عزام حسن فرح بالله ادخل برجلك اليمين

رحبوا معي بعودة اخوكم (عزام حسن فرح )
الذي فقدة المنبر طويلا
الاستاذ الاديب (عزام حسن فرح ) بينكم الان
واشتقنا الى كتاباتة المموثقة
وسوف نوثق لهذا التاريخ 2010/4/6
الذي عاد لنا فيه
ياوهبة
ويابدر الدين اسحاق
(انتو مصدقين )

واتمنى واتمنى ان يكون اول المرحبين
اخونا ( بريمة )











-------------
عزام ياخي مشتاقون

مرحبا بعودته، فعزام ترك لنا فراغاً عريضا
وأتمنى أن يتم التصافي بينه وبين الأخ بريمه
تحياتي

مرحبا بعودة عزام حسن فرح ,,

فوق من اجل حتى ياتي ( بريمة ) لاستقبال اخية (عزام حسن فرح ) بالاحضان
ويضربوا لنا اسمى غايات التصافي














------------------------
عزام يظهر الناس دي ماعايزاك استقبلوك نفرين فقط (هههههههه )

يا وليد ما تكون كذبة أبريل!!
حقيقة اشتقنا لمناكفات عزام و قلمه المتميز..قول ليهو لو رجعت قصر لسانك الما عربي دا شوية.

Quote: يا وليد ما تكون كذبة أبريل!! حقيقة اشتقنا لمناكفات عزام و قلمه المتميز..قول ليهو لو رجعت قصر لسانك الما عربي دا شوية.

ياود حمد
تخيل انا زاتي قلت كده ياها (كذبة ابريل )
لكن لسانو الطويل إلا نحرش ليهو بت ابراهيم
ما عارف لوكان لسانو عربي كان عمل لينا شنو ( نجاض قبور )

عمار
فيصل
مشكورين على المرور الانيق

والله آلاف الترحيبات بالأستاذ عزام حسن فرح
نتشوق لحروفه الرصينة

شكرا أستاذ
وليد عبد اللطيف

الف الف الف مرحبا بالاخ / عزام حسن فرح

افتقدنا قلمك زمن تحياتى لك

شكرا كابتن وليد ....

مودتى ...

حقيقة يا وليد
الاخ عزام حسن فرح ،
له شعبية كبيرة وتقدير من كل اعضاء المنبر ،
شخصية عزام شخصية فذة ، وكاتب واديب مرموق ،
فهو ابن موسوعة والده البروف حسن فرح ،
فذاك الشبك من ذاك الاسد ،
فالف مرحب بالاخ عزام حسن فرح ،
والف مبروك لناس ( الشعبيــة )








عزالدين عباس الفحل
ابوظبي

اهلا بعودة قريبى عزام حسن فرح
الف الف مرحب والله

..

شكرا ياوليد

ياهلا وغلا
الف الف مرحب بيك ياعزام

الف الف الف مرحب بعودة

دينمو المنبر الرائع المبدع

الاخ عزام حسن فرح

شكرا اخي وليد

تحياتي واحترامي

يا ولــي زولنــا دى طوالــى توووووووووووووووووووووووووووووووووووووش


جــه خاشــى بيــه ضهرو ...


فاتــح ليهــو ندوة جماهيرية بعنوان الوضع السياسي الراهــن ...


الزول دى راســــو قــوى زى ( عم فرح ) الله يرحمــو ...


غايتو زولنــا ومجبوريــن عليهو ...


خــششششش يا دفعــة كان مــا شالك المنبر اشيلك جــوووووووه ( العايزو انت ) .

Quote: جــه خاشــى بيــه ضهرو ... فاتــح ليهــو ندوة جماهيرية بعنوان الوضع السياسي الراهــن ...

بدر الدين اسحاق
زولي دا ما خليل فرح

Quote: غايتو زولنــا ومجبوريــن عليهو ...

