ضابط (مقدم) شرطة ينزع علامة رتبته ويلقى بها في الارض.. ثم ينهال على مواطن بالضرب بشارع الانقاذ

ببحري
بسبب احتكاك بسيط بين سيارتي الرجلين
وسط استهجان المارة لحظتها من طريقة القاء الضابط لعلامة رتبته
والطريقة الوحشية التي تعامل بها مع المواطن
حيث انهال عليه ضربا مبرحا

اتمنى ان يحرر الموطن ارنيك 8
ويصعد الموضوع للجهات الرسمية والشرطية
لسبين هما المعتدي عليه مواطن عادي
والثاني : اعتقد طريقة نزع العلامة فيها خرق للوائح الشرطة (ولا شنو يا سعاتو عمر عثمان)

لحظة ان حكى لي زميلنا في الشغل هذا الموقف
قلت في بالي : ان المواطن يكون اكل العلقة ساي وسكت
خوفا من انو المعتدي شرطي وضابط مقدم
خسارة والله ان تكون ردة فعل الضابط هكذا
الحالة عربته (جياد صالون)ما جاته حاجة
طيب لو كان ادشدشت كان ضبح الراجل المسكين

Quote: اعتقد طريقة نزع العلامة فيها خرق للوائح الشرطة

عندي تصور مختلف للقصة دي ..
حسب شكلات السودانيين .. بيكون حدث تلاسن بين الطرف ..
و بتكون وردت وعبارة .. و الله لو ما كنت لابس رسـمي كان دقيت بيك الواطــــة .. انا بس محترم الرتبة الفي كتفك دي ..
و نتيجة لقلة ادب المواطن .. قلع ليهو الرتبة و جدعا .. و قال ليهو جاك بلا ..

نسيت ان اسجل موقفي ..
المواطن يستاهل دق العيش .. في زول بصدم ليهو ضابط في البلد البوليسية دي ..
اضربوهم و بهدلوهم و اهجروهم في المضاجع ..

..
..

ما تتخيلي يا ميادة انا متكيف كيف لدقة الزول دا ..

حميدة سلامات
اتصل علي زول قرا البوست
قال لي شوفي جريد التيار فيه نفس الخبر
مشيت جبت الجريدة
لقيت زميلي عنده حس صحفي واعلامي كبير ههههههههههه
لقيت الكلام الى حد ما مشابه

المهم

Quote: عندي تصور مختلف للقصة دي .. حسب شكلات السودانيين .. بيكون حدث تلاسن بين الطرف .. و بتكون وردت وعبارة .. و الله لو ما كنت لابس رسـمي كان دقيت بيك الواطــــة .. انا بس محترم الرتبة الفي كتفك دي .. و نتيجة لقلة ادب المواطن .. قلع ليهو الرتبة و جدعا .. و قال ليهو جاك بلا

الخبر بيقول يا حميدة انو الضابط نزل من عربيته
ورمي علامته في الواطة ونزل ضرب على المواطن مباشرة
انا في تقديري الشخصي انو يكون ضايق عربيته في المرور في الشارع
وطبعا نحن السودانيين بنسوق بي زهج واخلاقنا في منخيرنا
ولمن المواطن ضايقه في الشارع مع ضغطة الاستعداد للانتخابات العاملنه على الشرطييين
يكون حب يفش غبيته في محمد احمد المشكين دا
لووووووووووووول

Quote: اتمنى

الاخت الكريمة ميادة

سلام من الله عليك
هنا ما في تمني

هنا مطالبة

ومعاها مناشدة لكل القوى الداعمة لحكم القانون ان تقد هذا المتطاول على القانون للمحاكمة

لكن الظاهر هو متأكد انو دي بلد ما فيها قانون

Quote: لكل القوى الداعمة

يا دكتور .. يقولوا ليك بوليص بوليص .. تقول لي الداعمة ..

Quote: ببحري بسبب احتكاك بسيط بين سيارتي الرجلين وسط استهجان المارة لحظتها من طريقة القاء الضابط لعلامة رتبته والطريقة الوحشية التي تعامل بها مع المواطن حيث انهال عليه ضربا مبرحا اتمنى ان يحرر الموطن ارنيك 8 ويصعد الموضوع للجهات الرسمية والشرطية لسبين هما المعتدي عليه مواطن عادي والثاني : اعتقد طريقة نزع العلامة فيها خرق للوائح الشرطة (ولا شنو يا سعاتو عمر عثمان) لحظة ان حكى لي زميلنا في الشغل هذا الموقف قلت في بالي : ان المواطن يكون اكل العلقة ساي وسكت خوفا من انو المعتدي شرطي وضابط مقدم خسارة والله ان تكون ردة فعل الضابط هكذا الحالة عربته (جياد صالون)ما جاته حاجة طيب لو كان ادشدشت كان ضبح الراجل المسكين

