ياااااا خلف الله ... ما عذبتنا

ساخر سبيل
الفاتح جبرا

Quote: ساخر سبيل ياااااا خلف الله ... ما عذبتنا بهذه العبارة عنوان المقال تنتهى الإسكتشات الدرامية التى تبث هذه الأيام فى معظم الوسائط الإعلامية من أجل تثقيف المواطن عن الانتخابات وليسمح لى صديقى المبدع (جمال حسن سعيد) بإضافة بعض الإسكتشات.. (1) دكان الحى.. الصباحية.. عدد من الزبائن أمام سيد الدكان بينهم (خير الله) ورفيقه.. يأتى خلف الله يحمل فى يده (جك الفول).. يلقي عليهم التحية ثم يخاطب سيد الدكان: - بالله لو سمحتا أدينا (فول) بى جنيه وخت لينا فيهو مويت (جبنة) وزيت بى خمسمية! - يا خلف الله الأولاد ديل ما (هردتهم) بالفول.. طوااالى فول فول فول.. - أيوه يا خلف الله يوم ياخى غير ليهم.. جيب ليهم سمك.. كبده شية.. - أجيب ليهم من وين؟ أسرق؟ أختلس قروش المصلحة! - لا لا يا خلف الله كل حاجة ولا السرقة دى.. - طيب أعمل شنو يعنى! - تستفيد من صوتك يا خلف الله! - أبقى فنان يعنى.. - فنان شنو يا خلف الله هو انحنا ناقصين.. - أها يعنى أستفيد منو كيفن يعنى.. - تديهو للزول الممكن يغير ليكا حياتك ويأكلك بدل الفول ده قلوب وكلاوى وشية! - اديهو للجزار يعنى؟ - جزار شنو يا خلف الله تديهو للزول المرشح فى الإنتخابات الإنتا عاوزو.. - والزول ده شغال شنو؟ - الزول ده ما شغال.. شغلو كلو إنو يوفر ليكا كل حاجه.. - يعنى ما عندو شغلة؟ عاطل يعنى؟ طيب ح يجيب ليا الكبد والكلاوى دى من وين؟ - يا خلف الله هو بجيبا ليك.. انتا مالك ! يااااا خلف الله ما عذبتنا!! (2) خلف الله وخيرالله ورفيقه يجلسون أمام دكان خيرالله.. تأتى إمرأة تخاطب خيرالله: - خيرالله ياخوى أدينى الأمانه السلمتك ليها! - (يخرج كيس صغيرمن جيبه يسلمها لها): أهو دى أمانتك زى ما هى.. - شكراً يا خيرالله.. - (يلتفت إلى خلف الله): أداء الأمانات ده يا جماعة ربنا بيسألنا عنو يوم القيامة! - مواصلاً - إنتا عارف يا خلف الله انو صوتك ده أمانة؟ - صوتى؟ صوتى كيفن أمانة؟ فى زول أمنى ليهو وح يجى يشيلو منى والله ده الفضل.. - لا يا خلف الله مافى زول أمنك ليهو لكن صوتك ده أمانه لأنك لازم تمشى تديهو لى زول! - وأمشى بدون صوت يعنى! - لا يا خلف الله صوتك مافى زول بيشيلو منك! - كيف يعنى؟ مش قلتا ليا ح أمشى أديهو للمرشح الأنا أختارو؟ - أيوه يا خلف الله .. إنتا ح تدى صوتك للمرشح لكن صوتك ح يكون معاك! - يعنى أنا ده .. خلف الله ده .. عندى صوتين! - يا خلف الله عندك صوت وااااحد ياخ وإنتا حر تديهومنو.. ! يااااا خلف الله ما عذبتنا!! (3) أمام أحد المدارس .. خلف الله يمسك بيد طفله الذى ينخرط فى نوبة بكاء شديد وهو يمسك بشنطة المدرسة .. يقابلانه خير الله ورفيقه فيستوقفانه: - خلف الله إزيك .. الولد ده مالو بيبكى.. - طردوهو عشان المصاريف.. - طيب ما تدفعا ليهو يا خلف الله ما حرام عليك.. - يا جماعة إنتو ما عاقلين؟ أنا عندى ستة فى المدارس أدفع ل منو واللا لى منو.. - خلاس يا خلف الله المسألة ح تفرج بإذن الله! - جبتو ليا (لوترى)! - لوترى شنو يا خلف الله.. الإنتخابات.. الإنتخابات.. - الإنتخابات ياتا؟ - كيفن ياتا؟ الإنتخابات الواااحدة دى يا خلف الله.. - ودخلها شنو بى رسوم المدارس.. - كيفن دخلها شنو؟ إنتا تمشى تدى صوتك للمرشح البريحك .. للمرشح البيدعو لى مجانية التعليم.. - وده أعرفو كيف؟ - أى مرشح يا خلف الله عندو برنامج.. - يعنى شغال مذيع؟ - لا لا يا خلف الله برنامج إنتخابى بيورى فيهو الحاجات الح يعملا للمواطنين بعد ما يفوز! - طيب لو ما فاز؟ - يا الله يا خلف الله.. إنتا بس صوت ليهو.. بعد داك لو ما فاز إن شاء الله ما يفوز.. ! يااااا خلف الله ما عذبتنا!! (4) داخل إحدى الصيدليات يقف خلف الله وهو يحمل إبنه المريض على كتفه ممسكاً بالروشتة فى إنتظار دوره لصرف الدواء.. يدخل خير الله ورفيقه: - خلف الله! إن شاء الله ما عندك عوجة.. - لا بس الولد عيان عندو حمى وجسمو زى النار والدكتور كتب ليهو الروشتة دى (يعطيها للصيدلى).. - (الصيدلى يحضر الحبوب والدواء ثم يخاطب خلف الله): ستة وسبعين! - شنوووو؟ - ستة وسبعين! - (خلف الله يقع مغشياً عليه ثم بعد أن يفيق): يا جماعة بس معقول.. شوية مضادات وفتيلين دواء بى ستة وسبعين..! - يا خلف الله ده كووولو ما منك إنتا.. - فى إستغراب: منى أنا؟ - أيوه منك انتا لانك ما بتستعمل حقك الديموقراطى وتختار الزول البخلى ليكا الدواء ده رخيص.. - والزول ده ألاقيهو كيف؟ - الزول ده يا خلف الله ما بلاقوهو.. بصوتو ليهو بس.. انتا بس تمشى محل الإقتراح وتديهو صوتك.. - ما بلاقوهو كيفن أنا ح أصوت للرجل الخفى؟ - ما بلقوهو يا خلف لله يعنى لمن تمشى مركز الإقتراع عشان تصوت هو ما بكون موجود انتا بس ح تخت البطاقة الفيها اسمو والرمز بتاعو فى الصندوق! - أها طيب بعد ما يفوز أنا ح ألاقيهو؟ - تلاقيهو شنو يا خلف الله؟ إنتا بتبالغ هو ح يكون فاضى ليكا؟! يااااا خلف الله ما عذبتنا!! كسرة: خلف الله يتساءل: معقولة الناس دى كوووولها تعبانة.. ملصقات.. دعايات.. صور.. حملات إنتخابية .. ده كووولو عشانى؟؟ http://www.rayaam.info/Raay_view.aspx?pid=583&id=44596

