Post: #1
Title: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: elnawrani margan
Date: 04-09-2010, 08:19 PM
Parent: #0
كثرة الفتيات الاثيوبيات وفى اعمار تتراوح مابين ال18 الى ال25 سنة !!!!!!!!!!!
|
Post: #2
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: elnawrani margan
Date: 04-09-2010, 08:23 PM
Parent: #1
والمشكلة الاكبر
مؤجرات بيوت فى تلك المناطق لبيع الشاى
والقهوة
وتجد فتاة واحدة تبيع وبجانبها بين 5 الى 6 اخريات
يجلسن وفى كامل زينتهن!!!!!!!
|
Post: #3
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: elnawrani margan
Date: 04-09-2010, 08:26 PM
Parent: #2
وبعلم وتصديق من المحلية
وده طبعا بعد دفع الرسوم
|
Post: #4
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: elnawrani margan
Date: 04-09-2010, 08:30 PM
Parent: #3
ولو شفتوا كمية السيارات
الفارهة فى تلك البيوت
والشباب
لانتابكم شك ان هناك امر اكبر من شرب الشاى
او القهوة؟؟؟؟؟
|
Post: #5
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: elnawrani margan
Date: 04-09-2010, 08:34 PM
Parent: #4
والله العظيم مررت قبل نصف ساعة من كتابة هذا البوست
بشارع من داخل المايقوما مرورا بالديم حتى
شارع العمارات
وجدت اكثر من عشرة بيوت لبيع الشاى والقهوة ومزينات بطراز اثيوبى
|
Post: #120
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: شادية عبد المنعم
Date: 04-12-2010, 04:17 PM
Parent: #5
اخي النوراني سلام
وقول بسم الله الرحمن الرحيم
عشرة بس؟؟
طيب جنب بيتنا يعني من شارع السجانة بالنص لغاية شارع الصمافة ظلط دي بتكون 1000متر؟ يعني مشوار ممكن أي حجة مسنة تمشيهو من غير نفسها ما يقوم
توجد حوال 25 بيت
جيراننا بس 10 كل مربوع فيهو من أربعة إلى خمسة
بالمناسبة ديل إسمهم بيوت المحلية
لو دخل ديامي هنا ممكن يوريك التسمية على وزن شنو
سلطات المؤتمر الوطني ترعى هؤلاء الفتيات وهذه البيوت وهذا النشاط
|
Post: #122
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: elnawrani margan
Date: 04-12-2010, 10:07 PM
Parent: #120
كتبت الزميلة
شادية عبد المنعم
Quote: طيب جنب بيتنا يعني من شارع السجانة بالنص لغاية شارع الصمافة ظلط دي بتكون 1000متر؟ يعني مشوار ممكن أي حجة مسنة تمشيهو من غير نفسها ما يقوم
توجد حوال 25 بيت
جيراننا بس 10 كل مربوع فيهو من أربعة إلى خمسة
بالمناسبة ديل إسمهم بيوت المحلية |
تسلمى ياشادية
|
Post: #6
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: فايزودالقاضي
Date: 04-09-2010, 08:36 PM
Parent: #4
سلام ...
Quote: ولو شفتوا كمية السيارات
الفارهة فى تلك البيوت
والشباب
لانتابكم شك ان هناك امر اكبر من شرب الشاى
او القهوة؟؟؟؟؟ |
اكبر من الشاي والقهوة معناها ده زغني ..
|
Post: #11
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: elnawrani margan
Date: 04-09-2010, 08:45 PM
Parent: #6
| Quote: اكبر من الشاي والقهوة معناها ده زغني |
والله ياود القاضى
مش لو زغنى لو بيتزا من بتزا هت الاصلية مااظن يكون بالكمية دى
ههههههههههه
|
Post: #12
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: elnawrani margan
Date: 04-09-2010, 08:48 PM
Parent: #6
| Quote: اكبر من الشاي والقهوة معناها ده زغني |
والله ياود القاضى
مش لو زغنى لو بيتزا من بتزا هت الاصلية مااظن يكون بالكمية دى
ههههههههههه
|
Post: #9
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: Abureesh
Date: 04-09-2010, 08:45 PM
Parent: #4
الأخ النورانى،
سلام
ارجو ان لا نشيع الظنون بخلق الله. هناك إجراءات وقوانين لو ثبتت أى جريمة يعاقب عليها
القانون.. كل ما عدى ذلك هو فتح الباب للفتنة والقذف.
هل ممنوع فتح بيوت للقهوة، ومعروف القهوة الإثيوبية فى محلات أشبه بالبيوت من القهاوى.. فهل
نعطى هامش لثقافات الاخرين؟ اليس هـذا إثراء للحياة الســودانية.. وما العيب فى خدمة أكثر
من 4 أو خمسة فى كل قهوة، ومن يناول الزبائن؟ ولماذا هـذه التحريات فى الأساس لناس مرخصين
ويدفعون الرسوم والضرائب؟ نأخذ الناس بالظنون، فأين نذهب يوم القيامة لو كان هـذا عملا نظيفا
وشريفا ونشاطا إقتصاديا شريفاً؟
فى الدين، ناس ما عندك دليل مادى عليهم، لا يضرك لو تركتهم وكانوا عاصين، ولكن يضرك لو أخذتهم
بالظن وكانوا ابرياء، فكن فى جانب السلامـة تسلم.
|
Post: #14
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: elnawrani margan
Date: 04-09-2010, 09:00 PM
Parent: #9
Quote: الأخ النورانى،
سلام
ارجو ان لا نشيع الظنون بخلق الله. هناك إجراءات وقوانين لو ثبتت أى جريمة يعاقب عليها
القانون.. كل ما عدى ذلك هو فتح الباب للفتنة والقذف.
هل ممنوع فتح بيوت للقهوة، ومعروف القهوة الإثيوبية فى محلات أشبه بالبيوت من القهاوى.. فهل
نعطى هامش لثقافات الاخرين؟ اليس هـذا إثراء للحياة الســودانية.. وما العيب فى خدمة أكثر
من 4 أو خمسة فى كل قهوة، ومن يناول الزبائن؟ ولماذا هـذه التحريات فى الأساس لناس مرخصين
ويدفعون الرسوم والضرائب؟ نأخذ الناس بالظنون، فأين نذهب يوم القيامة لو كان هـذا عملا نظيفا
وشريفا ونشاطا إقتصاديا شريفاً؟
فى الدين، ناس ما عندك دليل مادى عليهم، لا يضرك لو تركتهم وكانوا عاصين، ولكن يضرك لو أخذتهم
بالظن وكانوا ابرياء، فكن فى جانب السلامـة تسلم. |
يابو الريش
انا لا اخذ احد بالظنون او الشكوك
ولكن اصبحت ظاهرة يشتكى كل من سكن فى تلك المناطق
والشباب الذى يتردد لتلك المحال هو وحده الذى يحكى مايدور فى تلك المحال
يعنى المصيبة موجودة موجوده
تحياتى ليك
|
Post: #22
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: عثمان جلال الدين
Date: 04-09-2010, 09:36 PM
Parent: #9
| Quote: ويدفعون الرسوم والضرائب؟ . |
كلام غريب يتستر بالدين ..
هذا هو فعلاً غرض أهل الانقاذ
جبايات ورسوم ورسوم مليونية للتعليم ومليونية للعلاج لرفاهية أهل السلطة ولتذهب القيم والاخلاق للجحيم..
حكومة الرسوم والجبايات ورفع اليد عن هموم المواطن وخدماته تعجب الكثيرين من مشجعي هلال مريخ من أصحاب المصالح والغبائن..
سلام وتحيات
|
Post: #24
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: elnawrani margan
Date: 04-09-2010, 09:50 PM
Parent: #22
ماده المحيرنا فى اهل المشروع الحضارى
يود جلال الدين
اسعدنى مرورك
وتشكر على المشاركة
|
Post: #7
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: عوض محمد احمد
Date: 04-09-2010, 08:37 PM
Parent: #3
الاخ النورانى
سلام و مودة
ما الغريب فى الامر, و كما ذكرت فان هؤلا الفتيات حاصلات فلى ترخيص المحلية, كما ان وجودهن فى
البلاد شرعى (بالتالى)
البلاد تعتمد اقتصادا مفتوجا و حرا, المنافسة فيه مفتوجة و البقاء و الاستمرار للاجسن و الاقل سعرا
ارجو الا يفهم من البوست محاولة استعداء (النظام العام) علىهن ك (مهددات للاخلاق), فاذا اعطينا
تلك الاجهزة القمعية مبررات ما فسوف لن يكون لتدخلهم حدود
مع تحياتى
|
Post: #8
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: Abdulrahman Gorashi
Date: 04-09-2010, 08:42 PM
Parent: #7
So what !! leave them be, do you think our problems today is about who makes tea and whom is going to drink.
|
Post: #19
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: elnawrani margan
Date: 04-09-2010, 09:20 PM
Parent: #8
just read the topic
|
Post: #10
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: omer osman
Date: 04-09-2010, 08:45 PM
Parent: #7
| Quote: اكبر من الشاي والقهوة معناها ده زغني .. |
مداخلة هذا الربع والارباع القادمة ........
|
Post: #13
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: محمد زكريا
Date: 04-09-2010, 08:53 PM
Parent: #10
Quote:
لانتابكم شك ان هناك امر اكبر من شرب الشاى
او القهوة؟؟؟؟؟ |
ياربي يكون بيت احرار؟ 
|
Post: #17
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: عوض محمد احمد
Date: 04-09-2010, 09:13 PM
Parent: #13
الاخ ابو الريش
سلام و مودة
Quote: ارجو ان لا نشيع الظنون بخلق الله. هناك إجراءات وقوانين لو ثبتت أى جريمة يعاقب عليها
القانون.. كل ما عدى ذلك هو فتح الباب للفتنة والقذف.
هل ممنوع فتح بيوت للقهوة، ومعروف القهوة الإثيوبية فى محلات أشبه بالبيوت من القهاوى.. فهل
نعطى هامش لثقافات الاخرين؟ اليس هـذا إثراء للحياة الســودانية.. وما العيب فى خدمة أكثر
من 4 أو خمسة فى كل قهوة، ومن يناول الزبائن؟ ولماذا هـذه التحريات فى الأساس لناس مرخصين
ويدفعون الرسوم والضرائب؟ نأخذ الناس بالظنون، فأين نذهب يوم القيامة لو كان هـذا عملا نظيفا
وشريفا ونشاطا إقتصاديا شريفاً؟
فى الدين، ناس ما عندك دليل مادى عليهم، لا يضرك لو تركتهم وكانوا عاصين، ولكن يضرك لو أخذتهم
بالظن وكانوا ابرياء، فكن فى جانب السلامـة تسلم. |
اجدنى على اتفاق تام مع مداخلتك, و هى اوضح و اقوى من مداخلتى اعلاه
برانا نمشى نهابش تلك الاجهزة بلغتنا التحريضية عند تناولنا لبعض الظواهر, و عندما تتدخل و تاخذ المخطئ و المصيب (كعادتها) نبدا النواح و الولولة
|
Post: #15
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: Abdelmuhsin Said
Date: 04-09-2010, 09:07 PM
Parent: #10
Quote:
So what
!! leave them be, do you think our
problems today is about who makes tea and whom is going to drink.
|
يشهدالله صاحب البوست ما عندو اي موضوع .
يا ابو الشباب لازم تعرف ( قطع الرقاب ولا قطع الارزاق ) والبتعمل فيه دا غلط
|
Post: #18
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: elnawrani margan
Date: 04-09-2010, 09:14 PM
Parent: #15
Quote: يشهدالله صاحب البوست ما عندو اي موضوع .
يا ابو الشباب لازم تعرف ( قطع الرقاب ولا قطع الارزاق ) والبتعمل فيه دا غلط |
ده بالنسبة ليك
ياعبد المحسن
وتشكر على المرور والمشاركة
|
Post: #16
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: elnawrani margan
Date: 04-09-2010, 09:07 PM
Parent: #7
Quote: الاخ النورانى
سلام و مودة
ما الغريب فى الامر, و كما ذكرت فان هؤلا الفتيات حاصلات فلى ترخيص المحلية, كما ان وجودهن فى
البلاد شرعى (بالتالى)
البلاد تعتمد اقتصادا مفتوجا و حرا, المنافسة فيه مفتوجة و البقاء و الاستمرار للاجسن و الاقل سعرا
ارجو الا يفهم من البوست محاولة استعداء (النظام العام) علىهن ك (مهددات للاخلاق), فاذا اعطينا
تلك الاجهزة القمعية مبررات ما فسوف لن يكون لتدخلهم حدود
مع تحياتى |
سلام ياعوض
الغريب فى الامر
ان الفتيات الجالسات فى كامل زينتهن
|
Post: #20
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: Elawad
Date: 04-09-2010, 09:25 PM
Parent: #16
Quote: الأخ النورانى،
سلام
ارجو ان لا نشيع الظنون بخلق الله. هناك إجراءات وقوانين لو ثبتت أى جريمة يعاقب عليها
القانون.. كل ما عدى ذلك هو فتح الباب للفتنة والقذف.
هل ممنوع فتح بيوت للقهوة، ومعروف القهوة الإثيوبية فى محلات أشبه بالبيوت من القهاوى.. فهل
نعطى هامش لثقافات الاخرين؟ اليس هـذا إثراء للحياة الســودانية.. وما العيب فى خدمة أكثر
من 4 أو خمسة فى كل قهوة، ومن يناول الزبائن؟ ولماذا هـذه التحريات فى الأساس لناس مرخصين
ويدفعون الرسوم والضرائب؟ نأخذ الناس بالظنون، فأين نذهب يوم القيامة لو كان هـذا عملا نظيفا
وشريفا ونشاطا إقتصاديا شريفاً؟
فى الدين، ناس ما عندك دليل مادى عليهم، لا يضرك لو تركتهم وكانوا عاصين، ولكن يضرك لو أخذتهم
بالظن وكانوا ابرياء، فكن فى جانب السلامـة تسلم. |
I totally agree, thank you Abureesh.x
|
Post: #21
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: عوض محمد احمد
Date: 04-09-2010, 09:30 PM
Parent: #16
Quote: الغريب فى الامر
ان الفتيات الجالسات فى كامل زينتهن |
الاخ النورانى
سلام
الزينة و التزين هو ديدن النساء فى اى مكان (حتى و هن ذاهبات لبيت البكا), ناهيك عن من يقدمن خدمة لقهوة و الشاى
العمل فى مثل هذه الخدمات متعب و مرهق للغاية
و لو اردن الطريق الخاطئ فمن السهل جدا الحصول فلى وظيفة خادمة, و ممارسة ما يردن (و لامن شاف و لا من درى)
ارجو يا نورانى ان تغلب حسن الظن, حتى و لو بنسبة 1%
النساء فى بلادنا مضظهدات بما لا زيادة عليه, و كتابة مثل هذه من شخص مثقف, سوف تفتح نار جهنم على اخواتنا و بناتنا من قبل اجهزة لا ترحم مخطئة و لا مصيبة (يعنى حا نزايد على تلك الاجهزة التى لو كان فى الامر ما يريب لخسفت بالجميع الارض)
|
Post: #23
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: elnawrani margan
Date: 04-09-2010, 09:42 PM
Parent: #21
ياعوض
انا لوما سمعت من الذين يرتادون تلك المحال لما كتبت هذا البوست
|
Post: #25
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: عوض محمد احمد
Date: 04-09-2010, 09:58 PM
Parent: #23
لا يسعنى تكذيبك يا نورانى
و لكننا نلتمس منك الستر, و التماس الاعذار لاخواننا و اخواتنا, و تغليب جانب السماحة و فتح ابواب البراءة, و الله ستار خليم, و هو يعفو عن كثير من عظائم الاثام و صغارها
ناهيك عن ان الشباب, احيانا كثيرة ما يصطنعون البطولات و (الهوائل) و هم غالبا فى الواقع اشد حياءا من العذراء فى خدرها
مع كامل مودتى, و اتمنى الا اكون اثقلت على البوست, او اشتطيت فى التعبير
|
Post: #26
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: عثمان دغيس
Date: 04-09-2010, 10:05 PM
Parent: #25
يا أخوانا براحة على الزول ده
أصبروا عليهو شوية
يمكن يكون في صور وكده ....!!
