الشرطة في شوارع الخرطوم اكثر من المواطنيين !!!

/

//

///


شاهدنا من قبل انتخابات 1986 ولم نشاهد
بوليس بهذه الكثافة فثمة ما وراء الحجب.








................حجر.

يا ...

Quote: ................حجر.

سنة ستة وتمنين .. هل شاهدت بعثات اعلامية بالكم الهائل دا في السودان ..؟
ستة وتمنين .. هل شاهدت اجهزة كمبيوتر .. وبث مباشر بالاقمار الصناعية .. وفرز بالكمبيوتر ..؟

معليش للاسئلة دي .. لانو أنا فترة ستة وتمنين .. كنت قاصر وما كان بيحق لي التصويت .. وما كنت عارف الحاصل شنو .. حتى لو كان عندي حق التصويت على كل حال من الأحوال ما كنت ح اديهو ( للحركة الشعبية ) .. كان اديتو سيدي الصادق .. أو سيدي علي المرغني ..

Quote: سنة ستة وتمنين .. هل شاهدت بعثات اعلامية بالكم الهائل دا في السودان ..؟ ستة وتمنين .. هل شاهدت اجهزة كمبيوتر .. وبث مباشر بالاقمار الصناعية .. وفرز بالكمبيوتر ..؟ معليش للاسئلة دي .. لانو أنا فترة ستة وتمنين .. كنت قاصر وما كان بيحق لي التصويت .. وما كنت عارف الحاصل شنو .. حتى لو كان عندي حق التصويت على كل حال من الأحوال ما كنت ح اديهو ( للحركة الشعبية ) .. كان اديتو سيدي الصادق .. أو سيدي علي المرغني ..

اهل الهامش هم اولى الناس بالانحياز للسودان الجديد عموماً.

مسألة ان التكنولوجيا وملحقاتها نحن نتحدث عن حقبة بظروفها وتفاصيلها .

وهنالك فوارق لابد من وضعها في الحسبان للقياس بصورة صحيحة .

نحن نتعامل في زمن الاقمار والفرز لسة بروح القطيع وضد التطور

يكفي ان البداية كلها اخفاقات واخطاء للتمكين لمزيد من التزوير .




........................................................حجر.

Quote: اهل الهامش هم اولى الناس بالانحياز للسودان الجديد عموماً.

.. كان ذلك لولا أن انسحب من تبنى الفكرة ولوح بها .. وبالتالي ضاع حقهم في الاختيار والتعبير ..

Quote: مسألة ان التكنولوجيا وملحقاتها نحن نتحدث عن حقبة بظروفها وتفاصيلها.

.. حقبة الاستقلال وما قبله .. أو فترة اعلان الاستقلال .. كان البوليص بيركب حصان .. وجمل .. والبريد بيوصلوهو بي عجلة فونكس .. الان في ايميل .. وفي اسكاي بي وفي سودانيزاونلاين .. والبوليص بيركب (لومينـا) (وكابريس) وشفرولية .. وهامر .. البندقية كانت .. ماركة واحد .. أو ابوعشرة .. تضرب طلقة واحدة الله سيده .. وتتم الباقي جري .. حسع في عوزي اسرائيلي الطلقة كان جات بي جمبك بتسمم جسمك خليها تهبشك ..
الان في طلقات مطاطية وخراطيم مياه ودرقه من الفايبر .. وعصي للصقع الكهربائي .. زمان كان البوليس بيفرق المظاهرات بي بصطونات ..
...
المهم في تفاصيل الحقبة القاصده دي :
انتخابات من قبل خمسة وعشرين سنة .. ومقاطعة من احزاب وترويج اشاعات وناس تكضب ساااي .. وخبراء اعلام عديل كدا للاشاعات .. ومنابر اللكترونية فيها المعلومة تصل في ظرف ثانية .. تفتكر عدم فرض أمن كافي دا من المصلحة العامة؟؟

ملحوظة:
ابان دخول حركة العدل والمساواة للخرطوم .. تحدثت كميات كبيرة من المعارضين للانقاذ وللسودان ولي نفسهم .. عن ضعف في الجيش وخليل دخل الكبري وفي واحدين قالو احتل الخرطوم ..
وحسع دي الشارع مليان قوة امنية .. برضو ما ظابطه معاكم الحاجة دي ..؟
يعني في بوليس ووب مافي بوليس ووبين ..؟

Quote: وهنالك فوارق لابد من وضعها في الحسبان للقياس بصورة صحيحة. نحن نتعامل في زمن الاقمار والفرز لسة بروح القطيع وضد التطور يكفي ان البداية كلها اخفاقات واخطاء للتمكين لمزيد من التزوير.

.. اي فوارق التي تتحدث عنها .. ممكن مثال ؟؟
كلههههااا اخفاقاات وأخطاء ..؟
وماذا عن المقاطعة ..؟ هل تمت بشكل كامل وفق ما تناديتم به ..؟
الشارع الآن يقول في كلمته عبر الصناديق .. وهو من حدد خياره .. وهناك سيكون بينه وبين قناعاته الشخصية أمام الصندوق والقلم والفرق بينه وبينك أنه الآن يمارس حقه بشكل قوي وساهم في أنه جعل الأمر ممكننا .. ووقع في سجل الديمقراطية .. وذهب وهو راض عن نفسه .. وسينتظر نتيجة ما قام به من فعل ايجابي .. بعيدا عن الانقياد إلى أي جهة أخرى تريد أن تصنع منه (دمية) تحركه وفق توجهها الشخصي ..

Quote: الشرطة في شوارع الخرطوم اكثر من المواطنيين !!!

