ما بين كمال عباس كمثقف واساسي كزول (ساكت)

طبعا كغيري من الكثيرين ما قاعد اقرأ اصلا للسيد اساسي ... لكن اي مداخله للاستاذ كمال عباس اقرأها عدة مرات ...واخرج من البوست بفائده ورؤيه جديده

قصة (فط) مداخلات اساسي عندي ليها فهم خاص ...وهي في الغالب تشبه ونسات الشباب في لستك (مزروع) في كورنر ... او حيطه مكسوره في الحله بيجتمعوا فيها الشباب بعضهم حالق كارلويس او (محفحف) شعرو وبيعاين لبنات الحله ...وبيقطع ليهو موضوع من راسو ...زي موضوعو ده
Re: استفتاء حول اظرف بوردابي والبوردابي صاحب الظل الثقيل
السبب التاني الخلاني (افط) مداخلاتو ... الزول ده مدخلاتو لا تخلو من القيل والقال او كما وصفه بعضهم بساعي البريد ...

قريت مداخله له في بوسته هذا يصف اعضاء سودانيزاونلاين بالاغبياء ...لكن الذي اعرفه ان الرجل ايضا به من الغباء الكثير ...وقديما قيل ان اثنين لا يجتمعان كبر الحجم وسعة المعرفه وفي روايه اخري الذكاء ...

وعشان هو ماعندو الاخيره لذلك عادي (بنفط) مداخلاته ...

بالمقابل استاذ كمال عباس ... رجل سمح الكلام حتي لو لم تتفق معه ... يقلب المواضيع يمنة ويسره ليعطيك المفيد ...


تخيل المنبر ده فيهو زي مية كمال عباس كده ... لنهل العالم كله معرفه وادب اختلاف من معين هذا المنبر ...

في منطقة (ابوقسي) القريبه من الدبه وحاج سالا رجل يدعي ود مانقير ... كان الرجل يدعي اللطافه ولكنه غير ذلك ... ضخم الجثه ... وكثير الكلام وعندما يتكلم يخرج البزاق من (خشمو) ... سالته ذات مره وهو خارج من المسجد بعد صلاة الجمعه هل عقلت وتعرفت عن ماذا تحدث الامام (خريج الازهر) ... قال لي ان الامام دمو تقيل ...

كثير من الناس عندما لا يصلوا الي الفهم المطلوب يصفون الاخرين بانهم (ثقلاء) ...

لكن تبقي الحقيقه ان السيد اساسي قطعا لا يصل الي درجة ان يعي عن ماذا يتحدث الاستاذ كمال عباس ... والي ذلك الحين سيكون اساسي ود مانقير اخر

اُثني

لك التحية الاخ ود بدر لهذه اللغة الجميلة التي وصفت او بالاحرى عريت بها هذا الكائن الهلامي المدعو اساسي , فهو رجل علاوة على ان دمه ثقيل وزول ساكت فهو رجل فيه من الوقاحة والبلاهة الشي الكثير.

اما الاستاذ كمال عباس
فهو رجل يستحق الاحترام والتقدير مهما اختلفت معه لانه رجل علاوة على انه مثقف وواعي وحاضر البديهة تجده دائما يعتمد في حواره وكتاباته على قوة المنطق والحق .

عمر عبد الله فضل المولى كيفك يا اخوي ...

طبعا لا مجال للمقارنه بين كمال واساسي ...استاذ كمال معرفه وعلم وادب جم ... والاخير كما قيل عنه ساعي بريد ليس الا ... لم يصل درجة الادراك والاستدراك ليعي ما يخطه الاستاذ كمال عباس ... مثل السيد اساسي هم من في اذانهم (وقر) و(مخاطه شمعيه) ساكت ... وزي ديل يا عمر كتيرين ...يدعون المعرفه وليس لهم من المعرفه من شئ ....

الصادق ضرار كيفنك ...

طبعا السيد اساسي ما محتاج لتثنيه عند مقارنته باستاذ كمال ... اي زول عاقل وضميرو حي ...حيشوف اساسي ده زول (ساكت) ...

اغرب حاجه عندما ... تحول البوست الي ثناء علي الاخ الاستاذ كمال ...قام السيد اساسي (بتقليعه) غريبه ولكنها ليست بغريبه علي السيد اساسي بوصف الزملاءاعضاء المنبر بالاغبياء ...تخيل

Quote: بالمقابل استاذ كمال عباس ... رجل سمح الكلام

وحجمو كيف ؟؟؟

معقولة يا السنوسي لكن ؟؟؟؟؟؟؟؟؟؟؟؟؟؟؟؟؟؟؟؟

سلامات يا صاحب البوست
بعيدا عن منو السغيل و منو الظريف. و كون اساسي زول ساي و كمال عباس مثقف بهرك بعلمه و ثقافته. أنا ما ح أسالك من ده كلو
لكن تلميحك ( في الحقيقة تصريحك) بان اي زول سمين غبي ما مقبول. و ما بيدل علي ذكاء شديد برضو.
ده تعميم و عنصرية. و أنا اتستغرب يصدر من شخص مثلك .... دائما في حالة انتقاد للسودانيين و اولاد الحلة بتاعين اللساتك
و ذي ما قالوا اهلي زمااان : القلم ما بيزيل بلم

دقيقه دقيقه دقيقه

السيده اسمارت انا2000 كيفنك عساك طيبه


المقوله بتاعة الزول السمين ما ذكي ... ليست مقولتي وهذا فهم شائع في المجتمعات العربيه والافريقيه والغربيه ...و لك ان تبحثي عن ذلك ... وستجدي مقالات كتبت ... وليست بالضروره اني مؤمن بها ...ولكن ما يقوم به اساسي هو (بيان) بالعمل ...


بعدين يا اسمارت ... الزول اذا كان همو كلو في بطنو المعرفه دي يتحصل عليها كيفن ...

يعني عادي ممكن يمشيGym ويخفف وزنو وتنتفي علاقته بالغباء ولا شنو ...

Quote: ...وقديما قيل ان اثنين لا يجتمعان كبر الحجم وسعة المعرفه وفي روايه اخري الذكاء ...

هاهاهاهاهاهاهاهاهاهاااااااااااااااااااااااااااااااي


والله غلبني ابلعا يا اساسي


__________
كمال عباس ما فيه كلام
لكن اساسي برضو زول ما ساهل

عمران حسن صالح ياخي كيفنك
طبعا ود مانقير اقصد السيد اساسي ده ... عايش علي انو هو عضو قديم ... وهو ما عارف روحو (رادفينو) او (مردوف) ساكت ...يعني المنبر ده لو خلوه لاشباه الكيزان كان زمان (ضاع) ...


الحاجه المفروض يفمها السيد اساسي انو لو لا وجود اساتذه اجلاء زي الاستاذ كمال عباس في منبر مثل هذا لنعق فيه البوم ... وصار مثل منتديات تبوك وغيرها من (التقليعات) الخليجيه

Quote: الحاجه المفروض يفمها السيد اساسي انو لو لا وجود اساتذه اجلاء زي الاستاذ كمال عباس في منبر مثل هذا لنعق فيه البوم

السنوسي ..
إنت جادي !!؟

السيد المسلمي ياخي كيفنك...

طبعا جادي ...الاستاذ كمال اتفقت او اختلفت معه شخص يجبرك علي الاحترام ...

واساسي عشان غلبو يفهم عن ماذا يتحدث كمال عباس طوالي (شبكو) انت ثقيل ...

وغلبو يرد علي الذين اثنوا علي كمال عباس (لصق) ليهم انهم هم جمهور الاغبياء ...

عليك الله ياالمسلمي قارن بين المثقف الواعي والزول القاعد (ساكت)

وليد المبارك كيفنك

يا وليد زولك الماساهل ده انا في ظني (مردوف) ساكت ...وكونو اتقارن او يقارن روحو بكمال عباس .. انا بعتبر ذلك من الغرائب في الكلم والفهم ...

زي ما ذكرت فوق ما ممكن تقارن زول بيحاضر وبيكتب رؤي واعيه وزول تاني كان دباب وفهمو (شوارعي) ويدعي المعرفه ...وعندما (ينعصر) يمرق الناس اغبياء ...

ــــ
الأخ السنوسي بدر تحياتي:

شكراً لتلك المساحة

والحقيقة يجب أن نقولها أن الأخ كمال عباس ما يطرحه من أفكاره للدولة والحكم والقوانين والعلاقات الإجتماعية ... الخ من خلال نظرته يبدو عليه التماسك , تماسك له بنية خاصة ودينماكية متطورة فدولة المواطنة التي يرأها كمال عباس تسع الجميع بمن فيهم من عاده أو إستفزاه أو شخصن الحوار معه , بل هي أشمل من ذلك تسعي للتطوير كل إنسان أن يخرج من وضعية المأزق التخلفي دون إعتباطية أو من أو أذي ولكنه الواجب يحمله من هو في زمام السلطة المتخبة بنزاه وحرية , فلا تسلط يؤدي إلي رضوخ وخمول حتي يسلب العقل بل ديمقراطية تؤدي إلي إبداع ذهني نشط يرفع قدر الإنسانية ويحترم الأدمية.

ود بدر ...


انـا بفترض فى نفســى اننــى اعرف قليل عن كمال بن عباس ...


وما بعرف اى حاجة عن اساســى ...


لكــن حيــن التقييـم بيــن شخصيــن بتضيــع معايير وقيــم وافكار ينظر فيها الى كل واحد

منهم وتبقــى فقــط ( الشخصانيــة ) وهــى لا عــود لنــا فيهــا ...












_______

اللســتــك / الخور / دكان اليمانـى هــى انديــة ابناء المدينــة ..

السنوسى بدر

والله اساسى زول كامل الدسم وطاعم الحديث
ومافى ثلاثه مثلو فى البورد...وقد زاملنا الرجل

حوالى 5 سنوات بورديه ما شفنا منو الا كل طيب
رجل منطقى ويمتلك ضمير حى ولا يخاف فى الحق لومة
لائم ومثقف من الدرجة الاولى....

كذلك الاخ كمال عباس يمتلك نفس موصفاتالاخ اساسى

ونكن لهم الاثنين كامل الاحترام والتقدير..........

يعنى الاتنين مافيهم كلام....بعد ده لو فى كلام الا
يكون فيك انت ود اول امس.....

سلام سنوسي وضيوفه وشكرا لكلماتكم الطيبة في حقي ....
ضعف الثقافة أو عدمها ليس عيبا أو منقصة إذا كان الشخص -إي شخص-
متمتع بمكارم الأخلاق والذوق الأجتماعي والتعامل الراقي وحسن المعاشرة
وإحترام الناس والكف عن الأذي ... فكم من أمي تراه كحامل عطر ينفحك
بعطر كلامه وجميل تصرفاته ولا لايصدر منه الاطيب وكريم وكم من متعلم وناقر
كيبورد لا لايصدر من كيره سوي حرق النفوس ونتانة العبارة وخبث الطوية
وسوء الغرض !!
وعشان كدة حقو نقيم الزول بتأثيرو علي الناس ومدي بعده عن الاذية
وخبث الطوية والتطاول علي الناس وتجريحهم بلا سبب
سوي حب الاذي والحط من أقدار الإنسان ......... كما يجب علينا ردع من يتطاول علي الناس وقول كلمة الحق

Quote: لكن تلميحك ( في الحقيقة تصريحك) بان اي زول سمين غبي ما مقبول.

وكون أن هذا الفهم سائد ..لا يعني صحته ، ولا ينفي عنه التمييز ..




لا أتفق مع أساسي فيما ذهب إليه ، ولا أتفق معك بشأن أساسي ..

والله بقيت حمام ميت يا أساسي!

للشهيد ود أبرق الرحمة و عالي الجنان.