والله كمان متنقع تنقعة حتى ماعايز يدخل للجموهر ويلوح
ليهم بترحيبه

على قول منير (غايتو جنس غايتو )

وليد

Quote: حتى ماعايز يدخل للجموهر ويلوح ليهم بترحيبه

ياخ الدنيا إنْتِخابات ... هسِع شفت مُرشح كُل شوية يمرِق لِجمهورو يِلَوِح ليهم ... يعني الحيِوضع البرامِج قَيد التنفيذ منو؟ إنتو إتْجمهرو وأنا بعد ما أطمئِن على إنو السِياسات نزلت أرض الواقِع ، بمُر عليكُم ... ما تعملو لي شامي كابور وتضحِيات واللون ده ... إنتو قاعدين قاعدين ... بي قاعدين بِدوني قاعدين ... يا وليد ما تخرِب البوست مِن تأييد ومُناصره إلى مُظاهرة ... وبعدين طعِمو لينا التأييدات والتهاني بِأصوات مُحايدة أو مِن جهوِيات تانِية ... أكتِب رسائِل حث فيها البشر ديل إنهم يجو بِجاي يِقولو كلمتين ويفوتو ... الحركة دي بِتدي زخم وألق لِلعمود وأهدافو النبيلة

الأخ وليد سلامات

شكراً على الأخبار الحلوة

ومرحباً بعودة الأخ عزام

Quote: واتمنى واتمنى ان يكون اول المرحبين اخونا ( بريمة )

نرجو ذلك ونشجعه

وبالمرة كده نشوف بشاشا كمان

.
.
.
عزام حسن فرح

زي كان هنا

Quote: نرجو ذلك ونشجعه وبالمرة كده نشوف بشاشا كمان

الاخ حسن حماد
فعلا نتمنى مرور بريمة محمد وبشاشا ايضا

الأخ وليد عبداللطيف

أنت لا تمثل طرف محايد فى أى مصالحة تتم بينى وبين عزام

مع ذلك أقدر مجهودك .. فى حكاية أضبحوا توركم وأنطوا زولكم

وأنا ليس تور يذبح هكذا؟

ومرحب بالحوار ..

المَوقِف السِياسي


بريمة

مرحباً بقريبي عزام حسن فرح

صاحب القلم المشبع بالتاريخ والإرث

افتقدناك فعلاً لا قولاً

التحايا لصاحب البوست والوراد

Quote: الأخ وليد عبداللطيف أنت لا تمثل طرف محايد فى أى مصالحة تتم بينى وبين عزام مع ذلك أقدر مجهودك .. فى حكاية أضبحوا توركم وأنطوا زولكم وأنا ليس تور يذبح هكذا؟ ومرحب بالحوار ..

الاخ بريمة
ياخي الواحد سعيد بمعرفتك
شوف لو كان اخي شقيقي يفعل كما تفعلون انت وعزام لكنت دخلت في نصكم
وجمعتكم مره اخرى
صحيح عزام صديق وعرفناه من المنبر هنا
وسبق دخلنا وتكلمنا معكم انا ودكتور امير قناوي في طريقة حواركم
الذي ممكن يصيب اطراف اخرى بالاساءه
وسبق في بوست حكيم برضو تدخلت ورغم انهم يقولون انت البادي في الغلط عليهم
برضو قلت لهم هذه ليس من صفات اهل الشمال
شوف يابريمة كثيرا ما اختلف مع اخي عزام
وهذا ليس مبرر ان اتفق معه كثيرا
ودعوتي اليك عشان تبدو صفحة جديده ومافي داعي للمهاترات
ياخي اهلك ذنبهم شنو
اهل عزام ذنبهم شنو
الناس الحولكم ذنبهم شنو




على كل حال برضو مشكور المرور يا( بريمة )

الأخ وليد

أنت وأمير قناوى طرف فى المهاترات ..

Quote: وسبق في بوست حكيم برضو تدخلت ورغم انهم يقولون انت البادي في الغلط عليهم

أنظر أحكامك المسبقة .. !!!!

أكتب ما تشاء عن أخيك عزام وأتركنى وشأنى ..


