Post: #1
Title: برافو قطاع الشمال .. مقاطعة تاريخية كاملة شاملة على كافة المستويات !!
Author: دينا خالد
Date: 04-11-2010, 06:14 PM
من الصباح بفتش فى اخبار الحركة بعد التضارب
فى الاقوال من امس اها انا محبوسة فى بيتنا
هسه لقيت ليكم الخبر دا بالتلفون من مصدر بفتكر
انو موثوق ..
نفذ قطاع الشمال مقاطعه لم تخر منها الموية
لمجمل العملية الجارية بالبلاد
لم تشهد كل ولايات الشمال حسب محدثتى اى خرق
لقرار القطاع .. والتزم منسوبى الحركة ومؤيديها
بالشمال بالقرار تماما ...
مافى اى خيمة نصبت فى اى مركز تتبع للحركة الشعبية ..
المقاطعه كانت كاملة ..
وحسب المراقبين سلفا هناك فى الجنوب
لم يدلى بصوته فى بطاقة الرئاسة ..
ـــــــــــــــ
والله مرقنى من علاء يوسف عشان ما يمرق مصدرى
دا اى كلام .. وبتوقع منه بما انه حايم
كان من الصباح شهادة امينه لهذا الخبر !!
|
Post: #2
Title: Re: برافو قطاع الشمال .. مقاطعة تاريخية كاملة شاملة على كافة المستويات !!
Author: صديق عبد الجبار
Date: 04-11-2010, 08:39 PM
Parent: #1
برافو حركة شعبية
شكراً دينا .. ربنا يكتر الأخبار الحلوة !
-----------------------------------
Quote: والله مرقنى من علاء يوسف عشان ما يمرق مصدرى
دا اى كلام .. وبتوقع منه بما انه حايم
كان من الصباح شهادة امينه لهذا الخبر !! |
علاء مشغول مع مسلسل الكيزان وعروة !!! :D
|
Post: #3
Title: Re: برافو قطاع الشمال .. مقاطعة تاريخية كاملة شاملة على كافة المستويات !!
Author: Nazar Yousif
Date: 04-11-2010, 10:26 PM
Parent: #2
الأخت دينا
حاول الكيزان الترويج
لخلاف بين الرئاسة والأمانة
العامة .. ولكن رغم التهديد
والاشاعات نفذ قطاع الشمال قراره
ملقنا الكيزان درسا لن ينسوه
|
Post: #4
Title: Re: برافو قطاع الشمال .. مقاطعة تاريخية كاملة شاملة على كافة المستويات !!
Author: دينا خالد
Date: 04-12-2010, 05:29 AM
Parent: #3
مقاطعه تامة من المرشحين فى دوائر الشمال
والقوائم والرئاسة
ومقاطعه تامة للناخبين من منسوبى الحركة
ومؤيديهم ..
مافى اى خيمة مافى اى معافرة ووجع راس
|
Post: #5
Title: Re: برافو قطاع الشمال .. مقاطعة تاريخية كاملة شاملة على كافة المستويات !!
Author: خالد العبيد
Date: 04-12-2010, 05:48 AM
Parent: #4
سلام يا دينا
تحياتي
اول امس تلقيت تلفون من احد الاصدقاء
ذكر ان حزب الامة تراجع عن قرار المقاطعة في النيل الازرق ودارفور
لكن اتضح بعدها ان الامة متمسك بقراره الاول
المقاطعات افشلت الانتخابات تماما
لك احترامي
|
Post: #6
Title: Re: برافو قطاع الشمال .. مقاطعة تاريخية كاملة شاملة على كافة المستويات !!
Author: Salahaldeen Nadir
Date: 04-12-2010, 05:54 AM
Parent: #4
| Quote: There were, however, reports that Mr Kiir accidentally posted at least one of the remaining ten ballots into the wrong box after officials failed to guide him through the process. |
BBC
خير الله طلعت فلاحتو بس في خلف الله
!
|
Post: #7
Title: Re: برافو قطاع الشمال .. مقاطعة تاريخية كاملة شاملة على كافة المستويات !!
Author: دينا خالد
Date: 04-12-2010, 02:23 PM
Parent: #6
خالد العبيد
احترامى ومودتى ..
حتى الجماعة القالوا نوبة عدييل كدا يا خالد
غلبهم .. خليك من زول يخسر حزبه عشان ينزل !!
ما شفت الجرس من امس .. قالوا دا شيتا اصلو
ما شفنا لا فى الناس ولا فى ...
المشكلة المفوضية ماشة فى اتجاه انها تمدد
ايام الاقتراع 3 يوم تانى .. تنفيذا لرغبة
المؤتمر الوطنى ..