والله ياالسنوسى ,,,كلامك بتاع القص والفص دا انا ما بعرفه

لكن انا بعرف كمال عباس معرفة شخصية سنيرى فى الهند
وبعرف اساسى معرفة شخصية,,,عرفة بورد واطورت الى صداقة

واحد يسارى معتدل والثانى يمينى معتدل

وانا بين الموجتين سابح,,,كلامك فى كمال يجانبه الصواب
لكن كلامك فى اساسى,,,عصرت عليه كتير ياخوى
الزول دا مثقف,,وان اختلف معاك فكرا,,لكن مثقف,,,

ارجع الى ارشيف البورد 2002 الى 2004 ,,ومصادماته
مع رودا مرده,,والجمهوريين وبوستاته عن عادل عبد العاطىء
ياخى اساسى دا تحفه ,,بس مشكلتو انه صوت للبشير تزويرا
تحياتى

انا لله وانا اليه راجعون

يا رااااجل

بالله البوست دا يرزح في المنبر من قبل عشرين يوم وانا ما جايب خبر , لسؤ الحظ وليس ردا علي حديثك يا السنوسي لسؤ الحظ اني ما قريت البوست رغم تواجدي طيلة الفترة الماضية والفترة التي نزل فيها البوست الي البورد والله علي ما اقول شهيد , ليس لاني تجنبته ولكن لاني لم اراه والحقيقة اني ما شفت اسمك دا زاتو فانا ادخل البوستات لكتابهاا ولا اضيع الوقت في الكثيرين ويبدو انه صادف انك منهم والله لولا انه واحد زميلنا في المنبر دا كلمني وسألنني عن عدم ردي ما كان عرفت انه في بوست زي دا والمشكلة حاولت افتش عليهو باسمك الاداني ليهو المشكلة ما عرفت اكتب الاسم لبلادتي ولانه ما مر علي اصلا فكان حاجة مجهولة بالنسبة لي فلولا انه تم رفع البوست لما كنت رايته اصلا.
لكن دي فرصة كويسة اني ارحب بيك في سودانيز اون لاين وابارك ليك حصولك علي باسويرد للكتابة هنا ومعليش اعذرني اني ما شفتك في السنتين السابقات وما قريت ليك حاجة رغم انك مسجل عام 2008 فما عارف العتب علي نظري ولا صغر حجمك الخلاني ما اشوفك واحتمال في الفترة دي يكون وزني قاعد يزيد مما اثرا سلبا علي استيعابي ورؤيتي ليك .
والاخوان الطيبين الحاولوا يقولوا كلمة طيبة في حقي انا بشكركم جزيلا وبالنسبة للاخوان الحاولوا يثنوا اخونا السنوسي عن وجهة نظره القائلة ( لكن الذي اعرفه ان الرجل ايضا به من الغباء الكثير ...وقديما قيل ان اثنين لا يجتمعان كبر الحجم وسعة المعرفه وفي روايه اخري الذكاء ...) انا شايف انه الراجل من حقه يشوف الدايره حسب امكانياته الربنا حباها بيهو ولو دا منطقه وفهمه للحاجات فاحسن نتكلم معاهو بي منطقه وما نحاول نعصر عليهو , لكن الحاجة دي يا بدر بتخليني اتسأئل عشان اعرف اتفاهم معاك كويس في البوست العنونته باسمي ولم اراه الا بعد عشرين يوم وليس مثل فطك لمداخلاتك الذي جعلك تقرأ لي مداخلة في الصفحة الثانية من بوست لي وتفتح بها بوستا تقول انك تفط فيه مداخلاتي الامر الذي لا يعقل اصلا ولن اقف عنده كثيرا فهذا امر لا يهمني اصلا فانا لم اعلم انك في سودانيز اون لاين الا الان وان علمت لم اتذكرك طيلة السنوات لذا فانا لا اكتب لك اصلا ولا اطمع اصلا في ان تقراني لاني اجهلك تماما ,لكن خلينا نرجع لي منطقك الذكرته فوق حول الفهم والسمن والنحول .
هل يا بدر لو قدر الله ان والدتك ( لها الاحترام ) هل لو قدر لها الله ان يزيد وزنها هل ستراها لحظتئذً بقرة ساكت ما بتفهم؟
وهل يا بدر السنوسي لو قدر الله لوالدك ( له التقدير) هل لو قدر له ان يتخن ويزيد وزنه ستراه بمنطقك هذا تور الله في برسيمو؟
وهل لو قدر لزوجتك ان تسمن بعد الانجاب سستحول في نظرة الي حمارة عايرة مباشرة ويقل فهمها ويتخن عقلها؟
هذه اسئلة والله لا اقصد منها النيل منك ولكن اقصد منها الاستيقان من وجهة نظرك هل تؤمن بما تكتبه وتدعيه علينا ام تريد ان تنال منا فقط ؟
ساكون عادلا معك واترك الخيارات متعادلة في انه قد يكون هذا فهما اصيلا لديك او قد يكون كلام والسلام اردت به موضعا لرد اعتبار كمال
وسؤالي الاخير هل الاديب الاريب كمال عباس اذا كان وزنه زائد ستتغير وجه نظرك فيه وان لم يكن وزنه زائدا ومع السنوات والايام زاد وزنه هل سيتحول الي حمار في نظرك مباشرة ؟
علي العموم ساحاول ان اتفهم وجهات هذا البوست عل وعسي يدرك ما يفوته من علم لدني لم يقدر الله ان اتعلمه الا علي يديك سيدي الفاضل السنوسي

التحية والتقدير والاحترام لكل من الاستاذ كمال عباس والاستاذ السماني مبارك (اساسي ) فكلاهما له لونه في الكتابة وكلاهما يتميزان بالثقافة وان اختلفت مشاربهما
الاختلافات بين الاعضاء لا يجب ان تفسد للود قضية واتمنى الا نحول الاختلاف الفكري والسياسي الى اختلاف شخصي

ومشتلقين يا سنوسي مالك قاطع الخبر ؟؟

عمر عبد الله فضل المولى

Quote: بالاحرى عريت بها هذا الكائن الهلامي المدعو اساسي , فهو رجل علاوة على ان دمه ثقيل وزول ساكت فهو رجل فيه من الوقاحة والبلاهة الشي الكثير.

هاهاهاهاها
طبعا بالتأكيد سيعجبك بوست مثل هذا فانت ( كـ ورل ) يقدل ويتجدع حينما لا يكون هناك تمساح بالجوار يعتبر مثل هذا الحديث ( المتهافت) من السنوسي تعرية , لكن الغريبة حديث مثل هذا يعريك انت ولكن لا اظن انك بحاجة لتعرية فزول زيك ماشي امفكو وخاتي صورة سيده الصادق قدامه متوقع منه اي حاجة , وبصراحة يا عمر عبد الله فضل المولي انا سمعت كثيرا , وكما اشار السنوسي اني ناقل اخبار, سمعت عن حديث كثير عن امثالك من الجهلة الذي يتبركون علي ماء وضؤ الصادق المهدي ويشربونه ويمسحون به اجسادهم , والحق اقول اني لم اصدق هذا الحديث مطلقا واستنكرته , ولكن الان لي وجهات نظر مختلفة خاصة وامثالك من يتحدث باسم حزب الامة وينافحون عنه .
فقبل حديثك عن هلاميتي الافضل لك ان تغطي سواتك يا ورل

ــــــــ
تم تعديل الفقرة بناء علي طلب الاخت الفاضلة تراجي

بعدين حاجة فاتتني يا السنوسي وهي الجلوس الي اللساتك المدفونة , زي ما ذكر ليك بدر الدين انه اللساتك المدفونة دي اندية ابناء المدينة , وانا اؤكد ليك انه اللساتك دي قعد فيها ابوك وقعد فيها خالك وقعد فيها جدك الفرق انه انحنا في زمنا قعدنا في لساتك لاندكروزرات ولكزيس وابوك وخالك وعمك وجدك قعدوا في لساتك لواري سفنجات وتيمس , يعني عادي ممكن تكون اختك او انت زاتك خطبوا ليك في واحد من اللساتك المدفونة دي فبالله ما تسفه حاجاتنا وتتندر علي امكانياتنا

ويا اريت لو يجينا الاخ كمال عباس يورينا وزنه كم , علي الاقل الواحد ما يكون اتجرأ عليهو ساكت ونعرف امكانياته الاستيعابية والتعبيرية بناء علي مقياس خاصرته

الصادق ضرار دا ما شاء الله عليهو شكلو يمتلك قوام رياضي وفيهو نص مافي الترجي زاتو

بعدين يا ود الصايم لعنه الله علي صحبتك , معقول رسايلك في الضراء بس بوست زي دا ما تنورني بيهو ياخ عشرين يوم ؟
لكن زي ما قال السنوسي ما ترجي من قرنتية رجا , انت زي اخوك في الهواء سوا شايل ليك تلاجة وستة ازيار
يعني فهمك زي اخوك واحد لو ما كان زي ود البشري

النجيضة يا عمكـ أنا زعلني في الموضوع دا مسألة السُمن دي!


غايتو لو عمكـ كمال عباس طلع سمين
يبقى بدر دخل في ذاكـ الموضع من الوزة!!


بعدين لو ما أنا رفعت الموضوع كان شفتو؟
وتيب؟

النجيضة: امرق الأهل من الموضوع ياخ!

Quote: هذه اسئلة والله لا اقصد منها النيل منك ولكن اقصد منها الاستيقان من وجهة نظرك هل تؤمن بما تكتبه وتدعيه علينا ام تريد ان تنال منا فقط ؟

أساسي :

يميناً بالله صديقك السنوسي دا ما حيعرف معنى الـ ( استيقان ) في شكلها ( الحداثي ) الجا منك دا !!

صدقني ..

اما أن ( يقوقل ) أو يستعين بصديق ..

التحية لك و لكمال عباس ..

Quote: هل يا بدر لو قدر الله ان والدتك ( لها الاحترام ) هل لو قدر لها الله ان يزيد وزنها هل ستراها لحظتئذً بقرة ساكت ما بتفهم؟ وهل يا بدر السنوسي لو قدر الله لوالدك ( له التقدير) هل لو قدر له ان يتخن ويزيد وزنه ستراه بمنطقك هذا تور الله في برسيمو؟ وهل لو قدر لزوجتك ان تسمن بعد الانجاب سستحول في نظرة الي حمارة عايرة مباشرة ويقل فهمها ويتخن عقلها؟

اساسي ما تتذاكي و الزعل يخليك تشطح
من قرايتي للسنوسي انا متوقع انو ما حا يزعل من كلامك ده , لكن انا بزعل من كلامك ده .. عارف ليه ؟ لانو اساسي عارف كويس جدا انو قسوة السنوسي عليهو بالبوست ده جات ردا علي تهكم اساسي علي الاخرين و محاولة الحط من قدرهم بإفتراع بوستات شخصية (مزاجية) و محاولة تمريرها علي الاخرين بإعتبار إنها رأي عام. إذن مافي داعي يا اساسي انك في ردك تركز علي نقطة غباء السمين و تترك جوهر بوست السنوسي اللي هو نقدو ليك بإعتبارك مردوف .
إقحامك ولو من باب المثال المضمن إعتذار مسبق لاهل السنوسي بوضح انك غاضب من نقد السنوسي ليك كمردوف او كسمين و ده كلام عيب منك عدييل يا اساسي , ( ومن اعتدى عليكم فاعتدوا عليه بمثل ما اعتدى عليكم صدق الله العظيم ) موش بالجنوح لي اهلو (إيدو البتوجعو) السنوسي ما كان غالبو من اول البوست يجيب سيرة اهلك , كلامو كان واضح جدا .. وانت عارف يا اساسي كويس جدا انو لو سمحنا في المنبر ده بأنو قانون الغضب يحكمنا حا نعتدي موش علي اهل بعض بس , حا نعتدي علي اعراض بعض عديل و انا عارف انك اول من سسقف ضد الكلام ده لو حصل. خلي اللولوة و إتصارع مع السنوسي صراع فرسان , إنت ابتديت مع كمال عباس و السنوسي إلتقط قفازك و رجعو ليك.. واصل اللعب بنفس قوانين اللعبة الوضعتها انت.


