Post: #1
Title: يا خلف الله عذبتنا
Author: khaleel
Date: 04-07-2010, 07:39 PM
Parent: #0
يا خلف الله راسك دا
فيهو دكوة
|
Post: #2
Title: Re: يا خلف الله عذبتنا
Author: khaleel
Date: 04-07-2010, 07:40 PM
Parent: #1
156
كباية شاي
انت ممتحن
|
Post: #3
Title: Re: يا خلف الله عذبتنا
Author: khaleel
Date: 04-07-2010, 07:42 PM
Parent: #2
هل دفعت المفوضية فلوس
الاسكتشات لجمال حسن سعيد
ول الراجل متبرع
|
Post: #4
Title: Re: يا خلف الله عذبتنا
Author: abubakr
Date: 04-07-2010, 07:45 PM
Parent: #3
| Quote: هل دفعت المفوضية فلوس |
معاها دكوة كمان
|
Post: #5
Title: Re: يا خلف الله عذبتنا
Author: khaleel
Date: 04-07-2010, 07:48 PM
Parent: #4
Quote: معاها دكوة كمان [/QUOTE
بكور سيد الهندسة
غايتو اكتر زول تعب في الانتخابات دي
جمال حسن سعيد
|
Post: #6
Title: Re: يا خلف الله عذبتنا
Author: khaleel
Date: 04-07-2010, 07:54 PM
Parent: #5
انت زمبة
وانت تايسون
|
Post: #7
Title: Re: يا خلف الله عذبتنا
Author: الكيك
Date: 04-07-2010, 07:56 PM
Parent: #6
والله يا خلف الله عذبتنا ...وخلف الذى اقصده الساكن القصر الجمهورى دا غصبا عننا والخلفونا كمان ..
وخلف الله ...شخصية الانتخابات الانسان الطيب الذى لم يتعلم واصبح من الصعب عليه تفهم تعقيدات الحياة الحديثة ..
جعلته الانتخابات او اختارته كواحد من رموز المجتمع المستهدفين بالتنوير والتثقيف والتعريف بالانتخابات لانه مثال لاغلبية السودانيين الذين تضرب الامية وسطهم بعد ان تحول التعليم الى تجارى بالمال وكل شىء فيه ....واصبح الفاقد التربوى يضرب به المثل فى الاحصائيات العالمية ..
لكن خلف الله القصر لا فرق بينه وهذه الشخصية المختارة بعناية ..
كل كلمة تخرج منه وكل نكتة يحكيها وكل تصرف يتصرفه لا فرق بينه وهذا الخلف الله المعنى فى عذاباته لانه لا يفهم او يستوعب بسهولة ...
زول قالوا ليه انت اخو مسلم نكر وكذب قال انا عسكرى ونكر لانه عارف انها تهمة . بعد كم سنة جا وقال والله انا اخو مسلم بالوراثة وابوى بايع حسن البنا ...
.نان حسن البنا ذاته شن طعمه ما زول حاول يصل السلطة باستغلال الدين لمن دخل فى القتل وقتل هو ايضا تدخل نفسك فى شبكى زى دى ليه يا خلف الله ..
امه ذكرت انه شارك مع زملائه عندما كان طالبا فى المدرسة الابتدائية فى ضرب ناظر المدرسة وكان هو الفتوة المتزعم لهذه العصابة قليلة الادب ثم تطورت هذه الفتوة الى ان تزعم عصابة من الاخوان المسلمين واخدوا السلطة ذاتها بالقوة والسلاح المؤتمنيين عليه وخانوا القسم الدينى والوطنى شفتوا كيف ...وبعد خيانة القسم الدينى تانى مافى غير القتل لكل من تسول له نفسه ولو بغم وتبع ذلك السرقى لكل شىء نهبوا اموال البترول وكل شىء وباعوا الاراضى للاجانب وحولوا القريشات لى برة لليوم الاسود ..
