لما ترجع يا الامام

قصيدة للحبيب زروق العوض امين الاعلام والثقافة بهيئة شؤون الانصار


لما ترجع
تنتشي الدنيا وتفتح في الغصون أجمل أزاهر
لما ترجع كل شموس العزة تشرق من بهاك تضوي الدياجر
لما ترجع يرحل الحزن الطوانا ويرجع الفرح المهاجر
ويسكن الالم المعذب للمساكين في العنابر
لما ترجع ليك من أعماقنا نهتف تلتهب منا الحناجر
ويرتفع صوت الحقيقة وتكتسي بالصدق المنابر

لما ترجع شرفة الامال بتفتح
لما ترجع عندنا الاطفال بتفرح
لما ترجع النفوس بتطيب وتنصح
والمخاصم ينسى لاضغانه يصفح
لما ترجع لديارك بالامل والفال موشح
الحياة فوق الجداول دافقةبي خيراته تنضح
والغصون تخضر تاني والورود ازهارها تفتح
والعتامير والفيافي الزيفة يلفح
يوم رجوعك تبقى جنة والبلابل فيها تصدح
والقمح حاضن السنابل والقطن نواره فتح
والنخيل فوق السواقي من اريج عطرك يلقح
لما ترجع لينا سالم ليك بالاحضان نسالم
جــــوه من أعماقنا نفرح
والدموع تملأ المآقي
وتاني لريدتنا تفضح
انت ساكن في قلوبنا
وفي دماناالجارية في الشريان بترشح

ابو ام سلمة تور الجاموس الكلالي000في البروق قرنك يلالي
دربك صعيب للكذاب والضلالي000 يا خريف النترة الصب في العوالي
قرنك يدوس 0(للفنجاط) والمتعالي00ات صقر عقاب ماك فريخ قماري

هذه الابيات من قصيدة طو يلة للحكامه مريم بت الاحيدب حينما رات الحبيب الامام اول مرة مشاهدة العين بالعين في اخر مؤتمر وهي اتت من دارفور من بادية كليكلي ابوسلامة
اعمال الضعين جنوب دارفور 0 ومن حبها للكيان واصرارها علي رؤية الامام باعت جمل جحفتها واتت مع الحاضرين ممثله لنساء الباديه0 وفي ايام التسجيل عملت
بهمة وجابت كل الفرقان وهي تحث الانصار للتحرك وهي تدفعهم لذلك بمقولتها
(يا الله يا انصار الله يوم الحاره جي) فكانت لوحدها عربة اعلام متحركه وهي تحمل صور الامام وصورة الامام المهدي وصوره لها مع دكتورة مريم0 يقيني
لن تقع راية مثل هذه الانصارية من حماتها

شكرا الحبيب العجيل لهذه الصوره الحية التي تلهب المشاعر وشكرا
للحبيب الشاعر رزوق العوض الذي جاب بوادي دارفور في الحملة الاعلامية له التحية وصحبه الميامين الذين جابوا تلك الاصقاع فريق قريق وحلة حلة


حبيبكم في الله

جمال مسبل

جدة السعودية

ارفع راسك افع صوتك فانت حزب امة