من بحري الي لاس فيغاس عبر القاهرة .. في تلاته خطوات >>

مكتب عوض كاروشة المشهور ب عوض نضال لتصدير المناضلين
يعلن عن اكتشاف طريقة جديدة لتصدير مناضلي بحري و حلة حمد و حلة خوجلي الي الولايات المتحدة الامريكية ...
بشرط توفر مقومات معينه ..لكن قبل ما نقول الشروط حقو نديكم نبذه عن (امريكيا) دي ..


طبعا .. يا جماعة امريكا دي حتة ساقطة و رطوبة و فيها بط و ازهار بجانب البحيرة و جعة و شطيرة وقليل من النبيذ
يعني مكسب دولي عديل كان الواحد رطب هناك
طبعا دا خلاف للحريات المجدعة في الشوراع .. عادي جدا من الصباح لو حسيت نفسك ككو تطلع في خشم بابكم وترفع ليك كيلو بتاع حريه وتقول للناس انا ككو ..
و الناس تساندك في الموضوع و يعملوا ليك جمعية حماية الككو ..
غير انه طبعا الحكومة بتوزع قروش و قسائم طعام و حلاوة مولد...
لو قمت من الصباح ما لقيت عندك فرشة اسنان ممكن عادي تتهم الـFBI انه في برنامج سري مع استخبارات البحرية الامريكية عشان يطلعوا سلاح بيولوجي من عفانة خشمك دي...
و تدق ليهم جرس و تمشي لناس مسلسل Boston Legal يرفعوا ليك قضية يقوموا ناس المخابرات يغتالوا مرتك و تمشي تتكل مع ناس Prison Break في المخزن بتاعهم داك...



نواصل ..

فيصل بقيت ( نقَاق ) ياخي
الكاروشة دي قامت على عمر الفاروق قبل فترة
وحميدة في شهر العسل الماضي برضو ..

دا في ما يتعلق بالحريات و سلامتك الشخصية ..
بالنسبة للنواحي التانية ممكن في نهاية الجولة تتصور مع اوباما في الوضع البريحك ..
و تقيف مع سناتور في ناصية الشارع او بيت بكا تقول ليهو مستر ماسوره ما يحدث في دارفور سيدخلك في موقف بايخ مع زوجتك الشابة الجميلة الرجاء اتخاذ موقف عشان توريها انك سناتور ..
يقوم طوالي يمشي يعقد اجتماع لجماعات الضغط و ديل الجماعه البضغطو الحاجات ..
يعني يضغطو كده لمن الضاغطنه ده يامن ..و يعملوا تحالفات يقوم يقولوا ليهو سوف ادرس الامر علي ارض الواقع ...
يدهو تلاتة مليار مصروفات جيب لدراسة الحالة يفك ليها مليون كدا .. تنسيك دارفور و السخانة و الكتاحة ...

و الناس ما تتخوف من حكاية اشتغل في طرمبة و غسل عدة و الحركات دي
مجرد ما تصل تقعد تبكي بس تقول لقد عشت طفولتاً معذبتاً عذاباً شديد .. ما كان عندنا بانيو كنا نستخدم اداة محلية تسمي جردل الزنكي يستخدمها النازيين لتفريع البلاعات
و ندعك اجسادنا بقطعة من الفنيك المحرم دوليا
و طوالي يا عمك ترفع فنيلتك توريهم اكبر حبة برجم عندك و تقول ليهم دا الفنيك االنووي ...
والمحرم دوليا ...اهي اهي اهي ...وتديها نخجه ..

و الكلام لازم يكون باللغة العربية الفصحى عشان الترجمة وكدا
و حاول تلبس فنيلة بيضا و تحلق خفيف ...
من العبارات المحببة ( لقد كانت امي تجلب لنا الطعام ) و تديها ابتسامة كضابه كده ..

