Post: #1
Title: الجوير غرب شندي على الانترنت.
Author: معاذ حسن
Date: 04-06-2010, 08:36 AM
Parent: #0
http://www.elgweir.com
المتواجدون الآن: 2 (أنا والمشرف).
أكبر تواجد بالمنتدى كان: 7 بتاريخ 04-03-2010 الساعة 06:14 PM
هذه ضربة البداية
ادونا ستة شهور يا شباب ان ما ضربنا ليكم سودانيز اون لاين
شنبي دا يقوم في مفوضية الانتخابات (على قول احدهم)
بمجهود مقدر من الاستاذ اكرم محمد احمد
والاستاذ نور الجليل ود البدري واخرون
أبناء الجوير يلتقون على الانترنت.
|
Post: #2
Title: Re: الجوير غرب شندي على الانترنت.
Author: معاذ حسن
Date: 04-06-2010, 08:53 AM
Parent: #1
جاء في كتاب حصاد القرون
للمولف سعد الدين محمد احمد
(لا اعتقد ان احد منكم سمع من قبل بالكتاب او الكاتب.
جاء فيه ان مدينة الكلاكلة العظيمة اصلها يعود الى الجوير غرب شندي
وان سكان الكلاكلة الاصليون هم الجوارة الحمر
لذا فاول اولوياتنا من هذا الموقع هو استعادة ارض الاجداد الكلاكلةالسليبة.
((حمد العوضي هو حمد بن نافع بن حمير بن عوض بن رباط واغلب الكلاكله ينسبون انفسهم اليه وهو قادم من منطقة الجوير غرب شندي واما الزمان الذي حضر فيه فهو في اواخر السلطنة الزرقاء (1554م) .
قصة قدومه
كانت اشهر القصص والرويات عن قدوم حمد العوضي هي انه في سنة جدب المت بارض الشمال هاجر حمد وابناء عمومته قاصدين الصعيد لما يتمتع به من وفرة المياه والاعشاب والاراضي الخصبة وبينما وهو في طريقه وبالتحديد في منطقة الفتحياب بامدرمان اذا بفارس يغير علي راحلتهم ونازله حمد اذ انه كان فارس لايشق له غبار وفي الجوله الاخيرة اصاب حمد الفارس في صدره اصابه خفيفه فسمع صوت انثي تقول (واي صدري) فتبين له ان الفارس انثي وعرفت عن نفسها بانها فاطمة بنت الملك حسب الله الفنجاوي فكانت تقطع الطريق لتشبع قومها فاسرها لتعلم ابناءه الفورسيه وركوب الخيل وفي اثناء التدريب كانت تقول لابناء حمد الخيل كلكلوها لا تضربوها فاطلق الناس عليها كلكالت الخيل وعلي الابناء الذين تدربهم اولاد كلكله وحين كثر العدد اصبحوا كلاكله
لقد اتفق كل المورخين بان الكلاكله جعلين عوضيه من منطقة الجوير غرب شندي.))
هذا باعتراف سكان الكلاكلة انفسهم .
http://www.kalakla.com/showthread.php?t=5380
|
Post: #3
Title: Re: الجوير غرب شندي على الانترنت.
Author: معاذ حسن
Date: 04-06-2010, 10:07 AM
Parent: #2
عباس الوسيلة,,
ايدك معانا
|
Post: #4
Title: Re: الجوير غرب شندي على الانترنت.
Author: محمَّد زين الشفيع أحمد
Date: 04-06-2010, 11:20 AM
Parent: #3
مُعاذ ، كيف حالك ، وعساك طيِّب ، وحَمْدًا للهِ أنْ بسَطَ لَنا أسبابَ لقائكُمُ بعدَ طُولِ غياب.
التّحيَّةُ عبرَكَ لأهلي بالْجوير ، وأُخبِرُكَ أنِّيَ أتممتُ تسجيلي هُناك ، وأرجو أن أكونَ للمنبرِ إضافةً دُونَ خصم .
