور مكرونةدخلت في دمهامن الإسباجيتي الكان بياكلوا جدها الإيطالي المفترض!

زولة كانت بتعيش الجنون بي فكرة إنو زقاق لي عالم واسع !
حين ديسكو و الدنيا (دِي جِي ) قابلتها و علبتين بيرة مدياها ليك بعدها الأنوثي
الأكثر خطورةً
و أنا قدام ملاك حسيت ليك بي إبليس برجع تاني بي إنقلاب سلمي
مش إنتخابات مزورة
وفي لحظة بزيع بيانو الأول ويعلن وضع مشاعري تحت الإنتداب الشيطاني
علبتين بيرة
وكتاحة ضو
ومزيكة

.. نصة نهار بعد الزمن داك أعلنا التوأمة بين الشعبين الشقيقين
جمعتنا نصف شقة فوضوية تماماً
مثل تسريحة شعرها التي نقدتها دجاجة السهر
و ديوك الديسكو السكارا!
حلمنا سوا بي بيضة تبقي لينا عشم في مزرعة ثعالب
كانت بتحلم لما تمشي إيطاليا تتفسح في البندقية
بصحبة راكب جندول
و زجاجة نبيذ
وقيثارة

تشرب شوية
تعزف شوية
ترقص شوية

و تموت


نواصل ...

مارلين

حكت لي عن حبيبها الذي كان حبيبها
في قرية أثيوبية بتغسل وشها في اليوم أربعة وعشرين مرة بي الرذاذ

غافلت القدر

وغافلت حضنو

وسكنت فيه

مارست معاه الجنس

تاني يوم أختفي!!

سألت عنو كتير!

وفي النهاية عرفت إنوا مات في الحرب مع أريتريا!!

مارلين

سألتني مرة!

ذات طيش

ذات خمر
حلم
سكر

لا يهم لون اللحظة ولا وعيها

ما يهم هو طعمها

ملح
سكر
دموع

أو مارلين نصف صديقتي الأثيوبية التي تعرف إمكانياتها كأنثي
مغرية من قبل أن تشيخ الصحراء


مارلين


اواصل..

Quote: هايييييييييي !!!

ثرى هاى

اخوك خلف الله

hiiiiiiiiiiiiiiiiiiiiiiiiii

Habib


This is very nice


thanks

ما نصيح ..

Quote: ما نصيح ..

كعبة الإندراوة يا صديق


إنت أخبارك شنو يا مشرف

لسة مع العطش

جلال الدين


تسلم يا شفيف

مشكور علي الشعور الطيب

يا نعيم الدنيا


hiiiiiiiiiiiiii 2

أها شِن قولك؟

خالد المحرب

كيفنك يا شيخ العرب

هاي الله والرسول

أها نواصل الحكي...

ا حولااا يا حبيب قطعت نفسي!

أنا ذاتي مسكتني أم هلا هلا كدي خليني أواصل ليك

المهم ما قدرت أقاوم وفي الخاطر برضو ذكري
ومناديل قديمة لم نستعملها في بكاءنا ،ولكنها مسحت ما تبقّي من نشوة
و شوية قبلات
وجدنها متلبّسة و غارقة في إثم ( الروج الشوكولاتة)

اها و الحصل شنو تاني ؟

في النهاية لقينا إننا الإتنين بنضحك علي الذكرة مع إنها بتعبرنا
مشهد مشهد
ونافذة نافذة
وقطار قطار
أغرب حاجة إني لما حسيت إني ملكتها لقيت نفسي واقع في غرام منديل قديم
وتاني يوم
لما مدّت لي الفنجان الثاني من أبنوس قهوتها الصباحية
أعترفت لي إنها أدتني القهوة من غير سكر !



نواصل ...

يف يعني يا حبيب ؟

الماكرة تقصد أنها أعطتني جسدها من غير روح!
و أنا حرصاً مني علي كبرياء رجل أحتفظت بالمعلومة دي لي نفسي
إنتي عاشر بت أكلمها بس !!!

ورجعت تاني أنافق ذاكرتي و أحرص علي إعادة تمثيل مشهد عابر في سريري!


أقول ليك حاجة يا حبيب ؟ إنتوا الإتنين مواهيم ساكت!
يعني عشان عشتوا لحظة ( قوّادها) فيكم أرواح راحلة و الفكرة بتاعتي عن ممارسة الجنس
هي لحظة قداسة تكونوا إنتوا الأتنين وهم ما أكتر !

