Post: #2 Title: Re: تمانيه شجرات في تمانيه ورقات محل ماتلقى الشجره في ورقه ( اشخط جوه الدائره) Author: أبو عبيدة البصاص Date: 04-10-2010, 06:17 PM Parent: #1
اب
Post: #3 Title: Re: تمانيه شجرات في تمانيه ورقات محل ماتلقى الشجره في ورقه ( اشخط جوه الدائره) Author: عبد اللطيف السيدح Date: 04-10-2010, 06:35 PM Parent: #2
أمان الشدرة ما راجيها شخط الاحد والاثنين والثلاثاء
Post: #4 Title: Re: تمانيه شجرات في تمانيه ورقات محل ماتلقى الشجره في ورقه ( اشخط جوه الدائره) Author: اسامه هاشم Date: 04-10-2010, 07:12 PM Parent: #3
up
Post: #5 Title: Re: تمانيه شجرات في تمانيه ورقات محل ماتلقى الشجره في ورقه ( اشخط جوه الدائره) Author: أبو عبيدة البصاص Date: 04-10-2010, 07:57 PM Parent: #4
. . . شكراً خلف الله لانك لم تعذبنا
شكراً خير الله وبرير
قلتو لي اشخط في نص الدائره العاوزه
بيني وبينكم اشخط ويييين
غير الشدره
بكره من الصباح امشى ليك مركز الاقتراع
واقيف ليك جنب الزول الاول العندو الورقتين
اشيلم وادخل اصبعي في الحبر
وامشي ليك الستاره وافتش ليك الشدرات الاتنين
وهاك ياشخط وواطبقن ودوش جوه الصناديق
دي هسي صعبه
واطلع تاني امشي ليك للزول التاني العندو باقي الورقات
اشيلن وتاني ارجع الداهيه دي الساتره
واقعد في كل ورقه اشخط شدره وراء شدره وورقه وراء ورقه
اقل من دقيقتين اكون عملت لي غاااابه عدييييل
وبعدين يجوا ناس الفرز امانه يشوفوا مني كلام
يفتحوا الورقه الاولى الشدره صااااااااااااااااح كبيييييير ما حقت الرئيس
والورقه التانيه الشدره صااااااااااااااااح
والورقه التالته الشدره صااااااااااااااااح
وعييييييييييييييك لحدي بطن الجماعه ما تطم
دحين غير صاااااااح الشدره بلقوا مني حاجه تانيه
الله يجيبك يا الصباح عشان نؤدي الامانه بتاعتنا
ونمش على شغلنا
...
Post: #6 Title: Re: تمانيه شجرات في تمانيه ورقات محل ماتلقى الشجره في ورقه ( اشخط جوه الدائره) Author: علاء الدين يوسف علي محمد Date: 04-10-2010, 08:03 PM Parent: #5
نحنُ شعبٌ يُحِب الخُضرة
بُكرة الشارِع كلللللللللللللو تلقاهو شدر
Post: #7 Title: Re: تمانيه شجرات في تمانيه ورقات محل ماتلقى الشجره في ورقه ( اشخط جوه الدائره) Author: أبو عبيدة البصاص Date: 04-10-2010, 10:57 PM Parent: #6
Quote:
نحنُ شعبٌ يُحِب الخُضرة
بُكرة الشارِع كلللللللللللللو تلقاهو شدر
تعرف ياعلاء الدين
اي نحنا شعب بنحب الشدر وماء والوجه الحسن كمان كدي هسي في غيرن بزيل الحزن
لكن لازم نكون واضحين وصادقين مع نفسنا
نحنا لييييييه بنحب الشدره وعاوزين نصوت ليها
ما ياهم كلهم اولاد تسعه وقروا حنتوب وخورطقت والكليه الحربيه
ماياهم كلهم من جيل واحد ولا جيلين بالكتير
لييييه نحنا من دون كل الاشكال الدلاليه في ورقة الانتخابات
حانشخط في الدائره القصاد الشدره
بي بساطه وبدون لف ودوران وكلام منمق
والله عشمانيين التنميه تتم ماتقولوا لي حكومه شوراع وكباري اي عاجبانا وساره عينا مش اخير من الدقداق ورمي الصاجات في الصحاري وقطيع الشدر عشان اللواري تمرق من الوحل ....