الاخت مياده
لم تكن لي رغبه في هذا الصباح الكئيب بان اكتب سطرا في المنبر وذلك من حزن ما الم بي......ولككني اطالع واتصفح المواضيع
جميل ان لك مثل هذه البوستات فهي دليل علي نقاء معدنك الرافض للاستعلاء والاتضطهاد والظلم ومناصره للعداله
اتمني ان تتغير نظرتك الكيزانيه ايضا...لان الكيزان هم من اسباب الظلم والفساد.....لك مني تحيه خاصه وانت تلهجين بلسان الخير
هذه ستكون آخر مداخله لي في هذه الايام الي اجل غير مسمي


======
المدعو حميده
اسمح لي بتوجيه تساؤل...انت غبي ام عبيط.......علي الاقل احترم جديه الموضوم عندما يكتب من زميل كوز مثلك......قرفتنا

Quote: وانت تلهجين بلسان الخير هذه ستكون آخر مداخله لي في هذه الايام الي اجل غير مسمي

هي بسم الله الرحمن الرحيم
صحيح انت غيااااااظ ولميض ولضيض
بس كمان ما بنحب ليك الشينة

خير يا اخا العرب
طمنونا على الزول دا يا بورداب النرويج ولا النمساء ما بعرف

الا قولي انت من انهي بورداب فيهم (وش اخدر ضاحك)

Quote: وانت تلهجين بلسان الخير هذه ستكون آخر مداخله لي في هذه الايام الي اجل غير مسمي

هي بسم الله الرحمن الرحيم
صحيح انت غيااااااظ ولميض ولضيض
بس كمان ما بنحب ليك الشينة

خير يا اخا العرب
طمنونا على الزول دا يا بورداب النرويج ولا النمسا ما بعرف

الا قولي انت من انهي بورداب فيهم (وش اخدر ضاحك)

سلام للجميع
اولا استاذة ميادة اعطى التيار حقها الادبي الخبر نشرته صحيفة التيار
ثانياً الضابط ماضابط شرطة .. وطبعاً حكاية توضيح نوع السيارة جياد دي علشان التفريق بين سيارات ضباط القوات النظامية
وبعدين الراجل المعتدى عليه لا شتم ولا ضرب ولا قلا ادبو وحتى الحادث اقل من قليل يعنى ما احدث اي شئ في السيارتين
بس لاحظوا لوجود العنصر النسائي داخل القصة
وتاني ممكن جداً يكون الضابط منتحل شخصية لانو نزع علامات رتبتو ودا في العسكرية شئ مخزي جداً ويعنى التجريد من الرتبة لانو اللابسها ما بستحقها
احترامي للجميع

شكرا ميادة للتنبيه والاهتمام بامور اساسية تبدو هامشية للبعض ....المؤسف هنا اضافة الي ما حدث من ضرب ..الخ هو مفهوم الضابط الكبير لمهنته ومسئوليته وقسمه الذي اقسم حين تخرج شرطيا ليحمي الانسان فالذي يربط هذا الشخص بالشرطة ليست شارته ورتبته ولكنها هو شخصا فكرا ومهنة والتزاما بقانون الشرطة والقانون العام ....
الشرطي هو المؤتمن علي حماية الانسان والقانون ويمكن ان يكون حاملا لسلاح فيه ذخيرة وبالتالي اذا لم يتمالك نفسه يمكن ان يستعمله في المكان والزمان الخطا وهذا الشخص ليست ليه القدرة علي تمالك نفسه عكس ماهو يتوقع منه بالذات وبالتالي الامر يتجاوز رمي الرتبة الي كونه غير مؤهلا لان يكون شرطيايحمل رتبة هي شعار امن وبلد مهما كانت الذرايع ....تخيلي لو ان كل شرطي تصرف مثله حينما لم يتمالك نفسه ..... ؟؟؟


________

في زمان بعيد جدا عملت معارا لوزارة الداخلية السودانية ومتبرعا كمهندس لمشروع اسكان للشرطة (مخططا و مصممما ومنفذا) ايمانا شخصيا وبجماسة شاب صغير بان الشرطي ان لقي ما يستحق من رعاية وعناية فهو سيكون دوما حاميا للانسان والقانون وحينها اختلطت بمئات منهم من اعلي الرتب الي الجندي وكانو مثالا جيدا للانضباط والانسانية فلذا اشعر باسي كبير من هذا التصرف..

