ولــــع لــي الــنــحــرقــو

شوية نوستلقيا من الزمن الجميل

يالملا

Quote: يا فيصل دا ساردين ولا شنو

معقولة دي انت اصغر من فيصل للدرجه دي ؟؟؟؟

دة الNavy Cut!!

فيسل مسكاقنا

لازم تخت اللوحه دى على راس البوست
تحياتى واشوقى
بالمناسبه شيقوق بدخن ولا بسف
مودتى

عمك كمــال

كتب العم كمال عطا

Quote: بالمناسبه شيقوق بدخن ولا بسف

بمناسبة السف دي

واحد قالو ليهو بقرتك سافة

قال ليهم اخير من
البتسجرـ


ــــــــــــــــ
شيقوق بتعرف ابوقندول ?

عمو كيمو

Quote: بالمناسبه شيقوق بدخن ولا بسف

لا بعوم عوم جنا الوزين





فيسل المسنوح

Quote: شيقوق تعرف ابو قندول

لا بعرف كادوقلي

كتب المسنوح المولاّ عمر

Quote: يا فيصل دا ساردين ولا شنو ما تشرح لينا يا أخي إنت قايل كل صاحب مركب قبطان يعني ، أنا غايتو قرببببت أقول سجاير لكين غيرت رأي في آخر لحظه ، تفتيحه مش كده (طبعاً ما قلت شفت لأن الإسم مسجل بإسم وليد وهو مرشح في الإنتخابات كمان.

لا جقاجق .

وليد شنو يا زول(محمد معانا ما تخشانا).

جرسو دا الا يبيع بيهو العدة

مؤدتي

بالله دا سيجاير يعني!
ههه...........

فيصل..... مسكاقنا
الليله يا فيسل رجعتنا لاحلى الايام وذالك الزمن الجميل
هل تصدق انو سجائر البحارى كانت تباع بعدة عبوات مختلفه
من بينها العلبه الموجوده فوق الكلام ده
طبعا البحارى حق الجيل السبقنا امام نحن فحضرنا زمن الروثمان
وكنت ننتظر دعيتو فى السينما بما فيها من تميز

عمك كمــال

يا علب السجااااااااااااااااااااااااااااااير

_______________________
مساك انناس

فيسل ...... مسكاقنا

هاك التشكيله دى من سجائر زمان
عمك كمــال

قريبى الباشمهندس ابو بكر.....مسكاقنا

يا باش نحنا اولاد صغـار
الوليدات ديل دايرين يكبرونا سااااأكت

يا شيقا

زمان ما كنتا بتبل السجارة بالريحة ?

ــــــــــ
لصقت في كعب الجزمة كبريتا ?

Quote: نحن فحضرنا زمن الروثمان

السيجارة روثمان والقزازة بيرة؟؟


بس قبل الروثمان كان في حاجة أسمها
gOLD fLAKEو ال Gold Leaf
أما البنسون فسبقه ال 555 والMatinee
أو حاجة بالشكل دا.
انا اصحابي إتعلموا السجاير بي
سجاير سيمسون؛ كان مكتوب على علبته
Made in Izmir, Turkey
العلبة فيها عشرة سجارات
بي قرشين ونص بس،
أما البرنجي فلا يعلى عليه.
ألحقنا بي علبته.

تحياتي

Quote: Quote: نحن فحضرنا زمن الروثمان السيجارة روثمان والقزازة بيرة؟؟ بس قبل الروثمان كان في حاجة أسمها gOLD fLAKEو ال Gold Leaf أما البنسون فسبقه ال 555 والMatinee أو حاجة بالشكل دا. انا اصحابي إتعلموا السجاير بي سجاير سيمسون؛ كان مكتوب على علبته Made in Izmir, Turkey العلبة فيها عشرة سجارات بي قرشين ونص بس، أما البرنجي فلا يعلى عليه. ألحقنا بي علبته. تحياتي

الحقيقة قلت أدخل البوست دا
عشان (أفك بيهو "الهكرة")
كنت قاعد حوالي عشرة أيام مهَكَّر
والشكر للباشمهندس بكري

تحياتي

يا فيصل إن كان الأمر يتعلق بالتدخين وولع لي النحرقو فإني لك من الناصحين عليه بالشيشه ففيها الكثير من الفوائد ، فمنظرها جميل ، وهي ضرب من ضروب تدخين نظام كوبري أو إني أستنشق تحت الماء إني أشفط أشفط إني أشفط وفي نهاية الكوبليه دا بالذات تقلل شوية من الشفط يعني تشفط بحنيه ودي أسأل فيها ناس الموسيقى.
على كل حال شوف الصور دي وقول لي رأيك لأنني بعد أسبوع ماشي تركيا وممكن أشحن ليك بالـ cargo شيشه شيشتين تلاته ، وأنا بصراحة على خط الإنتاج بس لكين كل المواد الخام من فحم ومعسل وهلم دي عليك إنت فأنا أخشي أن أنقل مواد محظورة.

شيشه وسبحه يعني ممكن after ISHSHA Prayerا.


خليل خليل خليل ما في واحد جمبك طيب شوف الفوق دي شيشه كوز هس أسمع وبس مالك داير تجيب لينا الهوا إنت مش عارف انو الهوا بطفي النار والجماعه قاعدين يغنو ليها تقول هندوس النار ولعت


ودي بقي يا أبو الخل تقدر تقول عليها new release نظام شيشه وكفتيرة شاي يعني إثنين في واحد


الشيشه دي ما حصلت يعني نظام Multi Users وبدون باسوورد ولا يحزنون كل واحد يدخل قدومو في الخرطوش القدامو ويشفط وإنت وقوة تحملك يا جبت هوا يا جبت شلوفة جارك

Quote: السيجارة روثمان والقزازة بيرة؟؟

قريبى درديرى ساتى

تعال نتم ليك الناقصه
لك الود والتحيه

قريبي احمد محمد بشير

زمان كنا بنقص علبة السجائر من النص

و ندخل الجزء الفوقاني في الجزء الاسفل

لخلق علبة سجائر اصغر

انتو برضو في زمنكم دا عشتوا الطقس دا ?