يــا اللورّي ... عليك الرسول بورري

عندما الألم للمرارة يفقع
والوعود لعقولنا تخدع
والدجل والخداع بقى لينا مضجع
الحل الوافي هو لون البنفسج

وأين البنفسج (هم رجال ونساء يحملون هم هذا البلد في صمت )
وأهلنا زمان قالوا السواي مو حدأث

المخدوع زمان وزمان
ولسة جعان
وما فتح وفكّا الريق
هو شعبنا البسيط والوفي

زول ساكي لوري عشان السواق يضرب لي بوري ( في بساطة أكتر من كدي )
زول همو نعال
همو ميص وسروال وتوب بنغال

مجذوب يلف من صيحة الديك يسأل الناس

عمي أدني قرش أسوي لي جبّة
ولسة الجبّة ما جات

وعاد لي وين ؟؟

مساحة نجم فيها نناشد لون البنفسج النهوض
يفكنا من هذه الهيصة

يا ربي ينهض

همو يبني في البيت إويضّا لي حسن بقى لي الزواج
ياهو الضراع وياهو المعين في الزراعة الما جايبا همها

ما قالوا حـــأ نأكل مما نزرع
ونحن نزرع ونشتري من السوق خضارنّا عشان يوفي حق البيع الضريبة والزكاة
نبيع لبن البقيرات ونشرب الشاي أحمر ....
عشان يادوب نحصل نكسي الصغييرين خرقة تقيهم حرا وبرا
ونعل والرمضاء بقل من نار جنهم توقد نارها حمرا

وعاد لي وين ؟؟
وتبقى مصيبة
كان القرش الأحمر قسم الخلق أجناس اجناس

وأكفنا مرفوعة لمن لا ينسى عبده
أنهض البنفسج فينا

يا معيــــــن

بحق صوت كل كريم وكريمة
بحق عرق كل هميم وهميمة
تكسب أنت ويبقى هو/ هي راجع لي ورا
وليته ظلَّ في مكانه

وفُوق يا غشيم

ونظل واقفين ونعد ونحسب في أصابعينا
ونجرجر في التراب ودرنّأ حِجباتنا

كم بقى كيلومترات من الكهرباء ؟
كم بقى لنا من مصروف اليوم ليوم بكرة

وفُوق يا غشيم

وضيقنا أصبح في العيون
دمعة أسى

ما كان طلبنا لعمارة ترقّش
ولا لحساب في البنك يرفس
ولا عِشمنا لركوبو لكزيس

طلبنا بسيط في وجيهو زيّنا أغبش
نشدّوا في اللافتة أم زيق الدمورية

موية من نحفية صافية
كهرباء ديمة وافية
حبة سلفة تبقى عافية

دا كتير علينا ؟؟
قولوا لينا
وندي صوتنا ونظل نعاني

منتظرين سواقنا زينا
وحالف ما يدلينا
ويضرب لينا بورري

وصولك للرئاسة أو الولاية ( حاكماً ) أو المجلس الوطني
مع أني أحبذ أن يطلق عليه البرلمان الذي جاءت نكسته عندما عرّب

كان الوصول وحــا يكون على ظهور البسطاء الكادحين ومنهم
ذاك الذي يلقّط رزقه كفعل ود أبرق حبة حبة وما زاد غرورو
في غرسة بصلة مصنقع لي السماء أن لا تمطر وبصلو مازال مسمس
ويخرب ومتعشم في الحصاد

ويظل يغرس ويرجى وهم يحصدوا

وعاد لي وين ؟

فُوق يا غشيم

مأساتنا
إنا أُناس طيبون

فُوق يا عشيم

ونظل واقفين
نكد اليوع ونلحس كوع
نجر الموية من البير
ونشرب من جر ( زير ) تحت صليل شدرة
ونسفي من نقاعو جدانا عشان ما يبيض

وهم يختفو اللقمة إن حفّت
من جنحين الملك أن رفّت
وسيدها يموت بي الفاق

فُوق يا غشيم

Quote: مأساتنا إنا أُناس طيبون

نعفى عما سلف
حتى لوكان دم فات حد الركب

سلام يا أبوحمد,,
الشوق الشوق يا صاحب,,,,,,

وما أضيق العيش لولا فسحة الأمل,,



مودتى,,

Quote: سلام يا أبوحمد,, الشوق الشوق يا صاحب,,,,,, وما أضيق العيش لولا فسحة الأمل,,

أيمن الطيب
سلام وكلام ومافي خصام
وأملنا مات في ليلة المولد
والعوض في عوضية هدية من الله مرضية ... نظل منتظرين

ندعو الله أينفض التراب من فوق رجال ونساء همهم البلد
في لون البنفسج همنا
لا ننكر من البين غثاء السيل شرقاء لكن يغطي السيل ويقلع كل جميل
وحتى الجبل المافي سيل حدرو

نريد البنفسج بلونه البهي ينفض هذا الغبار من على ظهور الغبش

Quote: نعفى عما سلف حتى لوكان دم فات حد الركب

وتسرق قوتنا كلاب
وتبول على جدراننا كلاب
ونظل نحترم الكلاب

لك مودتي أخي عمار
وننادي عمار بلدنا بينا لو ختينا اليقين بين إيدنا
نعمل لي البلد ونقص يد البسرق البلد موش البسرق عشان
يطعم صغارو
وياربي ماتحرم بيت من الأطفال