يمكن انا عشان حسيت بي غربة الجسد!!


نواصل ...

سألتني


أها ونظرا لإستصحاب إغراء الأحباش ؟؟!


....

نواصل ..

والله ما عارف لكن حسيت إنها هاربة معاي من ذكري

أو مش يمكن طالعة من مدافن ذكري !!

والله بجد ما عارف لكن يمكن عشان حسيت إني بغتصبها من إيدين حلم !مع إنوا جواي
نفس فكرة قداسة الجنس بغض النظر عن إنفلاتات عابرة!!

ومرات الواحد يا حبيب بضعف و بدنِّس الجنس و يملص منو جلابية قداستو!
مع إني كنت كتير ضد فكرة إنو الزول يشخت كبريتوا جمب القش!!
الحاجات دي لما تبقي مقدسة بتبقي أكثر طهراً!

أحكي ليك لما مرة واحدة أشترت رجولتي !

ووووب لكن

أها !!

ما بحكي ليكي إلا تحنّسيني !!


نواصل ...

أموت ليك يا حبيب أنا ما صاحبتك؟

ساعتها أحتقرت نفسي و بقت نظرتي فيها وسواس و شايف كل حاجة قابلة للعرض والطلب!
و أنا..
مجرّد سلعة في الرف !
و الزباين يتطاقشوا
و يتساوموا
و يتفاصلوا
يفتح الله
يستر الله
ودة مقاسي ودة خامتوا كعبة ودة ودة ...!
و أنا وين؟؟؟
أنا قاعد في الرف زيي وزي باكو شموع!

معقولة قدّر دة يا حبيب!

يازولة دة كلامك علي اليمين في قعدة شليقة مني وصل سعري قريب الخمسمية ريال
في سوق الحريم!

نواصل ....

وانا الغبيان السجمان كنت ما جايب خبر للدنيا
والحريم قررن أن ينهين عزلة ماي أندر وير
وبعديها عرفت إنو إبليس عامل لي كمين مع شوية ريحة نسائية مغرية ما بقدر أفرّغا ليك
إلا في مصطلح ( كَبّريت) لكن ما بقدر أصنِلا و أسرّتا ( من صندلية و سرتية)

أها عملت شنو ( وش خجلان)

يا أتحشمي دة شنو قلة الحيا دة ! ( وش سجمان)

المهم و أنا لسة آثار غسلي ما طلعت من بشكيري عبد الواحد فهمت ليك القصة كلها

يعني طلعت طيرة ساي؟؟

يازولة طيرة وبس ؟ طير الله في بلد الله!! كااااااااااااااك علي اليمين لا عرفت روحي
لا مرا لا راجل !

كتّر خير مارلين الرجعت ليك ذكورتك هيهيهيهيهيهي

أضحكي لسة ما ضحكتي !


نواصل ....

ها وطبعاً جاتك عقدة سريرية و شعرت إنك خارج نطاق الجاذبية الأنثوية؟
أساساً الرجال كلهم بحسوا بي طعم الجنس الحقيقي مافي ممارستو ولكن في الحديث عنو!!!

الرجال براهم ؟ ما كمان النسوان !

بالضبط كدة يا حبيب دي بقت عادة زي النوافل بعد الصلاة
لكن يا حبيب الفارغون من الرجولة بتموها ببضعة كلمات! ومجرد الفكرة بتسقط الرجل كرجل
والمرأة كمرأة !


والله كلامك عين العقل

لكن ياخ خلاس انا عيوني طششت وبقيت ما فاهم ولا حاجة

النبي ما تتونس شوية ؟

لالالالالا من قبيل تجرجرني فيني في الكلام لما الواحد فكّ ليك آخرو

يللا يا زولة لي باكر

وسيبك من الأندر وير و الأندر أسكول و الأندر تيكر!


ساين آوت!!!

حكمة العدد

إنتخابات ما عندك فيها صوت ما تكتب فيها بوست !!

عرفنا الغسيل المكوه كيف ----- مشتاقين

Quote: عرفنا الغسيل المكوه كيف ----- مشتاقين

يا جزولي يا جميل


المكوة شكلها كدة ح تكون تحت المرتبة

عشان القميص يطلع مكوي مع مرتبة الشرف !!

Quote: .. نصة نهار بعد الزمن داك أعلنا التوأمة بين الشعبين الشقيقين

كان صبرتوا ليها مغربت كان امكن تبقى " ايقاد " . .