http://www.sudaneseonline.com/cgi-bin/sdb/2bb.cgi?seq=m...d=260&msg=1265962834


الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

الشايقي (ود عمي)

با خي عاوز ادردش معاك بالبلدي كدي،..

انت يا خوي، الزول:
1- الخلي الناس تاكل فوول طوالي كدي،، مش ياهو برضو مرشح نفسو ولا انا عويناتي كعبي ؟؟

2- الخلي الناس تاخد اكياس بالدس بالدس كدي،، مش برضوا دعايتو الانتخابية قاعدي في التلفزيون ؟؟

3- الخلي التعليم بي قروش،، وجعل الأمية هي الأغلبية غلب شامبيون ؟؟

4- الخلي الصحة، بقت مهنة، تذكر قبيل مش في واحد خلي ناس المستشفي ما يعالجوك الا اذا جبت الشاش والحقن وقروش المستشفي حتي تتعالج،، مش برضوا (القوي الأمين) ؟؟

يبقي جماعتك ناس التلفزيون ديل كلهم اتحاديين، تبع ابو هاشم،،،عارف ليه يا قريبي ؟؟ اقول ليك .. ناس دير دايرن خلف الله يدي صوتوا لي (حاتم السر) لأنو المرشح التاني هو القام بالحاجات الفوق دي، ولا ما كدي ؟؟

اها انا بفاوضك بلا زعل..