الأخ الرفاعي .. هل تتجول أنت الآن في شوارع الخرطوم؟؟ هل تشاهد الوضع الآن أم تطلق الكلام من علي البعد ؟؟ !! ..
ماذا تستفيد من إثارة هذه الشائعات والكضب والمحاولات المستميتة لخلق بلبلة ؟؟ !!! ..

الأخ الرفاعي لك أطيب التحية

قد يكون في كلامك صيغة مبالغة ولكن فهمنا المقصود منه

كثافة قوات الشرطة شيء طيب ودليل على تعافي ووعي

في أيام في التسعينات كان هناك توجيهات لضباط الشرطة من قياداتهم بعدم توبيخ الجنود لحرص قيادات الشرطة على عدم هروب وترك الجنود العمل في الشرطة لقلة العدد وتم الأستعانة بعدد من مجندي الخدمة الوطنية لسد النقص الكبير في قوات الشرطة وعدم انخرط الناس للتجنيد في قوات الشرطة رغم البطالة الكبيرة الكانت متفشيه في نفس الوقت وكان الناس يشتكون من أن الغالبية العظمى من رجال الشرطة مجرمون سابقين ولصوص

أنخراط أعداد كبيرة في صفوف الشرطة يدل على تحسن أدائها وأوضاعها وأصبحت مغرية

أضف أن الشرطه هي سند قوي وكلما كانت قوية كان الأنفلات الامني والاجرام قليل وخاف كل مرتاب

كمان الحمد لله اللمت الشباب من العطالة والرمتله فالشرطة تعلمهم التهذيب والأمانة وتزيد من مداركهم القانونية والاخلاقية والأنسانية

عبدالعزيز حسن عبدالرحيم

منير وتمبس

تحياتي


مقياس المعلومة ما عاد المشاهدة وارض الواقع , لعلك ولو قرأت ما كتب الاخ تمبس يمكنك

الامتناع عن الحديث وفق لغة شاهدت بعينك , الخرطوم فعلاً قوات الشرطة من ليل امس تملأ الشارع

بكثافة عالية وعددها مقارنة بحركة الشارع ستد فارق كبير بل ان الب اهل الخرطوم بالذات

الولايات سافروا برغم الدوام وغيره وهنالك حركة شراء للخضروات والمواد التموينية بكثافة

يعني تلك اخبار نتابعها بالساعة .





انقل مرئياتك لتكذب الحديث دون ثورة في الفاضي .



.............................................................حجر.

الرفاعي
تحياتي
كل عام وأنت بخير
يا تري بعد 4 سنوات هل سوف يكون مرشحكم
ابن الصادق
أم ابنته
طبعا الامام حتكون راحت عليه بفعل تقدم العمر

عموما يا حجر
ماتشغل نفسك الشرطة فهي
دليل خير لو بتخاف علي شعبك
ودليل قوة لدولتك
ودليل هيبة البلد وسلطانه

أم أنك تراها دليل تزوير

Quote: عبدالعزيز حسن عبدالرحيم منير وتمبس تحياتي مقياس المعلومة ما عاد المشاهدة وارض الواقع , لعلك ولو قرأت ما كتب الاخ تمبس يمكنك الامتناع عن الحديث وفق لغة شاهدت بعينك , الخرطوم فعلاً قوات الشرطة من ليل امس تملأ الشارع بكثافة عالية وعددها مقارنة بحركة الشارع ستد فارق كبير بل ان الب اهل الخرطوم بالذات الولايات سافروا برغم الدوام وغيره وهنالك حركة شراء للخضروات والمواد التموينية بكثافة يعني تلك اخبار نتابعها بالساعة . انقل مرئياتك لتكذب الحديث دون ثورة في الفاضي .

يا أخ الرفاعي

ما عارف ما علقت على كلامي دا وما وريتني أنو كلامي صحيح ولا خطا في انو حكاية الشرطة لمن تكون كتيرة بتكون حاجة كويسة

وبالنسبة لي باقي كلامك دا شوف يا أنت ما من الخرطوم أو من الخرطوم ومطول منها زمن طويل

أنا من الخرطوم وبعرف ناسها كويس وبعرف طبعهم وحكاية زول يمشي يشرد من بيته دا كلام فاضي وبضحك عليك الناس انتخابات شنو البخلوا ليها الناس بيوتهم ويشردوا
في ما عندهم حاجه في الاقاليم خرطوميين بس أجدادهم مولودين في الخرطوم اها ديل يمشوا وين ؟

بعدين شنو التناقض دا تقول بوليس كتير ومرة تانية تقول الناس شردو مافهمت أنت عاوز توصل ياتو فهم أتكلم عديل قول أنت عاوز تقول شنو ؟
لانو بصراحة الكلام بتاعك الفوق دا حاجه كدا عايمة ونحنا فهمنا على قدرنا

بعدين أقول ليك بصراحة اقول ليك الايحاء بتاع الناس شردت البتوصل فيهو دا ماكويس لانو في ناس مساكين وبتشفق على أهلها في الخرطوم وأصلاً هو كلام ما صحيح