ولا كل يوم يومين مركب غرقت في البحر كمان لحدي هسي بتنذكر العباره الغرقت في بحره النوبه وهم ماشين ولا جاتيين من مصر ربنا تقبلهم هسي بقى في زلط بربطنا بي مصر
ااااااي حكومه زي دي قالت عندها مشاريع ما تمتها ونحنا ضقنا تعب الدقداق ورمي الصاجات واهلنا غرقوا في البحر وفي عزها هادي الحيكومه بقينا نقوم من بورتسودان بي الصباحخ نتغدى في الخرتوم دحين كيفن ما نصوت ليها
عشان كده بقول تمانيه ورقات بي تمانيه شدرات بنسوي فيهن تمانيه شخطات في تمانيه دوائر
والملك بي يد الله هو البديهو وهو البشيلو لكن نحنا حانسوي البرضي ضميرنا
وتاني لييييه الشدره
يمين عندنا مليون سبب وسبب عشان نصوت للشدره
كدي في واحد فيكم سمع ميكي ماوس في الفيلم بتاع الكرتون بتاعو داااك
لما كان بعدد في اسماء الدول وآآآآآآآآآآآآآخر دوله قاله السودان وقفلوا الستاره
والغبينه من يوم داك ما مرقت مننا كيفن احفاد بعانخي والمهدي وبادي ابوشلوخ ومنو ومنو
يذكروهم آخر شي اها دا براهو سبب يخلينا نصوت لي الشدره
Post: #9 Title: Re: تمانيه شجرات في تمانيه ورقات محل ماتلقى الشجره في ورقه ( اشخط جوه الدائره) Author: أبو عبيدة البصاص Date: 04-10-2010, 11:18 PM Parent: #4
اسامه هاشم ابقى قريب
Post: #8 Title: Re: تمانيه شجرات في تمانيه ورقات محل ماتلقى الشجره في ورقه ( اشخط جوه الدائره) Author: أبو عبيدة البصاص Date: 04-10-2010, 11:09 PM Parent: #3
Quote: أمان الشدرة ما راجيها شخط الاحد والاثنين والثلاثاء
عبد اللطيف اخوي
منو ده البنتظر لحدي يوم الاتنين والتلاتا عشان يشخط لي الشدره
يازول انت بي صحك ..
يمين تلقى السوابق منا والمصلينا
يمين الحلال دي من هسي لبست هدوم العيدفضل خمسه ساعات
للاقتراع واحدين بقوا يتململوا في سرايرهم بدوروا يصلوا اول ناس
ويشخطوا الشدرات التمانيه ويريحوا بالهم اصلوا هم قعاد البشير ده هم وطني
وعلى كده البصوت اول ده زي الضحى بعد الامام مباشره
ولييييييه نصوت للشدره مش كفايه عشرين سنه ؟؟؟؟؟
ده اعبط سؤال توضيحي عشان تفهم بيهو الناس دي
على فكره والله نحنا هنا متورين نفسنا سااااي الناس البره ديييك
ما بره السودان بره المنبر ده
قدر ما تقوم المعارضه في سودانيز اولاين قالت كده يقولوا ليك
البشير لو بصوتوا ليهو نحنا معاهم يا جماعه انا بقول ليكم المعارضه
يقولوا ما تكتر الكلام بصوتوا للبشير ولا لي زول تاني
اسكت وامش
وليييه ياخلف الله الناس دي هنا تعابنين ساااي كده
والله بذكروني الاتنين الدخلوا سينما النيلين وحضرو فيلم هندي
وطلعوا بعد الفيلم يحكوا لي بعض
قلوا لي قرشن قرشن
ولا قريشن قريشن
احب ماما امريكا
بكره الدغش ياخلف الله وانت ياخير الله ما تشيل هم مرتك الحامل دي عندها حق التخريم من الصفوف وطوالي تمش تشخط لينا التمانيه شدرات
ولييييييه نصوت لي الشدره
لانو
لانو
لانو
ياربي الناس دي يفهموها كيييف
بكره الدغس ياناس
Post: #10 Title: Re: تمانيه شجرات في تمانيه ورقات محل ماتلقى الشجره في ورقه ( اشخط جوه الدائره) Author: امجد البصيرى Date: 04-11-2010, 01:08 AM Parent: #8
Quote: منذ ايام تقبع سارة (خريجة المختبرات الطبية) وطفلها الرضيع الذى لم يكمل العامين فى سجن أم درمان فى منظر يدمى القلب ويجعل أي صاحب ضمير حي يبكى بحرقة على الوطن الذى انهار فيه كل شئ لدرجة ان الأب يلقى بابنه الرضيع مع المجرمين بدون وخزة ضمير انتقاما من طليقته التى لم ترتكب اي جرم سوى ان طليقها يقرب لزوجة مسؤول رفيع في الدولة (ولدي كل المستندات التى تؤيد كلامى، والشهود أيضا). * وكنت قد كتبت عن الموضوع وناشدت السيد رئيس القضاء مرتين من قبل بالتدخل قبل أن تتعقد المشكلة، ليمنع انتهاك أحكام القضاء