يا جماعة زول يديني راسي!!!

قسما بالله أنا واحد من أجهل خلق الله بالسياسة!

الناس الايام دي بتحضر القنوات الاخبارية وانا شغال بي ناشيونال جيوغرافيك!

الناس في برامج الإنتخابات أنا متابع برنامج مملكة الغابة!

الناس في التزوير وانا مستمتع ببرنامج حقيقة أم زيف..برضو في ناشيونال جيوغرافيك!

المهم عاوز زول سياسي مقرم كدا يوريني الحايحصل شنو!

والحايفوز منو وليه وانا كزول (فاضي) ساكت بتاع (ماسياسة) وضعي حا يكون شنو!

عليكم الله أعملو خدمة في أخوكم سريع عشان ما تفوتني حاجة أو تفاجئني مصيبة!

كان صدقتني !!

ولاّ كان كذبتني وقلت دي من ناس قريعتي راحت ساكت

الحاصل في مجمله :

( نرى شجــــــرا يسير)

ولييه ؟؟!
دي إلا يجوك الجماعة القلتهم كان عارفين هم ذاتهم حاجة (وش عيونه ماشة شمال يمين)


اما عن وضعك كما هو ؛ مريخاااابي مآكل شارب حامد ربك

غايتو شكلي بقيت أفهم سياسة لانه الكلمة الملونة أخضر دي أدتني أحساس إنها رمز سياسي

Quote: مريخاااابي مآكل شارب حامد ربك

كان كدا لو حكما (درمة) ولا (سبت لبراتو) ما عندي مشكلة بس ما ينحازوا لي فريق على حساب التاني!!

Quote: والحايفوز منو

لا رأى يعلو على رأي الملكة.


نصحيتي ليك لا تحاول تفهم الفات .. ركز على الاعلانات بعد 12 ابريل.

Quote: نصحيتي ليك لا تحاول تفهم الفات .. ركز على الاعلانات بعد 12 ابريل.

غايتو في إعلان واحد مر علي ما عارف حا يستمر ولا لا...ما عارف خلف الله حا يواصل في عذاب الجماعة ولا لا!!

سامي
أزيك
أنا أجهل فوق جهل الجاهلينا ، بس كان لازم أعمل فيها سياسي محنك وهيئة دبلوماسية كمان بدخولي في هذا البوست. ورغم أنني ربما حاكي حالي حال حمار الشيخ سيرو في العقبة وما أدراك ما العقبة ، لكنني وجدت مخارجاً إضطررت معه للنجاة ورضيت من الغنيمة بالإياب خاصة وأنني سوف أكون قاعد في المقعد المجاور للشباك يعني مش في كرسي النص قرصه للسواق عشان يقيف وبرضو دفره ليك إنت عشان تقيف وتفسح الطريق.
الموضوع كان يكون ممكن الحكم عليه لو كان هناك شفافية أو كان هناك رقابة أو كانت هناك برامج إنتخابية تحترم أو حتى جمهور ناخب يعرف ما له وما عليه. لكين الحكاية بكلام أمصارنا وبوادينا ومرابطنا هي عايره وفي أثناء هذا الهيجان والغليان تم إعطائها سوط مش إنتخابي أو من ناخب لا كرباج يا عمك وبالتالي زادت الطين بله أو في السرعه زيد لا فرق.
الجماهير هي التي ستحسم المعركة حتى في وجود التزوير – أنا عارف ما جبت جديد – لكين حا تحسمها كيف يعني
شفت الناس الغبش ديل حا يلعبوا دور إبن كلب جداً في تحديد الفايز والدور إبن الكلب ده للأسف ما حا يكون بي مزاجهم أو إختيارهم ، تصور !! كيف الكلام ده ؟ ببساطه الجماهير كانت ولا زالت اللاعب رقم (1) في مسرح التغييرات السياسية والإجتماعية ، يعني ممكن تلعب دور سلبي جداً يعني تدعم ليها قوي إستبدادية أو إيدلوجيات فاشيه مخستكه كمان وتكون أوصلت تلك البلاوي للسلطة وممكن تلعب لعبه صاح يعني تقدم تضحيات عظيمة فيكون لدورها الإيجابي أثر في العملية برضو ، المهم الجماهير قادرة على الجمع بين النقيض والنقيض بين الضد والضد فهي قوة مدمرة وهي كذلك قادرة على أن تقدم التضحيات في ذات الوقت ، المهم من الخاصية دي الأحزاب والساسه عرفوا من أين تؤكل البلد فأصبح تجييش الجمهور وتعبئته هو أقصر الطرق لتحقيق المصالح أو المطالب الحزبية الضيقة خاصة وأن الجمهور في أمور كهذه يتمتع بروح من الإنفعالات البدائية إن جاز لي قول ذلك وبالتالي تكون بعيدة عن التفكير العقلاني ، يعني خسي تلقي ليك واحد وسط مجموعة ممكن يعمل ليك حاجات لو خلوهو براهو وقالو ليهو أعملها تاني ما بقدر. ودي قالوا في علم النفس بسموها ذوبان الفرد في الجماعة وبالتالي الحكاية بتكون دايره ليها مايسترو يقود الجماعه دي في أى إتجاه.
سامي كيف معاك في السياسة وبالأحمر كمان ولا أحسن لي أتكلم عن كابوندي وكانون ياوندي أصلها ديك سااااهله مويه

Quote: سامي كيف معاك في السياسة وبالأحمر كمان ولا أحسن لي أتكلم عن كابوندي وكانون ياوندي أصلها ديك سااااهله مويه

لا لا لا الشغلانة ما دام معقدة كدا وماخدا سوط في ضهرا!