ونقولها
فُوق يا غشيم

تجي الإنتخابات نتصبر بي العشم
تتكون حكومة نلوك الندم

وتاني نعاين للسماء
راجين الفرج يأتي من السماء

ويطلع من المدفع خازوق يزيد خوازيق البلد
يرتع تحت ظل ظلمه جيل أخر

وعاد لي متين


وفُوق يا غشيم
ومازال أحمد موسد الرأس الضراع

وتظل الساقية مدورا
تصب قواديسها حميم علينا
وبردا سلاماً على الحاكمين المطبلين لهم

وأحمد متكي تحت شجرة رامية ضليل وموسد الرأس الضراع

فُوق يا أحمد
لم يفت الاوان بعد

وما زال الطيبين ساكين اللوري
أضرب لينا بوري

نربط سواعدنا وقد هداها وأفترها نبش التراب
نبحث عن قوت نقتات به يسد رمق ما لم نحصل عليه
ونلهث ونلهث ونكضم حجر
لتظل الراية مرفوعة وإن طال الإنتظار
والكلفة مرفوعة وإن كلفتنا دمائنا
وحلفنا مدفوعة ولو نقتطعه من أفواه الفطيم
يا بلدي وأضانك طرشّا

فقيرك عطاي
ومآكل قوت فقرائك يعرف يداري ختى اللقمة لي مسكين


وفُوق يا غشيم

عارفيــن الله أرحم بي عبادو
والرزق بنزل مقسّم
لي البجاهد والمعسم

ونرفع الأكف متضرعين لله نناشده

أللهم لا تسلط علينا من لا يخافك ولا يرحمنا ...

أللهم أرفع غضبك عنا
أعمالنا سبب بلوانا
نسألك اللطف يا رب العالمين
أرحنا منهم
أللهم ولي علينا الوطني الهمام
ولي علينا من يعمل لنصرة دينك ووطنا
ولا تولي علينا من كبر جيوبو وجانا
ولا تولي علينا من عبأ جيبو وجابلو مخلاية يخم

لطفك يا رب لطفك يا رب

لو نحتنا المخ
وقلنا نخلي الشبعو من دماءنا يحكموا تاني
ومالوا تاني يتمو ربع قرن من زماننا في نار الدنيا عذاب
عرفنا الشبعوا ما بقنعّوا
والشبع بزيد الطمع
والبطن حوية
وهم جاهدين يملوها من التالاها

عاد الفرج وين ؟

ولحيـــــن ميسرة

في ظل الحكومة السابقة
كان المواطن يدفع ضرائبه كاملة مضاف إليها

تكلفة علاجه إن مرض
مصاريف الدراسة من رياض الأطفال ( لو أنجب من الأطفال )
مصاريف التخلص من الأوساخ
جباية الطرق بحجة صيانة الطرق
أضف إليه الكثير والكثير من ( كهرباء وماء وغيرها )

أريد أسأل ماذا تقدم الدولة للمواطن مقابل دفعه الضريبة ؟؟؟؟؟؟


أحسن نقعد ونكوع ونقول يا اللوري عليك الرسول بوري

ليه التعب يا أهلي
ماهو الجاي زي الفات
ولا سوف يظل الكان جاثم على صدورنا عدد سنين قابلة
ونظل كما كنا
دراب أسامة وفضائيات شروق ونيلاً أزرق كنا نظن يهل علينا بالبشرة وماء زلال
أظلم علينا دنيانا وطفحنا ماء عكر
جاء القائد
صلى القائد
ركع القائد
عرض القائد
وشال فاتحة في أم ضبان

وأحمد مازال يوسد الرأس الضراع

أربعة وخمسون عام
وعام فوق عام
ويوم فوق يوم
صكت أذاننا أدفع هناك أدفع ..
عرفناها ..
حفظناها ...
مللنا حروفها مللناها
مافي كلمة هــاك ؟
إبتكرنا الفهلوة
لنعي كلمة هاك
وبرضو بنحمد الله
إنو القبر مجان

وعاد لآمتين

عذابات الزمن الزمان الزميم
وكل أحزان الحزن الحزين
ومرارة المُر بالصبر واليقين
شربنا كؤوسها رويانين
نغرد مهما طال الليل
شمس ونور الصباح حــأ يبين
وفضلنا منظرين الصباح المشرق
نراغب خيوطه مشدوهين
متين حــا يبين
نمني النفس
نزيد الصبر بي صبرين
صبر أيوب ويونس وإبراهيم
علي النار وبطن الحوت
والمرض العُضال ومكين
شنو الفضل لينا
غير الصبر
نظل صابرين
نقيف صابرين
ننوم صابرين
نفيق صابرين
وعاد لآمتين

جاء الوقت لكي يصمت
كل جعجاع ذنين

أتركوا المقاعد
للصامت الحسين

أتسأل دوام
هل البلد عدمت الخير
من ولداً حامل الوطن بين ضلوعّو
وبنية خاتا قلبها فوق صدراً امين

همومنا
موية نضيفة
كهرباء كثيفة
وعلي الجيب خفيفة
مدرسة زي ما نحن
زمان قرينا
لا جباية
لا ضريبة تهد الحيل
عشان البلد ترخص
عشان نقدر نرش الحوش
ومع المغرب
نشرب شاي
بي زلابية مروية
ننسى همومنا
نتوادد أهل البيت
في حنان وحنية
دا كتير علينا
يا الشايلين هم
وين الكدة
في رمة مرمية ؟؟

بيع ليك الانجمامة

الجمة ال ..

Quote: بيع ليك الانجمامة الجمة ال ..