السنوسي .. تعميميك لفكرة انو السمين دلاهة او غبي كان غير موفق و بيرتد عليك لانو اولا ما حقيقة علمية و تانيا لانو حُجة ضعيفة .. دي مقولة سودانية من ضمن ما نسمع و نتعايش إخترعتها المخيلة الصبيانية و ما كان لك ان تضعها مقياس لهجومك علي اساسي .


اساسي صاحبي ده به من الثقوب ما يكفي للتنشين عليها بمنأي عن حجم جسمو

لا معليش يا خدر ( الضعيف)
اولا انت ما حتفهم كلام السنوسي اكتر منه ولا بتطالبني افهم حاجة ما اتكتبت حسب رؤيتك انت , فانا ( كوزل سمين ودلاهة ) ما مطالب عند السنوسي باي فهم عميق ولا بتوقع من زول بعد عشرين يوم يجي يلومني في ردي علي بوست اتعلق طيلة المدة دي وسؤ حظي جعلني ما القاهو , بعدين ياخي قصة الاهل دي انا قصدت استوثق بيها من حكاية جديته في مثله الضربو , ودي حاجة بحددها السنوسي وليس المدافعين عن فكرته , بعدين صراع الفرسان دا مع الفرسان , دا غير انه اخوك طلع بغل ساكت فما مطالب انه يتصارع كفارس ففاقد الشيئ لا يعطيه وانا هنا فاقد لقوام الفرسان وفهمهم وقوتهم , عشان كدا اتوقع مني انت او السنوسي ( خبيط) بتاع بغال , بالاضافة لانه انا سالت السنوسي سؤال ولم ايسئ لاي من اهله , بعدين ياخي بنسبة تسعين في المائة الزوجة تسمن بعد الولادة , هل في تساؤلي اعلاه اي شطط؟
انا زي ما قلت ليك الشريعة عليها بالظاهر بالاضافة لقلة امكانياتي حاتحاور في البوست دا بالامكانيات البسيطة دي

Quote: اولا انت ما حتفهم كلام السنوسي اكتر منه ولا بتطالبني افهم حاجة ما اتكتبت حسب رؤيتك انت , فانا ( كوزل سمين ودلاهة ) ما مطالب عند السنوسي باي فهم عميق ولا بتوقع من زول بعد عشرين يوم يجي يلومني في ردي علي بوست اتعلق طيلة المدة دي وسؤ حظي جعلني ما القاهو , بعدين ياخي قصة الاهل دي انا قصدت استوثق بيها من حكاية جديته في مثله الضربو , ودي حاجة بحددها السنوسي وليس المدافعين عن فكرته , بعدين صراع الفرسان دا مع الفرسان , دا غير انه اخوك طلع بغل ساكت فما مطالب انه يتصارع كفارس ففاقد الشيئ لا يعطيه وانا هنا فاقد لقوام الفرسان وفهمهم وقوتهم , عشان كدا اتوقع مني انت او السنوسي ( خبيط) بتاع بغال , بالاضافة لانه انا سالت السنوسي سؤال ولم ايسئ لاي من اهله , بعدين ياخي بنسبة تسعين في المائة الزوجة تسمن بعد الولادة , هل في تساؤلي اعلاه اي شطط؟ انا زي ما قلت ليك الشريعة عليها بالظاهر بالاضافة لقلة امكانياتي حاتحاور في البوست دا بالامكانيات البسيطة دي

1- انا زيك ما شفت البوست إلا اسه
2- انا ما بدافع عن السنوسي
3- انا ما مطالبك بي اي شي غير البعرفك بيهو .. زي ما انا بعرف انك ممكن تتجاوز الكلام ده , عارف كويس جدا انك اسه زعلان و البتسوي فيهو ده حماقة انت واعي بيها جدا. انت و السنوسي اتضاربو لي باكر هنا , بندخل نقول الفيها النصيب بيناتكم و بعضنا بدخل يشمت و البعض الاخر حا يراقب .. لكن يا اساسي إقحام الاهل ولو بي مدخل الغضب سلوك ما كريم منك , ارجو انك تراجعو تاني .



عارف يا السماني , عمري ما إتخيلت اني اشوفك في موضع يا فيها يا اطفيها.

بعدين يا خدر ما تفرغ كلامي من معناهو وتحمله ما لم احمله له ؟ انا جيت سالت السنوسي عن فهمه الجوة راسه , ما اسئت لي امه او ابوهو او زوجته ولكن حاولت ادرك ابعاد المسألة بتاعة الفهم الكتبو والانت بتفترض جزافا انه فهم غير اصيل او بتستنكره منه ودا طبعا ما بيهمني في الوقت دا وجهة نظرك انت لانك هنا في موقف المتفرج لكن السنوسي ما دام قال كلام وعشان ما نحاكمه بواقع افتراضات من بنات افكارنا وزي ما قال هو انه افكارنا عقيمة فيبقي احسن نصل بوضوح هنا في مسالة الفهم حقه البتفوق بيهو علينا والمفاده انه السمين غبي والضعيف ذكي .
ــــــــ
تسلم يا عبد اللطيف للجدعة , لكن اتوقع انه السنوسي حيمشي يعمل ليهو جكة جكتين ويصوم ليهو يوم يومين ينزل كم كيلو ويفهم ليك العبارة دي فهم ما وصلنا ليهو انحنا لاسع

Quote: عمر عبد الله فضل المولى Quote: بالاحرى عريت بها هذا الكائن الهلامي المدعو اساسي , فهو رجل علاوة على ان دمه ثقيل وزول ساكت فهو رجل فيه من الوقاحة والبلاهة الشي الكثير. هاهاهاهاها طبعا بالتأكيد سيعجبك بوست مثل هذا فانت ( كـ ورل ) يقدل ويتجدع حينما لا يكون هناك تمساح بالجوار يعتبر مثل هذا الحديث ( المتهافت) من السنوسي تعرية , لكن الغريبة حديث مثل هذا يعريك انت ولكن لا اظن انك بحاجة لتعرية فزول زيك ماشي امفكو وخاتي صورة سيده الصادق قدامه متوقع منه اي حاجة , وبصراحة يا عمر عبد الله فضل المولي انا سمعت كثيرا , وكما اشار السنوسي اني ناقل اخبار, سمعت عن حديث كثير عن امثالك من الجهلة الذي يتبركون علي ماء وضؤ الصادق المهدي ويشربونه ويمسحون به اجسادهم وسمعت اكثر من هذا ان بعض الجهلة يأتون الي الامام بزوجاتهم وبناتهم يطلبون بركة الامام , والحق اقول اني لم اصدق هذا الحديث مطلقا واستنكرته , ولكن الان لي وجهات نظر مختلفة خاصة وامثالك من يتحدث باسم حزب الامة وينافحون عنه . فقبل حديثك عن هلاميتي الافضل لك ان تغطي سواتك يا ورل

هذا كلام غير مقبول ، ولا يمكن أن نقبل به نقدا موهجا لزميل بهذا المنبر .
يرجى من الإدارة أن تتصرف فورا بمعاقبة كاتبه . وإلا فعلى المنبر السلام .

الكلام الموهج الفوق ولّ التحت؟

Quote: هاهاهاهاها طبعا بالتأكيد سيعجبك بوست مثل هذا فانت ( كـ ورل ) يقدل ويتجدع حينما لا يكون هناك تمساح بالجوار يعتبر مثل هذا الحديث ( المتهافت) من السنوسي تعرية , لكن الغريبة حديث مثل هذا يعريك انت ولكن لا اظن انك بحاجة لتعرية فزول زيك ماشي امفكو وخاتي صورة سيده الصادق قدامه متوقع منه اي حاجة , وبصراحة يا عمر عبد الله فضل المولي انا سمعت كثيرا , وكما اشار السنوسي اني ناقل اخبار, سمعت عن حديث كثير عن امثالك من الجهلة الذي يتبركون علي ماء وضؤ الصادق المهدي ويشربونه ويمسحون به اجسادهم وسمعت اكثر من هذا ان بعض الجهلة يأتون الي الامام بزوجاتهم وبناتهم يطلبون بركة الامام , والحق اقول اني لم اصدق هذا الحديث مطلقا واستنكرته , ولكن الان لي وجهات نظر مختلفة خاصة وامثالك من يتحدث باسم حزب الامة وينافحون عنه . فقبل حديثك عن هلاميتي الافضل لك ان تغطي سواتك يا ورل

بصراحة الكلام ده عيب

Quote: انا سمعت كثيرا , وكما اشار السنوسي اني ناقل اخبار, سمعت عن حديث كثير عن امثالك من الجهلة الذي يتبركون علي ماء وضؤ الصادق المهدي ويشربونه ويمسحون به اجسادهم وسمعت اكثر من هذا ان بعض الجهلة يأتون الي الامام بزوجاتهم وبناتهم يطلبون بركة الامام

طبعا اخونا عضو ا لبورد ماسمع ولاحاجة ..لكن هو بفتكر انو لما
يقول كدا بنال من عمر عبدالله ...الكلام دا بتقال لغيرنا ..لكن نحن
ماقاعد اتقال لينا ..نعم فى احترام وتقدير لاحدود له للقيادة
فى كيان الانصار لكن انصار بجيبو زوجاتهم وبناتهم للامام دى اول مرة
نسمع بيها ...وهى من بنات افكار الاخ ...هذا مالزم توضيحه ..وعلى
الاخ ان يتلزم بادب الحوار عند التحدث عن الآخرين ..(فسمعت) لاتكفى
لكتابة حديث مثل هذا ....

يا ود قاسم ياخي ما قايلك بتشيل في قلبك تصدق كنت متخيلك زول موضوعي لكن طلعت ( إبل) ساكت
لكن تقول شنو بس وزي ما بيقول المثل الدارج ( يموت الزمار ويده بتتعرض ) النقطة علي الصاد موسومة

السؤال للاخ (سامع) الكلام اعلاه ..ماهو رد فعله اذا عكسنا
الحديث الذى كتبه وكتبنا الآتى :

سمعنا ان الاخ اساسى ....عكسه ..

ماهو رايه فى هذه الحالة دام فضله ...

محمد عبد الماجد الصايم
هذه الكلمة كتبت خطأ والمقصود ( موجه ) وربما أنك تعي هذا ..
يمكنك أن تمزح لكن مع الذين يحبون مزاحك..

Quote: يمكنك أن تمزح لكن مع الذين يحبون مزاحك..

عشان تاني ترفع بوستات ما عندك بيها علاقة

الفتنة نائمة لعن الله من ايقظها

يا محمد عبد الرحمن اذا داير تجادلني فاول حاجة تدين البوست دا وتدين كتابة السنوسي دي وبعد دا تجي تدين وتقرع وتغلظ القول لي عمر فضل المولي بما يرضيني وتشكموه كحزب عن التطاول علي الاخرين بعدها نتجادل في سمعي او صممي

ود قاسم .. شكرا ياخ!
طمنتني والله!

