شوارع الخرطوم خالية ..

.. بطريقة تدعو للحيرة

الأحد .. أزحم أيام الأسبوع يبدو كنهار الجمعة!

Quote: أزحم

دي جبتها من وين؟
الناس ملاوزة ياعمك

حبابا الديموقراطية ....











... المهم ....

.


طبعا يا حسين في موظفين بوظفو ليك المناسبات الذي بمهنية عالية،
أكبر مخدة على الراس وهاك يانوم .. نوم الهنا إن شاء الله!

صباحك ورد ياسحس


سيف اليزل


.

يا لبديع شوارع الخرطوم و هي خالية لليوم التاني على التوالي.

" ناموسيتهم كحلى "

Quote: و هي خالية

...
.

.

الشرطة في شوارع الخرطوم اكثر من المواطنيين !!!








بدون .... ياتمبس .

Quote: Quote: و هي خالية ... . .

.................................................حجر.

.

أحد الأصدقاء قال:
ذهبت يوم السبت واشتريت اتنين كيلو لحم ضان نضيف + طماطم + بصل أخضر كتييييير
لانو البرنامج حا يكون : قراصة اتنين بوصة بالدمعة + تلفزيون + كوتشينة + نوم.

.

بكره ح تتملي..
الناس مشت تقترع في اقاليمها..
بعدين تجي تقترع في الخرطوم ..
انت قايلهم زي حالتك قاعدين بصوت واحد؟
الطريقه دي هاضمنها الجبهجية من زمن دوائر الخريجين ..
ما تقلق ..
فايزين فايزين.

وين الصور ؟؟؟

نميري الله يرحمو ، زماااااان مش كان عايز يفّرغ الخرطوم ، وما لقى فرصة؟؟



وتيب !!!

Quote: الأحد .. أزحم أيام الأسبوع يبدو كنهار الجمعة!

الناس بتكون في صلاة الجمعة ولا مشوا الدافنة .....!

اها
الموقف كيف في ميدان جاكسون يا عموو .. الجماعة ديل وصلوا ..؟

و اليوم التالت كذلك .. اللهم أجعل كافة أيام الخرطوم انتخابات.

Quote: اللهم أجعل كافة أيام الخرطوم انتخابات.

اللهم آميييييين..
الفارات ماشين يقترعوا عند أهلهم، طيب ما يقعدوا مع أهلهم !! جايين تاني ليه..
هسي نحن قعد نمشي ليهم هناك؟؟


كرّهونا البلد ، وطفّشونا منها، وإحتلوها هم..








------------------------------
ولا أستثني من ذلك أهلي ناس المديرية الشمالية

Quote: الفارات ماشين يقترعوا عند أهلهم، طيب ما يقعدوا مع أهلهم !! جايين تاني ليه..

والغريبة انت قاعد في قطر هسي القطريين ديل قاعدين يجوك

.
.
.

Quote: و اليوم التالت كذلك .. اللهم أجعل كافة أيام الخرطوم انتخابات.

ارى الخرطوم القديمه تتحدث

Quote: والغريبة انت قاعد في قطر هسي القطريين ديل قاعدين يجوك

محمد إبراهيم ، رأس السوط وصلك واللا شنو؟؟
ناس قطر يجوني ليه ؟؟ الضايقهم منو عشان يطفشوا ويخلوا البلد؟؟
هو لو ما مضايقات سكان الخرطوم الجدد ديل (ولا أقول مُحتلّي) كنا جينا قطر واللا سمعنا بيها؟؟







----------
الله يرحمك يا أب عاج ، ومحافظ مديرية الخرطوم (ما متذكر إسمو)
والله لو سوّوها كان ريّحونا....

Quote: الفارات

خليك مني انا انا بالنسبة ليك مجرد اسم اسفيري وانت كذلك بالنسبة لي لا يهمني رايك في كما بالتاكيد لا يهمك راي فيك

شوف طريقة لاعمامك او اخوالك ناس المديرية الشمالية الذين سببتهم بلا ذنب لهم وسميتهم فارات


اسمو مهدي مصطفي الهادي اين هو الان واين نميري (مش غريبة انهم الاتنين برضو فارات يعني من الاقاليم)

كتبت كلام كتير ومسحتو لانو واحد بقول عن اهلو انهم فارات وبمجد في كشات مهدي مصطفي الهادي العنصرية يقولو ليهو شنو
بس نقول اللهم لا تمحنا ولا تبلينا ودعتك الله يا ود الخرطوم التفتيحة الشرد خلا الخرطوم للفارات

يا اخانا محمد ابراهيم علي

لكن ما افحمت اخنا صلاح عبد الله

ما تزعل هو اقحم ناس المشاليع اقحام عشان ينفي العنصريه عن نفسه.

طيب يا صديقي ابو شنب (صلاح عبد الله)!