احترامي .
|
Post: #5
Title: Re: الجوير غرب شندي على الانترنت.
Author: KOSTA
Date: 04-06-2010, 12:03 PM
Parent: #4
الاخ معاذ
التحية لك و لمسقط راس الجدود و الاهل ....الجوير
و الشكر موصول لك و انت تفتتح البوست و ضربة البداية بوصل اهلك بالكلاكلات بموطنهم الاصلى
نتشرف بالموطن العزيز فى الجوير و نتشرف اكثر ان نكون من ابناء هذه البلدة الطيب و العريق اهلها
وان شاء الله سنسجل فى الموقع و نتواصل معكم
|
Post: #9
Title: Re: الجوير غرب شندي على الانترنت.
Author: معاذ حسن
Date: 04-06-2010, 06:15 PM
Parent: #5
Quote: التحية لك و لمسقط راس الجدود و الاهل ....الجوير
و الشكر موصول لك و انت تفتتح البوست و ضربة البداية بوصل اهلك بالكلاكلات بموطنهم الاصلى |
كوستا
مرحب بيك أتمنى ان نراك هناك قريبا
انتساب الكلاكلة الى الجوير معروف
وان شاء الله سوف تجد من خلال الموقع افادات وافية
وحا نعمل ان شاء الله توأمة بين البلدين الشقيقين
بس ما تجوا تطالبونا باراضي وورث ومحاكم وجرجرة.
مرحبا بك في مسقط راس الاجداد.
|
Post: #6
Title: Re: الجوير غرب شندي على الانترنت.
Author: معاذ حسن
Date: 04-06-2010, 03:28 PM
Parent: #4
Quote: وأُخبِرُكَ أنِّيَ أتممتُ تسجيلي هُناك ، وأرجو أن أكونَ للمنبرِ إضافةً دُونَ خصم .
|
محمد زين
كيفك يا صاحب
بالله شفت الدنيا دي ضيقة كيف!!
ربما لولا هذا الموقع
لما عرفت صلتك بالجوير مطلقا
رغم اننا تلاقينا كثيرا وتحدثنا في كل شيء
المؤكد انك سوف تكون اضافة حقيقية
نلتقي على الضفة الاخرى
شكرا ,,
|
Post: #7
Title: Re: الجوير غرب شندي على الانترنت.
Author: nazar hussien
Date: 04-06-2010, 04:06 PM
Parent: #6
يا اخي انا زاتي معاكم...وبي طيني...جروف وحواشات...
لكن انت ياتو في المعاذات...
الجوير دي فيها معاذين كتيرين...امكن اكبرهم معاذ حسن العوض...
ودا اكيد ما انت...ونمشي لي حوش ود العقيد فيه تلاتة معاذ...
والدكاكين فيها معاذين...وعشان يفرقوهم بسموهم بي اسماء
امهاتهم...
بلاي عليكم الله يا معاذ...فتشوا لي معاكم علي
الآتي اسماءهم لضمهم لبورد الجوير..
الاستاذ حافظ محمد زين
ومحمد عبدالله ابوسن..
واستاذ عبدالملك..
والطلوس
|
Post: #8
Title: Re: الجوير غرب شندي على الانترنت.
Author: nazar hussien
Date: 04-06-2010, 05:44 PM
Parent: #7
يا معاذ
كذلك اسعوا لضم:
محمد أحمد الفيلابي
الاستاذ عوض الله فضل الله
الاستاذة ابتسام قسم السيد وعبدالسلام اخوها
والدكتورة تماضر محمد عبدالله
وامل ميرغني عثمان ضبعة
وندي محمد عثمان
والاستاذ حسن علي الحضري
ومحمد علي الحضري
وامش بي غادي ادعو الاستاذ بابكر الشيخ سلمان
ومحمد احمد العوض (كركب)
لو ديل كلهم جو في حوشك تاني سودانيز اونلاين الا تعمل تخقيضات
|
Post: #10
Title: Re: الجوير غرب شندي على الانترنت.