Quote: Quote: يمكنك أن تمزح لكن مع الذين يحبون مزاحك.. Quote: عشان تاني ترفع بوستات ما عندك بيها علاقة الفتنة نائمة لعن الله من ايقظها

الحقوني بي تلاتة أمتار كاااااااكـ كبيرة سريع

يا إسئس .. عمكـ ود قاسم دا مرّة جا
في بوست باسمي .. فيهو صفحتين .. تخيل قال شنو؟



ود الصايم دا منو؟

Quote: يا محمد عبد الرحمن اذا داير تجادلني فاول حاجة تدين البوست دا وتدين كتابة السنوسي دي وبعد دا تجي تدين وتقرع وتغلظ القول لي عمر فضل المولي بما يرضيني وتشكموه كحزب عن التطاول علي الاخرين بعدها نتجادل في سمعي او صممي

ياابوالشباب


طبعت انت مافى زول بجادلك لانك (شفت) و(مقرم) والناس الهنا دى كلها
اغبياء ..انت عايز تبرر (الكلام الفارغ) الكتبتو فوق دا لانو عمر كتب
ليك ؟ ..مايكتب ليك عمر ولا غير عمر ..نحن دخلنا شنو عشان تتجى تجرا
علينا وتكتب كلامك الفاضى وتنسبو ل(سمعت) ..يازول الكلام الفاضى اسهل
منو مافى ...والشتيمة (نقرة كيبورد) ...ماتفتكر المسالة دى صعبة..
انا بشوف احسن تحترم الناس عشان الناس تحترمك ..والبتسوى فيهو
دا ماشفتنة زى ماانت بتتصور ...

الاخ بدر السنوسي
سلام

لكن يا اخي حرام عليك معقوله بس تدينا من كتاحة الصحراء دي قدر ده؟؟؟

ويا اساسي يا اخي امسحها لينا في وشنا (دفاشة) ولدنا القوازي ده.

يا بدر يا اخوي حرام عليك.....كلامك قاسي و الله وجلف بحق اخونا اساسي.

رغم انه قطيم لكن صدقني ما بيقصد غير الهظار....بس فعلا مراته هظاره بايخ!


احترم كتابات كمال عباس...ولكني اقر بان البشر بطبعهم ليسوا ميالين للجديه

دوما....وانه هذا المنبر لولا امثال اساسي لتحول لسودان فور ال!

ولربما سألت نفسك.....لماذا حتى امثال كمال عباس موجدين هنا ولم يقبلوا

الهجره لسودان فور ال!! لانهم يحبون هذه الاجواء التي تمثل كل الشارع السوداني

Quote: بالمقابل استاذ كمال عباس ... رجل سمح الكلام حتي لو لم تتفق معه ... يقلب المواضيع يمنة ويسره ليعطيك المفيد ... تخيل المنبر ده فيهو زي مية كمال عباس كده ... لنهل العالم كله معرفه وادب اختلاف من معين هذا المنبر ...

يبقى يا غالي ما بتفق معاك يا اخوي في انه هذا المنبر محتاج لجادين دوما.

ودليلي انت ذاتك الوداك متضهب ببوست اساسي شنو؟؟؟لو ما بتحب الونسه؟؟!!

والبوستات الخفيفه على المعده؟؟!!




اها وحاجه ثانيه:بالغت فيها يا بدر وصف الناس الزائده الوزن انهم اغبياء!!
عاد دي تنميطات بالغت فيها وما متخيلها منك انت تحديدا!
عادل تشرشل معروف انه كان مكلبظ زينا انا واخوي اساسي؟؟!!
ماله اكان عبيا؟؟!!



اساسي نختلف ونتفق مع الانصار ولكن ما كتبته لعمر يحتاج لمراجعة منك.
عيب واعلم انك رجلا ذو خلوق ولا تحب العيب وتتراجع عنه!
فرجاء ازالته,اختك الدلاليه(هههههه) يا لميض انت!

احتراما لطلبك يا اختي الكريمة تراجي ازلت الفقرة التي بها شطط , واعتذر للاخوة في حزب الامة ان اصابهم رايش , ولكن زولكم الاصنج الارعن دا هو البجيب ليكم الكلام , فنحن لم نفتح بوستات نكتب فيها عن حزب الامة , ولان زولكم ( اللتخ) عمر فضل الله هو سادرا بغيه في هذا المنبر منافحا ومدافعا ومعتديا باسم حزبكم فاحسن تلموه فانا اعتقد ان حزب الامة ليس بحاجة لوضاعة مثل هذا السفيه ولا بحاجة الي مثل هذا الاخرق ليتقدم متحدثيه , اللهم الا ان نضبت حوائكم وعجزت سوي عن تقديم مثل هذا الذي تعلم الكتابة علي حوائط المراحيض الذي يكتب بمداد من قيح متعفن فحزب الامة حزب له تاريخ فاذا قبل ان يكون عنوانه مثل هذا الجرذ الذي يعكس تربية المستنقعات التي عاش فيها فلحظتها لنا حديث اخر

اساسي

خلاص يا حبيب معقوله بس ما رضينا فيك حنرضى في عمر...؟؟!!
ما خلاص!!


وما تفتكر عمر ده هين انا زاتي ماسح بي الارض كم مره لكن يا حبيب
الدنيا ما مستاهله شوف جنس الكوت البقص في الشباب ده يا اساسي
عليك الله هي مستاهله؟؟!!

خلاص اعفي عمر ذاته عشان خاطري.

العزيز أبوي السنوسي ود بدر
تحياتي مع كثير احتراماتي
ما كتبته في حق أساسي غير لائق وغير مقبول لأننا لا نكتب بأحجامنا المادية
وأعتقد أن موضوعية الأخ كمال عباس قد تضايقت من هذا النوع من الدعم الذي يسئ للاخرين
ضف أن تناول موضوع السمنة بهذه الطريقة وربطها بالغباء اخي السنوسي هي إساءة لك قبل الاخرين
لأن نفس الدراسات التي تربط السمنه بالغباء هي نفسها التي تربط الغباء بسواد اللون. وتخيل انك
تحاور احدهم وجاءك بدراسة تثبت انك غبي لان لونك ليس ابيضا بالتأكيد انك ستفقد موضوعيتك وتلعن
وتطعن ليس في حسبه ونسبه فقط, بل سوف تتعداه لإنكار ادميته. وهنا قد أجد مبررا لأساسي رغم ملاحظات
خدر الذكية في جنوحه لاستخدام أمثلة غير مقبولة اخلاقيا في حقك




العزيز أساسي
أعتقد انك قادر علي رد بضاعة السنوسي بدر الخاصة بالحجم دون اللجوء لاستخدام أمثلة من محيط اسرته
أقول هذا متعشما رغم كلمة الاحترام بين القوسين

ود الصايم في ( تصريح ) يخالف اللائحة :

Quote: يبقى بدر دخل في ذاكـ الموضع من الوزة!

( موضع الوزة ) ؟

قاصد شنو بالضبط ؟؟؟
و
وين الادارة من ( الأرف ) دا ؟؟



------------------
أول مرة اشتكي للادارة و حأتمسك الى أن تطبق اللائحة في حق العضو المدعو ود الصايم ..

يا ود الصايم تاني لو سايق ونش و قالوا ليك أرفع بوست تقول ما بقدر
لحقت أخوك ده. لووول

الاخ المحترم السنوسي

بنفس منطق اساسي بتاع تقل الدم وخفته وربطه بالجدية او طريقة الكتابة

بنفس القدر انت تسئ لاساسي وغيره عندما تنسب مستوى ذكائه بكبر حجمه..

والله لو قمتوا كلكم كده اتسامحته واطايبته وبديته صفحه جديده يكون عين العقل..من اساسي وكمال عباس
ومنك..

وفي النهاية تقييم الانسان هنا مفروض ما يرتبط فقط بثقافته بل باخلاقه وطريقة تعامله مع الاخر..

بس ياريت الناس قبل ماتهظر مع زول تعمل حسابه لان ماكل الناس يحبون المزاح..ربما يمزحون مع اصدقائهم

واهلهم من من يعرفونهم في الواقع ولكن ليس على السايبر ولكل منا خطوط حمراء.


تحياتي لــ

لكمال عباس

واساسي.

Quote: ضعف الثقافة أو عدمها ليس عيبا أو منقصة ..... فكم من أمي تراه كحامل عطر ينفحك بعطر كلامه وجميل تصرفاته ولا لايصدر منه الاطيب وكريم وكم من متعلم وناقركيبورد لا لايصدر من كيره سوي حرق النفوس ونتانة العبارة وخبث الطوية وسوء الغرض !! Kamal Abbas

سلامات يا كمال

لفت نظري كلامك اعلاة، و حبيت استفسر عن ربط الثقافة بالتعلم و عدم الامية

جملة "فكم من امي تراه كحامل عطر" دي، تتقري زي الجملة الاعتراضية، بمعني، و بالرغم من ان الشخص امي، الا انه يحسن التصرف و نيتة حسنة, و كان الاصل في الامي عدم الثقافة.

القدرة علي القراية و الاطلاع قد يساعدو كتقنيات و طرق في تحصيل ثقافة، و لكن لا اري اي رابط مباشر بين المقدرة علي القراءة/عدم الامية و الثقافة.









---------------
البوست ده مشربك بما فيه الكفاية و و ما محتاج تكرار ما ذكرة بعض الزملاء، لكن عموما، لاساسي و لك كل الاحترام

وعلي العموم وبالاضافة لكل الكلام الاتقال هنا وفي اي بوست اخر وبعد سكب كل وجهات النظر هذه بالاضافة لكبر حجمي وثقل وزني وقلة عقلي لا تنفي للحظة او تساهم في النفي انه كتابة كمال عباس دمها ثقيل .

اساسي يا قطيم
ضحكتني ثاني..عارف ليه؟؟؟
يا اخي بدر السنوسني ده طبعا عامل لينا ابو العروبه ذاتها في دارفور
اها انت اديتين فيه فرصه اليوم.....

طيب نجي لكبر الحجم هو من ميتن بقى مسبه؟؟!!
يا اخي انا العرب الجدجد نسابتي من مضارب بني حمدان
يعني ابو فراس الحمداني ود عمهم لزم(هههههههه)
اها بيقولوا الآتي:

(اذا اضعت النسب فابحث عن الجته)...
يعني اي زول لما ما تكون بتعرفه فان كان رجلا فارها
اي طويل وجهامه فهو ود عز في نظرهم!!تخيل!!

اها ولدنا بدر السنوسي ده يرجع يفتش ثقافته العربيه دي من جديد!

ثاني اديك مثال:
كان في الابيض دكتور مشهور بوزنه الزايد...وازيد بجد يا اساسي مش
زيك يشيلك كلك في صفحته....اها كان كل اهلنا بقاره كردفان وابالتهم
ان نزلوا البندر...يقولوا لك ما بنتعالج الا عند الدكتور ده لانه راجل
من علمه اها باين في صحته؟؟!!(هههههههه)!

اها ناس خشب الله عبد الناشف ديل يشوفوا لهم طريقه!(ههههههه)

ههههههههههههههههههههههه



اساسي يا (سمين) البوست ده عمل ليك (بهق) مش عشان تاني تمشي تكابس ساكت وتتلح خلايق الله قلت لي: ابوي كان قاعد في لستك ....انت زعلت ولا شنو يا برعي...


كتر خيرك يا ود جبرين لكين الفيك اتعرفت وبركه الذكرتني البوست ده ....


يا ود الصايم .... عارفك سمين لكن انت سمنك براه هههههههههههه


يا تراجي .... انا بهظر مع اساسي ده بعدما اتكلمت مع عمران صالح وعرفت انو الزول السمين ده عندو مكتبه قدرو كده



يا عادل عاطي مشتاقين والله وضربت ليك تلفون ...والان انا في تخوم مدينة اغادير وقريب من قلميم ومدينة العيون بالمغرب مع الاسره .... ود جبرين هوالذكرني بالبوست ده ....


رحاب واميمه وكل الزملاء البوست ده ما فيهو زعل بجد ....