والله يا خلف الله عذبتنا وعذبت العالم كله معاك ربنا يهديك وتعرف الحق والحقيقة ..لكن متين يا خلف الله ؟
منقول عن موقع النافذة
كلام واحد فرطوق
|
Post: #8
Title: Re: يا خلف الله عذبتنا
Author: khaleel
Date: 04-08-2010, 10:46 AM
Parent: #7
سي سي يا بدوي
لا امريكا ولا الحركة ولا الاحزاب
بدوي سيوجل الانتخابات بطعنه في المحكمة الدستورية
وقبلت المحكمة الطعن وحفظت ماء وجه الجميع
|
Post: #9
Title: Re: يا خلف الله عذبتنا
Author: khaleel
Date: 04-08-2010, 10:54 AM
Parent: #8
| Quote: زول قالوا ليه انت اخو مسلم نكر وكذب قال انا عسكرى ونكر لانه عارف انها تهمة . بعد كم سنة جا وقال والله انا اخو مسلم بالوراثة وابوى بايع حسن البنا ... |
الكيك ما سمعت بي
حسن البنا يا البشير
دا العلمنا يا البشير
اخوان اخوان يا البشير
راميين قدام يا البشير
|
Post: #10
Title: Re: يا خلف الله عذبتنا
Author: عبدالرحمن الحلاوي
Date: 04-08-2010, 12:16 PM
Parent: #9
البوست دا عنوانو أبيخ إعلان في العالم ( خلف الله ) عذبتنا ...خلف الله المقصود في نهاية الاسكيتش هو البشير
|
Post: #11
Title: Re: يا خلف الله عذبتنا
Author: khaleel
Date: 04-08-2010, 12:23 PM
Parent: #10
| Quote: البوست دا عنوانو أبيخ إعلان في العالم ( خلف الله ) عذبتنا ...خلف الله المقصود في نهاية |
بالعكس خالك خليل ما بكتب عنوانين يايخة
|
Post: #12
Title: Re: يا خلف الله عذبتنا
Author: بشير أحمد
Date: 04-08-2010, 12:29 PM
Parent: #11
غايتو خلف الله ده الله يعينوا علي القبقبة
الكل يوم دي؛
ده اذا ما طلع معاهو اعوجاج في البلعوم.
__________
تحياتي ياخليل.
|
Post: #13
Title: Re: يا خلف الله عذبتنا
Author: khaleel
Date: 04-08-2010, 12:46 PM
Parent: #12
Quote: غايتو خلف الله ده الله يعينوا علي القبقبة
الكل يوم دي؛
ده اذا ما طلع معاهو اعوجاج في البلعوم.
__________
|
دكتور بشير سلامات
المهم المفوضية ما تملح الممثلين ديل وتديهم حقهم
|
Post: #14
Title: Re: يا خلف الله عذبتنا
Author: khaleel
Date: 04-09-2010, 02:52 PM
Parent: #13
فطورك علي كبدة كمان
لا افقع لي بييض
|
Post: #15
Title: Re: يا خلف الله عذبتنا
Author: khaleel
Date: 04-09-2010, 02:54 PM
Parent: #14
الولد الوقح
والله العظيم لو لا انقلاب الجبهة
نوعك دا كان يشتغل جزاز غنم
والدول الزرتها في عهد الجبهة دي عصار ما يوديك ليهو
قالو ابوك كان لما يشوف العشرة قروش برجف
|
Post: #16
Title: Re: يا خلف الله عذبتنا
Author: khaleel
Date: 04-09-2010, 03:25 PM
Parent: #15
Quote:
غريشن : كل شيء جاهز للانتخابات؟ Is everything ready for the elections?
البشير : نعم كل شيء جاهز حتى النتائج! Yes, Everything is ready, even the results
|
|
Post: #17
Title: Re: يا خلف الله عذبتنا
Author: داليا الكباشى
Date: 04-09-2010, 03:26 PM
Parent: #15
البوست دا مــــا اصـــلي .. 
|
Post: #18
Title: Re: يا خلف الله عذبتنا
Author: khaleel
Date: 04-09-2010, 03:30 PM
Parent: #17
| Quote: البوست دا مــــا اصـــلي .. |
دلوش بعدما كتبتو
حتي عرفت انو عريسك عمل واحد قبلو
ولكن الفرق كبير بين الانامل والاصابع
|
Post: #19
Title: Re: يا خلف الله عذبتنا
Author: الكيك
Date: 04-09-2010, 10:56 PM
Parent: #18
ساخر سبيل
ياااااا خلف الله ... ما عذبتنا
الفاتح جبرا
بهذه العبارة عنوان المقال تنتهى الإسكتشات الدرامية التى تبث هذه الأيام فى معظم الوسائط الإعلامية من أجل تثقيف المواطن عن الانتخابات وليسمح لى صديقى المبدع (جمال حسن سعيد) بإضافة بعض الإسكتشات..
(1)
دكان الحى.. الصباحية.. عدد من الزبائن أمام سيد الدكان بينهم (خير الله) ورفيقه.. يأتى خلف الله يحمل فى يده (جك الفول).. يلقي عليهم التحية ثم يخاطب سيد الدكان:
- بالله لو سمحتا أدينا (فول) بى جنيه وخت لينا فيهو مويت (جبنة) وزيت بى خمسمية!
- يا خلف الله الأولاد ديل ما (هردتهم) بالفول.. طوااالى فول فول فول..