المرحلة الاولي تجهيز المواطن للعيش في البيئة الامريكية
و هذا الامر ليس بالضرورة يتعلق بدواعي الهجرة الي الاراضي الامريكية انما اسلوب للعيش ...
علي الشخص المغادر ان يعلم انه في سبيل المخارجة يجب ان يتحلي بجميع صفات الكضب و تفخيم الامور و يكون مأخد دورة في اشعال الحرائق و دورة بتاعت اسعافات اولية ..
و يحدد من الاول الطريقة الداير يتخارج بيها
ثقافيا و لا اجتماعيا و لا امنيا و لا جنسيا ...

ثقافي :يدخل من مدخل القصص الاباحية و يحشر الادب ما بين الصرة و الركبة و كان زول فتح خشمه يعتبر انه كسر قلمه طوالي يركب اقرب طيارة في طريقه و يتخارج للقاهرة او القاهره ..
اجتماعي: يجي يقول اغتصبوا حبوبتي و خالتي و غنمايتنا و الكلب قطعوا ليهو ضنبو عشان كدا بعيق ليهم الحركة ...
جنسي : يقول ليهم انا كنت بت لمن كنت صغير بس ابوي اصر انه اطلع ولد و انا ما قادر اعيش في جلباب ابي ...

الظاهر عزيزنا فيصل مشتهي ليهو بلعة بوست ..والله اعلم !!

امنيا طبعا ساهلة و بقت المكنة ما بتقسم مع الخواجات شديد ..
لكن لو كان دا خيارك ممكن تقول ليهم لمن اعتقلوني ركبوني في طيارة B56 و نحن في الجو و انا مربوط في الكرسي قام عميل مذدوج فتح باب الكارغو و لزاني لمن جيت اقع مسكني من الكرفتة و قال لي اعترف ..
بس انا قلت ليهو ما بعترف ...
بدا يفك في الكرفتة شوية شوية ..
و يقول لي اين قدم الارنب ..
وانا اقول ليهو قدم ارنب بتاعت فنيلتك ..
اها قام العميل المعاهو الما مزدوج قال ليهو الزول دا لو وقع سنقضى وقتنا في اجراء المعاملات المكتبة و تعبئة الاوراق مما قد يفوتنا الفطور عند عوضية سمك ..
فتركني العميل المذدوج قمت قلت ليهو سوف اقتلك امام زوجتك ..
قام لي انت ما عندك موضوع مش كدا ...
واداني كف ..
و الله العظيم اداني كف ..
بعد ما كان داير يرميني من الطيارة
قمته استفدته من انه باب الطيارة فاتح وختفته لي برشوت ونطيت ولبسته في الجو ونزلته في مزرعه ..وناس المزرعه ديل ساعدوني واووني واكلوني وعالجوني ..
وجابوني ليكم ..
سوف اعود لاشكر تلك المرأه التي ساعدتني يوما ما ..

لمزيد من الشفافيه للقراء راسلونا علي : [email protected]
والله لا يضيع اجر من احسن عملا ...
وكده ..
فيصل الرشيد وشركاه ..
خبراء في رصد الكضابين ..

Quote: لمزيد من الشفافيه للقراء راسلونا علي : [email protected] والله لا يضيع اجر من احسن عملا ... وكده .. فيصل الرشيد وشركاه .. خبراء في رصد الكضابين ..

الحاصل شنو متابعين

Quote: لمزيد من الشفافيه للقراء راسلونا علي : [email protected] والله لا يضيع اجر من احسن عملا ... وكده .. فيصل الرشيد وشركاه .. خبراء في رصد الكضابين ..

الناس ما تدقس وترسل أي رسوم للوكالة دي ..

أولاً الوكالة منافية لشروط التسجيل التجاري في الولايات المتحدة .. وماعندها سجل تجاري..

ثم انه صاحبنا دا بينوم بالباقي ..


لذا وجب التنويه ..