تقوموا تقهموا الزول بالطريقة دي ؟؟؟
تحياتي يا أبو الريش ...
|
Post: #27
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: محمد زكريا
Date: 04-09-2010, 10:13 PM
Parent: #26
الناس البتطالب بي استر الرزق وايه والدايرين صور....بتأذنو في مالطا
الموضوع اتفقش واتنقش وتاني الاالحلال البلال
الا البوست يتحذف ولا تبطلو ترفعوه....لكن سيدو براه بقيلٌو للصفحه الاولي
===
ياسلام علي جبنه وشاي الحبش ياخ دي قعدات سمحه وهم زاتهم ناس حلوين وما عندهم عقد.......نقيتو فيها...دايرين تطفشوها لينا خلاص
|
Post: #28
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: rani
Date: 04-09-2010, 10:45 PM
Parent: #23
كدي انت خليك من شيلت اضانك والحوامة بيها في الحواري. سمعت دا وقالو لي دا.
وحاتك البتعمل فيهو دا اخير منو البيعلو فيهو هم، لو في الاصل كلامك دا حقيقة.
انت يبدو انك من شلل، شفت مرة فلان ماشة مع علان، وبت فلان داك مشيتا ما طبيعية، والفول دا زيدو لي فيهو الشمار،
وكان البت المع هناي داك ما طلعت من بيتو انا ما بزح من هنا، وشجر الشوك دا لو ما قام بيقوم، وهناية ديك نزلها واحد سايق عربية فارهة في طرف الشارع.
ودي عاملا فيها بتمشي الجامعة، لكن جامعة شنو البيمشو ليها بلبس ذي دا؟ وانا بكرة حامشي اتابعها اشوفها بتمشي وين. وهناية ديك جاب لي خبرا واحد شغال معاهم.
يا ناس ما تخلونا............... ناس غير الشمشرة ونقيل الكلام ما عندها شغلا وفوق دا كلو قطاعين ارزاق.... يقطع دابركم من البلد.
You need to find a job man
sorry, do you really have a job?
If you do, Please find a second job, at least might keep you away from gossiping.
|
Post: #29
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: محمد عبدالله مختار
Date: 04-09-2010, 11:07 PM
Parent: #28
تحياتي لصاحب البوست والضيوف ..
عملت لفترة محددة بأحد بنوك الدم ولا أنسى أن احدى الطبيبات أطلعتني على قائمة طويلة لمصابين بالإيدز من شريحة الشباب كلهم تفاجئوا بإصابتهم بالإيدز بعد قيامهم بالمشاركة في حملات التبرع بالدم . اكثر هؤلاء الشباب كانوا من (الديم والصحافات والجريف غرب) وهذا يؤكد أن ما ذهب اليه صاحب البوست صحيح بنسبة كبيرة .
|
Post: #30
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: مرتضى احمد عبد القادر
Date: 04-09-2010, 11:19 PM
Parent: #29
| Quote: عملت لفترة محددة بأحد بنوك الدم ولا أنسى أن احدى الطبيبات أطلعتني على قائمة طويلة لمصابين بالإيدز من شريحة الشباب كلهم تفاجئوا بإصابتهم بالإيدز بعد قيامهم بالمشاركة في حملات التبرع بالدم . اكثر هؤلاء الشباب كانوا من (الديم والصحافات والجريف غرب) وهذا يؤكد أن ما ذهب اليه صاحب البوست صحيح بنسبة كبيرة . |
بإفتراض إنو الكلام القلتو دا سليم الطبيبه الورتك الحاجه دي ما عارفه انو ما صاح تطلعك على الكلام دا ؟؟
وكمان انت ما مفروض تجي تقولو هنا بالبساطه دي وتستخدمو عشان تثبت بيهو ما ذهب اليه صاحب البوست
|
Post: #31
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: قرشـــو
Date: 04-09-2010, 11:19 PM
Parent: #29
بس بصراحة كمان قهوة الحبش لا تضاهى
والسودانيين كيفيين قهوة ياخى ...
|
Post: #62
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: محمد الامين محمد
Date: 04-10-2010, 09:55 AM
Parent: #31
المشروع الحضاري العظيم
|
Post: #32
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: تبارك شيخ الدين جبريل
Date: 04-09-2010, 11:23 PM
Parent: #29
افضل تشريف أحد هذه البيوت بالزيارة للإستمتاع بالقهوة والزغنى وما خفى أجمل ....
على تشريف هذا البوست القبائحى السوداوى بمداخلة ...
لاكين نعمل ايه ... حال الدنيا ...
بدلاً من تبادل متع الحياة مع سمراوات القرن الأفريقى ... نتبادل الغلات الأخلاقى مع محبطى الوصاية على الغير ....
انشالله نموت ... وقبرنا يكون اضيق من قد الإبرة ... عشان سيدنا النورانى مرجان يرضى عننا ...
... المهم ....
|
Post: #34
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: محمد عبدالله مختار
Date: 04-09-2010, 11:32 PM
Parent: #32
Quote: بإفتراض إنو الكلام القلتو دا سليم الطبيبه الورتك الحاجه دي ما عارفه انو ما صاح تطلعك على الكلام دا ؟؟
وكمان انت ما مفروض تجي تقولو هنا بالبساطه دي وتستخدمو عشان تثبت بيهو ما ذهب اليه صاحب البوست |
سلامات يا مرتضى
كنت مسؤول من تنفيذ سيستم لتحويل طريقة التعامل من طريقة يدوية الى سيستم حاسوب ، لذا كان من الطبيعي أن أطلع على كل المستندات تقريباً وهي دفاتر كبيرة (ورق فلوسكاب) ، من الورق ممكن تلاحظ ببساطة لعناوين المصابين بالايدز ، كل الدكاترة كانوا مكلفين بالتعاون معانا واطلاعنا على كل المستندات (تكليف رسمي) ..
دي حاجة ، التانية انو كلامي ده (ببساطة) ما عدم موضوع ولا عشان أطلع كلام صاحب البوست صاح لأني ما بعرفو أصلاً .. لكن بمثابة تحذير من خطر الاصابة بمرض الايدز وعلاقة الموضوع ده بإنتشار تلك البيوت .
|
Post: #70
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: elnawrani margan
Date: 04-10-2010, 01:12 PM
Parent: #32
| Quote: على تشريف هذا البوست القبائحى السوداوى بمداخلة |
شكرا على الاخلاق الجميلة
| Quote: انشالله نموت ... وقبرنا يكون اضيق من قد الإبرة ... عشان سيدنا النورانى مرجان يرضى عننا |
نسال الله العافية من اقوال السوء
|
Post: #35
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: عماد شمت
Date: 04-09-2010, 11:32 PM
Parent: #29
والشباب الذى يتردد لتلك المحال هو وحده الذى يحكى مايدور فى تلك المحال
يعنى المصيبة موجودة موجوده\
سلام ياصاحب الدار ..ماذا حكي الشباب ..؟؟؟
فهن بريئات حتي تثبت الادانة ....
يادغيس مش كان في برضو بيوت ذي دي زمااااان كنا بنمشيها قبل الحفلة نضرب الكوارع والزقني ونشرب قهوة
في السجانة والديم وتلاته ....كانوا محترمين للغاية وكانوا بعاملون معاملة خاصة بكل أدب واحترام ...
اليس كذلك ؟؟؟
سلام واحترام
|
Post: #45
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: GeerTor Tong
Date: 04-10-2010, 01:56 AM
Parent: #29
المكرم
محمد عبدالله مختار
بعد التحية
كلامــــك دا:
| Quote: عملت لفترة محددة بأحد بنوك الدم ولا أنسى أن احدى الطبيبات أطلعتني على قائمة طويلة لمصابين بالإيدز من شريحة الشباب كلهم تفاجئوا بإصابتهم بالإيدز بعد قيامهم بالمشاركة في حملات التبرع بالدم . اكثر هؤلاء الشباب كانوا من (الديم والصحافات والجريف غرب) وهذا يؤكد أن ما ذهب اليه صاحب البوست صحيح بنسبة كبيرة . |
نفهم منو تحذير من الناس اللي قاعدين في (الديم والصحافات والجريف غرب)؟
تحياتي
قير تور
|
Post: #33
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: سفيان بشير نابرى
Date: 04-09-2010, 11:28 PM
Parent: #28
تحية طيبة مباركة لكل من كتب او مر من هنا
وسلامي اليك مخصوص اخي النوراني
اخي واخوتي واخواتي اتفضلكم واتكرمكم أن ننتبه ونحن نكتب
لان كتابتنا ربما تأذي الكثيرين وما نحن بصدده موضوع مهم
ويخص شعب كامل أتي الي ديارنا لظروف اقتصادية متدهورة
فهاجر وطنه واستقر بيننا ورضى ان تمتهن بنات هذا الشعب
مهنة في غاية القسوة وليس بها عيب ابداً .
اخي النوراني الشعب الاثيوبي والشعب الارتري نحن السودانيين
نطلق عليهم الاحباش ولا نفرز بينهم ابداً وبالفعل ربما تكون
مجموعتهم الكبرى هي ارض الحبشة ويعلم الله انهم من انقى شعوب
الارض واطيبها واجملها واكثرهم محبة وتقدير واحترام لنا
كسودانيين وبصفة شخصية عايشتهم وخبرت معدنهم وسريرتهم فلماذا
يا اخي النوراني تجر كتابتك هكذا دون وازع ودون ان تفكر في
انك تجر الحديث وسؤ الظن لشعب كامل ؟؟! لماذا يا النوراني
ونحن في هذا الموقع (سودانيز) معنا اخوة نعتز بهم وهم من
جارة البحر ارتريا العظيمة وشعبها الاعظم ؟!
اخي النوراني عاتب عليك وأتمني أن تتقبل عتابي برضاء كامل
دون أن تتضايق فالكتابة كما تعلم مسؤلية وانك بذلتها هكذا
ودلقت حبر كما ماء النار في وجه شعب اجبرت الظروف نسائيه
بالنزوح للسودان وامتهان هذه المهنة الشريفة .
يا النوراني يا اخي المشكلة الحقيقية ليست في هؤلاء السيدات
المشكلة الحقيقية في نظام دولتنا ومؤسساتها واستغلالها لهولاء
السيدات !!! المشكلة في دولة جعلت كل شباب شعبها عطالة ؟؟!
المشكلة في دولتنا التي فتحت للشباب الشباك والباب ليكونو
غالبيتهم من غير وازع اخلاقي او مجتمعي بسبب ان الدولة ادخلت
ثقافة لتعيش فلابد أن تضغط غيرك .
اخي النوراني اتمني ان تراجع هذا البوست جيداً
اخواني/تي أتمني أن ننتبه في مثل هذه المواضيع .
ألا هل بلغت اللهم اشهد
ولكم التقدير .
|
Post: #36
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: تبارك شيخ الدين جبريل
Date: 04-09-2010, 11:42 PM
Parent: #33
ثم تانياً (زى ما قال المثل)
إضافةً لى كلام الأخ سفيان نابرى ..
أنت تتعامل مع شعوب .... ثقافتهم ليست سودانية ...
ومفهومهم لمعيار الصحة والخطيئة ليس مفهوماً سودانياً ...
وعدم مقدرتك على استيعاب حدود الآخر أخلاقياً ... لا يمكن أن تؤخذ ضد الآخر ...
فالحبشية (أريترية كانت أو أثيوبية) ربما تمارس الدعارة الجسدية ...
ولكنها - حسب تجربتى - من الصعب أن تمارس الخيانة العاطفية ... وإن كانت عاهرة ...
فهى تسبقك أخلاقياً بفراسخ ضوئية ... تحتاج منك التريث قبل إطلاق الأحكام ...
والمعايش جبارة ... كما يقول أهلنا فى شمال النيل ....
... المهم ...
|
Post: #37
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: محمد عبدالله مختار
Date: 04-09-2010, 11:52 PM
Parent: #36
| Quote: ولكنها - حسب تجربتى - من الصعب أن تمارس الخيانة العاطفية ... وإن كانت عاهرة ... |
تبارك سلامات .. تقريباً دي أول مرة اتداخل معاك وعندي طلب لو تكرمت .. ياريت تشرح لي انو كيف المرأة تكون طاهرة عاطفياً وداعرة جسدياً لأنو القصة دي ما قدرت أفهمه ..
تحياتي
|
Post: #38
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: Salah Abdulla
Date: 04-10-2010, 00:24 AM
Parent: #37
سلام يا نو راني
انا من الديم , وبقول ليك انو دي ما ظاهرة وما خطيرة
الظاهر انك جديد في الخرطوم , او ما من سكان الديم
والناس ديل موجودين في الديم قبل ان اولد
اولادهم اخواننا واخواتنا , وهم بمثابة خالاتنا واعمامنا
كما انني احد رواد تلك القهاوي
بل انني اسمح لاثنين من الحبشيات ببيع الشاي والقهوة امام
محلين تجاريين املكهما في الشارع الرئيسي , وعدتهم بيحفظوها داخل المحلات ..
يوجد في شارعنا فقط خمسة محلات للشاي والقهوة الحبشية
واؤكد لك انه لا يوجد نشاط آخر يمارس
بالواضح كده ما في دعارة بتمارس في المحلات دي
واتحدى اي زول يثبت غير ذلك ...
فما تسرح بعيد..
|
Post: #39
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: تبارك شيخ الدين جبريل
Date: 04-10-2010, 00:47 AM
Parent: #38
محمد عبدالله مختار ...
الكلام واضح ... ولو حدود فهمك ضيقة ... انا ما بقدر اساعدك كتير ...
.. ولو بقدر انصحك ... بقول ليك: وسّع مداركك ...
... المهم .....
|
Post: #40
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: محمد عبدالله مختار
Date: 04-10-2010, 00:58 AM
Parent: #39
Quote: محمد عبدالله مختار ...
الكلام واضح ... ولو حدود فهمك ضيقة ... انا ما بقدر اساعدك كتير ...
.. ولو بقدر انصحك ... بقول ليك: وسّع مداركك ... |
تبارك سلامات ..
الكلام ما واضح عشان كده قلت ليك (لو تكرمت) اشرح لي انو كيف المرأة تكون طاهرة عاطفياً وداعرة جسدياً؟
لو انت شايف انو حدود فهمي ضيقة -على حد تعبيرك- ما مشكلة .. اخدني على قدر فهمي واشرح لي عشان افهم يمكن في حاجة تكون ما واضحة لي ..
|
Post: #41
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: تبارك شيخ الدين جبريل
Date: 04-10-2010, 01:26 AM
Parent: #40
انا ما عندى مشكلة فى الخروج بالبوست عن مسارو يا محمد عبدالله مختار ... ودا اعتذار مقدم لكل من يتضرر ...
الحب العاطفى .. والجنس الجسدى .. فعلين منفصلين ... يقوم العقل البشرى بالربط بينهما وفقاً لمنظومة أخلاقية وثقافية تحكم ذلك العقل وتلك الثقافة ...
نحن - كسودانيين - نختلف أخلاقياً وثقافياً عن اخوتنا الأثيوبيين والإريتريين فى الشؤون العاطفية والجنسية ...
هم عادةً ما يرون أن الفعل الجسدى لا يحمل معنى عاطفى مالم يحمّله صاحب الفعل هذا المحمل ...
أى أنّك إن مارست الجنس للجنس فقط ... وبدون عاطفة ... فذلك لا يؤثر على العاطفة ... وأغلب التسامح على الخيانات الزوجية عندهم يحدث على هذا الأساس ...
يفشل البعض فى تحييد العاطفة ... وبالتالى يفشلون فى تبرير الفعل الجنسى ... ويفشلون فى الحصول على السماح من الحبيب ...
فى أغلب حالات ممارسة الجنس لأسباب كسب العيش فى السودان ... يتم ذلك بمعرفة وموافقة الزوج أو الحبيب ...
