|
Re: مُرشّح حِزب الأمّة القومي عابدين مُحمّد علي بشير (مجلس وطني - دائرة 28) رامي قِدّام (Re: علاء الدين يوسف علي محمد)
|
إسترعت إنتباهي الخيمة المُظلِمة قُرب أحد مراكز الإقتراع بالبراري حيث ساقتني الأقدار. كان بها عدد مِن النِّسوة توقّفت قُربهُن سألتُهن: ماذا لديكن هُنا سيِّداتي آنِساتي ضِحكن و قلن لي إنت شِنو بتسأل؟ واحدة شافت صورة الريِّس في زجاج السيّارة الخلفي و أجابتها عنِّي وهي تضحك: هي دة مؤتمر وطني. ضحكت و ضحِكن قٌلت لهّن: والله لو عِندكم زول يملا العين نصوِّت ليهو طوّالي فقامت إحداهن واتّكأت على نافذة السيّارة و قالت لي: مُرشّحنا الأُستاذ عابدين تصوِّت ليهو؟ قُلت لها: تابع لياتو حِزِب أوّل .. أصوِّت ساااااااااااي كدة بس؟ قالت: الأُمّة القومي و أشارت لي ناحية الإعلان المُرفق قُلت: طيِّب ديل ما قالوا ما دايرين ما دايرين ضحِكت و قالت لي : لا يا أخوي نحن جاهزيييييييييييين ضحِكنا قليلاً و ذهبت لحال سبيلي مُتمنِّياً لُهُن التوفيق
| |
![ICQ](https://sudaneseonline.com/db/blank.gif) ![AIM](https://sudaneseonline.com/db/blank.gif) ![Yahoo](https://sudaneseonline.com/db/blank.gif) ![URL](https://sudaneseonline.com/db/blank.gif) ![Edit](https://sudaneseonline.com/db/icon_edit.gif)
|
|
|
|
|
|
|