- أيوه يا خلف الله يوم ياخى غير ليهم.. جيب ليهم سمك.. كبده شية..
- أجيب ليهم من وين؟ أسرق؟ أختلس قروش المصلحة!
- لا لا يا خلف الله كل حاجة ولا السرقة دى..
- طيب أعمل شنو يعنى!
- تستفيد من صوتك يا خلف الله!
- أبقى فنان يعنى..
- فنان شنو يا خلف الله هو انحنا ناقصين..
- أها يعنى أستفيد منو كيفن يعنى..
- تديهو للزول الممكن يغير ليكا حياتك ويأكلك بدل الفول ده قلوب وكلاوى وشية!
- اديهو للجزار يعنى؟
- جزار شنو يا خلف الله تديهو للزول المرشح فى الإنتخابات الإنتا عاوزو..
- والزول ده شغال شنو؟
- الزول ده ما شغال.. شغلو كلو إنو يوفر ليكا كل حاجه..
- يعنى ما عندو شغلة؟ عاطل يعنى؟ طيب ح يجيب ليا الكبد والكلاوى دى من وين؟
- يا خلف الله هو بجيبا ليك.. انتا مالك ! يااااا خلف الله ما عذبتنا!!
(2)
خلف الله وخيرالله ورفيقه يجلسون أمام دكان خيرالله.. تأتى إمرأة تخاطب خيرالله:
- خيرالله ياخوى أدينى الأمانه السلمتك ليها!
- (يخرج كيس صغيرمن جيبه يسلمها لها): أهو دى أمانتك زى ما هى..
- شكراً يا خيرالله..
- (يلتفت إلى خلف الله): أداء الأمانات ده يا جماعة ربنا بيسألنا عنو يوم القيامة!
- مواصلاً - إنتا عارف يا خلف الله انو صوتك ده أمانة؟
- صوتى؟ صوتى كيفن أمانة؟ فى زول أمنى ليهو وح يجى يشيلو منى والله ده الفضل..
- لا يا خلف الله مافى زول أمنك ليهو لكن صوتك ده أمانه لأنك لازم تمشى تديهو لى زول!
- وأمشى بدون صوت يعنى!
- لا يا خلف الله صوتك مافى زول بيشيلو منك!
- كيف يعنى؟ مش قلتا ليا ح أمشى أديهو للمرشح الأنا أختارو؟
- أيوه يا خلف الله .. إنتا ح تدى صوتك للمرشح لكن صوتك ح يكون معاك!
- يعنى أنا ده .. خلف الله ده .. عندى صوتين!
- يا خلف الله عندك صوت وااااحد ياخ وإنتا حر تديهومنو.. ! يااااا خلف الله ما عذبتنا!!
(3)
أمام أحد المدارس .. خلف الله يمسك بيد طفله الذى ينخرط فى نوبة بكاء شديد وهو يمسك بشنطة المدرسة .. يقابلانه خير الله ورفيقه فيستوقفانه:
- خلف الله إزيك .. الولد ده مالو بيبكى..
- طردوهو عشان المصاريف..
- طيب ما تدفعا ليهو يا خلف الله ما حرام عليك..
- يا جماعة إنتو ما عاقلين؟ أنا عندى ستة فى المدارس أدفع ل منو واللا لى منو..
- خلاس يا خلف الله المسألة ح تفرج بإذن الله!
- جبتو ليا (لوترى)!
- لوترى شنو يا خلف الله.. الإنتخابات.. الإنتخابات..
- الإنتخابات ياتا؟
- كيفن ياتا؟ الإنتخابات الواااحدة دى يا خلف الله..
- ودخلها شنو بى رسوم المدارس..
- كيفن دخلها شنو؟ إنتا تمشى تدى صوتك للمرشح البريحك .. للمرشح البيدعو لى مجانية التعليم..
- وده أعرفو كيف؟
- أى مرشح يا خلف الله عندو برنامج..
- يعنى شغال مذيع؟
- لا لا يا خلف الله برنامج إنتخابى بيورى فيهو الحاجات الح يعملا للمواطنين بعد ما يفوز!
- طيب لو ما فاز؟
- يا الله يا خلف الله.. إنتا بس صوت ليهو.. بعد داك لو ما فاز إن شاء الله ما يفوز.. ! يااااا خلف الله ما عذبتنا!!
(4)
داخل إحدى الصيدليات يقف خلف الله وهو يحمل إبنه المريض على كتفه ممسكاً بالروشتة فى إنتظار دوره لصرف الدواء.. يدخل خير الله ورفيقه:
- خلف الله! إن شاء الله ما عندك عوجة..
- لا بس الولد عيان عندو حمى وجسمو زى النار والدكتور كتب ليهو الروشتة دى (يعطيها للصيدلى)..