يا خدر ياخي انت زول كده (اشار با اصبعه الابهام جهة الاعلي) ....






___________________________________________________
يا اساسي صافيه لبن لكن برضو انت سمين

الاستاذ بدر السنوسي .. سلامات
اكن للاستاذ كمال الاحترام و مثله للاستاذ السماني، احتراما نابعا من احترامي للانسان الذي كرمه الله و من خلال تعاملاتي معهم في حدود البورد ... لا اتفق ما ذهب اليه بوست اساسي وجانب الصواب في مزاحه وبينت ذلك في حينه ...
احزنني اكثر ما أوردت هنا من ان كبر الحجم لا يوافق كبر العقل، و مرت بخاطري صور اشخاص اجلاء من كبيري الحجم أثروا حياتي و أثروا حيوات الآخرين وحزنت من ضيق العبارة و التنميط المخل ... لا أظن ان الاستاذ كمال الذي تدافع عنه يرضيه ذم معارضيه بصفاتهم الجسمانية وإلا تضاعف حزني مئات المرات ...

اوصانا علي ابن ابي طالب بضرب بعض الرأي ببعض لندرك منه الصواب ...
فأنظر في أراء من سبقوني و اخلص لما انت حري به من الخير و العدل ...
و أوصيك و اوصيني بألا نشطط في الخلاف فنفقد ذواتنا فيما لا فائدة فيه ...

Quote: عادل تشرشل معروف انه كان مكلبظ زينا انا واخوي اساسي؟؟!!

من الان فصاعداَ يُستبدل تعبير بوست شحمان ببوست كلبوظ .. اي دسم و كثير الفائدة



______
شكرا يا تراجي , نردها ليك في الافراح

Quote: يا تراجي .... انا بهظر مع اساسي ده بعدما اتكلمت مع عمران صالح وعرفت انو الزول السمين ده عندو مكتبه قدرو كده Sanousi

والله يا السنوسي تحير- يا زول stop digging
لسه بتغرق في حفرتك الوقعت فيها
يعني (المكتبه) ده الاثبات انه اساسي ما غبي؟
شخص سمين + مكتبة قدرة = انسان عادي
شخص سمين من غير مكتبة = شخص سمين = انسان غبي؟
اها هظارك ده فرضا اساسي قبلة

السمان المن غير مكاتب يعملو شنو؟

Quote: رحاب واميمه وكل الزملاء البوست ده ما فيهو زعل بجد .... Sanousi

كيف يعني؟

يا رحاب خليفة

تحياتي وتقديري !!


اساسي عزيز والسنوسي عزيز

كتير من الاصدقاء حاولوا يبخروا ابوست دا بعود الفكاهة والمزاح حتي لا يتصاعد الامـــر ويكون نزاع اسفيري لا يجدي
ومصطلحات اكاديمية عقيمة .. ياريت تساعدي في اطفاء نيران الخصام بدون ما يتضرر احباء السنوسي واساسي
لأنهم الاثنين قامات لهم حترامهم وتقديرهم ومحبتهم بقلوبنا


دمتي مع المودة

بوست ظريف والله...

أساسي بدون ما أي زول يهبشو ما قاعد يتوصى على اللؤم واللماضة... تقوم براااااااااااك تجي تهبشو في صمة خشمو كدا؟؟

غلتان غلت شديد والله يا السنوسي..

أساسي يا حبيب.. ياخ قلنا ليك مية مرة تعال اتمرن معانا.. هسي لو سمعت الكلام كان وزنك يكون في حدود المية وتمانين بس..

والله اتكيفت منك لكن.. ردودك أضحكتني ضحك السنين..


قلت لي قاعد تهظر؟؟ أحييييييييي يا مصاريني...

و الله يا أساسي إظهر الناس الحاقدين عليك كتيرين
و قاعدين منتظرين واحد إبدأ علشان إجو إساعدوهو في طرش كل أحقادهم
يا أساسي قيموك الناس اللي بتفهم و رأي البقية ما بأثر في مكانتك و ثقافتك و فهمك
إذا كان كل من هب و دب ممكن إكتب دا معناه إن كل من يكتب يمكن أن يكون عاقلاً
الأرشيف بيشهد ليك بي ثقافتك و رجولتك.

أتمنى إنو بكري يضيف في البروفايل معلومة جديدة و هي الوزن حتى نقدر نعرف ذكاء كل واحد قبل ما نتداخل معه

تحياتي ليك أبو محمد عرفتك رجلاً ليك رأي قادر على أن تدافع عنه بفكرك و فهمك

Quote: يا رحاب خليفة تحياتي وتقديري !! اساسي عزيز والسنوسي عزيز كتير من الاصدقاء حاولوا يبخروا ابوست دا بعود الفكاهة والمزاح حتي لا يتصاعد الامـــر ويكون نزاع اسفيري لا يجدي ومصطلحات اكاديمية عقيمة* Haider

و عليكم السلام يا حيدر الزين
ما فهمت كلامك والله
هل دي محاولة لتفسير ما سالت منه الاخ السنوسي، لمن قال انه مافي زعل في البوست ده؟
انا فعلا ما فهمت معني الجمله، كيف مافي زعل و الناس دي كلها بترد و بصورة جاده عن مفهوم غريب جاء به السنوسي، و انا قريت للسنوسي كتير قبل كده، و فاجاني برده - شكرا علي التوضيح علي العموم

Quote: ياريت تساعدي في اطفاء نيران الخصام بدون ما يتضرر احباء السنوسي واساسي Haider

دعوتني لاطفاء نيران الخصام بين اساسي و السنوسي
دعوة** جميلة و مقدرة، و لكن هناك اغراض اخري لاعضاء كثر تداخلو هنا تتقري من سطورهم، مثلا، هناك من يهتم بتصحيح مفاهيم مهمه تهم سوادنيز او المجتمع الكبير، و هناك من يهمهم رد المظالم، و ما بالضرورة تتعارض دعوتك مع الاغراض الاخري
لكن دعوتك لي تحديدا خلتني افكر:
هل تري ان مداخلتي تصب في غير ما يدعو له اصحاب السنوسي و اساسي؟
و من هم الاطراف المتضررة التانية البتقصدها؟

Quote: لأنهم الاثنين قامات لهم حترامهم وتقديرهم ومحبتهم بقلوبنا دمتي مع المودة Haider

ديل الاتنين اكيدات

شكرا لتوضيحك و ان شاء الله لي عودة








_______________
* انا لا اجد المصطلحات الاكاديمية عقيمة، العقم يخص من يستعملها في غير مكانها ووقتها، و لكن بالطبع ده يعود لكل شخص و اسلوبه
و بصراحة لم الاحظ اي مصطلحات اكاديمية، عقيمة او غيرها لمن قريت البوست، لكن للتاكد، ساراجع ما كتب.

** بالمناسبة، انا لي راي في طبيعة دعاوي الاصلاح، لانها قابلتني في بوست عبد الوهاب و عادل عثمان الكتبة حسين يا حيدر، و ذكرت نفسي ان المكان والزمان غير مناسبين و ما زلت اعتقد انه البوست ده غير مناسب

الاخت العزيزه رحاب ...

تحيه طيبه

دقيقه يا جماعه خلوني ارد علي اختي رحاب ...

انا ضد التنميط وعبارة كبر الحجم وقلة الذكاء عباره ليست من بنات افكاري وليست بالضروره من معتقداتي ولست من المؤمنين بها وانا عشت في مجتمع متفتح سواء كان علي مستوي اسرتي الصغيره او الاسره الكبيره لذلك تنتفي مني الانحياز لفئه دون الاخري واكره التنميط كغيري

انا لم احفر حفره لنفسي حتي يحاول الاخرين انقاذي منها وايرادي للعباره كان الغرض منه هو اختلال التنميط -ربما لا يقنعك تبريري- ولكني اعتبر ذلك كافيا لنفسي ولم اكن اقصد به اهانة الاخ اساسي _ وسيبقي اخا عزيزا رغم عدم معرفتي به سابقا_


اعترف اني لم اقرأ لاساسي وهذا جهل مني ولكن عند التصحيح يبدو الامر مختلف وهذا لا يعني ان اساسي كان به من الشطط تجاه الاخ العزيز كمال عباس وتصويبه كان من الخيارات المتاحه عندي



عبارة انو الزول سمين وما عندو مخ قتلت بحث ولست من المؤمنين بيها ببساطه لانتفاءها السببي لان الزول (الغليظ) ممكن ياخد ليهو جكه جكتين وينقص تمانيه كيلو ... ويبقي اذكي من الفقير ابو بعرايه وعمر البشير زاتووووووو (لووووووول)


وبعدين زي ما قال ليك حيدر البوت ده والله مافيهو زعل ... علي الاقل من ناحيتي انا واذا كان من جانب الاخ اساسي فله العتبي حتي يرضي اذا كان زعل من حتة انو (سمين ومخو صغير عشان كتاباتو الاخيره التي لا معني لها) زي ما ذكر كمقوله ....





تعرفي يا رحاب انو الناس لما تتعلم شديد وتتحصل علي شهادات كتيره بتبقي حساسه شديد والشئ ده حصل لي انا شخصيا ...عشان كده اهم حاجه عندي بمشي الصحراء بتعلم من الناس هناك ....

وبعدين معظم المتداخلين هنا يا رحاب تداخلو بدواعي الفكاهه علي حسب تقديراتي وربما ياتي احد ما ويقول لي انت انت تقديراتك خاطئه وانه كان يريد النيل من اساسي وهنا انا لست مسئولا عن ذلك الشخص .... وربما يجي زول تاني ويتلول فيني ويقول انت فتحت البوست ده ليه من اساسو وتبقي (لولوه) ساكت وده كلو وارد بحكم اختلاف فهمنا وقيمنا واننا شعوب ما بتعرف الفكاهه والضحك واننا دائما عبوسيين واخلاقنا في نخرتنا ...

لكن الشئ الذي اعرفه انني لا انام حتي اعرف انني لا ازعل من اي شخص حتي اسامحه وربما نخطئ ولكن تبقي قلوبنا هي الصافيه


ولك الود ولكل المشاركين هنا ....









___________________________________________

النقه الفوق دي كلها ما بتنفي انو اساسي ما سمين (مكلبظ) ...

السيد السنوسى....بالرغم من انى بكتابتى للمداخلة دى حاسة اني ب(الت و اعجن). لكن ما كنت ح اقدر امشى الموضوع.

عشان تحترم حبة المخ العندنا...ممكن تقول انك كنت زعلان بالجد...و الان انت غيرت رايك و عاوز تقلب الموضوع هظار. لكن تقول لينا انك كنت بتظر من البداية دى صعبة شوية.

Quote: تعرفي يا رحاب انو الناس لما تتعلم شديد وتتحصل علي شهادات كتيره بتبقي حساسه شديد والشئ ده حصل لي انا شخصيا

what is that about ?
و التعليم الشديد ده بيقيسوه بشنو ? متين التعليم بيبقى شديد ? بعد الماجستير ام بعد الدكتوراة?
ذى ما قالت ليك رحاب...كل ما تجى تكتب حاجه فى البوست ده الموضوع بيبقى شكله اغرب.