Quote: يا أخ الرفاعي ما عارف ما علقت على كلامي دا وما وريتني أنو كلامي صحيح ولا خطا في انو حكاية الشرطة لمن تكون كتيرة بتكون حاجة كويسة وبالنسبة لي باقي كلامك دا شوف يا أنت ما من الخرطوم أو من الخرطوم ومطول منها زمن طويل أنا من الخرطوم وبعرف ناسها كويس وبعرف طبعهم وحكاية زول يمشي يشرد من بيته دا كلام فاضي وبضحك عليك الناس انتخابات شنو البخلوا ليها الناس بيوتهم ويشردوا في ما عندهم حاجه في الاقاليم خرطوميين بس أجدادهم مولودين في الخرطوم اها ديل يمشوا وين ؟ بعدين شنو التناقض دا تقول بوليس كتير ومرة تانية تقول الناس شردو مافهمت أنت عاوز توصل ياتو فهم أتكلم عديل قول أنت عاوز تقول شنو ؟ لانو بصراحة الكلام بتاعك الفوق دا حاجه كدا عايمة ونحنا فهمنا على قدرنا بعدين أقول ليك بصراحة اقول ليك الايحاء بتاع الناس شردت البتوصل فيهو دا ماكويس لانو في ناس مساكين وبتشفق على أهلها في الخرطوم وأصلاً هو كلام ما صحيح

الاخ عبدالعزيز عبدالرحيم

تحياتي ... ياراجل والله شكيت في انك تكون بترد على زول تاني ما علي انا الرفاعي حجر ... براحة كدا وين انا قلت الناس شردت والله قلت الخرطوم فاضية يااخي اقرأ كلامي دا تاني وبرواقة كدا ناقشني انا قلت الشرطة في شوارع الخرطوم اكثر من الناس ودي حقيقة لاني بالامس كنت بتكلم مع زول صديقي قال لي اليوم نتشرشح كدا بالعبارة دي قال لي ممكن تمشي الكلاكلة وترجع في خمسة دقائق صيغة مبالغة منو يعني وقال الشوارع فاضية والناس اعتبرت دا اجازة اقرأ كويس بعدين تعال قول ماشاء لك وستجدني ارد عليك ..ز بعدين وهل الخرطوم شرف الانتماء ؟؟؟ ان كان ذلك كذلك فأنا خرطومي برغم عدم الاعتداد بذلك لدرجة القداسة انا خرطومي بكل معنى الكلمة ولا اعتقد في ذلك من شرف ادعيه .... ارجو ان تتعلم كيف تقرأ ثم تجيب علي ما كتبت لا ما تخيلت انت .

دا بوست لي الزميل حسين ملاسي في ذات الاتجاه :
Re: شوارع الخرطوم خالية ..
دا ما كتبته من خلال البوست قارنه بردودك وبهدوء ستجد انك تتحدث بغل وخلفية سوداوية الفهم :


(1)

Quote: الشرطة في شوارع الخرطوم اكثر من المواطنيين !!! / // /// شاهدنا من قبل انتخابات 1986 ولم نشاهد بوليس بهذه الكثافة فثمة ما وراء الحجب. ................حجر.

(2) دا رد على تمبس

Quote: اهل الهامش هم اولى الناس بالانحياز للسودان الجديد عموماً. مسألة ان التكنولوجيا وملحقاتها نحن نتحدث عن حقبة بظروفها وتفاصيلها . وهنالك فوارق لابد من وضعها في الحسبان للقياس بصورة صحيحة . نحن نتعامل في زمن الاقمار والفرز لسة بروح القطيع وضد التطور يكفي ان البداية كلها اخفاقات واخطاء للتمكين لمزيد من التزوير . ........................................................حجر.

(3)

Quote: عبدالعزيز حسن عبدالرحيم منير وتمبس تحياتي مقياس المعلومة ما عاد المشاهدة وارض الواقع , لعلك ولو قرأت ما كتب الاخ تمبس يمكنك الامتناع عن الحديث وفق لغة شاهدت بعينك , الخرطوم فعلاً قوات الشرطة من ليل امس تملأ الشارع بكثافة عالية وعددها مقارنة بحركة الشارع ستد فارق كبير بل ان الب اهل الخرطوم بالذات الولايات سافروا برغم الدوام وغيره وهنالك حركة شراء للخضروات والمواد التموينية بكثافة يعني تلك اخبار نتابعها بالساعة . انقل مرئياتك لتكذب الحديث دون ثورة في الفاضي . .............................................................حجر.

اعلاه جميع مداخلاتي في هذا البوست , كدي اقرأ واجب على ردودك يعني انت زول مخلوع ساكت وفهمت غلط

بقو عليك الاثنين طشاش وطرش وربنا يهديك ويعيد الى نفسك هدوئها ياعبدالعزيز يااخي فأنا لم اقل ما

افتريته انت ابداً تبداً ابداً وليتك تطلع على بوست ملاسي في الرابط ولربما اختلفت الطريقة في الطرح فقط

فتماسك وتأكد انني ما فزعت احداً البتة .



* طيب بخصوص سؤالك العاجبك : تواجد الشرطة بكثافة يعني ثمة احتياط وحذر مما يتطلب التواجد لكن في الفهم الحديث للأمن هو سرعة تواجد لا وجودها هو الامان والفرق بين كلاهما كبير وبعيد زي الفرق بين هروب الناس وتواجد الشرطة القلعتو من راسك ... واردت الباسي اياه.



..................................................................حجر.