عمممممممممك
الصنف دة بتجيبوهو من وين عليكم الله إنت و حِمّيدة و تامبا

أها يا سيدي ليك
أنا قرّرت إنُّو أشتِّت أمريكا
و أعمل لي قضِيّة أكنكِش فيهاقوي
و إتصوّر مع قضيتي دي أهمّ حاجة
صورة خسوسي
و أجي أنشُرها هِنا لأُثبِت للآخرين كيف أنا (مصاحِب) قضيتي


بالمُناسبة في سامبل لي متنوضل مكنكِش في القضِيّة
بعد البوست يسخِّن ممكن نجيبو ليكم هِنا دة بي صورتو وهو مكنكِش في قضيتو

حسسسسسسسسسسسع انا بي سبب بوستيك دا
ممكن اطلب اللجوء لامريكا
واصير من اكلي الوليفر

لانو بوستيك دا حيكون سبب رفدي من المجلس
ضحكت بي صوت عالي من غير ما احس اني في الشغل
لمن زملاني انتبهوا
واتحرجت طبعا شديد



غايتو يقع فيكم العدو

Quote: حسسسسسسسسسسسع انا بي سبب بوستيك دا ممكن اطلب اللجوء لامريكا واصير من اكلي الوليفر

عادي يا مياده ..
عادي زي الزبادي ..
في اقتراحات جديده لأستراليا كمان ..
خليك قريبه ولو عندك امثله او ترشيحات بنقبله ..
لو عندك شك ممكن نقطعه باليقين ...
لو عندك يقين طواااالي اتوكلي ورشي رشك ..وما بتجيك الحبه يا بتي ...

اتفضل يا مستر خازوق ..
وناولته السيده التي تتولي امره منذ وصوله كيس فيه بطانيه من الصوف وشرابات و قفازات و فانله حقت (صقط)...
غدا سوف ياتي لك شخص يرتدي ستره سوداء ونظاره سوداء وقفازات سوداء ويقود عربه سوداء ..
ستذهب معه الي هناك ..
هناك وين .؟؟
لا تسأل كثيرا ..فقط اذهب ..
هكذا كانت اجابتها بشئ من الامتعاض ..ثم صبت لنفسها كأسا من الشراب تجرعته علي عجله وانصرفت ...
لكنها توقفت للحظات عند الباب والتفت اليه قائله
..مستر خازوق ..اعلم انني قاسية بعض الشئ ولكنها طبيعة عملنا ..
بالمناسبه ...ان كنت لا تزال تشعر بالبرد يمكنك شرب كاس من المارتيني الموجود علي الطاوله ...
سيجعلك اكثر دفئا ..
هكذا قالتها ..وشتتت ..
واوي خازوق الي السرير وهي يفكر وينظر الي زجاجة المارتيني ..
لابد انها باهظة الثمن ..

الانباء الواردة من القاهرة تؤكد وصول مناضل الكلمة و القلم .. الي الشارع الفيهو السفارة ..
في عملية اطلق عليها ( عملية نشـــوفا ) ..

..
..

او كما قال كركر .. حأنام معاها ..

Quote: او كما قال كركر .. حأنام معاها ..

لقد بالغ كركر يا عمك ..
معقول كل ما يشوف ليه جمره يقول كلامه ده ..كااااااااااااااك كبكبه ...
ـــــــــــــــــــــــــــ
ياخ ساعدنا بي امثله وحيثيات ..
بعدين في نقطه هامة ما اتكلمنا فيها واللي هي عن الدعم المعنوي لطالب الهجره ..
يعني في ناس طبعا ما بجدعو لكن بجيبو الحجار ..
فيا ريت تدينا انطباعك عن الناس دي ..
وهل في امكانبة انهم يطورا الخدمه دي من جيب الحجار فقط الي عمل محجر وخلاط خرصانه ..
ومن ثم توفير اليات لهذا العمل ..

كنا واقفين وين ؟؟!!

في مرحلة نسيتها ..
بتاعت لمن يكون قاعد في المحطة الاولي .. و في الحالة دي القاهرة ..
بجي يشبكك .. و الله حدثني صديقي المصري .. و قال لي صديقي التونسي .. و امبارح لاقيت عيسي حياتو ..
يعني اصبح عنده انفتاح علي الامم ..