Your prejudice towards الناس السمان ما عاوزه شهادات. و بالمناسبة دى حاجه منتشرة جدا (ده ما بيمنع انها غلط...و عنصرية). ناس كتار بيفتكروا ان السمنة حاجه ممكن تدل على ان الزول ما عندوا عزيمة و ما منظم. لكن (ذى ما قلت فى بداية البوست) الغريبة انها تجى منك انت. زول متعلم....مفروض انك حساس (على حسب تعليمك و شاداتك و كمان وصفك لروحك).
_____________________________________
للاسف -جدا- انا ح ابقى زيك و ح اقول : من البوست ده عرفت ان السودانيين مهما اتعلموا و اختلطـوا بالشعوب الاخرى....ما بتغيروا.
Sigh

الأخ العزيز السنوسي
تحياتي و سلامي
ياخي أنا عارف إنه موضوع الواحد يسلم بخطئه و يعتذر دي صعبة شوية لكن واثق جدا أنها لن تصعب عليك. واضح جدا يا عزيزي أنك كتبت البوست كرد فعل غاضب لكلام الأخ أساسي و مداخلتك الأولى دي روحها واضحة جدا و بعد أن اتضح لك أن الكلام ربما كان غير مناسب تراجعت عنه و هذا شيء جميل يمكنك أن تزيده جمالا بأن تكون واضحا في أن التنميط الذي نقلته على سبيل الاستشهاد و ليس الاستنكار تنميط خاطيء... و هذا لا علاقة له بالحساسية الزائدة ولا الجدل الأكاديمي (العقيم!). تنميط الناس بهذه الصورة خطأ نقطة سطر جديد. وصدقني يا بدر يا عزيزي كل ما تحاول أن تبرر لهذا الخطأ ستقع في خطأ آخر يعني كلامك دا و لو على سبيل المزاح أيضا خاطيء و أنا واثق إنك حتعاين و تشوف الخطأ فيه بوضوح:

Quote: عبارة انو الزول سمين وما عندو مخ قتلت بحث ولست من المؤمنين بيها ببساطه لانتفاءها السببي لان الزول (الغليظ) ممكن ياخد ليهو جكه جكتين وينقص تمانيه كيلو ... ويبقي اذكي من الفقير ابو بعرايه وعمر البشير زاتووووووو (لووووووول)

لأنه الزول لو قراه قراية نصية فكأنك تريد أن تقول أن الشخص (السمين!) يحتاج لإنقاص وزنه ليصبح ذكيا... أنا عارفك ما قصدت كدا لكن كل ما تحاول تبرر حتلقى نفسك مضطر تجيب كلام تاني.
في تقديري القضية ليست في إنه أساسي يزعل ولا ما يزعل بالعكس لو زعل يكون كويس يمكن يضعف شوية و يرتفع معدل الذكاء شوية عنده (معليش بنهزر يا جماعة و مرات كدا في تعليقات الواحد ما بقدر يبلعها فأعذروني)... لكن بالجد القضية إنه في كلام غير سليم إتقال و مفروض يتصحح... و حكاية إنه يكون في حساسية و (Politcal correctness) دي ما حاجة سيئة بالعكس دي تربية جميلة المفروض الناس الأتيحت ليها فرصة تحتك بيها و تتأثر بيها تنقلها لمجتمعاتنا لأننا بالجد محتاجين ليها.
أرجو أن يفهم هذا الكلام في السياق الذي قصدته منه. و بالجد يا حيدر ياخي الغرض ما هو النفخ في نار و أتمنى صادقا أن يزول كل سو ء فهم بين أساسي و ملاسي و كمال و بدر و جميع الإخوة لكن الكلام هنا عن موضوع مختلف جدا.

عزيزنا السنوسى بدر

Quote: عبارة انو الزول سمين وما عندو مخ قتلت بحث ولست من المؤمنين بيها ببساطه لانتفاءها السببي

بس انا من المؤمنين بها جدا وعندى اثباتات على الكلام دة وابداها ليكم بنفسى
لما كنت بالعب فى المدى بتاع اوزان الريشة يعنى بين 60 -70 كلغ كنت حقيقة زول لماح الكلام بافهمه قبل مايبوح بيه اللسان
اصلو ماكنت باجهد البيخاطبنى باعادة الكلام والشرح والملاوة كمان كنت حريف فى الوست الناس بيحجزونى كزميل فى اللعبة ما كان
عندى نوتة للتلفونات لانى كنت باحفظ ارقام الناس (قبل الموبايل) وارقام البيوت والشوارع ونمر العربيات وكمان اضيف ليك حاجة كدة
من الطفولة وانا فى سن العاشرة وكنت نحيف جدا دخلونى المدرسة فى بلد الخواجات حقتكم دى بعد شهرين تلاتة المدرسة قامت استدعت
الوالد عشان يفهمها كيف الولد دة بيحرز اعلى الدرجات فى الرياضيات وهو مابيعرف يتكلم انجليزى كويس
لكن تعال شوف هسة دخلنا نادى المائة ماشاء الله تبارك الله لكن الفهم بقى تقيل الكلام لازم يكون بسيط عشان اقدر افهمه ليك يعنى مثلا
البوستات حقت سودانيزاونلاين بمشى حالى فيها (صدق ابوالريش) لكن القصة مرات لما تجيب ليها لغة صفوة كدة بقيت افصل ليك موجتى واكسب
زمنى وكذلك الالعاب التى تتطلب تشغيل المخ مافى ليها اى طريقة والسنة الفاتت بديت لى مشروع قراية الله يخارجنى منه ساى والغريبة انى
كنت متاكد انه البلادة النزلت على دى بسبب عامل السن وكدة لكن كنت باستغرب من حاجة كانت دايما تهدد اتهامى لعامل السن لانى لما اكون قاعد مع الزول الاسمه اساسى دة (وهو يصغرنى فى العمر) بيكون فى سلاسة فى الحوار بينا وسهولة فى الفهم وتوارد خواطر عجيب والليلة بنظريتك دى جبت لى التايهة وهى انه الموضوع ليس سوى اتنين تطابقت قلة الفهم لديهم وبقوا كتابين مفتوحين لبعض والغريبة كنت بشوف تلميحات واشارات صادرة من مهند ولدى لما احيانا يصادف وجوده معانا ويكون مجبر ان يصحح لنا بعض خطرفاتنا عموما الفرضية دى ح تفيدنى جدا وبترجع لى الامل فى استعادة مافقدته من ذكاء ورجاحة عقل بس من بكرة على المسلوق وسير المشى انا والكاشف اساسى واوعدك ح اقدر ارفع ليك نسبة الذكاء عنده زى عشرين فى المئة كدة
بالله ياسنوسى فى المغرب ماتنسى تمشى تزور فاس بلد الشيخ احمد التجانى وتغريهم جميعاالسلام

أحمد يا هندسه !

Quote: بس انا من المؤمنين بها جدا وعندى اثباتات على الكلام دة وابداها ليكم بنفسى

أنا ذاتي مؤمن بالكلام ده يا باش !!
من ما الله خلقني ضعيف و عشان كده طوالي كنت شاطر و جيت سودانيزاونلاين بقيت مفكر ، كان سمنت شويه حا أبقي أديب و قاص و صحفي ناشط في حقوق الانسان و كلما أسمن شويه تسقط واحده من ديل لحدي ما أبقي زيي و زي الوهم الأنا قاعد أفكر ليهم و الأنا ناشط في حقوقهم و دي أخير منها القعاد في القهاوي مع الناس السمان ذوي العاهات الفكريه الزيك و زي أساسي السمين !!!









-----------
ما حصل اداخلت معاك يا سنوسي ، لكن لو إنت عارف أنا معصور عليك و علي كتاباتك كيف ، ما كان كتبت كلامك التعيس بتاع السمان البلداء ده !!!

Quote: الزيك و زي أساسي السمين !!!

اووووف .. نكرر الكلام كم مرة يا مُفكر
قلنا اي (كونتينر - مواطن - بوست - قمر صناعي - هيلكوبتر) إسمو إتغير
ركز ياخ

Quote: اووووف .. نكرر الكلام كم مرة يا مُفكر قلنا اي (كونتينر - مواطن - بوست - قمر صناعي - هيلكوبتر) إسمو إتغير ركز ياخ

معليش يا فنان : فاتت علي !!











------
الغريبه بكتب في رد عنك لبوست تاني ، قلت أخش اشوفك كتبت شنو !!! القلوب شواهد !!!

كتبت الاخت رحاب خليفة;

Quote: لفت نظري كلامك اعلاة، و حبيت استفسر عن ربط الثقافة بالتعلم و عدم الامية جملة "فكم من امي تراه كحامل عطر" دي، تتقري زي الجملة الاعتراضية، بمعني، و بالرغم من ان الشخص امي، الا انه يحسن التصرف و نيتة حسنة, و كان الاصل في الامي عدم الثقافة. القدرة علي القراية و الاطلاع قد يساعدو كتقنيات و طرق في تحصيل ثقافة، و لكن لا اري اي رابط مباشر بين المقدرة علي القراءة/عدم الامية و الثقافة.

........ نعم يأأخت رحاب الأمية لاتعني الجهل ويجب أن الا نربط الامية بالجهل كما أنه ليس كل متعلم مثقف !! ولكن من أهم مداخل الثقافة في عصرنا هذا هو العلم والذي يتطلب محوا للإمية أو حظا من التعليم النظامي ومن مداخل الثقافة الإطلاع والذي يوسع أفق الانسان ويعمق مداركه وهو أمر يحتاج أيضا للقراءة والكتابة وقدرا من التعلم ... ونعم الأمي قد يكون ذكيا ولماحا ومحبا للمعرفة وله قدرات كامنة وإمكانات غير مصقولة ! ولكن تظل أدواته ضعيفة ومداخله محدودة ......ولكن مع هذا لابد أن نقر أن هناك من تخطي تلك الحواجز ونال قدرا من الثقافة والمعرفة علي الرغم من أميته الكتابية وضعف حظه من التعليم النظامي !!........... نقطة لا بد من توضيحها: إرتباط الامية بعدم القراءة والكتابة فهم غير دقيق فالتعلم يمكن أن يكتسب عبر المشافهة والسماع ونيل التعليم النظامي عبر وسائل غير بصرية فلا أحد مثلا يمكن يصنف دكتور طه حسين بأنه أمي أو غير متعلم أو غير مثقف ! لا فالرجل قمة من قمم الثقافة وركيزة معرفية مهولة....... ولكن تبقي الحقيقة يا أستاذة رحاب أن الأمي عمومايملك حظا أضعف في إكتساب الثقافة والعلم ......

كتبت الأخت المحترمة عزاز شامي :

Quote: لا أظن ان الاستاذ كمال الذي تدافع عنه يرضيه ذم معارضيه بصفاتهم الجسمانية وإلا تضاعف حزني مئات المرات ...

بالطبع لايسعدني ذم الناس ومعايرتهم بصفاتهم الجسمانية ولا أقبل الشخصنة .....
لذا يسعدني حقا أن أشهد لك بأنك من أوائل من تصدوا لما تلفظ به السيد أساسي في البوست الاخر ثم إدانة ذم الناس بصفاتهم الجسمانية هنا وهكذا يكون الإتساق .....
ولكن مايحيرهنا هو تصدي قلة للدفاع عن السيد أساسي وسكوتهم عن قولة الحق في وجهه في البوست الاخر !! ....أساسي هو البادئ والبادي
أظلم وعليه وحده تحمل نتاج ممارساته!! ...وصف أساسي بعض الاعضاء بالثقل وقال أن ذلك طبع فيهم- مثله من الصفات الجسمانية - وخرج من دائرة التوصيف لأسلوب الكتابة للتجريح ومحاولة الحط من إنسانيتهم وواصل ملاحقة البعض بالتجريح في عدة بوستات علي الرغم من أن هذا البعض لم يسئ لشخص السيد أساسي و ولامن له به صلة بالسودان أو السعودية أو أو أي موقع آخر - ولم أتعرض له أو لما يخصه يوما علي الرغم من أن الاساءات والتجريح وإغتيال الشخوص بالحق والباطل لا يكلف سوي نقرات من الكيبورد !! نعم لم أتعرض لهذا الشخص بإساءة أو تجريح أو أسفاف وظللت أدير له الخد الأخر علي مدي سنوات من تعديه وفجوره في الخصومة !! ولا أدري الي متي تتحمل طاقة المرء هذا الاذي ? ....... ....... عزيزي سنوسي : أشكرك علي حرصك علي إحقاق الحق ومواجهةمن تعدي وفجر في خصومته ولكن أرجو ألا تجاريه في أسلوبه وذلك بمعايرة الناس بسماتهم الجسمانية لأن هذا فضلا عن أنه خطأ فإنه يتعدي الشخص المعني ليمس أخريين يشاركونه نفس السمات الجسمانية !! ..........