مرحب أخونا الرفاعي

شوف أمس انا رديت مش ليك انت بس عشان في ناس كتير عندهم أهلهم في السودان وفي ناس قلوبهم رهيفة وفيها حنين لي أطفالهم وأهلهم وأمهاتم وزي كلامكم دا بهلعهم وبروعوهم وأنت ما بتحسوا بي الحاجات دي وما كنت قاصد بالتحديد قدر ما قاصد اهدي من نوع كلامك دا وقلت اخليك حاتفهم وتنسى البوست دا

لكن شايفك شغال بتفسح في البوست عادي قلنا يلا نتفسح معاك

Quote: تحياتي ... ياراجل والله شكيت في انك تكون بترد على زول تاني ما علي انا الرفاعي حجر ... براحة كدا وين انا قلت الناس شردت والله قلت الخرطوم فاضية يااخي اقرأ كلامي دا تاني وبرواقة كدا ناقشني انا قلت الشرطة في شوارع الخرطوم اكثر من الناس ودي حقيقة لاني بالامس كنت بتكلم مع زول صديقي قال لي اليوم نتشرشح كدا بالعبارة دي قال لي ممكن تمشي الكلاكلة وترجع في خمسة دقائق صيغة مبالغة منو يعني وقال الشوارع فاضية والناس اعتبرت دا اجازة اقرأ كويس بعدين تعال قول ماشاء لك وستجدني ارد عليك ..ز بعدين وهل الخرطوم شرف الانتماء ؟؟؟ ان كان ذلك كذلك فأنا خرطومي برغم عدم الاعتداد بذلك لدرجة القداسة انا خرطومي بكل معنى الكلمة ولا اعتقد في ذلك من شرف ادعيه .... ارجو ان تتعلم كيف تقرأ ثم تجيب علي ما كتبت لا ما تخيلت انت .

أي زول عارف الخرطوم بتفضى في أيام الاجازات والاعياد بل حتى في اوكات معينة في اليوم بتكون في حالات سكون في أغلب المناطق الغير حيوية

لكن شوف كلامك هنا

Quote: مقياس المعلومة ما عاد المشاهدة وارض الواقع , لعلك ولو قرأت ما كتب الاخ تمبس يمكنك الامتناع عن الحديث وفق لغة شاهدت بعينك , الخرطوم فعلاً قوات الشرطة من ليل امس تملأ الشارع بكثافة عالية وعددها مقارنة بحركة الشارع ستد فارق كبير بل ان الب اهل الخرطوم بالذات الولايات سافروا برغم الدوام وغيره وهنالك حركة شراء للخضروات والمواد التموينية بكثافة يعني تلك اخبار نتابعها بالساعة .

يعني المقصود شنو بي كلامك دا وخصوصاً شراء الخضروات والمواد التموينية دي يعني الناس خايفة ولا شنو كلامك واضح بس ما قادر تقوله عديل
خايف يجيك واحد من الخرطوم بي صور كمان يبلعك البوست

بعدين معنون البوست بي الشرطة في الخرطوم اكثر من المواطنين وقاصد انو الناس تفهم انو المواطنين خايفين طيب وقاعدين في بيوتهم من شيء وتجي تقول ناس مشت وتقول بشتروا في خضار يعني شنو

يا أخوي ناس الخرطوم كلنا شفناهم ايام حادثة امدرمان بتاعت خليل واقفين في الشارع وشفنا قبل أيام أمهاتنا طالعت مظاهرات في قلب امدرمان عشان الموية قطعت

يا أخ رفاعي كلامك واضح بس انت ما قادر تقولوا عدييييييييييل ولو أنت صادق والكلام اتنقل ليك أسمح لي اقول ليك انت مسكين ساي لانو ما بتعرف تميز الكضب من الصح
وما بتقرى الواقع والزول النقل ليك الكلام كضاب وبستخف بيك

بعدين تعال نسألك أها الغرض من البوست دا شنو يعني ؟

وديل يعني شنو ؟

Quote: / // ///

بالنسبة لي تلميحاتك

Quote: ارجو ان تتعلم كيف تقرأ ثم تجيب علي ما كتبت لا ما تخيلت انت .

Quote: كدي اقرأ واجب على ردودك يعني انت زول مخلوع ساكت وفهمت غلط بقو عليك الاثنين طشاش وطرش وربنا يهديك ويعيد الى نفسك هدوئها ياعبدالعزيز يااخي

حركة قديمة وبتعجبني جداً الهروب بالإيحاء بأنو أنا ما بفهم ومافهمت طيب وكت انت قصدك ما كدا مالك شايل البوست مفسحه كان تجليه

نسيت

بالهناء والشفاء

عبدالعزيز حسين عبدالرحيم

معليش كان مجرد ظن لكن الان تأكدت بأنك

غبي ويؤسفني بجد ان اقول عليك غبي لكنها

الحقيقة ... يعني مُصّر تقرأ وفق فهم خاطئ قد صححته لك تحت اصرارك

ماذا نسمي ذلك غير الغباء تمتع بغباءك وظنك العصي على الافهام

كلامي واضح يفهم من يفهم والحمد لله ان اهلنا واحبابنا

واولادنا في الخرطوم دي ولكل ما نوى .





................................................حجر.