فإن مارست الجنس مع الحبشية ... فأنت لا تعنى لها أكثر من مصدر رزق ... مجرد زبون ...
بعكس الحبيب الذى تعبر له عن مكنون مشاعرها بممارسة الجنس ... واستعدادها لإقامة أسرة والحلم بمستقبل معه ...
وهنا يكمن الفرق ... وأتمنى أن أكون قد شرحت بهذا الإيجاز ...
... المهم .....
|
Post: #42
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: محمد النيل
Date: 04-10-2010, 01:47 AM
Parent: #41
| Quote: وأتمنى أن أكون قد شرحت بهذا الإيجاز |
انت ياخوى شطحت وماك شرحت
صاحب البوست غلطان ببث الظنون غير المؤكدة
وانت فتو لا غادى
كلامك دا ما حق سودانيين
والطاقية والجلابية فوق كم؟
|
Post: #43
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: Elawad
Date: 04-10-2010, 01:48 AM
Parent: #38
في حاجة داير أضيفها و هي أن أشقاءنا الإثيوبيين و الإريتريين هم من أنقى و أوفى الناس. هؤلاء الناس فرضت عليهم ظروف الحياة اللجوء إلى السودان و للأسف عاملهم بعض الناس معاملة غير كريمة ناسين أنهم قوم أعزة تركوا من خلفهم أملاكهم و أسرهم و حضارة لا تقل عراقة عن حضارتنا إن لم تفقها عراقة. عامل كثير من السودانيين هؤلاء الإخوة معاملة عجيبة يحكي أحدهم أن العسكري كان يقابله و ما أن يعرف أنه إثيوبي حتى يسأله عندك بطاقة لاجئين؟ و عندما يجيب بالإيجاب يطلب منه أن يراها و عندما يخرجها يأخذها العسكري و يمزقها و يقول له أها هسع ما عندك بطاقة و يأخذه للقسم أو يأخذ منه رشوة أو يضربه... هو و مزاجه. هذا الأخ الآن مهندس كمبيوتر و يكفي أن يعرف أنك سوداني ليقدم لك ما يستطيعه و يحاول أن يفعل حتى ما لا يستطيعه لمساعدتك. شوف بالله الوفاء دا... أي زول لو كان في محله و عانى هذا المعاناة في السودان ما أظنه تاني كان يعاين لسوداني مجرد عين. و لاحظت أن الوفاء للسودان يتمتع به جميع من مر به من هؤلاء الأشقاء.
و من أسوأ ما فعله كثيرون منا هو اعتبار نساءهم جميعا غير شريفات و أرى أن هذا البوست يصب في هذا الاتجاه من التنميط البغيض.
أرجو يا أخ نوراني أن تراجع ما قلته فمعظم هؤلاء النساء شريفات و طالبات للرزق الحلال كغيرهن.
|
Post: #44
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: awad okasha
Date: 04-10-2010, 01:55 AM
Parent: #43
تم طرح الموضوع في وقت سابق بالمنبر في الرابط ادناه ...
من اين اتوا هؤلاء الفتيات الحبشيات
|
Post: #46
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: تبارك شيخ الدين جبريل
Date: 04-10-2010, 02:03 AM
Parent: #44
ود النيل يا اخوى ...
Quote: انت ياخوى شطحت وماك شرحت
صاحب البوست غلطان ببث الظنون غير المؤكدة
وانت فتو لا غادى
كلامك دا ما حق سودانيين
والطاقية والجلابية فوق كم؟ |
نحن عندنا تسامح وتفهم وقبول للآخر ...
لآننا واثقين من هويتنا السودانية ...
ما بنلبس الجلابية والطاقية نظام قشرة وخلاس ...
وعندنا عوائل مشتركة ومساهمة ومطّلعة على سودانيزاونلاين بنعمل حسابهم لمن نكتب ... بالإضافة لما تمليه الأمانة والضمير ...
... المهم ....
|
Post: #47
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: GeerTor Tong
Date: 04-10-2010, 02:21 AM
Parent: #38
Salah Abdulla
قلت شنو؟
؟
بعد الكـــــــلام بتاع اخونا دا اللي قال كان مسؤول من الحاسوب ...أوعك
تمشي تتبرع بدمك تاني قبال ما تعرف عندك ايدز واللي ما عندك.
اخوي المشكلة مش في البنات اللي شغالات هناك هسع يا خوي
المشكلة انو في واحد عندو معلومات اكيدة عن اعداد كبيرة ودا بخلينا نسألك
انت من ياتو من الاعداد الكبيرة واللي عكسو؟
تسلم
قير تور
|
Post: #48
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: awad okasha
Date: 04-10-2010, 02:53 AM
Parent: #47
Quote: يجلسن وفى كامل زينتهن!!!!!!!
|
|
Post: #49
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: الوليد عمر
Date: 04-10-2010, 02:54 AM
Parent: #36
......
Quote: فالحبشية (أريترية كانت أو أثيوبية) ربما تمارس الدعارة الجسدية ...
ولكنها - حسب تجربتى - من الصعب أن تمارس الخيانة العاطفية ... وإن كانت عاهرة ...
فهى تسبقك أخلاقياً بفراسخ ضوئية ... تحتاج منك التريث قبل إطلاق الأحكام ...
والمعايش جبارة ... كما يقول أهلنا فى شمال النيل |
الكلام دا ما سليم يا حبيبنا تبارك
الفعل الجنسى هو النشاط الفسيولوجى الوحيد الذى لا يمكن فصله بأى حال من الأحوال
عن البذل العاطفى ، ومهما كانت المسوقات للقيام بالفعل الجنسى
فهو و بالضرورة لا يخلو من حوار عاطفى ولو على مستوى لغة الجسد
و من ثم يبدو الكلام عن فصل محتمل بين الجنس كفعل مجرد و الحب كمفهوم
شمولى* هو كلام غير مستند على أية أسانيد علمية ،
ولا يعدو كونه تقديرات مبنية على تجارب ذاتية منعزلة .
Quote: ومفهومهم لمعيار الصحة والخطيئة ليس مفهوماً سودانياً ...
وعدم مقدرتك على استيعاب حدود الآخر أخلاقياً ... لا يمكن أن تؤخذ ضد الآخر |
المعيار الواجب إتباعه هنا هو معيار المكان حسب ما تفضلتم به
لأنه معيار يفرضه مسرح الأحداث و من اللائق أكثر أن يستوعب الأخر أيضا
الحدود الأخلاقية للمكان بحيث لا تؤخذ عليه عدم المقدرة الإرتدادية.
الحاجة التانية و المهمة فى تقديرى هى الإشارة للأفضلية الأخلاقية
Moral Superiority لشعب ما على شعب أخر و التى تظل فى تقديرى غير مؤكدة إلا
على مستوى الشرائح المجتمعية و حسب ، بحيث لا يمكن تعميمها على مجمل
المجتمع فى الشعبين قيد المقارنة - عارف ليه - طيب أقولك ليه :
أخلاق المجتمع ككل تُستمد من ركائزه العقدية والثقافية وهنا تكمن المفارقة
عند إجراء مقارنات بين شعوب ذوات هويّات مختلفة عقدياً وثقافياً .
ملحوظة :
الكلام الفوق دا لا يعنى أبدن القبول بإلقاء التهم الجزافية على كائن من كان
أو إطلاق الأحكام بدون دلائل و براهين كافية .
* مصطلح ما عندو أى علاقة بالسياسة .
محبتى للجميع .
......
|
Post: #50
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: محمد زكريا
Date: 04-10-2010, 04:30 AM
Parent: #49
الوليد عمر
اول حاجه خلي المداخله كلها جنب بعض ..مش سطر فوق وننزل متر للسطر التاني...شكراً
تانياً
Quote:
الفعل الجنسى هو النشاط الفسيولوجى الوحيد الذى لا يمكن فصله بأى حال من الأحوال
عن البذل العاطفى ، ومهما كانت المسوقات للقيام بالفعل الجنسى
|
طالما البوست انحرف للناحيه دي بسبب المبروك.... اها ده رايي
انا بفتكر انو الجسد ممكن يتفصل من العاطفه لكن العاطفه لا يمكن تنفصل من الجسد.........وممكن نرجع لفلسفه التوضيح
تحياتي
|
Post: #51
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: عادل عبدالرحمن
Date: 04-10-2010, 05:39 AM
Parent: #50
يحاربن ..
في كامل زينتهن :
يموت حُلمهن ،
فيهاجرن ..
يبعن الشايَ والقهوة
ليتهمن في شرفهن !
( عليك الله .. حدّق وتمعّن في وجوه الفتيات هذي ،
وأرجع الديوم والصحافات ـ
ولئن وجدت إحداهن ، بلغهن تحياتي ،
وتحايا مَن كتبوا ههنا
مناصرين ) !
إمكن ـ فهو القادر على كل شئ ـ أن يغفر لك
|
Post: #52
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: nazar hussien
Date: 04-10-2010, 06:19 AM
Parent: #51
تلج في السودان؟؟؟
|
Post: #53
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: امير عوض الجمري
Date: 04-10-2010, 07:18 AM
Parent: #52
النوراني تحياتي
ظاهر| Quote: ة خطيرة فى الخرطوم وبالاخص فى الديوم والصحافات!!!!!!!!!!!!!!!11 |
دي ظاهرة صحيّة جداً جداً .. والله دي احسن حاجة .
Quote: سلام ياعوض
الغريب فى الامر
ان الفتيات الجالسات فى كامل زينتهن |
طيب مالو يا النوراني يا اخوي يعني دايرن يقعدن مبشتنات ما يتزينن ياخي وعليك الله
خلي الناس ينبسطوا ويتكيفوا (بالقهوة والوجه الحسن)..
نحن لي متين حا نقعد نريد الفقر والشناء كدي؟!!؟!
|
Post: #54
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: Salah Abdulla
Date: 04-10-2010, 08:20 AM
Parent: #53
Quote:
بعد الكـــــــلام بتاع اخونا دا اللي قال كان مسؤول من الحاسوب ...أوعك
تمشي تتبرع بدمك تاني قبال ما تعرف عندك ايدز واللي ما عندك.
اخوي المشكلة مش في البنات اللي شغالات هناك هسع يا خوي
المشكلة انو في واحد عندو معلومات اكيدة عن اعداد كبيرة ودا بخلينا نسألك
انت من ياتو من الاعداد الكبيرة واللي عكسو؟
تسلم |
يا قير تور ،، المعلومات دي اقدم من الكسرة
والمستغرب ليهو انو انتو كأنكم أول مرة تسمعوا بالمعلومات دي
واظنك شغال في مجال الاعلام..
المشكلة مش في المعلومات زي ما ذكرت سيادتكم ، لانو دي معلومات متوفرة ومعروفة..
المشكلة في الوعي بالمشكلة ومعرفتها وتجنبها
واولاد الديم متحضرين وتفاتيح والحاجات دي ما بتهجمهم وبيعرفوا يتعاملوا معاها كويس جداً..
اما الوافدين للبندر فياكلوا نارهم..
وأما عن سؤالك أدناه :
| Quote: انت من ياتو من الاعداد الكبيرة واللي عكسو؟ |
نقد ذكرنا بأسئلة محاكم التفتيش ، سؤالك ده محاكمي تفتيشي ..
يعني عشان ما باركت لي قدوم ولدي الجديد؟
* كنت قد فتحت بوستاً قبل حوالي سنتين تلاتة عن تجربتي الشخصية حول هذا الموضوع (الايدز)..
لكن ما عارفو وين ، فأنا زول مسكين ما عنديش مكتبة..
خلوا الناس تاكل عيش ....
|
Post: #55
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: othman mohmmadien
Date: 04-10-2010, 08:34 AM
Parent: #54
الأخوة الأفاضل ...
والأخ النوراني ...
في بلد كاليمن أكثر محافظة من بقية الدول وحتى داخل العاصمة من النادر أن تجد إمرأة كاشفة لوجهها ... توجد الجالية الأثيوبية ومقرها في العاصمة يجلب الكثير من الزوار من حيث بيع المنتجات الجلدية الفاخرة والمأكولات الحبشية وأشياء تراثية كثيرة وتوجد مثل هذه المقاهي داخل الجلاية وحيث أن الإيجار هنا رخيص جداً ... توجد هذه المقاهي أيضاً في قلب المدينة .. وبكل إحترام يدخل الناس يتناولون القهوة الحبشية أو الشاي مع عبق البخور الحبشي في أماكن مهيئة من حيث أماكن الجلوس بصورة منفردة في مناضد ومجالس تأخذ شكلاً تراثيا شعبيا وسياحياً وخاصة أن البلد يعتمد على السياحة كإحدى مصادر الدخل - مع العلم أن إعداد مثل هذه المقاهي لا يكلف شيئاً ... وفي الغالب يدير هذه المقاهي نساء بنفس الصورة التي ذكرت ... يراعين كافة التقاليد ... مثلاً ... لحظة الآذان كشئ متعارف بينهم يتم وقف الموسيقى والغناء ويتحول المكان إلى همس بطئ أو صمت مطبق قد لا تجد هذا السلوك في أماكن يديرها عرب أو مسلمون ... إعداد مثل هذه المقاهي في الخرطوم مكلف والايجار بالملايين .. لذا هؤلاء المسكينات اللائي أجبرتهن ظروف المعيشة أن يلجأن في طلب الرزق لبلد كالسودان ويدرن هذه المقاهي في البيوت لغلاء الايجار وما يلزم لإعداد المقاهي يجبرن لإقامتها في مثل هذه البيوت ...
أنصحك بالذهاب بنفسك ودخول تلك الأماكن رغبة في تناول قهوة أو شاي وتيقن من الأمر ثم تعال لتكتب هنا متيقنا بما رأيت دون الاستناد على لتلميحات قد ذكرها البعض أو لسوء الظن أو لوشايات ملفقة أو لأحاديث بين البعض "شباب معتل نفسياً" قد لا ينجم عنها إلا اللغو والغيبة والنميمة وظلم الآخرين - ثم التحريض عليهم وبالتالي قد يأتي متهورا ليحرق او يقتل أو يسرق ويتأذي منه الآخرون .... وبالتالي يمكننا أن نسأل ... من المسؤول عن ذلك.... إليست الكلمة جزء من ذلك ...
_ أمسك في كلام الأخ أبو الريش ده قوي ..
Quote: -
الأخ النورانى،
سلام
ارجو ان لا نشيع الظنون بخلق الله. هناك إجراءات وقوانين لو ثبتت أى جريمة يعاقب عليها
القانون.. كل ما عدى ذلك هو فتح الباب للفتنة والقذف.
هل ممنوع فتح بيوت للقهوة، ومعروف القهوة الإثيوبية فى محلات أشبه بالبيوت من القهاوى.. فهل
نعطى هامش لثقافات الاخرين؟ اليس هـذا إثراء للحياة الســودانية.. وما العيب فى خدمة أكثر
من 4 أو خمسة فى كل قهوة، ومن يناول الزبائن؟ ولماذا هـذه التحريات فى الأساس لناس مرخصين
ويدفعون الرسوم والضرائب؟ نأخذ الناس بالظنون، فأين نذهب يوم القيامة لو كان هـذا عملا نظيفا
وشريفا ونشاطا إقتصاديا شريفاً؟
فى الدين، ناس ما عندك دليل مادى عليهم، لا يضرك لو تركتهم وكانوا عاصين، ولكن يضرك لو أخذتهم
بالظن وكانوا ابرياء، فكن فى جانب السلامـة تسلم.
|
|
Post: #56
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: nazar hussien
Date: 04-10-2010, 08:36 AM
Parent: #54
كان حضرت زمن الكولوميت ما كنت فتحت البوست دا
|
Post: #57
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: Emad Abdulla
Date: 04-10-2010, 08:58 AM
Parent: #54
قصة عجيبة !!!
ظاهرة و كمان خطيرة ؟
هو في الاول تعريف الظاهرة شنو يا مسلمين ؟؟
بعد داك نجي لخطورتها و كل الشيلة المكلوجة الإتقالت هنا ده .
أخونا كاتب البوست مرق مرقة يعرفها براهو ..