Quote: Quote: اللهم أجعل كافة أيام الخرطوم انتخابات . اللهم آميييييين.. الفارات ماشين يقترعوا عند أهلهم، طيب ما يقعدوا مع أهلهم !! جايين تاني ليه.. هسي نحن قعد نمشي ليهم هناك؟؟ كرّهونا البلد ، وطفّشونا منها، وإحتلوها هم.. ------------------------------ ولا أستثني من ذلك أهلي ناس المديرية الشمالية

طيب يا خرطومي

انت وحسين ملاسي

يا حبيب انتو بس ما جيتو قبل الناس ديل بشويه

قايلن روحكم ناس سيف الدين جبريل؟؟؟(الجموعيه)

اي زول قالوا ما جمعوي معنا جاء اول البارحه بس!





اها ضحكتني وذكرتني طولة لسان بعض الكندين البيض لما يتفاصحوا ويحبوا يتعنصروا

يوقول لك المهاجرين كرهونا البلد؟؟!!

فنرد عليهم بكل صفاقه(على فكره هذه بلاد الهنود الحمر..اي زول غي ركده هو مهاجر وقع لكم؟؟؟

انتو بس حيتوا قبلنا....الا حقوق تتفاصحوا بيها لكم مافي يسمكم)!!

معليش يا حسين ملاسي ، ح أشّد البوست ده شوية كده وأرجعو ليك..

الأخ محمد أبراهيم ، ياخي أنا آسف جداً ، لو كلامي ده كان مسئ ليك بأي صورة كانت..
وأؤكد احترامي التام لك ولكل الاخوة هناولأهلي بالشمالية لاسيما دنقلا..
بس أنا فعلاً عايز ناس الأقاليم كلهم يرجعوا ويعمروا بلدهم، قعادهم في الخرطوم ضررو أكبر من نفعو
وفعلاً اتمنيت انو المحافظ يرجع أي زول ما عندو مصلحة حقيقية في العاصمة
ياخ قريتنا ما فيها ناس تتبع الجنازة، معقولة بس؟؟
ثم أنو يا محمد كلمة فارات دي ما نبذ ياخ؟

وبعدين ما تسمع كلام تراجي دي ، عاملة ليكم فيها هامش وعنصرية وبتاع
دي زولة مرطبة ياخ ، امشي شوف الهامش الساكنين فيهو في السودان ، قال مهمشة
هي طبعاً مهتمة بقضايا ناس الهامش (نظام وصاية وكده)..
ويا تراجي نحن أهلنا الكبار مولودين في الديم القديم (القشاشة) سمعتي بيهو
وأجدادي مدفونين في حوش فاروق وترب بلاع..
وخليني من سيف الدين الصغيروني ده ، أمشي أسألي عصام الدين جبريل ..


يا محمد ياخي أكرر لك أسفي واعتذاري، فأقبله رجاءاً..

Quote: نميري الله يرحمو ، زماااااان مش كان عايز يفّرغ الخرطوم ، وما لقى فرصة؟؟ ____________________ الفارات ماشين يقترعوا عند أهلهم، طيب ما يقعدوا مع أهلهم !! جايين تاني ليه.. هسي نحن قعد نمشي ليهم هناك؟؟

انه لمن السماجه .... وذلات البرمجه السلبيه .. او احاديث العقل الباطني !!!!

Quote: انه لمن السماجه .... وذلات البرمجه السلبيه .. او احاديث العقل الباطني !!!!

هاهاهاهاهاهاهاهاهاهاهاهاها
جيت لاحقا؟ طوالي انت ماسك في طرف توبها ياخ اعمل ليك شخصية مستقلة
ولمن يقولوا ليك جريو تراجي تزعل
وين ياخ مافيها منظر بتاع حريات تاني
هاهاهاهاهاهاهاهاهاهاهاهااهاهاي

Quote: انه لمن السماجه .... وذلات البرمجه السلبيه .. او احاديث العقل الباطني !!!!

الزول المسكين ده شكلو ممغوص شديد ياخ..
أخشى أن يكون من المحتلين الجدد!!
لا لا لا ، أشك في ذلك ، فالموضوع فيهو برمجيات سالبة
و عقول باطنة ، وعُقد ظاهرة..




اللهم اشف مرضانا ولا تُخيّب رجانا..





--------------------
وهبة ،، إزيّك ياخ ..

الاخ صلاح
عادة في مواضيع زي دي بيضيع الحق بين الرجلين انت محظوظ لو لم فيك واحد من (عرب الجزيرة) وسمعك قلت ليهو يا فارة كان ركبك عكاز لمن تدي لي ربك العجب
صدقني لم اكن اطالب ان تعتذر لي (ولكن ما دام جاني ) ما برجعو وباخدو بكل طيب نفس
وصدقني قبل ان ارد عليك في المرة التانية عملت Search باسمك في البورد ومكتبته لارى من اخاطب وكنت كاتب رد طويل بعد ذلك قلت يا ود العن الشيطان والموضوع ما بستاهل