Quote: عزّزت قوات الشرطة والقوات الدولية والمنظمات الدولية انتشارها الأمني قبل يوم من الانتخابات، كما أوصت السفارات في الخرطوم رعاياها باتخاذ تدابير احتياطية بدءاً من تخزين الأغذية الى ملء سياراتهم بالوقود، تحسّباً من تنظيم تظاهرات قد تعوق الحركة خلال الانتخابات، التي تبدأ غدا الأحد. ونفى والي الخرطوم الدكتور عبد الرحمن الخضر شائعات عديدة انطلقت أمس، بوجود حظر تجول، بجانب اشارات لانفراط عقد الأمن أثناء أيام الانتخابات. وقال الخضر، لدي ترؤسه أمس، اجتماعا للهيئة العليا لتأمين الانتخابات، برئاسة شرطة ولاية الخرطوم، ان حركة السفر بين الولايات لا علاقة لها بسير العملية الانتخابية، ومن حق اي مواطن ان يتنقل من مكان لمكان كيفما شاء، ودعا المواطنين الي عدم الالتفات للشائعات، وطالبهم بالمساهمة في العملية الامنية بالتبليغ الفوري عبر الرقم 999 عن اي حالة تفلت. وحذر الاجتماع كل من يثبت تورطه في اطلاق شائعات سالبة تدخل التوجس أو الريبة لدى قطاعات الرأي العام السوداني المقبلة على الاقتراع في الانتخابات. ووقف الاجتماع على اكتمال الترتيبات الخاصة بتأمين الانتخابات، وناقش كيفية الخروج بانتخابات آمنة ومستقرة، واكد الاجتماع جاهزية الوحدات الامنية المختصة بتأمين العملية الانتخابية بالولاية. وعبرت الهيئة عن ثقتها بالمواطنين لتفويت الفرصة على مروجي الشائعات، واطمأن الاجتماع على موقف الامداد الغذائي من السكر والامداد الكهربائي والمياه. واشاد والي الخرطوم بكافة القوى السياسية، اثناء تدشين الحملات الانتخابية للمرشحين، وقال ان ولايته لم تشهد اي تفلتات، وان الشرطة تعاملت بوعي كبير مع الفعاليات السياسية. وقال رئيس لجنة تأمين الانتخابات اللواء أحمد إمام التهامي، ان ضعاف نفوس أطلقوا شائعات في عدد من الولايات، مفادها امكانية حدوث انفراط في العقد الأمني لدفع المواطنين لمغادرة المدن أو شراء المواد التموينية لتخزينها طيلة فترة الاقتراع. وطمأن التهامي كافة قطاعات الرأي العام، وقال «يتوجب علي الجميع أن يمارسوا حياتهم بصورة طبيعية ، ولا يلتفتوا الى هذه الشائعات». وأشار الي ان تقارير تأتي على مدار الساعة من كافة نقاط التأمين في العاصمة والولايات، جميعها تؤكد أن الوضع الأمني للعاصمة والولايات تحت السيطرة تماماً وليست هناك أي مهددات لعملية الاقتراع بالعاصمة أو الولايات الأخرى، وتوقع أن يكون الذين غادروا مدنهم لبعض الولايات الأخرى اتخذوا هذا الاجراء بغرض اللحاق بفترة الاقتراع، وتابع قائلاً: من يغادر منزله أو ولايته متوجساً من انفراط عقد الأمن عليه أن يصحح هذا المفهوم، لأن الشرطة وقوات التأمين أخذت مواقعها ،ولا يوجد ما يهدد أمن المواطن نهائياً في عملية الاقتراع. الشرطة تحذر من الشائعات خلال سير الانتخابات وأكد مدير دائرة الطوارئ بشرطة الولاية اللواء الطيب بابكر، لدى مخاطبته ضباط تأمين المراكز الانتخابية، ان الشرطة ستتعامل خلال المرحلة المقبلة بالأطر القانونية والتشريعية التي تحكم العملية الأنتخابية، الى جانب دورها الاساسي في منع واكتشاف الجريمة، وتطبيق سياسة حكم القانون ، والانتشار الشرطي بالمدن والأحياء عبر الدوريات الراكبة والراجلة والسواري، مشيرا الي ان اعمال التأمين التي بدأت بالولاية منذ بداية التسجيل الانتخابي حتي الوصول الي مراحل الأقتراع تسير بصورة طيبة. الصحافة

دي الاخبار الانت ممكن تطرح فيها مثل رأيك

وهاك روابط تساعد :

http://www.sudantodayonline.com/news.php?action=show&id=4438

http://www.sudantodayonline.com/news.php?action=show&id=4434




أيه رأيك من الخوف الجد جد ودا رأي العالم وتوقع المراقبين .




..................................................................حجر.

السيد الرفاعي

Quote: عبدالعزيز حسين عبدالرحيم معليش كان مجرد ظن لكن الان تأكدت بأنك غبي ويؤسفني بجد ان اقول عليك غبي لكنها الحقيقة ... يعني مُصّر تقرأ وفق فهم خاطئ قد صححته لك تحت اصرارك ماذا نسمي ذلك غير الغباء تمتع بغباءك وظنك العصي على الافهام كلامي واضح يفهم من يفهم والحمد لله ان اهلنا واحبابنا واولادنا في الخرطوم دي ولكل ما نوى .

شكراً على الأساءة والله ماكنت قايلك بتجيب اخرك سريع والله صحي كنت مغشوش فيك وقايل قبتك تحته فكي والله خجلت ليك

ولا انكر احيانا بتفوت علي حاجات وكتير بكون غبي والكمال لله

لكن الأغبي مني الزول البفتكر نفسه ذكي وبتكلم عن شيء ما شافه لي ناس عارفين وشايفين
الأغبى مني البسمع اي كلام وبصدق ويجي يتكلم بيه من غير ما يحكم عقله لانه ما عنده عقله ولا يوزن الكلام لانه فاقد ميزان المنطق في راسه
الأغبي مني البشيل فضيحة يمشي يفسحه ويلف بيه

Quote: شكراً على الأساءة والله ماكنت قايلك بتجيب اخرك سريع والله صحي كنت مغشوش فيك وقايل قبتك تحته فكي والله خجلت ليك ولا انكر احيانا بتفوت علي حاجات وكتير بكون غبي والكمال لله لكن الأغبي مني الزول البفتكر نفسه ذكي وبتكلم عن شيء ما شافه لي ناس عارفين وشايفين الأغبى مني البسمع اي كلام وبصدق ويجي يتكلم بيه من غير ما يحكم عقله لانه ما عنده عقله ولا يوزن الكلام لانه فاقد ميزان المنطق في راسه الأغبي مني البشيل فضيحة يمشي يفسحه ويلف بيه

