Post: #1
Title: الســــبت 10 ابـــــريـل,,,,
Author: abuguta
Date: 04-06-2010, 05:17 AM
ربالية فى شارع الملك فهد,,حتى المطاوعة بخافوا منها
عندها سبعة ودعات,,,وقفت عندها مع انى لا اؤمن بالمنجمين
قلت احسن اشوف حظى معها,,
طبعا عندى اشياء مسببه لى قلق شديد
الشركة التى اعمل بها شايف السعودين زاحفين
كمان عاوز اعرف سنين الغربة وهل حاقدر ابنى لى بيت ام لا
قبل بناتى ديل ما يدخلن المدرسة ,لو دخلن ستنطبق على ماسى ناس كتار انا معايشها معهم
طلعت ليها 10 ريال ,,فقلت ليها اضربى الودع
قالت لى انت اول مرة تجى هنا مش...؟؟؟..قلت ليها عرفت كيف ,,ردت لانك ما عارف الرسوم كم
قلت ليها كم قالت لى اسعال المطاوعة ديلاك...بلهجة سودانية
قلت ليها قولى كم وانا ادفع,,,قالت عشان زبون جديد بضرب ليك الودع بالعشرة دى
بس من الذى دلاك الى هنا,,,,لان زبائنى ليس سودانين ,,قلت ليها جابتنى السكة
طيب خلينا نشوف حظك.......؟؟؟؟؟؟؟
يتبع
|
Post: #2
Title: Re: الســــبت 10 ابـــــريـل,,,,
Author: abuguta
Date: 04-06-2010, 05:27 AM
Parent: #1
قامت سالتنى سوال فى السياسة
مسجل فى الانتخابات ,,,قلت ليها ايوة
قالت لى ما ح تصوت,,؟؟؟؟
قلت ليها يعنى ح ياجلوها
قالت: لى ما شايف الودعة المطرفة دى
قلت ليهاايوة شايفها,,,عاين ليها كويس
بصراحة كدا ياجماعة ودعات المرة دى كانن كلهن بيضضضض
لكن لما كشكشتن بقن لونهن رمادى,,بالذات الودعة المطرفة...؟؟؟؟؟؟
يتبع
|
Post: #3
Title: Re: الســــبت 10 ابـــــريـل,,,,
Author: abuguta
Date: 04-06-2010, 05:38 AM
Parent: #2
المهم ياجماعة الخير
المرة دى قالت لى ,,امشى منى ياولد
وكمان شيل عشرتك معاك,,,خلينى اشوف رزقى
قلت ليها عليك الله ياحاجة ورينى فى شنو
اشوفها فتحت الجوال,,واتصلت على شخص اخر اظنه ابنها
قالت ليها اشرت ,,,قال ليها ايوة
قالت ليه,,,اركب فى اقرب طيارة قبل يوم السبت
ولو مافى امشى الميناء اليوم
قلت ليها فى شنو ياحاجة
قالت لى ياولد زح منى
اها ياجماعة عندكم تفسير للموضوع دا,,,
ولا اطغاث احلام
او نقول كذب المنجمون ولو صدقو
انتهت السالفة
|
|