Author: حمزه بابكر الكوبي
Date: 04-06-2010, 06:36 PM
Parent: #8
الصديق العزيز معاذ حسن
الف مبروك تدشين موقعكم ونتمني عبره كل التقدم والاذرهار لمنطقتكم
|
Post: #18
Title: Re: الجوير غرب شندي على الانترنت.
Author: معاذ حسن
Date: 04-07-2010, 07:40 AM
Parent: #10
Quote: الصديق العزيز معاذ حسن
الف مبروك تدشين موقعكم ونتمني عبره كل التقدم والاذرهار لمنطقتكم |
الصديق القديم الكوبي
شكرا يا عزيز,,
|
Post: #11
Title: Re: الجوير غرب شندي على الانترنت.
Author: معاذ حسن
Date: 04-06-2010, 07:39 PM
Parent: #8
Quote: محمد أحمد الفيلابي
الاستاذ عوض الله فضل الله
الاستاذة ابتسام قسم السيد وعبدالسلام اخوها
والدكتورة تماضر محمد عبدالله
وامل ميرغني عثمان ضبعة
وندي محمد عثمان
والاستاذ حسن علي الحضري
ومحمد علي الحضري
وامش بي غادي ادعو الاستاذ بابكر الشيخ سلمان
ومحمد احمد العوض (كركب)
|
الصديق الاسفيري القديم ابن الشاعر
جميع من ذكرت اصدقاء اعزء وستراهم قريبا في هناك.
يلا يا نزار في انتظارك
معاذ ابو صفحة
|
Post: #12
Title: Re: الجوير غرب شندي على الانترنت.
Author: عبّاس الوسيلة عبّاس
Date: 04-06-2010, 08:50 PM
Parent: #11
Quote: عباس الوسيلة,,
ايدك معانا |
الأعز الأستاذ معاذ
كل الود والشكر لكم على جهودكم لتكون الجوير ونلاين. حتى الرجوع لكم بمهلة سجلونا معكم.
1- دكتور علي بابكر الهدي
2- عبّاس الوسيلة عبّاس
وشكرا
عبّاس
|
Post: #13
Title: Re: الجوير غرب شندي على الانترنت.
Author: KOSTA
Date: 04-06-2010, 10:30 PM
Parent: #12
الاخ معاذ
تحياتى
تم التسجيل
جهزوا لينا الورثة و الطين بتاعنا
قالوا عندنا حبال على البحر دحين جهز اوراقها عشان نسجلها
نزار حسين
تحياتى يا قريبى و اوعى برضو " تغنجوا" بالورثة
|
Post: #14
Title: Re: الجوير غرب شندي على الانترنت.
Author: nazar hussien
Date: 04-07-2010, 07:00 AM
Parent: #13
لا بعد كدا ضروري نقول ليك استاذ معاذ...او سعادة المستشار...
داير ياتا فيهن؟؟ معاذ حاف كدي ما بتنفع...(اللبنانين بقولوا
مع حفظ الالقاب!!! العبارة دي انا لاهسي ما عارفا قاصدين بيها شنو؟؟؟
وبعدين مشيت اسجل كل مرة بقول لي في خانة ما مليتا ارجع املاها
واكون مالي الخانات كلها...والعجب الحروف التحت ديك...جهجهني جهجهة
لما تأكدت انو عندي عمي ألوان...لكن بحاول تاني
Quote: نزار حسين
تحياتى يا قريبى و اوعى برضو " تغنجوا" بالورثة |
يا كوستا يا صديق...هناك مافي زول بيأكل حق زول...طينك
بتلقاه قاعد بي كركيه الخلوه جدودك...الا يكون اكلوه ناس المؤتمر
|
Post: #15
Title: Re: الجوير غرب شندي على الانترنت.
Author: أيمن دياب
Date: 04-07-2010, 07:15 AM
Parent: #14
تحية لابن الجوير في الشرقية الأخ محمد جاد الله..
نعم الرجل ونعم المعرفة ونعم المثال..
|
Post: #17
Title: Re: الجوير غرب شندي على الانترنت.