Quote: ضعف الثقافة أو عدمها ليس عيبا أو منقصة إذا كان الشخص -إي شخص- متمتع بمكارم الأخلاق والذوق الأجتماعي والتعامل الراقي وحسن المعاشرة وإحترام الناس والكف عن الأذي ... فكم من أمي تراه كحامل عطر ينفحك بعطر كلامه وجميل تصرفاته ولا لايصدر منه الاطيب وكريم وكم من متعلم وناقر كيبورد لا لايصدر من كيره سوي حرق النفوس ونتانة العبارة وخبث الطوية وسوء الغرض !! وعشان كدة حقو نقيم الزول بتأثيرو علي الناس ومدي بعده عن الاذية وخبث الطوية والتطاول علي الناس وتجريحهم بلا سبب سوي حب الاذي والحط من أقدار الإنسان ......... كما يجب علينا ردع من يتطاول علي الناس وقول كلمة الحق ..........

........

العزيز البدر السنوسي

تحياتي الخالصة...

نشكـر لك ونقدر دفاعك عن الآستاذ الفاضل والصديق كمال عباس (حفظة الله) كما نحفظ لك توجيهك للأخ الأصغر السماني
ويعلم الله أنني تابعت كلامك من بداية البوست وعرفت مغزى حديثك وتهكمك وحدتك أحيانا
فأنت بصفاء روحك ونقاء معشرك وبطانتك المعتقة برمل الصحاري وشرب لبن الإبل أردت أن تقوم وتزجر وتنهى في آن واحد

وعنيت كمالنا وأكرمته... ونهيت سمانينا عن تهكمه بالبشبر دونما أن تعرف معدنه الطيب حد القسوة
لله درك فيما قصدت وعلى الله إستعن فيما هفوت... وأعني نعتك له بالسمنة
وكان لك أن تصفه بالرجل (العاتي) وهو كذلك....

فهو عاتي الحجم والروح والصفاء والسريرة... وأكاد أجزم بأنه سيقبل مني ومنك هذا الوصف
فأن أتبعته بطلب أو حتى أمرته أن يكف عن مناوشة أستاذنا كمال عباس ما أظنه سيرفض لك طلبا أو رجاءا أو حتى أمرا

وليدم الود بيننا... وليبقى إحترامنا ووئامنا أبدا


والســلام....

النوتة امين

Quote: و دي أخير منها القعاد في القهاوي مع الناس السمان ذوي العاهات الفكريه الزيك و زي أساسي السمين !!!

كرررر عليك
ضربتك ذات البدانة بعد الرشاقة والسمبتيك الكانت عليك تصدق انا بقيت بسمن من غير اى مناسبة والعجب فى المناسبات
بامشى السودان برجع بايظ تماما وشغلى كله سفر واستقبال ضيوف وعوازيم
ولو جيتنا زيارة فى جدة يانوتة غير العوازيم والعضات وقعاد القهاوى ماعندنا ليك اى حاجة نكرمك بيها طبعا بعد نوديك
العمرة والزيارة فبالله تعال ياخ لاثراء ورفد جلسات بدناء الخليج ببعض من ادبيات وعاهات بدناء عابرى القارات والمحيطات

سلام يا هندسه

Quote: ضربتك ذات البدانة بعد الرشاقة والسمبتيك الكانت عليك تصدق انا بقيت بسمن من غير اى مناسبة والعجب فى المناسبات بامشى السودان برجع بايظ تماما وشغلى كله سفر واستقبال ضيوف وعوازيم ولو جيتنا زيارة فى جدة يانوتة غير العوازيم والعضات وقعاد القهاوى ماعندنا ليك اى حاجة نكرمك بيها طبعا بعد نوديك العمرة والزيارة فبالله تعال ياخ لاثراء ورفد جلسات بدناء الخليج ببعض من ادبيات وعاهات بدناء عابرى القارات والمحيطات

ياخي أقول ليك أنا مفكر ، تقول لي ضربتك البدانه ؟!! صحي سمين !!!
و لعلمك أنا اتصلت علي بكري يوزن لينا الناس دي قبل ما يديهم عضويه !!!
بكري وعد إنو يتصل بناس الهيئه العامه للموازيين يشوفو لينا الناس البتفهم مفروض يكون وزنها كم عشان نقرض علي كده .
أنا حا أتابع معاو و بعمل ليكم تنوير إن شاء الله !!!!!






-----------
بالله قبل ما نوزن شوفو ليكم جيم و لا رجيم إنت و أساسي ، لانو بحجمكم ده ما أظن تقدرو تكتبو في منبر اليوم الحار خليه بجاي مع المفكرين الزيي ديل !!

العزيز أساسي
سلام وكلام
تعرف يا صاحبي أنا من زمان في جملتين ما قادر استوعبن وما كنت عارف سبب عدم الفهم دا لغاية ما جاء واحد – قدس الله سره - متعلم شديييييييد ومتحصل علي شهادات كتيييييييرة أرشدني أفاده الله أن بطء فهمي يرجع إلى تراكم شحمي ولحمي .
العبارة الأولى قالها سيدي الشيخ الشعراوي رحمه الله و عاملة لي كاروشة في العصب الحساس من الجانب الأيمن للدماغ .. الشيخ في تفسيره لمعنى لا إله إلا الله أورد الآتي : ( نفي العيب عن من لا عيب له.. عيب ) المعنى الأول البيخطر بالبال يعني زي واحد في مقام الشعراوي نفسه تجي تقدموا للناس وتقول أقدم لكم العلامة الفهامة مجدد العصر والأوان وهو رجل لا يشرب الويسكي ، ولا يخلط الجكسي ، ولا بباري الصعاليق ، ولا بخج الصناديق . وهو فهم مقبول إنه عيب .. ولكن كيف ننزل هذا الفهم في نفي الشريك عن الواحد الأحد . دي ما قدرت أوزنها .
العبارة التانية بتقول :الإضينه دقوا واعتذرلو ..... أها دي عايزا ليها ريجيم مع الإصرار والترصد عشان أفهم شن فايدة الإعتذار .. ما دام إضينة الإعتذار في دار أبو منوووو .

Quote: احزنني اكثر ما أوردت هنا من ان كبر الحجم لا يوافق كبر العقل، و مرت بخاطري صور اشخاص اجلاء من كبيري الحجم أثروا حياتي و أثروا حيوات الآخرين وحزنت من ضيق العبارة و التنميط المخل ... لا أظن ان الاستاذ كمال الذي تدافع عنه يرضيه ذم معارضيه بصفاتهم الجسمانية وإلا تضاعف حزني مئات المرات ...

الله .. الله .. الله... ما أعمق هذا الكلام..

يسلم راسك يا عزاز .. لا فض فوك..

Quote: العزيز أساسي سلام وكلام تعرف يا صاحبي أنا من زمان في جملتين ما قادر استوعبن وما كنت عارف سبب عدم الفهم دا لغاية ما جاء واحد – قدس الله سره - متعلم شديييييييد ومتحصل علي شهادات كتيييييييرة أرشدني أفاده الله أن بطء فهمي يرجع إلى تراكم شحمي ولحمي . العبارة الأولى قالها سيدي الشيخ الشعراوي رحمه الله و عاملة لي كاروشة في العصب الحساس من الجانب الأيمن للدماغ .. الشيخ في تفسيره لمعنى لا إله إلا الله أورد الآتي : ( نفي العيب عن من لا عيب له.. عيب ) المعنى الأول البيخطر بالبال يعني زي واحد في مقام الشعراوي نفسه تجي تقدموا للناس وتقول أقدم لكم العلامة الفهامة مجدد العصر والأوان وهو رجل لا يشرب الويسكي ، ولا يخلط الجكسي ، ولا بباري الصعاليق ، ولا بخج الصناديق . وهو فهم مقبول إنه عيب .. ولكن كيف ننزل هذا الفهم في نفي الشريك عن الواحد الأحد . دي ما قدرت أوزنها . العبارة التانية بتقول :الإضينه دقوا واعتذرلو ..... أها دي عايزا ليها ريجيم مع الإصرار والترصد عشان أفهم شن فايدة الإعتذار .. ما دام إضينة الإعتذار في دار أبو منوووو .

:)
سنجاوي سلام

رماااااااااااااانة

وعليك السلااااااام والرحمة والإكرااااام
تعرفي من ما وقعت عيني على بوست اقتراحك لبكري ونفسي أدخل أسلم عليك بعد طول الغياب
ولكن كنت عايز اجيب ليك معاي رابط لبوست فتحتو زمااااااان بعنوان ( غابت واختفت رمانة ما شفتوها يا خلانا ) ولكن قدر ما بحت النت دا في قبلو الأربعة ما لميت فيهو . حمد الله على السلامة .
تحياتي

سنجاوي سألت عليك العافية.. تشكر على السؤال والبوست الماشفته
ليكم وحشة والله
هسه بالله لو جمعنا مشاركاتك ومشاركاتي من سنة ألفين واتنين وضربناهم في خرشمية ما بطلعوا أقل من مشاركات أساسي؟ طبعا أساسي بتكون مداخلاته الستاشر ألف دي منها خمسة ألف شكلة مجهبزة أو رد على شكلة.. شاطرهو في كل شي :)

سلامات يا السنوسي

لعلك بخير
اقرا اول جملة في ردودك اصدقك، اشوف باقي الكلام استعجب يا السنوسي والله

انت تكره التنميط يا السنوسي عليك الله؟ امسك عندك:
1. واحد تنميط:

Quote: وانا عشت في مجتمع متفتح سواء كان علي مستوي اسرتي الصغيره او الاسره الكبيره لذلك تنتفي مني الانحياز لفئه دون الاخري واكره التنميط كغيري Sanosi B.

العيش في مجتمع متفتح ينتج عنه ناس غير منحازة لاي فئة

2. اتنين تنميط:

Quote: تعرفي يا رحاب انو الناس لما تتعلم شديد وتتحصل علي شهادات كتيره بتبقي حساسه شديد والشئ ده حصل لي انا شخصيا ...عشان كده اهم حاجه عندي بمشي الصحراء بتعلم من الناس هناك .... Sanosi B.

الناس العندها شهادات حساسة شديد و يجب البعد عنهم لبعض الوقت
الما عندها شهادات، خصوصا ناس الصحراء، ما حساسه شديد، حساسه براحه و يمكن التعلم منهم

3. تلاته تنميط:

Quote: و اننا شعوب ما بتعرف الفكاهه و الضحك و اننا دائما عبوسين و اخلاقنا في نخرتنا Sanosi B.

