Post: #1
Title: لمن يريد الابحار في لغــــة الرانـدوك (أمثلة مواكبة)
Author: mayada kamal
Date: 04-05-2010, 11:53 AM
ضفادع+نحل+دبايب +ضهب + مظلات = شخص يفرض نفسه ويتواجد فى كل مكان (زول ما معزوم )
مرطّب= مرتاح أو بحاله ممتازه.
ربه=حفله.
دكاكينيه= خاصه.
ياعمك= ياأخونا.
كهارب+حنه +فله + ضحاكات + قنزب + شرتيت= فلوس اونقود.
هكر+شجر= زول قديم.
قلب= أنسان عزيز.
شتت+تلاشى= ذهب أوغاب.
شاكوش او همر =عندما يقابل شخص بالصد والرفض خصوصا من فتاه.
شديد+دسيس+مكسب + زابط = أمرجميل رايع.
تفاتيح+شرامه= الشخص الذى يدعى معرفته بالامور.
هوى بارد= شى لاتحمد عقباه.
القسم+القرد+غرز + الفقس = أسماء لرقصات شبابيه.
قائد الاسطول= مسطول
سكروتا + مسنن = سكران .
ورل= اكبردرجه من(دبيب ونحل وضفادع) .
سحلية + حربويه = البنت التى تفرط من أستخدام مستحضرات تفتيح البشره.
نجرته + بيكمون + عقربه + غنمايه + الناموسة = البت الشينه
عشمانا+غدمبليه+سفاسف + جومة + عضة = اكل او طعام
مهوى= جائع.
كبايه + كبابه = أنسان يتوتر بتعامله مع الجنس اللطيف.
لغم= أنسان صاحب تخريب وتدمير. او انسان ما مرحب بيو في الحته
تبشه= شخص(عوير(
مسطح= شخص لم يفهم ال م وضوع.
فاره + فرندقس ساي = شخص لا يعرف شي
الجلكين = الوالد
الجلك = الشخص الكبير
الألفة = الأخ الكبير
حرس الصيد = الحبوبة
الطيارة =من لا حبيبه له
شرط للأرض ==سمحة شديدة .
بيض == زول أي كلام .
حنااااك == يعني زول لسانو حلو
الحنك شنو = الموضوع شنو او الخبر شنو
بُقاقه = بنت سمحة
قرمبوزه = بنت عمر 18 عام
سنقنق = بنت في عمر الزهور
نار منقد + نجاضه + شديدة = يعني بت سمحة شديد
الاستكش + الخدرا + بشرب الشديد = البنقو او سجاير البنقو
والله داير اعمل أبو حمامة : داير امشي الحمام
خوجلي عثمان : تعنى الخجل الشديد
عشه الفلاتية : تعني وجبة العشاء
فاطنة الحاج: تعني الفطور
الفاتح النقر: التجاهل
عبد العظيم حركة : عامل حركات
عمر إحساس : متحسس شوية
زيدان إبراهيم : تعني الوصلة : زيادة الأكل
صلاح مصطفي: الإصلاح بين شخصين
على السقيد : شخص يحب السهر
كمال ترباس : قفلت الموضوع
عقد الجلاد : عقد الزواج
صديق منزول : النزول
أبو القاسم الشابي = قسمة الأشياء وبالتساوي
محمد مسكين= الشخص المسكين
جوزيف لأقو =مجازفة
جيبب بحنة + حبكة = آلف جنيه
الحمرا =خمسة آلف
الزرقاء= عشرة آلف
هاجر كباشي= عشرين
نانسي عجرم= خمسين
متر= مائة
|
Post: #5
Title: Re: لمن يريد الابحار في لغــــة الرانـدوك (أمثلة مواكبة)
Author: mayada kamal
Date: 04-05-2010, 01:02 PM
Parent: #2
خضر حسين يا قريبي
وين الحي بيك
حبابك
وكتر خير المؤتمر الوطني الضحكك
ههههههه
|
Post: #3
Title: Re: لمن يريد الابحار في لغــــة الرانـدوك (أمثلة مواكبة)
Author: ALZOLZATOO
Date: 04-05-2010, 12:09 PM
Parent: #1
بي لغة الرندوك
انتو ح تصوتو لي رمز الهكرة حسب الوارد اعلاه 
غايتو في زمنا لغة الرندوك كانت خاصة بالاولاد الشرامة لكن باين المراة اخدت حقها بالكامل في السودان لووولز
تحياتي
زاتوووو
|
Post: #8
Title: Re: لمن يريد الابحار في لغــــة الرانـدوك (أمثلة مواكبة)
Author: mayada kamal
Date: 04-05-2010, 04:04 PM
Parent: #3
Quote: غايتو في زمنا لغة الرندوك كانت خاصة بالاولاد الشرامة لكن باين المراة اخدت حقها بالكامل في السودان لووولز
تحياتي
زاتوووو |
حبيبنا الزول زاتو
يعني اكيييييييييد زمنا وزمنكم ما واحد
ولا الزمن حيتوقف علي الكان بيسووه في زمنكم بس
هنالك تطور بغض النظر عن انه للاحسن او للاسوأ
|
Post: #4
Title: Re: لمن يريد الابحار في لغــــة الرانـدوك (أمثلة مواكبة)
Author: ود شاموق
Date: 04-05-2010, 12:58 PM
Parent: #1
| Quote: هكر+شجر= زول قديم. |
المعادلة دي محتاجة شرح أكتر.