طيب يااخي الكريم البوست دا مقصدو واضح وقد شرحت لك

واعطيتك رابط وعملت معك المستحيل لتفهم وما انت براضي

ماذا افعل لك ... لغتك اولاً لغة بتاعت صبينة(تجيب آخرك)

شهد الله لو كنت طالب حوار موضوعي لوجدتني معك للنهاية وبروح

طيبة , لكنك تلوي في البوست لصالح فهمك وهو ما وفق فهمك

انا بالواضح ما قلت الخرطوم فاضية او شرد اهلها لكن وجود

الشرطة كان كثيف والشوارع خالية من الحركة يعني الناس

اعتبرت ذلك اجازة , نقطة تانية اغلب اهل الولايات سافروا

برغم عدم وجود عطلة ولاسباب سياسية قرر الوالي ان ايام 11/12/13

ايام عمل برغم ان التصويت يستلزم قانوناً التواجد بمكان الاقامة

لكنها السياسة , كل ذلك واضح لكنك تريد إلغاء فكرتي لصالح فهمك

الغلط عايزيني اقول ليك مبرووووك لا والله تفكيرك لو لم يهديك للمراد

فأنت لا تُصنف بأكثر مما قلت لك وعموما إقرأ بوست ملاسي ستجد تشابه

وربما تفهم وعموما مرة تانية اسفي فقط ارجوك اتركني وفهمي فما قصدت

تهويل او نقل معلومة خطأ واهلي متواجدون في الخرطوم حتى عيالي الصغار

هنالك فرجاء التوقف عن لي عنق الحقيقة لصالح فهمك .



انتهى .



...............................................................حجر.

Quote: في أيام في التسعينات كان هناك توجيهات لضباط الشرطة من قياداتهم بعدم توبيخ الجنود لحرص قيادات الشرطة على عدم هروب وترك الجنود العمل في الشرطة لقلة العدد

الاخ عبدالعزيز
الكلام ده جبتو من وين
ابدا ما حصل سمعنا كلام زى ده

عادل

سيد الرفاعي

Quote: طيب يااخي الكريم البوست دا مقصدو واضح وقد شرحت لك

ايوه واضح وغرضك منه واضح لانك صاحب غرض الايام دي في انتخابات وفي ناس كتار عاملين ضجة في البورد دا الشايل ليه حله يدق فيها والشايل ليهو طار ينقره والشايل ليه صاج وانت شايل ليك صفيحة وغرضك تجي تكتب ليك عنوان زي دا من بره وتعمل ليك حركات درامية زي الشخوط العملتهم في الاول وفي بالك الناس حا تجي تخاف طوالي وتفتكر البلد خلاص انتهت والبوليس ملاين الشوراع ومخوفين الناس وحامنهم المرقة والناس مهلوعة قاعدين يشتروا في المواد التموينية ويخزنوها عشان خايفين من البوليس الفاكوهاطبعاً الحكومة وكمان تضيف ليك بهارات بتاعت قوالات لمزيد من الهلع والتخويف ياهو دا غرضك من البوست جينا وضحنا ليك بي كل ادب وشرحنا ليك انو البوليس الكتير حاجه كويسه كبيت ليك كلام ماليه اي معني وسفسطه بس قلنا خير الزعلني مفروض تخلي البوست يحتل ويمشي قمت شلت البوست تدرع فوقه في اي مكان

هسع يا رفاعي شوف كلامك البتسوي فيه دا اعوج عيب تقعد تفتح ليك مواضيع بتاعت اشاعات او فيها اي ايحاءات تخوف الناس وتنقل صور معكوسة لانو في ناس مساكين بتقرى وبتصدق وفي ناس بتنقل كلامك دا بي صورة تانية كمان ودا رغم انو غرضك لكن ما شيء كويس

Quote: واعطيتك رابط وعملت معك المستحيل لتفهم وما انت براضي ماذا افعل لك ... لغتك اولاً لغة بتاعت صبينة(تجيب آخرك)

روابط شنو البتجيبها عشان اقعد اقراها ليك يااخي راجعت كتابتك هنا لقيتها كلها قوالة اجي افتح ليك روابط كمان
بعدين لغتي بتاعت الصبية دي ما احسن من شتمك

Quote: شهد الله لو كنت طالب حوار موضوعي لوجدتني معك للنهاية وبروح طيبة , لكنك تلوي في البوست لصالح فهمك وهو ما وفق فهمك

حوار شنو وشيخ شنو وقبه شنو وكأنك عاوز تتحاور كلنا عارفين انك ما فاتح البوست دا للحوار دا دقة فارغة في الصفيحة بتاعت الجوطة في المنبر دا
ووينها الموضوعية هو البوست دا زاته من أوله عنده موضوع ولا الكاتبه كاتبة بي موضوعية عشان نتحاور ويكون في موضوعية
وبلوي البوست بي فهمي والهو الفهم الصحيح ما دام انت ما عاوز تقتنع وتخليه يحتل

Quote: انا بالواضح ما قلت الخرطوم فاضية او شرد اهلها لكن وجود الشرطة كان كثيف والشوارع خالية من الحركة يعني الناس اعتبرت ذلك اجازة , نقطة تانية اغلب اهل الولايات سافروا برغم عدم وجود عطلة ولاسباب سياسية قرر الوالي ان ايام 11/12/13 ايام عمل برغم ان التصويت يستلزم قانوناً التواجد بمكان الاقامة لكنها السياسة

طيب ما كان تقول كدا من الاول ومافي داعي للدراما والكلام المبهم العجيب واللفلفه

Quote: كل ذلك واضح لكنك تريد إلغاء فكرتي لصالح فهمك الغلط عايزيني اقول ليك مبرووووك لا والله تفكيرك لو لم يهديك للمراد فأنت لا تُصنف بأكثر مما قلت لك وعموما إقرأ بوست ملاسي ستجد تشابه وربما تفهم وعموما مرة تانية اسفي فقط ارجوك اتركني وفهمي فما قصدت تهويل او نقل معلومة خطأ واهلي متواجدون في الخرطوم حتى عيالي الصغار هنالك فرجاء التوقف عن لي عنق الحقيقة لصالح فهمك .