أخواننا المسغفاتية بيقولو : الزول ده بيقرا بإضنيهو ( كيكي التفكيكي خبير في هذه العبارة ) ..
دحين حقو يا سيدي الفاضل ما تقرا بذاكرتك .. خلونا نمرق من ذاكرتنا السودانية الشايلة لأخواننا الأحباش شيلة السجم و الرماد ( و مرقنا نحنا منها هذه الشيلة زي الشعرة من العجين .. و كأننا شعب الله الأنضف و الأحلى و الأكرم و الأشرف ) ..
الناس ديل زينا في العنت و لؤم الدنيا عليهم .. و أضرط شوية .
ما جبرهم على المر إلا الأمر منو .. بيكابدوا و يعافروا لقمة العيش بشق الأنفس .. زيهم زينا .. واااااحد .
و الأثيوبيات زيهن زي أمهاتنا و أخواتنا الجار عليهم الزمن و الحكومات و ظلم الحياة و الظلامات كافة .. و ما بقى فاتح باب قدامهن غير بيع الشاي و القهوة ..
ما هو قدامك مئات البيوت الليلة فاتحة مطاعم .. بيوت سودانية كريمة ، إنقفل قدامها باب الرحمات من فوق و تحت ..
مالنا ما بنشوف بناتنا و أماتنا و أخواتنا الشوف الكعب ده المزروب بالنوايا البطالة و النظريات الجاهزة للصق و الاتهامات في الشرف و الأخلاق ؟؟
لا ترحموا لا تخلو رحمة الله تتنزل على الخلايق ؟؟
أها أنا ود الديم .. و اتربيت وسط أهلنا الأثيوبيين ديل .. و عاشرتهم و ساكنتهم و أكلت معاهم و إتقاسمنا الشين و السمح ..
و لا أصدق من هؤلاء الناس .. و لا أبقى على العشرة منهم و لا أنضف دواخل ..
إختلطت أنسابنا بيهم و شايلننا في راسهم ياخي و ما ناكرين شوية أفضالنا العليهم ..
بالعكس ، أنا بعرف بعضهم اتولد و درس و عاش في هذا البلد المتوس و ما مستعد يفرط في سودانيتو و لو وضعوا جنة أثيوبيا كلها قدامو ..
و بقوا مننا و فينا يا سيدي الظالم ..
من أول : كابادي / لتبرهان / تسقي / سماينش / زرسناي / نيكولا / جرجس / تمزقن / فيزل / ودي أبابا / ميري .... و و و و ..
فياخي .. ياخي ..
أرحمونا من هذا الشوف المكعوج و قبيح و متندل بالنوايا السيئة تجاه أي شي ..
إنتوا الله ده ما تخافوه ؟؟
|
Post: #58
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: صالح عبده
Date: 04-10-2010, 09:17 AM
Parent: #57
نحن شعب يحب العيش في الوحل دوما
كيف يمارس هذا التخلف في شوارع
العاصمة وفي وضح النهار؟؟؟؟؟؟؟؟؟
نحن نحذر تناول المشروبات والمأكولات
حتى من المطاعم ما بالك من الشارع
هل هذا عنوان لعاصمة ؟؟؟؟؟
|
Post: #60
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: عزام حسن فرح
Date: 04-10-2010, 09:39 AM
Parent: #58
محمد زكريا
| Quote: ياربي يكون بيت احرار؟ |
يُحَول إلى بوست : طباز البورض (الأصل) والنُسخة ويُعَمْد
|
Post: #59
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: بدر الدين اسحاق احمد
Date: 04-10-2010, 09:25 AM
Parent: #53
سيد البوســــت ..
هــل تأكـدت مـن نسبــة هولاء الفتيات الى البلد الحبيب اثيوبيــا ..
اولا يمكن ان يكــن من البلد الحبيب اريتريـــا ..
Quote: كثرة الفتيات الاثيوبيات وفى اعمار تتراوح مابين ال18 الى ال25 سنة !!!!!!!!!!!
|
ود عبد الرحمــن ...
الحســـن الــذى توشـــح بالرصــاص ...
اخخخخخخ حيــن ينظر الى حواء الفكرة كجســـد ..
الحســن الذى توشح بالرصاص من الشقيقة اريتريــا ...
|
Post: #61
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: عزام حسن فرح
Date: 04-10-2010, 09:44 AM
Parent: #59
بدرالدين
| Quote: اخخخخخخ حيــن ينظر الى حواء الفكرة كجســـد |
يا سلام عليك يا سلام ... كلام والله ... ريحتني الله يريحك ياخ
|
Post: #63
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: وليد عبد اللطيف
Date: 04-10-2010, 10:00 AM
Parent: #61
بدر الدين اسحاق + عزام حسن فرح
| Quote: اخخخخخخ حيــن ينظر الى حواء الفكرة كجســـد .. |
هوى يا اولاد الشعبية
الازعاج شنو
معليش الناس دي
ماتنسو شغالين منهم عمال بناء وهذا ماشاهدته في بعض العمارت الجديده للتشيد
وهذا لنقص العمالة الموجوده في السودان ( السبب شنو ماعارف )
من المؤسف ومؤسف جدا
مديرنا المهندس هنا بالسعودية
وهو بصدد عمل مشاريع في السودان
فقال : نصحوه بعدم تشغيل العمالة السودانية
دي اصبحت سمعتنا بين الدول العربية
-----------------
سلام لصحاب البوست وضيوفه
|
Post: #64
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: عبد اللطيف السيدح
Date: 04-10-2010, 10:04 AM
Parent: #61
Quote: يا قير تور ،، المعلومات دي اقدم من الكسرة
والمستغرب ليهو انو انتو كأنكم أول مرة تسمعوا بالمعلومات دي
واظنك شغال في مجال الاعلام..[/QUOTE]
الرجل دبلوماسي في الرياض
وكاتب مقال
وعضو منبر
وانيق ورقيق
|
Post: #66
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: Salah Abdulla
Date: 04-10-2010, 11:43 AM
Parent: #64
سلام أخونا السيدح..
Quote: الرجل دبلوماسي في الرياض
وكاتب مقال
وعضو منبر
وانيق ورقيق |
الأخ قير علم ، ولا يحتاج الى تعريف
ذكرت الاعلام لأنني لا أعلم وظيفته الحالية بالسفارة
هل ملحق اعلامي ، ام فارق المجال ده...
له ولك احترامي الاكيد والتقدير..
|
Post: #65
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: محمد الامين احمد
Date: 04-10-2010, 10:12 AM
Parent: #61
التحيه الى المرأة المناضلة فى جميع انحاء المعمورة ... تلك التى تخرج من الدغش لتكفل اسرتها
لو كفيناهم لما احتاجو الى مثل هذا
[b/]
|
Post: #67
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: عوض محمد احمد
Date: 04-10-2010, 11:56 AM
Parent: #65
| Quote: عملت لفترة محددة بأحد بنوك الدم ولا أنسى أن احدى الطبيبات أطلعتني على قائمة طويلة لمصابين بالإيدز من شريحة الشباب كلهم تفاجئوا بإصابتهم بالإيدز بعد قيامهم بالمشاركة في حملات التبرع بالدم . اكثر هؤلاء الشباب كانوا من (الديم والصحافات والجريف غرب) وهذا يؤكد أن ما ذهب اليه صاحب البوست صحيح بنسبة كبيرة . |
اخى الكريم
سلام
انت تخطئ خطاءا كبيرا بايرادك لمعلومات فى غاية الحساسية تحصلت عليها اثناء اداءك لواجب
مهنى, بل ان نشرك لهذه المعلومات ربما يلحق الضرر بسمعتك المهنية
عيادات ايدز تضرب نطاقا كثيفا من السرية فيما يختص بهويات مراجعيها. فاذا علم المرضى ان معلومات ربما تقود لمعرفة هويتهم صارت فى (السهلة), فربما يقاطعون هذه العيادات
|
Post: #68
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: elnawrani margan
Date: 04-10-2010, 12:27 PM
Parent: #67
شكرا لكل الاخوة والزملاء المتداخلين
سلبا
كان ام
ايجاب
والموضوع طرح اصلا للنقاش والتفاكر حول هذه الظاهرة التى لم نشهدها من قبل
|
Post: #69
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: elnawrani margan
Date: 04-10-2010, 12:52 PM
Parent: #68
تعقيب بسيط
للاخوان عماد عبدالله وصلاح عبدالله
انا لست وافدا للخرطوم
انا من اولاد المايقوما ولدت واتربيت بها .الى الان الاسرة بالمايقوما
والحبش عامة اثيوبين كانوا ام ارتريين
اتربوا معانا والى الان موجودين معانا وهم اسر طيبة ومحافظة
ولا احد يشكك فى كل الاسر الاثيوبين
وانا لما طرحت الموضوع
قلت فتيات فى اعمار صغيرة جدا
ويسكن لوحدهن يعنى ليست اسرة معروفةلدى الناس وانما بنات اتلمن فى بيت واحده بتبيع الشاى والقهوة
والاخريات موجودات لشنو ؟؟؟؟؟؟؟؟؟؟؟؟؟
ده الموضوع الانا طرحته للنقاش
يعنى انا مابشكك فى الاسر المعروفة لدى الناس
وقع الموضوع ولا ما وقع
عشان الناس ماتشن هجوم من غير فهم وادراك الموضوع
تحياتى ليكم جميعا
|
Post: #71
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: baha eassa
Date: 04-10-2010, 01:31 PM
Parent: #69
ادعم الموضوع بالصور عشان نحكم ..
|
Post: #72
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: humida
Date: 04-10-2010, 01:57 PM
Parent: #71
الحبش عايشين معانا ليهم مليون سنة و لسع ما قادرين نفهم طبيعتهم و لا قادرين نتعايش معاهم ..
و لسع عبارات الاستهجان و الدهشة تتبع عبارة ( دا معرس حبشية ) ..
ما اظن في شعب بحب السودانيين و بحترمهم قدر محبة الاثيبويين و الاريترين للشعب السوداني ..
بس فهمنا الوسخ و الجري ورا الشهوات .. دايما بصور لينا الناس دي في خانة معينة .. كونهم كما قال عماد عبد الله ( اضرط مننا ) ..
..
..
جنسيات عربية و اسيوية تمارس ما يسمى استعباطا ( المساج ) في وسط الخرطوم برسوم حكومية و محلات مرخصة و عربات فارهة و تجمعات شباب و حكاوي كتيرة ..
ممكن تكتب عنهم .. و تخلي الحبش في حالهم ..
|
Post: #73
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: elnawrani margan
Date: 04-10-2010, 03:16 PM
Parent: #72
Quote: الحبش عايشين معانا ليهم مليون سنة و لسع ما قادرين نفهم طبيعتهم و لا قادرين نتعايش معاهم ..
و لسع عبارات الاستهجان و الدهشة تتبع عبارة ( دا معرس حبشية |
ياحميدة
لما تلفح الموضوع افهمه اول
انا ماتكلمت عن الاسر
انا فى بداية البوست قلت (فتيات يتراوح اعمارن بين 18 الى 25)
يعنى ماجمعت كل الحبش ولا كل الاسر
كويس معاك
|
Post: #75
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: د.نجاة محمود
Date: 04-10-2010, 03:28 PM
Parent: #73
المشكلة مافي البعرضن الشاي دا
المشكلة في البمشو يشربو الشاي ديل
في بيوتهم مافي شاي؟!!
انفلات اخلاقيات الرجال لا تلام عليه النساء
عفوا تعفوا نسائكم
|
Post: #77
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: elnawrani margan
Date: 04-10-2010, 03:42 PM
Parent: #75
اولا مرحب بيك يادكتورتنا
| Quote: انفلات اخلاقيات الرجال لا تلام عليه النساء |
كلامك ده
نابع من غيرتك النسائية وبيخلينى افهم انك فهمت الموضوع انى بنتقص قدر المراة
وهذا خطاء عظيم
والله المراءة فى رؤسنا كلنا
وكلنا اولاد نساء
انما اردت ان ابين ان هذه الظاهرة ماكنا نعرفها من قبل
بل صارت شاذه وملفته للنظر واصبح اغلب الناس تتحدث عنها
لذلك انا كتبت البوست حتى نعيرها اهتمام ليس للاعضاء هنا
بل لكل قارئ
لك مودتى
وشكلك طولت من السودان لكن
لو رجعتى قريب حتشوفى الكثير المثير
فى وطن اسمه السودان
مشكورة يادكتورة على المرور
|
Post: #78
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: Salah Abdulla
Date: 04-10-2010, 03:44 PM
Parent: #75
Quote: المشكلة مافي البعرضن الشاي دا
المشكلة في البمشو يشربو الشاي ديل
في بيوتهم مافي شاي؟!!
انفلات اخلاقيات الرجال لا تلام عليه النساء
عفوا تعفوا نسائكم |
يا دكتورة معقول ده فهمك للموضوع ؟؟
انو الناس البتشرب شاي عند ستات الشاي ديل منفلتين اخلافياً؟؟
وعفتهم مربوطة بقعادهم (أوعدمو) وتناول كباية شاي في مكان عام؟؟
يعني خلاص احكامكم صدرت على ستات الشاي المساكين ديل؟؟
والله بالغتي يا دكتورة!!!!!
لا حول ولا قوة الا بالله..
|
Post: #80
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: Abdelmuhsin Said
Date: 04-10-2010, 03:50 PM
Parent: #72
Quote:
انا لست وافدا للخرطوم
|
بصراحة كدة انت وافد وستين وافد ياجدع انت شكلك مخلووووع
لكن كدي أقعد بالراحة كده وأعقل واحكي لي الحكاية من الاول انت شوفته وله سمعته .
|
Post: #74
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: elnawrani margan
Date: 04-10-2010, 03:21 PM
Parent: #71
| Quote: ادعم الموضوع بالصور عشان نحكم |
يابهاء
حدد
صور البنات ولا القهوة؟؟؟؟؟؟؟؟؟؟؟؟
|
Post: #76
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: وليد شريف
Date: 04-10-2010, 03:37 PM
Parent: #74
تحياتي صاحب البوست
معروف عن منطقة الديم انها من المناطق المحببة للاحباش والارتريين من زمن الحرب
عاشوا فيها وكانو افضل من غيرهم وهل هناك عيب اذا باعوا او اشتروا لاتوجد اي خطورة
في هذه الظاهرة بل الخطورة فيما يجول بخاطرك لان فيه اساءة لنا نحن الذين عشنا
في الديم ..
|
Post: #82
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: elnawrani margan
Date: 04-10-2010, 04:07 PM
Parent: #76
ياوليد شريف
Quote: معروف عن منطقة الديم انها من المناطق المحببة للاحباش والارتريين من زمن الحرب
عاشوا فيها وكانو افضل من غيرهم وهل هناك عيب اذا باعوا او اشتروا |
اتفق معاك بلا خلاف
لكن
Quote: لاتوجد اي خطورة
في هذه الظاهرة بل الخطورة فيما يجول بخاطرك لان فيه اساءة لنا نحن الذين عشنا
في الديم .. |
هنا الخلاف
الخطور موجوده حتى ولو ماظهرت الان
لكن موجوده
شكرا لمرورك
|
Post: #79
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: عماد موسى محمد
Date: 04-10-2010, 03:49 PM
Parent: #74
Quote: والله العظيم مررت قبل نصف ساعة من كتابة هذا البوست
بشارع من داخل المايقوما مرورا بالديم حتى
شارع العمارات
وجدت اكثر من عشرة بيوت لبيع الشاى والقهوة ومزينات بطراز اثيوبى |
نوراني السلام عليكم
با أخي زادك الله حرصا
ومن حقك أن تتعجب على عجائب الإنقاذ
وعلى تهيئتهم للفساد و ما يغضب رب العزة
ضحكت على من يقول إن هذا تدخلا فيما لابعني!
وهناك من اعتبر هذا رزقا حلالا!
ومنهم من توعد بالحساب علىكشف ما ستر الله!!!
أه ..يا حسرة على العباد
أي رزق حلال هذا بكون بجلب البنات بكامل الزينة-والله أعلم بحالهن- من أثيوبيا
وفتح البيوت؟..يعني هي حتى ليست أماكن عامة وأسواق...
