Post: #1
Title: بالله خلف الله دا طلع المفوضية
Author: رغيم عثمان رغيم الحسن
Date: 04-12-2010, 06:18 AM
Parent: #0
فى فترة الحملة الانتخابية بثت المفوضية اعلان تلفزيونى
بدور حول شخص جاهل اسمو خلف الله والناس بتجى تشرح ليهو حقو
وما بستوعب بى سرعة
وفى نهاية الاعلان
بزهجوا منو وبقولوا ليهو
يا خلف الله عزبتنا
امس فى المهزلة دى فى حاجة علقت تعليق ظريف
قالت اتاريهو خلف الله دا طلع المفوضية
|
Post: #2
Title: Re: بالله خلف الله دا طلع المفوضية
Author: رغيم عثمان رغيم الحسن
Date: 04-12-2010, 06:28 AM
Parent: #1
امس فى مركز فى امدرمان فى دايرة مفرقا المؤتمر لى واحد من احزاب التوالى جات قوة نظامية عددا مقدر بى 300 فرد
ودخلت تقترع
اها
العساكر الدمك ديل فى فى ورقة المجلس الوطنى ما لقوا رمز الشجرة
ووقف حمار الشيخ فى العقبة
وبقوا يسالو فى الناس يا جماعة نحنا ما لاقين الشجرة هنا نعمل شنو
فى واحد قال ليهم ادوا العصايا
شخطتوا العصايا واتخارجو
|
|