ويضع الامور فى نصابها الصحيح، إلا أن شيئا لم يحدث حتى وجدت سارة نفسها فى السجن مع طفلها الرضيع وسط المجرمين!! * القصة باختصار شديد أن طليق سارة (والد الطفل) رفض في العام الماضى أن يسافر الابن معها إلى جمهورية مصر لمرافقة امها المريضة، فاستصدرت حكما قضائيا يسمح له بالسفر معها، وسافرا بالفعل وحضرا فى أقل من ثلاثة أسابيع، إلا أن الوالد حصل لاحقا (بعد عودة سارة وطفلها) على حكم من محكمة الإستئناف بإلغاء حكم المحكمة الابتدائية، وكان من المفترض أن ينتهى الموضوع عند هذا الحد باعتبار أن الفعل قد وقع ولم يعد هنالك ما يفعل!! * إلا أن سارة فوجئت بقرار غريب من المحكمة الإبتدائية التى خرج الموضوع من يدها تماما يأمرها بتسليم جواز سفر الطفل إلى أبيه وهو ما لم تامر به محكمة الاستئناف أو أية محكمة أخرى، وعندما استفسرت عن القرار أبلغها القاضى بأنه توجيه من رئيسه الاعلى (وقد نال نصيبه من العقاب على إفشاء هذا السر الخطير)!! * رفضت سارة الانصياع للتوجيه الذى يعد تدخلا مريعا في احكام القضاء، فالسلطة القضائية مكفولة حسب القانون للدوائر القضائية الأعلى فقط وليس للقضاة بحكم مناصبهم الادارية، ثم استأنفت القرار مع شكوى إلى عدالة رئيس القضاء تلتمس حمايتها من أصحاب النفوذ، وعندما لم يبت رئيس القضاء في الشكوى اشتكت الى رئيس الجمهورية، وبينما هي في الانتظار فوجئت بمحكمة الإستئناف تأمرها بتسليم الجواز، ولكنها رفضت فحملت هي وطفلها إلى السجن!! * كان يمكن لسارة أن تسلم الجواز وتعيش حياتها في هدوء، إلا أنها فضلت السجن بكل إباء وشجاعة نادرة المثال لحماية مبادئ العدالة والقانون التى ينتهكها البعض بدون خوف أو حياء أو تأنيب ضمير!! * هذه هى قصة سارة باختصار، وقد سمحت لنفسي بإخفاء الأسماء وبعض التفاصيل المثيرة ولكنني سأعود إليها إذا لزم الأمر.. ولا تزال مناشدتنا لعدالة رئيس القضاء قائمة!!.
مناظير زهير السراج السوداني
Post: #11 Title: Re: تمانيه شجرات في تمانيه ورقات محل ماتلقى الشجره في ورقه ( اشخط جوه الدائره) Author: كمال سالم Date: 04-11-2010, 01:18 AM Parent: #10
يابصاص إنتو ( أشختوها ) ونحن بنكبرا .
Post: #12 Title: Re: تمانيه شجرات في تمانيه ورقات محل ماتلقى الشجره في ورقه ( اشخط جوه الدائره) Author: علي الكرار هاشم Date: 04-11-2010, 05:50 AM Parent: #11
الوصية الانتخابية
أعمل صاح أمام الشجره فوق الورقه أصلو الشجره تحميك تبقي ليك الدرقه صوتك ما بضيع صوتك يسد الفرقه ما تروح ناس فلان بتضيع شمار في مرقه
Post: #13 Title: Re: تمانيه شجرات في تمانيه ورقات محل ماتلقى الشجره في ورقه ( اشخط جوه الدائره) Author: Alshafea Ibrahim Date: 04-11-2010, 06:22 AM Parent: #12
ياعلاء تحياتي لا ... لا تحبون الخضرة ولا يحزنون ... عشرون عاما ولا شبر جديد تمت زراعتة وإضافتة للرقعة الزاعية الموجودة ... عشرون عام وأنتم تحرقون حشى مواطن الجزيرة والمناقل والفاو والسوكي وأبو نعامة بزوال خضرة أرضه وحرق آليات مشروعه بنار جياد .. عشرون عاما وعربات الجيش بتعليمات من كبار الجنرالات تقوم بنهب و إزالة أشجار النيل الأزرق من الدمازين للحدود وتم بيعها حطب وفحم لصالح جنرالات الجيش ... لا علاقة لكم بالشجرة والخضرة ... لكن بما أنكم تنكرتم لاسم حزبكم وبقدرة قادر اصبح اللا وطني .. لا نستبعد منكم أن تتباكون وتتظاهرون بحب الخضرة والشجرة ياسبحان الله . تحياتي الشفيع
Post: #14 Title: Re: تمانيه شجرات في تمانيه ورقات محل ماتلقى الشجره في ورقه ( اشخط جوه الدائره) Author: ABDELMAGID ABDELMAGID Date: 04-11-2010, 06:31 AM Parent: #13
Quote: ( اشخط جوه الدائره)
يا ساتر !!!!!!!!!