- (الصيدلى يحضر الحبوب والدواء ثم يخاطب خلف الله): ستة وسبعين!
- شنوووو؟
- ستة وسبعين!
- (خلف الله يقع مغشياً عليه ثم بعد أن يفيق): يا جماعة بس معقول.. شوية مضادات وفتيلين دواء بى ستة وسبعين..!
- يا خلف الله ده كووولو ما منك إنتا..
- فى إستغراب: منى أنا؟
- أيوه منك انتا لانك ما بتستعمل حقك الديموقراطى وتختار الزول البخلى ليكا الدواء ده رخيص..
- والزول ده ألاقيهو كيف؟
- الزول ده يا خلف الله ما بلاقوهو.. بصوتو ليهو بس.. انتا بس تمشى محل الإقتراح وتديهو صوتك..
- ما بلاقوهو كيفن أنا ح أصوت للرجل الخفى؟
- ما بلقوهو يا خلف لله يعنى لمن تمشى مركز الإقتراع عشان تصوت هو ما بكون موجود انتا بس ح تخت البطاقة الفيها اسمو والرمز بتاعو فى الصندوق!
- أها طيب بعد ما يفوز أنا ح ألاقيهو؟
- تلاقيهو شنو يا خلف الله؟ إنتا بتبالغ هو ح يكون فاضى ليكا؟! يااااا خلف الله ما عذبتنا!!
كسرة:
خلف الله يتساءل: معقولة الناس دى كوووولها تعبانة.. ملصقات.. دعايات.. صور.. حملات إنتخابية .. ده كووولو عشانى؟؟
الرأي العام
|
Post: #20
Title: Re: يا خلف الله عذبتنا
Author: قرشـــو
Date: 04-09-2010, 11:13 PM
Parent: #19
Quote: غريشن : كل شيء جاهز للانتخابات؟ Is everything ready for the elections?
البشير : نعم كل شيء جاهز حتى النتائج! Yes, Everything is ready, even the results
|
سلام يا خليل
قلت لى غريشت طلع مؤتمر قومى ؟؟؟؟
الله يجازى محنك ياخى
|
Post: #21
Title: Re: يا خلف الله عذبتنا
Author: Tragie Mustafa
Date: 04-09-2010, 11:26 PM
Parent: #20
تسلم يا خليل ويسلم راسك ورأس خلف الله.
لما يعرف اهمية صوته الانتخابي.
شكرا اخي الكيك ان نقلت لنا صوره حيه عن برنامج جمال حسن سعيد.
Quote: سلام يا خليل
قلت لى غريشت طلع مؤتمر قومى ؟؟؟؟
الله يجازى محنك ياخى |
يا جماعه بقى في حاجه اسمها مؤتمر قومي. !
|
Post: #22
Title: Re: يا خلف الله عذبتنا
Author: عبدالكريم الامين احمد
Date: 04-10-2010, 00:31 AM
Parent: #21
هلا يا ابو خليل
وخلف ده مرشح رئاسي في التعديلات التي عملمناها مع المفوضية الاسفيرية بهناك
وممكن نديهو رمز الدكوة
|
Post: #23
Title: Re: يا خلف الله عذبتنا
Author: khaleel
Date: 04-10-2010, 11:09 AM
Parent: #22
Quote: هلا يا ابو خليل
وخلف ده مرشح رئاسي في التعديلات التي عملمناها مع المفوضية الاسفيرية بهناك
وممكن نديهو رمز الدكوة |
كيكي وصلني شمار الانتخابات في عند اهلك في سنار وهم يهتفون للتوم هجو
نحن رضينا هجو والينا وهتاف اخر يقول
شجرة هزيلة حلفنا نزيلا
|
Post: #24
Title: Re: يا خلف الله عذبتنا
Author: khaleel
Date: 04-10-2010, 11:13 AM
Quote: قلت لى غريشت طلع مؤتمر قومى ؟؟؟؟
|
قرشو الامام الصادق قال
الانتخابات بدون حزب الامة
تحولت من مونديال لكرة شراب في العباسية
|
Post: #25
Title: Re: يا خلف الله عذبتنا
Author: khaleel
Date: 04-10-2010, 11:21 AM
Parent: #24
Quote: - خلف الله! إن شاء الله ما عندك عوجة..
|
عائز حق الفطور
وعشرة جنيه دين بالغ خلف الله في الشحدة
|
Post: #26
Title: Re: يا خلف الله عذبتنا
Author: khaleel
Date: 04-10-2010, 11:30 AM
Parent: #25
| Quote: يا جماعه بقى في حاجه اسمها مؤتمر قومي. ! |
ترجرج
الله يستر من الجوطة
|
|
|