بوست حسين ده فقد موضوعو بعد ده ممكن نستغلو في مناقشة لماذا لا يتوفر دفانين قبور في الاقاليم البعيدة وايضا لماذا لا يتوفر من يسك الحرامية في قرى الجزيرة القريبة (يسرقوا شنو انا زاتي ما عارف )
اسمع القصة دي حصلت لعمي الذي دخل كلية الهندسة المدنية جامعة الخرطوم 1967 بيحكي هو في اول يوم واحد بروفسر كبير (وهو مشهور وصاحب كمية من المناصب لن اذكر اسمه هناربنا يرحمه ان كان ميتا) قال عمي ان هذا البروفسور رسم خريطة السودان وبدأ يسال الطلاب واحدا بعد الاخر انت جاي من وين ويرسم نقطة في الخريطة اخر حاجة لما انتهى من كل الطلاب اكتشف ان الغالبية العظمي من خارج الخرطوم فقال لهم بكل تعالي ووقاحة (طيب وكت انتو تبقو مهندسين نمشي نحن نزرع ونرعى بالبهائم يعني) الود خرطومي وكدة
طيب انا اسي دي مهندس وعايش برة السودان قول داير ارجع بكرة دي امشي حلتنا اشتغل فيها شنو ولا اقول ليك سيبك من حلتنا هل بتعتقد اني ممكن القا شغل في مدني عاصمة الولاية ؟ ما هو لازم اجي احتل الخرطوم محل الطيارة بتقوم والرئيس بقوم وانتو كما عجبكم يا تمشو قطر ولا كمان امشو ازرعو لينا وارعو بالبهايم
يا خي لو حكوماتنا بتهتم شوية كان ممكن يكون في قطارات سريعة بين المدن القريبة من الخرطوم دي والله ما نبيت عنكم يوم واحد هو زاتو هواء الخرطوم ما سمح وبجيب المرض لكن (ادي الله وادي حكمتو )

ارجو ان تستحمل هترشتي الكتيرة ويا زول اعفي لي ان كان رديت عليك بكلام ما ياهو وعفو الله والرسول وربنا يغطي علينا بستره ويرجعنا سالمين

ولا انسى في الختام ان اشكر الاخ ملاسي على اتاحة الفرصة

Quote: اللهم اشف مرضانا ولا تُخيّب رجانا..

يا ابو صلاح
زولك بتاع البرمجيات دا اعذرو
هو تقريبا كدا ماعندو اي موقف ولا رؤية واضحة تجاه الكون دا كلو
الزول دا بخش المنبر هنا اول حاجة بعمل سيرش باسم تراجي وبشوفها وين وكاتبة شنو
او بمعنى ادق مكوجنة شنو .. بقوم طوالي بكوجن معاها
أنا مسميو جريو تراجي لكن بزعل من الاسم دا وبرضو عندو مناظر بتاعة حريات
ما تشتغل بيو كتير دا واحد من المواهيم الطلقهم بكري هنادا واحتار فيهم وحيرنا نحن ذاتنا معاو

___
تحياتي يا صاحب

Quote: او احاديث العقل الباطني !!!!

قرر قرر قر رقرر

أو كما قال تبلدينا

______________________

واحد متابع من بعيييييييييييد

ملاسي، ح أحّل البوست ده (temporarily) زي ما محمد قريبي ده إحتل الخرطوم (permanently).
- - - - - - - - - - - - - - - - -
قريبي محمد إبراهيم ، كيف حالك..
شكراً على قبولك لإعتذاري ، كتّر خيرك..

وبعدين لو عملت Search بإسمي حيجي طالع ليك غبار ، ياخي أنا الحِلة دي بجي شاقِيها (يااااااااك) وشتات، تقول لي مكتبة..
وبالجد موضوع الهجرة من الريف الى المدن موضوع جدير بالدراسة
طبعاً أي سوداني حر في بلدو، يتنقل فيها على كيف كيفو
ورأيي إنو الهجرة دي ما ح تتوقف طالما إنو مافي ما يُرغّب سكّان الريف على البقاء في أماكنهم..
ما في فرص عمل ، العلاج مشكلة ، التعليم ، الكهرباء ، الموية ، حتى الزراعة أصبحت غير ذات جدوى
فصنقع الشباب ودنقع ، فما وجدوا بداً من الرحيل نحو المدن الكبيرة ، خاصة العاصمة.
عندها لم يجد سكان العاصمة بداً من الرحيل خارج السودان
القصة جايطة ، حتى سكان الريف الجو العاصمة ، أصبح همهم يتخارجوا من البلد ويتركوها..
أتفق معك في أن للسكة حديد وكذلك الطرق البرية المسفلتة ومهيأة دور مهم جداً في تنمية الريف وتخفيف زحمة العاصمة.
وحتى الجماعة الشغالين في الخرطوم ، فبيبقى ليهم ساهل إنو الواحد يكون مع جماعتو نهاية الأسبوع
وده الحاصل بالنسبة لاخواننا (عرب الجزيرة) لقرب مناطقهم من الخرطوم، ثم إنو الناس ديل ما بتاعين عكاكيز ياخ ، ديل ناس بنادر..

لكن البروفسور بالغ مع عمك والله ...



-------------------
وهبة ، بالله هي القصة كده؟؟ نسأل الله السلامة.

ليلة سمر واحدة تحت ضل القمرا...مع حميد ومعاوية والبركل
تعدل 360 يوم من ليالي ونهارات الخرطوم والمدن والمجاورة