مودتي

Quote: الشايقي (ود عمي) با خي عاوز ادردش معاك بالبلدي كدي،.. انت يا خوي، الزول: 1- الخلي الناس تاكل فوول طوالي كدي،، مش ياهو برضو مرشح نفسو ولا انا عويناتي كعبي ؟؟ 2- الخلي الناس تاخد اكياس بالدس بالدس كدي،، مش برضوا دعايتو الانتخابية قاعدي في التلفزيون ؟؟ 3- الخلي التعليم بي قروش،، وجعل الأمية هي الأغلبية غلب شامبيون ؟؟ 4- الخلي الصحة، بقت مهنة، تذكر قبيل مش في واحد خلي ناس المستشفي ما يعالجوك الا اذا جبت الشاش والحقن وقروش المستشفي حتي تتعالج،، مش برضوا (القوي الأمين) ؟؟ يبقي جماعتك ناس التلفزيون ديل كلهم اتحاديين، تبع ابو هاشم،،،عارف ليه يا قريبي ؟؟ اقول ليك .. ناس دير دايرن خلف الله يدي صوتوا لي (حاتم السر) لأنو المرشح التاني هو القام بالحاجات الفوق دي، ولا ما كدي ؟؟ اها انا بفاوضك بلا زعل.. مودتي

مرحبتين ودعمي المنصوري
باقيلك الإتحاديين ناس التلفزيون ولا الفاتح جبرا؟؟؟؟
وبعدين صوت الجن ده يدوهو المرشح ولا ينضمو بيه؟؟




http://www.sudaneseonline.com/cgi-bin/sdb/2bb.cgi?seq=m...d=260&msg=1265962834

الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

عارف يا قريبي

صوت الجن ده عندز 4 فوائد عند الرجال:
1- يتكلم بيه
2-يغني بيهو.

3- يصوت بيه.
4- يصوت بيه.

وله 5 قوائد عند النسوان:

1- تتكلم بيه
2- تغني بيهو.
3- تصوت بيهو.
4- تصوت بيه
5- تزغرد بيهو..

الا يمرقنا من الصواتة..

حبي الاكيد

الشايقي
كيف أخبارك
طيب نعمل شنو مع ناس المقاطعة ؟ نصوّت ليهم ماراضين ، وبرضو نكون خرجنا على الإجماع الوطني ، ما نصوّت ليهم نكون ضيّعنا صوتنا وما قلنا رأينا ، وما اخترنا من يمثلنا .
عليكم الله ورونا نسوي شنو . نحن ذاتنا عذّبناكم.، بس انتو السبب .

ودقاسم حبابك

Quote: الشايقي كيف أخبارك طيب نعمل شنو مع ناس المقاطعة ؟ نصوّت ليهم ماراضين ، وبرضو نكون خرجنا على الإجماع الوطني ، ما نصوّت ليهم نكون ضيّعنا صوتنا وما قلنا رأينا ، وما اخترنا من يمثلنا . عليكم الله ورونا نسوي شنو . نحن ذاتنا عذّبناكم.، بس انتو السبب .

يا أخوي الناس ديل بيجهزوا للتزوير من ما قالوا إنتخابات وباقي الناس نايمة ولا ما مصدقة.
يعني البشير قاعد قاعد بالصندوق ولا بالدبشق، ما عنده خيار آخر، ولا يبقى في سين وجيم.
عشان كدة يابا ما تقرش صوتك وحافظ عليه ...



http://www.sudaneseonline.com/cgi-bin/sdb/2bb.cgi?seq=m...d=260&msg=1265962834

الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.