Quote: سلام للجميع اولا استاذة ميادة اعطى التيار حقها الادبي الخبر نشرته صحيفة التيار ثانياً الضابط ماضابط شرطة .. وطبعاً حكاية توضيح نوع السيارة جياد دي علشان التفريق بين سيارات ضباط القوات النظامية وبعدين الراجل المعتدى عليه لا شتم ولا ضرب ولا قلا ادبو وحتى الحادث اقل من قليل يعنى ما احدث اي شئ في السيارتين بس لاحظوا لوجود العنصر النسائي داخل القصة وتاني ممكن جداً يكون الضابط منتحل شخصية لانو نزع علامات رتبتو ودا في العسكرية شئ مخزي جداً ويعنى التجريد من الرتبة لانو اللابسها ما بستحقها احترامي للجميع

صباح الخير اخ علي ميرغني
انا نقلت الموضوع من زميل لي في المجلس يسكن بحري
ولا علم لي مسبقا بان صحيفة التيار نزلت الخبر
بعدها احد معارفي قراء بوستي في سودانيز اونلاين
ودعم كلامي بان اكده لي انه الخبر ايضا نازل في التيار
وهذه نقطة تحسب لصالحي وليس علي
وهنا ما علي الا ان اشكر التيار لانو والحمد لله نفس الكلام نازل
بل وبي زيادة تفاصيل تدعم بوستي
شكرا ليك
انا اكتر واحدة حريصة على مصداقيتي هنا

Quote: ثانياً الضابط ماضابط شرطة .. وطبعاً حكاية توضيح نوع السيارة جياد دي علشان التفريق بين سيارات ضباط القوات النظامية وبعدين الراجل المعتدى عليه لا شتم ولا ضرب ولا قلا ادبو وحتى الحادث اقل من قليل يعنى ما احدث اي شئ في السيارتين بس لاحظوا لوجود العنصر النسائي داخل القصة

شكلك كنت شاهد عيان او لديك تفاصيل اكتر
ياريت ترفد بيها البوست هنا
للفائدة العامة ليس الا

مافي مشكلة اخت ميادة
صحفي من التيار كان شاهد عيان
الضابط كان لابس مموه بس ماشرطة
كانت معاه سيدة او فتاة ربما تكون زوجته
الزول الانضرب زول مسكين ربما مايكون سوداني من لون بشرتو البيضاء شديد. بس ممكن يكون برضو سوداني
اشك بقوة انو الضابط يكون منتحل شخصية لان الضباط عامة يدربوا على ان لا يستجيبوا للاستفزاز وكما يقال في العسكرية
القائد لا يثور ولا يستثار

د. محمد حسن
سلامات
ومرحب بي مرورك من هنا

Quote: ومعاها مناشدة لكل القوى الداعمة لحكم القانون ان تقد هذا المتطاول على القانون للمحاكمة لكن الظاهر هو متأكد انو دي بلد ما فيها قانون

للامانة وابراء لزمتي البلد فيها قانون
وسيحاسب
نحن فقظ رغبتنا في ان يصل الخبر للمخصتين في الشرطة
وعلى حد علمي السيد وزير الداخلية نزيه ومنصف جدا
بس نريد ان يصل الخبر لمسامعهم

تصرف أرعن من الضابط !!

Quote: اسمح لي بتوجيه تساؤل...انت غبي ام عبيط.......علي الاقل احترم جديه الموضوم عندما يكتب من زميل كوز مثلك......قرفتنا

زكريا ..
حديثك فيهو كثير من العوارة .. يبدو ان غبائك حجب عنك فهم مداخلاتي جيد .. أعد القراءة و ستفهم المغزى ..
في احيان كثيرة يا عزيزي يكون غباء البني آدم حجر عثرة في حياته .. و بنظرة سريعة الي نوعية غبائك يبدو لي ان تتمتع بنوع فاخر ..
هنيئاً لك ..

والله الليله مسكينة مسكنه، مالك؟ نعل مافي عوجه........

ميادة كمال.

الدولة لمن تكون دولة بوليسية دائما تحدث مثل هذه الاحداث.
الضابط الأرعن ده ما قادر يفهم أن دوره هو أكبر من دور المواطن العادي الغير مدرب لمثل هذه الحالات الاستفزازية؟
بعدين حوادث السيارات دي أصلا غير مقصودة ومافي زول يتعمد أن يصدم سيارة شخص أخر.