لو كانت في الأسواق.. لقلنا..هذا خطأ..ولكن أن تكون في البيوت فهذا مما فيه
تهيئة لأسباب الفساد...عرف المسئولون ذلك أم جهلوه.
الذين يتباكون على ثقافات الأخرين
ليتهم بكوا على ما يخططه هؤلاء لأهلنا و الأقربين
(ويريد الذين يتبعون الشهوات أن تميلوا ميلا عظيما.يريد الله أن يتوب عليكم وخلق الإنسان ضعيفا)
نوراني
واصل
لا تهتم بالمعرقلين..
أمض نحو هدفك
|
Post: #81
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: احمد معتصم الطيب
Date: 04-10-2010, 04:07 PM
Parent: #79
منتدى الزهور الثقافى الطبى ( دعوة عــــــــــــــامة) ودعـــــوة خاصة لك أخي/نوراني
لتشاهد ولو بصيص من ثقافة ذلك الحي وتمسح من مخيلتك الصورة القبيحة التى تعشعش فى رأسك عن المنطقة كن جميلآ ترى الوجود جميلا .هــذه المنطقة يعيش فيها فطاحلة الفن والسياسة والثقافة
|
Post: #83
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: Abdelmuhsin Said
Date: 04-10-2010, 04:21 PM
Parent: #79
Quote:
المشكلة مافي البعرضن الشاي دا
المشكلة في البمشو يشربو الشاي ديل
في بيوتهم مافي شاي؟!!
انفلات اخلاقيات الرجال لا تلام عليه النساء
عفوا تعفوا نسائكم
|
دا شنو يا بت المدن يا الواعيه يا الدارسه الكتاب .. اشكرك على كلماتك المش فى محلها
بس بقول ليك الناس حاكماها ظروف .. بس هنالك سؤال مهم بجد نحن ليه بنضايق خلق الله كده .
|
Post: #84
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: رأفت ميلاد
Date: 04-10-2010, 04:40 PM
Parent: #83
Quote: يحاربن ..
في كامل زينتهن :
يموت حُلمهن ،
فيهاجرن ..
يبعن الشايَ والقهوة
ليتهمن في شرفهن !
( عليك الله .. حدّق وتمعّن في وجوه الفتيات هذي ،
وأرجع الديوم والصحافات ـ
ولئن وجدت إحداهن ، بلغهن تحياتي ،
وتحايا مَن كتبوا ههنا
مناصرين ) !
إمكن ـ فهو القادر على كل شئ ـ أن يغفر لك |
تسلم يا عادل عبد الرحمن
|
Post: #85
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: amir jabir
Date: 04-10-2010, 04:54 PM
Parent: #84
وأين تكمن الخطورة ؟؟ هل على الإسلام أم على عروبة السودان أم على العادات والتقاليد السودانية ؟؟ ابن اشرح أفصح ياهذا
كما زكر الاخوه من قبلى انهم شعب محترم ومهذب ويحترم الغير ومتمسك بافرقيته جيدا . انا شخصيا تربطني علاقة صداقة مع احفاد الامبرطور هيسلاسى فى مرة كانت معنا فى البيت فى منزل اسرة سودانية هنا وقناه الشروق تذيع الاخبار لاحظة هى ان الاخبار مجملها من السودان ((ولان حفيدة الامبرطور هذه لغتها السودانية سليمة وما شافت السودان بعينا قبل كدة سالت الجميع : اسمعوا انتوا القناة دى سودانية ولا شنوا رد الجميع طبعا
اندهشت قائلة الله طيب مافى بنات سودانيات بذيوع الإخبار لية جابين العرب ديل : وتأنى قالت ما حصل شفته فى تلفزيون عربى مرة اى فنان سوداني ولا سودانية لية ؟؟
سكتنا
عموما الناس ديل مختلفين عننا كثير ويسبقوا الشعب السودانى ثقافيا بى الف عام يعنى :
---------------------
لية ما اتكلمت عن ظاهرة المصرين فى الشارع العام ولا العرب التانين القادمين الى السودان باهداف اخرى ؟؟
|
Post: #96
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: elnawrani margan
Date: 04-10-2010, 07:52 PM
Parent: #85
ياعامر جابر ازيك اولا
وكيف اخبارك انت لسه فى مصر ولا اتخارجت منها
| Quote: وأين تكمن الخطورة ؟؟ هل على الإسلام أم على عروبة السودان أم على العادات والتقاليد السودانية ؟؟ ابن اشرح أفصح ياهذا |
الخطورة فى التلاتة الذكرتهم ديل وربما اكثر.
اما قولك
| Quote: لية ما اتكلمت عن ظاهرة المصرين فى الشارع العام ولا العرب التانين القادمين الى السودان باهداف اخرى |
ماشايف فى خطورة من وجود المصرين ونسبتهم فى السودان مااكبر من نسبة السودايين فى مصر وانت واحد منهم
والمصرين الفى السودان غقلبهم رجال وعمالة معروف محلها وين
|
Post: #86
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: تبارك شيخ الدين جبريل
Date: 04-10-2010, 05:16 PM
Parent: #84
ابننا الوليد عمر ...
مافى زول قال ليك الجنس يخلو من نشاط عاطفى ... قلنا "الثقافة" بتشكّل العلاقة بين "الحب" و "الجنس" فى ريسين الناس ...
ولمة مجتمعاتنا المجوبكة دى لو سميناها "مجتمع سودانى" .... لو كان فيهو اخلاقيات متفق عليها ما كنّا بقينا سوق ومصدر رزق لى غيرنا ...
نحن عندنا مهووسين دايرين يفرضوا على الباقيين اخلاق الملايكة والخلفا الراشدين ... ولو المسألة دى استمرت احتمال نصل درجة الجزيرة العربية فى الإنحطاط الإجتماعى والأخلاقى ...
ممارسة الواردات للسودان الدعارة كمهنة ... قاعد يدل على تفهم تام لى اخلاقيات المجتمع السودانى ... وتأقلم سريع .... وشطارة وألمحية فى البزنس ...
اقرا بى مهلة ... وجاوب بى مهلة ... الفورة مليون ...
... المهم ...
|
Post: #87
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: د.نجاة محمود
Date: 04-10-2010, 05:44 PM
Parent: #86
سلامات
تنميط الشعوب هذا من اسوء الامور
بالامس كنت اجلس مع مدير احد الجامعات
وكنت اشكو له من مشكلة البوليس مع الافارقةهنا
فذكر لي ان هذه المشكلة لا يواجهها الافارقة فقط
قال لي ان هناك طالبة قادمة من الصين ذهبت الى مقهى
ولسبب ما حضر البوليس وادخلها السجن على انها عاهرة
ثم اكتشف بعد ذلك انها طالبة.
الاستريو تايبنق قبيح جدا
ولذلك اتت مداخلتي
ان الرجال يتشكون من الحبشيات وهم الذين يذهبون للجلوس في حضرتهن بالساعات
ولسع بكرر اي راجل يشرب قهوته وشايو في بيته يخلو الضهب دا..
ولا اتهم اي امراة حبشية وارترية باي دعارة
لاني اعرف انه لا يمكن ان تكون هناك شعوب كاملة سيئة او تتاجر في الجنس
|
Post: #88
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: محمد حامد جمعه
Date: 04-10-2010, 06:42 PM
Parent: #87
هذا حديث غير صحيح (الظاهرة وما اليه )
وبكل الشفافية والوضوح وبلا اى تردد اؤكد اننى من رواد بعض هذه المناطق واعرف تحديدا غالب الاخوة الاثيوبيين والارتريين المقييمن فى هذه المنطقة ودخلت بيوت معظمهم فى اديس ابابا من بياسا الى اتوبتسرا وحتى عدى غرات فى اقليم التقراى ، واشهد الله وهذا الجمع اكرمنى اولئك الكرام رغم ضيق حالهم وقدموا لى الطيب والدافئ واثرونى على انفسهم وعيالهم ، هؤلاء اعظم شعب عرفته ، اعرف بنات واولاد فى الديم من اهل الحبشة هم الشرف والمرؤة والعفة نفسها
ارفض اى تلميحات غير كريمة بحق هؤلاء ،
دى شهادة شخص يوميا يغشى هؤلاء الناس ويخرج من تلك الجلسات غير اثم ، بل اذداد تمسكا بهم
|
Post: #91
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: elnawrani margan
Date: 04-10-2010, 07:28 PM
Parent: #88
ياود حامد جمعة
قلت لى
| Quote: هذا حديث غير صحيح (الظاهرة وما اليه ) |
اهاالصحيح عندكم شنو
يعنى انا كذاب وملفق ساى طيب نشوف باقى كلامك وتناقضك
| Quote: وبكل الشفافية والوضوح وبلا اى تردد اؤكد اننى من رواد بعض هذه المناطق واعرف تحديدا غالب الاخوة الاثيوبيين والارتريين المقييمن فى هذه المنطقة |
طيب كلام جميل اثنا ترددك ده البيوت البتدخلها اسر معروفة
ولا البنات الانا قصدتهم وكتبت البوست عشانهم
اذا كنت تقصد اسر انا مااختلفت معاك انا جيرانى حيطة بالحيطة اثيوبين والفاتحين فينى اثيوبين وبحترمهم حق الاحترام لانهم اسر محافظة وما شوفنا منهم شى
كويس لكن الانا قاصدهم وبتكلم عنهم الفتيات الصغار الفاتحات بيوت لبيع الشاى والقهوة
اذا انت بتردد على ديل وبتاكد انها ظاهرة طيبة
راجع نفسك ومنهجكم ومشروعكم الحضارى
ياكمندان
سمح
وبرضو شكرا لمرورك بهنا
|
Post: #94
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: Hassan Makkawi
Date: 04-10-2010, 07:38 PM
Parent: #88
أخ نورانى
هل نبيح لأنفسنا الهجرة لكل بقاع الكرة الأرضية
حاملين معنا التمباك والويكة والشرموط والحطب ووووو...والقائمة تطول
ونحرم أن يهاجر إلى أرضنا بعض الأحباش مجردين إلا من قهوتهم....العريقة؟؟؟
________________________
دعونا نتخطى مابين فخذينا فى التفكير.....
أما حبشيات القهوة فعليهن بخدمات ( الهوم دليفارى ) فى المستقبل
مكالمة واحدة ومنتخب حبشيات فى بيتك بالكانون والزهور والبخور
أرجو قفل الموضوع لأنة قد ( يجر )
|
Post: #97
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: elnawrani margan
Date: 04-10-2010, 08:17 PM
Parent: #94
| Quote: ونحرم أن يهاجر إلى أرضنا بعض الأحباش مجردين إلا من قهوتهم....العريقة؟؟؟ |
ياحسن مكاوى عليك الله ماتدخل غلط تانى
ارجع بداية البوست
شوف انتقادى فى شنو
سمح
| Quote: دعونا نتخطى مابين فخذينا فى التفكير |
ربنا يسامحك
ويهديك
|
Post: #108
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: Hassan Makkawi
Date: 04-11-2010, 06:34 AM
Parent: #97
Quote: ياحسن مكاوى عليك الله ماتدخل غلط تانى
|
يا نورانى
مافى دخول غلط..مدخل البوست واضح
| Quote: كثرة الفتيات الاثيوبيات وفى اعمار تتراوح مابين ال18 الى ال25 سنة !!!!!!!!!!! |
Quote: وتجد فتاة واحدة تبيع وبجانبها بين 5 الى 6 اخريات
يجلسن وفى كامل زينتهن!!!!!!!
|
Quote: ولو شفتوا كمية السيارات
الفارهة فى تلك البيوت
والشباب
لانتابكم شك ان هناك امر اكبر من شرب الشاى
او القهوة؟؟؟؟؟
|
|
Post: #89
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: elnawrani margan
Date: 04-10-2010, 07:13 PM
Parent: #79
جزاك الله خير اخى عماد
على الدعم
وربنا يحفظنا واهلنا من كل الشرور والفتن
امين يارب
|
Post: #90
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: عبد العظيم احمد
Date: 04-10-2010, 07:20 PM
Parent: #89
سلام للجميع
بدون الخوض فى تفاصيل الظاهرة
لقد صرح مسوؤل محلى ان 80 % من بائعات الشاى هن اجنبيات
وهذا التصريح نزل فى الجرائد
اما الجوانب الاخرى فلا علم لى بها..
|
Post: #93
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: elnawrani margan
Date: 04-10-2010, 07:35 PM
Parent: #90
Quote: لقد صرح مسوؤل محلى ان 80 % من بائعات الشاى هن اجنبيات
وهذا التصريح نزل فى الجرائد |
الف شكر ليك اخى عبدالعظيم
وبرضو المثقفاتية يجوا يقولوا ماظاهرة خطيرة
ياسبحان الله
|
Post: #92
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: قرشـــو
Date: 04-10-2010, 07:30 PM
Parent: #89
Quote: المشكلة مافي البعرضن الشاي دا
المشكلة في البمشو يشربو الشاي ديل
في بيوتهم مافي شاي؟!!
|
د. نجاة
الفين سلام وليك وحشة
دون ان اناكفك ( ومثلك لا يناكف لمعزتك الخاصة )
اقول لك لقد سمعت عن هذا الموضوع ان النساء اصبحت يذهبن لهذه البيوت لشرب الشاى والقهوة والغداء احيانا فى بعض احياء العاصمة ويبدو ان الحكاية هى موضة أكثر من اى حاجة ثانية ...
اضافة الى ان قهوة الجماعة ديل بتضبط الرأس ياخى لانها اصلية والبن كمان اصلى ....
يديك العافية
|
Post: #98
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: محمد حسن العمدة
Date: 04-10-2010, 08:18 PM
Parent: #95
Quote: وقدموا لى الطيب والدافئ واثرونى على انفسهم وعيالهم ، هؤلاء اعظم شعب عرفته ، اعرف بنات واولاد فى الديم من اهل الحبشة هم الشرف والمرؤة والعفة نفسها
ارفض اى تلميحات غير كريمة بحق هؤلاء ،
دى شهادة شخص يوميا يغشى هؤلاء الناس ويخرج من تلك الجلسات غير اثم ، بل اذداد تمسكا بهم |
وان شاء الله اندفيت يا سعادتو
غايتو سلمون عندو قهوة وشيشة تمااااااااااام بس مشكلتو مع ناس جنابو ديل كل يوم بجو يخمو البنات عشان الظام العام وكده
المسالة بالنسبة للحيكومة نقاطة وايرادات
يعني كل بعد يومين يجو ناس سعادتو ياخدو بت بتين وسلمون يقوم يمشي يدفع في الواحده 350 الف جنيه بالقديم
الغريبة ما بيسالوهم من اقامتهم لكن باخدو على اللبس !!!
في كوستي ناس النظام العام بمشو يكشو ستات المريسة والعرقي ويجو يوم السبت المحكمة الواحده بعد ما تاخد جلدتا تمر على دلالة المحكمة تشتري عدتا وتمشي تشد عرقيها زي الترتيب ...