شموع

Quote: كان صبرتوا ليها مغربت كان امكن تبقى " ايقاد " . . شموع

يا قيقرة

ياخوي يا يونايتد نيشن يا بلاش!!

نحن ضد الأقليات!


أخبارك يا جميل

يامسخووت


بقيت شيال حال
مفسفر ..

يا منعم

دي يا قريبك نِبلة في إيدين شافع ود حرام


وكمان نيّاش

هوتميل شنو يا عمكـ
دا شغل بالتوكـ عدييييييييل!

عاد لا حولا لاقوة

إنتوا خفة الخشم دي ما بتخلوها

أها إنشاء الله تجي الأول !!

حبيب نوره المجنون
وينك يارجل

ليك وحشة والله

اتمنى ان تجن وتزيد فى الجن كمان عشان تتحفنا بحلو الكلام


شوقن كتيرن

ود النعيم

كيفنك يا راجل يا عسل؟

والله وحشة

إنتوا قاعدين تغتسوا وين؟


ما يجيبكم غير الأندر وير و الشديد القوي



شكرن كتيرن!

sign in

أَمَا وَقَْد ْدَارَ مِحْوَر سُؤالكُمْ حَولَ الْعَطَشْ ..
فهىِ قيدِ الإِنجاز وفى كامِل اناقَتِها..
تُلقِطَ الرِزْقَ على الصفحةِ الأولى للمنبر ..
ولن تُغادر وبامرِي وحتى أن أبلغَ غايتها .. أَوْأَمْضِيَ حُقُبًا

هناك بوست لعثمان البشري جدير بالقراءه يا حبيب ..

Quote: أَمَا وَقَْد ْدَارَ مِحْوَر سُؤالكُمْ حَولَ الْعَطَشْ .. فهىِ قيدِ الإِنجاز وفى كامِل اناقَتِها.. تُلقِطَ الرِزْقَ على الصفحةِ الأولى للمنبر .. ولن تُغادر وبامرِي وحتى أن أبلغَ غايتها .. أَوْأَمْضِيَ حُقُبًا هناك بوست لعثمان البشري جدير بالقراءه يا حبيب ..

إذن دعنا نرتوي عطشاً

وهي تستحق أكثر من هذا


والعطش أندر وير المحل!


بوست البشري بزوروا

وتحياتي ليه

يا حبيب ....

الكلام الجابو الطير
نقة ساكت في الأندروير
والجماعة اتهموا المفوضية بالتزوير


ياخ شكرن كتيرن

_______
مافي جنّية مستنسخة تكون عزَبا؟

Quote: _______ مافي جنّية مستنسخة تكون عزَبا؟

أبو الريش...


عندي جنية مستنسخة من عفريت مصري

تنفع معاك؟


غايتو أديني عنوانك بجيبها ليك طرِد

Quote: عندي جنية مستنسخة من عفريت مصري

ياخ مافي خيارات في الجنسية؟

مستعد أتنازل عن شرط (عزبا) ........ ما مشكلة .. خليها (بكر)

حبيب نورة
إحذر المسينجر فإنه مسكون !!
ــ
واصل

صلاح أبو دية


والله ياخوي قدُر ما حموني منوا

تقول إيدي بتاكلني

تلقاني لا أعلم لا أدري عملت ساين إن

Quote: ياخ مافي خيارات في الجنسية؟ مستعد أتنازل عن شرط (عزبا) ........ ما مشكلة .. خليها (بكر)

والله في عزبة بالمواصفات المطلوبة دي

لكن عندها الجَنَي

تنفع معاك

Quote: إنتوا قاعدين تغتسوا وين؟

الاخ المفضال حبيب الكل

ياخى والله مشتاقين لصوتك

وانا والله بين التريا وأب ريا كفاك الله الشر .. بس مكنة مدوره بدون عداد فى هذه الغربة اللعينة.. او قل:
ككلب الصيد يمسك وهو هاو ** فريسته ليأكلها سواه.

تحياتى لك ايها العبقرى المجنون بلا حدود

حبيب نورة..

سلامات يا حلو..

قعاد مصر كتير مرات ما حلو,,,
زى جرادة ناذر ديك...

بفتل الزمن الأصلو مفتول دا,,

ليل داخل فى بعضو وبعضو دخل فى ليلو,,

أرخى مسامير الحكى شوية,,

وما تقعد هناك كتير,,

شتت ياخ شتت,,
شتت قبل أن تتشتت..

