أسمع تزوير ولا أري مُستندات...

هل الاخطاءالفنية تُسمي تزوير؟

إنتو عايزين الناس تتعلم الديمقراطية من قولت تيت
من غير أخطاء؟

كل البوستات القريتها كلها تتكلم عن اخطاء في السجل
الانتخابي ؛او اخطاء في بطاقات الاقتراع ؛

واحداث سماعية وردت لاعضاء المنبر.

ناس المعارضة مفروض يتعلموا من التجربة دي ؛

يمشوا يشوفوا التزوير وين ويجبوا وثائق ؛

ويصوروا اي حاجة ؛
ويجوا يفندوا التزوير
واحد اتنين تلاتة .

لكن حكاية تجيب لي لينك بتاع بوست مامعروف مصداقيته شنو
ما ح اقبلها منكم يامعارضة.

Quote: ناس المعارضة مفروض يتعلموا من التجربة دي ؛ يمشوا يشوفوا التزوير وين ويجبوا وثائق ؛ ويصوروا اي حاجة ؛

كتب سايمون في الراكوبة

"واخير اخرجت من المركز بقوة الشرطة بعد ان مسحوا اغلب الصور من موبايلي ولم يبقي الا تلك الصور المنشورة ويبدو ان من مسح الصور قليل الخبرة في الموبايلات

الصور الممسوح عبارة عن صور اطفال صغار السن وصورة خيمة الموتمر الوطني في مركز التسجيل وبعض الادلة الخاطئة التي رافق التصويت مثل توجيه الناخبين من قبل الموتمر الوطني في نفس محل التصويت"

http://www.alrakoba.com/vb/t64499.html

اخونا محمدالشيخ

تحياتي؛؛؛

طيب انا ممكن انجر لي اي قصة واكتبها في موقعي واجيبها
هنا كديل زي ما انت جبت.

البينة على من ادعى واليمين على من أنكر




أقسم بالله العظيم وكتابه الكريم أن هذه الانتخابات مزورة مزورة مزورة



لن تستطيع ولن يستطيع الكائن الذي لا يستحي عمر حسن احمد البشير ولن يستطيع أي من أكلة اموال الشعب السوداني ولغفة السحت والحرام أن يحلفوا على أنها غير مزورة



فما قولك يا فتى ؟

Quote: البينة على من ادعى واليمين على من أنكر

خلاص يا أستاذ فتحي جيبها لي as adocuments

اذا الكيزان بزوروا بدون ما يتركوا اثر ؛

معناها شغلهم نضيف .

_________
التعليق اعلاه لايعني انني أؤيد ذلكـ.

ناس المعارضة العاملين جوطة في الإعلام المرئي والمسموع؛

تزوير تزوير ؛

مافيهم واحد من عضويتهم عندو كاميرا إن شاء حتي كميرة موبايل
ويصور للجمهور العريض ده التزوير حصل وين وكيف وليه؟

______

غايتو...

المؤتمر الوطني شغلو في السلكـ والله ؛
حشد كل عضويته في كل المراكز ؛


بالمناسبة انا للان ما صوتا بسبب الزحمة في جدة.

جدا يا ابني

إذا ديل كلهم

مندوب الشعبي للعربية: طرد مناديب المراقبة بالقوة من مرا...لى انهيار الإنتخابات


الان من مروى امن صلاح غوش يقتحم المراكز ويخرج المراقبين الى الخارج


الفاضل:ضبط بطاقات انتخابية للقياديين غازي وغندور في أيد...المؤتمر الوطني ببحري



المقاطعة تتواصل وضبط حالات تزوير بجبرة و6 مرشحين ينسحبون


بكضبوا

اعتبرني أنا فشلت في انو اجيب دليل

وقوم انت اخدا من قاصرا واحلف بالله العظيم وكتابه الكريم انو هذه الانتخابات ما مزورة



!

يا أستاذ فتحي

قلنا من الاول:

Quote: لكن حكاية تجيب لي لينك بتاع بوست مامعروف مصداقيته شنو ما ح اقبلها منكم يامعارضة.

وكلام مبارك الفاضل بعتبروا بُندق في بحر

واخونا محمد عادل برضو كذلكـ.




عايزين مستندات يا استاذ.

الغريبه رمز الشجره الاخطاء الفنيه مابتجى بى عندوا

Quote: الغريبه رمز الشجره الاخطاء الفنيه مابتجى بى عندوا

القال ليك منو؟

الاخ العزيز بشير احمد

هجم النمر ومحمودالشريف

طبعا أخونا أكبر مستند للتزوير هو التمديد و لا شنو يا ناس دار السلام

أدناه شهادة أحد منسوبي الانقاذ والذى أدلي بصوته (للبشير) :
-----------------------------------------------------------
الكاتب : (أساسي)