الأخ شيقوق
مساحة نبث فيها الشوق للخروج من فج الصمت
الذي طال
وعاد لآمتين

ومنتظرين

تحياتي ومودتي

المنسي

كيفنك؟

Quote: المنسي كيفنك؟

ونوره حبك يا حبيبها
يسأل منك الخير
الخير وقفنا ننتظره
سنين وسنين
عيونا دماعة بالحرقة
خدونا إتحفرو زي الطين
راجين الفرج
يفكنا من الدوامة الفيها
من سنين ندور لافين
قدر ما نلقى قشة
نتعلق في شان تنجدنا
نتوكر تاني في اللٌجة
نحاول لي المروق جاهدين


وعاد لآمتين

تحياتي حبيب نورة

ناس تخاتف
وشن تخاتف ماني عارف
الهدف مرسوم
إلا كيف تنفيذو
غير معلوم
تتابع سايما تتوكر
ويا غرق يا جيت حازما
حازمين دم أهلنا
وبالفرحة مبسوطين
ومسرورين ..
قصر عالي
وعمارة إيجار
مزرعة للفسحة والبوبار
عربات كيف
زي سفنجاتنا
أمام الباب مرصوصة
أخدر وأحمر وابيض
وحتى لون الطيف
عرقنا يخر مابعروفنا
ندقو كداري
مابعرفونا
نكتل التابا وعليها نبيت
مابعروفنا
نكفن ميتنا بي خرقة
وما بعرفونا
ولادنا خلو الدراسة بي الحرقة
وما بعرفونا
غسيلنا حمامّا
فرد صويبونة
ومابعرفونا
يوم يجي الميعاد
وكت الزنقة لي الاصوات
بي بسمة يهنونا
أنتو الساس وانتو الرأس
أنتو أهل البلد من جم
تاني يغشونا
ونحن نتغشى
نصحى مع صياح ديك
نشيل أوتنا مبسوطين
لعلو إنعدلو
نديهم نجيبهم تاني
فوق ريسينا يحكرو يقعدو
وزي الهم جند الله
وما بتلم

وعاد لآمتين

Quote: تحياتي ومودتي

التحية ال ..........

امشي كدا يا مسنووووووووووووووووح

Quote: التحية ال .......... امشي كدا يا مسنووووووووووووووووح

يسامحك الله يا الطيب الطيب
ولك مني التحية والمودة مرومة زي طيبة أهلنا
المغلوبين على أمرهم وبرضو يدلو بصوتهم لخانقي قوتهم


..........................
الليلة نازل مني إتفشى

لحين ميسرة

لحين ميسرة يا ناس...

Quote: لحين ميسرة يا ناس...

الفاضل طلال عفيفي
التحية طيبة سلااام

وما أجملك مرورك المعبر في صمت
وفي الصمت حديث وفعل لو أتاحت فرصة
ظللنا عمرنا كله نُحكم بقئة الحديث والحديث الرنان
تفوح منه رائحة الوطنية الفالصّو والتي تنتن في أول موقف وطني

وحال الباب يحكي لحين ميسرة
حال صاحبي الذي كان ميسور الحال

أين الحل لسودان آمن ينعم بنوه بالطمأنينة والرخاء في ظل
حكم غاد
متى تلغى تأشيرة الخروج ؟؟؟
هذا السجن الكبير الذي نمر عليه مرور الكرام فرح الواحد
( عملت تأشيرو الخروج )
فرحان أ،ه طلع من البلد بإذن من جلاده وسارق قوته وقوت أبناءه

ولحين ميسرة

ماتقولوا يا أخواني
من الفزع لي بلدنا
منو البمرقنا من وكر الطين
ماشايف ضمة
العكر غطاني
أعماني
بقيت اشوف بصيص قدامي
كل القلنا موسى طلع فرعون
الشكية لي أب إيداً قوية
مافي فزع ومافي معين
نظل واقفين
وعاد لي متين
ليوم الفصل والدين

ود المنسي يا صابر
عليك سلام الله وسكينته

Quote: ماتقولوا يا أخواني من الفزع لي بلدنا منو البمرقنا من وكر الطين ماشايف ضمة العكر غطاني أعماني بقيت اشوف بصيص قدامي كل القلنا موسى طلع فرعون الشكية لي أب إيداً قوية مافي فزع ومافي معين نظل واقفين وعاد لي متين ليوم الفصل والدين

أتمنى أن لا تكون حواء السودانية قد أمسكت
عن ميلاد الأماجد.
هل عدمنا القائد المخلص الذي يتقدم شعبه
ليخرج بنا من هذه الغابة الظلماء

والشمس لو طال غيابا
ما بتقصد دابا تطلع
بس بتتأخر شوية

نرجو أن تكون شمسا سليلة نيل

Quote: أتمنى أن لا تكون حواء السودانية قد أمسكت عن ميلاد الأماجد. هل عدمنا القائد المخلص الذي يتقدم شعبه ليخرج بنا من هذه الغابة الظلماء والشمس لو طال غيابا ما بتقصد دابا تطلع بس بتتأخر شوية نرجو أن تكون شمسا سليلة نيل

الفاضل جعفر
وهل نفرح بفتح خيبر أم بقدوم جعفر

أخي طال صمتنا وطال صمت الصمت فينا
وأدمنا أن نطلم والسوط مرفوع فينا
الشرخ كبير وبالغ العيب صار فينا
هل يجبر كسر حِصان شاخ بين حين وفينا

الدخلت فينا مابتمرق بي هين
ما أفسدته الأنظمة عسكرية كانت أم حزبية ظال زمانه 54 سنة نردح
من فساد لفساد ونحن راجعين لي ورا

الدور والهم كبير والله يستر
التجرد نسيناه كيف
( البلد أمها ميتا وأبوها مشى الحجاز )
ومافينا وجيع نجعجع براميل فارغة وصوتها مرتفع