شعوبنا، لا تعرف الفكاهه و الضحك و دائما عبوسه و اخلاقنا في نخرتنا
طبعا جوة التنميطات الواضحة الفوق دي، في كم تنميط كده، لكن كفاية التنميطات الكبار كبار ديل

ما عشان انت ما شايف عوجة رقبتك دي يا السنوسي تداخلنا كلنا و مليانين عشم انك توضح لينا، يا انت فاهم انك غلطان في قصة التنميط دي، و لكن بتكابر و تبقي المشكلة مشكله زمن و انت و امانتك، و يا اما انت فعلا بالواااضح كده و من غير اختلال** تنميط و غيره ما شايف انه ده تنميط وتبقي القصة انه نحاول معاك لحدي ما اقنعتنا او اقنعناك








---------------------------
* عشان ما تفهم دواعي مداخلاتي غلط، علاقتك مع اساسي لا تهمني في كثير او قليل، و هدفي هنا ليس الاصلاح بينكم بالصورة المتعارف عليها في المنتدي، لاسباب كتيرة، ساوردها في ردي علي الاخ حيدر حين افرغ من قراءة البوست مرة اخري ان شاء الله
اتمني ليكم كل التوفيق في علاقاتكم و كل المشاعر الطيبة

** بالمناسبة جملة اختلال التنميط دي، ما مفهومة لي اصلا، عشان احدد انها مبرر كافي او لا.
كونك قلت انه اساسي عنده مكتبة تنفي عنه صفة الغباء، دي فهي تقرا لي كالاتي الان: كل السود اغبياء، و لكن في واحد فيهم لقينا عنده مكتبة كبيرة و ده اختلال للتنميط؟ عشان كده ما تاخدو الجملة الاولي علي انها تنميط، و بالمناسبة الكلام ده في بحوث تثبته و لو دايرنها اجيبها ليكم
even better
انا التنميط ده اصلا ما مقنعة بيه، لانه صاحب البشرة السوداء يمكنة تفتيح بشرتة و لكم في مايكل جاكسون اسوة حسنة!

Disclaimer**
يا ناس البتكوتومن طرف ساااي، دي انا بعلق بسخرية، عشان ما القي الكوت ده حايم علي لسان رحاب، لوول

Quote: فهي تقرا لي كالاتي الان: كل السود اغبياء، و لكن في واحد فيهم لقينا عنده مكتبة كبيرة و ده اختلال للتنميط؟ عشان كده ما تاخدو الجملة الاولي علي انها تنميط،

بالكوت اعلاه يا رحاب اضمن ليك لقب كاتبة الحبشي المفضلة للربع الحالي

ياشماتة ابلة ظاظا فيك ياساساينا السنوسي والله ما عندك حق وقالوا المابتعرفوا تجهلوا يااخي الزول والله دباب خرافي من الجمال بس كدي هدئ اللعب وانظر حواليك ستجد عكس الصورة اساسي ح تمشي من وين الزول
والله ياسنوسي بدر بااااااااالغت عديل كدا قلت اساسي كزول ساكت اساسي مزول ساي زول جميل لكن لما يتفلسف بقعد كنب .



........................................................حجر.

Quote: Quote: يمكنك أن تمزح لكن مع الذين يحبون مزاحك.. عشان تاني ترفع بوستات ما عندك بيها علاقة الفتنة نائمة لعن الله من ايقظها

يا للمتعة .. يا للمتعة .. .. يا محمد الصايم كدا عليك اتنين قبلما الارشيف دا ينتهي .. واحدة بتاعت الفور اووول .. وواحدة في معركة (الريجيم) دي باقي ليك فرصة واحدة وبعدها سانظر في امر صداقتي معك ..
أما بالنسبة للبوست:
فالواحد بقى قاعد ساااي في البورد دا ما ناقش اي حاجة .. بوست ليهو كم يوم ما تدونا خبر ..؟
يا السنوسني .. انا بتفق مع الناس البتقول إنو (التفخ) مو بغبي ..
إن شاء الله لو ربنا حيانا بنجي نراجع البوست دا ..

..
بوست زي دا لو اتلقى من قبيل كان كسر لينا رتابة يوم السبت دا ..

رحاب حبيبتي.. لسه ما حلينا موضوع التخانة ... ما تفترعي لينا التنميط بالله
ده براااااه.....

الاعزاء

emad altaib
بدر الدين اسحاق احمد
وليد الطيب قسم السيد
كمال عباس
داليا حافظ
محمد عبد الماجد الصايم
saadeldin abdelrahman
عبداللطيف خليل محمد على
ودقاسم
ibrahim alnimma
abuguta
محمد عبدالرحمن
عزاز شامي
Shams eldin Alsanosi
HAIDER ALZAIN
Mahmoud Mustafa Mahmoud
ABUHUSSEIN
Elawad
احمد التجانى احمد
أمين محمد سليمان
Mohamed Yassin Khalifa
singawi
rummana
محمد البشرى الخضر
الرفاعي عبدالعاطي حجر
tmbis





شكرا لمداخلاتكم والروح المرحه الفيها والنصائح المقدمه فيها والضرب تحت الحزام في بعضها....

حتما سا عود للرد عليكم

الي ذلك الحين لكم مني المحبه الصادقه ...

Quote: نعم يأأخت رحاب الأمية لاتعني الجهل ويجب أن الا نربط الامية بالجهل كما أنه ليس كل متعلم مثقف Kamal Abbas

ده القدر من الاجابة البيهمني في البوست ده يا كمال.
النقاش حول مفاهيم الثقافة وارتباطها بمفاهيم الامية كوظيفية او اخلاقية او ثقافية ارجئها لوقت و لمكان اخر.

شاكرة ردك الكريم.

الحقيقة منتظرين ياسنوسي عودتك

لكن عندي سؤال من هو الزول الساكت ؟؟؟

وهل اختزلت داخل الساكت دي معاني اخرى ؟؟؟









لو قلت ليك اساسي زول ما ساااااكت تقول شنو ؟؟؟


* بدون زعل دا مفتتح حوار حول ساكت العجيبة دي .




...........................................................حجر.

سلامات يا حيدر الزين و لعلك بخير
برا بوعدي بمراجعة البوست عشان افهم زيادة معني مداخلتك و توجية حديثك لي
بصراحة، راجعت البوست من الاول لحدي مداخلتك و ما لقيت مصطلحات علمية٭، مفردة كانت ام مركبة تدل علي تصور ذهني لمفهوم او معني معين غير ما تعنية الكلمة المكتوبة
باختصار ما فهمت الجزئية دي من مداخلتك، ولا جزئية الضرر الممكن يلحق باحد اصحاب اساسي او السنوسي من مداخلتي او غيري بهذا البوست

لحدي هنا، و ردي اكتمل لمداخلتك، الباقي ده ممكن تفطو، و اعتبرة فلسفة و جر شكل :)


ــــــــــــــــــ
كان جينا للجد، "مصطلح علمي" دي اول مصطلح يقابلني و ما فهمت بالظبط المقصود بيها في كلامك، فرجعت وبحثت عن معني "المصطلح العلمي"، التفسير مرفق في الحاشية

لقيت مصطلحات (اجتماعية؟) that I liked
زي حمام ميت بتاعة ود الصايم
و تلاتة امتار كاك، حقت خدر

بخصوص دعاوي الاصلاح، ربنا يوفقك و اتمني انه تبخير البوست بمداخلات فكاهية ادي دورة في ازالة الاشكال بين اساسي و السنوسي
و مع انه ده ما سبب تداخلي، و لكن ان سمحت لي انا رحاب الما عندها صلة صداقة مع اساسي او السنوسي، اعتقد انه الحال حا ينصلح لو الغلطان قالو ليهو انت غلطان في عينك و اعترف و اعتذر، و الفكاهة قد تساعد بعد ذلك في ازالة المشاعر الغير كريمة
و بمعرفتي القليلة باساسي من كتاباته الهنا دي، اعتقد انه من انصار الدغرية و مواجهة الامور بدلا من اللف
لكن تبخير كدة ساكت من غير حل لاصل المشكلة و الفهم الغلط، ما اظنه ينفع، لكن اعتبر دي وجهة نظر خاصة بي
المهم كان بالنسبة لي، هو محاربة المفاهيم العجيبة، كارتباط السمنة بالغباء
السنوسي لو قال لاساسي انت سمين كده ساكت، ما اظن كان في زول ساله، مع انه وصف لا يسمن ولا يغني في مناقشاتنا معاهو او اساسي، بعدين كونه يجي من انسان يصف نفسة بالتعلم العالي، لدرجة ذهابة للصحراء عشان يخفف من حساسيته العالية الوصفها، اعتبرة تناقض واضح








ـــــــــ
* المصطلح العلمي هو "لفظ اتفق عليه العلماء لاتخاذه للتعبير عن معنى من المعاني العلمية، والاصطلاح بهذا التعريف يجعل للألفاظ مدلولات جديدة غير مدلولاتها الأصلية في أغلب الأحيان"Source


_________________

Quote: رحاب حبيبتي.. لسه ما حلينا موضوع التخانة ... ما تفترعي لينا التنميط بالله ده براااااه..... rummana

حاضر...
لكن يا رمانة ياخ التنميط ده ما ياهو جذر موضوع التخانة زااتو :)
كلامك ذكرني النكتة عن الحبوبة البتقول، العرس ملحوق، شوفو موضوع الولادة ده بالاول


_______________

Quote: بالكوت اعلاه يا رحاب اضمن ليك لقب كاتبة الحبشي المفضلة للربع الحالي wd albushra

انت قول كلامي عجبك يا ود البشري ياخ، تمشي تلصق اعجابك انت ده سااي بمحمد الحسن
غايتو لو ما الزول كان خايف من بوست امين و الصاق صفة الاستوساخ بي، كنت فطيت ردك ده غايتو
و لكن بما انه الزول
damned if you reply to your comment and damned if I do not
انا اخترت الداميننق الاول ده
اها و انت كاتبك المفضل منو للربع ده يا ود البشري؟

تصويب: التفسير مرفق في الهامش، و ليس الحاشية كما ذكرت عاليه

صباح الخيــر الاخت رحاب خليفة..

Quote: لحدي هنا، و ردي اكتمل لمداخلتك، الباقي ده ممكن تفطو، و اعتبرة فلسفة و جر شكل :)

فتشي البينجر وراء شكل وتنظير في الرطوبة دي منو

ـــــــــ
الحق معاك يا استاذة على انا وراجعت فعلاً كلامي والبوست لقيت نفسي إتحاملت عليــك

تقبل كل إحترامي وتقديري

لاكين كمال عباس لايوق







... المهم ....

الاخ السنوسي بدر

انا شخصيا اعتبر مثل هذا البوست من العترات بتاعتك لانو قرات لك كثيرا فكل كتاباتك كانت ملتزمة

فاتمنى انو لو شخص عايز يقيم كتاباتك ما يعتمد على هذا البوست نرجو منه قراءة معظم ماكتبت

وهذا الخطا وقعت انت فيهو شخصيا حسب كلامك لا تقرا للمدعو اساسي وتجي تقارنو مع كاتب بتقرا له جل

كتاباته اعتقد ان هنا المقارنة غير منصفة نرجو قراءة كتابات اساسي ومن ثم المقارنة

_____________

اساسي تصدق انا برضو اول يوم اشوف البوست ده يكون السنونسي بدر قاري لينا فيهو اية الكرسي

غايتو يامعلم تاني لمن تجي تعمل مداخلة اخد ليك جكه وتعال عشان الدهون والكلسترول ماياكون عندو تاثير بالمداخلة الكلام موجه لود الصائم ايضا وكل الذين زادهم الله بسطة في الجسم لوووول يكه

بعدين انت بي حجمك ده عيونك في الشركة كيف هاهاهاها انت مكانك الكلية الحربية مامنقة ديل الوحيدين

البيفضلو الاحجام العائلية وناس بدر السنوسي ديل من المعاينة الاولى بيودوهم ميزان الطول ويخارجوهم

تحياتي

زاتوووو

Quote: الحق معاك يا استاذة على انا وراجعت فعلاً كلامي والبوست لقيت نفسي إتحاملت عليــك تقبل كل إحترامي وتقديري Haider Alzain

حصل خير يا حيدر
لي سؤال، فضول مني ساكت، لكن حاكتبه في مكان تاني مناسب

أنا مع أساسي في البوست دا

يديك العافية الاخت رحاب

وتفضلي بأي استفسار في اي وقت ..

تحياتي


ـــــ