قبل ربع ساعة عدت من مركز الانتخاب بالقنصلية العامة بجدة بعد ان قمت بالادلاء بصوتي في الانتخابات الرئاسية , وقد كتبت بوضوح في هذا المنبر اني سوف اقوم بترشيح البشير قبل ذهابي بدقائق , قبل اذان العصر بدقائق دخلت الي مركز الانتخاب وتم توجيهي حسب رقم تسجيلي الذي طلب الي ابرازه ان اتوجه الي اللجنة 2 وبعد ذهابي الي اللجنة رقم 2 قدمت التذكرة الخاصة بي الي الموظف الموجود علي الطاولة , بعد ان قرأ رقمي قال لي انتظر وكان هناك اثنان امامي طلب اليهم الانتظار قبلي , جلست بجانبهم ولا اعرف ماذا انتظر والموظف ليس امامه احد ( وقاعد يتلفت ) , جلست حوالي الخمسة دقائق فبدا من بجانبي التململ وقمت بسؤال الشخص علي الطاولة لماذا ننتظر , قال لي الشخص الذي معه الكشوفات التي تضم اسمائكم ذهب الي الغداء , تهكمت مباشرة وسالت ,يتغدي وشال معاهو اوراق التسجيل , قال لي لا لم ياخذها ولكن هي موجودة بالدرج الذي بجانبه واشار اليه , قلت له والعمل شنو عندنا اشغال , قال هو ما بقدر يتصرف فيها لانه الموظف دا حالف فيها قسم , كان هناك شخص يتوسط (القعدة ) في اللجنة رقم 2 سمع حوارنا واظنه المسؤل من البتاعة 2 دي , قال وين هاشم علي ما اظن , قال ليهو مشي يتغدي , قال ليهو اضرب ليهو تلفون , قال ليهو اسع بجي و تدخل من بجانبي وقال الورق موجود ياخي في الدرج دا وعندنا اشغال , قال خلاص كدي جيبوهو , قام الزول القاعد اول واحد في الصف شال الورق من الدرج ووداهو لكبير اللجنة 2 , وهنا لاحظت حاجة غريبة , لاحظت ان الشخص الشال الورق دا ايدو مغمسة في الحبر والحبر يزين بنانه كالخضاب , وهو لم يقم بعملية التصويت حتي الان , قام كبير اللجنة اتنين قال ليهو اديني تذكرتك , قام اداهو التذكرة الفيها الرقم وفتش وقال ليهو اسم كدا زولنا اليده مخضوبة سكت شوية وقال فجاة ايوة , اها قال ليهو غمس اصبعك السبابة اليسرى في الفتيل دا , قام صاحبنا قال ليهو انا غمستو وجاهز مع العلم ان طول الفترة دي كان الحبر جمب كبير اللجنة 2 والزول دا في الطرف جمبي , اها قطع ليهو ورقة من دفتر كدا فيها اسماء المرشحين قلبها بي ورا وختم فيهها ووقع واداها ليهو قال ليهو ادخل الستارة دي ورشح وتعال ارميهها في الصندوق دا , وقام صاحب السبابة الخضيبة بالعملية .
فاتني ان اقول اني قمت بعملية نقنقة مسموعة واستجواب امام طاولة كبير اللجنة اتنين , سالت الزول صاحب الابهام الخضيب , كيف انت غمست في الحبر قبل ما تنتخب وبتين عملت كدا ؟ قال لي انا جيت اول حاجة عملتها قبيل كان في واحد تاني هنا وغمست اصبعي وبعد داك قال لي امشي للزول التاني وجهت سؤالي لكبير اللجنة , كيف الزول قبل ما ينتخب بغمس يدو , قال لي بعد اعطائك الورقة الانتخابية تقوم بعملية الغميس , اردفت طيب الزول دا مغمس من قبيل او امس ما معروف , تلجلج كبير اللجنة 2 وقال لي بتعلثم ما لم افهمه , هنا احبط وبدات اشكك في نزاهة الموضوع دا كله , كما اني لاحظت حاجة مهمة جدا , الزول اي كبير اللجنة اتين ما سال الزول دا من اثبات شخصيته ولا اقامته ولا جواز سفره واداهو ورقة الترشيح بمجرد انه قال انت فلان وداك سكت شوية اجاب نعم .
قام الشخص الذي امامي بتقديم ورقة او تذكرة اخري غير التي معنا , ساله كبير اللجنة اتين , ما دي الورقة التانية , قال ليهو ديك راحت وطلعت دي بدلها , قال ليهو خلاص جيبها , وفتش عن الرقم وقال ليهو اسمك فلان قال ليهو اااي , قام قطع ليهو ورقة انتخابية واداها ليهو وقال ليهو غمس , النصيحة الزول دا غمس يده بضمير , وشال الورقة ومشي انتخب , وجا دوري مديت الورقة الانتخابية وكرت الاقامة لكبير اللجنة اتين , شال مني الورقة الفيها الرقم وما اشتغل باقامتي قمت دخلتها في جيبي , قال لي اسمك اساسي , قلت ليهو ايوة , قام قطع لي ورقة وقع فيها وختم في ضهرها وقال لي غمس , اولا انا الغميس دا ما واقع لي قمت دخلت يدي في الفتيل وما غمست وطلعتها بدون غميس وشلت الورقة ومشيت , زولنا ما سالنني تاني قمت مشيت وقفت مسافة قدام الورقة عاينت للمرشحين واحد واحد , صريت ليهم كلهم واولهم البشير , عملت قدامه صاح لشيئ في نفسي وهمهمت داخلي نفسي , ساقوم بذلك رغم عدم يقيني بعد الذي شاهدته امامي الان , وطبقت الورقة ورميتها في الصندوق , ويملاني احساس ( بالجلبطة) .

خلاصة الامر , اني قمت بالتصويت قبل دقائق , لا يوجد حبر في يدي الان , رايت شخص ينتخب ويقدم اوراقه بل كان يجلس معي مدة من الزمن وايده مغمسة في الحبر , لم يطلب موظف اللجنة مني ولا من غيري التحقق من هوياتنا .
ببساطة بامكاني الان الرجوع الي المركز وتقديم اي ورقة اخري والقيام بتصويت اخر , فلا حبر في يدي ولا يوجد تحقق من الهويات .


لذاا انا احمل مفوضية الانتخابات كل هذا الاهمال وشبهات التزوير التي رايتها

بعد ان قمت بالتصويت للبشير اقول بكل صراحة اني رأيت في م... في نزاهة الانتخابات