وعاد لي متين

مودتي جعفر

كمّين عام
وعام فوق عام
نلوك المر
وفيهو ضقنا المر
كربنا حِزامنا
زاد وجع المر
كربنا الكربة كرب
طعامنا المر
وطعموا المر
نظل نتبسم
في وجه الزمان الشين
نصلي ونعبد سيدنا
وما جاجدين
نجمد الكريم وحنين
فقدنا الدنيا
نعضي بي نواجزنا
فوق درب الدين
نفوز بيها أخرة
عند رباً كريم وحليم
وهادا شعارنا
أهلنا يا الطيبين
وعلي الجمر قابضين
ماهانت عزائمكم
خايضين في الوحل والطين
وعلي مر الصبر عايشين
وعاد لي متين

سلامات ود المنسى

وين اراضيك

Quote: من فساد لفساد ونحن راجعين لي ورا

الفساد انواع وممكن نعالجو او نبترو

المشكلة فى البنية الاجتماعية الناتجة

وظهور بعض الصفات النتنة الماعرفناها الا فى الزمن دا

,,,,

بئساً

ا

Quote: الفساد انواع وممكن نعالجو او نبترو المشكلة فى البنية الاجتماعية الناتجة وظهور بعض الصفات النتنة الماعرفناها الا فى الزمن دا ,,,, بئساً

الفاضل مرتضى الكجم
لك التحية سلاااام

وكان معول الهدم عبر السنين طويل
مامن فراغ جات خيبتنا
من عملنا
ربنا يسلط علينا من لا يخافه ولا يرحمنا
النفس يا كجم بناء الضمائر شئ صعب لكنه ليس بمستحيل
عيوبنا كثيرة
شكراً على المرور الجميل وأبقى قريب

تحياتي ومودتي

ونظل رافعين اليافطة
اليافطة أم زيق الدمورية

وهمنا بوسطة ومدرسة أوسطى والشفخانة قصاد البوسطة

مأساتنا
ونحن شعب طيب شديد

وما طيب لما نعتل كرسي مسئولية
نركب ضنب شيطان وقرونو
فهمنا للمسئولية ولو كنا كلفنا بها أن نفرض رأينا وحتى لو غلط
مع أني في زماننا هذا لا أجد من يكلف ( قلة ) لكن الغالب يسعى لها بكل السبل


حتى نظهر ( أنا المسئول هنـــأ ).

وظفت لجنة أحد المساجد رجل كبير السن
وقالت له أنت مسئوليتك ان تملئ الأباريق للناس الجاين
لكي يدخلوا بها الحمام...
فكان الرجل يجهز الأباريق في صف مليئة بالماء وهو جالس في كرسي.
يجي الزول داخل الحمام يعطيه واحد وهكذا.. ولما يطلع يملئ الأبريق ويختو في الصف
في مرة من المرات جاء رجل وكان الرجل مزنوق شديد جاري جري
ختف أول أبريق وجرى بي على الحمام ..
والرجل يجري ورا ( تعال يازول تعال يازول )
ما أشتغل بي الرجل قضى حاجته وعندما خرج الشكلة دورّت
كيف تشيل أبريق براك ؟؟؟؟
سألو الراجل : الأبريق بي قروش
قال لي : لا
طيب فيها شنو لو شيلتو براي ؟
قال الرجل : طيب لو بخلو كل زول يشيل برا ابريق
أنا هنا مسئول من شنو وقاعد اسوي شنو ..؟؟

هذا مثال من كثر

المسئول في السودان

في بلادنا مشاكل كثيرة
( سياسية - اقتصادية - اجتماعية - صحية - بنية تحتية - حريات وغيرها )

السؤال هل كان هناك برنامج من برامج المرشحين لرئاسة البلاد.. برنامج واضح كامل لها

ومعالجتها ... وكيف يكون ذلك؟

ديل ناس يس عاوزين يحكموا ويخموا

مأساتنا
إنا أناس طيبون
ولأبعد الدرجات
ونجري ندلي بأصواتنا للمرشحين علي شنو ؟
برضو نحن ماعارفين

لنرى ماذا قال الشاعر : عزالدين هلالي

في اليوبيل الفضي للاستقلال

مقطع أول ::::

واحد واحد .. ستة وخمسين
حتى استقلالك بالتَّسنين
يا بلدي يابلد المسنين
اللسّع ضايعين وغلابة
اللسّع عايشين بالأمال
الما لقوا لسّة جواب لسؤال
هو صحي استقلال
ولاَّ استغلال !؟
بالقاف بالقاف
ولا هو بالغين ؟
يابلدي حتتهجيهو متين ؟
دا اريتو استقلال التابة
عمرك طرادة ولي هسّع
لا عرفت قراية ولا كتابة!
عمرك طرادة ولي هسّع
نصك عايش عيشة الغابة

ماهي الديمقراطية التي تريد أن تحكمنا بها
هذه الأحزاب ؟

نحن مادايرين غير الحرية وبنية ولو كانت شوية ( صحية .. اجتماعية .. تعلمية .. اقتصادية )

دي كيف ؟

وانتم تفتقرون للديمقراطية في لائحة أحزابكم

من ماقمنا
الترابي رئيس الجبهة
علي عثمان حب الرئاسة وقسم الجبهة
نقد قابض قوي بفكو الموت
الصادق من بلغ 30 سنة وما فكاها
وغيرو وغيرو
الميرغني راعي الحزب ويفضل راعي

وعاد لي وين ؟

قانون بلادنا
الصغير يفضل صغير
ونتظر الدور الذي قد يطول محكوم بقدر الله
( موت من في الصف )

