قول واحد - تهديد تلفوني تلقيته الآن

إستجابة لحملة مقاطعة الإنتخابات، قمت بتعميم رسالة من موبايلي.

بعدها بدقائق قليلة تلقيت إتصال هاتفي في تلفون المكتب (الثابت) وليس الموبايل من شخص لم يلقِ السلام ولم يعرّف بنفسه، بل ورفض التعريف بنفسه، قائلاً: بطلوا تمنعوا الناس حقوقهم، وإلاّ "الكلام ده بعدين بتاباهو"

يا أبوالريش ياخ نحنا في بوست "أساسي" بنصلِح وإنت تقنِب بِجاي تخرِب ...

وبرضو بيقولوا ديمقراطية

وإنت بتقتحم تلفونات الناس مالكـ ؛إستاذنت منهم؟


____________
التهديد مرفوض.

بكل بساطة ..
من حديثك يعني الزول الضرب ليك واحد من الرسلت ليهم رسالة في الموبايل .. كونك ربطت الامر بارسال الرسائل ..
يمكن معرفة المتصل بكل سهولة ..

..
..

اذا ما قدرت تعرفه .. شيل البوست دا و توجه لاقرب سفارة دولة غريبة ..
بس اتجنب ناس قيرغستان .. عندهم كاروشة شديدة الايام دي ..

هذا المعتوه لا يعرف أن اسمك (أبوالعزائم) .

نحن نساوى شنو مع الذين قدموا أرواحهم وهم يهتفون باسم الوطن

والذين استشهدوا في بيوت أشباحهم ورصاصهم الجبان

الكيزان أجبن من الجبن...... ولولا السلطة الواحد فيهم ما حا يقدر يرفع عينو.

[

center]اليوم بإذن الله تبدأ عملية الاقتراع للانتخابات السودانية بجميع المراكز
طوال أيام الأحد و الاثنين و الثلاثاء 11 و 12 و 13 ابريل 2010.
فسارعوا بالمشاركة في التحــول الديمقراطي الشامـل
مركز جــدة : القنصلية العامة لجمهورية السودان
من الساعة 11 صباحا وحتى 11 مساء
إختيارك لمرشح المؤتمر الوطني المواطن الصالح / عمر حسن احمد البشير
يعني إستكمال برامج التنمية والتقدم والازدهار
والسلام والوحدة المستدامة

ا

مرشح المؤتمر الوطني أصلب العناصر لأصلب المواقف

مع تحيات اللجنة الإعلامية لدعم مرشح المؤتمر الوطني بجــدة


صلاح حمد

ندين ونستنكر
وطبعا الرسالة من واحد من الناس الذين سرقوا المال العام ويريد استمرار مصالحه لاغير..

Quote: إختيارك لمرشح المؤتمر الوطني المواطن الصالح / عمر حسن احمد البشير يعني إستكمال برامج التنمية والتقدم والازدهار

اختيارك لعمر البشير يعني:
1- استمرار القتل والحروب في جميع أطراف البلاد وانفصال الجنوب.
2- استمرار احتكار الوظائف لابناء وبنات واقارب طغمة المؤتمر الوطني سارقي المال العام
3- استمرار رفع يد الدولة عن التعليم والصحة وجعلهما دولة بين أغنياء المؤتمر الوطني من مال المواطن المنهوب والمسروق وأن يدرس من لا يملك المال في مدارس بلا اساتذة والفصول ولا كراسي ولا كنب ولا ارداج واستمار دراسة ابنائهم واحتكارهم للكليات المرغوبة بنمملايين الدولارات حتى في الجامعات الحكومية أو في جامعات أبائهم المخصصة لهم دون غيرهم من ابناء الفقراء .
5- الاستمرار في دولة الجبايات والرسوم التي أسماها البشير نفسه المكوث والتي ما انزل الله بها من سلطان بمختلف المسميات بدون ايصالات مالية لرفاهية الانتهازية والحرامية من منسوبي المؤتمر الوطني ولاذلال الشعب المسكين الذي يضلل يومياً وعلى مدار الساعة.
4- الحصار الدولي للشعب السوداني وحرمانه من جميع التطورات الدولية والتكنلوجية فداءاً لحماية المطلوب للعدالة الدولية الالأناني البشير.
5- استمرار الحرب في دارفور وامتدادها لارجاء اخرى من البلاد ومزيد من الرشوى والمناصب للانتهازيين منهم على حساب عرق محمد أحمد المسكين (خلف الله في النسخة المستحدثة)..
أي وهم يعيشه المروجين للمؤتمر الوطني..

الاستاذ محمد واصل نضالك ولا تلتفت لتهديدات المأفونيين وكن قوياًً
حميده البيض الراجل بيقول ليك التهديد من تلفون ثابت

Quote: بعدها بدقائق قليلة تلقيت إتصال هاتفي في تلفون المكتب (الثابت) وليس الموبايل من شخص لم يلقِ السلام ولم يعرّف بنفسه، ..

وانت تجي بفهمك الشمال وتقول بعدم فهم

Quote: بكل بساطة .. من حديثك يعني الزول الضرب ليك واحد من الرسلت ليهم رسالة في الموبايل .. كونك ربطت الامر بارسال الرسائل .. يمكن معرفة المتصل بكل سهولة ..