انتو ما عاوزين كباري وظلطا ولا شنو ؟
وناس سعادتو ديل يدفعو ليهم من وين ؟
|
Post: #100
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: elnawrani margan
Date: 04-10-2010, 09:14 PM
Parent: #98
ود العمدة
اسعدنى مرورك
وجنابو خففنا عليه الرد لانو فى انتخابات حارسها
|
Post: #116
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: Abdulrahman Gorashi
Date: 04-11-2010, 09:00 PM
Parent: #100
take it easy guys and just look what a F...k you are doing guys, i don't want to accuse no one of bad and dirty thinking but it it looks to me the sudanese mind has recently change, simply who give a flying f...
|
Post: #118
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: elnawrani margan
Date: 04-12-2010, 01:34 PM
Parent: #116
Quote: Abdulrahman Gorashi
|
??????????????
|
Post: #136
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: elnawrani margan
Date: 04-14-2010, 12:23 PM
Parent: #100
^^^^^^^^
^^^^^^^^
|
Post: #142
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: Elsheikh Mohd Aboidris
Date: 05-18-2010, 09:11 AM
Parent: #95
Quote: والمشكلة الاكبر
مؤجرات بيوت فى تلك المناطق لبيع الشاى
والقهوة
وتجد فتاة واحدة تبيع وبجانبها بين 5 الى 6 اخريات
يجلسن وفى كامل زينتهن!!!!!!! |
هو البيوت دى مرخصة ولا كيري ساكت كدى
طيب وين المحلية ووين رجال الامن
لان كباية الشاي دى ولا القهوة بتجرجر لحاجات تانية
|
Post: #143
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: elnawrani margan
Date: 05-18-2010, 09:46 AM
Parent: #142
Quote: هو البيوت دى مرخصة ولا كيري ساكت كدى
طيب وين المحلية ووين رجال الامن
لان كباية الشاي دى ولا القهوة بتجرجر لحاجات تانية |
ماده
المحيرنا ومشتت افكارنا
|
Post: #125
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: شادية عبد المنعم
Date: 04-13-2010, 09:53 AM
Parent: #68
اخونا صاحب البوست وضيوفه
الحقيقة أنا شايفة الكلام ده كلو من منظور ثاني
وللتوضيح أنا لست ضد الأثيوبيات ولا الأريتريات وبالطبع ولا ضد النساء مهما كانت مهنتهن
لكن وأنا برضو ساكنة الديم ومراقبة جداً ما يجري
ولفتت نظري ظاهرة البيوت دي لأنو من بلكونتنا بس بشوف أربعة
يعني ما محتاجة أطلع الشارع عشان أشوف كيف المشروع الحضاري مستغل هؤلاء الفتيات كأبشع ما يكون الإستغلال
وعشان أكون واضحة ليه ستات الشاي في الشوارع نهاراً جهاراً مضاردين بالكشة لغاية ما نادية صابون بطنها اتفقعت في بمبر؟؟
وعشان أتحدى قانون النظام العام والمشروع الحضاري لو واحدة سودانية فتحت برندة بيتهم العلي الششارع بيت شقهوة هل سوف تسلم من ناس المحلية وناس النظام العام وناس الحلة زاتهم؟؟
يبقى بيوت القهوة الفي الديم بتاعة المحلية وبتاعة الحكومة مستغلة البنيات الما عندهم خيارات ديل
وهذه هي الظاهرة
وهذه الظاهرة يمكن أن تحتوي الجريمة والدعارة والأيدز والأمراض المنقولة جنسياً هذا علىالمستوى البيسط
وتدلل على الفساد في الدولة وفساد التشريعات
خبر:
في الأسبوع القبل الفات ست بيت القهوة الجنبنا إتعرضت الساعى 10 ليلا لهجوم من أحد الشباب حاول قتلها خنقاً وصرخت وقبل أن يتم جريمته أتلموا ناس الحلة وودوهو القسم
وهو قال كان عايز يشيل قروشها
وهي قالت ما حرامي لأنو هاجمني أنا وما حاول يشيل القروش.
والتحية للديامة عماد عبد الله وصلاح عبد الله (يا زول أنت في البلد؟)
|
Post: #132
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: elnawrani margan
Date: 04-13-2010, 04:44 PM
Parent: #125
بنت منطقتنا شادية
مشكورة على تاكيد تحذيرنا من هذه الظاهرة
وياريت تبينى اكتر لاولاد الديم صلاح وعماد الكثير الكثير فى هذه المسالة
لانى انا مامستقر فى السودان بس جيت اجازة وشاهدت هذه المناظر
التى لم نألفها من قبل
احترامى ليك
|
Post: #110
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: الوليد عمر
Date: 04-11-2010, 07:49 AM
Parent: #50
....
العزيز محمد زكريا
عساك طيب.
| Quote: وممكن نرجع لفلسفه التوضيح |
مافى مانع
....
|
Post: #111
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: الوليد عمر
Date: 04-11-2010, 09:01 AM
Parent: #36
......
تحياتى يا تبارك وشكرا ليك كتير.
| Quote: قلنا "الثقافة" بتشكّل العلاقة بين "الحب" و "الجنس" فى ريسين الناس |
كلام سليم لكنه ليس دليلا على مقدرة الإنسان ( نفسياً) على الفصل الإدراكى
بين الفعل الجنسى لأى سبب من الأسباب و بين إسقاطاته العاطفية وأنا الفهمتو من
كلامك ، أنو هناك إمكانية لممارسة الدعارة دون حدوث تأثيرات نفسية و عاطفية و كأنما
الجنس لديك مصنَّف كفعل فسيولوجى محض ،يمكن فصله عن العاطفة المستندة على مخزون ثقافى و معرفى.
معليش ممكن أكون فهمتك غلط و أرجو التوضيح .
Quote: ولمة مجتمعاتنا المجوبكة دى لو سميناها "مجتمع سودانى" .... لو كان فيهو اخلاقيات متفق عليها ما كنّا بقينا سوق ومصدر رزق لى غيرنا ...
نحن عندنا مهووسين دايرين يفرضوا على الباقيين اخلاق الملايكة والخلفا الراشدين ... ولو المسألة دى استمرت احتمال نصل درجة الجزيرة العربية فى الإنحطاط الإجتماعى والأخلاقى ... |
أنا معاك فى إنو مجتمعنا (مجوبك ) ، لكن هناك أخلاقيات عامة للمجتمع
لا يمكن تجاهلها ، ولو كان ما تقول صحيحاً، إذن لما قامت هذه (الجوطة) من
أساسها ، ولما كان هناك دعاة لأخلاق ملائكية زى ما قلت ، إذن فهناك قواسم
أخلاقية يشترك فيها الجميع رغم ما يبدو لك عكساً لذلك و إستنادا على إستباحة
الأخرين الأخلاقية لمجتمعنا، و التى تستند على عوامل متداخلة و كثيرة ، لايمكن
إختزالها فى التحلل الأخلاقى المفترض للمجتمع السودانى وحده دون أخذ بقية العوامل
الإقتصادية والسياسية فى الإعتبار.
| Quote: ممارسة الواردات للسودان الدعارة كمهنة ... قاعد يدل على تفهم تام لى اخلاقيات المجتمع السودانى ... وتأقلم سريع .... وشطارة وألمحية فى البزنس |
زى كلامك دا ممكن إعتبارو إدانة أخلاقية ضمنية لكل الأجنبيات فى السودان بما
فيهم الحبشيات البتدافع عنهم ديل ذات نفسيهم ، كما هو أيضاً إدانة لأخلاقيات
المجتمع السودانى ككل وفى هذا إطلاق و تعميم لا يمكن الأخذ و التسليم به ببساطة.
لك الإحترام و المودة.
......
|
Post: #99
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: elnawrani margan
Date: 04-10-2010, 08:33 PM
Parent: #28
يارانى شكرا ليك ولادبك الجم
بس الحمد لله انا بتكلم فى موضوع بيسفيد منو ناس كتيرة
مافتحت لى بوست لبتى من ماهى فى بطن امها لحد ماخرجت ومدعمة بالصور حتى صور الموجات الصوتية
بعد ده القراء بيحكوا الماعندو شغل فينا منو
وبرضو شكرا على مرورك
|
Post: #101
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: elnawrani margan
Date: 04-10-2010, 09:20 PM
Parent: #99
ننتظر اراء وتعليقات
اصحاب العقولة السوية
ومودتى للجميع
|
Post: #102
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: محمد عبدالله مختار
Date: 04-10-2010, 09:36 PM
Parent: #101
Quote: ننتظر اراء وتعليقات
اصحاب العقولة السوية
ومودتى للجميع |
والله يا النوراني منبر سودانيز أونلاين يجعل الحليم فيه حيرانا !!
فسدت الفطرة ففسدت العقول ..
الله المستعان .
_____________________________
ملحوظة : الكثير من المتداخلين هاجموا صاحب البوست بسبب الخلط بين بيوت (الأسر المحترمة) وبيوت (البنات) التي لا رقيب فيها.. والنوراني يقصد البيوت الأخيرة ..
|
Post: #103
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: محمد عبدالله مختار
Date: 04-10-2010, 09:54 PM
Parent: #102
Quote: نفهم منو تحذير من الناس اللي قاعدين في (الديم والصحافات والجريف غرب)؟
تحياتي
قير تور |
العزيز : قير تور ..
والله كلامي ده وااااااااضح خاصة للجماعة الكاسرين ركبة بهناك 
وزي ما بقولوا : السعيد من اتعظ بغيره
والتحذير ده ما لي ناس المناطق ديك بس ، لكن للجماعة البركبو عرباتهم وبيجوا من بعيد لشئ في أنفسهم !!
ما يجيني زول ويعمل لي فيها الشريف الرضي ، كلنا عارفين البير وغطاها.
ــــــــــــــــــــــــــــــــــــــــــــــ
ملحوظة : أحرف ناس الديامة الأصليين الحبة ما بتجيهم ، المشكلة في الضيوف البجوهم (خاصة ناس الأقاليم وبالذات طلاب الجامعات) ياهم بيقعوا طوالي في البلاوي دي ..
|
Post: #104
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: elnawrani margan
Date: 04-10-2010, 09:56 PM
Parent: #102
الله اكبر
ربنا يعظم اجرك
يامحمد عبدالله مختار
انت الوحيد الفهمت ماارنو اليه
| Quote: الكثير من المتداخلين هاجموا صاحب البوست بسبب الخلط بين بيوت (الأسر المحترمة) وبيوت (البنات) التي لا رقيب فيها.. والنوراني يقصد البيوت الأخيرة |
لافٌض فوٌك
والله ماقلت الى الحق
جزاك الله خير
|
Post: #105
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: elnawrani margan
Date: 04-10-2010, 10:01 PM
Parent: #104
اشوفكم بكرة على بركة الله
العيون بدات تقع
مودتى للجميع
|
Post: #106
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: rani
Date: 04-10-2010, 11:27 PM
Parent: #105
Quote:
يارانى شكرا ليك ولادبك الجم
بس الحمد لله انا بتكلم فى موضوع بيسفيد منو ناس كتيرة
مافتحت لى بوست لبتى من ماهى فى بطن امها لحد ماخرجت ومدعمة بالصور حتى صور الموجات الصوتية
بعد ده القراء بيحكوا الماعندو شغل فينا منو
وبرضو شكرا على مرورك |
يستفيدو منو كيف يعني؟
يا اخوي انا فتحت بوست لبتي،
وشتان ما بين فتح بوست لبتك وبين نقيل الكلام... والبتعمل فيهو دا مرة تانية للاسف لا يتعدي النميمة.. وقولنا وقالو.. كفانا الله شر القيل والقال.
هنا بوست البنية
تسجيل مكالمة مع سارة.. بوست توثيقي.. يوجد شهود وصور وفيديو كمان...
ادخل الكان يشغلك شوية ويصرفك من متابعة الناس والبيعملو فيهو..
ربنا يهديك
|
Post: #107
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: rani
Date: 04-11-2010, 05:31 AM
Parent: #106
بعداك شكل كلامي الكتبتو ليك اول دا زعلك شديد خالص... لحدي اعتبرتو قلة ادب.
النعيدو ليك تاني:
"
كدي انت خليك من شيلت اضانك والحوامة بيها في الحواري. سمعت دا وقالو لي دا.
وحاتك البتعمل فيهو دا اخير منو البيعلو فيهو هم، لو في الاصل كلامك دا حقيقة.
انت يبدو انك من شلل، شفت مرة فلان ماشة مع علان، وبت فلان داك مشيتا ما طبيعية، والفول دا زيدو لي فيهو الشمار،
وكان البت المع هناي داك ما طلعت من بيتو انا ما بزح من هنا، وشجر الشوك دا لو ما قام بيقوم، وهناية ديك نزلها واحد سايق عربية فارهة في طرف الشارع.
ودي عاملا فيها بتمشي الجامعة، لكن جامعة شنو البيمشو ليها بلبس ذي دا؟ وانا بكرة حامشي اتابعها اشوفها بتمشي وين. وهناية ديك جاب لي خبرا واحد شغال معاهم.
يا ناس ما تخلونا............... ناس غير الشمشرة ونقيل الكلام ما عندها شغلا وفوق دا كلو قطاعين ارزاق.... يقطع دابركم من البلد.
You need to find a job man
sorry, do you really have a job?
If you do, Please find a second job, at least might keep you away from gossiping.
"
|
Post: #109
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: محمد عبد الماجد الصايم
Date: 04-11-2010, 06:44 AM
Parent: #107
كميّة طبازين .. خرافية!
|
Post: #112
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: عبد الناصر الخطيب
Date: 04-11-2010, 11:08 AM
Parent: #109
أسد السيرك لما يلقي الأسود في البرية
ممكن في البداية ما يفهم كتير من سلوكهم مع أنهم فصيلة واحدة
كل ما عرف الأسد ده عن فصيلتوا دي بتبتدي ترويضتوا تفك
وبمرور الزمن حيرجع يكتسب كل صفات أسود البرية , ويبقي وأحد منهم
-------------------------
| Quote: بس الحمد لله انا بتكلم فى موضوع بيسفيد منو ناس كتيرة |
النصيحة لله أنا من الإستفادوا كتير من البوست ده
مع أنو ما عندي منهج معين في الرد عليهوا لو عرفته أهلنا الأحباش ديل بتحس لو كتبته تدافع عنهم في حته ز ي دي بتبقي مسالة ما محمودة ويمكن منقصة من قدرهم ... ( غيري أعمي مهما أصغي .... لن يبصرني ) ... مع كتير الاحترام والتقدير ليك يانوراني ... مداخلاتك الأولي على نسق تعالو شوفوا وعاينو .... مؤسفة وفيها خلّط غريب بين كلامك بصيغة المعايش الموضوع ... وبين وإصرارك انو سمعتو سمع يعني ( جابوا ليك ) ...
وده بخلى الهدف إثارة لمجرد الإثارة ... بعيد عن لفت النظر لظاهرة
على أي حال يانوراني الحبش ديل ما مجتمع ملائكي يعني كل الناس فيهم وفيهم... والحته المتعرض ليها دي حاصلة وموجودة ما بقوليك ... لا .. بس ما ليها علاقة بالجبنة واكل العيش ... الطالعة منهن للربا والتلاف ما بتبيع قهوة بتبيع جسده دي بضاعته ...
وفي بلدهم في أماكن زي دي تشرب جبنتك وتقعد باحترامك ... وبس ولو عوز الكلام ده تمشي تكوسوا فى الشارع ... بتلقي ملان أشكال وألوان لما تتحّير تختار منو ولا تخلي منو ... فما في ربط بين دي ودي وخت في بالك أنو الناس ديل وأضحين للغاية يعني مافي شي مغته الزين زين والشين
شين ...
الهم يكون الحاصل في السودان ده شي تاني ولاني ما على إطلاع علي ما حاديك في رأي ...