في المقام الأول
وطنيتنا ضعيفة شديد

بنحب بعض لكن ما بنحب بلدنا

نشتاق لبعض عندما نكون في الغربة ونقول مشتاق للسودان

وما زالت أصوات البواري ترن في مسامعي
ومن زمن بعيد

( سجمي نورا ... سجمي بتّي )
( بمشي وأجي .. في حوش علي )
( يا الأبعدوك مننا )

أصوات مميزة

ويا اللوري .. عليك الرسول بوري

قالوا السنة ناوي ليك حجة كلام دا صحي ولا كضب ساى؟

Quote: قالوا السنة ناوي ليك حجة كلام دا صحي ولا كضب ساى؟

الله يسهل


تحياتي

في عيون أهلنا الطيبين
حيرة
ولع
خوف من مستقبل مجهول
إحباط
هلع
هواجس متداخلة
شك لا يقين
خلوني في حالي

وهي دخيلة

من أين تكونت

صاحب العقل يميز

شماعة فضفاضة
كُلفت لكي أترشح لشغل منصب كذا

نسأل وهل التكليف يتنافى مع الأعتذار إذا كنت أرى أني
لا أستطيع أن أسوّي الطريق لبغلة حتى لا تتعثر بحلفا أو جوبا

يا الناسين ضميركم
وما خايفين عذابو
يوم الحق هناك
يوم واقفين في بابو
يوم يشألكم الله
يا الناسين حسابو

بتمشوا وين ؟؟؟

من قصيدة عزالدين هلالي

المقطع الثاني

خمسة وعشرين سنة من عمرك
ولسّة العالم عايشة غلابة
خمسة وعشرين سنة والعامل
لسّع شغال باليومية
استقلال مامحى الأمية
استقلال ماحلَّ قضية
خمسة وعشرين سنة والعامل
لسّة بضرّب في الماهية
يحسب أكلو وتطلع فارقة
أكل أخوانو وتطلع فارقة
أكل أولادو وتطلع فارقة
وبعد أيام صف التأشيرة
يكون استقبل زول للشارقة
ماستغربوا جداً
وتسألوا ليه العالم مارقة
ليه بهاجر عامل ماهر
دي شريغتنا عليها الظاهر
إذا كان واحد زيِّ وزيّك
وزينا كان يرجى الماهية
موظف رزق اليوم باليوم
بالتلتلة عايش بالزندية
عمل الليلة مرا وعربية

حليلو هو
لا اللوري عاوز يضرب لينا بوري
لا فقنا من الحُلم

كيف ومتى ولما ومن وكم وأين وما وكل سؤال يخطر ببال
إنسان بسيط عاوز يعيش ؟؟؟؟؟؟؟

أين نجد الإجابة ؟؟؟

عزالدين هلالي

مقطع ثالث

نحنا ضحية
نحن النَّاس العايشة ودار
نحنا الجيل الجربوا
فيهو جميع أنواع الاستعمار
نحنا الجيل الجربوا
فيهو جميع أنواه الإستهتار
نحنا الجيل الما وروهو
ولا في يوم معنى الوطنية
الوطنية في نظر الحاكم
هي التسّليم للحزب الحاكم
ونبذ الماضي
وكل الكان
ما ورونا معنى الأوطان
ولسّة بنحلم بالإوطان
ولسّة بنحلم يا إنسان
ولسة بنحلم يا السودان
ولسّة بنحلم بي أزمان
فيها الخير في كل مكان
وفيها الحـــــب
للأرض الحبلى
وفيها الوطنية الأوطان


....................
غليك الله يا اللوري أضرب لينا بوري

عزالدين هلالي

مقطع ثالث

نحنا ضحية
نحن النَّاس العايشة ودار
نحنا الجيل الجربوا
فيهو جميع أنواع الاستعمار
نحنا الجيل الجربوا
فيهو جميع أنواه الإستهتار
نحنا الجيل الما وروهو
ولا في يوم معنى الوطنية
الوطنية في نظر الحاكم
هي التسّليم للحزب الحاكم
ونبذ الماضي
وكل الكان
ما ورونا معنى الأوطان
ولسّة بنحلم بالإوطان
ولسّة بنحلم يا إنسان
ولسة بنحلم يا السودان
ولسّة بنحلم بي أزمان
فيها الخير في كل مكان
وفيها الحـــــب
للأرض الحبلى
وفيها الوطنية الأوطان


....................
غليك الله يا اللوري أضرب لينا بوري

ولما الهم يزيد بنشغل نفسنا
بي الهم اليزيل همومنا
نفتش في عضيم شليل

شليل وينو أكلو الدودو
شليل وين راح فختفو التمساح
شليل يا الإتمقلب شالو الثعلب
شليل يا مسكين فازبّهو أب سكين
شليل عضم اللعب شالو الكلب

والدودو .. والتمساح .. الثعلب .. وأب سكين .. والكلب
هم المتقاتلين علي حكمنا....

حقوا نغير أسم الحكام
بأسم يناسب هذا المنصب
لأن الحكام يجب أن يحكم فينا بالعدل
صاح ولا ماغلط ؟؟
ماهو الاسم المناسب ؟

ولما الهم يزيد بنشغل نفسنا
بي الهم اليزيل همومنا
نفتش في عضيم شليل

شليل وينو أكلو الدودو
شليل وين راح ختفو التمساح
شليل يا الإتمقلب شالو الثعلب
شليل يا مسكين فاز بي أب سكين
شليل عضم اللعب شالو الكلب

والدودو .. والتمساح .. الثعلب .. وأب سكين .. والكلب
هم المتقاتلين علي حكمنا....