تحياتى,,

Quote: أرخى مسامير الحكى شوية,,

نادر الطيب

كيفنك أخوي

يا زول مسامير الحكي حلجت من زمان

هسة وكيلك الله تاني إلا مخرطة

Quote: وانا والله بين التريا وأب ريا كفاك الله الشر .. بس مكنة مدوره بدون عداد فى هذه الغربة اللعينة.. او قل: ككلب الصيد يمسك وهو هاو ** فريسته ليأكلها سواه.

علي النعيم

وحاتك أنا مشعلق بين النقريب

وبنات نعش

خوفي بس من شهابٍ رصدا

الله يستر بس!


وانت ليك مجرّة من نجوم أشواقي

Quote: المكوة شكلها كدة ح تكون تحت المرتبة عشان القميص يطلع مكوي مع مرتبة الشرف !!

يا حبيب .. والله انت احلى ( زول حفتي) ..
ترقبوا مارلين في برنامج (اوبرا) على ام بي سي 4 ..
والحبيب قاعد هناك ومنطّط عيونو .. ومنتظر يحظى بالعربية الهمر الما خمج القاعد تديها اوبرا لي كل الحضور ..

يا ولدنا ..
كدي شوف عشة دي لسة أوف لاين وللا شنو ؟؟
.
.
.
لازم نصل لي نتيجة في موضوع المالقميشن ده .

يا عمر جبريل

علي كمان الله تُبت توبة نصوحة
من الأون لاين

بقيت بخش و بطفي النور

بعمل في ترشيد إستهلاك

صباح الخير يا الأمير


يازول خلعتني قعدت أفتش علي الريموت كونترول

تاريها طلعت مارليني !!

علي اليمين تقول جابوا لي المفتاح بي الدي إتش إل

شنو يا عمران

نلف ليك منها؟

و أنا من قبيل أقول الطفي النور منووووو!

Quote: نادر الطيب

يا ولد,,
نادر هسه سألك !! نادر العديل نادر الهميم نادر الزيو منو!!! نادر كان قريب هسه فى كنبا ولا كنكا البعيدة ديك ,,

Quote: كيفنك أخوي

تمام أخوى

Quote: يا زول مسامير الحكي حلجت من زمان

واضح واضح

Quote: هسة وكيلك الله تاني إلا مخرطة

أكيد حا تحتاج قمصان جديدة باقى إتعمرت كتير,,

Quote: نلف ليك منها؟

أولاد بمبا أولاد الهرمة حتى المزاج سرقوه,,

وزرعوه فى سيناء,,




صباح الفل,,

أيمن الطيب


نهارك أبيض


العتبي علي السهر

بفتح الكاف!

هااااااااااااااااااااااااااااااي ورحمة الله بعد غيبة طالت اوي
واشهد مع المشرف انك مانصيح ..
والانتخابات (واقعة) (واقعة) .. واحدة زي الساعة والتانية في البلاعة .. زي حال السياسة في السودان نصها شتيمة ونصها اشاعة
خليك مع عشة ومارلين .. فذلك .. احفظ للدم واعف للسان .. ولا يكلفنا حجازة ولا مراقبين اجانب
تصور ان كارتر يقرا كلام الطير في الاندروير .. سيرجع 25 سنة ورا ويقرر الاستقالة من رئاسة الجمهورية الامريكية المتحدة ومن كل مابعدها
ويقعد يفتش اندرويرات ساكت ..

عش سالما وغيب وتعال

عمر علي حسن

غايتو يا حبيب نورة ..

مبااااااااااالغه ..

جننته الجن زاتووووو ..

و ا حيرته الإندراوه ...

ده شنو ده ؟؟ شغل لا بتوصف ولا بتوصف ..

يا عفة

أخبارك

تستاهلي جايزة أول أنثي تخش البوست


يا زولة أخبارك شنو

عارفة الهضربة دي

أخير من الوعي الجايط

خليكي قريبة بس والزمن جنكيز

Quote: واشهد مع المشرف انك مانصيح .. والانتخابات (واقعة) (واقعة) .. واحدة زي الساعة والتانية في البلاعة .. زي حال السياسة في السودان نصها شتيمة ونصها اشاعة خليك مع عشة ومارلين .. فذلك .. احفظ للدم واعف للسان .. ولا يكلفنا حجازة ولا مراقبين اجانب

ياااااااه !


والله العظيم وحشة موت

وينك؟
من زمن بنات الداون تاون وتاني ما عرفنا بلودك وين!

والله محتاج لي قرايتك الجميلة دي

علي الأقل ترفع من معنوياتنا الواقعة في واطـاة الله دي

شكرن كتيرن!