كل القصد أديك فكرة عن محلات الجبنة دي وفي بلدهم وإنها ما بكون ليها أى علاقة بالشي الفي بالك
-----
Quote: الذين يتباكون على ثقافات الأخرين
ليتهم بكوا على ما يخططه هؤلاء لأهلنا و الأقربين
(ويريد الذين يتبعون الشهوات أن تميلوا ميلا عظيما.يريد الله أن يتوب عليكم وخلق الإنسان ضعيفا)
|
شيخنا عماد موسي في بلد التجراى مغّلي ( الهم الحبش ذاتهم ) وفي ضاحية غالبيته الساحقة مسلمين ... مواعيد الصلاة ما بلقي حبشي لافي كلهم عند شيخ إبراهيم في الجامع رجالهم صغار وكبار ويوم الجمعة حتى العجائز مبلمات في الجامع ... يخجلوك تفوتك صلاة جماعة ولا تصلي في البيت مبالغة مش كدة لكي ده الحاصل , وكتار عيّنين مننا الصورة في رأسهم إثيوبيا دي ماّخور يعني تقابض من طرف غايتو ربنا يشفيهم ....ممكن مسلمين الناس ديل غالبيتهم بلا دقون وما بلبسوا جلاليب قصيرة لكين ياشيخنا المسلم منهم مسلم جد جد , في البلد الانا فيها بلاقي مسلمين بدقون لى سدرهم الواحد السلام عليكم ما بقوله ليك _ إحتمال مستخسره فيك _ وده على سبيل التعريف ربنا شهيد على صدق أى كلمة قلتها ليك عنهم
فيبقي لما تتكلم عن مخططات تراد بعشيرتنا الأقربون حاضحك عليك ياشيخنا الناس ديل جابهم ضّيق وعسر حال أدعي ربنا يفّرج كربتهم _ وكون متأكد فيهم البستحق دعواتك دي _ وغالبيتهم بجيبهم عشّم أنو ماشين بلد ناسه الاقرب ليهم ... طبعا دي ما حاصلة إلا في ظنهم
ولما يكونوا ناسه ديل عندهم في بلدهم والله العظيم بخجلوهم عديل كده بطيبهم وكرمهم وطيب خصالهم , وبالجد بخلوا العرفهم ده يندم على أى لحظة انو الناس ديل ما كانو معرفتوا وناسوا , وصدقني ماظن تكون في القصة مخططات امبريالية ولا صهيونية إلا تكون عارف شي خافي علينا يبقي ده كلام تاني
_ خليك من ثقافتو حاول اعرف الاخر ده في عضموا...بدل تسي الظن بيهوا _
ده كلام واحد من جملة المتباكين
----
ياعادل عبد الرحمن
ياخي إجلال وتقدير ليك
Quote:
يموت حُلمهن ،
فيهاجرن ..
يبعن الشايَ والقهوة
ليتهمن في شرفهن !
( عليك الله .. حدّق وتمعّن في وجوه الفتيات هذي ،
وأرجع الديوم والصحافات ـ
ولئن وجدت إحداهن ، بلغهن تحياتي ،
وتحايا مَن كتبوا ههنا
مناصرين ) ! |
-----------------------------------------------
*جيت الحبش لينا غلط كبير في أستجارتهم من الرمضاء بالنار وربنا يعينهم
ويفّرج كربتهم
_ أسد سيرك سابق _
|
Post: #113
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: عماد موسى محمد
Date: 04-11-2010, 03:49 PM
Parent: #112
نوراني
جزاك الله خيرا
واصل ولا تتردد
والله لو كانت هؤلاء النساء
من أحسن النساء أخلاقا
فإن هذا الأمر غير طبيعي
المسألة ينبغي أن يتم بسطها هكذا:
الإختلاط ضرره عظيم
والشريعة جاءت بحفظ العرض والدين
والنفس والمال..
العواطف كثيرا ما تحكم تصورناتنا للأمور
نحن شعب عاطفي
وكثيرا ما تكون على حساب الحقيقة
احترامي للجميع
|
Post: #115
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: elnawrani margan
Date: 04-11-2010, 08:28 PM
Parent: #113
احونا عماد موسى
والله كلامك ادانى دافع كبير لمواصلة البوست
جزاك الله خير
|
Post: #114
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: elnawrani margan
Date: 04-11-2010, 08:20 PM
Parent: #112
عبد الناصر الحكيم
شكرا لمرورك
واختصر ليك ردى فى كلمات قليلة
هى ظاهرة خطيرة على المجتمع والشباب
رضيتم ام ابيتم
سوا ظهر خطرها الان ام غدا
|
Post: #117
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: elnawrani margan
Date: 04-11-2010, 09:06 PM
Parent: #114
.......
..
|
Post: #119
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: عبد الناصر الخطيب
Date: 04-12-2010, 03:52 PM
Parent: #117
المكرم / النوارني مرجان
تحية طيبة ......
Quote: عبد الناصر الحكيم
شكرا لمرورك
واختصر ليك ردى فى كلمات قليلة
هى ظاهرة خطيرة على المجتمع والشباب
رضيتم ام ابيتم
سوا ظهر خطرها الان ام غدا
.. |
*حاعتبره خطاء مطبعي
ردي اساسا لم يتعرض لظاهرتك البتتكلم عنها عشان يكون في قبول او رفض
مجرد توضيح للحته الاتكلمته عنها وشكله عند الناس ديل وعدم ارتباطة بالشي الفي رأسك
وباقي الكلام كان موجه للشيخ عماد الجاء طوالى يتكلم في مسألة ماظن عندو بيها أى معرفة
والظاهر كلامي في المداخلة زعلوا ولا ماصدقوا ولا ماطابق ظنوا فتجاهل يرد عليهوا إلا بإشارات
إننا شعب عاطفي مع انو دي ما حته سلبية بالعكس ياخي ياريت الناس العندها عواطف هم الناس
الحيين البحسوا بالدنيا وبشعروا بإلام غيرهم ومعناتهم
موافقوا تماما اغلبنا عاطفي ودي تركيبتنا بكلمة طيبة تأخد عيونا وبكلمة كعبة ناكلك بسنونا
وإشارة تانية عن شر الإختلاط مع أنو من غير الحبش مقطوعين الطارى ديل
الاختلاط في مجتمعنا قيمه داخله في كل مناحي حياتوا وثقافتوا
وبتظل في تركيبتنا كناس بنديها حقها من الاحترام
ده غير أنو معلوماتوا محتاجة تحديث لانوا حتى الدول المانعه حاليا
بتتكلم أنو ما ليهوا سند شرعي
لكين المسالة ثقافات شعوب وعاداته طيب دي ثقافتهم وعاداتهم
نحنه دخلنا شنو في القصة ؟؟؟؟؟؟؟؟
--------------
تحياتي
|
Post: #121
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: elnawrani margan
Date: 04-12-2010, 09:37 PM
Parent: #119
كتب الزميل
عبد الناصر الخطيب
Quote: ردي اساسا لم يتعرض لظاهرتك البتتكلم عنها عشان يكون في قبول او رفض
مجرد توضيح للحته الاتكلمته عنها وشكله عند الناس ديل وعدم ارتباطة بالشي الفي رأسك |
ممكن توضح الفى راسى شنو
|
Post: #123
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: تبارك شيخ الدين جبريل
Date: 04-12-2010, 11:05 PM
Parent: #121
| Quote: ممكن توضح الفى راسى شنو |
فتاة بكامل زينتها ... تقدم "الجبنة" بطقس عريق يعود إلى آلاف السنين ...
وتأتى أنت وتسميه:
| Quote: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!! |
ممكن إنت توضح "الفى راسك" دا ... شنو؟
عشان ما يكون فى لف ودوران ... مع سؤ الظن بى خلق الله ...
(رغم انّو لو "الفى راسك" صاح ... ما معناها فى "ظاهرة خطيرة" ...)
عامل راسك الـ ...
... المهم ....
|
Post: #124
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: عبد الناصر الخطيب
Date: 04-13-2010, 09:00 AM
Parent: #123
الزميل الفاضل / نوراني مرجان
تحية طيبة ..
الفي رأسك زي ما فهمته من مداخلاتك خصوصا الاولى منها
*أنو الحكاية اكبر من مجرد شاى وقهوه .. عهر ودعارة وإفساد مجتمع
----------------
فحاولته اقوليك الحكاية البتكون اكبر من كدة طريقة الناس ديل بتكون كيف
من دون اتعرض للفي السودان حاصل شنو وحاصل كيف _ لعدم الإطلاع على الوضع _ أصلا عشان أفتي او انظر فيهو
فواصل بموضوعك وما تقيف عندي كتير
وتتذكر أنو الرؤيا بتختلف وتقدير خطورة الأشياء والظواهر بتتفاوت بين الناس ...
-------
*دي رؤيتي مع كامل الاحترام لرؤيتك وطريقة تقدير الخطر فيها
|
Post: #126
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: Salah Abdulla
Date: 04-13-2010, 01:38 PM
Parent: #124
يا نوراني ياخ إزيّك ..
تاني بكرر ليك إنك إنت متصور إنو القصة فيها دعــــــارة
يا خي إنت مش قلت إنك من المايقوما؟ أعرق أحياء الديم؟
والناس ديل إنت عشت معاهم وووووو....
طيب مفروض تكون زول تفتيحة، وتعرف إنو القصة (الفي راسك دي ) ما عند بياعات الشاي المسكينات ديل
دي عندها محلات وطرق وناس غير يا نوراني ياخ ، وبقت ساهلة ومتوفرة!!
شاي بتاع شنو ياخ؟
رغم إنو كل البيوت دي (تقريباً) عندها الأوراق الرسمية، الا إنو الكشات ما اتوقفت
وأنا بي عيني دي شفت بلاوي ، ابتزاز ورشاوى وممارسة بلطجة حكومية مقننة
ناس الكشة بعد ما يوروهم الاوراق ويتأكدوا انها رسمية
برضو بيشيلو الكفتيرة بي مويتها وباقي العدة ويجدعوها في عربيتهم
عشان (عايزين حقهم) !!!
دعارة بتاعت شنو ياخ؟
وبعدبن منو القال انو القصة شاي وقهوة بس ؟؟ الأساس في الموضوع الأكل ( العضضضضضة )
بنمشي نضرب الزغني ده لمن هو زاتو يحتار ..
وياما اتدخلنا وخارجنا المسكينات ديل من نهب حكومي علني ...
بالله خلو الناس في حالها ياخ..
نوراني قلت لي إنت وين في المايقوما؟؟؟؟
-----------
شادية عبدالمنعم ، بتنا ، كيفك ، أنا في الدوحة ، لكن شغال كمساري..
سلام للبنيات..
|
Post: #130
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: elnawrani margan
Date: 04-13-2010, 04:29 PM
Parent: #126
صلاح عبدالله مرحب بيك والله
وسعيد بمشاركتك هنا
اولا ان من حلة (ترب بلاع) او ميدان العلم او حلة مبارك سليمان لاعب الهلال سابقا
طيب نجى لتعقيبك هنا
| Quote: تاني بكرر ليك إنك إنت متصور إنو القصة فيها دعــــــارة |
حتى لو مامصور انو القصة دعارة فى نفس المكان بتقود لانها تكون سوق دعارة
قول ليه؟؟؟؟؟؟
لانو ديل بنات صغار وبتكون فى واحده بتبيع سواء كا ن شاى او قهوة التانيات الجنبها بيعملن شنو؟؟؟؟؟
ارجو الجواب على السوال
طيب كلامك التانى ده
Quote: والناس ديل إنت عشت معاهم وووووو....
طيب مفروض تكون زول تفتيحة |
عشان عيشتنا وحايتنا فى الديوم كتبنا الكلام ده
لانى انا مابقصد الاسر الانت قاصدهم وخاتيهم فى راسك نعم الاسر محترمين وعايشين معانا سنيين
لكن انا بقصد البنات الصغار الدخلو البلد جداد
وقع ليك كلامى يااب شنب (هههههههههههههه)
والان ديل بيشكلوا السواد الاعظم فى هذه البيوت
ده كان استنكارى للقصة يعنى ماقصدت اسئ للحبش لا بل والله فيهم اسر اشرف بكتير من اسر سودانية
بل والله احكى قصص كتيرة عن هولا الاحباش انا كنت بشتغل مهندس فى الفحص الالى للسيارت وكنا بنطلع اتيام للولايات وثلاث سنين وراء بعض تم اختارى اذهب للقضارف
والله ياصلاح مكان العمل بتاعنا كان فى الصينية البرا فى التفتيش وانت ماشى على كسلا . هناك كانت فى واحده اثيوبية مسلمة اسمها الماظ يمكن ناس القضارف يعرفوها كانت والله الساعة واحده ظهرا تعمل لينا قهوة مجان لاقرش ولاتعريفة ووالله كانت مراءة محترمة بشهادة كل الناس وكانت بتربى فى بنات صغار وهى فى كافتريتها تلك تقراء القران وذات يوم اصرت علينا نحن التيم ان نتناول وجبة الغدا فى منزلها و لبينا الدعوة والله لن انسى فضل هذه المراة الى ان اموت .
والامثال كتيرة
لكن ده مابيبرر ان ظاهرة البنات الشايفها دى انو خلاص كلام شاى وقهوة.
عرفت يااب شنب
لكن ماقلت لى انت من الديم وين
مع احترامى ليك
|
Post: #131
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: elnawrani margan
Date: 04-13-2010, 04:36 PM
Parent: #124
المحترم عبد الناصر الخطيب
والله انا سعيد بتعقيبك ومشاركة هنا
وفهمت كلامك
وشكرا ليك كثير
مع فائق ودى لك
|
Post: #127
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: elnawrani margan
Date: 04-13-2010, 03:00 PM
Parent: #123
انت عارف ياتبارك
الحسنة الوحيدة فيك
انك حلقت تفتك
|
Post: #128
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: elnawrani margan
Date: 04-13-2010, 03:06 PM
Parent: #123
انت عارف ياتبارك
الحسنة الوحيد فيك
انك حلقت تفتك
|
Post: #129
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: elnawrani margan
Date: 04-13-2010, 03:29 PM
Parent: #123
|
Post: #133
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: تبارك شيخ الدين جبريل
Date: 04-13-2010, 06:22 PM
Parent: #129
قلت لى يا النورانى ...
الخطورة وين فى "دعارة" البنات السغار البقعدن بالجنبة؟
دعارة! ... وين "الخطورة"؟
من ما الله خلق الدنيا ... وإلى أن يرث الله الأرض ومن عليها ... الله خلق العاهرات ديل عشان ينفذن امر الله ...
إن أمر الله كان مفعولا ...
ما شفناك ركبت ليك ساروخ ماشى كايس الأمان فى كوكب تانى ...
ولا شفناك ضحية "خطورة" ...
طريقتك فى التغول على الآخرين بالتلويح بـ "الخطورة" فى وجوههم هى الظاهرة الخطيرة التى يجب إيقافها ...
مافى بت حبشية سغيرة بتجيب ليك البوليس عشان تسترزق منك ... لاكين انت شكلك كدا النوع الممكن يجيب ليها البوليس عشان يقطع رزقها ...
ولا تعتدو إن الله لا يحب المعتدين ...
... المهم ....
|
Post: #134
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: محمد عبدالله مختار
Date: 04-13-2010, 08:26 PM
Parent: #133
| Quote: الله خلق العاهرات ديل عشان ينفذن امر الله ... |
شوف يا تبارك ..
عايز تسئ للناس ما مشكلة .. تسئ لي شخصياً برضو ما مشكلة .. لكن إياك والإساءة للمولى عز وجل ..
احترم نفسك ، صحيح انت كبرت وبقيت فصيح لكن يا بني آدم أنت مهما كبرت ما حتعدوا قول المولى عز وجل :
{أَوَلَمْ يَرَ الْإِنسَانُ أَنَّا خَلَقْنَاهُ مِن نُّطْفَةٍ فَإِذَا هُوَ خَصِيمٌ مُّبِينٌ }يس77
حاجة تانية يا تبارك .. أقرأ كويس قبل ما تسئ للخالق عز وجل :
{قُلْ إِنَّ اللّهَ لاَ يَأْمُرُ بِالْفَحْشَاء أَتَقُولُونَ عَلَى اللّهِ مَا لاَ تَعْلَمُونَ }الأعراف28
|
Post: #137
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: elnawrani margan
Date: 04-14-2010, 08:33 PM
Parent: #134
والله يامحمد عبد الله مختار
زولك ده كبر عليه اربع
واسال له الهداية
|
Post: #135
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: elnawrani margan
Date: 04-13-2010, 08:38 PM
Parent: #133
ياالسموك تبارك
لكن للاسف والله مافيك اى بركة
قلت لى
Quote: من ما الله خلق الدنيا ... وإلى أن يرث الله الأرض ومن عليها ... الله خلق العاهرات ديل عشان ينفذن امر الله ...
إن أمر الله كان مفعولا |
والله انا قبيل قلت ليك احسن شى فيك انك شلت التفة بتاعتك برة لانى كنت بقول انو التفة تحتها شيطان
لكن اظن الشيطان انت زاتك
ربنا يهديك ويمرق شيطانك
|
Post: #138
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: elnawrani margan
Date: 05-17-2010, 12:29 PM
Parent: #135
بعد الزمن ده كلو جيت ولقيت مقال فى جريدة الصحافة يأكد ماكنا نحزر منه من تلك الظاهرة الدخيلة على مجتمنا
واليكم المقال فى جريد الصحافة اليوم.