حقوا نغير أسم الحكام
بأسم يناسب هذا المنصب
لأن الحكام يجب أن يحكم فينا بالعدل
صاح ولا ماغلط ؟؟
ماهو الاسم المناسب ؟

في زمان إنسلخ الظفر عن لحمه
في زمان شاب في الفتى من همه
في زمان الرؤية فيه معكوسة
وفي زمان الشر فيه فضيلة
والفضيلة بي الكعب مديوسة
نعم تعني لا .. ولا بقت منفوسة

في زمان لو سؤلت عن اللون الأسود .. هل هذا أبيض عليك أن تقول
تجيب : ناصع البياض
عشان تكفى شر

ومتى الفرج ؟؟؟
أللهم فرج كربنا وسلط علينا من يخافك ويرحم ضعفنا

أين نحن الآن ؟؟

لكي نعرف ... ماذا نفعل ؟
فقدنا الزمان والمكان وعايشين وماعايشين

سترك ياربي

لحيـــــــن ميسرة

خالد المنسى ....
عدت ، .. وعادت ليالى السمر ... بين التلال والقمر
الهم ذهب واندمر والجو تعطر خمر ..
حاشية :

( وهناك فرق بين الخمر بضم الخاء والخمر بفتح الحاء
وكل له مبتغاه وهو يتفيأ ظلال حديثك السمح .. )

Quote: خالد المنسى .... عدت ، .. وعادت ليالى السمر ... بين التلال والقمر الهم ذهب واندمر والجو تعطر خمر ..

نغم الساقيات حرك أشجاني
وهاج الهوى أنين السواقي

أأتني بالصبوح يا بهجة الروح
يرحنّي إن كان في الكأس باقي

وإن قلت الثانية

طابق البوخّة
قام من نداهو مفرهد
نام من الدوخة
إيدو عاقباهو
الجدلة مملوخة
ولي معالق الجوف
موسو مجلوخة

الجميل محمد مختار شكرأ على مرورك الذي أبهج الروح
إشراقاً وحسنا

تحياتي ومودتي

سنردح أعوام أُخر في ظل فساد وخراب زمم
وكلما فاض العائد على الجيوب جادوا علينا بمشروع
تساوي كلفته ما كفته تمساحين بس

وتظل التماسيح عايشا
وصيدها الجربانة دايشا

ما أستغربه كيف حوى النيل وأنهاره هذا الزخم الهائل
من التماسيح والأغرب أغلبها
عُشاري معشعشا فوق نوايبو الطير
حليلو جزايرو جاها النيل
وحالف ما يخلي فيها شبير

ماهو برنامج البشير أو حاتم السر أو غيره

بس نحن المساكين وبقت القضية تحصيل حاصل
أكون في رئيس للبلد
من هو وما برنامجه .. ما مهم
المهم يكون شخص يفهمها صاح ويغض النظر عن معاونيه ودي امهم شروط
أنتخاب المرشح الحزبي

منتظرين يا اللوري

مافي برنامج لحل المشاكل الموجودة في بلدنا
والتي لا حصر لها

هل حدثنا البشير في برنامجه عن حل لواحدة من مشاكلنا التي شابت رؤوسنا

وكان البينا كان ونظل كما كنا بل يمكن أن يسؤ حالنا بمحئ تماسيح جدد
دعموا هذا أو ذاك في الانتخابات الأخيرة

بس نقول الله المستعان

Quote: تجي الإنتخابات نتصبر بي العشم تتكون حكومة نلوك الندم وتاني نعاين للسماء راجين الفرج يأتي من السماء ويطلع من المدفع خازوق يزيد خوازيق البلد يرتع تحت ظل ظلمه جيل أخر وعاد لي متين وفُوق يا غشيم ومازال أحمد موسد الرأس الضراع

يااااااااااااااه

تسلم استاذى العزيز نضمك نضيم

واصل محتاجين شديد لرسم الصورة الحقيقية( للزول السودانى )الغير واضحه بس عشان بقت عادية لدرجة ماحاسين بيها

لحين ميسرة بنرجع
نعود
البلد جايطا
فوق شنو ما عارف
هي خروفين كرامة
هدية صوت
وبعدها
كل قرد يطلع حبلو
وفضو الساحة
لي البلاعة
يبلع جب

وما بفرز كال زكاة ولا مال بترول ولا مال ركاز وحت مال اليتيم وصلو

Quote: يااااااااااااااه تسلم استاذى العزيز نضمك نضيم واصل محتاجين شديد لرسم الصورة الحقيقية( للزول السودانى )الغير واضحه بس عشان بقت عادية لدرجة ماحاسين بيها

الفاضلة نجلاء سيد أحمد
لك منّلا التحية سلاااام يغشاك ويحميك


لك الشكر أطيبه وأجمله على هذا المرور وفيهو براحة وصدق منك

كل منانا يا نجلاء أن يفيق المواطن العادي وهم كُثر من نومه ويعرف
ما يصلح وينفع وما يضر وهو شر

نريد أحمد أن يضلح رقدته ويخلي التفكير في هم باكر متوسد ضراعه

نريد أن نخرج من ظل السزاجة منتظرين اللوري يضرب لينا بوري ونفرح

لك مني الشكر الأخت نجلاء

وكوني السعادة تغمر لعل بكرة أحلى من اليوم
ونظل ندعو الواحد الأحذ وما خاب من رفع يديه لله

ولحين ميسرة ووضوح رؤية

وربنا يلطف

وقولوا يا لطيبف

ديل حكامنا




اللهم ثبتنا على كراسينا !