|
Post: #6
Title: Re: لمن يريد الابحار في لغــــة الرانـدوك (أمثلة مواكبة)
Author: وليد شريف
Date: 04-05-2010, 01:07 PM
Parent: #4
خلاص دايرين تبوظوا الرندوك بعد ما بوظتوا السودان
|
Post: #7
Title: Re: لمن يريد الابحار في لغــــة الرانـدوك (أمثلة مواكبة)
Author: الامين موسى البشاري
Date: 04-05-2010, 03:38 PM
Parent: #6
الأخت ميــــــادة كمال
تحاياي،،،
شوفي البنية دي وهي ترثي بعلها بالراندوك
قعدت في نص الظلط ويلا هاك يا ثكلي وقالت :
الليلة يا عشا البايتات........ يا فردة
بدري علي الشتات ......... يا فردة
انت ليه تتلحس..............يا فردة
في يوم العرس............. يا فردة
خليتني وراك رملة..... يا فردة
يا اب سجارتن قصبة..... يا فردة
يا الشرط وما.. شين..... يا فردة
يا الصغير.. وما.. جلكين... يا فردة
يا الخدرتك ...عجور.... يا فردة
حليلك انت يا اب بابور.. يا فردة
ما بتعرف الفلس........ يا فردة
واصلك... ما دقس ..... يا فردة
من بعدك البيت....... يا فردة
عدمان الشرتيت. ..... يا فردة
انت يا العنقالي......... يا فردة
يا الساتر احوالي .......يا فردة
يا البتريد البوش.........يا فردة
يا الماك حنكوش....... يا فردة
ههههههههههههههههه هههههههههههههههههههههه
مبالغة صااااااااااااح
____________
عليك الله هسي في داعــي لجنس دا
تفتحوا في البوستات تخلوا الواحد يفك فــرمالاته ويقعد باقي الربع ده يتفرج ساااااي
|
Post: #9
Title: Re: لمن يريد الابحار في لغــــة الرانـدوك (أمثلة مواكبة)
Author: وليد عبد اللطيف
Date: 04-07-2010, 07:48 AM
Parent: #7
ود الصايم
انت تضحك بس ماعندك اضافة
|
Post: #10
Title: Re: لمن يريد الابحار في لغــــة الرانـدوك (أمثلة مواكبة)
Author: علي الكرار هاشم
Date: 04-07-2010, 08:05 AM
Parent: #9
والله ضحكتونا من الصباح
والواحد زي الاطرش في الزفه
من الراندوك
زاتو
اكيد كل المغتربين
مسطحين
عشان كدي صديقنا وليد شريف قام هرب للسيلسة
| Quote: خلاص دايرين تبوظوا الرندوك بعد ما بوظتوا السودان |
|
Post: #11
Title: Re: لمن يريد الابحار في لغــــة الرانـدوك (أمثلة مواكبة)
Author: عبدالله ود البوش
Date: 04-07-2010, 08:12 AM
Parent: #10
ات يا ميادة بتي وكت بتعرفي النضمي دا كلو
أأأأأأأأأأأأأأأأحححححححححح ديك ما ادوكن ليها ؟
.
.
تحياتي واحترامي
|
Post: #12
Title: Re: لمن يريد الابحار في لغــــة الرانـدوك (أمثلة مواكبة)
Author: وليد عبد اللطيف
Date: 04-07-2010, 08:17 AM
Parent: #10
Quote: جيبب بحنة + حبكة = آلف جنيه
الحمرا =خمسة آلف
الزرقاء= عشرة آلف
هاجر كباشي= عشرين
نانسي عجرم= خمسين
متر= مائة |
على كرار
شوف جنس دا
ياخي المغتربين الزينا موش مسطحين ياخي نحنا طلعنا مامواكبين
مياده كمال
يعني نصدق كلام الفنان ( زكريا ) بأن واحد بكتب بأسمك ولا شنو
هههههههههههه
|
|