يا اهل جدة وبوردابها اني ذاهب للانتخاب الان ... ( باذن الله )

فمن اراد ان ينتخب فليلقاني في القنصلية , ومن كان مقاطعا فله مقاطعته ويبلها ويشرب مويتها
فان البشير فائز ( ان شاء الله )

وهذا رمزي الانتخابي



هلا هلا بالقوى الامين

الله يوفقك اخي ابومحمد

امس مشيت السفارة مرتين وما صوتا للزحمة الشديدة

من اصحاب الشدرة.

اليوم مساءا ح اصوت باذن الله.

بالله سوق معاك صاحبك الرفاعي حجر كمراقب.

قشة ما تعتر ليك

العصايا أماناً من الكلب


والسكين أماناً من السلب

كيف بالله عليك تدعم من إغتصب السلطة بليل
كيف تدعم من قتل أبنائنا فى الجنوب بدعوى الجهاد
كيف تدعم من قتل 28 سودانيا فى رمضان وفى قبائل العيد
كيف تدعم من قام بتسليح الجنجويد وأشعل مشكلة دارفور
كيف تدعم من يسعى لفصل جنوبنا الحبيب عن الشمال لأن خاله الطيب مصطفى يريد الإنفصال ولا يحب الجنوبيين
كيف تدعم من فصل وشرد آلاف من المواطنين الشرفاء ليحل محلهم الجبهجية والكيزان
كيف تدعم من قام بتخريب الخدمة المدنية
كيف تدعم من عذب الناس فى بيوت الأشباح
كيف تدعم مغتصب النساء فى دارفور معتقدا أن فى ذلك شرف للغرباوية كما ذكر الترابى
كيف تدعم من قام بتصفية الزبير محمد صالح والدكتور جون قرنق وغيرهم من الشرفاء
كيف تدعم من جعل السودان دولة أمنية تقوم فقط على حراسة نظامه
كيف تدعم من قام بإثراء أخوانه وأمه وكل أهل حوش بانقا وعلى حساب الشعب السودانى
كيف تشارك فى جريمة التزوير والعمل على فصل الجنوب عبر هذه الإنتخابات المهزلة
كيف تصوت لمن هدم التعليم والصحة والزراعة وهو يحسب أنه يحسن صنعا
كيف تعطى صوتك لطغمة مجرمة تعمل فقط لمصلحتها ومصلحة المطبلين لها من أمثالكم

أين الوطنية وما هو معنى الوطن لديك

هل تسعى لمنصب أم تسعى لدنيا (لا لدنيا قد عملنا) أم أنت مصدق أن (هى لله هى لله)

وأى إله يرضى بما تفعلون

قال احدهم:

الرحمة بتكورك فى بلاد الغربة
الرحمة بتكورك والعمائل كعبة
فاكر رحمة الله يا أب شانق لعبة
ولا الرب رهو منك بتمسكو رهبة

لا أقول فيك يا هذا إلا كما أمرنا أن نقول فى مثل هذه المواقف:

إنا لله وإنا إليه راجعون

أمشى يا ولدى أمش أدى الشدرة قشة ما تعتر ليك ما دام الجتة بقت فطيس ساى لا روح لا وطنية لا رجالة لا غيرة على الوطن

حسبى الله عليكم

وبعدين يا ريت لو عندك كتاب تاريخ قديم مرمى فى البيت شوف بالله معاك مصير الطغاة دايمن بيكون شنو لعلك تعتبر أنت وأمثالك

وأرجو الراجيكم

تحسبو لعب

يا صاحب زي ما قالو ليك قشه ما تعتر ليك والنيم ظِليمة وورقه أخضاااار وتحت بئر بترول

وصاحبنا بشير أحمد جلس تحتها من زمان أسئلو كيف الظِل لما يباري الزول بعدين أنتو الكيزان ديل عيب ولا سرقة جيب ماتغطغطو الشغلة واضحه ولا شنو مالكم داسنها كده واحد يقوول ليك أنا قلت زمان بدي البشير واحد يقول ليك شوفت أنو الزول المناسب ياجماعة ما عيب تقول نحنا كيزااااااان بالفم المليان مايهو ديل ناااس السيدح وودالباوقة
ماخائفين ولا حاجة هسي جاتم شنو ما ماسكين الطبول وهاك يارقيص ليكم تسلحنا وماداييرين الأمريكان وقمحنا كتير بكفينا وهلمجرا أجري يا صاحب خير من أستأجرت القوي الأمين.

،،،،أبوقصي،،،،