وبارك لنا فيها !

واجعلها الوارث منا !

واجعل ثأرنا على شعبنا !

وانصرنا على من عارضنا !

ولا تجعل مصيبتنا في حُكمنا!

ولا تجعل راحة الشعب أكبر همنا ولا مبلغ عِلمنا !

ولا الانقلاب العسكري مصيرنا!

واجعل القصر الرئاسي هو دارنا ومستقرنا !

اللهم إنا نسألك فترة ممتدة !

وهجمة مُرتدة !

والصبر على المعارضة !

والنصر على الشعب !

ونسألك الحُسن لكن لا نسألك الخاتمة أبداً !

اللهم ارزقنا معونة لا نسرق بعدها أبدا !

اللهم لا تفتح أبواب خزائننا لغيرنا !

اللهم أعطنا كلمة السر لحسابات الحكام السابقين لنا في بنوك سويسرا!

اللهم وفق أمريكا لما فيه خيرنا !

اللهم اغفر لـ (أوباما) فإنه لا يعلم أننا لا نعلم !

اللهم وفقه لما فيه 99% من أصوات الناخبين !

اللهم نجهِ من أي إعصار أو كارثة طبيعية لأننا سنلوص مع شعوبنا من غيره !

اللهم عليك بشعبي، أما أعدائي فأنا سأتفاوض معهم !

اللهم ارزقنا حب أمريكا !

وحب من يُحب أمريكا !

وحب ما يُقربنا إلى حب أمريكا !

------------ ------

اللهم أمركني ولا تأفغني !

اللهم برطني ولا تصوملني !

اللهم فرنسني ولا تسودني !

اللهم ألمني ولا تؤلبني !

اللهم أني أبرأ إليك من الاستعانة في حكم شعبي بأحد !

ولا حتى بصديق، ولا برأي الجمهور !

اللهم أني أعوذ بك من كرسي يُخلع !

ومن شعب لا يُقمع !

ومن صحيفة لا تُمنع !

ومن خطاب لا يُسمع !

ومن مواطن لا يُخدع !

وأعوذ بك من أن أجلس على الكرسي ثم أقوم أو أ ُقام عنه!

اللهم ثبتني على الكرسي تثبيتا !

و شتت المعارضة تشتيتا !

من كان منهم اتحاديا او شيوعيا !

ومن غيرهم من الامة او بعثيا

ولا تبق غيرنا شيطاناً او عفريتا !

اللهم آآآآآآآآمييييييييين

أهداف من خاضوا ومن كانوا ينون خوض الإنتخابات

شعارهم قسم النص حسنين
( ما بطلع من الولد بدون حمص )

ديل
يختفوا اللُقمة إن حفّت
من جنحين الملك إن رفّت
وسيدها يموت بي الفاق

وحتى اللقمة إن فات
لي البستاهلا يندموا
ليه ماجاتهم

قولولنا كيف الدبارة
قد أظلمت كل الأمال في وجوهنا
مللنا كل الوعود الكاذبة
من هذا ومن ذاك
وكل يبدأ معنا بنفس التيمة ( الموضوع )
تجي الأحزاب تسب العسكر
يجونا العسكر
نسبة لما آلت إيه الدولة من فوضة قررنا نحن الضباط
أن حتوي الموقف لحين ونسلم الحكم لسُلة صالحة
وين الصلاح فينا
والبشتري ما زي المتجرد
المتجرد هو شخص زاهذ في أن يتولى منصب في يوم رغم
أنه يدري كفاءته لشغل المنصب
ومتى يجي هذا ونحن في انتظاره
بلدنا دايرا أخو أخوان وأخوات ونفسو محدثا
رجل يبحث عن الرجل المناسب للمكان المناسب

حلنا هو :
أن نعمل لتوعية السوداني البسيط
صاحب الصوت ونخرجه من بوتقة الإستغلالية
التي يردح وردح فيها زمانناً طويل ....
ولازم يعر واجبه وما هعليه تجاه الوطن
لابد أن يعي لمن يكون صوته
لا لشخص بل لبرنامج يرى فيه ما له كمواطن

يجب التحرر من التبعية والعبودية للإحزاب والطائفية
أنا ختمي لآن جدي ختمي وأنا أمة لآن أهلي هم الأنصار

وأنا مؤتمر أو حركة شعبية عشان أعيش وحتى لو كان ذلك في جُلباب
إنتهازي واعي وأحسبها كويس

يجب علينا توعية المجتمع ليعلم كيف يختار بمحض أرادته كيف لا يصغي
على أن يملاء عليه

وإلا سوف نظل منتظرين اللوري يضرب لينا بوري في ظل حكم حزبي تهمه مصالح
المشاركين الفوق وزبانيتهم التي أوصلتهم للحكم
لو فضلنا متى يشبعوا هؤلاء هم وزبانيتهم تكون قد أنتهت الفترة المحددة للحكم
ولسع ما شبعوا ويسعوا يجوا تاني فوق رقابنا ورقاب أهلنا الطيبين موسدين الرأس الضراع
ولدغوا من حجر واحد ألآف المرات

أو يجونا العسكر من تاني ونرفع اللافتة أم زيق الدمورية
الله يخلي لينا النقادة لنسيج الدمورية نقطع ونكتب شعارنا

دايرين
حالكم يخاف فينا الله ويرحم أهلنا
يخلي أحمد يتحول من رقدته موسد الرأس الضراع .. سارح في
مشاكل الحياة وهمومها .. ينعدل في رقدته علي جنبو اليمين
وقد تفارقت أجفانه من زمن بعيد .. ينام نوم هنئ لا هم ولاغم
يسرق النوم من عيونه

