Post: #1
Title: في تــصريح بائس جديد، البشــــير : (البمد راســـو علينا بنديــهو فوقــه)
Author: سعد مدني
Date: 04-06-2010, 01:30 PM
البشــــير : (البمد راسو علينا بنديهو فوقه)
صحيفة آخر لحظة
الثلاثاء, 06 أبريل 2010 07:57
|
Post: #2
Title: Re: في تــصريح بائس جديد، البشــــير : (البمد راســـو علينا بنديــهو فوقــه)
Author: سعد مدني
Date: 04-06-2010, 01:31 PM
Parent: #1
الزول فقد المنطق ولا شنو !!!
|
Post: #3
Title: Re: في تــصريح بائس جديد، البشــــير : (البمد راســـو علينا بنديــهو فوقــه)
Author: سعد مدني
Date: 04-06-2010, 01:35 PM
Parent: #2
Quote: أبوحراز: الحاج عبد الله: نجلاء عمر
تعهد المشير عمر البشير رئيس الجمهورية مرشح المؤتمر الوطني للرئاسة بوضع قانون جديد لمشروع الجزيرة لتأهيله، مؤكداً وضع رؤية وأسلوب متقدم لتطويره، قاطعاً بعدم بيع المشروع لأيما جهة، وقال (ما يغشوكم ويقولوا ليكم نحن بعناه)، مشيراً لوضع الزراعة والرعي والصناعة ضمن أولويات المرحلة. وقال البشير- خلال مخاطبته لقاءات متصلة بـ«أبوحراز» و«الحاج عبد الله» بولاية الجزيرة في إطار تدشينه لحملة حزبه أمس- قال ننظر حالياً لتمويل بعض المشروعات بالجزيرة كمصانع السكر، ملتزماً بتأهيل مشروع شرق الجزيرة، بجانب استكمال طريق الخرطوم العيلفون أبوحراز. معلناً عن قيام مشروع غرب الحوش بمساحة (30) ألف فدان، فضلاً عن قيام جامعة أبوحراز وكلية للقرآن الكريم وإحياء مجمع الشيخ دفع الله المصوبن الذي تم انشاؤه قبل (500) عام.
وسخر البشير من الاحزاب التي ادعت تزوير حزبه للانتخابات، وقال (لمن تأكدوا بأنهم سيسقطوا في الانتخابات قالوا انها مزورة وان الوطني زورها)، واضاف انتظروا المبعوث الامريكي سكوت غرايشون (عشان يقول لينا كده وكده لكنو كان واعي)، مؤكداً احترامهم ( لكل من يحترمنا). وأردف (والبرفع راسو بنديه في راسو). واضاف (ما بنسلم البلد لخائن أو عميل) داعياً للتمسك بشرع الله والبعد عن الرذيلة. وأردف الذين يريدون الغاء قانون النظام العام (دايرين المفسدة واشاعة الرذيلة). واستدرك لكننا نريد بناء الفضيلة للأجيال المقبلة. وفي السياق أكد البروفيسور الزبير بشير طه- والي الجزيرة مرشح الوطني لمنصب الوالي - عدم وجود ما يسمى بالسودان الجديد في المرحلة المقبلة، معلناً عدم الرجعة عن مباديء الدين والشريعة الاسلامية، مباهياً بجماهير حزبه بالولاية، وقال هذا اللقاء احتفال بالفوز.من جانبها أعلنت خلافة السجادة القادرية بأبي حراز مبايعتها للبشير ودعم ترشيحه لرئاسة الجمهورية، بجانب دعم الزبير بشير طه مرشحاً لولاية الجزيرة. |
|
Post: #4
Title: Re: في تــصريح بائس جديد، البشــــير : (البمد راســـو علينا بنديــهو فوقــه)
Author: سلمى الشيخ سلامة
Date: 04-06-2010, 04:23 PM
Parent: #3
| Quote: عدم وجود ما يسمى بالسودان الجديد في المرحلة المقبلة، |
يعنى هو القديم زاتو نحنا لامين فيهو
حسبى الله ونعم الوكيل
يمهل ولا يهمل
يمهل ولا يهمل
|
Post: #5
Title: Re: في تــصريح بائس جديد، البشــــير : (البمد راســـو علينا بنديــهو فوقــه)
Author: احمد محمد بشير
Date: 04-06-2010, 04:27 PM
Parent: #4
أها أنا أسع مديت راسي ...... بتعمل لي شُنو يا أبو صلع يا (مصيبة السودان)؟!
تقول البلد حقت أبووهو.
_______
معليش يا أخونا في البوست ,, رديت علي المواطن عمر البشير دا بي إسلوب زي أُسلوبو
|
Post: #6
Title: Re: في تــصريح بائس جديد، البشــــير : (البمد راســـو علينا بنديــهو فوقــه)
Author: rummana
Date: 04-06-2010, 04:41 PM
Parent: #4
أمبارح شايفاه في الجزيرة رافع عكازه وبيصرخ "البقل أدبه علينا بنقطع ليه لسانه"
معقول رئيس يتكلم بأسلوب زي ده؟ ويا ريته لو كان بتكلم على عيال صغار يااخوانا حرام عليه نحن بنقرب نتلاشى من كتر الخجل من كلامه قدام "الجماهير" اللغة العربية دي ما بحر ما بقدر يلقى فيها البناسب تهديداته غير الكلام الركيك ده أظنه بنسى مرات انه رئيس
نصيحة للرئيس القادم: لا للقاءات الجماهيرية، بلا فضايح
|
|