Post: #1
Title: الزملاء : السيدح ، ميادة كمال والبقية .. غايتو بعد ده الا تمشو سودانيز اوف لاين !!
Author: محمد عبدالله مختار
Date: 04-11-2010, 06:07 PM
برغم انو ما عندي شغلة بالسياسة وقرفان من الجوطة الحاصلة دي .. لكن غلبني عدييييل 
زولكم علاء الدين يوسف ، وقلبة الهوبة العجيبة العمله قبل شوية :
لحدي هِنا كفاية يا كيزان – إلاّ أستاذي محجوب عروة (سأفض...بالمُستندات و الصور)
غايتو إذا صاحب البوست أعلاه طلع علاء الدين زاتو وليس الهاكر فالأفضل تكسبو زمنكم وتشوفو الاوف لاين ولا الآوت لاين ..
القصة وما فيها اني مرات مرات بخش بوستات علاء الدين ، وشايف مشاركاتو في البوستات التانية ..
زول لايوووووووووووووق والله أليق من ملاح الأرّيق 
من ما بدا موضوع الانتخابات منجض ليك ناس المعارضة وموقف حالهم .. صور .. صور
وردود زي الحنضل .. يتلّح ليك الواحد لمن يمسخ عليهو البورد ..
________________
النجيضة : شاورو ود الصايم قبال ما تمشو منتدى الراكوبة
|
Post: #2
Title: Re: الزملاء : السيدح ، ميادة كمال والبقية .. غايتو بعد ده الا تمشو سودانيز اوف لاين !!
Author: محمد عبدالله مختار
Date: 04-11-2010, 06:20 PM
Parent: #1
علاء الدين يوسف علي محمد
|
Post: #3
Title: Re: الزملاء : السيدح ، ميادة كمال والبقية .. غايتو بعد ده الا تمشو سودانيز اوف لاين !!
Author: سمندلاوى
Date: 04-11-2010, 06:41 PM
Parent: #2
العزيز ودمختار
تحيات عطرات
طيلة فترة حملات الانتخابات الاسفيرية هنا فى سودانيز
والمناكفات والضرب واللبع والبلع , الواحد كان قاعد
متفرج الى ان يات يوم الحشر الانتخابى هذا....
واتاريك شايف الحاصل شنو....
فالشباب ديل خلهم ماتعصر عليهم , برجعو براهم....
فتك بعافية وربنا يحفظ اهلنا
!Face-OFF
|
Post: #4
Title: Re: الزملاء : السيدح ، ميادة كمال والبقية .. غايتو بعد ده الا تمشو سودانيز اوف لاين !!
Author: خالد حاكم
Date: 04-11-2010, 07:43 PM
Parent: #3
الاخ محمد عبدالله مختار
تحياتى
ماتنسى ودالباوقة كبيرهم الذى علمهم السحر.....
والجماعة ديل عينهم قوية مثل حكومتهم وحزبهم اللاوطنى , لا يستحون ولا يوجد الحياء فى قاموسهم ....
وكما قال القائل
من اين اتوا هؤلاء!
|
|