ملاسي من الناس البقرا ليهم لانو بكتب بي مسؤولية وما بخط ليه حرف ما متاكد من صحته وبتكب في ماهو متاكد منه يعني يا حجر مستحيل ملاسي يكتب لي عن حاجه في دوله تانية وهو قاعد في السودان ومستحيل يكتب ليه عن كلام قالوا ليه زول لو مااستوثق من صحته وحتى انت بتثق

بعدين دي الحقيقة يا حجر وهسع يادوب الحمد لله انك انتبهت ليه وتبطل تاني تروج لي كلام زي دا عشان الاشاعات والكلام الماعنده اساس دا ممكن يبقى حقيقة وكم من اشاعة اصبحت حقيقة وعشان اطفالك ربنا يحفظهم ويحفظ كل الناس في البلد

انتهى

يا أخ عادل حمزه \

ليك اطيب تحية

Quote: الاخ عبدالعزيز الكلام ده جبتو من وين ابدا ما حصل سمعنا كلام زى ده

اشتغلت في الشرطة لفترة في التسعينات والكلام دا حقيقة وعايشته وكانت قوات الشرطة بتعاني من نقص كبير في الافراد لعدم اقبال الشباب للتجنيد في صفوف الشرطة وهروب عدد كبير من المجندين وكان مرتب الملازم اول 88 الف جنية والجندي 35 الف جنية وبعد الخصم كان بستلم 25
اضطرت قوات الشرطة للأستعانة بقوات الشرطة الشعبية ومجندي الخدمة الوطنية لسد النقص

وياريت لو في واحد ضابط الشرطة في الزمن داك عشان يجي يأكد كلامي دا

Quote: وياريت لو في واحد ضابط الشرطة في الزمن داك عشان يجي يأكد كلامي دا

الأخ عبدالعزيز تحياتى , أخونا عادل حمزة ترك الخدمة فى قوات الشرطة وهو برتبة الرائد
وفى الفترة التى ذكرتها كان يعمل بقوات الشرطة , شخصى الضعيف فصل من الخدمة بقوات الشرطة
فى نهاية العام 89 وكنت أحمل رتبة النقيب عندما تم فصلى تحت مسمى الصالح العام , عملت معلم
بمركز التدريب الموحد منذ العام 1985 وحتى نهاية العام 1988 , فى الفترة التى عملت فيها بقوات
الشرطة كان حتى الضباط يوبخون أن اخطأ الواحد منهم ويتعرض للحساب العسير عند التجاوزات الجسيمة
لا كبير على القانون المنظم لعمل الشرطة ولوائحه , يعنى بصريح العبارة لا يمكن أن تصدر رئاسة الشرطة منشور يقضى بانحلال القوة ويترك أفرادها يفعلون ما يشاؤون , رغم العجز واحجام المواطنين عن العمل فى صفوفها .
أذكر فى نهاية السبعينات وبداية الثمانينات أهملت الشرطة بشكل غير مسبوق وحدث عجز فى القوة حتى كاد أن يتعطل دولاب العمل ولم تصدر رئاسة الشرطة أى توجيهات بعدم توبيخ الافراد عند التقصير , وانما اكتفت رئاسة الشرطة باغلاق مراكز التدريب ورفعت الأمر لرئيس الجمهورية ليتخذ ما يراه مناسب من اجراءات تعيد الحياة لجسد الشرطة وقد قام بتصديق هيكل راتبى ضعيف جدا لم يفى بالغرض .
موضوع البوست وهو الحضور الكثيف لقوات الشرطة فى شوارع الخرطوم , للشرطة آليات تعمل وفقا لها ونشر قوات الشرطة هو تدبير احترازى تمليه ظروف بعينها بعدتلقى تقارير استخباراتية تفيد بتوقع أحداث تم رصد مؤشراتها وتخضع تلك التقارير للدراسة بواسطة مختصين وتتم قراءتها وفقا للأوضاع الأمنية السائدة فى البلد, وبعد ذلك يصدر قرار نشر القوات وعددها يحدده حجم الحدث المتوقع , الآن فى السودان تجرى انتخابات غير مرضى عنها من فئات كثيرة لشبهة التزوير , فى هذه الحالة هناك مبرر لحدوث شغب اذن نشر قوات الشرطة بتلك الكثافة التى يشهدها المواطن هو أمر له مبرره من النواحى الفنية , على أى حال نشر قوات الشرطة بالكثافة التى أشير لها هو ليس دليل عافية كما أشار البعض , ممكن يكون دليل على أن الشرطة تؤدى دورها وفقا لما يحدث فى البلد بشكل مرضى , لكنه فى المقابل يؤكد أن النظام السياسى القائم هو نظام استبدادى يستعيض عن العدل بالقوة , ان كان هناك قدر معقول من العدل فى ادارة العملية الانتخابية لاقتصر وجود الشرطة فى مراكز الاقتراع فقط لأغراض الحراسة ومحاربة التزوير .