بريمة

مرحبا بعودتك اخي عزام نورت المنبر والله

نشكر كل المرور والمرحبين بالاخ عزام فرح
وكما قلت في بدايات مداخلاتي اتمنى ان يكون اول المرحبين
اخونا (بريمة )
عاد الاخ بريمة ( واطلق رصاص الاتهام علينا انا ودكتور قناوي )
ولا اخفي عليكم رغم الصداقة الكبيرة التي تجمع دكتور قناوي بالاخ عزام
كادت ان تنتهي بسبب بوست عزام وبريمة وحتى الاخ بريمة ممكن يجيب ليكم الرابط
وتنظروا مداخلات دكتور قناوي مع عزام
واقول كلامي هذا بكل امانه وليس لسبب اخر في نفسي
بس لكي اوضح لكم الامر ولو انها اشياء خاصة
يفترض كنت لا ابوح بها هنا بس لانك اتهمت طرف اخر (دكتور قناوي)
وهو ليس موجود

الاخ بريمة
والله اعزك كما اعز اخونا عزام
وبالنسبة لي ليس بينكم فرق ولا افضل التاني على الاخر
واذا في يوم من الايام صدر مني شيء تجاهك اها قدام الناس دي
بعتزر ليك ولو كنت امامي كنت بوست ليك راسك كمان
اكتر من كده في
ياخي الموت علمنا ان الدنيا مافيها فايدة وافضل شيء هو عمل الخير والكلمة الطيبة
شوف انت كم فقدت عزيز لديك كما نحن بالمقابل اليس هذه دروس وعبر
بأن نعي الدرس





------------------
الشكر لكل المرور

وليد عبداللطيف

Quote: ولا اخفي عليكم رغم الصداقة الكبيرة التي تجمع دكتور قناوي بالاخ عزام كادت ان تنتهي بسبب بوست عزام وبريمة

والله بريمة ده لو رفعو بِالقَوة ألف ، ما يخليني أفكِر إني ألوم ليهو أمير قِناوي

هسِع أنا موقوف لي قريب 3 شهور شفت فيها بريمة ده كتب حاجة فوقا ... حياتو الإسفيرِية
بِقت مُرتبِطة بِعزام حسن فرح

أنا قررت ما أشتغِل بيهو تاني (والله يصبِرني على الحِكاية دي) لأنو بِضَيِع لي زمني في الفارغا ساي
وبعدين الدايِر أنا أقولو كُلو قلتو والأرشيف موجود ... هو هسِع لافي في ظِلال البوستات الأنا كُنت
برد فيها عليهو ... مسكين ما عِندي وجود إسفيري مُعتبر إلا بعد ما ظهرت أنا في أعمِدتو الكُنت
بنقُد فيها إدعاءِهِ بِالعروبة وإهاناتو لأعمال شريفة ... وأنا بطلُب منكُم لو عِندي خاطِر إنكُم
تنسوهو ... خلوهو يجي ناطي ويكتِب كلمتين ويمرُق ... الحركة دي بتريِحو شوية

الزول و الله انا معجب به رغم عدم العرفة

يوم لقيتو عاصر ليهو واحد مفتري في هذا المنبر واحد زي رجل اعمال كده


تابعت العوة الى نهايتها ،،، امانة ياعزام ماك بطل


صلب ،،مثابر ،،، لايوق ،،، حسكنيت ،،، ضريسة


وكالتيس في قراعك للخطوب وكالورد في اريج مودتك

عبدالملك يوسف الملك

Quote: وكالتيس في قراعك للخطوب

أمانةً عليك يا عبدالملك ... هسِع ديوان العرب جت ما عِتِرْت فوقو عِلا تيس ود الجهم ده تشبهنو بيهو ... صحي وشي طويل أي نعم لكِن ما كان تفتِش لي شيتًا تمرُق أخوك مِن الزريبة دي ...

الوليد سلامات

Quote: صلب ،،مثابر ،،، لايوق ،،، حسكنيت ،،، ضريسة وكالتيس في قراعك للخطوب وكالورد في اريج مودتك

اصبت الحقيقة فى مقتل يا ودالملك فهو كذلك

Quote: اصبت الحقيقة فى مقتل يا ودالملك فهو كذلك

شكيتك على الله يا عبدالملك ... الظاهِر ماني مارِق مِن تيسك ده

حسن حماد محمد إزَيك ياخ ... علك طََيِب