Author: معاذ حسن
Date: 04-07-2010, 07:33 AM
Parent: #15
Quote: تحية لابن الجوير في الشرقية الأخ محمد جاد الله..
نعم الرجل ونعم المعرفة ونعم المثال |
ايمن دياب
كيفك يا عزيز
ابناء احمد جاد الله أناس اكارم ونعم الاخوان,,
بالله ادي محمد خبر عن الموقع وهذه عوة لك اولا وله ,,
شكرا ايمن.
|
Post: #16
Title: Re: الجوير غرب شندي على الانترنت.
Author: معاذ حسن
Date: 04-07-2010, 07:22 AM
Parent: #7
Quote: بلاي عليكم الله يا معاذ...فتشوا لي معاكم علي
الآتي اسماءهم لضمهم لبورد الجوير..
الاستاذ حافظ محمد زين
ومحمد عبدالله ابوسن..
واستاذ عبدالملك..
والطلوس |
نزار
المذكورين الثلاثة في البداية ستجدهم على الضفة الغربية قريبا
اما الطلوس فدينا اكثر من ثلاثة طلاليس ايهم تقصد؟
احتياطي كدا حا نجيبهم ليك كلهم
بس تعال.
|
Post: #19
Title: Re: الجوير غرب شندي على الانترنت.
Author: KOSTA
Date: 04-08-2010, 12:29 PM
Quote: يا كوستا يا صديق...هناك مافي زول بيأكل حق زول...طينك
بتلقاه قاعد بي كركيه الخلوه جدودك...الا يكون اكلوه ناس المؤتمر |
يا نزار
اكان كده نمشى نسجل الفدادين الليلاتنا قبل الانتخابات
عشان الجماعة يمكن يغيروا رأيهم بعدين
بس شوف لينا النواصى
امتنانى
|
Post: #20
Title: Re: الجوير غرب شندي على الانترنت.
Author: KOSTA
Date: 04-15-2010, 12:22 PM
Parent: #19
الاخ معاذ
زميلتنا فى الدوحة الدكتورة نفيسة احمد المأمون هى احدى الصور المشرقة لبنات الجوير
و هى ستقوم بالتسجيل بالموقع قريباً جداً
تحياتى
|
Post: #21
Title: Re: الجوير غرب شندي على الانترنت.
Author: محمد عبدالرحمن
Date: 04-15-2010, 12:49 PM
Parent: #20
أنا غنيت ليك بي قياس
صنديد لي الولايا ولي الضلع قصاص
ويا مطر السواري الليك هبوب ورشاش
وسيد دينا قبيل .. قبل الناس تعرف الناس
وهيلك من قديم قبل الناس تعرف الناس
ومحكر الديوان .. وثابت يا أب قلب
تقابة لي النيران
وين متل الحسن
ويا الحسن يا الحسن الفي العايلة ما تسمى
وما ضبح الرباية ودردمن ولمّ
ويا حنكي البليغ الما بردد الكلمة
:
وتلب يا صقر
توِّر الرخم مني
وتلب يا الحسن
توِّر الرخم مني
وتلب يا صقر
فرق الرخم مني
وتلب يا الحسن
فرق الرخم مني
قنص يا الحسن
توِّر الرخم مني
هوي النيل والتساب فوق البلد عمّ
ود ضبعة التساب فوق البلد عمّ
يا ولادة النجاح المابتلدك البلمة
هوي ود ضبعة التساب الفوق البلد عم
تقول الرواية ان اهلنا التويمات وهم قوم اشتهروا بحفظ القران وتعليمه
تقول الرواية انهم هاجروا من الجوير فى عهد بعيد مضى واستقروا
بالجزيرة ..وبقى بعضهم بالجوير ..انقطع التواصل بين هؤلاء واولئك
لكن حتما تلقتى اصواتهم عند الفجر فى الاثير وهم يتلون
كتاب الله ...
مبروك يامعاذ الموقع وسنقوم بزيارته بين الفينة والاخرى ..
|
|