أن يعم العدل ربوع بلادنا
لا محاباة ولا محسوبية ولا تشريد
أن يعيش كل مواطن معزز مكرم في داره لا يخشى إلا الله خالقه

يعدل بيننا دون جهوية أو لون سياسي

ولا لشعار أنت معنا أو ضددنا معنا تأخذ حقك وحق الضددنا

لا تقولون أني بحلم
نحن أناس طيبون .. لابد أن نطلب كيف نحكم
وماهو العيش الشريف

نحن مستعبدون من الوصي الذي ركب فوق رقابنا ببندقيته
ومن الذي نوصله للسلطة بأصواتنا ( هما سواء )
كلاهما رافع صوطه فوق رقابنا
الفرق أن العسكر يأتي من أولها رافع صوطه أم الأخر
يتنمرد بعد حين ليته طويل في مدته
لا ما إن جلس على كرسي المسؤلية وحتى قالها ملئ فاهه

لكل اللذين يشغلون مناصب تنفذية تهم أمر المواطن
نطلب منهم ونذكرهم
التحلي بالكلمة الطيبة عند قضاء معاملة لنا
وإن كنت غير مستوفي لشروط المعاملة من حقي أن أجد
الرد بكلمة طيبة
وذها شائع في بلادنا لو عاوز تقضي اي معاملة تلزمك واسطة
وإلا تتأخر أو ترفض

الحسنة بتمعط شارب الأسد
تكون منهجنا
في البيت والشارع والمكتب
ليه بنكشر في وجوه بعض

أن تكون مهام المسؤل في حدود مسئولياته
وكلنا نعلم كيف يتعامل المسؤل في بلادنا
ينهي ويأمر ويحل ويربط بحكم منصبه حتى في
في الشارع
يازول اسكت انت ما عارف دا منو
دا المسؤل الفلاني او الوزير الفلاني أو الضابط الفلاني

يدخل لاي مكان لانو مسؤل في الزحمة له الأولوية لانه مسؤل
تقضى معاملته لانه مسؤل ننظر له لانه مسؤل كفاية كدي
نحن البقينا مسؤل ليه يزدر علينا

باللطف والله يجد كل الاحترام من أهلنا

محاسبة كل من شغل منصب مسئول ومحاسبة دقيقة
( والمال السائب بعلم السرقة )

من ما ولدنا وشفنا خلقنا ومن ماولدو أبهاتنا وأجدادنا وشافوا خلقهم
ما سمعنا يوم أوقف مسئول وتم حسابه
لا كبير على القانون
لا كبير لمن تقوده نفسه أن يمد يديه لمال وحق الشعب
يجب أن يحاسب وعلى مرئ وسمع كل الشعب حتى يتعظ من توسوس له الأمارة بالسوء
أن يفعل كفعله

كل وزراءنا شرفاء وبلدنا فقيرة
طيب بمشي وين المال العام دا

نشدد على محاسبة كل من شغل منصب
ليس إلا لسد باب الشك

ليس كل من يولى شريف وعفيف
وقد حاسب عمر بن الخطاب رضي الله عنه عماله جاعي الزكاة
وهم يفوقنا ايمان بالله ومعرفة لدينه الحق

( هلا جلست في بيتك حتى تأيك هديتك )

مافي كبير على السؤال
وخير له ولنا أن يسأل هنا
من السؤال يوم الحق هناك يوم واقفين في بابو

أن يكون الحق لكل مواطن حق كامل
والواجب عليه واجب كامل
وأن يكون كل الناس سواسية أمام القانون والحقوق والواجب
لافرق بينهم للون سياسي ولا جهوية ولا دين
حق المواطن السوداني

القضاء على المحسوبية ومحاباة الحكام
نبذ عادة أن يقرب الحاكم أو السئول أهله وذويه والجار والجار الجنب
وناس البلد كفانا ودا الأخرنا ان يشغل ا########فة قريب لمسئول وكان أحق بها
من هو أكثر منه كفاءة وقدرة على الأبداع فيها

ومثال أن وزارة الطاقة والتعدين مشلخة شايقي لا أعني تعدي أو قدح في قبيلة لكن دا
الحاصل وهذه مثال من كثير ونعرف ونرى كيف أن لونك السياسي يقدم على مؤهلك الأكاديمي

كفاية دا عاوزين سودان نضيف
أنتهى زمن فاتحة أبوعلوة تفتحها عند ابوعبده

الكسرة فطيرة ومرة وأم زريزرة وبكل أشكالها كانت خبز الفقراء
إنقلب الوضع كما إنقلبت أوضاعنا وصارت حصراً للمقتدر

اها دا نقول في شنو ؟

يا حليل أيامي
أيام هنايّا
أيام كان الخزين
معايّا

ونتحسر على كل جميل
والغريبة الجميل في بلدنا يمضي مولّي وما بعود
وكل الجمال لزوال في بلدنا
ونحن راجعين ديمة لي ورا زي بول الجمال

ولحين ميسرة

لحين ميسرة

أنــأ .. ونعزذ بالله من كلمة أنا
أن لا يكون لها حظ في تعاملنا راعي ورعية
مسئول ومواطن
مواطن وأخر

والله نعيش احسن عيشة

لحين ميسرة

لحين ميسرة

لحين ميسرة

لحيـــــن ميسرة

بس يا عمر صديق
كان تجيبو لي لوري وبضرب بوري

سجمي نورة سجمي بتي
ولا
أنتِ كلك زينة
ولا بمشي وبجي في حوش علي
طانطروات طانطروات

تحياتي ومودتي ودصديق