Post: #1
Title: الدبة وجعفر السقيد يزلزلان الارض فرحاً بقدوم البشير ( الان علي النيل الازرق )
Author: عبد اللطيف السيدح
Date: 04-08-2010, 11:48 AM
مباشر الان وعبر قناة النيل الازرق
|
Post: #2
Title: Re: الدبة وجعفر السقيد يزلزلان الارض فرحاً بقدوم البشير ( الان علي النيل الازرق )
Author: عبد اللطيف السيدح
Date: 04-08-2010, 11:51 AM
Parent: #1
وبرضو تعالوا يا روافض الانتخابات وقولوا تزوير
|
Post: #3
Title: Re: الدبة وجعفر السقيد يزلزلان الارض فرحاً بقدوم البشير ( الان علي النيل الازرق )
Author: عبد اللطيف السيدح
Date: 04-08-2010, 12:01 PM
Parent: #2
تسألني الرئيس اداك كم مليار
|
Post: #4
Title: Re: الدبة وجعفر السقيد يزلزلان الارض فرحاً بقدوم البشير ( الان علي النيل الازرق )
Author: عبد اللطيف السيدح
Date: 04-08-2010, 12:22 PM
Parent: #3
الرئيس الان سيقول كلاما مهما ربما في اخر خطاب جماهيري له بالشمالية قبيل الاقتراع.
|
Post: #5
Title: Re: الدبة وجعفر السقيد يزلزلان الارض فرحاً بقدوم البشير ( الان علي النيل الازرق )
Author: Medhat Osman
Date: 04-08-2010, 12:24 PM
Parent: #3
جعفر السقيد يغني للبشير....
بدر مدر يا رواسي نحن بعاد لحقنا القيفة
انت مدبج ونحن نقاسى فى برد امشير والموج والزيفة
مركبك الماليها مطارق تمشي تقيف تسرح بى كيفه
مرة مغارب ومرة مشارق وانت تخاف الريح وحفيفه
ساوها زينة وفوقها بيارق وانت مدبج توب وقطيفة
فيها المات والضاربه الفالق والسلمين فى حالة مخيفة
كل الناس ترزح في كفة وانت وناسك فوق الدفة
الدايشين والراسهم لفة والشاخصين فى المدى للضفة
صوف افضالك فوقهم جوة فوق الموية وريقهم جفة
من العطش النص اتوفى وباقى النص الفضل جيفة
....
ضاقوا المر والحال استعصى الشغال واللاحق الحصة
الواصال للرحم اتقصة والهداي مو لاقى الفرصة
الرساي سافر ما وصى خلى محمد واحمد وحفصة
الاطفال العرفو القصة سدت جوة حلوقهم غصة
من الجوع الدم اتمصة واصبح كل الحلم رغيفة
.....
كل الراكب شاف احلامه دون احساس ماتت قدامه
فنُ كتابه وكسر اقلامه لا الوالدين لا جار ما لامه
ناس الحلة القعدوا وقاموا اصر والح يمشى كلامه
هزموهو اخوانه البى الجوع نامو وكم خريج ما لاقى وظيفة
.......
يا الفكيتها وقلت لها سيرى وعارف انه الدنيا دميرى
لا فى ضفاف لا شفنا جزيرى لا فى الحيرى ولا في الطيرى
كسرت جناحها وقلت لها طيرى اتملكت الكانت ميرى
يا السودت الناصع وجيرى ايد الحق صابونى وليفة
......
قبلك كم متعلم وقاري عكس الريح فكولو الصارى
مشدوهين متعشى وحارى ريسها شلته والبحارى
كم سنوات علام البارى واقفى وهم شايفنها جارى
بقينا هلاك والقيف متضارى لا حجار لا دوحة وريفة
.....
حسك عينك ما تتمادى وتنسى الراكب عنده ارادة
الاهوال الشافها وخاضها كان فى مدرسة والا عيادة
شفنا الايد الكان اجوادة يا مبتورة يا شحادة
وياما رقاب كانت سدادة علمت الله من التعريفة
......
يا ريسنا قدر مديرك فك الدفة وادها غيرك
احفظ نفسك ترضى ضميرك وقف اوع تواصل سيرك
كان طاوعتنى شن بيضيرك عرض اكتافك وفك البيرك
لا هنى شكرا وكتر خيرك وكل انسان في الارض خليفة
|
Post: #7
Title: Re: الدبة وجعفر السقيد يزلزلان الارض فرحاً بقدوم البشير ( الان علي النيل الازرق )
Author: عبد الحكيم طه علي
Date: 04-08-2010, 12:53 PM
Parent: #5
واضح أن البشير مسنود جماهيريا وليس بحاجة لتزوير الانتخابات - ده كلام ناس جرسة ساكت يقاطعو بالليل ويرجعوا بالنهار-احزاب خرفة اجتمعت مع أحزاب مجهرية
|
Post: #8
Title: Re: الدبة وجعفر السقيد يزلزلان الارض فرحاً بقدوم البشير ( الان علي النيل الازرق )
Author: عبد اللطيف السيدح
Date: 04-08-2010, 01:37 PM
Parent: #7
| Quote: واضح أن البشير مسنود جماهيريا وليس بحاجة لتزوير الانتخابات - ده كلام ناس جرسة ساكت يقاطعو بالليل ويرجعوا بالنهار-احزاب خرفة اجتمعت مع أحزاب مجهرية |
اخ عبد الحكيم اشكرك علي مرورك والتعليق
وفعلا هذه الحشود المؤيدة للبشير في كل شبر من ارض الوطن هي التي اربكت حسابات الاحزاب
المنسحبة من السباق الانتخابي
|
|