Post: #15 Title: Re: تمانيه شجرات في تمانيه ورقات محل ماتلقى الشجره في ورقه ( اشخط جوه الدائره) Author: ABDELMAGID ABDELMAGID Date: 04-11-2010, 06:55 AM Parent: #14
Quote: أمان الشدرة ما راجيها شخط الاحد والاثنين والثلاثاء
الكترااأأبل !!!
Post: #16 Title: Re: تمانيه شجرات في تمانيه ورقات محل ماتلقى الشجره في ورقه ( اشخط جوه الدائره) Author: أبو عبيدة البصاص Date: 04-11-2010, 07:23 AM Parent: #15
. . . ياخير الله ما سمعت الخبر 42 مراقب من امريكيا اها ديل لو قالوا نزيهه
وبتاعين الدول العربيه قالوا نزيهه
وبتاعين اوروبا قالوا نزيهه الناس دي تقبل وين تاني
ياخير الله خلف الله شبكتو رجعت ولا لسه
على العموم والله كل الاخبار الوارده بتؤكد انه التوافد لمراكز الاقتراع
وصل مرحلة الازدحام
وابقى قريب
عشان تعرف انه السودان بدا مرحلة المخاض الجديد لوطن جيدد
ابقوا قراااااب
Post: #17 Title: Re: تمانيه شجرات في تمانيه ورقات محل ماتلقى الشجره في ورقه ( اشخط جوه الدائره) Author: أبو عبيدة البصاص Date: 04-11-2010, 08:25 AM Parent: #11
Quote: يابصاص إنتو ( أشختوها ) ونحن بنكبرا .
كمال سالم اخوي
ابقى طيب كل زول يسوي سوايته
والمراقبين قاعدين حتى الامريكان
تعرف ياكمال يا اخوي
جا عمنا هسي قلت ليهو الاقتراع ماشي كيييف قال لي ياخي ديل زحمتهم التقول في عرس
قلت ليهو كيفن مافي عرس اكان الناس دي زهجت من الجامعه المنصبين انفسهم اوصياء على الشعب السوداني اهاااااا الليله الشعب
السوداني حالف قسم الا يقول كلمتوا وكارتر قااااعد
ويقولوها بالخشم الملان نحنا عاوزين الشدره
اها دي فيها كلام
وازييييدك كمان يمين المراكز كلها شباب ونسوان والزحمه تتور النفس
واغلب الناس في مكاتبهم يعني بعدين والله المراكز دي الا تقول الرووووب
والكل شغال شخط شدره ورا شدره اقصد ورقه ورا ورقه
بس انت ( كبر)
ونحنا بنكبر ونهلل كمان
وابقى قريييب
Post: #19 Title: Re: تمانيه شجرات في تمانيه ورقات محل ماتلقى الشجره في ورقه ( اشخط جوه الدائره) Author: أبو عبيدة البصاص Date: 04-11-2010, 02:16 PM Parent: #17
. . . اهاااااا
الحمد لله والشكر لله الواحد اكان في ضهروا حمل كبير ونزلوا
مش هي امانه هسي في اتقل من الامانه
الحمد لله الواحد الغظيم المتعالي
يلا نحكي ليكم
بعد الواحد انتهى من الشغل رجع البيت
شال ليك البطاقه الصغيرونه ديييك وقال
زي ما الاشاعات بتقول المراكز بتكون فاضيه
الواحد يقومبرمي صوتو ويشوف ناس المنابر دي بتسوي
في شنو ؟؟؟؟
المهم
دخلنا المركز شيل وخت لقينا نفسنا
في آآآآخر صف طويييل وعريض
ياربي طيب الناس دي كلها قاااعده
الفاتو خلوا الخرتوم ديل منو يارب يكونو
اللهم اعوذ بك من الظن
المهم دخلنا المركز لقينا شباب زي الورد
الاود وبنات
اهاااااا
الواحدة دخل فيهم زول بله ساي مابعرف في الانتخابات
اي شي وقد قدر ما يمدوا ليهو روقه يقعد يسال ويحكها معاهم
لكن النصيحه لي الله الاولاد زوق وفاهمين وكمان عندهم صبر عجييييب
جاوبوا على على كل اسئلتي الكانت اخمض من اسئله خلف الله
اهاااا
شلت الورقتين وعملت البرضي ضميري
ورجعت شلت التلاته ورقات وبرضوا ختيت البلد امام ناظري
ورجعت تالت مره وشلت منهم تلات ورقات كان همي الاول والاخير
كيف انه الاجيال الجايه دي نقول ليهم والله اجتهدنا في انه بي
صوتنا نخلق ليهم مستقبل معافى خالي من كل ادواء الحاضر المزمنه