منازل الأجنبيات..من هناك ينفث الخطر
Quote: تحقيق: محمد سعيد: عقارب الساعة كانت تتهادى ببطء لإعلان موعد اذان العشاء ، بينما احد المنازل التى تقع على مرمى حجر من أحد المساجد باحد الاحياء العريقة بالخرطوم اشتهر بتوافد الاجانب، يمضى فى اعداد امسية خاصة ففي ذلك اليوم لم يخب من فى المنزل الهواجس والظنون وضيق المصلين بالمسجد، بل مضى في تأكيدها بإقامة ليلة أقرب للوصف بالحمراء ، على اضواء الشموع واصوات الايقاعات الموسيقية الصاخبة، وشقت الزغاريد عنان السماء، وتعالت الضحكات الهستيرية، واختلطت فئة من الشباب لابراز مواهبهم فى الرقص وهم ينفثون دخان السجائر، لم اتبين ملامحهم بسبب الاضاءة الخافتة، ولكن علمت ان الجمع محتفل لوداع صديق من دولة عربية مجاورة كان يتردد على صديقته الوافدة من احدى دول الجوار القريب حيث يكثرون في السكن في ذلكم الحي ولا يدري الجميع إلى يومئذ ماهو السر وراء تحبيذهم للإقامة به دون سائر أحياء العاصمة ؟ بهذا التساؤل كان مدخلنا لإماطة اللثام عن كثير من الخبايا السلوكية والأخلاقية التي أزكمت روائحها أنوف العامة فاصبح الحي مصدرا للشبهة .
مشهد وداع الصديق العربي لعشيقته كان مصدرا لحزن الجميع بباحة المنزل لأنه ربما وضع حدا لعلاقة عاطفية غير ذات صبغة شرعية امتدت لثلاث سنوات حسب إفادات البعض الذين حدثوني عن ترعرع قصة حبهما فى تلك المنطقة التى شهدت اول لقاء بين العاشقين بمنزل بالحي نفسه الذى يعتبر قبلة لكثير من الوافدات من دول الجوار للسكن والعمل فى مهن هامشية كبيع الشاي ومشتقاته وبيع الاطعمة وقد اتخذن منازل بالايجار باسعار تتجاوز ألف جنيه سودانى يتقاسمن جمعها بالتساوى ويتكون افراد المنزل من امرأة طاعنة فى السن وبعض الفتيات اللائى لاتتجاوز اعمارهن 20 ربيعا واخريات لم يتجاوزن 18 خريفا يتواجدن فى مساكن لاتزيد مساحتها عن المائة متر، يتم تجهيزه بمقاعد لاجلاس المرتادين ويزدهر نشاطهن كلما ارخى الليل سدوله حيث تقف احداهن بالقرب من باب المنزل وهى ترتدى ملابس محذقة وخليعة مما يدفع المارة وخاصة الشباب للدخول وطلب كوب من القهوة فيلبى طلبه بسرعة مع اضافة بعض من لوازم الترحيب كالمبخرة والفشار ربما لاعتقادهن بانها طقوس تحيل الاجواء الى اجواء اكثر دفئا ، وانت جالس فى مقعدك يجول بصرك لمنظر الفتيات وهن يقمن بتدخين الشيشة والسجائر عندما يحين موعد انصرافك ما عليك سوى تحمل اعباء استضافتك وسداد مبلغ محترم «البقشيش» ومنصرفاتهن من السجائر والشيشة ان كنت سخيا .
التقيت ب«م ت» احد الشباب الذى يقطن بذلكم الحي وقال ان هذه المنطقة اصبحت جاذبة للوافدات للعمل فى المهن الهامشية كغطاء لبعض الممارسات السالبة ويرتاد بعض الشباب هذه الاماكن بانتظام مما يدفعهم الى تكوين صداقات وبالتالى تسهل عملية اغوائهم وجرهم الى ممارسة الرذيلة بمساعدة ربة المنزل والوافدات اللائى يكن تحت ضغط الاقامة غير الشرعية ، وطالب بتكثيف دوريات الشرطة حتى لاتتحول المنطقة الى اوكار لضعاف النفوس، وذهب آخر -فضل حجب اسمه - في ذات المنحى من شجب واستنكار كسابقه واشتكى من الممارسات السالبة التى تقوم بها الوافدات، وقال ان هنالك عادات دخيلة اصبحت تشكل خطرا على القيم والاخلاقيات السودانية السمحة بسبب تلك الافعال المشينة والتى تتعارض مع التعاليم الاسلامية، واستغلال الوافدات اعمالا هامشية كغطاء لممارسة وبيع الهوى للراغبين وتخوف من تأثيرها على سلوكيات النشء والاطفال والعائلات التى تقطن بنفس المنطقة، مطالبا السلطات بردع مرتكبى الفاحشة وتوفيق أوضاع الوافدات الاجنبيات بالتنسيق مع سفارات بلدانهن، واضاف ان المنطقة باتت تظهر فيها سلوكيات غير سوية بفعل انتشار تجارة المخدرات التى يتعاطاها بعض الشباب مما يستدعى تدخل السلطات للقبض على المروجين،
وبالقرب من احد مرافق الدولة القانونية والعدلية لاحظت ثلة من الشباب يدخلون منزلا مجاورا للمرفق فدنوت من المنزل واكتشفت انه مخصص للعبة البلياردو حيث تنهمك مجموعة من الشباب في ركل كرة البلياردو ، واكتفى اخرون بالفرجة على اللعبة وهم ينفثون دخان النارجيلة «الشيشة» برفقة بعض الفتيات اللائى يعملن بنفس المكان، واخريات يزحمن فناء المكان جيئة وذهابا وهن يتسابقن فى تقديم المشروبات الساخنة والباردة للمرتادين في ملابس لاتقوى على ستر ما تحتها من أجساد انهكها السفور والغي، تحدثت خلسة مع احداهن فسألتها عن كيفية مجيئها للعاصمة فسردت لى قصتها ومعاناتها فى الوصول الى الخرطوم على ظهر شاحنة بعد ان تكفل احد الناشطين فى عمليات تهريب البشر فى ايصالها الى مبتغاها بعيدا عن نقاط التفتيش التى تتواجد بين الولايات بعد ان دفعت له حوالى ألف وخمسمائة جنيه سودانى، يترك الخيار لهن فى دفعها كاملة او الاستقطاع من مداخيلهن فى السودان لمدة 6 أشهر، واضافت بانها مجبرة على معايشة الوضع بكل سوئه حتى يتسنى لها الحصول على تكلفة احتياجاتها الضرورية من مأوى ومأكل ومشرب، وقالت انها تحاول مع رفيقاتها اللائى يحاولن الولوج الى اوروبا او المدن السياحية الكبرى للعمل فى مهن تدر عليهن دخلا كبيرا، واستطردت ان ظروفهن الصعبة ترغمهن على قبول اوضاعهن الى حين اشعار اخر ، وانصرفت الفتاة بعد ان تلقت صرخات ووعيد من ربة المنزل بسبب تعطيلها لخدمة الزبائن، وقد لاحظت ان اغلب المنازل التى تنشط فى تلك الممارسات تفتقر للصرف الصحى، وتستخدم الغالبية مراحيض بدائية تم بناؤها بمكونات من القش والحصير، وبالقرب من أحد المراحيض تواجدت إحدى الفتيات لاعداد الشاى بأوانى متسخة يهرع اليها الذباب كلما ضاق به المكان من كثرة الزوار، وخلال طوافى فى الحى احصيت اكثر من 60 منزلا ومحلا لبيع الاطعمة والشاى ومحلات اخرى للعبة البلياردو، تحدثت الى شخص يرتادها فقال انه تخرج من الجامعة ولم يجد عملا ليساعده على تحسين ظروفه وملء أوقات فراغه، الأمر الذي جعله يتردد الى هذه الاماكن باستمرار لقضاء الامسيات بعد ان تعذر عدم وجود مقاهى ملائمة فى الاسواق او الاحياء وانحسار ثقافة السينما والمسارح، وقال ان السلطات اذا ارادت وضع معالجات لهذه المشكلة فعليها التمعن جيدا في كل الجوانب التي ادت إلى ظهور تلك البيوت والعمل على خلق بدائل ترفيهية مناسبة تكون فى متناول الجميع.
ومن جانبه ،أبان عضو المجلس التشريعى لمحلية الخرطوم عثمان بوب «للصحافة» ان الوافدين اضحوا مصدرا لنقل عادات وسلوكيات سيئة للمجتمع السودانى الذى كان مضربا للمثل، وقال ان الممارسات السالبة التى تصدر من تلك الفئات التي وصفها بالبغيضة والمريضة ينبغي أن تجد الحلول الناجعة فالسكوت يعني الاستسلام للامر، وتابع بوب ان السلطات بصدد تطبيق القرار رقم 19 الصادر من معتمد الخرطوم والذي بموجبه تم تكوين لجنة ضمت شرطة امن المجتمع واللجان الشعبية وقد باشرت عملها باصدار استمارات لحصر الاجانب بالمنطقة بشكل عام توطئة لمعرفة الحجم الحقيقى والبيئات التى ينشط فيها الأجانب للبدء بحملة اغلاق جميع المنازل التى تعمل فى بيع الشاى والاطعمة والبلياردو سواء كانت مرخصة أو غير مرخصة. وأوضح بوب ان السلطات تلقت العديد من الشكاوى من قبل المواطنين الذين يقطنون بتلك الاحياء يجأرون فيها من ازدياد الظواهر غير الأخلاقية من قبل الوافدين ، و ان الممارسات قد وصلت الى درك سحيق كاستخدام القاصرات لعرض مفاتنهن واجزاء حساسة من اجسادهن لصبية قاصرين ، بالاضافة لبروز ظاهرة المثليين من الاجانب التي اعتبرها شائعة وسط الشباب الوافدين، وتأثر بهم بعض الشباب المحليين، وقال ان شرطة امن المجتمع ظلت تقوم بحملات مكثفة لضبط السلوكيات الفاضحة بالمنطقة وقد داهمت فتيات ونساء وافدات فى اوضاع مخلة ، وان هنالك تدفقا للمئات من الوافدات عبر الميناء البرى الخرطوم يوميا بصورة توحى بضلوع جهات فى ترتيب تحركهن من بلدانهن، وانه يجب عدم التراخي او المماطلة فى القضاء على هذه المظاهر السالبة.
وارجع المحاضر بقسم علم الاجتماع فى جامعة النيلين سيف الدولة عبد الرحمن ظاهرة الهجرات غير الشرعية الى تفشى الفقر والمجاعات والجفاف وسط تلك المجتمعات بسبب الاوضاع السياسية المضطربة، واضاف ان وتيرة الهجرة نحو البلاد قد ازدادت بصورة كبيرة فى الاونة الاخيرة والتمركز فى الخرطوم للعمل فى مهن هامشية والسكن فى احياء بعينها ، و ان هذه المجموعات قد احدثت تشويها عميقا فى البنية الاجتماعية والاقتصادية وانها مثال للظاهرة الاستيطانية الكاملة وزيادة سكانية غير مرغوب فيها بالرغم من عدم توفر الاحصائيات الحقيقية من قبل الجهات المختصة فهم يشكلون عبئا ثقيلا على الخدمات المخصصة لسكان الخرطوم والعمل فى مهن مغمورة تدر عليهم مداخيل ضعيفة ومتذبذبة على حساب القطاعات الانتاجية وان الهجرة الوافدة تؤثر على نمط الحياة الاجتماعية للسكان المحليين لانهم يتوافدون دون التخلص من العادات والتقاليد التى تسود فى بلدانهم وممارسة سلوكيات يرفضها المجتمع السودانى تماما مثل اختلاط الجنسين وارتداء الملابس الخليعة دون الخوف من المجتمع، بالاضافة الى ازدياد معدلات الجريمة وتفشى الظواهر غير الاخلاقية مثل الدعارة وتعاطى المخدرات، وقال ان هذه الممارسات وجدت رفضا واستنكارا من السكان المحليين وهو ما يجعل من الصعب تجانس هذه المجموعات مع المواطنين لان مثل هذه الهجرات يمكن ان تغير تركيبة النظام الطبقى بشكل عام فى المجتمع السوداني مع تقدم الفترات التى تطول فيها اقامتهم فى المناطق السكنية.
ومن جانبه، قال رئيس شرطة امن المجتمع بقطاع الخرطوم العقيد شرطة اكثم السيد السمانى، ان الوجود الاجنبى بالاحياء بات يفرز ممارسات سالبة ومتحررة الى حد كبير، و ان مجمل البلاغات المقدمة لدى ادارته معظم مرتكبيها من الاجانب لشروعهم فى ممارسات لا أخلاقية وكانت الشرطة قد داهمت العديد من المنازل المشبوهة وقامت بضبط وافدات فى اوضاع مخلة وفاحشة، وبالرغم من الاحتجاج المتكرر من سفارات بلدانهن بان السلطات تستهدف رعاياها وتطبيق القانون يمضى بسلاسة لمحاكمة المتورطين مع ان بعض المحلات والمقاهى تعود ملكيتها لافراد من القوات النظامية، ويتم مداهمتها دون وضع اعتبار للمالك اذا ابلغ بحدوث مخالفات فيها، وان القانون يسرى على الجميع وادارة امن المجتمع بادرت بخطة ترمى الى ضبط الوجود الاجنبى وازالة كل ما يتعلق بممارسة انشطة مشبوهة مثل مقاهى الانترنت وصالات الالعاب واندية المشاهدة ومحلات المساج والكوافير، و معظم هذه المحلات تدار بواسطة فتيات اجنبيات وبعضهن قاصرات يتم استغلالهن لكبح جماح الرغبات الجنسية، وقال ان اللجنة المكلفة بتنفيذ القرار رقم 16 عقدت ثلاثة اجتماعات ضمت جهاز الامن والمخابرات الوطنى والوحدات الادارية بالمحليات والمصنفات الادبية ومنسقية الشرطة الشعبية وشرطة محلية الخرطوم وادارة امن المجتمع مهمتها الطواف ميدانيا على جميع المحلات ورفع التقارير للجنة شؤون أمن الولاية لبدء عملية الازالة لتلك الانشطة، واضاف ان اللجان الشعبية المكلفة بحصر الأجانب ومساكنهم قد اوشكت على الانتهاء قاطعا بتنفيذ القرارات فور اكتمال عمليات الحصر، وازالة جميع المنازل التى تحولت الى مقاهى، وكشف عن ضبط بعض موظفى البعثات الدبلوماسية يمارسون الجنس مع فتيات اجنبيات وسودانيات فى شقق مفروشة، ونادي بضرورة انشاء جهة مختصة بمتابعة نشاط الشقق المفروشة والتى تصدر عنها ظواهر مريبة مثل المساكنة غير شرعية والمظاهر الدخيلة على المجتمع السودانى كالحفلات الصاخبة والرقص الخليع ومشاهدة الافلام الفاضحة وتناول المخدرات والخمور المستوردة وتوجد صعوبة فى التعامل مع الملفات المرتبطة بالاجانب لتشابكها مع العلاقات السياسية، ولكن نحن مكلفون بحماية المجتمع السودانى من العادات الضارة والافعال المشينة لان الجرائم الاخلاقية هى من اخطر الجرائم التى ينبغى ايلائها اهتماما كبيرا للحفاظ على القيم الاجتماعية السودانية. |
|
Post: #139
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: elnawrani margan
Date: 05-17-2010, 10:27 PM
Parent: #138
up
|
Post: #140
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: Mohamed Foto7li
Date: 05-17-2010, 11:28 PM
Parent: #139
صاحب البوست سلام
بالله دا كلام
|
Post: #141
Title: Re: ظاهرة خطيرة فى الخرطوم وبالاخص فى الديوم والصحافات!!!!!!!!!!!!!!!11
Author: elnawrani margan
Date: 05-18-2010, 09:01 AM
Parent: #140
يامحمد
الانسان لما يكون مامواخذ
بتجاهل رده
|
|
|