لووووووووووووووووووووول يا صلاح الدين
قلت لى سلفا كير ذاتو دقا الرقم جلا ؟؟؟
رمى فى الصندوك الغلط ؟؟ انا لله يا قول عماد !!
ــــــــــــــ
انت وابوك اتبادلتو اسماءكم ؟؟
|
Post: #8
Title: Re: برافو قطاع الشمال .. مقاطعة تاريخية كاملة شاملة على كافة المستويات !!
Author: دينا خالد
Date: 04-14-2010, 12:01 PM
Parent: #1
الحركة الشعبية قاطعت تماما فى الشمال
وترفض نتيجة الانتخابات . هذا ما اكده
رئيس قطاع الشمال امس فى التلفزيون ..
تمام ..
ـــــــــــــــــــــ
اى مقاطعة دا موقف سليم
والعبرة بالنتائج ..
|
Post: #9
Title: Re: برافو قطاع الشمال .. مقاطعة تاريخية كاملة شاملة على كافة المستويات !!
Author: احمد التجانى احمد
Date: 04-14-2010, 02:04 PM
Parent: #8
Quote: من الصباح بفتش فى اخبار الحركة بعد التضارب
فى الاقوال من امس اها انا محبوسة فى بيتنا
هسه لقيت ليكم الخبر دا بالتلفون من مصدر بفتكر
انو موثوق ..
|
موقف الحركة كان بيكون اكثر افادة لو كانت التصريحات
ماقبل الانتخابات متماسكة وموحدة لان تضارب هذه التصريحات
يضاف اليه الانسحاب المفاجى لترشيح عرمان فتح الباب لتكهنات
اقلها طبخ صفقة مشبوهة مع المؤتمر الوطنى برعاية غريشن
تضمن فوز البشير وتمهد لاستقلال جنوب السودان
كما ان عدم وضوح موقف الحركة من حيث المشاركة او الانسحاب
اظهر بقية الاحزاب فى موقف مضحك مما دفع بقواعد تلك الاحزاب
التهافت نحو التصويت للمؤتمر الوطنى صاحب الاله الاعلامية
والملايين السايبة التى اسالت لعاب الكل واضحت الانتخابات
بالنسبة لهم موسم كسب ومافارقة معاهم كتير يجى البشير
الاصلا قاعد من 21 سنة غير عابئين بما سيتكسبه المؤتمر الوطنى
من شرعية مفقودة طوال الحقبة السابقة او انحسار موضوع الجنائية
او على الاقل بقاء الوضع كما هو بشأنها
|
Post: #10
Title: Re: برافو قطاع الشمال .. مقاطعة تاريخية كاملة شاملة على كافة المستويات !!
Author: دينا خالد
Date: 04-16-2010, 08:24 AM
Parent: #9
العزيز احمد التيجانى
كلامك مظبوط مية المية
ناس الحركة بتكلمو كتير كانو عن وجود تيار انفصالى
قوى داخل الحركة كتير ما بتتلاقى مصالح هذا التيار مع مصالح
المؤتمر الوطنى ...
لكن نجاح المقاطعة التى قررها قطاع الشمال
بهذه الصورة التامة والشاملة انتصار حقيقى لقوى
الديمقراطية والوحده داخل الحركة الشعبية
بالتاكيد يا احمد ما بنتوقع ممارسات وعمل سياسى
( بيرفكت) من الحركة الشعبية .. فهى بالقياس لى انها
حركة عسكرية وبالقياس مع سلوك كتير من احزابنا التى تسمى كبيرة
وعريقة ما عندها عوجة بس دايره مننا المساندة والتقدير
عشان تمشى للاحسن
صراحه اعجبنى موقفهم وانضباطهم حول قرار المقاطعه
زوووووول شاتر مافى ،، صحى حركة عسكرية ... لوووووووب .
|
Post: #11
Title: Re: برافو قطاع الشمال .. مقاطعة تاريخية كاملة شاملة على كافة المستويات !!
Author: بدر الدين الأمير
Date: 04-16-2010, 08:35 AM
Parent: #10
Quote: صراحه اعجبنى موقفهم وانضباطهم حول قرار المقاطعه
|
دينا
من صجك
|
Post: #12
Title: Re: برافو قطاع الشمال .. مقاطعة تاريخية كاملة شاملة على كافة المستويات !!
Author: قيقراوي
Date: 04-16-2010, 09:46 AM
Parent: #11
يا امير دينا غير ناطقين بها - الخليجية - لكن العصفور جابتا انو " شاميتها " قوية
المعنى :
عمجاااااااد
و المعنى واضح
---------
يا دينا اقلبي الصفحة
لووووووووووول
الناس في شنو و دينا في شنو ؟!!
|
|