المحترم جنابو فيصل عثمان الحسن

سرني حضورك وإضافتك الجميل

نعم قد قد كنت شاهداً على مجزرة الشرطة وهذه تسميتي ليها وكان فصل عدد كبير من رجال الشرطة الاكفاء دون أسباب وبصورة مهينة وغير محترمة وقد كانو في قمة عطاءهم
وقد تسبب فصل ضابط الشرطة في ترك عدد كبير من زملائهم للعمل في سلك الشرطة ولم كان التركيز على القوات وقوات الدفاع الشعبي ثم الشرطة الشعبية أهملت الشرطة رغم أنه تم رفدها بعدد كبير من ضباط الشرطة الخريجين وأغلبهم أعضاء التنظيمات الاسلامية في الجامعات لكن كان الحال بالنسبة للجنود في تناقص حاد ووصل الأمر أنك نادراً ما تجد شرطي شاب في أقسام الشرطة وكان العدد الكبير من صف الضباط من عواجيز يعملون بالمشاهرة ،
نعم لم تصدر قيادة الشرطة توجيهات مكتوبه بعدم توبيخ الجنود لكن كان الضباط الكبار يشرحون وينورون الضباط الصغار للنقص في القوة وحوجتهم لأي فرد شاب والتوقف عن توبيخهم وقد عملت فترة مع العميد عبدالباسط جبارة عليه الرحمة في رئاسة شرطة بحري وقد تم تكليف عدد من صف الضباط بالأتصال بالجنود الهاربين للعودة بالخدمة مقابل عدم محاسبتهم على هروبهم من الشرطة
وأضيف لك أن هذا النقص في قوة الجنود تسبب في تسلل عدد كبير من ذوي السوابق والمغرضين لصفوف الشرطة وزاد من ضعفها وبغض الناس لها وكان تنقص قوات الشرطة المعدات فالسيارات متهالكة والرواتب ضعيفة والتسليح قديم وهيبة الشرطة مفقودة فالناس ينظرون للشرطي كاللص والزي باهت وقديم وبعض يرتدي زي غير كامل

الأن الشرطة وضعها مختلف أغلب القوات من الشباب المنضبطين وتلقوا تدريب جيد وأنضباطهم عالي ويستخدمون سيارات حديثة ويرتدون أزياء لائقة مهيبه


شكراً جنابوا على الاضافة الاخيرة ولك التحية

أخى الفاضل الرفاعى


لك التحية و معا من أجل تعرية و اظهار ما يحدث فى السودان على حقيقته

Quote: يا أخ الرفاعي ما عارف ما علقت على كلامي دا وما وريتني أنو كلامي صحيح ولا خطا في انو حكاية الشرطة لمن تكون كتيرة بتكون حاجة كويسة وبالنسبة لي باقي كلامك دا شوف يا أنت ما من الخرطوم أو من الخرطوم ومطول منها زمن طويل أنا من الخرطوم وبعرف ناسها كويس وبعرف طبعهم وحكاية زول يمشي يشرد من بيته دا كلام فاضي وبضحك عليك الناس انتخابات شنو البخلوا ليها الناس بيوتهم ويشردوا في ما عندهم حاجه في الاقاليم خرطوميين بس أجدادهم مولودين في الخرطوم اها ديل يمشوا وين ؟ بعدين شنو التناقض دا تقول بوليس كتير ومرة تانية تقول الناس شردو مافهمت أنت عاوز توصل ياتو فهم أتكلم عديل قول أنت عاوز تقول شنو ؟ لانو بصراحة الكلام بتاعك الفوق دا حاجه كدا عايمة ونحنا فهمنا على قدرنا بعدين أقول ليك بصراحة اقول ليك الايحاء بتاع الناس شردت البتوصل فيهو دا ماكويس لانو في ناس مساكين وبتشفق على أهلها في الخرطوم وأصلاً هو كلام ما صحيح

أن تكون من الخرطوم او غيرها فهذا لا يعنى انك لا تستطيع الحكم على ما يجرى فيها

لم يعد هناك فرق البتة بين الخرطوم او غيرها

البعض يستخدم مصطلح "الاقليميين" بطريقة غير جميلة و فى العرف ان هذا نوع من التفرقة .

Quote: أن تكون من الخرطوم او غيرها فهذا لا يعنى انك لا تستطيع الحكم على ما يجرى فيها لم يعد هناك فرق البتة بين الخرطوم او غيرها البعض يستخدم مصطلح "الاقليميين" بطريقة غير جميلة و فى العرف ان هذا نوع من التفرقة .

طيب اها ورني البحكم على ما يجري منو ؟

بالجد عاوز اعرف ارجو ان تجاوبني

بعدين يا سيد هسع في مصطلح أقليميين هنا وشايقك معلم لي بالاحمر أيوه أنا من الخرطوم وعارف البحصل فيها (وأهل مكة أدرى بشعابها) ما سمعت المثل دا ما جبت سيرة
أقليميين ولا ذكرتهم لا بخير ولا بسوء أنت محرقصه في نفسك حاجه كبها هنا عشان

أنت اخير من الرفاعي دا مهذبها شوية وكاتبها بي دراما أنت جايب ليك كضبه كبيرة خاتيها وفرحان كمان وعامل بتناقش أتقو الله وخافوه في ناس مساكين بتطالع وبتصدق الكلام
انتو ما عندكم احساس ولا شنو
طيب يا أخي احترموا المنبر دا عيب البتسووا فيه دا

Quote: الشرطة في شوارع الخرطوم اكثر من المواطنيين !!!

..

فوق ..
كاتبي المفضل لهذا الربع .. مزيدا من تسليط الضوء .. على كتابات كاتبي المفضل