ملحوظة ياحميد شايف الناس بتقول ليك يابشمهندس وانا اشك في ذلك
واذا صح ذلك تكون شهادتك من جامعة القران الكريم او خلوة شيخ محمد

الشغلانه واضحة جدا يا محمد
الزول ده من اقرب الناس ليك وبعرفك جق المعرفة وعايش معاك فى مدينتك الفيها انت
بعرف رقم موبايلك ورقم مكتبك وامكن رقم البيت كمان
واتحاشى يضرب ليك فى الموبايل عشان ما تعرفوا

أبو العزائم
لا تأبه للأشباح .. فالذى يرفض
تعريف نفسه يخشى على نفسه، عليه
فى مثل هذه الحالة استغل الفرصة
لسرد وجهة نظرك بهدوء فاذا استمع
فأنت المنتصر واذا قطع المكالمة فانت
الرابح فهى فرصة لخلخة المتنطعين .

تنويه بسيط:
من أرسلت لهم رسائل هم من الأشخاص المسجلين في جهاز تلفوني، أي أنهم كلهم معروفين لدي، إلاّ أنني قد ذكرت أمر هذه الرسائل في أحد البوستات أيضاً، وهذا الشبح المتّصل لم يكن من الأصوات المعروفة لدي.

Quote: يا أبوالريش ياخ نحنا في بوست "أساسي" بنصلِح وإنت تقنِب بِجاي تخرِب ...

عزّام اخوي ..... الخراب وينو؟

زول جاهو تهديد في صمة خشمو

الأخ الرفاعي ..

Quote: وبرضو بيقولوا ديمقراطية

يصدّقوا الكلام ده هم في الأوّل ... بعدين يطلبوا مننا نصدّقو

الأخ بشير أحمد ....

شكراً لرفض التهديد ....

بس أنا ما إقتحمت تلفون زول ... الناس الرسلت ليهم هم أشخاص مسجلين في تلفوني (يعني معروفين لدي، وبيناتنا إتصالات). يخيل لي زول زي ده لو عايز ترسل ليهو أو تتصل بيهو ما حتستأذن منو (فكرة غريبة إستأذنت منهم دي). دي حاجة، الحاجة التانية، الرسائل دي جرى الحديث عنها في واحد من البوستات، وممكن أي زول ياخد بيها خبر. دي ما الفكرة، المسألة هذا النوع من التفكير الضحل، ويظن إنو التهديد ممكن يمنع أي زول يعمل حاجة هو مقتنع بيها.

الأستاذ محمد أبو العزائم

الذي هددك من داخل هذا المنبر ..

تحياتي

الأخ حميدة ...

Quote: بكل بساطة .. من حديثك يعني الزول الضرب ليك واحد من الرسلت ليهم رسالة في الموبايل .. كونك ربطت الامر بارسال الرسائل .. يمكن معرفة المتصل بكل سهولة ..

بكل بساطة ..

أظنني رديت على كلامك في ردي للأخ بشير أحمد

الأخ عاطف مكاوي ..

Quote: نحن نساوى شنو مع الذين قدموا أرواحهم وهم يهتفون باسم الوطن والذين استشهدوا في بيوت أشباحهم ورصاصهم الجبان الكيزان أجبن من الجبن...... ولولا السلطة الواحد فيهم ما حا يقدر يرفع عينو.

صدقت .... وليتهم يسمعون

الأخ عثمان جلال الدين ...

Quote: أي وهم يعيشه المروجين للمؤتمر الوطني..

ليسوا واهمين .... بل منتفعين.

ليتك سمعت النبرة التي تحدث بها معي هذا الشبح. كانت نبرة من يحس أنه صاحب السطوة والأمر

الأخ نقابي عجوز ...

Quote: الاستاذ محمد واصل نضالك ولا تلتفت لتهديدات المأفونيين وكن قوياًً

صدقني لم أرَ في موضوع الإتصال غير إشارة لنجاح الإتصالات التي أجريتها ..

كن بخير

Quote: وإلاّ "الكلام ده بعدين بتاباهو

اها وانت قلت لية شنو ياابوالرجال ؟
اتاريك زول مهم وكــــــــــــــــــــــــــــــــــــــدا

مساء الخير يا ابوالعزائم

لكن ياخوى انت بتعمل كده لى شنو ؟؟؟

والرسائل عندك مجانية ولا شنو ؟؟؟

Quote: الشغلانه واضحة جدا يا محمد الزول ده من اقرب الناس ليك وبعرفك جق المعرفة وعايش معاك فى مدينتك الفيها انت بعرف رقم موبايلك ورقم مكتبك وامكن رقم البيت كمان واتحاشى يضرب ليك فى الموبايل عشان ما تعرفوا

العزيز الفاتح الجنيد

الأقرب إنو واحد عرف بأمر الرسائل من أحد الذين أرسلت لهم ... أو حتى من البورد. لكن صدقني ده كلو ما مهم ... الزول ده هو ما عارف إنو طمني إنو الرسائل أدت غرضها.

الأخ نزار ..

Quote: أبو العزائم لا تأبه للأشباح .. فالذى يرفض تعريف نفسه يخشى على نفسه، عليه فى مثل هذه الحالة استغل الفرصة لسرد وجهة نظرك بهدوء فاذا استمع فأنت المنتصر واذا قطع المكالمة فانت الرابح فهى فرصة لخلخة المتنطعين .

صدّقني هذا الشبح لم يكن على استعداد ليسمع، بل إتّصل ليملي أوامره، وكأنما اعتاد على هذا الشئ، وكان يتكلّم وهو يغلي، ما طمأنني على نتيجة الرسائل التي بعثتها.

أستاذي سالم أحمد سالم ...

صدّقني .. لا يهم من أين إتّصل، ولن أشغل نفسي كثيراً .. ما دام جبن أن يعلن عن شخصيته، سأعتبره أي واحد من الإنتهازيين .. فكلهم سواء.

تقديري

عصام دقداق

شكراً للمرور