أخير خلينا في الراجينا لو ترجي لو إسماعيلي (الكاتل الله والحي الله)

يا سامي كلامك كلام عقل والعقل زينه – معذرة المرة دي in blue جات بالصدفه

بالله عليك.....اخيرا طلع من ناس خلف الله

طيب وكيل المرشح وليد الشفت يطلع منو

انا اسى قلت سامى دا لابد ليه فوووووق دائرة
اسى يعنى طلعت مسطح سياسة
طيب احسن نجيب ليك اقامة



يازول فى طريقة تجرو لينا الترجى دا برا المجموعات

Quote: يا جماعة زول يديني راسي!!!

تعمل بيها شنو
تقول راس كلتشي

مشتاقين يا سامي اخوي

ابقوتة سلامات!

الترجي اعصابه بايظة إنت قايلو أدانا 16 في تلات مباريات!

ركنية!

عليك الله أنا ما فاضي ليك انا عاوز زول سياسي يورعني

Quote: تعمل بيها شنو تقول راس كلتشي

جنس حسادة عليك!

إن شاء الله اهوززا سااااااكت!

سامي كيفنك؟؟؟
وبركه الشفناك طيب

يا اخوي خليك في قنواتك وكورتك احسن لك.

ويا ملا عمر مبالغه انت في الكتابه الساخره

Quote: الموضوع كان يكون ممكن الحكم عليه لو كان هناك شفافية أو كان هناك رقابة أو كانت هناك برامج إنتخابية تحترم أو حتى جمهور ناخب يعرف ما له وما عليه. لكين الحكاية بكلام أمصارنا وبوادينا ومرابطنا هي عايره وفي أثناء هذا الهيجان والغليان تم إعطائها سوط مش إنتخابي أو من ناخب لا كرباج يا عمك وبالتالي زادت الطين بله أو في السرعه زيد لا فرق.

يعلم الله عايره و ادوها صوت.

ربنا يكون في عون شعبنا.


عارف يا سامي ولو متذكر في فتره الكورة السودانيه دي انحطت انحطاط مبالغ فيه متذكر؟؟؟
اعتقد في الثمانينات!!يا ترى متذكر الاسباب شنو؟؟؟


اهمال التمارين....و الانضابط وعدم الالتزام.

تلقى اللاعب نبغ شويه في دافوري الحله اختراه نادي من اندية ما يسمة تجاوزا اندية القمه
خلاص عمك يفتكر نفسه بقى مردونا ولا بيليه....ينجعص ويعرف دروب الجكس ويبطل تمارين ويترخرخ!
وتجيء المباريات ولتقى رئيس النادي بارك للفقراّّ!! الي ان مسحوا بمسعتنا الارض.


الحمده لله المرحله ديك انتهت ووصلنا مرحلة استيراد المدربين وتسجيل لعيبه عالمين اهمها احضروا لينا
ثقافة الانضباط واهمية الموظبه على التمارين. وموضع الفقرا لسه في بس بشكل مخفف!!


هنا فعلا ممكن نلقى كوره مختلفه!


اها سياستنا حاليا تشابه مرحلة انحطاط الكورة السودانيه و اللاعب الاساسي فيها الفكي!

Quote: يعلم الله عايره و ادوها صوت. ربنا يكون في عون شعبنا. عارف يا سامي ولو متذكر في فتره الكورة السودانيه دي انحطت انحطاط مبالغ فيه متذكر؟؟؟ اعتقد في الثمانينات!!يا ترى متذكر الاسباب شنو؟؟؟ اهمال التمارين....و الانضابط وعدم الالتزام. تلقى اللاعب نبغ شويه في دافوري الحله اختراه نادي من اندية ما يسمة تجاوزا اندية القمه خلاص عمك يفتكر نفسه بقى مردونا ولا بيليه....ينجعص ويعرف دروب الجكس ويبطل تمارين ويترخرخ! وتجيء المباريات ولتقى رئيس النادي بارك للفقراّّ!! الي ان مسحوا بمسعتنا الارض. الحمده لله المرحله ديك انتهت ووصلنا مرحلة استيراد المدربين وتسجيل لعيبه عالمين اهمها احضروا لينا ثقافة الانضباط واهمية الموظبه على التمارين. وموضع الفقرا لسه في بس بشكل مخفف!! هنا فعلا ممكن نلقى كوره مختلفه! اها سياستنا حاليا تشابه مرحلة انحطاط الكورة السودانيه و اللاعب الاساسي فيها الفكي!

يا تراجي التمنينات كانت الكورة فيها متألقة ومتأنقة وفيها تعددية كمان (المريخ جاب فيها كاسين) والهلال وصل النهائي وكانوا (مأتلفين)!

ما أظنها تدهورت في التمانينيات

يعنى لو طلعته انت سامى عبد الوهاب اخو كمال عبد الوهاب لاعب المريخ....تكون قصه عجيبهههههه...و اكون لقيت لى زول قديم اقدم من الكسره.......و لو ما انت برضه ما مشكله خليك على كده؟؟؟؟؟؟؟؟؟؟؟

Quote: و لو ما انت برضه ما مشكله خليك على كده؟؟؟؟؟؟؟؟؟؟؟

يعني أواصل في حكاية إني سامي عبد الوهاب الما أخو كمال عبد الوهاب عااادي ما فيها حاجة!؟؟؟

كدا معاي تمام لأني متعود على كدا من زمان أوي

اصلها دى حركاتك , كلامك نصه خارم بارم؟؟؟؟ و الله عرفتك من قلت عاوز لى زول مقرمبتاع سياسه طوالى عاينت للاسم ...قلت دا يكون سامى...نقشتك و طلعت ما سامى عبد الوهاب اخو كمال عبد الوهاب برضه ما مشكله عادىىىىىىىىىىىىىىىىىىىىى خليك على كده.................