حياك يا حبيب من يحي بالسلام

اما انا .. فحمده من الفؤاد للسان يسري .. قد ضاع مني كل شيء وبت في حال الذي يري ولا يري .. تمر عبر ناظري الاحداث
لا اراها الا جيفا وجثثا .. تملؤني بالخوف والقرف .. كل الذي كنزته من الدنيا تراجع للعدم .. هل حانت الساعة ام حل ليل القفر
والظلمات في دنياي ينقض مابنيت وما(سعيت) من الجمال .. ودخلت غيهب خوفة مجنونة الا اري شيئا احب ..

اين الذي ادخرت لاجله كل التجارب وادخرت الذكريات .. فوجدت الا شيء منها يجدي .. اين الذي احلم ان يلمني ترابه الحاني المضمخ
بالوداد وبالطيوب وبالاصالة من هذه (الكلابة) التي تطحنه من كل جانب .. ابناؤه من جانب .. والطامعون الغرباء من كل الجوانب ..
ونحن ليس عندنا من المطامع غير قبر عند اي ركن من ارضه .. يؤرقني الخوف الا نضمن الوصول اليه ..

غيابي .. ايها المملوء بالامال والجمال .. سببه انهيار احلامي بوطن ليس كمثله وطن .. يرد غربتي .. يفك كربتي .. لكنني في هذه الحوالك
الكئيبة السواد من ليالي وطني الذي ليس كمثله وطن ، عرفت ان وطني ما عاد مثله وطن .. وضعت ..

لكنني مازلت اكثر الدعاء الا اخرج منها صفر اليدين .. بلا وطن .. أو أن اموت قبل ان يموت وطني .. وهويحتضر ..

عد لما بدأت . واشرع فينا ما تجد من اندرويرات علها تستر خيبة املنا .. وسنقرأ أن ساعدنا البصر .. لكننا لن نستطيع مثلكم ان نخرج
للاحداث لسانا يقرعها ويقرّعها ..

عمر علي حسن

ما نصيح







-----------

Quote: ما نصيح -----------

ولكنني أصيحُ بمفردي !!!!


نصر الدين أزيك
وتشكر ع الطلة

الحبيب عمر

أنا سعيدٌ و أشقي حينما تحشرني في تفاصيلك الصغيرة
التي تشعرك برتابة الإيقاع الذي تحاول أن تعزف عليه أغنياتك القديمة
وتربّت علي قصائدك المجهدة في غمرةِ ضجيججهِ !

أسعدُ كثيراً بأنك لازلت تقف معي في نفس المربع
وتشاركني التفاصيل ذاتها
وتحلم ذات الحلم

أما ما يشقيني فهي قدرتك العجيبة علي تحمّل الألم
فمن أين أحصل عليها فأشريها؟

Quote: لكنني مازلت اكثر الدعاء الا اخرج منها صفر اليدين .. بلا وطن .. أو أن اموت قبل ان يموت وطني .. وهويحتضر ..

أخاف و أخاف

أخاف و أخاف


أخاااااااااف ...!

brb

يا حبيب نورة .. ما عذبتنا ....!!

يا لطيف منك يا عب لطيف

يازول خلف الله

خلف الللللللللله! ما نورة

شايف رابطة أصدقاء الأندر وير في تنامي مستمر

دة غير القراء السريين!

من بوست ثقافة البول ( للناطقين بغير الأسلاماوية)

ألووو؟؟ معاي منو؟
معاك شيري من أستراليا
بتقري وين يا شيري؟
انا بقرأ في علوم التقانة !!
وكيف قاعدة في أستراليا و بتقري في التقانة في نفس الوقت!!
لا انا ما جيت مع بابي عشان أقضي الويك أند معاه
اها وعمرك كم يا شاطرة ؟؟ طبعاً 18 ودة الاستاندارد بتاع الشات
حسب توصيات ناس الآيزو و المواصفات !!
لو سمحت لقيت أيميلي دة وين؟
لا انا جيت ماري بي حلة ناس هوت ميل لقيتك واقفة جمب العمود ف عجبني
خطك قلت اسلم عليك !
والله انت ظريف وكول خالص خالص ممكن تديني ال c v
معاكي حبيب نورة
مييين؟؟؟!!
معاكي حبيب النور مضوي !!
أوووه سوري يعني معاي أمي متصلة من هولندا لحظة ح أرجع ليك

يا ربي بتكون أمها بتعمل في شنو في هولندا ؟ تكون عاملة بحث عن مجاعة
البطاطس واللا عايزة تعمل دراسات عن تأثير ردم الشواطي علي طيور
النورس البحرية !!!