كسرة.
_________________

صوتي كم لغاية هسع يا ميادة وفي كم مركز وعندك كم بطاقة وكم أسم؟

تحية منى لذاك الظابط الذى احتككت معه بصينية الازهرى بامدرمان
الذى رد على عبارتى الجارحه باف حارقه وصلنى لهيبها الذى يقول
اخ لو ما لابس الكاكى ده انه الاحترام لهذا الكاكى وواجباته.

تحية منى لذاك الظابط الذى احتككت معه بصينية الازهرى بامدرمان
الذى رد على عبارتى الجارحه باف حارقه وصلنى لهيبها الذى يقول
اخ لو ما لابس الكاكى ده انه الاحترام لهذا الكاكى وواجباته.

Quote: حديثك فيهو كثير من العوارة .. يبدو ان غبائك حجب عنك فهم مداخلاتي جيد .. أعد القراءة و ستفهم المغزى .. في احيان كثيرة يا عزيزي يكون غباء البني آدم حجر عثرة في حياته .. و بنظرة سريعة الي نوعية غبائك يبدو لي ان تتمتع بنوع فاخر .. هنيئاً لك ..

يا حميده اعصابك ...انا لم اوصفك بالغباء لتصفني كذلك....وانما استسمحتك ان اوجه اليك تساؤلُ فقط
ردك اعلاه يغنيني عن انتظار اجابه....او استسراع في ردود اصفك فيها كما وصفتني.....لانني لا احتاج..........شكراً لك



=====
انسي وعيش

املائيه

Quote: الاتضطهاد

والله دى اكتر حاجه معبره فى البوست ده....

Quote: والله دى اكتر حاجه معبره فى البوست ده....

ما مشكله قول الاضطهاد......عربي فالعب به

===
انت قلبت ولا زعلان علي الاشاده؟.......الكيزان اشكال وانواع ياصاحبي منهم الصالح والطيب والفاسد النتن ...فاعطي كل حسب مكياله


تحياتي

Quote: تفاجأ المارة في شارع الإنقاذ صباح أمس بضابط برتبة مقدم ينهال ضرباً على أحد المواطنين بصورة وحشية.. وحسب شهود عيان حدث احتكاك بسيط بين سيارة الضابط ـ جياد صالون ـ وسيارة أخرى دبل كبينة عند الساعة التاسعة والنصف صباحاً بمزلقان السكة حديد ببحري، ومن ثم نزل الضابط وهو برتبة مقدم ونزع علامات رتبته ورمى بها بعيداً ثم انهال ضرباً بعنف على سائق السيارة الأخرى الذي استكان للضرب ولم يستطع الدفاع عن نفسه خاصة وأن الخصم ضابط برتبة عظيمة، ولم يتوقف الضرب إلا بعد تدخل المارة وأصحاب السيارات الأخرى.. وأبدى الحضور امتعاضهم من نزع الضابط علامات رتبته وإلقائها على الأرض ومن الطريقة التي اعتدى بها على المواطن الآخر علماً بأن الحادثة كانت مجرد احتكاك لم تتأثر به كلتا السيارتين، وطالبوا الجهات المختصة بالتحقيق في الحادثة ومعاقبة الضابط لاستخفافه بعلامات رتبته وأمن المواطنين.

Quote: و نتيجة لقلة ادب المواطن .. قلع ليهو الرتبة و جدعا .. و قال ليهو جاك بلا ..

المواطن دة شكلو زميل منبر...!!!
ومعرووووف بقلة الأدب....

اسه يا ابو حميد اكان داير اقلب دى ايام يقلبو فيها ؟

Quote: صوتي كم لغاية هسع يا ميادة وفي كم مركز وعندك كم بطاقة وكم أسم؟

دينق يا غواصة
وين مع الاجواء الانتخابية ومن قبلها الانسحابية


تصدق ما صوت للان
انا مواظفة في الحكومة
وانت عارف منعوا الاجازة التلات ايام
اسع لو كنتوا انتو مواصلين العملية الانتخابية
كان استعنت بيكم لرفع شكوى للمفوضية

هذا هو الحال في الدولة العسكرتارية.. في ظل نظام ظل يدلع العسكر، لأنه يعتمد في بقائه وتأمين كرسيه عليهم!!


لعن الله الشمولية والديكتاتورية، عسكرية كانت أم مدنية.. ولعن الله الكيزان.. القاصدين يتكوزنوا.. أما المخدوعين فثلة من المساكين

بس ما يكون نفس الشخص...