البت صورتها مدنكلة في الشاشة قدامي وانا جاني ليك الحنين طاير
وحسيت بي آلام وضوع والظاهر انو البت عملت لي الطلق الصناعي

ويلكم باك!
ويلكم الله والرسول
انت عندك ويب كام!!
لا وحاتك قبل شوية كان عندي وجع راس أديتوا ليك حبتين الليلات بلدول
وكبيبية شاي حمرا محل طار ما أنعرف !!
وجع راس شنو ؟ انا قاصدة الكاميرا!!
الكاميرا في لكن دقيقة أنولع الكشافات وظبطي القعدة

شوية كدة يقوم يخش علي الشقي امير التبلدي الولد الابنوسي القبيح
سماحة شوقي ليه !! اها انا عزمتوا ليك يتونس معانا
طبعن كل شي بالكتير فضلت خيركم وشوية كدة قلت ليهم انا برجع ليكم
ماشي عندي جودية في حوش بكري مع خالد المحرب و شيقوق داير أصالحهم
اها لفيت العمة و أديت المهمة لحدي ما جاني ابنوسي مخلوع !!
قال لي البت عزمت لي خمسة ما صويحباتها وقعدنا نتونس عادي
وفجأة البت قامت قالت لينا هيييييي انا ماشة أبول !!
قال لي انا قلت يا رب الواطـــة دي تنشق وتبلعني؟؟

قلت ليه خلاس ولا يهمك نحن نأدلج ليك المسألة ومن ديك وعيك
بقينا نسمي الكتابة في البورد ( البولورايتنغ) في (بولونيزاون لاين)
يعني البول اصبح علم يدرس ( البولونيا) والحاجة المحلة للأفراز الكتابي
داخل الاطار السايبري او ما يطلق عليه تواليتياً !
( الأوتورايت بولوجي)

.

يا للأسف


يا للمآسي الواقفة صف

لم يكُن يدور في خلدي و أنا أيمّم باسووردي شطر المسينجر
بأنها ستكونُ جليستي هذا المساء
و أنا أذكر شات شاتٍ سابق
بأنها قد جلعتني في قائمة ( بلوكاتها)
و من ساعتها أعتبرت هذا الحظر الجائر
بمثابة فكاك أبدي من أندر وير مسينجرها اللعين
ولكنها فاجأتني
حبيب نورة سلام
في لغةٍ رسمية تعكس حالة كونها في أشد القرف مني
القرف الذي تغلبت عليهِ بكأسِ ليمون
ولكني سألتها
و أنا أرد عليها السلام بذاتِ اللغة الرسمية
أهلن!
إنتي مش بلّكتيني!
إنت مالك يا حبيب فاتح السيرة دي هسة؟
عاد كيفن ما أفتحا يعني هو دخول المسينجر زي خروجوا ؟

ياخ أنا عايزاك في موضوع ممكن تساعدني؟
اها في شنو؟

انت تتذكر لما أنا قلت ليك بحب طارق العرفتوا في البال تولك ياخي الزول دة
طبعا أنا حبيتوا و قال لي رسلي لي صورة رسلت ليه
أها !!
تاني طلب صورة عشان الصورة الأولي قال ملامحي ما واضة فيها
ورسلتيها؟؟؟
في الحقيقة أنا أضفتوا في السكايبي

وكانت الدنيا سخانة وكنت لابسة خفيف!!!

أها ....
أخد مني كم صورة عشان كانت مكالمة فيديو!

يخرب بيت أمك !!
وما تقولي لي هدّدك بالصور دي لو ما مشيتي لاقيتيه في مكان هادئ !

بالضبط كدة يا حبيب طلع إنسان سافل!!

ما براك سويتيها فوق روحك ، شاحد ربي يسوي بي صورتك صفحة سيكس في موقع إباحي

طيب أنا أعمل شنو هسة؟

يا بت الناس بالطريقة دي أنا المرة دي ح أعمل ليك البلوك
لكن عشان ما اكون إنسان سافل و حقير انا برسل ليه إيميل و بتفاهم معاه

و إنتي أقعدي أتنازلي لي عن رباط جأش أندر ويرك

لحدي ما نتفرج عليك في المواقع اللي إنتي عارفاها !!

وما تقولي لي ما قاعدة تتفرجي فيها

.